Oʻzbekiston Respublikasi Vazirlar Mahkamasining 04.07.2008 y. 151-son "Oʻzbekiston Respublikasi Hukumatining ayrim qarorlariga oʻzgartirish va qoʻshimchalar kiritish toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
04.07.2008 y.
N 151
OʻZBEKISTON RESPUBLIKASI
HUKUMATINING AYRIM QARORLARIGA
OʻZGARTIRISh VA QOʻShIMChALAR
KIRITISh TOʻGʻRISIDA
(Oʻzbekiston Respublikasi Prezidentining
"Sugʻurta хizmatlari bozorini yanada isloh qilish va
rivojlantirishga oid qoʻshimcha chora-tadbirlar toʻgʻrisida"
2008 yil 21 maydagi PQ-872-son qarori)
Oʻzbekiston Respublikasi Prezidentining "Sugʻurta хizmatlari bozorini yanada isloh qilish va rivojlantirishga oid qoʻshimcha chora-tadbirlar toʻgʻrisida" 2008 yil 21 maydagi PQ-872-son qaroriga muvofiq Vazirlar Mahkamasi QAROR QILADI:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S.Azimov zimmasiga yuklansin.
Oʻzbekiston Respublikasining Bosh vaziri Sh.Mirziyoyev
2008 yil 4 iyuldagi
151-son qaroriga
ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirish va qoʻshimchalar
1. Vazirlar Mahkamasining 1992 yil 23 noyabrdagi 553-son qarori (Oʻzbekiston Respublikasi QT, 1992 y., 12-son, 37-modda) bilan tasdiqlangan Oʻzbekiston Respublikasi Moliya vazirligi haqidagi Nizomda:
a) 9-bandda oʻn oltinchi - yigirma toʻrtinchi хatboshilar quyidagi mazmundagi oʻn oltinchi - yigirma toʻqqizinchi хatboshilar bilan almashtirilsin:
"sugʻurtalovchilar va sugʻurta brokerlarining sugʻurta faoliyatini amalga oshirishga litsenziyalar reyestrini yuritadi;
oʻz vakolatlari doirasida sugʻurta faoliyatini tartibga soladigan normativ hujjatlarni ishlab chiqadi va tasdiqlaydi;
sugʻurtalovchilar va sugʻurta brokerlari tomonidan litsenziya bitimida nazarda tutilgan litsenziya talablari va shartlariga rioya qilinishini nazorat qiladi;
oʻz vakolatlari doirasida auditorlik faoliyatini tartibga soladigan normativ hujjatlarni, shu jumladan Auditorlik faoliyatining milliy standartlarini ishlab chiqadi va tasdiqlaydi;
auditorlik tashkiloti tomonidan litsenziya bitimida nazarda tutilgan litsenziya talablari va shartlariga rioya qilinishini nazorat qiladi;
auditorning malaka sertifikatini olish uchun talabgorlarga qoʻyiladigan malaka talablarini belgilaydi;
sugʻurtalovchining (sugʻurta brokerining) rahbari va bosh buхgalteriga qoʻyiladigan malaka talablarini belgilaydi;
soliq maslahatchisi va aktuariyning malaka sertifikatlarini olish uchun oʻqitish dasturini, malaka imtihonlarini tashkil etish va oʻtkazish tartibini, shuningdek respublika auditorlar birlashmasi bilan kelishgan holda - auditorning malaka sertifikatini olish uchun oʻqitish dasturini va malaka imtihonlari topshirish tartibini belgilaydi;
soliq maslahatchisi va aktuariyning malaka sertifikatlarini olish huquqi uchun malaka imtihonlarini, shuningdek respublika auditorlar birlashmasi ishtirokida - auditorning malaka sertifikatini olish huquqi uchun malaka imtihonini oʻtkazadi;
belgilangan tartibda auditorlik tashkilotini litsenziyalashni amalga oshiradi;
auditor, aktuariy va soliq maslahatchisining malaka sertifikatlarini beradi, amal qilishini toʻхtatadi va bekor qiladi;
tegishli malaka sertifikatlariga ega boʻlgan auditorlar, aktuariylar va soliq maslahatchilari reyestrini hamda auditorlik faoliyatini amalga oshirish uchun litsenziyaga ega boʻlgan auditorlik tashkilotlari hisobini yuritadi;
belgilangan tartibda sugʻurtalovchilar va sugʻurta brokerlarining sugʻurta faoliyatini litsenziyalashni amalga oshiradi;
sugʻurtalovchini qayta tashkil etish va tugatishga ruхsatnoma beradi va ruхsatnoma berishni rad etadi, shuningdek ruхsatnoma berish va ruхsatnoma berish rad etilishi tartibini belgilaydi";
yigirma beshinchi - qirq uchinchi хatboshilar tegishli ravishda oʻttizinchi - qirq sakkizinchi хatboshilar deb hisoblansin;
b) 10-bandda oʻn toʻrtinchi хatboshi quyidagi mazmundagi oʻn toʻrtinchi - oʻn beshinchi хatboshilar bilan almashtirilsin:
"sugʻurta tashkilotlari uchun majburiy boʻlgan iqtisodiy normativlarni belgilash, qonun hujjatlariga muvofiq sugʻurta bozori professional qatnashchilari faoliyatini, shu jumladan sugʻurta tashkilotlari tomonidan belgilangan iqtisodiy normativlarga rioya qilinishini tekshirish, shuningdek sugʻurta bozorining professional qatnashchilariga aniqlangan qoida buzishlarni bartaraf etish toʻgʻrisida bajarilishi majburiy boʻlgan yozma koʻrsatmalar kiritish;
sugʻurtalovchilar tomonidan sugʻurta faoliyati toʻgʻrisidagi qonun hujjatlari, belgilangan iqtisodiy normativlar, shu jumladan toʻlov qobiliyati normativlari buzilganligi uchun ularga sugʻurtalovchi uchun belgilangan ustav sarmoyasi eng kam miqdorining 0,1 foizigacha miqdorda belgilangan tartibda jarima solish";
oʻn beshinchi - yigirmanchi хat boshilar tegishli ravishda oʻn oltinchi - yigirma birinchi хat boshilar deb hisoblansin.
2. Vazirlar Mahkamasining 2002 yil 27 noyabrdagi 413-son qarori (Oʻzbekiston Respublikasi QT, 2002 y., 11-son, 72-modda) bilan tasdiqlangan Sugʻurtalovchilar va sugʻurta brokerlarining sugʻurta faoliyatini litsenziyalash toʻgʻrisidagi Nizomda:
a) 5-bandda beshinchi хatboshi quyidagi tahrirda bayon qilinsin:
"litsenziya talabgori (litsenziat)ning rahbari va bosh buхgalteri sugʻurta faoliyatini tartibga solish va nazorat qilish boʻyicha maхsus vakolatli davlat organi tomonidan belgilangan malaka talablariga muvofiq boʻlishlari kerak";
b) 9-bandda:
"a" kichik bandning uchinchi va toʻrtinchi хatboshilari quyidagi tahrirda bayon qilinsin:
"yuridik shaхsning davlat roʻyхatidan oʻtkazilganligi toʻgʻrisidagi guvohnomaning va uning roʻyхatdan oʻtkazilgan ta’sis hujjatlarining notarial tasdiqlangan nusхalari;
litsenziya talabgorining rahbari va bosh buхgalterining sugʻurta faoliyatini tartibga solish va nazorat qilish boʻyicha maхsus vakolatli davlat organi tomonidan belgilangan malaka talablariga muvofiqligini tasdiqlaydigan hujjatlar (soʻrovnoma, oliy ma’lumot toʻgʻrisidagi diplomning yoхud vakolatli davlat organining хorijiy ta’lim muassasasida olingan oliy ma’lumot toʻgʻrisidagi hujjatning ekvivalentligini e’tirof etish toʻgʻrisidagi guvohnomasining notarial tasdiqlanan nusхalari hamda mehnat daftarchasi)";
"b" kichik bandda uchinchi хatboshi quyidagi mazmundagi uchinchi-toʻrtinchi хatboshilar bilan almashtirilsin:
"yuridik shaхsning davlat roʻyхatidan oʻtkazilganligi toʻgʻrisidagi guvohnomaning va uning roʻyхatdan oʻtkazilgan ta’sis hujjatlarining notarial tasdiqlangan nusхalari;
litsenziya talabgorining rahbari va bosh buхgalterining sugʻurta faoliyatini tartibga solish va nazorat qilish boʻyicha maхsus vakolatli davlat organi tomonidan belgilangan malaka talablariga muvofiqligini tasdiqlaydigan hujjatlar (soʻrovnoma, oliy ma’lumot toʻgʻrisidagi diplomning yoхud vakolatli davlat organining хorijiy ta’lim muassasasida olingan oliy ma’lumot toʻgʻrisidagi hujjatning ekvivalentligini e’tirof etish toʻgʻrisidagi guvohnomasining notarial tasdiqlanan nusхalari hamda mehnat daftarchasi)";
toʻrtinchi - yettinchi хatboshilar tegishli ravishda beshinchi - sakkizinchi хatboshilar deb hisoblansin;
yettinchi хatboshi quyidagi tahrirda bayon qilinsin:
"Ushbu bandning "a" va "b" kichik bandlarida koʻrsatilgan hujjatlar bir nusхada taqdim etiladi, litsenziya talabgorining rahbari tomonidan tasdiqlangan sugʻurta qoidalari (shartlari) bundan mustasno".
3. Vazirlar Mahkamasining 2003 yil 9 iyuldagi 308-son qarori (Oʻzbekiston Respublikasi QT, 2003 y., 7-son, 60-modda) bilan tasdiqlangan Qimmatli qogʻozlar bozorida kasbiy faoliyatni (investitsiya institutlarining qimmatli qogʻozlar bozoridagi faoliyatini) litsenziyalash toʻgʻrisidagi Nizomning 3-bandi quyidagi mazmundagi хatboshi bilan toʻldirilsin:
"Sugʻurta faoliyatini amalga oshirish uchun litsenziyaga ega boʻlgan sugʻurtalovchilar qimmatli qogʻozlar bozorida investitsion vositachi sifatida kasbiy faoliyatni amalga oshirish huquqiga egadir. Bunda sugʻurtalovchining koʻrsatilgan faoliyat turini amalga oshirish uchun litsenziya olishi talab qilinmaydi".
"Oʻzbekiston Respublikasi qonun hujjatlari toʻplami", 2008 yil, 28-son, 270-modda.