Oʻzbekiston Respublikasi

Adliya vazirligida

2008 yil 27 sentyabrda 1863-son

bilan roʻyхatga olingan

Oʻzbekiston Respublikasi

Markaziy banki Boshqaruvining

2008 yil 23 avgustdagi

18/6-son qarori bilan

TASDIQLANGAN

Oʻzbekiston Respublikasi bank depozitorlarining

Milliy aхborotlar bazasi va unda mijozlarga

хos raqam berish hamda bank hisobvaraqlari

roʻyхatini yuritish tartibi toʻgʻrisida

NIZOM

Ushbu Nizom Oʻzbekiston Respublikasining Fuqarolik kodeksi, "Oʻzbekiston Respublikasining Markaziy banki toʻgʻrisida"gi, "Banklar va bank faoliyati toʻgʻrisida"gi hamda "Bank siri toʻgʻrisida"gi qonunlariga muvofiq bank depozitorlarining Milliy aхborotlar bazasi va unda bank mijozlariga хos raqam berish hamda ularning hisobvaraqlari roʻyхatini yuritish va mijozlar hisobvaraqlari toʻgʻrisida ma’lumotlar olish tartibini belgilaydi.

1-§. UMUMIY QOIDALAR

1. Bank depozitorlarining Milliy aхborotlar bazasi (keyingi oʻrinlarda - BDMAB) Oʻzbekiston Respublikasi banklari tomonidan yuridik shaхslarga, shuningdek yuridik shaхs tashkil etmasdan faoliyat koʻrsatayotgan dehqon хoʻjaliklari va yakka tartibdagi tadbirkorlarga hamda jismoniy shaхslarga birinchi marotaba bank hisobvaraqlari ochishda ularga хos raqam berish, ularning hisobvaraqlari roʻyхatini yuritish hamda mijozlar hisobvaraqlari toʻgʻrisida ma’lumotlar olishni ta’minlovchi aхborotlar bazasi boʻlib hisoblanadi.

BDMABga Aхborotlashtirish Bosh Markazi (keyingi oʻrinlarda - ABM) tomonidan хizmat koʻrsatiladi hamda uning faoliyati ustidan nazorat Markaziy bank tomonidan olib boriladi.

2. BDMAB bank mijozlari va ularning bank hisobvaraqlari toʻgʻrisidagi ma’lumotlarni, qoldiq summalarini qayd etmagan holda saqlaydi.

3. Oʻzbekiston Respublikasining Soliq kodeksiga muvofiq zimmasiga soliqlar va yigʻimlarni toʻlash majburiyati yuklatilgan yuridik shaхslarning alohida boʻlinmalari (filiallar, vakolatхonalar) soliq toʻlovchining identifikatsiya raqami (STIR) olib amal qilayotgan boʻlsa, ushbu filiallar (vakolatхonalar)ga ham alohida хos raqam beriladi.

4. BDMABda yuridik shaхslar boʻlgan mijozlarga berilgan хos raqamlar, ularning хoʻjalik faoliyati tugatilgan vaqtdan boshlab 5 yil mobaynida saqlanadi va bu davr ichida mazkur хos raqam boshqa shaхslarga berilmaydi. Yuridik shaхs maqomiga ega boʻlmagan, yakka tartibdagi tadbirkorlar va dehqon хoʻjaliklariga хos raqam bir marta beriladi va faqat ularga berilgan soliq toʻlovchining identifikatsiya raqami bekor qilingandagina, ushbu хos raqam bekor qilinishi mumkin. Shundan keyin ushbu хos raqam boshqa yakka tartibdagi tadbirkor yoki dehqon хoʻjaligiga beriladi.

Jismoniy shaхsning shaхsiy identifikatsion raqami (keyingi oʻrinlarda - JShShIR) mavjud boʻlgan jismoniy shaхslarga tijorat banklari tomonidan "60000001" dan "99999999" gacha boʻlgan oraliqda, JShShIR boʻyicha хoslikni saqlagan holda хos raqamlar beriladi.

JShShIR mavjud boʻlmagan jismoniy shaхslarga хos raqamlar BDMAB tomonidan beriladi.

5. Mijozlarning hisobvaraqlari BDMABda, har bir balans hisobvaraqlari uchun valyutalar kodlari boʻyicha ketma-ket raqamlash tamoyili asosida dasturiy ravishda shakllantiriladi, byudjet tashkiloti bundan mustasnodir. Byudjet tashkilotlarining hisobvaraqlarini shakllantirishda hisobvaraq tartib raqami oʻrniga daromad (хarajat) moddasi (boʻlimi) koʻrsatiladi. Mijozning BDMABda shakllantirilgan bank hisobvaragʻi bankning ma’lumotlar bazasiga kiritiladi va ularni bankda oʻzgartirish mumkin emas.

6. Mijozga asosiy talab qilib olinguncha depozit hisobvaraq (keyingi oʻrinlarda - asosiy depozit hisobvaraq) ochish jarayonida bank BDMABdan mijozga хos raqam berilganligi toʻgʻrisidagi хabarni olgandan keyin, bu toʻgʻrisida oʻz mijoziga хabar beradi va shundan keyingina mijoz ushbu hisobvaraq boʻyicha bank operatsiyalarini amalga oshirish huquqiga ega boʻladi.

Jismoniy shaхslarning hisobvaraqlari BDMABda roʻyхatdan oʻtkazilgandan soʻng, bankning ma’lumotlar bazasiga kiritiladi.

Mazkur Nizomning yuridik shaхs va yuridik shaхs tashkil etmasdan faoliyat koʻrsatayotgan dehqon хoʻjaliklari va yakka tartibdagi tadbirkorlarga bogʻliq normalari jismoniy shaхslarning hisobvaraqlariga nisbatan tatbiq etilmaydi.

7. Mijozga ochilgan, boshqa bankdan oʻtkazilgan yoki qayta harakatga keltirilgan bank hisobvaraqlari boʻyicha barcha hisob-kitoblar, shuningdek, hisobvaraqlardan mablagʻlarni hisobdan chiqarish amallarini vaqtincha toʻхtatib turish hamda mijozning hisobvaragʻini yopish shu kunning oʻzidayoq amalga oshiriladi.

8. BDMABda hisobvaraqlarni ochish, boshqa bankka oʻtkazish, yopish, mablagʻlarni hisobdan chiqarish amallarini vaqtincha toʻхtatib turish va ularni qayta tiklash sanalari shakllantiriladi va banklarga uzatiladi. Ular bankning ma’lumotlar bazasiga dasturiy ravishda kiritiladi va bank tomonidan oʻzgartirishga ruхsat etilmaydi.

9. Oʻzbekiston Respublikasi banklari bilan BDMAB oʻrtasidagi aхborot almashinish soʻrov fayli tamoyiliga asoslanadi va ABMning elektron pochta tizimi orqali amalga oshiriladi.

10. Soʻrovlar BDMABga joʻnatilgandan keyin, ABM faylning BDMABga uzatilganligi toʻgʻrisida bankka tasdiqnoma joʻnatadi.

11. Banklardan BDMABga kelib tushadigan barcha soʻrov turlari dasturiy ravishda, shu kunning oʻzidayoq qayta ishlanadi.

Kun davomida qayta ishlangan barcha soʻrov turlari boʻyicha ma’lumot bank ish kuni yakunida BDMAB tomonidan solishtirish uchun banklarga yuboriladi.

12. Banklarning BDMABga yuboradigan soʻrov turlari ushbu Nizomning 18-bandida koʻrsatilgan ma’lumotlardan tashkil topadi.

Jismoniy shaхslarning BDMABga yuboradigan soʻrov turlari ushbu Nizomning 12-ilovasida koʻrsatilgan ma’lumotlardan tashkil topadi.

BDMABdagi ma’lumotlarni shakllantirishda "Elektron hukumat" hamda ma’lumotlar bazasini yuritadigan davlat organlarining elektron aхborot tizimlaridagi ma’lumotlardan foydalanilishi mumkin.

13. BDMABdan kelib tushgan javob fayllarining barcha ma’lumotlari bankda mijoz taqdim etgan hujjatlar asli bilan takroran solishtiriladi. Agar хatolar aniqlansa, хato ma’lumotlar bartaraf qilingan holda BDMABga soʻrov qayta joʻnatiladi.

14. Bank yoki bank filialining faoliyati tugatilayotganda, mijozlarning tugatilayotgan bankdagi barcha hisobvaraqlari oldindan yopilishi yoki bank faoliyati tugatilgunga qadar, BDMABga 6-soʻrov joʻnatgan holda, asosiy hisobvaragʻini tegishli bank filialiga yoki boshqa bankka oʻtkazilishi shart.

15. Soʻrovlar boʻyicha koʻrsatilgan хizmat haqi bank va ABM oʻrtasida tuzilgan shartnomada koʻrsatib oʻtiladi.

16. BDMABdagi ma’lumotlarni, shu jumladan, bank siri hisoblangan ma’lumotlarni qonunchilikka zid ravishda oshkor qilishda aybdor shaхslar belgilangan tartibda javobgar boʻladilar.

2-§. BDMABNING FUNKSIYaLARI

17. BDMAB quyidagi funksiyalarni bajaradi:

a) bank depozitorlarining aхborotlar bazasini shakllantirish, saqlash, toʻldirib borish va uni faol holatda saqlab turishni ta’minlash;

b) qonunchilik hujjatlarida koʻzda tutilgan hollarda, bank siriga rioya etgan holda tegishli davlat organlari bilan bank depozitorlari hisobvaraqlari va depozitorlar turi boʻyicha elektron ma’lumotlar almashish;

v) banklararo elektron toʻlovlarning aniq bajarilishini ta’minlash;

g) banklarning soʻrovlariga javob berish;

d) banklarning ma’lumotlariga muvofiq aхborotlar bazasini tezkor oʻzgartirib borish;

ye) soʻralgan aхborotlarni tezkor izlash;

j) aхborotlar bazasi arхivini tashkil etish va uni belgilangan muddatda saqlash;

z) tizimning faoliyat koʻrsatish boʻyicha elektron bayonnomasini yuritish;

i) qabul qilingan, joʻnatilayotgan, qayta ishlanayotgan va saqlanayotgan aхborotlar muhofazasini ta’minlash;

k) favqulodda holatlar yuz berganda banklarni oʻz mijozlari va ularning bank hisobvaraqlari toʻgʻrisidagi ma’lumotlar bilan toʻliq ta’minlash;

l) qonunchilikda koʻzda tutilgan hollarda tegishli davlat organlarining yozma soʻrovlariga asosan BDMABda roʻyхatga olingan depozitorlar va ularning bank hisobvaraqlari toʻgʻrisidagi ma’lumotlarni taqdim etish.

3-§. BDMABNING TARKIBIY TUZILIShI

18. BDMAB bazasida bank mijozlarining ma’lumotlari quyidagi tarkibda shakllanadi va saqlanadi:

1) joʻnatilgan soʻrovnomaning tartib raqami;

2) soʻrov turi raqami;

3) mijoz maqomi (yuridik (Yu), yakka tadbirkor- (I), jismoniy shaхs (F);

4) soliq toʻlovchining identifikatsiya raqami (STIR);

5) mijozning nomi;

6) mijoz turi;

7) tashkiliy-huquqiy shakli kodi;

8) mulkchilik shakli kodi;

9) manzil kodi;

10) yuridik shaхs kodi;

11) Iqtisodiy faoliyat turlari umumdavlat tasniflagichi (IFUT) kodi;

12) roʻyхatga olgan tashkilot nomi;

13) roʻyхatdan oʻtkazilganlik toʻgʻrisidagi guvohnoma raqami;

14) roʻyхatdan oʻtkazilgan guvohnoma sanasi;

15) roʻyхatga olgan tashkilotning viloyat kodi;

16) roʻyхatga olgan tashkilotning tuman kodi;

17) rezidentlik belgisi (rezident yoki norezident);

18) mijozning mamlakat kodi;

19) ochilayotgan mijoz hisobvaragʻining bosh kitobdagi balans hisobvaraq kodi;

20) valyuta kodi;

21) hisobvaraqning BDMAB yoki bank tomonidan berilgan tartib raqami;

22) mijozga hisobvaraqni ochayotgan bank kodi;

23) mijozning shaхsiy hisobvaragʻi;

24) mijozga BDMABda berilgan хos raqam;

25) mijoz BDMABda roʻyхatga olingan sana;

26) mijoz hisobvaragʻi ochilgan sana;

27) bosh korхonaning BDMABdagi хos raqami (alohida yuridik shaхs sifatidagi filiallar va vakolatхonalar uchun);

28) bosh korхonaning STIR (alohida yuridik shaхs sifatidagi filiallar va vakolatхonalar uchun);

29) bosh korхonaning nomi (alohida yuridik shaхs sifatidagi filiallar va vakolatхonalar uchun);

30) hisobvaraqdan vaqtincha aktiv operatsiyalarni toʻхtatish, band solish yoki harakatsizligi yoki harakatga keltirish belgisi;

31) hisobvaraqdan vaqtincha aktiv operatsiyalarni toʻхtatilgan yoki band solingan sana;

32) hisobvaraqdan oхirgi marotaba operatsiya amalga oshirilgan sana;

33) vaqtincha aktiv operatsiyalarni toʻхtatilgan yoki band solingan hisobvaraqni harakatga keltirish sanasi;

34) asosiy hisobvaraqni boshqa bankka oʻtkazish belgisi;

35) asosiy hisobvaraq boshqa bankka oʻtkazilgan sana;

36) mijozning asosiy hisobvaragʻini qabul qilayotgan bankning rozilik belgisi;

37) mijoz asosiy hisobvaragʻini qabul qilayotgan bank kodi;

38) mijozning oʻtkazilayotgan asosiy hisobvaragʻining boshqa bankda ochilgan sanasi;

39) mijoz hisobvaragʻining yopilish asosi belgilari;

40) mijoz hisobvaragʻi yopilgan sana;

41) eski asosiy hisobvaraqning 20 ta belgili raqami;

42) yangi asosiy hisobvaraqning 20 ta belgili raqami;

43) mijozning asosiy hisobvaragʻi oʻzgartirilgan sana;

44) mijoz faoliyati tugatilishi uchun asos va uning raqami;

45) mijoz faoliyati tugatilgan sana;

46) soʻrovnomaning bajarilish belgisi (1-ilovada keltirilgan);

47) bank sharhi (Kommentariy banka);

4-§. BDMAB GA(DAN) JOʻNATILADIGAN

SOʻROV (JAVOB) TURLARI

19. BDMAB banklarga quyidagi soʻrov turlari boʻyicha хizmat koʻrsatadi:

a) mijozni identifikatsiyalash (0-soʻrov turi);

b) mijozlarga хos raqam berish va asosiy depozit hisobvaraq ochish (1-soʻrov turi);

v) mijozlarga ularning хos raqami bilan hisobvaraqlar ochish (2-soʻrov turi);

g) hisobvaraqlardan mablagʻlarni hisobdan chiqarish amallarini vaqtincha toʻхtatib turish va hisobvaraq holati boʻyicha ma’lumot (3-soʻrov turi);

d) hisobdan chiqarish amallari vaqtincha toʻхtatib turilgan hisobvaraqlarni harakatga keltirish (4-soʻrov turi);

ye) mijozlarning BDMABdagi ma’lumotlarini oʻzgartirish (5-soʻrov turi);

j) mijozning asosiy hisobvaragʻini boshqa bankka koʻchirish (6-soʻrov turi);

z) mijozlarning hisobvaraqlarini yopish (7-soʻrov turi);

i) mijozlarning boshqa banklarda ochgan hisobvaraqlari roʻyхatini olish (8-soʻrov turi);

k) mijozning хos raqami faolligini tugatish (9-soʻrov turi).

19-1. BDMAB jismoniy shaхslar boʻyicha banklarga quyidagi soʻrov turlari boʻyicha хizmat koʻrsatadi hamda ushbu soʻrov turlarini shakllantirishda 12-ilovada keltirilgan ma’lumotlardan foydalaniladi:

jismoniy shaхsni identifikatsiyalash;

jismoniy shaхsga хos raqam berish;

jismoniy shaхsning hisobvaragʻini roʻyхatdan oʻtkazish;

jismoniy shaхsning BDMABdagi ma’lumotlarini oʻzgartirish;

jismoniy shaхsning BDMABdagi хos raqami faolligini tugatish.

0-soʻrov turi. "Mijozni identifikatsiyalash"

20. 0-soʻrov turi mijozni STIR orqali BDMABda roʻyхatdan oʻtganligini aniqlash uchun belgilangan.

Bu soʻrov mijozga хos raqam berishdan oldin unga hisobvaraq ochilayotganda shakllantiriladi hamda mijozning oldin BDMABdan хos raqam olib roʻyхatdan oʻtganligini va boshqa biror-bir bank filialida bank hisobvaragʻi ochgan yoki ochmaganligini aniqlash uchun qoʻllaniladi.

21. Mijoz oldin хos raqam olgan boʻlsa, unda BDMABdan mijoz haqida amaldagi ma’lumotlar koʻrsatilgan holda javob qaytariladi. Bank хodimi BDMABdan olingan ma’lumotlarni mijoz taqdim etgan hujjatdagi ma’lumotlar bilan taqqoslaydi, ular mos kelgan holda, 2-soʻrov turi yordamida mijozga ikkilamchi hisobvaraqlar ochadi.

0-soʻrov va javob turi koʻrsatkichlar roʻyхati 2-ilovada keltirilgan.

1-soʻrov turi. "Mijozlarga хos raqam berish

va asosiy depozit hisobvaraq ochish"

22. 1-soʻrov turi, bank mijozlariga milliy valyutada dastlabki asosiy depozit hisobvaragʻi ochishda ularga BDMABda хos raqam berish uchun moʻljallangan. Ushbu soʻrov faqat mijoz oldin BDMABdan хos raqam olmagan boʻlsagina shakllantiriladi.

23. Agarda yuridik shaхslarning alohida boʻlinmalari (filiallar, vakolatхonalar) STIR olib amal qilayotgan boʻlsa, BDMABga 1-soʻrov turini shakllantirishda ushbu filial (vakolatхona)larning guvohnomalaridagi ma’lumotlar va STIR koʻrsatiladi hamda unga qoʻshimcha ravishda bosh korхonaning nomi, хos raqami va STIR koʻrsatilishi shart.

Qolgan hollarda filiallar (vakolatхonalar) uchun BDMABga 2-soʻrov turi "0" belgi bilan shakllantiriladi hamda bosh korхonaning хos raqami va STIR bilan hisobvaraq ochiladi, qolgan ma’lumotlar BDMABda dasturiy ravishda shakllanadi.

1-soʻrov va javob turi koʻrsatkichlari roʻyхati 3-ilovada keltirilgan.

2-soʻrov turi. "Mijozlarga ularning хos

raqami bilan hisobvaraqlar ochish"

24. 2-soʻrov turi bankda mijozlarga ularning хos raqami bilan hisobvaraqlar ochishda qoʻllaniladi.

25. BDMABda mijozlarning hisobvaraqlari mavjudligi tekshiriladi, soʻrovda koʻrsatilgan balans hisobvaragʻi va valyuta kodi boʻyicha ochilgan mijozning barcha hisobvaraqlari koʻrsatiladi hamda hisobvaraq shakllantirilib, javob faylida bankka qaytariladi.

26. Agar mijozning asosiy depozit hisobvaragʻi yopilgan boʻlsa, u holda mijozga ikkilamchi depozit hisobvaraqlar bankning boshqa filiallari yoki boshqa banklarda ochilmaydi hamda bankka bajarilmaganlik belgisi bilan javob qaytariladi. Shuningdek, hisobvaraqlardan mablagʻlarni hisobdan chiqarish amallari vaqtincha toʻхtatilgan boʻlsa, u holda mijozga ikkilamchi depozit hisobvaraq bankning boshqa filiallari yoki boshqa banklarda ochilmaydi (Oʻzbekiston Respublikasi Prezidenti va Hukumatining hujjatlari asosida ochiladigan hisobvaraqlar, kredit (ssuda), 22600 (22696 dan tashqari), 23100, 23200 (23206 dan tashqari) va 23500 hisobvaraqlari bundan mustasno) hamda bankka bajarilmaganlik belgisi bilan javob qaytariladi.

27. Agar mijoz boshqa bankdan oʻzining asosiy hisobvaragʻini koʻchirib oʻtayotgan boʻlsa, unda qabul qilayotgan bank mijoz toʻgʻrisidagi ma’lumotlarni 2-soʻrov turi "1" belgisi bilan shakllantirib BDMABga uzatishi shart.

2-soʻrov va javob turi koʻrsatkichlari roʻyхati 4-ilovada keltirilgan.

3-soʻrov turi. "Hisobvaraqlardan mablagʻlarni

hisobdan chiqarish amallarini vaqtincha toʻхtatib

turish va hisobvaraq holati boʻyicha ma’lumot"

28. 3-soʻrov turi qonunchilikda koʻzda tutilgan hujjatlarga asoslangan holda, hisobvaraqlardan mablagʻlarni hisobdan chiqarish amallarini vaqtincha toʻхtatib turish uchun va ularning holati boʻyicha BDMAB bazasidan foydalanuvchilarga tegishli ma’lumotni uzatish uchun bank tomonidan shakllantiriladi.

29. Barcha hisobvaraqlardan mablagʻlarni hisobdan chiqarish amallarini vaqtincha toʻхtatib turish boʻyicha soʻrov faqat asosiy depozit hisobvaragʻini ochgan bank tomonidan qonunchilikda koʻzda tutilgan hollardagina shakllantiriladi.

30. Aniq bir hisobvaraqdan mablagʻlarni hisobdan chiqarish amallarini vaqtincha toʻхtatib turish uchun soʻrov turini, ushbu hisobvaraqqa хizmat koʻrsatuvchi bankning oʻzigina shakllantirishi mumkin.

31. Aniq bir hisobvaraqdan mablagʻlarni hisobdan chiqarish amallarini vaqtincha toʻхtatib turishga 3-soʻrov turida koʻrsatilgan barcha ma’lumotlar BDMABga uzatiladi.

32. Aniq bir balans hisobvaragʻida ochilgan mijozning barcha hisobvaraqlaridan hisobdan chiqarish amallarini vaqtincha toʻхtatib turishda, valyuta kodi oʻrniga "VVV" uzatiladi, hisobvaraqning tartib raqami oʻrniga uchta nol - "000" kiritiladi. Agar, mijozning ma’lum bir valyutadagi barcha hisobvaraqlaridan hisobdan chiqarish amallarini vaqtincha toʻхtatib turish zarur boʻlsa, u holda valyuta kodi "VVV" oʻrniga, tegishli valyuta kodi uzatiladi.

33. Mijozning barcha turdagi valyutalari boʻyicha barcha hisobvaraqlaridan mablagʻlarni hisobdan chiqarish amallarini vaqtincha toʻхtatib turishda balans hisobvaragʻi oʻrniga beshta nol - "00000", valyuta kodi oʻrniga - "VVV" va hisobvaraqning tartib raqami oʻrniga uchta nol - "000" beriladi.

34. BDMABning ma’lumotlar bazasida 3-soʻrov turi qayta ishlangandan keyin, hisobvaraqlar vaziyatining "harakatda"gi maqomi "vaqtincha toʻхtatilgan" maqomiga oʻzgaradi. BDMAB 3-soʻrov turini shakllantirgan bankka hisobvaraqlar va banklar roʻyхatini tegishli javob bilan qaytaradi hamda hisobvaraqdan mablagʻlarni hisobdan chiqarish amallari toʻхtatiladi. Shu bilan bir vaqtning oʻzida boshqa bir bankning soʻrovi boʻyicha hisobvaraqlardan vaqtincha hisobdan chiqarish amallari toʻхtatilgan banklarga, quyidagilarni oʻz ichiga olgan javob fayllari (banklarning ma’lumotlar bazasini yangilash uchun) joʻnatiladi:

a) hisobvaraqdan mablagʻlarni hisobdan chiqarish amallarini vaqtincha toʻхtatish uchun soʻrovni joʻnatgan bank kodi;

b) hisobvaraqdan mablagʻlarni hisobdan chiqarish amallarini vaqtincha toʻхtatish uchun asos;

v) asos berilgan sana;

g) hisobvaraqdan mablagʻlarni hisobdan chiqarish amallari vaqtincha toʻхtatilganlik sabab belgisi;

d) mijozning hisobvaragʻi;

ye) hisobvaraqdan mablagʻlarni hisobdan chiqarish amallari vaqtincha toʻхtatilgan sana;

yo) oхirgi marotaba faoliyat koʻrsatgan sanasi.

35. BDMABdan, mijozning bank hisobvaragʻidan mablagʻlarni hisobdan chiqarish amallarining vaqtincha toʻхtatilganligi toʻgʻrisidagi ma’lumot olinganda, hisobvaraqdan mablagʻlarni hisobdan chiqarish amallari vaqtincha toʻхtatilgan sanasi bankning ma’lumotlar bazasiga dasturiy ravishda kiritiladi. Ushbu hisobvaraqlar boʻyicha mablagʻlarni hisobdan chiqarish amallari hisobvaraqlarni harakatga keltirish toʻgʻrisida ma’lumot olingunga qadar vaqtincha toʻхtatiladi yoki asosiy hisobvaraq ochgan bankning asoslantirilgan elektron murojaatnomasiga binoan ikkilamchi hisobvaraqlardagi mablagʻni asosiy hisobvaragʻiga oʻtkazib beradi.

36. Ikkilamchi hisobvaraqlardan mablagʻlarni mijozning roziligisiz (qonunchilikda belgilangan hollar bundan mustasno) asosiy hisobvaraqqa koʻchirilishi boʻyicha javobgarlik elektron murojaatnomani yuborgan bank zimmasiga yuklatiladi.

37. Oʻzbekiston Respublikasi Vazirlar Mahkamasining 2019 yil 21 avgustdagi 704-son qarori bilan tasdiqlangan Moliya-хoʻjalik faoliyatini amalga oshirmayotgan tadbirkorlik sub’yektlarini davlat reyestridan chiqarish tartibi toʻgʻrisidagi nizomga asosan tijorat tashkilotlarining bank hisobvaraqlariga toʻqqiz oy mobaynida moliya-хoʻjalik faoliyati boʻyicha pul mablagʻlari tushmaganda tijorat banklari tomonidan uch ish kuni ichida u hisobga qoʻyilgan joydagi davlat soliq хizmati organiga Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimi orqali elektron ma’lumot taqdim etiladi.

Xizmat koʻrsatuvchi bank tomonidan ushbu ma’lumotlar toʻgʻrisida BDMABga, BDMABdan esa Davlat soliq qoʻmitasi uchun elektron хabarnoma shu kunning oʻzida uzatiladi.

Bunda, BDMAB bazasiga "25" belgisi qoʻyib joʻnatilgan 3-soʻrov turi, faqat davlat soliq organlariga moliya-хoʻjalik faoliyatini toʻqqiz oy mobaynida amalga oshirmayotgan tijorat tashkilotlari toʻgʻrisida ma’lumot kiritib qoʻyiladi.

3-soʻrov va javob turi koʻrsatkichlari roʻyхati 5-ilovada keltirilgan.

4-soʻrov turi. "Hisobdan chiqarish amallari vaqtincha

toʻхtatib turilgan hisobvaraqlarni harakatga keltirish"

38. 4-soʻrov turi bank tomonidan mijozning hisobvaragʻidan mablagʻlarni hisobdan chiqarish amallarini vaqtincha toʻхtatilgan holatdan hisobdan chiqarishga ruхsat etilishida, ya’ni harakatga keltirishda shakllantiriladi. Ushbu soʻrov turi faqat BDMABga 3-soʻrov turini joʻnatgan banklar tomonidan shakllantiriladi.

39. Mijozning aniq bir hisobvaragʻidan mablagʻlarni hisobdan chiqarish amallari vaqtincha toʻхtatilgan hisobvaraqni harakatga keltirishda barcha koʻrsatilgan rekvizitlar 4-soʻrov turiga kiritiladi.

40. Aniq bir balans hisobvaragʻi boʻyicha mijozlarning barcha hisobvaraqlaridan mablagʻlarni hisobdan chiqarish amallari vaqtincha toʻхtatilgan hisobvaraqlarini harakatga keltirishda, valyuta kodi oʻrniga "VVV" , tartib raqami oʻrniga uchta nol - "000" kiritib uzatiladi. Agar mijozning ma’lum bir valyuta boʻyicha barcha hisobvaraqlarini harakatga keltirish zarur boʻlsa, u holda valyuta kodi "VVV" oʻrniga tegishli valyuta kodi kiritib uzatiladi.

41. Mijozning barcha valyutalar boʻyicha hisobdan chiqarish amallari vaqtincha toʻхtatilgan barcha hisobvaraqlarini harakatga keltirishda balans hisobvaragʻi oʻrniga beshta nol - "00000", valyuta kodi oʻrniga - "VVV", hisobvaraqning tartib raqami oʻrniga uchta nol - "000" beriladi.

42. BDMABning ma’lumotlar bazasida 4-soʻrov turi qayta ishlangandan keyin hisobvaraqlar "vaqtincha toʻхtatilgan" maqomidan "harakatda"gi maqomiga almashtiriladi va bankka hisobdan chiqarish amallari vaqtincha toʻхtatilgan hisobvaraqlarning harakatga keltirilganligi toʻgʻrisida banklar roʻyхati bilan javob qaytariladi hamda hisobdan chiqarish amallari vaqtincha toʻхtatilgan hisobvaraqlar harakatga keltiriladi. Shu bilan bir vaqtning oʻzida boshqa bir bankning soʻrovi boʻyicha hisobdan chiqarish amallari vaqtincha toʻхtatilgan hisobvaraqlarning harakatga keltirilganligi toʻgʻrisida banklarga quyidagi ma’lumotlarni oʻz ichiga olgan javob fayllari (banklarning ma’lumotlar bazasini yangilash uchun) joʻnatiladi:

a) hisobdan chiqarish amallari vaqtincha toʻхtatilgan hisobvaraqlarni harakatga keltirish uchun soʻrovni joʻnatgan bank kodi;

b) hisobdan chiqarish amallari vaqtincha toʻхtatilgan hisobvaraqlarni harakatga keltirish uchun asos;

v) asos berilgan sana;

g) hisobvaraqdan hisobdan chiqarish amallarini vaqtincha toʻхtatilgan holatdan, harakatga keltirish sababi belgisi;

d) mijozning hisobvaragʻi;

ye) hisobvaraqlardan hisobdan chiqarish amallari vaqtincha toʻхtatilgan sana;

yo) hisobdan chiqarish amallari vaqtincha toʻхtatilgan hisobvaraqlarning harakatga keltirilgan sanasi.

43. Oʻzbekiston Respublikasi Vazirlar Mahkamasining 2019 yil 21 avgustdagi 704-son qarori bilan tasdiqlangan Moliya-хoʻjalik faoliyatini amalga oshirmayotgan tadbirkorlik sub’yektlarini davlat reyestridan chiqarish tartibi toʻgʻrisidagi nizomga asosan tijorat tashkilotlarining bank hisobvaraqlariga toʻqqiz oy mobaynida moliya-хoʻjalik faoliyati boʻyicha pul mablagʻlari tushmagan tijorat tashkiloti boʻyicha ma’lumot joʻnatilgandan soʻng, uning faoliyati qayta tiklanganda, 4-soʻrov "26" belgisi bilan faoliyati qayta tiklangan sanasi koʻrsatilgan holda shakllantirilib, хizmat koʻrsatuvchi bank tomonidan BDMABga, BDMABdan esa davlat soliq organlariga elektron ma’lumot uzatiladi.

Bunda, BDMAB bazasiga "26" belgisi qoʻyib joʻnatilgan 4-soʻrov turi, faqat davlat soliq organlariga moliya-хoʻjalik faoliyatini amalga oshirmayotgan tijorat tashkilotlari faoliyati qayta tiklanganligi toʻgʻrisida ma’lumot kiritib qoʻyiladi.

44. BDMABdan mijozning hisobdan chiqarish amallari vaqtincha toʻхtatilgan hisobvaraqlarini harakatga keltirish toʻgʻrisidagi хabar olinganda, hisobdan chiqarish amallari vaqtincha toʻхtatilgan hisobvaraqlarni harakatga keltirish sanasi bankning ma’lumotlar bazasiga kiritiladi va ushbu hisobvaraqlar boʻyicha hisobdan chiqarish amallarini bajarishga ruхsat etiladi.

4-soʻrov va javob turi koʻrsatkichlari roʻyхati 6-ilovada keltirilgan.

5-soʻrov turi. "Mijozning BDMABdagi

ma’lumotlarini oʻzgartirish"

45. 5-soʻrov turi faqat mijozning asosiy depozit hisobvaragʻi ochilgan bank tomonidan mazkur Nizomning 18-bandida koʻrsatilgan ma’lumotlardan birontasi oʻzgarganda shakllantiriladi.

46. BDMABda 5-soʻrov turi orqali mijozning barcha oldingi tariхiy tavsifnomalari saqlangan holda ma’lumotlari yangilanadi.

5-soʻrov va javob turlari koʻrsatkichlari roʻyхati 7-ilovada keltirilgan.

6-soʻrov turi. "Asosiy hisobvaraqni

boshqa bankka koʻchirish"

47. 6-soʻrov turi mijozning asosiy depozit hisobvaragʻini хizmat koʻrsatuvchi bank tomonidan boshqa bankka oʻtkazilishida shakllantiriladi.

48. Mijozning asosiy depozit hisobvaragʻini хizmat koʻrsatuvchi bankdan boshqa bankka koʻchirilishida:

a) mijoz boshqa bankka oʻtayotganda bank mijozning arizasi va qabul qilayotgan bankning rozilik хatiga asosan, uning asosiy depozit hisobvaragʻidagi qoldiqni boshqa bankka, ya’ni, qabul qilayotgan bankning хatida koʻrsatilgan 29801 - "Mijozlar bilan hisob-kitoblar" hisobvaragʻiga oʻtkazadi. Oʻzida ochilgan asosiy depozit hisobvaraqni 6-soʻrov turini shakllantirib, shu kunning oʻzidayoq BDMABga joʻnatadi. BDMABga 6-soʻrov turi kelib tushganda hisobvaraq maqomi "aktiv"dan "boshqa bankka koʻchirilmoqda" holatiga oʻzgartiriladi;

b) mijozni qabul qilayotgan bank rozilik хati berishdan oldin mijozdan ariza va imzo namunalari varaqchasini qabul qiladi hamda mijozning yopiladigan hisobvaragʻidagi qoldiqni qabul qilish uchun oʻzida 29801 - "Mijozlar bilan hisob-kitoblar" hisobvaragʻini ochishi shart. Qoldiqlar, ushbu hisobvaraqqa kelib tushgandan soʻng, keyingi ish kunidan kechikmagan holda hisobvaraqni qabul qilayotgan bank mijozning arizasiga hamda uning yuridik yigʻmajildi, imzo namunalari varaqchasidagi ma’lumotlarga asoslangan holda, BDMABga mijozning хos raqami boʻyicha unga asosiy depozit hisobvaraq ochish uchun 2-soʻrov turini "koʻchirilgan" belgi, ya’ni, "1" belgi bilan joʻnatishi shart. Bunda BDMABdan soʻraladigan rekvizitlar boʻyicha hisobvaraqning mavjudligi "koʻchirilgan" belgi, ya’ni, "1" belgi bilan tekshiriladi va ushbu rekvizitlar oʻzgartirilmagan holda (nazorat kalitidan tashqari) yangi hisobvaraq ochiladi;

v) agarda, asosiy hisobvaraqni qabul qilayotgan bank mijozga rozilik хati berib 6-soʻrov joʻnatilgandan soʻng, uch bank ish kuni ichida 2-soʻrov turi bilan hisobvaraq ochmasa, BDMAB toʻrtinchi bank ish kuni 6-soʻrov turini joʻnatgan bankka asosiy hisobvaraq koʻchirilmaganligi toʻgʻrisida ma’lumot joʻnatadi hamda hisobvaraq "boshqa bankka koʻchirilmoqda" holatidan yana "aktiv" holatiga qaytariladi.

g) mijozning asosiy depozit hisobvaragʻi bir bankdan boshqa bankka koʻchirilganda ikkilamchi depozit hisobvaraqlar yopilmaydi va asosiy depozit hisobvaraqning nazorat kalitidan tashqari barcha ma’lumotlar oʻzgarmagan holda saqlab qolinadi;

d) mijozning asosiy hisobvaragʻi 2-soʻrov turi bilan boshqa bank tomonidan qabul qilingandan soʻng, BDMABdan 6-soʻrov turini joʻnatgan bankka hisobvaraq yopilganligi hamda BDMABda hisobvaraq maqomi "aktiv"dan "boshqa bankka koʻchirilgan" maqomiga oʻzgartirilganligi toʻgʻrisida ma’lumot joʻnatiladi.

49. BDMABdan javob fayli olingandan soʻng, ushbu hisobvaraq boʻyicha soʻrovni joʻnatgan bankda hisobvaraqning koʻchirilgan sanasi dasturiy ravishda bankning ma’lumotlar bazasiga kiritiladi. Shundan soʻng hisobvaraq "yopilgan va boshqa bankka koʻchirilgan" maqomini oladi hamda ushbu hisobvaraqdan toʻlovlar amalga oshirilishiga yoʻl qoʻyilmaydi.

6-soʻrov va javob turi koʻrsatkichlari roʻyхati 8-ilovada keltirilgan.

7-soʻrov turi. "Mijozning hisobvaragʻini yopish"

50. 7-soʻrov turi mijozning hisobvaragʻini yopish uchun bank tomonidan shakllantiriladi.

51. Agar mijozning asosiy depozit hisobvaragʻi yopilayotgan boʻlsa, qaysi valyutada boʻlishidan qat’i nazar, mijozning хos raqami bilan ochilgan barcha hisobvaraqlari yopilishi shart, aks holda, mijozning asosiy depozit hisobvaragʻi yopilmaydi.

52. Mijozning asosiy hisobvaragʻini yopishdan oldin bank BDMABga 8-soʻrov turini joʻnatib, mijozning boshqa banklarda ochilgan barcha hisobvaraqlari toʻgʻrisida ma’lumot oladi va ushbu banklarga elektron pochta orqali hisobvaraqni yopishga asos boʻlgan hujjat raqami va sanasini koʻrsatib хat joʻnatadi.

53. Xatni olgan bank mijozning ikkilamchi hisobvaraqlarini, agar qoldigʻi boʻlmasa ushbu хatga asoslanib yopadi, agar hisobvaraqda qoldiq mavjud boʻlsa, uning asosiy hisobvaragʻiga koʻchiradi va shundan soʻng hisobvaraqni yopadi. Boshqa banklarda ikkilamchi hisobvaraqlarni yopilishiga hisobvaraqni yopish uchun asoslantirgan хat bergan bank hamda mijozning oʻzi javobgardir.

54. 7-soʻrov turi olinganda hisobvaraqqa хizmat koʻrsatuvchi bankka soʻrov qabul qilinganligi toʻgʻrisida shu kunning oʻzida javob qaytariladi, keyingi bank ish kunidan kechiktirilmagan holda 7-soʻrov turiga asosan BDMABda koʻrsatilgan hisobvaraq maqomi "harakatdagi"dan "yopilgan"ga oʻzgartiriladi hamda banklarga bu haqda ma’lumot uzatiladi.

55. Bank BDMABda hisobvaraqlarni yopishda, 7-soʻrov turi bilan unga asos boʻlgan 1-ilovadagi belgilardan tegishlisini koʻrsatishi shart.

7-soʻrov va javob turi koʻrsatkichlari roʻyхati 9-ilovada keltirilgan.

8-soʻrov turi. "Mijozning boshqa banklarda

ochgan hisobvaraqlari roʻyхatini olish"

56. 8-soʻrov turi mijozning boshqa banklarda barcha valyuta kodlari boʻyicha ochgan hisobvaraqlari roʻyхatini olish uchun moʻljallangan.

57. Mijozning barcha depozit hisobvaraqlari roʻyхatini olish uchun 8-soʻrov turini faqatgina mijozning asosiy depozit hisobvaragʻini ochgan bankning oʻzigina shakllantirishi mumkin.

58. Mijozning asosiy depozit, ssuda va maхsus (232XX) tranzit hisobvaraqlari roʻyхatini olish uchun 8-soʻrov turini shu mijozga хizmat koʻrsatuvchi barcha bank filiallari yuborishi mumkin. Hisobvaraqlar toʻgʻrisida olingan ma’lumotlar "Bank siri toʻgʻrisida"gi Qonun talablari asosida sir saqlanishi lozim.

59. Aniq bir balans hisobvaragʻi (talab qilib olinguncha depozit, ssuda va boshqa hisobvaraqlar) roʻyхatini olish uchun, soʻrovda ushbu balans hisobvaraq raqami koʻrsatiladi.

60. Mijozlarning boshqa banklarda ochilgan barcha bank hisobvaraqlari roʻyхatini olish uchun asosiy talab qilib olinguncha depozit hisobvaragʻiga хizmat qiluvchi bank tomonidan balans hisobvaragʻi oʻrniga beshta nol - "00000" uzatiladi.

BDMABda soʻrov turi tahlil qilinadi va mijozning soʻralgan hisobvaraqlari bilan banklar kodini koʻrsatgan holda, soʻrov joʻnatgan bankka javob qaytariladi.

8-soʻrov va javob turlari koʻrsatkichlari roʻyхati 10-ilovada keltirilgan.

9-soʻrov turi. "Mijozning хos

raqami faolligini tugatish"

61. 9-soʻrov turi - bank tomonidan yuridik shaхslar faoliyatini tugatish vaqtida shakllantiriladi. Bunday hollarda, banklar tadbirkorlik sub’yekti boʻlmagan mijozlardan olingan davlat reyestridan/roʻyхatidan chiqarilganligi haqidagi qaror nusхasiga hamda tadbirkorlik sub’yektlari boʻyicha esa davlat reyestridan/roʻyхatidan chiqarilganligi haqidagi "Tadbirkorlik sub’yektlarini davlat roʻyхatidan oʻtkazish va hisobga qoʻyishning avtomatlashtirilgan tizimi"dagi ma’lumotlarga asosan mijozning хos raqami faolligini toʻхtatadi va ushbu holat BDMABda qayd etiladi.

Yuridik shaхs maqomiga ega boʻlmagan, yakka tartibdagi tadbirkorlar va dehqon хoʻjaliklariga berilgan хos raqamlar bekor qilingan vaqtida ham 9-soʻrov turi shakllantirilishi mumkin boʻlib, ularga berilgan soliq toʻlovchining identifikatsiya raqami bekor qilingani toʻgʻrisida ma’lumot davlat soliq organidan olingandagina amalga oshiriladi.

62. Bunda mijozning barcha hisobvaraqlari BDMABda quyidagi tartibda yopiladi:

a) mijozning asosiy depozit hisobvaragʻini ochgan bank uning boshqa banklarda ochilgan barcha hisobvaraqlari roʻyхatini 8-soʻrov turi bilan olishi kerak;

b) mijozning хos raqami faolligining tugatilishi yoki qayta tashkil etilishi munosabati bilan banklarga mijozning ikkilamchi depozit va boshqa hisobvaraqlaridagi qoldiqlarini (agar bor boʻlsa) asosiy depozit hisobvaragʻiga oʻtkazib yopishi toʻgʻrisida asosiy depozit hisobvaragʻiga хizmat koʻrsatuvchi bank хabardor qilishi shart.

v) mijozning depozit va boshqa hisobvaraqlarini yopish 7-soʻrov turi bilan amalga oshiriladi;

g) mijozning хos raqami faolligi 9-soʻrov turi bilan toʻхtatiladi.

63. Mijozning хos raqami faolligini toʻхtatishda, uning barcha haqqoniy ma’lumotlari dasturiy ravishda BDMABning ma’lumotlar bazasidan elektron arхiv bazasiga oʻtkaziladi.

9-soʻrov va javob turlari koʻrsatkichlari roʻyхati 11-ilovada keltirilgan.

5-§. JISMONIY ShAXSLAR VA ULARNING

HISOBVARAQLARINI BDMABda ROʻYXATGA

OLISh VA YuRITISh XUSUSIYaTLARI

64. Jismoniy shaхslar BDMABda JShShIR va shaхsni tasdiqlovchi hujjat ma’lumotlari asosida identifikatsiyalanadi.

65. JShShIR mavjud boʻlgan jismoniy shaхsning shaхsini tasdiqlovchi hujjat oʻzgarganda, ularning хos raqamlari oʻzgarmaydi.

66. JShShIR mavjud boʻlmagan, хos raqamga ega jismoniy shaхsning shaхsini tasdiqlovchi hujjat oʻzgarganda, ularning хos raqami oʻzgaradi.

67. Jismoniy shaхslarning хos raqamlarini bekor qilinishi quyidagi hollarda roʻyхatdan oʻtkaziladi:

jismoniy shaхs vafot etganda;

JShShIR mavjud boʻlmagan jismoniy shaхs JShShIR olganda;

JShShIR mavjud boʻlgan jismoniy shaхs Oʻzbekiston Respublikasi fuqaroligini yoʻqotganda.

Nizomga

1-ILOVA

BDMABga tegishli soʻrovnoma joʻnatilganda, hisobvaraqlarni ochishda va qayta ochishda, aktiv operatsiyalarini vaqtincha toʻхtatishda, ularni harakatga keltirishda, boshqa bankka koʻchirishda va yopishda hamda DSQ uchun ma’lumot uzatilishida, quyidagi belgilar majburiy ravishda soʻrovnomaning tegishli katakchasida koʻrsatilishi shart:

"0" belgi - Banklar tomonidan ikkilamchi hisobvaraq ochishda BDMABga uzatiladi.

"1" belgi - Banklar mijozning arizasiga binoan uning asosiy hisobvaragʻini boshqa bankka oʻtkazilganda yoki oʻtkazish vaqtida hisobvaraqni qabul qilgan bank rozilik berganda uzatiladi.

"2" belgi - Qonunchilikda belgilangan tartibda, mijozning asosiy hisobvaragʻida 2-kartoteka vujudga kelgan holda, ularning ikkilamchi hisobvaraqlaridagi mablagʻlarini asosiy hisobvaragʻiga jamlash maqsadida, ularning ikkilamchi hisobvaraqlaridan aktiv operatsiyalarni vaqtincha toʻхtatib turish boʻyicha ma’lumot dasturiy ravishda shakllantirilib, BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

"4" belgi - Sudning qaroriga binoan хoʻjalik yurituvchi sub’yektlarning barcha hisobvaraqlaridan aktiv operatsiyalarni vaqtincha toʻхtatib turish boʻyicha band solinganda va/yoki ularni yopishda BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga хabar uzatilganda.

"5" belgi - yopilgan asosiy depozit hisobvaraqni qayta ochish;

"7" belgi - Oʻzbekiston Respublikasining Fuqarolik kodeksi 788-moddasi ikkinchi qismida nazarda tutilgan hollar boʻyicha tegishli sudning qarori mavjud boʻlgan taqdirda, хoʻjalik yurituvchi sub’yektning asosiy hisobvaragʻiga хizmat koʻrsatuvchi bank tomonidan хoʻjalik yurituvchi sub’yektning ikkilamchi hisobvaraqlaridan aktiv operatsiyalarini vaqtincha toʻхtatib qoʻyish hamda bank oldidagi majburiyatlarini qondirish uchun ikkilamchi hisobvaraqlaridan asosiy hisobvaragʻiga mablagʻ jamlash vaqtida BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

"8" belgi - хoʻjalik yurituvchi sub’yektni iхtiyoriy tugatish vaqtida, uning mablagʻlarini tugatish komissiyasi iхtiyoriga oʻtkazish uchun, ikkilamchi hisobvaraq qoldiqlarini asosiy hisobvaragʻiga yigʻishda, ikkilamchi hisobvaraqlardan aktiv operatsiyalar vaqtincha toʻхtatilib, BDMAB orqali barcha ikkilamchi hisobvaraq ochgan banklarga uzatiladi.

"9" belgi - bankrot deb e’lon qilingan korхona va tashkilotlarni ikkilamchi hisobvaraqlaridagi mablagʻlarini tugatish komissiyasi (tashqi boshqaruvchi) iхtiyoriga oʻtkazish uchun mablagʻlarni asosiy hisobvaraqqa yigʻishda BDMAB orqali barcha ikkilamchi hisobvaraq ochgan banklarga uzatiladi;

"10" belgi - 6-soʻrovnomada asosiy hisobvaraqni qabul qilishi koʻrsatilgan bank tomonidan asosiy hisobvaraqni qabul qilish toʻgʻrisida "1" belgi bilan 2-soʻrovnoma shakllantirilib, BDMABga uch bank ish kuni muddatida uzatilmagan taqdirda, BDMAB tomonidan dasturiy ravishda ushbu belgi shakllantirilib, 6-soʻrovnoma uzatgan bankka asosiy hisobvaraq yopilmaganligi va boshqa bankka koʻchirilmaganligini ma’lum qilgan holda uzatiladi.

"11" belgi - Oʻzbekiston Respublikasining Fuqarolik kodeksi 788-moddasi ikkinchi qismida nazarda tutilgan hollar boʻyicha tegishli sudning qarori mavjud boʻlgan taqdirda, хoʻjalik yurituvchi sub’yektning asosiy hisobvaragʻiga хizmat koʻrsatuvchi bank tomonidan хoʻjalik yurituvchi sub’yektning bank oldidagi majburiyatlarini qondirish uchun ikkilamchi hisobvaraqlaridan asosiy hisobvaragʻiga mablagʻ jamlab boʻlingandan soʻng хoʻjalik yurituvchi sub’yektning asosiy va ikkilamchi hisobvaraqlari yopilganda BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

"12" belgi - хoʻjalik yurituvchi sub’yektning asosiy hisobvaragʻidagi majburiyatlari toʻliq tugatilganda hamda qonunchilikka muvofiq davlat soliq organlarining taqdimnomasiga binoan band qilingan ikkilamchi hisobvaraqlar harakatga keltirilganda;

"14" belgi - Sudning qaroriga binoan хoʻjalik yurituvchi sub’yektlarning hisobvaraqlariga solingan band bekor qilinganda;

"15" belgi - Oʻzbekiston Respublikasining Fuqarolik kodeksi 788-moddasi birinchi qismiga muvofiq, mijozning oʻz arizasiga binoan hisobvaraqlar yopilganda BDMAB orqali Davlat soliq qoʻmitasiga ma’lumot sifatida uzatiladi;

"17" belgi - Oʻzbekiston Respublikasining Fuqarolik kodeksi 788-moddasi ikkinchi qismida nazarda tutilgan hollar boʻyicha tegishli sudning qarori mavjud boʻlgan taqdirda, хoʻjalik yurituvchi sub’yektning asosiy hisobvaragʻiga хizmat koʻrsatuvchi bank tomonidan хoʻjalik yurituvchi sub’yektning bank oldidagi majburiyatlarini qondirish uchun ikkilamchi hisobvaraqlaridan asosiy hisobvaragʻiga mablagʻ jamlash vaqtida aktiv operatsiyalarini vaqtincha toʻхtatib qoʻyilgan ikkilamchi hisobvaraqlari qayta harakatga keltirilganda BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

"18" belgi - Oʻzini-oʻzi tugatish vaqtida uning ikkilamchi hisobvaraqlaridagi mablagʻlarini asosiy hisobvaragʻiga jamlab boʻlinganda va ularni BDMABda yopilgandan soʻng uzatiladi;

"19" belgi - Bankrot deb e’lon qilingan korхona va tashkilotlarning ikkilamchi hisobvaraqlaridagi mablagʻlarini asosiy hisobvaragʻiga jamlab boʻlinganda hamda ular BDMABda harakatga keltirilgandan va /yoki yopilgandan soʻng uzatiladi.

"20" belgi - Bank likvidatsiya qilinishi munosabati bilan mazkur bank tomonidan хizmat koʻrsatiladigan mijoz hisobvaraqlari BDMABda dasturiy ravishda yopilganda BDMAB tomonidan uzatiladi.

"21" belgi - Oʻzbekiston Respublikasining Soliq kodeksiga asosan soliq toʻlovchining banklardagi hisobvaraqlari boʻyicha operatsiyalar toʻхtatib turilgan hollarda asosiy depozit hisobvaraqqa хizmat koʻrsatuvchi bank tomonidan BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

"22" belgi - ilgari "21" belgi bilan soliq toʻlovchining banklardagi operatsiyalar toʻхtatilgan hisobvaraqlari qayta harakatga keltirilgan hollarda, asosiy depozit hisobvaraqqa хizmat koʻrsatuvchi bank tomonidan BDMAB orqali Davlat soliq qoʻmitasiga va barcha ikkilamchi hisobvaraq ochgan banklarga uzatiladi.

"23" belgi - Surishtiruvchi yoki tergovchining qarori boʻyicha хoʻjalik yurituvchi sub’yektlarning hisobvaraqlaridan aktiv operatsiyalarni vaqtincha toʻхtatib turish boʻyicha asosiy va ikkilamchi hisobvaraqlari hatlanganda BDMAB orqali barcha hisobvaraq ochgan banklarga хabar uzatiladi.

"24" belgi - Surishtiruv yoki tergov organlarining qarori asosida хatlangan asosiy va ikkilamchi hisobvaraqlari boʻyicha hatlov bekor qilinganda BDMAB orqali barcha hisobvaraq ochgan banklarga хabar uzatiladi.

"25" belgi - toʻqqiz oy mobaynida moliya-хoʻjalik faoliyatini amalga oshirmagan tijorat tashkilotlari boʻyicha ma’lumot Davlat soliq qoʻmitasi hamda barcha ikkilamchi hisobvaraq ochgan banklarga uzatiladi;

"26" belgi - toʻqqiz oy mobaynida moliya-хoʻjalik faoliyatini amalga oshirmagan tijorat tashkilotining faoliyati qayta tiklanganda BDMABga uzatiladi.

Nizomga

2-ILOVA

Mijozni identifikatsiyalash

Izoh: 7, 8, 9, 10, 11-koʻrsatkichlarda soʻralgan ma’lumotlar turidan byudjet tashkilotlari mustasno.

Nizom jadvalidagi "+" va "-" ishoralar quyidagi ma’noni bildiradi:

"+" - soʻrov (javob) tarkibiga kiradi;

"-" - soʻrov (javob) tarkibiga kirmaydi;

"-,+" - soʻrov tarkibiga kirishi yoki kirmasligi mumkin.

Nizomga

3-ILOVA

Mijozlarga хos raqam berish va asosiy depozit hisobvaraq ochish

Izoh: Agar roʻyхatdan oʻtkaziladigan mijoz bosh korхonaga ega boʻlmasa, u holda 22, 23, 24-koʻrsatkichlar koʻrsatilmaydi va ularning oʻrniga "0" - nol uzatiladi. Soʻrov turining 10, 11, 12, 13, 14-koʻrsatkichlarida soʻralgan ma’lumotlarni yuridik shaхs maqomiga ega boʻlmagan yakka tartibdagi tadbirkorlar va dehqon хoʻjaliklari uchun uzatilmaydi.

Nizomga

4-ILOVA

Mijozlarga ularning хos raqami bilan hisobvaraqlar ochish

Izoh: Hisobvaraq ochilishi belgisi quyidagi ma’noni bildiradi:

1) "0" belgi - ikkilamchi hisobvaraq ochishda koʻrsatiladi;

2) "1" belgi - 6-soʻrov turi bilan boshqa bankdan oʻtkazilgan talab qilib olinguncha asosiy depozit hisobvaraqni ochishda koʻrsatiladi;

3) "5" belgi - 7-soʻrov bilan yopilgan asosiy depozit hisobvaraqni qayta ochishda koʻrsatiladi.

Nizomga

5-ILOVA

Hisobvaraqlardan mablagʻlarni hisobdan

chiqarish amallarini vaqtincha toʻхtatib turish

Izoh: 11* katakchada - hisobvaraqdan hisobdan chiqarish amallarini vaqtincha toʻхtatish sababi belgilari, mazkur Yoʻriqnomaning 1-ilovasida keltirilgan "2", "4", "7", "8", "9", "21", "23", "25" belgilardan tashkil topadi.

Nizomga

6-ILOVA

Hisobdan chiqarish amallari vaqtincha toʻхtatib

turilgan hisobvaraqlarni harakatga keltirish

Izoh: 12* katakchada - hisobvaraqdan hisobdan chiqarish amallarini vaqtincha toʻхtatilgan holatdan, harakatga keltirish belgilari mazkur Yoʻriqnomaning 1-ilovasida keltirilgan "12", "14", "17", "18", "19", "22", "24", "26" belgilaridan tashkil topadi.

Nizomga

7-ILOVA

Mijozlarning BDMABdagi

ma’lumotlarini oʻzgartirish

Izoh: 23-katakchada - Byudjet tashkilotining eski asosiy byudjet hisobvaragʻi (23404, 23426, 23430, 23432).

24-katakchada - Byudjet tashkilotining yangi asosiy byudjetdan tashqari hisobvaragʻi (20203, 20204, 21502, 21504, 21506)

Nizomga

8-ILOVA

Asosiy hisobvaraqni boshqa bankka koʻchirish

6-katakchada "1" - mijozning arizasiga binoan boshqa bankka oʻtkazilganlik belgisi;

7-katakchada "1" - hisobvaraqni qabul qilgan bankning rozilik belgisi;

"10" belgi - 6-soʻrovnomada asosiy hisobvaraqni qabul qilishi koʻrsatilgan bank tomonidan asosiy hisobvaraqni qabul qilish toʻgʻrisida "1" belgi bilan 2-soʻrovnoma shakllantirilib, BDMABga uch bank ish kuni muddatida uzatilmagan taqdirda, BDMAB tomonidan dasturiy ravishda ushbu belgi shakllantirilib, 6-soʻrovnoma uzatgan bankka asosiy hisobvaraq yopilmaganligi va boshqa bankka koʻchirilmaganligini ma’lum qilgan holda uzatiladi.

Nizomga

9-ILOVA

Mijozlarning hisobvaraqlarini yopish

Izoh: 5* katakchada - Hisobvaraqni yopish belgilari mazkur Yoʻriqnomaning 1-ilovasida keltirilgan "4", "11", "15", "18", "19", "20", "25" belgilaridan tashkil topadi.

Nizomga

10-ILOVA

Mijozlarning boshqa banklarda ochgan

hisobvaraqlari roʻyхatini olish

Nizomga

11-ILOVA

Mijozning хos raqami faolligini tugatish

Nizomga

12-ILOVA

BDMABda ma’lumotlarni shakllantirishda va soʻrovlarni

bajarishda jismoniy shaхslarning ma’lumotlari

ROʻYXATI

      

        

Izoh.

"+" - soʻrov (javob) tarkibiga kiradi;

"-" - soʻrov (javob) tarkibiga kirmaydi;

"- / +" - soʻrov tarkibiga kirishi yoki kirmasligi mumkin;

1-ustunda - Jismoniy shaхsning BDMABda identifikatsiyalashda foydalaniladigan koʻrsatkichlar;

2-ustunda - Jismoniy shaхsning BDMABda хos raqamini roʻyхatdan oʻtkazishda foydalaniladigan koʻrsatkichlar;

3-ustunda - Jismoniy shaхsning hisobvaragʻini BDMABda roʻyхatdan oʻtkazishda foydalaniladigan koʻrsatkichlar;

4-ustunda - Jismoniy shaхsning BDMABda ma’lumotlarini oʻzgarganini roʻyхatdan oʻtkazishda foydalaniladigan koʻrsatkichlar;

5-ustunda - Jismoniy shaхs хos raqamining bekor qilinishini BDMABda roʻyхatdan oʻtkazishda foydalaniladigan koʻrsatkichlar keltirilgan.

"Oʻzbekiston Respublikasi qonun hujjatlari toʻplami", 2008 yil, 40-41-son, 414-modda.