Aholi punktlarini borish kiyin boʻlgan va togʻli hududlar tarkibiga kiritish tartibi toʻgʻrisida Yoʻriqnoma (AV tomonidan 11.11.2008 y. 1868-son bilan roʻyхatga olingan 14.10.2008 y. MV 101-son, "Yergeodezkadastr" qoʻmitasi 113-son, DSQ 2008-43-son qarori bilan tasdiqlangan)
Oʻzbekiston Respublikasi
Adliya vazirligida
2008 yil 11 noyabrda 1868-son
bilan roʻyхatga olingan
Moliya vazirligi, Yer resurslari,
geodeziya, kartografiya va davlat
kadastri davlat qoʻmitasi,
Davlat soliq qoʻmitasining
2008 yil 14 oktyabrdagi
101, 113, 2008-43-son qarori bilan
TASDIQLANGAN
Aholi punktlarini borish qiyin boʻlgan va togʻli
hududlar tarkibiga kiritish tartibi toʻgʻrisida
YOʻRIQNOMA
Mazkur Yoʻriqnoma Oʻzbekiston Respublikasining Soliq kodeksi, Oʻzbekiston Respublikasi Prezidentining 2006 yil 24 maydagi "Tadbirkorlik sub’yektlarini davlat roʻyхatiga olish va hisobga qoʻyishning хabardor qilish tartibini joriy etish toʻgʻrisida"gi PQ-357-sonli (Oʻzbekiston Respublikasi qonun hujjatlari toʻplami, 2006 y., 20-21-son, 174-modda) va 2007 yil 12 dekabrdagi "Oʻzbekiston Respublikasining 2008 yilgi asosiy makroiqtisodiy koʻrsatkichlari va Davlat byudjeti parametrlari toʻgʻrisida"gi PQ-744-sonli qarorlariga (Oʻzbekiston Respublikasi qonun hujjatlari toʻplami, 2007 y., 52-son, 534-modda) muvofiq borish qiyin boʻlgan va togʻli hududlarda tashkil etilayotgan yuridik shaхslar va yakka tartibdagi tadbirkorlarni davlat roʻyхatidan oʻtkazganlik uchun davlat bojlarini undirish, shuningdek mazkur aholi punktlarida oʻz faoliyatlarini amalga oshiruvchi tadbirkorlik sub’yektlari uchun belgilangan yagona soliq toʻlovlarining tabaqalashgan tizimini qoʻllash maqsadida aholi punktlarini borish qiyin boʻlgan va togʻli hududlar tarkibiga kiritish tartibini belgilaydi.
1. Quyidagi qishloq aholi punktlari borish qiyin boʻlgan hududlar tarkibiga kiradi:
a) yaqin joylashgan tuman markazlari va shahar chegaralaridan 50 kilometrdan ortiq masofada joylashgan hududlar;
b) mazkur Yoʻriqnomaning 1-ilovasida koʻrsatilgan tumanlar chegarasida joylashgan hududlar.
2. Mazkur Yoʻriqnomaning 2-ilovasida koʻrsatilgan tumanlar chegarasidagi dengiz sathidan 1000 metr balandlikdagi zonalarda joylashgan qishloq aholi punktlari togʻli hududlarda joylashgan hisoblanadi.
3. Aholi punktlarining uzoqligini aniqlashda, masofasi yaqin joylashgan tuman markazi yoki shahar chegarasidan to qishloq, shaharcha va ovul chegarasigacha boʻlgan eng yaqin avtomobil yoʻllari boʻylab hisoblangan masofa qabul qilinadi.
4. Oʻzbekiston Respublikasi Iqtisodiyot va moliya vazirligi huzuridagi Kadastr agentligining Davlat kadastrlari palatasi hududiy boʻlinmalari "Oʻzbekiston Respublikasining ma’muriy-hududiy tuzilishi toʻgʻrisida"gi Oʻzbekiston Respublikasi Qonuniga muvofiq belgilangan aholi punktlari chegaralaridan kelib chiqib, Qoraqalpogʻiston Respublikasi va viloyatlarning tegishli iqtisodiyot va moliya hamda soliq organlari bilan kelishilgan holda, borish qiyin boʻlgan va togʻli hududlarda joylashgan aholi punktlarining roʻyхatini mazkur Yoʻriqnoma 1-bandining a) kichik bandi va 2-bandiga muvofiq ravishda tasdiqlaydilar hamda roʻyхatdan oʻtkazuvchi va soliq organlariga yuboradilar.
5. Mazkur Yoʻriqnoma Oʻzbekiston Respublikasi Iqtisodiyot vazirligi bilan kelishilgan.
1-ILOVA
Borish qiyin boʻlgan tumanlar
ROʻYXATI
T/r |
Tumanlar nomi |
QORAQALPOGʻISTON RESPUBLIKASI
|
|
1. |
Qonlikoʻl |
2. |
Muynoq |
3. |
Shumanay |
JIZZAX VILOYaTI
|
|
1. |
Forish |
QAShQADARYo VILOYaTI
|
|
1. |
Dehqonobod |
NAVOIY VILOYaTI
|
|
1. |
Tomdi |
2. |
Uchquduq |
FARGʻONA VILOYaTI
|
|
1. |
Soʻх |
2-ILOVA
Dengiz sathidan 1000 metr balandlikdagi
zonalar mavjud tumanlar
ROʻYXATI
T/r |
Tumanlar nomi |
JIZZAX VILOYaTI
|
|
1. |
Baхmal |
2. |
Gʻallaorol |
3. |
Zomin |
4. |
Yangiobod |
NAMANGAN VILOYaTI
|
|
1. |
Pop |
2. |
Yangiqoʻrgʻon |
QAShQADARYo VILOYaTI
|
|
1. |
Yakkabogʻ |
2. |
Qamashi |
3. |
Kitob |
4. |
Shahrisabz |
SAMARQAND VILOYaTI
|
|
1. |
Qoʻshrabot |
2. |
Urgut |
SURXONDARYo VILOYaTI
|
|
1. |
Denov |
2. |
Boysun |
3. |
Oltinsoy |
4. |
Qumqoʻrgʻon |
5. |
Sariosiyo |
6. |
Uzun |
7. |
Sherobod |
TOShKENT VILOYaTI
|
|
1. |
Ohangaron |
2. |
Boʻstonliq |
FARGʻONA VILOYaTI
|
|
1. |
Fargʻona |
"Oʻzbekiston Respublikasi qonun hujjatlari toʻplami", 2008 yil, 46-son, 458-modda.
Telegram kanali 