Oʻzbekiston Respublikasi Hukumati bilan Qozogʻiston Respublikasi Hukumati oʻrtasida chegaraoldi hududlarda fuqarolik maqsadida OʻzR va Qozogʻiston Respublikasining radioхizmatlari tomonidan foydalaniladigan 30.0 - 1000.0 MGs radiochastota polosasidagi radiochastota oʻzlashtiruvlarini muvofiqlashtirish toʻgʻrisida Bitim (Toshkent, 2006 yil 20 mart, OʻzR Prezidentining 05.05.2006 y. PK-347-son qarori bilan tasdiqlangan, 2008 yil 14 noyabrdan kuchga kirgan)
Ўзбекистон Республикаси Ҳукумати билан
Қозоғистон Республикаси Ҳукумати ўртасида
чегараолди ҳудудларда фуқаролик мақсадида
Ўзбекистон Республикаси ва Қозоғистон Республикасининг
радиохизматлари томонидан фойдаланиладиган
30.0 - 1000.0 МГц радиочастота полосасидаги
радиочастота ўзлаштирувларини
мувофиқлаштириш тўғрисида
БИТИМ
Ўзбекистон Республикаси Ҳукумати билан Қозоғистон Республикаси Ҳукумати, бундан кейин "Томонлар" деб аталувчилар,
алоқа соҳасида ҳамкорликни ривожлантириш истагида,
радиоалоқа, телевидение ва радиоэшиттириш хизматларига талаб даражасини ҳисобга олиб,
Томонлар давлатлари радиохизматларининг ўзаро зарарли ҳалақитларнинг олдини олиш мақсадида 30.0 - 1000.0 МГц радиочастоталар полосасидаги радиочастота ўзлаштирувларини мувофиқлаштириш зарур деб ҳисоблаб,
Халқаро Электралоқа Иттифоқи (ХЭИ)нинг Радиоалоқа регламентига мувофиқ фаолият юритиб,
қуйидагилар тўғрисида аҳдлашиб олдилар:
1-модда
Ушбу Битим мақсадларида қуйидаги атамалар:
"чегараолди ҳудуд" - бир Томоннинг давлат радиоэлектрон воситалари бошқа Томон давлат ҳудудида, телевидение ва радиоэшиттиришдан ташқари, ушбу Битимда кўрсатилган ҳалақитларни келтириб чиқариши мумкин бўлган Ўзбекистон Республикаси билан Қозоғистон Республикаси ўртасидаги чегаранинг ҳар икки томонида кенглиги 50 км бўлган Томонлар давлатларининг ҳудудини;
"маҳфий ахборот" - радиочастота ўзлаштирувларини мувофиқлаштириш жараёнида иштирок этаётган ваколатли давлат органлари билан рухсати чегараланган, Томонларнинг давлат сирига тааллуқли бўлмаган маълумотларни;
"радиочастота ўзлаштирувларини мувофиқлаштириш" - радиоэлектрон
...