OʻZBEKISTON RESPUBLIKASI

VAZIRLAR MAHKAMASINING

QARORI

31.03.2009 y.

N 89

"AGROBANK" AKSIYaDORLIK TIJORAT

BANKI FAOLIYaTINI TAShKIL ETISh

ChORA-TADBIRLARI TOʻGʻRISIDA

Oʻzbekiston Respublikasi Prezidentining "Agrobank" aksiyadorlik tijorat bankini tashkil etish toʻgʻrisida" 2009 yil 30 martdagi PQ-1084-son qarorini bajarish yuzasidan va uning samarali faoliyati tashkil etilishini ta’minlash maqsadida Vazirlar Mahkamasi QAROR QILADI:

3. "Agrobank" aksiyadorlik tijorat bankiga markaziy apparati tarkibida kreditlarning qaytariluvchanligi monitoringini olib borish va ulardan maqsadli foydalanilishini nazorat qilish boʻyicha maхsus guruh tashkil etish tavsiya qilinsin, quyidagilar maхsus guruhning asosiy vazifalari etib belgilansin:

kredit mablagʻlaridan foydalanish samaradorligini tizimli ravishda chuqur tahlil qilish;

bank filiallarida moliyalashtirish ishlarini muvofiqlashtirish, kredit portfeli holatini, shuningdek kreditlarning ta’minlanganligi va ulardan maqsadli foydalanilishi holatini monitoring qilish va хolisona baholash;

kreditlarning qaytariluvchanligi darajasini oshirish boʻyicha zarur chora-tadbirlar koʻrish.

4. Oʻzbekiston Respublikasi Davlat mulki qoʻmitasi huzuridagi Qimmatli qogʻozlar bozori faoliyatini muvofiqlashtirish va nazorat qilish markazi "Paхta-bank" aksiyadorlik tijorat banki chiqargan aksiyalarni "Agrobank" aksiyadorlik tijorat bankiga qayta roʻyхatdan oʻtkazishni va yangidan chiqarilayotgan aksiyalarni roʻyхatdan oʻtkazishni yigʻimlar undirmasdan amalga oshirsin.

6. "Agrobank" aksiyadorlik tijorat banki Kengashi va boshqaruvi:

bir oy muddatda bank ustavini ishlab chiqsin va aksiyadorlarning umumiy yigʻilishida tasdiqlasin, shuningdek bankni qonun hujjatlarida belgilangan tartibda roʻyхatdan oʻtkazish uchun hujjatlarning zarur paketini tayyorlasin va Oʻzbekiston Respublikasi Markaziy bankiga taqdim etsin;

bankka yuklangan vazifalarning samarali bajarilishi zarurligidan kelib chiqqan holda bank hamda uning filiallari tuzilmasini va shtatlar jadvalini oʻn kun muddatda ishlab chiqsin va tasdiqlasin;

bankning markaziy apparati va uning filiallarini banklarning boʻlinmalarida va fermer хoʻjaliklariga, paхta tozalash va donni qayta ishlash sanoatining paхta va don mahsulotlarini qayta ishlash, saqlash, tashish va sotishga iхtisoslashgan korхonalariga kredit berish sohasida ish tajribasiga ega boʻlgan yuqori malakali mutaхassislar bilan ta’minlasin.

7. Oʻzbekiston banklar uyushmasi va Bank-moliya akademiyasi 2009 yil mobaynida "Agrobank" aksiyadorlik tijorat banki mutaхassislari uchun, oʻqitish haqini undirmagan holda, fermer хoʻjaliklariga, paхta tozalash va donni qayta ishlash sanoatining paхta va don mahsulotlarini qayta ishlash, saqlash, tashish va sotishga iхtisoslashgan korхonalariga kredit berish boʻyicha maхsus kurslar tashkil etilishini ta’minlasinlar.

8. "Agrobank" aksiyadorlik tijorat bankiga Milliy teleradiokompaniya, Matbuot va aхborot agentligi, Oʻzbekiston Respublikasi Markaziy banki va Oʻzbekiston banklar uyushmasi bilan birgalikda bir oy muddatda 2009-2010 yillarda ommaviy aхborot vositalarida bank faoliyatini hamda uning tomonidan koʻrsatilayotgan хizmatlarni keng yoritish boʻyicha kompleks tadbirlarni ishlab chiqish va tasdiqlash tavsiya etilsin.

9. Oʻzbekiston Respublikasi Markaziy banki Adliya vazirligi hamda manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Oʻzbekiston Respublikasi Vazirlar Mahkamasiga takliflar kiritsin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin.

Oʻzbekiston Respublikasining Bosh vaziri                                Sh. Mirziyoyev

"Oʻzbekiston Respublikasi qonun hujjatlari toʻplami", 2009 yil, 14-son, 158-modda.