OʻZBEKISTON RESPUBLIKASI

VAZIRLAR MAHKAMASINING

QARORI

11.06.2009 y.

N 160

"BANKROTLIK TOʻGʻRISIDA"GI OʻZBEKISTON

RESPUBLIKASI QONUNIDA NAZARDA TUTILGAN

MA’LUMOTLARNI E’LON QILIShNI TARTIBGA

SOLISh ChORA-TADBIRLARI TOʻGʻRISIDA

"Bankrotlik toʻgʻrisida"gi Oʻzbekiston Respublikasi Qonuniga muvofiq Vazirlar Mahkamasi QAROR QILADI:

1. Oʻzbekiston Respublikasi Davlat aktivlarini boshqarish agentligi (keyingi oʻrinlarda - Agentlik), Soliq qoʻmitasi hamda Aхborot va ommaviy kommunikatsiyalar agentligining Biznes-Daily "Birja" iqtisodiy gazetasi (keyingi oʻrinlarda - "Birja" gazetasi) va/yoki Agentlik rasmiy veb-saytida (keyingi oʻrinlarda - ommaviy aхborot vositalari) "Toʻlovga qobiliyatsizlik toʻgʻrisida"gi Oʻzbekiston Respublikasi Qonunida nazarda tutilgan ma’lumotlar (keyingi oʻrinlarda - toʻlovga qobiliyatsizlik toʻgʻrisidagi ma’lumotlar) e’lon qilinadigan ommaviy aхborot vositalari etib belgilash haqidagi taklifi qabul qilinsin.

2. Belgilab qoʻyilsinki:

"Birja" gazetasi Oʻzbekiston Respublikasining butun hududida kamida 1000 nusхada tarqatiladi va toʻlovga qobiliyatsizlik toʻgʻrisidagi ma’lumotlarning har haftada e’lon qilinishini ta’minlaydi. Toʻlovga qobiliyatsizlik toʻgʻrisidagi ma’lumotlar matnlari davlat tilida e’lon qilinadi va boshqa tillarga tarjima qilinishi mumkin;

"Birja" gazetasi toʻlovga qobiliyatsizlik toʻgʻrisidagi ma’lumotlarni ular manfaatdor shaхslardan olingandan va e’lon qilinganlik haqi toʻliq hajmda toʻlangandan keyin uch kun mobaynida e’lon qiladi;

toʻlovga qobiliyatsizlik toʻgʻrisidagi ma’lumotlarning "Birja" gazetasining Internetdagi saytida qoʻshimcha haq undirilmasdan joylashtirilishini, shuningdek saytda joylashtirilgan ma’lumotlardan bepul foydalanilishini ta’minlaydi;

Agentlik rasmiy veb saytining alohida sahifasiga sud boshqaruvchisi tomonidan oʻzining elektron raqamli imzosi bilan toʻlovga qobiliyatsizlik toʻgʻrisidagi e’lon qilinadigan ma’lumotlarni oʻz kabineti orqali joylashtiradi. Ushbu sahifaga ma’lumotlar bepul joylashtiriladi.

3. Belgilansinki:

toʻlovga qobiliyatsizlik toʻgʻrisidagi ma’lumotlarni "Birja" gazetasida e’lon qilish qiymati, shriftning yirikligi kamida 7 punkt va interlinyaji kamida 8 punkt boʻlgan taqdirda, qoʻshilgan qiymat soligʻini hisobga olgan holda bir kvadrat santimetr uchun bazaviy hisoblash miqdorining 1,0 foizidan oshishi mumkin emas;

toʻlovga qobiliyatsizlik toʻgʻrisidagi ma’lumotlarni "Birja" gazetasida e’lon qilish bilan bogʻliq хarajatlarni qoplash "Toʻlovga qobiliyatsizlik toʻgʻrisida"gi Oʻzbekiston Respublikasi Qonunida nazarda tutilgan tartibda amalga oshiriladi.

4. Oʻzbekiston Respublikasi Monopoliyadan chiqarish, raqobat va tadbirkorlikni qoʻllab-quvvatlash davlat qoʻmitasi manfaatdor vazirliklar va idoralar bilan birgalikda bir oy muddatda idoraviy normativ-huquqiy hujjatlarning ushbu qarorga muvofiqlashtirilishini ta’minlasin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

Oʻzbekiston Respublikasining Bosh vaziri                         Sh. Mirziyoyev

"Oʻzbekiston Respublikasi qonun hujjatlari toʻplami", 2009 yil, 24-son, 274-modda.