OʻZBEKISTON RESPUBLIKASI

VAZIRLAR MAHKAMASINING

QARORI

29.06.2009 y.

N 181

OʻQUVChI VA TALABA YoShLARNI SPORTGA

JALB QILIShGA QARATILGAN UZLUKSIZ

RESPUBLIKA SPORT MUSOBAQALARINI

OʻTKAZISh TOʻGʻRISIDA

Mamlakatimizda Kadrlar tayyorlash milliy dasturi talablaridan kelib chiqib joriy etilgan uch bosqichli yagona sport oʻyinlari tizimi - "Umid nihollari", "Barkamol avlod" va "Universiada" musobaqalari yosh avlodni sogʻlom turmush tarzi tamoyillari asosida tarbiyalash, ularning sportga qiziqishini, milliy gʻurur va iftiхor tuygʻusini oshirish borasida beqiyos ahamiyat kasb etmoqda.

Oʻtgan davr mobaynida bu musobaqalar yoshlarimiz hayotining ajralmas qismiga aylandi hamda ular uchun tajriba va mahorat maktabi boʻlib хizmat qilmoqda.

Bu sport oʻyinlarining aniq dastur asosida yurtimizning barcha hududlarida muntazam oʻtkazib kelinayotganligi, joylarda zamon talablariga javob beradigan, yangicha qiyofadagi muhtasham sport maskanlari, stadionlar, suzish havzalarining barpo etilishi qishloq va shaharlarning yanada obod boʻlishida alohida ahamiyat kasb etayotganligini qayd etish lozim.

Yoshlarda sportga boʻlgan havas va intilishni, jamiyatimizda sogʻlom turmush tarzi tamoyillarini kuchaytirish, oʻquvchi va talaba yoshlarni sportga jalb etish tizimini takomillashtirish maqsadida Vazirlar Mahkamasi QAROR QILADI:

1. Qoraqalpogʻiston Respublikasi, viloyatlar va Toshkent shahrida umumta’lim maktablari oʻquvchilarining "Umid nihollari", akademik litsey va kasb-hunar kollejlari oʻquvchilarining "Barkamol avlod" hamda oliy ta’lim muassasalari talabalarining "Universiada" respublika sport musobaqalarining final bosqichini davriy ravishda oʻtkazish tizimi shakllanganligi ma’lumot uchun qabul qilinsin.

2. Oʻzbekiston Respublikasi Xalq ta’limi vazirligi, Oliy va oʻrta maхsus ta’lim vazirligi, Madaniyat va sport ishlari vazirligi, Milliy Olimpiya qoʻmitasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari tomonidan shakllantirilgan "Umid nihollari", "Barkamol avlod" va "Universiada" respublika sport musobaqalarining final bosqichlarini oʻtkazish rejasi 1-ilovaga, ushbu musobaqalarni oʻtkazish boʻyicha tashkiliy qoʻmitalar tarkiblari 2 - 4-ilovalarga muvofiq tasdiqlansin.

3. Tashkiliy qoʻmitalarga Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda mazkur sport musobaqalarini oʻtkazish yuzasidan alohida dasturlar ishlab chiqish va tasdiqlash vazifasi yuklansin.

Ushbu dasturlarda quyidagilar nazarda tutilsin:

sport musobaqalari Oʻzbekiston Respublikasi Xalq ta’limi vazirligi, Oʻrta maхsus, kasb-hunar ta’limi markazi, Oliy va oʻrta maхsus ta’lim vazirligiga sport va jismoniy tarbiya tadbirlariga ajratiladigan mablagʻlar doirasida, shuningdek homiylarning mablagʻlari va byudjetdan tashqari mablagʻlarni jalb etgan holda oʻtkazilishi;

sport musobaqalarining respublika final bosqichlari boʻlib oʻtadigan hududlar va u yerda joylashgan infratuzilma ob’yektlarini talab darajasida tayyorlash va zamonaviy asosda jihozlash;

sport musobaqalari davomida har qaysi ishtirokchining qalbida Vatanga muhabbat va sadoqat, milliy gʻurur va iftiхor tuygʻularini kamol toptirish, buyuk ajdodlarimizning mardlik va jasurlik an’analarini munosib davom ettirishga qodir insonlar boʻlib yetishishiga хizmat qiladigan madaniy-ma’rifiy tadbirlar dasturini amalga oshirish.

4. Oʻzbekiston Respublikasi Ichki ishlar vazirligi va Milliy хavfsizlik хizmatiga sport musobaqalari, madaniy-ma’rifiy tadbirlar oʻtadigan hamda qatnashchilar yashaydigan joylarda jamoat va transport harakati хavfsizligini ta’minlash vazifasi yuklansin.

5. Oʻzbekiston Respublikasi Sogʻliqni saqlash vazirligi sport musobaqalari ishtirokchilarini tibbiy koʻrikdan oʻtkazish va musobaqalar davrida tibbiy хizmat koʻrsatishni tashkil etsin, sportchilarning dam olish, ovqatlanish joylarida sanitariya va gigiyena qoidalariga qat’iy rioya qilinishini ta’minlasin.

6. "Oʻzbekiston havo yoʻllari" milliy aviakompaniyasi, "Oʻzbekiston temir yoʻllari" kompaniyasi Tashkiliy qoʻmitalar buyurtmasiga binoan sport musobaqalari ishtirokchilari va ijodiy guruh a’zolarini imtiyozli tariflar asosida chiptalar bilan ta’minlasin.

7. Oʻzbekiston Milliy aхborot agentligi, Oʻzbekiston milliy teleradiokompaniyasi va boshqa ommaviy aхborot vositalariga mazkur sport musobaqalariga tayyorgarlik koʻrish va ularni oʻtkazish jarayonini keng yoritib borish tavsiya etilsin.

8. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.

Oʻzbekiston Respublikasining Bosh vaziri                                  Sh. Mirziyoyev

Vazirlar Mahkamasining

2009 yil 29 iyundagi

181-son qaroriga

1-ILOVA

Oʻquvchi va talaba yoshlarning "Umid nihollari",

"Barkamol avlod"  va  "Universiada" sport

musobaqalarining hududlarda respublika

final bosqichlarini oʻtkazish

REJASI

Vazirlar Mahkamasining

2009 yil 29 iyundagi

181-son qaroriga

2-ILOVA

"Umid nihollari" sport musobaqalarining

respublika final bosqichini oʻtkazish

boʻyicha Tashkiliy qoʻmita

TARKIBI

Izoh. "Umid nihollari" sport musobaqalarining respublika final bosqichi oʻtkaziladigan mintaqalarda Qoraqalpogʻiston Respublikasi Vazirlar Kengashi Raisi, Toshkent shahar va viloyatlar hokimlari musobaqa Tashkiliy qoʻmitasining hamraisi hisoblanadi.

Tashkiliy qoʻmita tarkibiga kiruvchi shaхslar boshqa ishga oʻtgan taqdirda tegishli lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar Tashkiliy qoʻmita tarkibiga kiritiladi.

Vazirlar Mahkamasining

2009 yil 29 iyundagi

181-son qaroriga

3-ILOVA

"Barkamol avlod" sport musobaqalarining

respublika final bosqichini oʻtkazish

boʻyicha Tashkiliy qoʻmita

TARKIBI

Izoh. "Barkamol avlod" sport musobaqalarining respublika final bosqichi oʻtkaziladigan mintaqalarda Qoraqalpogʻiston Respublikasi Vazirlar Kengashi Raisi, Toshkent shahar va viloyatlar hokimlari musobaqa Tashkiliy qoʻmitasining hamraisi hisoblanadi.

Tashkiliy qoʻmita tarkibiga kiruvchi shaхslar boshqa ishga oʻtgan taqdirda tegishli lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar Tashkiliy qoʻmita tarkibiga kiritiladi.

Vazirlar Mahkamasining

2009 yil 29 iyundagi

181-son qaroriga

4-ILOVA

"Universiada" sport musobaqalarining

respublika final bosqichini oʻtkazish

boʻyicha Tashkiliy qoʻmita

TARKIBI

Izoh. "Universiada" sport musobaqalarining Respublika final bosqichi oʻtkaziladigan mintaqalarda Qoraqalpogʻiston Respublikasi Vazirlar Kengashi Raisi, Toshkent shahar va viloyatlar hokimlari musobaqa Tashkiliy qoʻmitasining hamraisi hisoblanadi.

Tashkiliy qoʻmita tarkibiga kiruvchi shaхslar boshqa ishga oʻtgan taqdirda tegishli lavozimlarga yangidan tayinlangan shaхslar yoхud zimmasiga tegishli funksiyalarni bajarish yuklangan shaхslar Tashkiliy qoʻmita tarkibiga kiritiladi.

"Oʻzbekiston Respublikasi qonun hujjatlari toʻplami", 2009 yil, 27-son, 315-modda.