Mehnat va aholini ijtimoiy muhofaza qilish vazirligi 50-son, Moliya vazirligining 82-son "Oʻzbekiston Respublikasi Prezidentining 2009 yil 8 iyuldagi PF-4119-sonli "Ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida"gi Farmoni boʻyicha pensiyalarni qayta hisoblash tartibi toʻgʻrisidagi yoʻriqnomani tasdiqlash haqida"gi 11.08.2009 y. Qarori (AV tomonidan 18.08.2009 y. 1995-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
18.08.2009 y.
N 1995
OʻZBEKISTON RESPUBLIKASI MEHNAT VA AHOLINI IJTIMOIY MUHOFAZA QILISh VAZIRLIGI 11.08.2009 y. N 50 |
OʻZBEKISTON RESPUBLIKASI MOLIYa VAZIRLIGINING 11.08.2009 y. N 82 |
QARORI
Oʻzbekiston Respublikasi Prezidentining
2009 yil 8 iyuldagi PF-4119-sonli "Ish haqi,
pensiyalar, stipendiyalar va ijtimoiy nafaqalar
miqdorini oshirish toʻgʻrisida"gi Farmoni boʻyicha
pensiyalarni qayta hisoblash tartibi toʻgʻrisidagi
yoʻriqnomani tasdiqlash haqida
(2009 yil 28 avgustdan kuchga kiradi)
Oʻzbekiston Respublikasi Prezidentining 2009 yil 8 iyuldagi PF-4119-sonli "Ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida"gi Farmoni ijrosini ta’minlash maqsadida Oʻzbekiston Respublikasi Mehnat va aholini ijtimoiy muhofaza qilish vazirligi va Moliya vazirligi QAROR QILADI:
1. Oʻzbekiston Respublikasi Prezidentining 2009 yil 8 iyuldagi PF-4119-sonli "Ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida"gi Farmoni boʻyicha pensiyalarni qayta hisoblash tartibi toʻgʻrisidagi yoʻriqnoma ilovaga muvofiq tasdiqlansin.
2. Oʻzbekiston Respublikasi Mehnat va aholini ijtimoiy muhofaza qilish vazirligi va Moliya vazirligining 2008 yil 31 oktyabrdagi 59 va 105-sonli "Oʻzbekiston Respublikasi Prezidentining 2008 yil 22 oktyabrdagi PF-4042-sonli "Ish haqi, pensiyalar, stipendiyalar va ijtimoiy nafaqalar miqdorini oshirish toʻgʻrisida"gi Farmoni boʻyicha pensiyalarni qayta hisoblash tartibi toʻgʻrisidagi yoʻriqnoma"ni tasdiqlash haqida"gi (roʻyхat raqami 1867, 2008 yil 5 noyabr) (Oʻzbekiston Respublikasi qonun hujjatlari toʻplami, 2008 yil, 44-45 son, 450-modda) qarori 2009 yil 1 avgustdan oʻz kuchini yoʻqotgan deb hisoblansin.
3. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan sanadan boshlab oʻn kun oʻtgandan keyin kuchga kiradi.
Mehnat va aholini ijtimoiy
muhofaza qilish vaziri v.b. A. Xaitov
Moliya vaziri R. Azimov
"Oʻzbekiston Respublikasi qonun hujjatlari toʻplami", 2009 yil, 34-son, 376-modda.