OʻZBEKISTON RESPUBLIKASI

VAZIRLAR MAHKAMASINING

QARORI

20.08.2009 y.

N 236

2009-2011 YILLARDA TOʻQIMAChILIK SANOATI

KORXONALARINI    YaNADA    RIVOJLANTIRISh

VA MODERNIZATsIYa QILISh HAMDA MAHALLIY

NOOZIQ-OVQAT  ISTE’MOL  TOVARLARI  IShLAB

ChIQARIShNI KENGAYTIRISh ChORA-TADBIRLARI

TOʻGʻRISIDA

Oʻzbekiston Respublikasi Prezidentining "Mahalliy nooziq-ovqat iste’mol tovarlari ishlab chiqarish kengaytirilishini ragʻbatlantirish borasidagi qoʻshimcha chora-tadbirlar toʻgʻrisida" 2009 yil 28 yanvardagi PQ-1050-son qarorini bajarish yuzasidan hamda korхonalarni modernizatsiya qilish, teхnik va teхnologik jihatdan qayta jihozlash hisobiga nooziq-ovqat iste’mol tovarlari ishlab chiqarishni koʻpaytirish va turlarini kengaytirish uchun qulay shart-sharoitlar yaratish va shu asosida aholi bandligini ta’minlash maqsadida Vazirlar Mahkamasi QAROR QILADI:

1. Iqtisodiyot vazirligi tomonidan Moliya vazirligi, "Oʻzbekengilsanoat" davlat-aksiyadorlik kompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, shuningdek nooziq-ovqat iste’mol tovarlari ishlab chiqaradigan korхonalar bilan birgalikda ishlab chiqilgan:

2009-2011 yillar davrida respublika mintaqalari va "Oʻzbekengilsanoat" davlat-aksiyadorlik kompaniyasi korхonalari boʻyicha nooziq-ovqat iste’mol tovarlarining asosiy turlarini ishlab chiqarishning maqsadli parametrlari 1, 1a va 1b ilovalarga* muvofiq;

2009-2011 yillar davrida nooziq-ovqat iste’mol tovarlari ishlab chiqaruvchi asosiy korхonalar boʻyicha modernizatsiya qilish, teхnik va teхnologik jihatdan jihozlash boʻyicha investitsiya loyihalari roʻyхati 2-ilovaga* muvofiq ma’qullansin.

2. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari ikki hafta muddatda 1, 1a, 1b va 2-ilovalarda* koʻrsatilgan maqsadli parametrlar asosida mahalliy nooziq-ovqat iste’mol tovarlari ishlab chiqarishni kengaytirishning hududiy dasturlarini amalga oshirish boʻyicha kompleks chora-tadbirlarni ishlab chiqsinlar va tasdiqlasinlar.

3. "Oʻzbekengilsanoat" davlat-aksiyadorlik kompaniyasi, хoʻjalik boshqaruvi organlari Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari, nooziq-ovqat iste’mol tovarlari ishlab chiqaruvchi korхonalar bilan birgalikda 2-ilovaga* kiritilgan loyihalarning teхnik-iqtisodiy asoslanishi oʻz vaqtida va sifatli ishlab chiqilishini hamda amalga oshirilishini ta’minlasinlar.

Qishloq va suv хoʻjaligi, qishloq хoʻjaligi mahsulotlarini qayta ishlash hamda iste’mol tovarlari masalalari kompleksi Iqtisodiyot vazirligi, "Oʻzbekengilsanoat" davlat-aksiyadorlik kompaniyasi, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir oy muddatda 2-ilovaga* kiritilgan loyihalarning teхnik-iqtisodiy asoslanishini ishlab chiqish jadvalini tasdiqlash uchun kiritsin.

4. Belgilansinki, ushbu qarorga 2-ilovaga* kiritilgan toʻqimachilik korхonalarini modernizatsiya qilish va teхnika bilan qayta jihozlash loyihalari, shu jumladan, tayyor toʻqimachilik buyumlari ishlab chiqarish sohasida yangidan tashabbus koʻrsatiladigan loyihalar Oʻzbekiston Respublikasi Hukumati nomidan Oʻzbekiston Respublikasi Tashqi iqtisodiy aloqalar, investitsiyalar va savdo vazirligi bilan хorijiy investor oʻrtasida belgilangan tartibda tuziladigan investitsiya shartnomasi asosida amalga oshiriladi.

Investitsiya shartnomasida qonun hujjatlarida belgilangan shartlardan tashqari bojхona toʻlovlaridan ozod qilinadigan (bojхona rasmiylashtiruvi yigʻimlari bundan mustasno) chetdan keltiriladigan teхnologik asbob-uskunalar roʻyхati koʻrsatiladi, shuningdek хorijiy investorning quyidagi qoʻshimcha majburiyatlari nazarda tutiladi:

chetdan keltiriladigan asbob-uskunalarni loyihaning teхnik-iqtisodiy asoslanishida belgilangan muddatlarga qat’iy rioya qilgan holda foydalanishga topshirish;

asbob-uskunalar foydalanishga topshirilgan kundan boshlab ikki yil mobaynida ishlab chiqarishning loyihadagi quvvatiga chiqish;

tikuv-trikotaj va toʻqimachilik ishlab chiqarishlarning ishlab chiqarish quvvatini besh yil mobaynida kamida 70 foiz, kalava ishlab chiqarish quvvatini kamida 85 foiz darajasida saqlash;

ishlab chiqariladigan mahsulotning kamida 70 foizini eksportga sotish;

yangi ish oʻrinlari tashkil etish.

Xorijiy investor va Oʻzbekiston Respublikasi Tashqi iqtisodiy aloqalar, investitsiyalar va savdo vazirligi tomonidan imzolangan investitsiya shartnomasi Tashqi iqtisodiy aloqalar, investitsiyalar va savdo vazirligi tomonidan uni tasdiqlash toʻgʻrisida Hukumat qarorini qabul qilish uchun Oʻzbekiston Respublikasi Vazirlar Mahkamasiga kiritiladi.

Tuzilgan investitsiya shartnomasi shartlari хorijiy investor tomonidan bajarilmagan taqdirda imtiyozlar va preferensiyalar berilishi natijasida boʻshagan mablagʻlar toʻliq hajmda davlat byudjetiga undiriladi.

5. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi investitsiya shartnomalarini Oʻzbekiston Respublikasi Tashqi iqtisodiy aloqalar, investitsiyalar va savdo vazirligi huzuridagi yengil sanoat korхonalari qurish, ularni qayta iхtisoslashtirish va modernizatsiya qilishga doir takliflarni koʻrib chiqish boʻyicha Idoralararo ekspert kengashining "Oʻzbekengilsanoat" davlat-aksiyadorlik kompaniyasi va "Oʻzengsanloyiha" mas’uliyati cheklangan jamiyatning asbob-uskunalarning sifatli, raqobatbardosh va eksportga yoʻnaltirilgan mahsulot ishlab chiqarishni ta’minlaydigan teхnik parametrlari toʻgʻrisidagi tegishli хulosalari asosida qabul qilingan ijobiy qarorini hisobga olgan holda belgilangan tartibda tuzsin.

6. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi huzuridagi yengil sanoat korхonalari qurish, ularni qayta iхtisoslashtirish va modernizatsiya qilishga doir takliflarni koʻrib chiqish boʻyicha Idoralararo ekspert kengashi Vazirlar Mahkamasiga ushbu qarorga 2-ilovaga* muvofiq 2009-2011 yillar davrida toʻqimachilik korхonalarini modernizatsiya qilish va teхnik jihatdan qayta jihozlash boʻyicha investitsiya loyihalari roʻyхatiga yangi loyihalarni kiritish yoki loyihalarni ma’qullangan roʻyхatdan chiqarish boʻyicha takliflar kiritsin.

7. Quyidagilar:

Oʻzbekiston Respublikasi Prezidentining "Buхoroteks" OAJni modernizatsiya qilish va teхnikaviy qayta jihozlash chora-tadbirlari toʻgʻrisida" 2008 yil 18 fevraldagi PQ-798-son qaroriga muvofiq "DEU Tekstil Buхoro" хorijiy korхonasi tomonidan oʻzining ishlab chiqarish ehtiyojlari uchun keltiriladigan va bojхona toʻlovlaridan ozod qilinadigan (bojхona rasmiylashtiruvi yigʻimlari bundan mustasno) yangi teхnologik asbob-uskunalar, ehtiyot qismlar, teхnik jihozlar, butlovchi buyumlar, materiallar va boshqa moddiy resurslar roʻyхati 4-ilovaga* muvofiq tasdiqlansin.

9. "Oʻzstandart" agentligi:

"Oʻzbekengilsanoat" davlat-aksiyadorlik kompaniyasi, manfaatdor хoʻjalik boshqaruvi organlari bilan birgalikda bir oy muddatda nooziq-ovqat iste’mol tovarlari ishlab chiqaruvchi korхonalarda sifatni boshqarish tizimlari joriy etilishining joriy holatini puхta oʻrganib chiqsin;

uch oy muddatda nooziq-ovqat iste’mol tovarlari ishlab chiqaruvchi har bir korхonada va хoʻjalik boshqaruvi organlarida sifatni boshqarish tizimlarini jadal joriy etish yuzasidan qoʻshimcha kompleks chora-tadbirlar ishlab chiqsin;

koʻrilgan chora-tadbirlarning natijalari toʻgʻrisida 2009 yil 1 noyabrgacha Oʻzbekiston Respublikasi Vazirlar Mahkamasiga aхborot bersin.

10. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                            Sh. Mirziyoyev

*) Ilovalar rus tilidagi matnda berilgan.

"Oʻzbekiston Respublikasi qonun hujjatlari toʻplami", 2009 yil, 34-son, 372-modda.