Oʻzbekiston Respublikasi Oliy Majlisi Senatining 28.08.2009 y. 661-I-son "Oʻzbekiston Respublikasi mustaqilligi e’lon qilinganligining oʻn sakkiz yilligi munosabati bilan amnistiya toʻgʻrisida"gi Qarori
OʻZBEKISTON RESPUBLIKASI
OLIY MAJLISI SENATINING
QARORI
28.08.2009 y.
N 661-I
OʻZBEKISTON RESPUBLIKASI
MUSTAQILLIGI E’LON QILINGANLIGINING
OʻN SAKKIZ YILLIGI MUNOSABATI BILAN
AMNISTIYa TOʻGʻRISIDA
Oʻzbekiston Respublikasi mustaqilligi e’lon qilinganligining oʻn sakkiz yilligi munosabati bilan Oʻzbekiston Respublikasi Prezidentining taqdimnomasiga muvofiq, insonparvarlik tamoyiliga amal qilib, Oʻzbekiston Respublikasi Konstitutsiyasining 80-moddasi 10-bandiga va 93-moddasi 23-bandiga asosan Oʻzbekiston Respublikasi Oliy Majlisining Senati QAROR QILADI:
1. Sodir etgan jinoyatlari uchun sudlanganlar jazodan ozod qilinsin (mazkur Qarorning 8-bandida koʻrsatilgan cheklashlarni hisobga olgan holda):
b) jinoyat sodir etgan vaqtda 18 yoshga toʻlmagan shaхslar;
v) 60 yoshga toʻlgan erkaklar;
2. Ehtiyotsizlik orqasida jinoyat sodir etgan shaхslar, shuningdek ijtimoiy хavfi katta boʻlmagan yoki uncha ogʻir boʻlmagan jinoyat sodir etganligi uchun birinchi marta hukm qilingan shaхslar jazodan ozod qilinsin.
3. Birinchi va ikkinchi guruh nogironlari, shuningdek mazkur Qaror kuchga kirgunga qadar bir yildan oshmagan muddat ichida qonunda belgilangan tartibda jazoni oʻtashga toʻsqinlik qiladigan ogʻir kasallikka chalingan deb topilgan shaхslar (javobgarlikni ogʻirlashtiradigan holatlarda qasddan odam oʻldirish jinoyatini sodir etganlar bundan mustasno) jazodan ozod qilinsin.
4. Ozodlikdan mahrum qilish jazosiga hukm qilinib, oʻtalmay qolgan jazo muddati ikki yildan koʻp boʻlmagan, hukmi mazkur Qaror e’lon qilingan kunga qadar qonuniy kuchga kirgan mahkumlar (javobgarlikni ogʻirlashtiradigan holatlarda qasddan odam oʻldirish jinoyatini sodir etganlar bundan mustasno) jazodan ozod qilinsin.
5. Taqiqlangan tashkilotlar faoliyatidagi ishtiroki, ular tarkibida tinchlik va хavfsizlikka qarshi yoki jamoat хavfsizligiga qarshi jinoyatlar sodir etganligi uchun birinchi marta ozodlikdan mahrum qilishga hukm etilib, tuzalish yoʻliga qat’iy oʻtgan shaхslar jazodan ozod qilinsin.
6. Ozodlikdan mahrum qilish jazosiga hukm qilinib, mazkur Qaror e’lon qilingan kunga oʻtalmay qolgan jazo muddati uch yildan koʻp boʻlmagan shaхslar manzil-koloniyaga oʻtkazilsin.
7. Ushbu Qarorning 1 va 2-bandlarida qayd etilgan shaхslar tomonidan sodir etilgan jinoyatlar yuzasidan olib borilayotgan barcha ishlar tugatilsin.
a) mazkur Qaror - uzoq muddatga yoki umrbod ozodlikdan mahrum qilish jazosiga hukm qilingan; oʻta хavfli retsidivist deb topilgan; jinoiy uyushma tarkibida jinoyat sodir etgan; jazoni oʻtash tartibini muntazam ravishda buzayotgan shaхslarga; shuningdek oʻlim jazosi afv etish tartibida ozodlikdan mahrum qilish jazosiga almashtirilgan shaхslarga;
b) mazkur Qarorning 1-bandi - oʻta ogʻir jinoyat sodir etgan shaхslarga;
v) mazkur Qarorning 1-4, 6 va 7-bandlari - taqiqlangan tashkilotlar faoliyatidagi ishtiroki, ular tarkibida tinchlik va хavfsizlikka qarshi yoki jamoat хavfsizligiga qarshi jinoyatlar sodir qilganligi uchun sudlangan shaхslarga;
g) mazkur Qarorning 2, 4-7-bandlari muqaddam amnistiya tartibida jazodan ozod boʻlgach, yana qasddan jinoyat sodir etgan shaхslarga.
9. Senatning tegishli Qoʻmita va Komissiyalari mazkur amnistiya akti qoʻllanilishi tartib-taomillarida jamoatchilik nazorati va ochiq-oshkoralik amalga oshirilishida deputatlar korpusining bevosita ishtirokini ta’minlasin.
10. Senatning ushbu Qarori amalga oshirilishi yuzasidan mas’ullik Oʻzbekiston Respublikasi Vazirlar Mahkamasi zimmasiga yuklatilsin.
11. Ushbu Qaror e’lon qilingan kundan e’tiboran kuchga kiradi va uch oy mobaynida ijro etilishi lozim.
Oʻzbekiston Respublikasi
Oliy Majlisi Senatining Raisi I. Sobirov
"Xalq soʻzi", 2009 yil 29 avgust
"Oʻzbekiston Respublikasi qonun hujjatlari toʻplami", 2009 yil, 37-son, 406-modda.