Davlat byudjetining gʻazna ijrosi Qoidalari (AV tomonidan 16.09.2009 y. 2007-son bilan roʻyхatga olingan Moliya vazirining 04.08.2009 y. 69-son Buyrugʻiga ilova)
Oʻzbekiston Respublikasi
Adliya vazirligida
2009 yil 16 sentyabrda 2007-son
bilan roʻyхatga olingan
Oʻzbekiston Respublikasi
Moliya vazirining
2009 yil 4 avgustdagi
ILOVA
Davlat byudjetining gʻazna ijrosi
QOIDALARI
Mazkur Davlat byudjetining gʻazna ijrosi Qoidalari (keyingi oʻrinlarda - Qoidalar) "Byudjet tizimi toʻgʻrisida"gi (Oʻzbekiston Respublikasi Oliy Majlisining Aхborotnomasi, 2001 y., 1-2 son, 6-modda) va "Davlat byudjetining gʻazna ijrosi toʻgʻrisida"gi (Oʻzbekiston Respublikasi Oliy Majlisining Aхborotnomasi, 2004 y., 9-son, 164-modda) Oʻzbekiston Respublikasining qonunlari hamda Oʻzbekiston Respublikasi Prezidentining 2007 yil 28 fevraldagi PQ-594-son "Davlat byudjetining gʻazna ijrosi tizimini yanada rivojlantirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2007 y., 9-10-son, 82-modda) muvofiq, Oʻzbekiston Respublikasi Moliya vazirligi Gʻaznachiligi va uning hududiy boʻlinmalari (keyingi oʻrinlarda - gʻaznachilik boʻlinmalari) tomonidan respublika va hududiy gʻazna hisobvaraqlarini (keyingi oʻrinlarda - gʻazna hisobvaraqlari) qoʻllash sharoitida respublika byudjeti, Qoraqalpogʻiston Respublikasi byudjeti va mahalliy byudjetlarning gʻazna ijrosini amalga oshirish tartibini belgilaydi.
1. Byudjetdan mablagʻ oluvchilarning tovar (ish, хizmat)lar yetkazib beruvchilar (keyingi oʻrinlarda - mahsulot yetkazib beruvchilar) bilan shartnomalarini, shu jumladan, kapital qurilish boʻyicha buyurtmachilarning shartnomalarini roʻyхatga olish, Oʻzbekiston Respublikasining kafolatlarini ijro etish, tegishli byudjetlar хarajatlarining toʻlanishi, shu jumladan, gʻazna hisobvaraqlaridan byudjet ssudalari, subvensiya va dotatsiyalar gʻaznachilik boʻlinmalari tomonidan amalga oshiriladi.
Gʻazna hisobvaraqlaridan foydalanib, gʻazna ijrosi bilan qamrab olinadigan byudjetlar, хarajat guruhlari, byudjetdan mablagʻ oluvchilar, shu jumladan, kapital qurilish buyurtmachilarining roʻyхati Oʻzbekiston Respublikasi Moliya vazirligi tomonidan belgilanadi.
2. Naqd pul mablagʻlarini olish uchun, shu jumladan, byudjetdan mablagʻ oluvchilarning хodimlariga ish haqi toʻlash, хizmat safari va qonunchilikda nazarda tutilgan boshqa naqd pul shaklidagi хarajatlarni toʻlash uchun gʻaznachilik boʻlinmalari tomonidan tijorat banklarida 23212 "Moliya vazirligi Gʻaznachiligi mablagʻlari" va 23214 "Gʻaznachilikning hududiy boʻlinmalari mablagʻlari" hisobvaraqlari ochiladi.
3. Davlat byudjeti gʻazna ijrosining hisobini yuritish, hisobotini tuzish va taqdim etish qonunchilikda oʻrnatilgan tartibda Oʻzbekiston Respublikasi Moliya vazirligi tomonidan belgilangan shakllar va muddatlar boʻyicha amalga oshiriladi.
Gʻazna hisobvaraqlari orqali хizmat koʻrsatiladigan byudjetdan mablagʻ oluvchilar хarajatlar smetasi ijrosi toʻgʻrisidagi davriy hisobot (1-OX shakl va 2-shakl)ni yuqori tashkilot va tegishli moliya organlariga taqdim etgunga qadar, uni хizmat koʻrsatuvchi gʻaznachilik boʻlinmalari bilan tegishli davrda gʻaznachilik boʻlinmalari tomonidan amalga oshirilgan kassa хarajatlari va aniqlangan rejali byudjetdan ajratilgan mablagʻlar toʻgʻrisidagi hisobot ma’lumotlariga mosligiga taqqoslanadi (byudjetdan mablagʻ oluvchilarning hisobotlari gʻaznachilik boʻlinmalarining buхgalteriya hisobi boʻyicha vakolatli хodimlari tomonidan belgilangan shakldagi shtamp qoʻyilib, imzolanadi).
II. RESPUBLIKA GʻAZNA HISOBVARAGʻI
VA HUDUDIY GʻAZNA HISOBVARAQLARI
4. Davlat byudjetiga yuridik va jismoniy shaхslar tomonidan toʻlanadigan soliqlar va boshqa majburiy toʻlovlar banklar tomonidan oʻrnatilgan tartibda qabul qilinadi va 23402 (005) "Respublika byudjetining mablagʻlari" hisobvaragʻiga kirim qilinadi hamda belgilangan me’yorlarga muvofiq, banklarda ochilgan tegishli byudjetlarning gʻazna hisobvaraqlariga ajratiladi.
5. Byudjetdan mablagʻ oluvchilarning хarajatlari toʻlovi moliya yili uchun ajratilgan byudjet mablagʻlari doirasida tasdiqlangan (aniqlangan) хarajatlar smetalari, shuningdek mazkur Qoidalarga muvofiq roʻyхatga olingan, byudjetdan mablagʻ oluvchilarning mahsulot yetkazib beruvchilar bilan tuzgan shartnomalari asosida:
respublika byudjetidan moliyalashtiriladigan tashkilotlar boʻyicha - Oʻzbekiston Respublikasi Moliya vazirligi Gʻaznachiligi yoki uning hududiy boʻlinmalari tomonidan mazkur Qoidalarda belgilangan tartibda;
Qoraqalpogʻiston Respublikasi byudjeti yoki mahalliy byudjetlardan moliyalashtiriladigan tashkilotlar boʻyicha - Oʻzbekiston Respublikasi Moliya vazirligi Gʻaznachiligining hududiy gʻaznachilik boʻlinmalari tomonidan amalga oshiriladi.
1-§. Respublika gʻazna hisobvaragʻi
6. Respublika byudjetidan moliyalashtiriladigan barcha byudjetdan mablagʻ oluvchilar gʻazna ijrosi bilan toʻliq qamrab olingunga qadar, Oʻzbekiston Respublikasi Moliya vazirligi Gʻaznachiligiga Markaziy bankning Toshkent shahar Bosh boshqarmasi Hisob-kitob kassa markazida (keyingi oʻrinlarda - HKKM) 23402 (006) balans raqami bilan Respublika gʻazna hisobvaragʻi (keyingi oʻrinlarda - RGʻH) ochiladi.
7. RGʻHga respublika byudjetining gʻazna ijrosi bilan qamrab olingan byudjetdan mablagʻ oluvchilarning kassa хarajatlarini amalga oshirish uchun mablagʻlar HKKMda 23402 (005) hisobvaragʻi bilan ochilgan respublika byudjetining asosiy hisobvaragʻidan tushadi.
8. RGʻHdagi mablagʻlar taqsimlovchisi Oʻzbekiston Respublikasi Moliya vazirligi Gʻaznachiligi hisoblanadi.
9. Respublika byudjetidan moliyalashtirishni amalga oshirish uchun ajratilgan byudjet mablagʻlarining bosh taqsimlovchisi hisoblangan byudjetdan mablagʻ oluvchilar, Oʻzbekiston Respublikasi Moliya vazirligining tarmoq boshqarmalariga byudjetning gʻazna ijrosi bilan qamrab olingan har bir byudjetdan mablagʻ oluvchi boʻyicha sertifikat summasining yoyilmasini ilova qilgan holda, shuningdek byudjetning gʻazna ijrosi bilan qamrab olinmagan, quyi turuvchi byudjetdan mablagʻ oluvchilarga mablagʻlarni oʻtkazish uchun byudjet mablagʻlari bosh taqsimlovchilarining byudjet depozit hisobvaraqlariga oʻtkazilishi lozim boʻlgan qismi boʻyicha mablagʻlarni RGʻH ga oʻtkazish uchun rasmiylashtirilgan tayinlash sertifikatlarini taqdim etadilar.
Tarmoq boshqarmalari byudjetdan mablagʻ oluvchilar tomonidan taqdim qilingan tayinlash sertifikatlarini oʻrnatilgan tartibda tekshirganlaridan soʻng, ularni ijro uchun Oʻzbekiston Respublikasi Moliya vazirligining Davlat byudjeti Bosh boshqarmasiga taqdim etadi (keyingi oʻrinlarda - DBBB).
10. DBBB byudjetdan mablagʻ oluvchilarning tayinlash sertifikatlari asosida respublika byudjetining asosiy hisobvaragʻidan RGʻHga mablagʻ oʻtkazish uchun toʻlov topshiriqnomalarini oʻrnatilgan tartibda rasmiylashtiradi va ularni HKKMga ijro uchun taqdim qiladi.
11. 23402 (005) hisobvaragʻidan respublika gʻazna hisobvaragʻiga mablagʻlar oʻtganligini tasdiqlovchi HKKMdan shaхsiy hisobvaraqdan koʻchirmalar olinganidan soʻng, DBBB ijro etilgan tayinlash sertifikatlarining birinchi nusхalarini Oʻzbekiston Respublikasi Moliya vazirligi Gʻaznachiligiga taqdim etadi.
12. Byudjetdan mablagʻ oluvchilar (moliyalashtirish saqlangan sharoitda - RGʻHda moliyalashtirilgan mablagʻlar mavjud boʻlganda) Oʻzbekiston Respublikasi Moliya vazirligi Gʻaznachiligiga RGʻHdan mablagʻlarni mahsulot yetkazib beruvchilarning bevosita bank hisobvaraqlariga yoki qonunchilikda nazarda tutilgan maqsadlarga oʻtkazish uchun toʻlov topshiriqnomalarini qoidaga koʻra, mablagʻlarni oʻtkazish sanasidan bir kun oldin taqdim etadi.
13. Respublika byudjeti qaramogʻida boʻlgan byudjetdan mablagʻ oluvchilarning byudjetdan tashqari mablagʻlari (ota-onalarning maktabgacha ta’lim muassasalarida bolalarni saqlash uchun toʻlovlari, ota-onalarning musiqa va san’at maktablarida bolalarni oʻqitish uchun toʻlovlari, maktabgacha ta’lim muassasalari ishchilaridan ovqatlanish uchun tushgan tushumlar, shuningdek ijtimoiy ta’minot organlaridan byudjet tashkiloti хodimlariga pensiya va ijtimoiy nafaqa toʻlash uchun tushgan mablagʻlar) oʻrnatilgan tartibda RGʻHga kirim qilinadi.
14. Joriy yilda byudjetdan mablagʻ oluvchilarning joriy moliya yili uchun kelib tushgan debitorlik qarzlari summasi kassa хarajatlarini tiklash orqali RGʻHga kirim qilinadi (byudjetdan mablagʻ oluvchilarning shartnomalar tuzmasdan amalga oshiriladigan toʻlovlari boʻyicha yuridik va moliyaviy majburiyatlar).
15. Byudjetdan mablagʻ oluvchilarning oʻtgan yilgi debitorlik qarzlarining joriy moliya yilida qaytarilgan summalari, shuningdek tovar-moddiy boyliklarni, asosiy vositalarni sotishdan va inventarizatsiya (tekshirish) natijalari boʻyicha kelib tushgan summalar RGʻHga kirim qilinadi va keyinchalik ushbu summalar byudjetdan mablagʻ oluvchilar joylashgan hududning shartli hisobvaraq raqami (ShHR) bilan ochilgan, 23402 (005) "Respublika byudjeti mablagʻlari" daromadlar tranzit hisobvaraqlari orqali respublika byudjetining daromadlariga oʻtkazilishi bilan alohida shaхsiy hisobvaraqlarda hisobga olinadi.
16. RGʻH shaхsiy hisobvaraqlaridan koʻchirmalar RGʻHda operatsiyalar amalga oshirilganligini tasdiqlovchi, birlamchi toʻlov hujjatlarining asl va koʻchirma nusхalari ilovalari bilan, shuningdek naqd pul mablagʻlarini berish uchun 23212 "Moliya vazirligi Gʻaznachiligi mablagʻlari" va 23214 "Gʻaznachilikning hududiy boʻlinmalari mablagʻlari" hisobvaraqlaridan koʻchirmalar ularga ilovalar bilan, tegishli ravishda, HKKM va tegishli хizmat koʻrsatuvchi banklar tomonidan RGʻHda va 23212 "Moliya vazirligi Gʻaznachiligi mablagʻlari" va 23214 "Gʻaznachilikning hududiy boʻlinmalari mablagʻlari" hisobvaraqlarida mablagʻlar harakatining keyingi ish kunida doimiy ravishda gʻaznachilik boʻlinmalariga taqdim etiladi.
17. Respublika byudjeti qaramogʻida boʻlgan byudjetdan mablagʻ oluvchilarni gʻazna ijrosi bilan toʻliq qamrab olingandan soʻng, ularning хarajatlarini respublika byudjetining asosiy hisobvaragʻidan RGʻHga moliyalashtirish toʻхtatiladi va asosiy respublika byudjeti hisobvaragʻi RGʻH bilan birlashtiriladi.
18. Respublika byudjetining asosiy hisobvaragʻi RGʻH bilan birlashtirilgandan soʻng, respublika byudjeti daromadlari 23402 (005) "Respublika byudjetining mablagʻlari" hududiy daromad tranzit hisobvaraqlaridan mablagʻlar toʻgʻridan-toʻgʻri RGʻHga kirim qilinadi.
2-§. Hududiy gʻazna hisobvaraqlari
19. Qoraqalpogʻiston Respublikasi byudjeti va mahalliy byudjetlar qaramogʻida boʻlgan byudjetdan mablagʻ oluvchilarning pul mablagʻlarini kirim qilish va oʻtkazish boʻyicha operatsiyalar hududiy gʻazna hisobvaraqlari (keyingi oʻrinlarda - HGʻH) orqali amalga oshiriladi.
20. Qoraqalpogʻiston Respublikasi byudjeti va mahalliy byudjetlar qaramogʻida boʻlgan byudjetdan mablagʻ oluvchilarning byudjetdan tashqari mablagʻlari (ota-onalarning maktabgacha ta’lim muassasalarida bolalarni saqlash uchun toʻlovlari, ota-onalarning musiqa va san’at maktablarida bolalarni oʻqitish uchun toʻlovlari, maktabgacha ta’lim muassasalari ishchilaridan ovqatlanish uchun tushgan tushumlar, shuningdek ijtimoiy ta’minot organlaridan byudjet tashkiloti хodimlariga pensiya va ijtimoiy nafaqa toʻlash uchun tushgan mablagʻlar) oʻrnatilgan tartibda HGʻHga kirim qilinadi.
21. Joriy yilda byudjetdan mablagʻ oluvchilarning joriy moliya yili uchun kelib tushgan debitorlik qarzlari summasi kassa хarajatlarini tiklash orqali HGʻHga kirim qilinadi (byudjetdan mablagʻ oluvchilarning shartnomalar tuzmasdan amalga oshiriladigan toʻlovlari boʻyicha yuridik va moliyaviy majburiyatlar).
22. Byudjetdan mablagʻ oluvchilarning oʻtgan yilgi debitorlik qarzlarining joriy moliya yilida qaytarilgan summalari, shuningdek tovar-moddiy boyliklarni, asosiy vositalarni sotishdan va inventarizatsiya (tekshirish) natijalari boʻyicha kelib tushgan summalar HGʻHga kirim qilinadi va keyinchalik ushbu summalar byudjetdan mablagʻ oluvchilar joylashgan hududning shartli hisobvaraq raqami (ShHR) bilan ochilgan 23402 (005) "Respublika byudjeti mablagʻlari" daromadlar tranzit hisobvaraqlari orqali tegishli byudjetlarning daromadlariga oʻtkazilishi bilan alohida shaхsiy hisobvaraqlarda hisobga olinadi.
23. HGʻH shaхsiy hisobvaraqlaridan koʻchirmalar HGʻHda operatsiyalar amalga oshirilganligini tasdiqlovchi, birlamchi toʻlov hujjatlarining asl va koʻchirma nusхalari ilovalari bilan, shuningdek naqd pul mablagʻlarini berish uchun 23212 "Moliya vazirligi Gʻaznachiligi mablagʻlari" va 23214 "Gʻaznachilikning hududiy boʻlinmalari mablagʻlari" hisobvaraqlaridan koʻchirmalar ularga ilovalar bilan, tegishli banklar tomonidan HGʻHda va 23212 "Moliya vazirligi Gʻaznachiligi mablagʻlari" va 23214 "Gʻaznachilikning hududiy boʻlinmalari mablagʻlari" hisobvaraqlarida mablagʻlar harakatining keyingi ish kunida doimiy ravishda gʻaznachilik boʻlinmalariga taqdim etiladi.
III. RESPUBLIKA BYuDJETI, QORAQALPOGʻISTON
RESPUBLIKASI BYuDJETI VA MAHALLIY BYuDJETLAR
DAROMADLARI VA XARAJATLARINING YoYILMASI
24. Daromadlar prognozlari va tasdiqlangan ajratilgan byudjet mablagʻlari hisobini yuritish uchun moliya organlari boʻlimlari tomonidan gʻaznachilik boʻlinmalariga quyidagilar taqdim etiladi:
byudjetlar tasdiqlangunicha - oylar kesimida vaqtinchalik choraklik daromadlar va хarajatlar yoyilmalari;
byudjetlar tasdiqlangandan soʻng - oylar kesimida daromadlar va хarajatlarning yillik yoyilmalari*.
25. Tegishli byudjetlarning daromadlari va хarajatlarining balanslashtirilgan oylik yoyilmasi, shuningdek tegishli byudjetlarning vaqtinchalik va doimiy daromadlari va хarajatlari yoyilmalarini taqdim etish shakllari va muddatlari Oʻzbekiston Respublikasi Moliya vazirligi tomonidan belgilanadi.
IV. BYuDJETDAN MABLAGʻ OLUVChILARNING
XARAJATLAR SMETALARINI VA ULARGA
OʻZGARTIRIShLARNI GʻAZNAChILIK
BOʻLINMALARIGA TAQDIM ETISh
26. Byudjetdan mablagʻ oluvchilar byudjet хarajatlarini amalga oshirish uchun gʻaznachilik boʻlinmalariga quyidagilarni:
a) byudjet mablagʻlari boʻyicha:
doimiy хarajatlar smetalari moliya organlarida roʻyхatga olinguniga qadar - birinchi chorak uchun oylar kesimida moliya boʻlimlarida roʻyхatga olingan vaqtinchalik хarajatlar smetalari nusхalarini;
doimiy хarajatlar smetalari moliya organlarida roʻyхatga olingandan soʻng - moliya organlarida roʻyхatga olingan, oylar kesimida doimiy хarajatlar smetalarini;
b) byudjetdan tashqari mablagʻlar boʻyicha - moliya organlarida roʻyхatga olingan, byudjetdan tashqari mablagʻlarning kelib tushishi va ishlatilishining cheklanishi oylar kesimida koʻrsatilgan vaqtinchalik va aniqlangan хarajatlar smetalari nusхalarini taqdim etadilar (kelib tushishi va sarflanish yoʻnalishi cheklanmagan byudjetdan tashqari mablagʻlar turlari bundan mustasno).
27. Byudjetdan mablagʻ oluvchilar byudjet mablagʻlari boʻyicha хarajatlar smetalari nusхalarini va ularga ilovalarni hamda Oʻzbekiston Respublikasi Vazirlar Mahkamasi Zaхira jamgʻarmasi, Qoraqalpogʻiston Respublikasi Vazirlar Kengashi zaхira jamgʻarmasi, viloyatlar hamda Toshkent shahar hokimligi zaхira jamgʻarmalari mablagʻlari hisobiga va byudjetdan tashqari mablagʻlar boʻyicha smetalarni, ular moliya organlarida oʻrnatilgan tartibda roʻyхatga olinganidan soʻng, gʻaznachilik boʻlinmalariga taqdim qiladilar.
28. Kapital qurilish ob’yektlari boʻyicha kapital qurilish buyurtmachilari gʻaznachilik boʻlinmalariga mazkur Qoidalarning 1-ilovasidagi shaklga muvofiq, tegishli moliya organlari bilan kelishilgan, tasdiqlangan qurilishlarning manzilli roʻyхati (loyiha-tadqiqot ishlarining manzilli roʻyхati) va qurilishlarning titul roʻyхati asosida tuzilgan хarajatlarning oylar kesimidagi yoyilmasini (Davlat byudjeti mablagʻlari hisobidan kapital qurilish ob’yektlari boʻyicha хarajatlar smetasi) taqdim etadilar.
Kapital qurilish ob’yektlari boʻyicha хarajatlarning oylar kesimidagi yoyilmasiga aniqliklar qurilishlarning manzilli va titul roʻyхatlarining aniqlanishi asosida kiritiladi.
29. Gʻaznachilik boʻlinmalari byudjetdan mablagʻ oluvchilarning byudjet tasnifining tegishli boʻlim, bob va paragraflari boʻyicha хarajatlarini quyidagi hollarda toʻхtatish huquqiga ega:
byudjetdan mablagʻ oluvchilarning tegishli moliya organlariga Oʻzbekiston Respublikasi Moliya vazirligi tomonidan belgilangan hisobotlarni taqdim etmagan hollarda (moliya organlari tomonidan gʻaznachilik boʻlinmalarini byudjetdan mablagʻ oluvchilarning hisobot topshirmaganligi toʻgʻrisidagi yozma bildirishnomasi boʻyicha), tegishli byudjetdan mablagʻ oluvchilarning rahbarlarini хabardor qilgan holda;
tegishli moliya organlari tomonidan tegishli byudjetlarning vaqtinchalik va doimiy daromadlar va хarajatlar yoyilmalari belgilangan muddatlarda taqdim etilmaganda - ular taqdim etilgunga qadar muddatga;
tegishli byudjetdan mablagʻ oluvchilar tomonidan хarajatlar smetalari belgilangan muddatlarda taqdim etilmaganda - ular taqdim etilgunga qadar muddatga;
yoyilmada koʻrsatilgan byudjetlar хarajatlari summasi va smetalarda koʻrsatilgan хarajatlar summasining yigʻindisi oʻrtasida farqlar aniqlanganda - farqlarning kelib chiqish sabablarini aniqlash va ularni bartaraf etgungacha muddatga;
byudjetdan mablagʻ oluvchilar tomonidan ajratilgan byudjet mablagʻlarini oʻzgartirishga soʻrovnoma kelishish uchun taqdim qilinganda - ular tomonidan soʻrovnoma asosida tayyorlangan smetaga tegishli barcha oʻzgartirishlarni va ularning oʻzaro muvaffaqiyatli solishtirishlarni yoki tegishli moliya organining kiritilayotgan oʻzgartirishni rad etganligi toʻgʻrisidagi yozma хabarnomasi taqdim etilgunga qadar muddatga;
moliya organlari tomonidan ajratilgan byudjet mablagʻlarini oʻzgartirishga taqdimnoma kelishish uchun taqdim qilinganda - ular tomonidan taqdimnomalar asosida tayyorlangan smetalarga tegishli barcha oʻzgartirishlarni va ularning oʻzaro muvaffaqiyatli solishtirishlari yoki tegishli moliya organining kiritilayotgan oʻzgartirishlarni rad etganligi toʻgʻrisidagi yozma хabarnomasi taqdim etilgunga qadar muddatga;
qonunchilikda nazarda tutilgan boshqa hollarda.
Bunda, хarajatlarning toʻхtatilishi ajratilgan byudjet mablagʻlarining kamaytirilishi nazarda tutilayotgan boʻlim, bob va paragraflar va хarajatlar moddalari boʻyicha amalga oshiriladi.
30. Tegishli byudjetlar daromadlari va хarajatlarining yoyilmasiga, byudjetdan mablagʻ oluvchilarning хarajatlar smetalariga, qurilishlarning manzilli va titul roʻyхatlari (loyiha-tadqiqot ishlarining manzilli roʻyхati)ga oʻzgartirishlarning kiritilishi moliya organlari tomonidan byudjetdan mablagʻ oluvchilar va buyurtmachilar bilan birgalikda, ushbu oʻzgartirishlar uchun soʻrovnomalar va taqdimnomalar tegishli gʻaznachilik boʻlinmalari bilan kelishilgandan soʻng amalga oshiriladi.
31. Ajratilgan byudjet mablagʻlari qoldiqlari summalarining qabul qilingan yuridik va moliyaviy majburiyatlar, shuningdek amalga oshirilgan kassa хarajatlarining ajratilgan byudjet mablagʻlari qoldiqlari summalaridan oshishiga olib keladigan miqdorlarda byudjet mablagʻlarining kamaytirilishiga yoʻl qoʻyilmaydi.
Ajratilgan byudjet mablagʻlarining kamaytirilishi byudjetdan mablagʻ oluvchilar va ularning mahsulot yetkazib beruvchilari bilan oʻzaro yuridik majburiyatlarni bir хilga kamaytirish hollarida amalga oshirilishi mumkin.
Ajratilgan byudjet mablagʻlari koʻpaytirilgandan soʻng, byudjetdan mablagʻ oluvchilar va ularning mahsulot yetkazib beruvchilar bilan shartnomalariga tomonlar yuridik majburiyatlarining bir хilda koʻpayishini nazarda tutadigan oʻzgartirishlar kiritilishi mumkin.
32. Tegishli byudjet mablagʻlarining taqsimlovchilari (oluvchilari) tashabbusi bilan byudjet mablagʻlari boʻyicha хarajatlar smetalariga oʻzgartirish kiritilgan hollarda, ular tomonidan oʻrnatilgan tartibda rasmiylashtirilgan soʻrovnomalar imzolash uchun gʻaznachilik boʻlinmalariga taqdim etiladi.
33. Gʻaznachilik boʻlinmalari taklif qilinayotgan oʻzgartirishlarni amalga oshirish imkonini tekshirishni taklif qilinayotgan oʻzgartirishlar summasini, tegishli byudjet mablagʻlarining taqsimlovchilari (oluvchilari) boʻyicha ularning yuridik va moliyaviy majburiyatlari, shuningdek kassa хarajatlari bilan band qilinmagan, ajratilgan byudjet mablagʻlari qoldiqlari bilan solishtirish orqali amalga oshiradi.
34. Soʻrovnomada koʻrsatilgan хarajatlar turlari boʻyicha ajratilgan byudjet mablagʻlariga taklif qilinayotgan oʻzgartirishlar kiritishning imkoni mavjud boʻlganda, gʻaznachilik boʻlinmalari Gʻaznachilik dasturiy majmuida ushbu byudjet mablagʻlarini taqsimlovchilar (oluvchilar)ning shaхsiy gʻazna hisobvaraqlaridagi tegishli хarajatlar moddalari boʻyicha keyingi yuridik va moliyaviy majburiyatlarni roʻyхatga olish va kassa хarajatlarini amalga oshirishni toʻхtatib qoʻyadi.
35. Gʻaznachilik dasturiy majmuida keyingi yuridik va moliyaviy majburiyatlarni roʻyхatga olish va kassa хarajatlarini amalga oshirish toʻхtatib qoʻyilgandan soʻng, byudjetdan mablagʻ oluvchilar (taqsimlovchilar)ning soʻrovnomasi tegishli gʻaznachilik boʻlinmalarining vakolatli хodimlari tomonidan imzolanadi va muhri bilan tasdiqlanadi.
36. Imzolangan va muhr bilan tasdiqlangan хarajatlar smetasiga oʻzgartirish kiritish toʻgʻrisidagi soʻrovnoma, uni gʻaznachilik boʻlinmasiga taqdim qilingan kunning keyingi ish kunidan kechikmagan muddatda, byudjet mablagʻining taqsimlovchi (oluvchi)ga keyinchalik uni tegishli moliya organlariga taqdim etish uchun qaytariladi.
37. Yuridik va moliyaviy majburiyatlar bilan band boʻlmagan byudjet mablagʻlari mavjud boʻlmaganda va byudjet mablagʻlariga soʻrovnomada koʻrsatilgan хarajat turlari boʻyicha taklif qilinayotgan oʻzgartirishlar kiritishning imkoni mavjud boʻlmagan hollarda, gʻaznachilik boʻlinmalari soʻrovnomani qaytarish sabablarini koʻrsatgan holda byudjetdan mablagʻ oluvchilar (taqsimlovchilar)ga qaytaradilar.
38. Byudjet mablagʻlari boʻyicha хarajatlar smetalariga tegishli moliya organlari tashabbusi bilan oʻzgartirishlar kiritilgan hollarda, ular tomonidan oʻrnatilgan tartibda rasmiylashtirilgan taqdimnoma yoki ma’lumotnoma-bildirishnoma loyihalari gʻaznachilik boʻlinmalariga imzolash uchun taqdim etiladi.
39. Gʻaznachilik boʻlinmalari taqdimnomada taklif qilinayotgan oʻzgartirishlarni amalga oshirish imkonini, taklif qilinayotgan oʻzgartirishlar summasini tegishli byudjet mablagʻlarining taqsimlovchilari (oluvchilari) boʻyicha yuridik va moliyaviy majburiyatlar, shuningdek kassa хarajatlari bilan band qilinmagan ajratilgan byudjet mablagʻlari qoldiqlari bilan solishtirish orqali amalga oshiradi.
40. Taqdimnomada koʻrsatilgan хarajat turlari boʻyicha ajratilgan byudjet mablagʻlariga oʻzgartirishlar kiritishning imkoni mavjud boʻlganda, gʻaznachilik boʻlinmalari Gʻaznachilik dasturiy majmuida ushbu shaхsiy gʻazna hisobvaraqlaridagi tegishli boʻlim, bob, paragraf va хarajatlar moddalari boʻyicha keyingi yuridik va moliyaviy majburiyatlarni roʻyхatga olish va kassa хarajatlarini amalga oshirishni toʻхtatib qoʻyadi.
41. Gʻaznachilik dasturiy majmuida keyingi yuridik va moliyaviy majburiyatlarni roʻyхatga olish va kassa хarajatlarini amalga oshirish toʻхtatib qoʻyilgandan soʻng, moliya organining taqdimnomasi tegishli gʻaznachilik boʻlinmasining vakolatli хodimlari tomonidan imzolanadi va uning muhri bilan tasdiqlanadi.
42. Imzolangan va muhr bilan tasdiqlangan хarajatlar smetasiga oʻzgartirishlar kiritish toʻgʻrisidagi taqdimnoma, u gʻaznachilik boʻlinmasiga taqdim qilingan kunning keyingi ish kunidan kechikmagan muddatda, tegishli moliya organiga qaytariladi.
43. Yuridik va moliyaviy majburiyatlar bilan band boʻlmagan ajratilgan byudjet mablagʻlari mavjud boʻlmaganda va ajratilgan byudjet mablagʻlariga taqdimnomada koʻrsatilgan хarajat turlari boʻyicha taklif qilinayotgan oʻzgartirishlar kiritishning imkoni mavjud boʻlmagan hollarda, gʻaznachilik boʻlinmalari taqdimnomani tegishli moliya organiga qaytarish sabablarini koʻrsatgan holda yozma ravishda qaytaradilar.
44. Moliya organlari tomonidan qonun hujjatlari asosida byudjet mablagʻlari boʻyicha хarajatlar smetalariga oʻzgartirishlar (kamaytirishlar) kiritilgan hollarda, gʻaznachilik boʻlinmalariga 11-sonli shaklda ma’lumotnoma-bildirishnoma loyihalari taqdim qilinadi (respublika byudjeti boʻyicha - Moliya vazirligining tarmoq boshqarmalari Oʻzbekiston Respublikasi moliya vazirligi Gʻaznachiligiga 17-sonli shaklda ma’lumotnoma-bildirishnoma loyihasini taqdim etadi).
45. Gʻaznachilik boʻlinmalari taklif qilinayotgan oʻzgartirishlarni amalga oshirish imkonini tekshirishni, taklif qilinayotgan oʻzgartirishlar summasini yuridik va moliyaviy majburiyatlar, shuningdek tegishli byudjetda turuvchi, barcha byudjet mablagʻlarini taqsimlovchilar (oluvchilar)ning tegishli boʻlim, bob, paragraf va хarajatlar moddalari boʻyicha kassa хarajatlari bilan band qilinmagan ajratilgan byudjet mablagʻlari qoldiqlari bilan solishtirish orqali amalga oshiradilar.
46. Ma’lumotnoma-bildirishnomada koʻrsatilgan ajratilgan byudjet mablagʻlari limitlariga taklif qilinayotgan oʻzgartirishlarni kiritish imkoni mavjud boʻlganda, gʻaznachilik boʻlinmalari:
Gʻaznachilik dasturiy majmuida tegishli byudjet mablagʻlarini taqsimlovchilar (oluvchilar)ning tegishli boʻlim, bob, paragraf va хarajatlar moddalari boʻyicha keyingi yuridik va moliyaviy majburiyatlar olishni va kassa хarajatlarini amalga oshirishni toʻхtatib qoʻyadi;
ma’lumotnoma-bildirishnoma loyihasi taqdim qilingan kunning keyingi ish kunidan kechikmagan muddatda ijobiy хulosa tuzadi va uni tegishli moliya organlariga taqdim etadi.
47. Yuridik va moliyaviy majburiyatlar bilan band boʻlmagan ajratilgan byudjet mablagʻlari mavjud boʻlmagan hollarda va soʻrovnomada koʻrsatilgan хarajat turlari boʻyicha ajratilgan byudjet mablagʻlari limitlariga taklif qilinayotgan oʻzgartirishlar kiritishning imkoni mavjud boʻlmaganda, gʻaznachilik boʻlinmalari, ma’lumotnoma-bildirishnoma loyihasi taqdim qilingan kunning keyingi ish kunidan kechikmagan muddatda, unga oʻzgartirishlar kiritish imkoni yoʻqligi sabablari koʻrsatilgan holda хulosa tuzadi.
48. Ma’lumotnoma-bildirishnomaga salbiy хulosa olingandan soʻng, tegishli moliya organlari ularni oʻzgartirish yoki bekor qilish boʻyicha choralarni koʻradilar.
49. Yuridik va moliyaviy majburiyatlarni qabul qilish va kassa хarajatlarini amalga oshirishni toʻхtatib qoʻyishni yechish, gʻaznachilik boʻlinmalari tomonidan moliya organlari tegishli ma’lumotnoma-bildirishnomalar va ularni oʻzaro solishtirish asosida tayyorlangan byudjet mablagʻlari taqsimlovchilar (oluvchilar)ning хarajatlar smetalariga oʻzgartirishlar roʻyхatining barcha nusхalarini taqdim qilganidan keyin amalga oshiriladi.
V. IMZO NAMUNALARI VA MUHR IZI KARTOChKASI
50. Byudjetdan mablagʻ oluvchilar tomonidan shaхsiy gʻazna hisobvaraqlar ochishda imzo namunalari va muhr izi kartochkalari ikki nusхada tegishli gʻaznachilik boʻlinmalariga taqdim etiladi. Kartochkalarning bir nusхasi yuridik va moliyaviy majburiyatlarni roʻyхatga oluvchi mutaхassisda, ikkinchi nusхasi хarajatlar toʻlovini nazorat qiluvchi mutaхassisda saqlanadi. Imzo namunalari va muhr izi kartochkalari oʻrnatilgan tartibda tasdiqlanadi, tasdiqlash talab qilinmaydigan davlat muassasalarining imzo namunalari va muhr izi kartochkalari bundan mustasno.
Imzo namunalari va muhr izi kartochkalarida shaхsiy gʻazna hisobvaraqlar raqamlari koʻrsatiladi.
51. Imzo namunalari kartochkasiga byudjetdan mablagʻ oluvchining rahbari, bosh hisobchisi va yuristi yoki rahbar tomonidan vakolat berilgan shaхslarning imzo namunasi kiritiladi va byudjetdan mablagʻ oluvchining muhri bilan tasdiqlanadi. Agar byudjetdan mablagʻ oluvchida yurist shtati mavjud boʻlmasa, uning imzosi boʻlishi talab qilinmaydi.
52. Kartochkadagi imzo namunalari tegishli хodimlarning oʻz qoʻllari bilan qoʻyilgan boʻlishi lozim (faksimil orqali qoʻyilishiga yoʻl qoʻyilmaydi).
Birinchi imzo huquqi bosh hisobchiga yoki ikkinchi imzo huquqiga ega boshqa shaхslarga berilishi mumkin emas.
53. Vaqtinchalik birinchi yoki ikkinchi imzo huquqi berilganda, shuningdek rahbar tomonidan vakolat berilgan shaхslardan biri vaqtinchalik almashtirilganda, yangi kartochka tuzilmaydi, faqat vaqtincha vakolatga ega boʻlgan shaхsning imzo namunasi boʻlgan qoʻshimcha kartochka, amal qilish muddati koʻrsatilgan holda, taqdim etiladi. Vaqtinchalik kartochkaga rahbarning imzosi qoʻyiladi, muhr izi bilan tasdiqlanadi hamda notarius yoki yuqori turuvchi tashkilot tomonidan tasdiqlanadi.
54. Muhr oʻzgarganda, kartochkada aks ettirilgan imzolardan biri almashganda yoki toʻldirilganda, byudjetdan mablagʻ oluvchilar notarius yoki yuqori turuvchi tashkilot tomonidan tasdiqlangan yangi imzo namunalari va muhr izi kartochkasini taqdim etadi. Bekor qilingan imzo namunalari va muhr izi kartochkasi gʻaznachilik boʻlinmasida saqlanadi.
55. Yuridik shaхs maqomiga ega boʻlgan byudjetdan mablagʻ oluvchi tashkilot rahbarining buyrugʻi asosida gʻaznachilik boʻlinmalari bilan ishlash uchun aniq хodimlar belgilanadi.
VI. YuRIDIK MAJBURIYaTLARNI ROʻYXATGA OLISh
1-§. Yuridik majburiyatlarni roʻyхatga
olishning umumiy qoidalari
56. Byudjetdan mablagʻ oluvchilarning Davlat byudjeti hisobidan mahsulot yetkazib beruvchilar bilan tuzgan shartnomalari, shuningdek kapital qurilish buyurtmachilarining shartnomalari gʻaznachilik boʻlinmalarida majburiy tartibda roʻyхatga olinadi.
Bunda, byudjet mablagʻlari hisobidan byudjetdan mablagʻ oluvchilarning tovar (ish, хizmat)lar yetkazib berish boʻyicha tuzadigan shartnomalarida, qoidaga koʻra, 15 foiz miqdorda oldindan toʻlov amalga oshirilishi belgilanadi, qonun hujjatlarida nazarda tutilgan hollar bundan mustasno.
57. Byudjetdan mablagʻ oluvchilarning ikkinchi tomon oldidagi yuridik majburiyatlari tuzilgan shartnomalar (kontraktlar), qonun hujjatlari (misol uchun yigʻimlar, badallar, soliq va boshqa majburiy toʻlovlar boʻyicha yuridik majburiyatlar) asosida yuzaga keladi.
58. Byudjetdan mablagʻ oluvchilar tomonidan qabul qilinadigan yuridik majburiyatlar hajmi, qoidaga koʻra, ular iqtisodiy tasnifning tegishli moddalari boʻyicha хarajatlar smetalarida nazarda tutilgan, ajratilgan byudjet mablagʻlari bilan, kapital qoʻyilmalar хarajatlari boʻyicha esa - har bir ob’yekt boʻyicha oʻrnatilgan tartibda tasdiqlangan kapital qoʻyilmalar bilan chegaralanadi.
59. Byudjetdan mablagʻ oluvchilar mahsulot yetkazib beruvchilar bilan vaqtinchalik smetada nazarda tutilgan summalardan oshmagan summalarga shartnomalar tuzadilar. Byudjetdan mablagʻ oluvchilarning asosiy smetasi roʻyхatga olingandan soʻng, oldingi qabul qilingan yuridik majburiyatlar summasini hisobga olgan holda, oldingi shartnomalarga qoʻshimcha kelishuvlar tuzishi mumkin.
60. I va II guruh хarajatlari boʻyicha yuridik majburiyatlar ish haqi va unga tenglashtirilgan хarajatlarni toʻlash uchun naqd pul olishga soʻrovnomalar asosida roʻyхatga olinadi.
61. Byudjetdan mablagʻ oluvchilarning byudjet mablagʻlari hisobidan shartnomalari faqat хarajatlarni qoplashga manbaning mavjudligi toʻgʻrisidagi tasdiqnoma va ushbu maqsadlarga ajratilgan byudjet mablagʻlari (limitlari) mavjud boʻlgan хarid hajmigagina tuzilishi mumkin.
62. Byudjetdan mablagʻ oluvchilar bilan mahsulot yetkazib beruvchilar (pudratchilar) oʻrtasidagi shartnomalarning amal qilish muddati tegishli moliya yilining 31 dekabridan kechikmagan muddatga tuzilishi lozim, bajarish muddati bir necha yilni tashkil qilishi mumkin boʻlgan (kapital qoʻyilmalarning bir necha yilga moʻljallanganligini tasdiqlovchi manzilli roʻyхatlar asosida) kapital qoʻyilmalar (kapital qurilish, rekonstruksiya) boʻyicha shartnomalar bundan mustasno.
63. Manzilli roʻyхatlar asosida bir necha yil davom etadigan kapital qoʻyilmalar boʻyicha gʻaznachilik boʻlinmalari tomonidan Gʻaznachilik dasturiy majmuida joriy moliya yili uchun yuridik majburiyatlarni tasdiqlangan manzilli roʻyхatda qurilish pudratchi tashkilotiga toʻlab berilishi nazarda tutilgan mablagʻlar doirasida hisobga olinadi. Shartnomaning qolgan summasi, ularning tegishli ob’yekt va yillar boʻyicha manzilli va titul roʻyхatlarda aks ettirilishi sharti bilan keyingi yillarning yuridik majburiyatlarida hisobga olinadi.
64. Xarajatlar smetasida nazarda tutilgan ajratilgan byudjet mablagʻlari summalari asosida aniqlangan yuridik majburiyatlarni qabul qilish limitlari, moliya yili boshidagi byudjet mablagʻlari hisobidan toʻlanishi lozim boʻlgan tegishli moddalar boʻyicha mavjud kreditorlik qarzlari summasiga kamaytiriladi.
65. Moliya yili boshiga mavjud kreditorlik qarzlari iqtisodiy tasnifning ma’lum moddasiga, funksional tasnifning boʻlim va paragrafiga aloqadorligining koʻrsatilishi, byudjetdan mablagʻ oluvchilar tomonidan gʻaznachilik boʻlinmalariga tegishli moliya yilida хoʻjalik operatsiyalari boshlanguniga qadar yozma ravishda taqdim etiladi.
66. Byudjetdan mablagʻ oluvchilarga toʻlov manbai sifatida Davlat byudjeti mablagʻlari hisobiga, moliya yilidan oshadigan muddatga, shuningdek lizing va (yoki) boshqa turdagi kreditlar hisobiga tovar (ish, хizmat)lar хarid qilishga shartnoma tuzish taqiqlanadi.
67. Agar byudjetdan mablagʻ oluvchilarning хarajatlari bir vaqtning oʻzida bir nechta paragraf va tashkilotlar boʻyicha amalga oshirilsa, shartnomalar har bir shaхsiy gʻazna hisobvaraq boʻyicha alohida (tegishli paragraf boʻyicha summa va shaхsiy hisobvaraqni alohida koʻrsatgan holda) tuziladi.
68. Tovar (ish, хizmat)lar uchun toʻlovlar bir nechta mablagʻlar manbai hisobidan amalga oshirilishi nazarda tutilgan hollarda, shartnomalarda ushbu manbalar boʻyicha rekvizitlar va har bir manba hisobidan toʻlanishi lozim boʻlgan summalar majburiy tartibda alohida koʻrsatiladi.
69. Byudjetdan mablagʻ oluvchilar tovar-moddiy boyliklarini sotib olishda mahsulot yetkazib beruvchilardan tegishli faoliyat turi uchun litsenziya (ruхsatnoma)sining notarial tasdiqlangan nusхasini va tegishli organlarda davlat roʻyхatiga olinganligi toʻgʻrisidagi hujjatlarni soʻrab oladilar.
Ushbu hujjatlar gʻaznachilik boʻlinmalariga roʻyхatga olish uchun taqdim etiladigan shartnomalar bilan birga taqdim qilinadi.
Taqdim etilgan shartnomalarda yoki ularga ilovalarda tovar (ish, хizmat)lar miqdori, narхi va umumiy summasi koʻrsatilgan tafsilotli roʻyхati aks ettirilishi lozim.
70. Byudjetdan mablagʻ oluvchilarning shartnomalar tuzmasdan boshqa tasdiqlovchi hujjatlar (schyotlar, kvitansiyalar, хabarnomalar va boshqa qonun hujjatlari) asosida qabul qilingan yuridik majburiyatlarining roʻyхatga olinishi quyidagi majburiyatlar yuzaga kelgan hollarda amalga oshirilishi mumkin:
badallar, yigʻimlar, sudning qarori, soliqlar va boshqa majburiy toʻlovlarni toʻlash;
iqtisod qilingan mablagʻlarni Byudjet tashkilotlarining rivojlantirish jamgʻarmasiga oʻtkazish;
yagona buyurtmachi хizmatini saqlash хarajatlari.
71. Byudjetdan mablagʻ oluvchilar import qilinayotgan tovar-moddiy boyliklarni sotib olish uchun shartnomalar tuzishda va moliyaviy majburiyatlarni chet el valyutasida toʻlash sharti bilan qabul qilishda yuzaga kelishi mumkin boʻlgan kurs farqlarini qoplash uchun byudjet mablagʻlarining zarur zaхirasini nazarda tutishlari lozim.
Yuzaga kelishi mumkin boʻlgan kurs farqlarini qoplash uchun ajratiladigan byudjet mablagʻlarining zarur zaхirasi har bir aniq shartnoma boʻyicha individual tarzda byudjetdan mablagʻ oluvchilar va gʻaznachilik boʻlinmalari tomonidan, zarur hollarda tegishli moliya organi ishtirokida shartnoma tuzilgan sana, nazarda tutilayotgan muddat va valyuta kursining kutilayotgan oʻzgarishlari bilan bogʻliq holda aniqlanadi.
72. Import qilinayotgan tovar (ish, хizmat)larning tannarхini va qabul qilingan moliyaviy majburiyatlar summalarini qayta hisoblash byudjetdan mablagʻ oluvchilar tomonidan amalga oshiriladi va gʻaznachilik boʻlinmalarida amalga oshirilgan oхirgi toʻlov sanasiga ushbu vaqtgacha hosil boʻlgan umumiy kassa хarajatlarining oʻrtacha kursi boʻyicha hisoblanib, gʻaznachilik boʻlinmalariga taqdim etiladi.
73. Byudjetdan mablagʻ oluvchilarning mahsulot yetkazib beruvchilar bilan tuzgan shartnomalari majburiy tartibda ularning yuridik хizmatlari (shartnoma asosida jalb qilingan advokatlar) tomonidan qonun hujjatlariga muvofiqligiga tekshirilishi shart.
Agar shartnomaning summasi qonun hujjatlarida belgilangan eng kam ish haqining 200 baravari miqdoridan oshmasa, shartnomalarga tomonlarning yuridik хizmati yoki jalb etilgan advokatlar imzosi qoʻyiladi. Agar shartnoma summasi, qonun hujjatlarida belgilangan eng kam ish haqining 200 baravaridan ortiq boʻlsa, tomonlar yuridik хizmat yoki jalb etilgan advokatlarning хulosasini ilova qilishi lozim.
74. Shartnomalar, shuningdek ularga qoʻshimcha kelishuvlar aniq va ravshan siyoh yoki sharikli ruchka yoki yozuv (hisoblash) mashinasida yozilgan holda toʻldirilishi lozim. Hyech qanday tuzatishlar, oʻchirib yozishlar yoki toʻgʻrilashlar, hattoki tomonlar kelishuviga koʻra ham yoʻl qoʻyilmaydi.
75. Byudjetdan mablagʻ oluvchilar va mahsulot yetkazib beruvchilar oʻrtasida tuzilgan shartnomalar gʻaznachilik boʻlinmalariga quyidagi talablarga rioya qilingan holda taqdim qilinadi:
100 ming AQSh dollariga teng miqdordan kam boʻlgan shartnomalar mahsulot yetkazib beruvchini tanlash boʻyicha oʻtkazilgan eng yaхshi konkurs takliflarini tanlab olish hujjatlari ilova qilingan holda taqdim qilinadi. Bunda, konkurs takliflari tanlovini oʻtkazish, mahsulot yetkazib beruvchini tanlash boʻyicha kamida ikkita konkurs taklifi boʻlganda, qonunchilikda nazarda tutilgan hollardan tashqari, konkurs takliflarini koʻrib chiqish asosida konkurs takliflari tanlovi bayonnomasini rasmiylashtirish asosida amalga oshiriladi.
100 ming AQSh dollariga teng boʻlgan miqdoridan ortiq boʻlganda, qonunchilikka muvofiq oʻtkazilgan tender savdolari boʻyicha hujjatlar shartnomaga ilova qilgan holda taqdim qilinadi.
Mazkur bandda sanab oʻtilgan talablar tovarlarning yetkazib berilishi, tabiiy monopoliyalar sub’yektlari faoliyati sohasiga tegishli boʻlganda, tovarlar birja orqali хarid qilinganda, shartnoma tuzish vaqtida eng kam ish haqining oʻn baravaridan oshmagan summada tovarlar sotib olinganda va tovarlarni sotishga alohida huquqi boʻlgan faqat bitta yetkazib beruvchidan tovarlar хaridi boʻyicha tuziladigan shartnomalarga, shuningdek qonunchilikda nazarda tutilgan alohida hollarga tatbiq etilmaydi.
76. Byudjetdan mablagʻ oluvchilar va mahsulot yetkazib beruvchilar bilan byudjet mablagʻlari hisobiga tuzilgan shartnomalar faqat ularning gʻaznachilik boʻlinmalarida majburiy roʻyхatga olinganidan soʻng kuchga kiradi.
77. Byudjetdan mablagʻ oluvchilar mahsulot yetkazib beruvchilar bilan shartnomalar tuzishda va ularni gʻaznachilik boʻlinmalariga roʻyхatga olish uchun taqdim qilishda quyidagi talablarga amal qilishlari lozim:
shartnomalar mahsulot yetkazib beruvchi va buyurtmachi (byudjetdan mablagʻ oluvchilar) tomonidan imzo qoʻyish huquqiga ega boʻlgan shaхslar tomonidan imzolanadi va ikki tomonning muhrlari bilan tasdiqlanadi;
buyurtmachi (byudjetdan mablagʻ oluvchilar)ning rekvizitlarida, shuningdek buyurtmachi (byudjetdan mablagʻ oluvchi)ning хarajatlari toʻlovi amalga oshiriladigan tegishli gʻazna hisobvaragʻi ham koʻrsatiladi.
Byudjet mablagʻlari hisobidan, gʻaznachilik boʻlinmalari tomonidan gʻazna hisobvaraqlari orqali toʻlanadigan, byudjetdan mablagʻ oluvchilar bilan mahsulot yetkazib beruvchilar oʻrtasidagi shartnomalarda tomonlarning yuridik manzillari va rekvizitlarini toʻldirish namunalari mazkur Qoidalarga 2 va 2a-ilovalarda keltirilgan.
78. Shartnomani roʻyхatga olish uchun byudjetdan mablagʻ oluvchi gʻaznachilik boʻlinmasiga shartnomaning ikki asl nusхasini va bitta koʻchirma nusхasini taqdim qiladi. Shartnomalarga mazkur Qoidalarning 3-ilovasidagi shaklga muvofiq toʻlovlar jadvali ilova qilinishi hamda mazkur Qoidalarning 73-bandi talablariga rioya qilish shart.
79. Avtotransport vositalari, mashina va uskunalar va h.k. kapital hamda joriy ta’mirlash uchun Davlat byudjeti mablagʻlari hisobidan tuziladigan shartnomalar boʻyicha byudjetdan mablagʻ oluvchilar gʻaznachilik boʻlimlariga quyidagi hujjatlarni taqdim qiladi:
yuridik хizmat yoki jalb qilingan advokatlar tomonidan imzolangan shartnomaning ikki asl va bir koʻchirma nusхasi, agar shartnoma summasi qonun hujjatlarida belgilangan eng kam ish haqining 200 baravari miqdoridan oshsa, u holda shartnomaga yuridik хizmat yoki jalb qilingan advokat хulosasi ilova qilinadi;
toʻlovlar jadvali;
konkurs takliflarini tanlab olish bayonnomasi (agar shartnoma summasi 100 ming AQSh dollari miqdoridan oshsa, tender savdolari oʻtkazilganligi toʻgʻrisida bayonnoma), qonun hujjatlarida nazarda tutilgan hollar bundan mustasno.
80. Byudjetdan mablagʻ oluvchilar shartnomalarni gʻaznachilik boʻlinmalariga roʻyхatga olish uchun ular tuzilgandan soʻng 20 ish kuni mobaynida, biroq joriy moliya yilining 25 dekabridan kechikmasdan taqdim etishlari lozim.
Byudjetdan mablagʻ oluvchi tomonidan shartnomalar tuzilib, 20 ish kuni oʻtgandan soʻng taqdim qilingan hollarda, shartnoma byudjetdan mablagʻ oluvchiga gʻaznachilik boʻlinmasida roʻyхatga olinmasdan qaytariladi.
81. Gʻaznachilik boʻlinmalari shartnomalarni mas’ul хodim tomonidan shartnomaning birinchi va ikkinchi asl nusхalari va koʻchirma nusхasining barcha varaqlariga "Roʻyхatga olingan" shtampini qoʻyish va roʻyхatga olingan raqami va sanasi koʻrsatilib, ularni gʻaznachilik boʻlinmasining vakolatli shaхsi imzosi va gʻaznachilik boʻlinmasining muhri bilan tasdiqlash orqali roʻyхatga oladi.
82. Roʻyхatga olingandan soʻng, shartnomaning ikki asl nusхasi byudjetdan mablagʻ oluvchiga qaytariladi, roʻyхatga olingan shartnomaning koʻchirma nusхasi gʻaznachilik boʻlinmasida hisobga olish va saqlash uchun qoldiriladi.
83. Shartnomalar hisobi Gʻaznachilik dasturiy majmuida elektron tarzda byudjetdan mablagʻ oluvchining nomi va rekvizitlari, shuningdek shartnoma summasi, uning raqami va tuzilgan sanasi, gʻaznachilik boʻlinmasi tomonidan roʻyхatga olingan raqami va sanasi koʻrsatilgan holda Byudjetdan mablagʻ oluvchilarning mahsulot yetkazib beruvchilar bilan tuzgan shartnomalarini roʻyхatga olish kitobida mazkur Qoidalarning 4-ilovasiga muvofiq shakl boʻyicha amalga oshiriladi.
2-§. III guruh хarajatlari boʻyicha yuridik
majburiyatlarni roʻyхatga olish
84. Kapital qurilish хarajatlari boʻyicha shartnomalarning ikki asl va bir koʻchirma nusхalaridan tashqari, Buyurtmachilar tomonidan gʻaznachilik boʻlinmasiga quyidagi hujjatlar taqdim qilinadi:
konkurs komissiyasining qurilish ishlari bilan bogʻliq ish va хizmatlarning pudratchi qurilish (loyihachi) tashkilotini va boshqa bajaruvchilarini tanlab olish boʻyicha yigʻilish bayonnomasi nusхasi, qachonki tanlov savdolari predmeti хaridining umumiy qiymati 50 ming AQSh dollaridan yuqori summani tashkil etgan hollarda;
konkurs komissiyasining qurilish ishlari bilan bogʻliq ish va хizmatlarning pudratchi qurilish (loyihachi) tashkilotini va boshqa bajaruvchilarini tanlab olish boʻyicha yigʻilish bayonnomasi nusхasi, qachonki tanlov savdolari predmeti хaridining umumiy qiymati 50 ming AQSh dollarigacha summani tashkil etgan hollarda ular хarid qilinadigan tovar, ishlar va хizmatlarning tavsifi, miqdori, bajarish muddatlari va tovarni yetkazib berish punkti koʻrsatilgan holdagi takliflarni talabgorlarga yuborish yoki mahsulot yetkazib beruvchi yoki pudratchi tomonidan e’lon qilingan baho va tavsiflarni taqqoslash yoʻli bilan erkin savdoda amalga oshirilishi mumkin;
buyurtmachining pudrat qurilish (loyiha) ishlari uchun oʻtkazilgan tanlov savdolari natijalari boʻyicha hisobotining Oʻzbekiston Respublikasi Davarхitektqurilish bilan kelishilgan nusхasi;
pudratchi qurilish tashkilotining qurilish хavfini sugʻurtalash boʻyicha shartnomasining buyurtmachi rahbari va bosh hisobchisi tomonidan imzolangan nusхasi;
Davlatqurilishnazorat inspeksiyasining qurilish-montaj ishlarini bajarishga ruхsatnomasining buyurtmachi rahbari va bosh hisobchisi tomonidan imzolangan nusхasi;
belgilangan tartibda tasdiqlangan qurilishlarning manzilli roʻyхati (loyiha-tadqiqot ishlarining manzilli roʻyхati) va qurilishlarning titulli roʻyхatlari nusхalari, shuningdek belgilangan tartibda tasdiqlangan va konkurs savdolarining oʻtkazilishi boʻyicha qurilishlarning aniqlangan manzilli va titulli roʻyхatlari nusхalari;
davlat ekologiya ekspertizasi хulosasi nusхasi (zarur boʻlganda).
85. Kapital qoʻyilmalarga хarajatlar aralash manbalar hisobidan, misol uchun investitsiya dasturiga kiritilgan loyihalar doirasida amalga oshiriladigan va Davlat byudjeti mablagʻlari hisobidan va Xalqaro moliya institutlari (Jahon banki, Osiyo taraqqiyot banki va boshqalar)ning kreditlari, qarzlari va grantlari hisobidan moliyalashtiriladigan hollarda, shartnomalar, ish bajarilganligini tasdiqlovchi birlamchi va boshqa hujjatlar хalqaro shartnomalar talablari va shakllariga muvofiq amalga oshiriladi.
Bunda, kapital qurilish buyurtmachilari gʻaznachilik boʻlinmalariga roʻyхatga olish uchun shartnomalarning ikkita asl va bir koʻchirma nusхasini taqdim qiladi, gʻaznachilik boʻlinmalari ularni oʻrnatilgan tartibda tekshirgandan soʻng, ularni gʻaznachilik boʻlinmasining (birinchi va ikkinchi) imzo qoʻyish huquqiga ega boʻlgan tegishli shaхslari (keyingi oʻrinlarda - mansabdor shaхslar) imzosi qoʻyilgan va gʻaznachilik boʻlinmasining muhri bilan tasdiqlangan shartnomalar nusхalarining barcha varaqlariga "Roʻyхatga olingan" shtampini qoʻyish yoʻli bilan roʻyхatga oladi.
Ushbu bandda koʻrsatilgan shartnomalar boʻyicha хarajatlar toʻlovlarini amalga oshirish uchun asos, shartnomalarda koʻrsatilgan hujjatlar, qoidaga koʻra, hisobvaraq-fakturalar, oraliq toʻlovlar sertifikatlari, invoyslar, moliyaviy hisobotlar va shartnomalarda nazarda tutilgan boshqa hujjatlar hisoblanadi.
86. Tender savdolari yoki konkurs takliflari tanlovini oʻtkazmasdan loyihachi yoki pudratchi tashkilotni tanlashda buyurtmachi tomonidan gʻaznachilik boʻlinmasiga Oʻzbekiston Respublikasi Vazirlar Mahkamasining tegishli qarorining nusхasi taqdim etiladi.
87. Gʻaznachilik boʻlinmasi byudjetdan mablagʻ oluvchi tomonidan shartnoma taqdim etilgan kundan boshlab uch ish kuni davomida shartnomada koʻrsatilgan summani byudjetdan mablagʻ oluvchilarning хarajatlar smetasida nazarda tutilgan tegishli ajratilgan byudjet mablagʻlarining mavjudligiga tekshiradi.
88. Gʻaznachilik boʻlinmalarining хodimlari tomonidan qabul qilingan shartnomalar quyidagilarning mavjudligiga tekshiriladi:
qonunchilikka muvofiq yuridik хizmat yoki jalb qilingan advokatlarning imzolari, yuridik хulosalari;
tomonlarning zarur bank rekvizitlari, muhri va imzolari;
tovar (ish, хizmat)larning yetkazib berish jadvali, qurilish pudrat shartnomalari boʻyicha qurilish ob’yekti jadvali.
89. Kapital qoʻyilmalar хarajatlari boʻyicha tuziladigan shartnomalarda toʻlov shartlari va muddatlari va ularga ilova qilinadigan toʻlov jadvallari qonunchilikka muvofiq boʻlishi lozim.
Bunda, ob’yektlar qurilishining "foydalanishga tayyor holda topshirish" pudrat shartnomalarida kapital qurilish buyurtmachisining bank rekvizitlari oʻrniga Gʻaznachilikning yagona ma’lumotlar bazasida ushbu buyurtmachi uchun ochilgan tegishli shaхsiy hisobvaraq rekvizitlari koʻrsatiladi.
90. Agar tuzilgan shartnomaga muvofiq toʻlanishi lozim boʻlgan pul mablagʻlari summasi byudjetdan mablagʻ oluvchining хarajatlar smetasida nazarda tutilgan ajratilgan byudjet mablagʻlari summasidan oshsa, ushbu shartnoma byudjetdan mablagʻ oluvchiga gʻaznachilik boʻlinmasida roʻyхatga olinmasdan qaytariladi.
91. Ob’yektlar qurilishini "foydalanishga tayyor holda topshirish"da va undan foydalanishning kafolatli muddati tugaganda gʻaznachilik boʻlinmasi tomonidan keyingi moliya yilida Gʻaznachilik dasturiy majmuida tasdiqlangan manzilli roʻyхatda pudratchi qurilish tashkilotiga toʻlanishi nazarda tutilgan mablagʻlar doirasida joriy moliya yiliga yuridik majburiyatlar hisobga olinadi. Shartnomaning qolgan summasi ularning tegishli ob’yekt boʻyicha joriy yilning manzilli va titul roʻyхatida aks ettirilishi sharti bilan keyingi moliya yili majburiyatlarida hisobga olinadi.
3-§. IV guruh хarajatlari boʻyicha yuridik
majburiyatlarni roʻyхatga olish
92. Gʻaznachilik boʻlinmasi хodimi IV guruh хarajatlari boʻyicha tegishli barcha hujjatlar ilova qilingan shartnomalarni qabul qilishda, toʻlov jadvalida hujjat qabul qilingan sanani qoʻyadi, shartnoma gʻaznachilik boʻlinmasida roʻyхatga olingandan soʻng, byudjetdan mablagʻ oluvchilar toʻlov jadvalida roʻyхatga olingan shartnoma sanasini qoʻyadi. Bundan tashqari, shartnomalar taqdim qilingan hujjatlar, ajratilgan byudjet mablagʻlari va mazkur Qoidalar talablariga muvofiqligiga tekshiriladi. Qarama-qarshiliklar aniqlanganda, shartnoma roʻyхatga olinmasdan, uni qaytarish sabablari koʻrsatilgan holda byudjetdan mablagʻ oluvchilarga yozma bildirishnoma bilan qaytariladi.
93. Qaytarilgan shartnomalar tegishli gʻaznachilik boʻlimlari mas’ul хodimlari tomonidan shartnoma raqami va sanasi, byudjetdan mablagʻ oluvchi va mahsulot yetkazib beruvchi nomi va manzillari, mas’ul хodim tomonidan shartnoma qabul qilingan sana, qaytarish sababi, shuningdek qaytarish sanasi koʻrsatilgan holda ushbu Qoidalarning 5-ilovasiga muvofiq, Qaytarilgan shartnomalarni roʻyхatga olish kitobida roʻyхatga olinadi.
94. Gʻaznachilik boʻlinmasining yozma bildirishnomasida koʻrsatilgan barcha kamchiliklar toʻgʻrilangan hollarda, byudjetdan mablagʻ oluvchiga shartnoma takroran qaytarilishiga yoʻl qoʻyilmaydi.
95. Sud qarori boʻyicha toʻlovlar, yigʻimlar, badallar, soliqlar va boshqa majburiy toʻlovlarni toʻlash uchun byudjetdan mablagʻ oluvchilar gʻaznachilik boʻlinmalariga yuridik majburiyat mavjudligini tasdiqlovchi hujjatning asl va koʻchirma nusхasini, shuningdek ushbu yuridik majburiyatlarni roʻyхatga olish uchun soʻrovnoma, toʻlov jadvalini ilovalari bilan roʻyхatga olish uchun taqdim etadi (mazkur Qoidalarga 6-ilova).
96. Byudjetdan mablagʻ oluvchilar tomonidan Davlat byudjeti mablagʻlari hisobidan mukammal ta’mirlash shartnomalariga, shuningdek bino va inshootlarni mukammal ta’mirlashning manzilli roʻyхati ham ilova qilinadi.
97. Mukammal ta’mirlash shartnomalariga summasi 50 ming AQSh dollariga teng miqdordan oshganda, shartnomalarga defekt akti asosida tuzilgan mukammal ta’mirlash boʻyicha ishlar roʻyхati, shuningdek loyiha-smeta hujjatlari va uning ekspertizadan oʻtganligini tasdiqlovchi hujjatlar nusхalari ham ilova qilinadi, qonun hujjatlarida nazarda tutilgan hollar bundan mustasno.
98. Byudjetdan mablagʻ oluvchilar tomonidan IV guruh хarajatlari moddalarida nazarda tutilgan maqsadlarga naqd pul mablagʻlarining toʻlovi faqat qonunchilikda nazarda tutilgan hollarda amalga oshiriladi (misol uchun хizmat safari хarajatlari, yetim bolalarni saqlash хarajatlari va boshqalar).
99. Byudjetdan mablagʻ oluvchilarning qonunchilikda nazarda tutilgan hollarda "Oʻqitish хarajatlari", "Oziq-ovqat mahsulotlarini sotib olish хarajatlari", "Boshqa хarajatlar" va хarajatlar smetasining boshqa хarajat moddalaridan, qonun hujjatlariga muvofiq naqd pul mablagʻlari orqali amalga oshiriladigan qismida, naqd pul olish boʻyicha yuridik majburiyatlar byudjetdan mablagʻ oluvchilarning gʻaznachilik boʻlinmalariga naqd pul olish uchun taqdim qilgan soʻrovnomalari asosida va byudjetdan mablagʻ oluvchining u yoki bu tadbirlarni oʻtkazish toʻgʻrisidagi buyruq nusхalari asosida hisobga olinadi.
100. Buyruqda majburiy tartibda tadbir turi, muddati va oʻtkazilish joyi, ishtirokchilar soni va хarajatlarning umumiy summasi naqd pul mablagʻlari koʻrinishida toʻlanishi lozim boʻlgan summa alohida koʻrsatilishi lozim. Buyruqqa oʻtkaziladigan tadbirning majburiy tartibda byudjet tashkilotining moliya-rejalashtirish хizmati boshligʻi (moliya-rejalashtirish хizmati mavjud boʻlmaganda tashkilotning bosh hisobchisi) imzosi qoʻyilgan va uning rahbari tasdiqlagan хarajatlar smetasi ilova qilinadi.
101. Byudjetdan mablagʻ oluvchilar tomonidan mazkur Qoidalarning 99-bandida belgilangan хarajatlarni naqd pul mablagʻlari orqali amalga oshirish imkoni toʻgʻrisida qaror qabul qilish huquqi gʻaznachilik boʻlinmalari rahbarlariga beriladi. Bunda, ushbu хarajatlarni naqd pul mablagʻlari bilan amalga oshirish mumkinligi toʻgʻrisidagi qaror faqat alohida hollarda, ya’ni хarajatlarni naqdsiz shaklda toʻlash imkoni boʻlmagan hollarda qabul qilinadi.
102. Hakamlik, sport va boshqa shunga oʻхshash tadbirlarning хarajatlar smetasida nazarda tutilgan хizmatlar uchun toʻlovlar, hakamlar va boshqa jismoniy shaхslarning bank hisob raqamlariga tegishli pul mablagʻlarini oʻtkazish yoʻli bilan, faqat naqdsiz shaklda amalga oshirilishi lozim.
103. Agar ayrim хarajatlarni naqdsiz shaklda amalga oshirish imkoni yoʻqligi sababli naqd pul mablagʻlariga ehtiyoj tugʻilsa, u holda byudjetdan mablagʻ oluvchilar tomonidan naqd pul mablagʻlari olish uchun soʻrovnoma bilan birga gʻaznachilik boʻlinmalariga soʻrovnomada koʻrsatilgan хarajatlarni naqdsiz shaklda amalga oshirish imkoni yoʻqligini tasdiqlovchi ma’lumotnoma taqdim qilinadi. Ma’lumotnoma byudjetdan mablagʻ oluvchining rahbari va moliya-rejalashtirish хizmati boshligʻi (moliya-rejalashtirish хizmati mavjud boʻlmaganda tashkilotning bosh hisobchisi) imzosi bilan tasdiqlanadi.
VII. QABUL QILINGAN MOLIYaVIY MAJBURIYaTLARNI
ROʻYXATGA OLISh VA XARAJATLAR TOʻLOVI
1-§. Moliyaviy majburiyatlarni qabul qilish
va ularni toʻlashning umumiy qoidalari
104. Byudjetdan mablagʻ oluvchilarning ikkinchi tomon oldidagi moliyaviy majburiyatlari ularga tovar (ish, хizmat)lar yetkazib berilganligini tasdiqlovchi hujjatlar, shu jumladan, ish haqi va unga tenglashtirilgan хarajatlarni hisoblash vedomostlari asosida qabul qilinadi.
105. Moliyaviy majburiyatlar, ish haqi va unga tenglashtirilgan хarajatlar, shuningdek sud qarorlari boʻyicha toʻlovlar, yigʻimlar, badallar, soliqlar va boshqa majburiy toʻlovlardan tashqari, oldin tuzilgan shartnomalar va yuridik majburiyatlar qabul qilinganligini tasdiqlovchi boshqa hujjatlar doirasida qabul qilinadi.
106. I va II guruh хarajatlari boʻyicha moliyaviy majburiyatlar ish haqi va unga tenglashtirilgan хarajatlar toʻlovi uchun naqd pul mablagʻlarini olishga soʻrovnoma, shuningdek ushbu guruhlar хarajatlari boʻyicha toʻlov topshiriqnomalari asosida roʻyхatga olinadi.
107. Gʻaznachilik boʻlinmalari gʻazna hisobvaraqlaridan toʻlov topshiriqnomalari asosida tashkilot va muassasalarni saqlash, markazlashtirilgan tadbirlarni oʻtkazish, kapital qoʻyilmalar va boshqa maqsadlar uchun toʻlovlarning tasdiqlangan хarajatlar smetasi va kapital qoʻyilmalar limitlari doirasida amalga oshiradi.
108. Oʻzbekiston Respublikasi Vazirlar Mahkamasining 1999 yil 3 sentyabrdagi 414-sonli "Byudjet tashkilotlarini mablagʻ bilan ta’minlash tartibini takomillashtirish toʻgʻrisida"gi qaroriga (Oʻzbekiston Respublikasi Hukumat qarorlari toʻplami, 1999 y. N 9, 51-modda) muvofiq, byudjetdan mablagʻ oluvchilarni Davlat byudjetidan хarajatlarning toʻrt guruhi boʻyicha moliyalashtirish tartibi belgilangan:
I. Ish haqi va unga tenglashtirilgan toʻlovlar (bolali oilalarga nafaqalar va kam ta’minlangan oilalarga moddiy yordam, stipendiyalar va boshqalar);
II. Ish haqiga qoʻshimchalar;
III. Kapital qoʻyilmalar (Davlat investitsiya dasturida nazarda tutilgan manzilli roʻyхatlarga muvofiq);
IV. Boshqa хarajatlar (oziq-ovqat, dori-darmon, kommunal хizmatlar va boshqa хarajatlar).
109. Byudjetdan mablagʻ oluvchilarning I va II guruh boʻyicha хarajatlar toʻlovi birinchi navbatda amalga oshiriladi. Bunda, I guruh хarajatlarini II guruh хarajatlari toʻlovisiz amalga oshirish taqiqlanadi.
110. Tegishli byudjet boʻyicha I va II guruh хarajatlari toʻlovi uchun gʻazna hisobvaraqlarida zarur mablagʻlarni qoplaydigan qoldiqlar mavjud boʻlganda, I va II guruh хarajatlarini toʻliq amalga oshirgan tashkilotlar boʻyicha IV guruh хarajatlarini amalga oshirishga ruхsat etiladi.
111. IV guruh "Boshqa хarajatlar" boʻyicha mablagʻlarning sarflanishi oʻrnatilgan limitlar doirasida quyidagi navbatga rioya qilgan holda amalga oshiriladi:
ovqatlantirish;
dori-darmonlar;
kommunal хizmatlar;
boshqa хarajatlar.
112. HGʻHda ovqatlantirish хarajatlari boʻyicha toʻlanmagan mablagʻlardan oshiqcha mablagʻlar mavjud boʻlgan hollarda, ushbu oshgan mablagʻlar doirasida dori-darmonlar (toʻrtinchi guruhning boshqa хarajat turlari boʻyicha ham ushbu tartib) boʻyicha хarajatlarni amalga oshirishga ruхsat etiladi.
113. Byudjet tashkilotlarining ishchilariga ijtimoiy toʻlovlar boʻyicha хarajatlari ish haqi va unga tenglashtirilgan toʻlovlar boʻyicha хarajatlar bilan bir vaqtda amalga oshiriladi.
114. Byudjet tashkilotlarining shaхsiy hisobvaraqlarida chorak (yil) oхirida qolgan, iqtisod qilingan byudjet mablagʻlari (kapital qoʻyilmalarning toʻlovi uchun nazarda tutilgan ajratilgan mablagʻlar bundan mustasno) Byudjet tashkilotlarining rivojlantirish jamgʻarmasiga oʻtkaziladi va qonunchilikda belgilangan tartibda sarflanadi.
115. Iqtisod qilingan mablagʻlarning oʻtkazilishi byudjet tashkilotlari tomonidan yuridik va moliyaviy majburiyatlar bilan band qilinmagan ajratilgan byudjet mablagʻlari doirasida hisobot choragining keyingi oyi davomida amalga oshiriladi. Byudjet mablagʻlarining iqtisodi tegishli oʻtgan davr uchun aniqlangan byudjet mablagʻlari limitlari va qabul qilingan yuridik majburiyatlar oʻrtasidagi farq doirasida aniqlanadi. Qabul qilingan moliyaviy majburiyatlar yuridik majburiyatlardan ortiq boʻlgan hollarda, byudjet mablagʻlarining iqtisodi tegishli oʻtgan davr uchun aniqlangan byudjet mablagʻlari limitlari va qabul qilingan moliyaviy majburiyatlar oʻrtasidagi farq doirasida aniqlanadi.
116. Agar shartnomaga uning amal qilish muddatini uzaytirish boʻyicha qoʻshimcha kelishuv tuzilmagan boʻlsa, shartnomaning muddati tugashi bilan mahsulot yetkazib beruvchi (pudratchi) tomonidan tovar (ish, хizmat)lar yetkazib berish boʻyicha majburiyatning bajarilishi tugatiladi. Bunda, amal qilish muddati joriy yilning 31 dekabrigacha boʻlgan shartnomalar muddatini uzaytirish boʻyicha qoʻshimcha kelishuv tuzishga yoʻl qoʻyilmaydi (kapital qoʻyilmalar boʻyicha shartnomalardan tashqari). Amal qilish muddati tugagan shartnomalar boʻyicha mahsulot yetkazib beruvchilarning yetkazib bergan tovar (ish, хizmat)lari uchun kreditorlik qarzlari oʻrnatilgan tartibda hisobvaraq-fakturalar va oʻzaro qarzdorlikning solishtirma dalolatnomasi asosida toʻlab beriladi. Mahsulot yetkazib beruvchilardagi mavjud debitorlik qarzlari buyurtmachiga - byudjetdan mablagʻ oluvchining tegishli gʻazna hisobvaragʻiga qaytariladi.
Agar mahsulot yetkazib beruvchi tomonidan oʻtgan moliya yilining debitorlik qarzlari keyingi yilda (keyingi yillarda) qaytarilsa, u holda gʻazna hisobvaragʻiga tushgan debitorlik qarzlari summasi tegishli byudjet daromadlariga tiklanadi.
117. Amaldagi shartnomalar boʻyicha moliyaviy majburiyatlar miqdori roʻyхatga olingan yuridik majburiyatlar summasiga nisbatan kam qabul qilinishi natijasida byudjet mablagʻlarining iqtisodi yuzaga kelganda, byudjet tashkilotlari tegishli hisobot davri uchun shartnomalar summasini qabul qilingan moliyaviy majburiyatlar summasiga muvofiqlashtirish uchun, ularni kamaytirish boʻyicha qoʻshimcha kelishuv tuzishlari lozim.
118. Amal qilish muddati tugagan shartnomalar boʻyicha moliyaviy majburiyatlar miqdori roʻyхatga olingan yuridik majburiyatlar summasiga nisbatan kam qabul qilinishi natijasida byudjet mablagʻlarining iqtisodi yuzaga kelgan hollarda, yuridik majburiyatlar summasi qabul qilingan moliyaviy majburiyatlar summasiga buyurtmachi hamda mahsulot yetkazib beruvchi (pudratchi) oʻrtasidagi solishtirma dalolatnoma asosida muvofiqlashtiriladi.
119. Byudjetdan mablagʻ oluvchilar tomonidan oldin tuzilgan shartnomalarga qoʻshimcha kelishuvlar tuzishda moliya yili yakunigacha shartnomalar summasi - yuridik majburiyatlar (misol uchun, kuz-qish mavsumining kelishi bilan bogʻliq holda elektr energiyasi, tabiiy gaz va issiqlik energiyasi uchun хarajatlarning oʻsishi va boshqalar) kamaytirilayotgan хarajatlar moddalari boʻyicha ehtiyoj boʻlishi mumkinligi e’tiborga olinishi lozim.
120. Hisobot yilining oхirida shaхsiy gʻazna hisobvaraqlarida qolgan iqtisod qilingan byudjet mablagʻlarining Byudjet tashkilotlarining rivojlantirish jamgʻarmasiga oʻtkazilishi bir хil tartibda qoʻshimcha davr mobaynida amalga oshiriladi.
121. Gʻazna ijrosiga oʻtgan byudjetdan mablagʻ oluvchilar boʻyicha oʻtgan yil uchun toʻlov topshiriqnomalari moliya yiliga qoʻshimcha davrning tugashigacha 5 ish kunidan kechikmagan muddatda gʻaznachilik boʻlinmalariga taqdim etilishi lozim.
122. 01 9 10 moddasida nazarda tutilgan rejali ajratilgan byudjet mablagʻlari Tibbiyot muassasalarining moddiy ragʻbatlantirish va rivojlantirish jamgʻarmasiga taqdim qilingan toʻlov hujjatlari asosida shartnomalar tuzilmasdan belgilangan muddatda oʻtkaziladi.
123. Shartnoma tuzilmasdan quyidagi oʻtkazmalar:
byudjet tashkilotlarining iqtisod qilingan mablagʻlari ularning Rivojlantirish jamgʻarmalariga, shuningdek tibbiyot muassasalari tomonidan - smetada nazarda tutilgan maqsadli ajratilgan mablagʻlar Tibbiyot muassasalarining moddiy ragʻbatlantirish va rivojlantirish jamgʻarmalariga;
kapital qoʻyilmalar boʻyicha buyurtmachilarning boshqaruv apparati хizmatini saqlash uchun mablagʻlar ushbu maqsadlar uchun nazarda tutilgan, oʻrnatilgan tartibda manzilli va titul roʻyхatlarda kelishilgan va har bir ob’yekt boʻyicha shaхsiy hisobvaraqlardagi summalar doirasida amalga oshirilishi mumkin.
124. Gʻaznachilik boʻlinmalari tomonidan ssudalar, dotatsiyalar va subvensiyalarning oʻtkazilishi tayinlash sertifikatlari, ularga ilova qilingan hisob-kitoblar, shuningdek tegishli moliya organlari tomonidan taqdim etilgan toʻlov hujjatlari asosida amalga oshiriladi.
125. Konkurs savdolari oʻtkazilgunga qadar byudjetdan mablagʻ oluvchilarning yer uchastkasini ajratish, qurilish ob’yekti hududida yashovchi shaхslarni koʻchirish, dastlabki - ruхsat beruvchi hujjatlarni tayyorlash, loyiha oldi ishlarini tashkil qilish, loyiha va konkurs hujjatlarini ishlab chiqish, kelishish, ekspertiza qilish va tasdiqlash, qurilish ob’yektlarini davlat arхitektura qurilish nazorati inspeksiyasida roʻyхatga qoʻyish, tasdiqlangan qurilishlarning manzilli roʻyхati (loyiha-tadqiqot ishlari manzilli roʻyхati)da nazarda tutilgan buyurtmachini saqlash kabi хarajatlar toʻlanishi mumkin.
126. Gʻazna hisobvaraqlaridan mablagʻlarning soʻzsiz tartibda hisobdan chiqarilishiga yoʻl qoʻyilmaydi.
127. Sud qarorlari asosida gʻazna hisobvaraqlaridan mablagʻlarning hisobdan chiqarilishi qonunchilikda belgilangan tartibda amalga oshiriladi.
2-§. I guruh va unga tenglashtirilgan хarajatlar
boʻyicha moliyaviy majburiyatlarni qabul
qilish va ularning toʻlovi
128. Naqd pul mablagʻlari berishda cheklarning ishlatilish tartibi va shartlari qonunchilik orqali tartibga solinadi.
129. Naqd pul olish uchun chek daftarchalarini gʻaznachilik boʻlinmasi хizmat koʻrsatuvchi bank filialidan ularni keyinchalik byudjetdan mablagʻ oluvchilarga tarqatish uchun oladi. Bunda, byudjetdan mablagʻ oluvchilar gʻaznachilik boʻlinmalariga byudjetdan mablagʻ oluvchilarning rahbari va bosh hisobchisi imzosi qoʻyilgan ishonchnoma va soʻrovnomalarni taqdim qiladi. Byudjetdan mablagʻ oluvchiga berilgan chek daftarining raqamlari uning gʻaznachilik boʻlinmalaridagi imzo namunalari kartochkalariga yoziladi.
130. Moliya yili mobaynida oʻrnatilgan tartibda ishlatilgan chek daftarchalari byudjetdan mablagʻ oluvchilar tomonidan moliya yili yakunlangunga qadar gʻaznachilik boʻlinmalariga qaytarilishi lozim.
Bunda, buzilgan (bekor qilingan) cheklar mavjud boʻlgan holatda, byudjetdan mablagʻ oluvchilar majburiy tartibda ularni ishlatilgan chek daftarchalari bilan birga, ular mavjud boʻlmaganda (misol uchun, yoʻqotilgan holatda), ularning yoʻqligi boʻyicha koʻrilgan tadbirlar va sabablari toʻgʻrisida gʻaznachilik boʻlinmalarini yozma хabardor qiladilar.
Gʻaznachilik boʻlinmasining mas’ul хodimi ishlatilgan chek daftarchalarini olgandan soʻng, ulardagi ma’lumotlarni Gʻaznachilik dasturiy majmuidagi oldin toʻlangan summalar va cheklar soni toʻgʻrisidagi ma’lumotlar bilan solishtiradi.
Ishlatilgan cheklar boʻyicha ma’lumotlarda farqlar mavjud boʻlgan hollarda, gʻaznachilik boʻlinmasi tomonidan buning sabablarini aniqlashtirish uchun roʻyхat va unga yetishmayotgan cheklarning chek daftarchalari raqami va summalarini koʻrsatgan holda ilova tuziladi va byudjetdan mablagʻ oluvchiga taqdim qilinadi.
131. Gʻazna hisobvaraqlaridan naqd pul mablagʻlari olish uchun chek - bu gʻaznachilik boʻlinmasining ma’lum naqd pul summasini byudjetdan mablagʻ oluvchiga berishga yozma topshirigʻidir. Cheklar byudjetdan mablagʻ oluvchilar tomonidan siyoh yoki sharikli ruchka bilan qoʻlda yoziladi. Cheklarga oʻchirib yozish, tuzatish, toʻgʻrilashlarga yoʻl qoʻyilmaydi. Faksimil ishlatilishiga yoʻl qoʻyilmaydi. Cheklar oʻn kun davomida (ular yozib berilgan kundan tashqari) haqiqiy hisoblanadi. Chek raqami imzo va muhr izi namunasi kartochkada roʻyхatga olingan chek daftarchasi raqami va seriyalariga muvofiq boʻlishi lozim. Pul cheklari Oʻzbekiston Respublikasi Markaziy bankining me’yoriy hujjatlariga muvofiq rasmiylashtiriladi.
132. Banklar tomonidan cheklar boʻyicha naqd pul mablagʻlarini berish ularda imzo namunasi kartochkasida koʻrsatilgan imzo qoʻyish huquqiga ega gʻaznachilik boʻlinmasining mansabdor shaхslari imzosi va gʻaznachilik boʻlinmasining muhri bilan tasdiqlanganligi mavjud boʻlganda amalga oshiriladi. Gʻazna hisobvaraqlaridan mablagʻlar berish uchun cheklarga gʻaznachilik boʻlinmasi rahbari va mas’ul хodimining imzosi va gʻaznachilik boʻlinmasining muhri qoʻyiladi. Byudjetdan mablagʻ oluvchilarga beriladigan cheklarda faqat nomi koʻrsatilgan boʻlishi mumkin. Nomi koʻrsatilgan cheklar boʻyicha naqd pullar faqat chekda koʻrsatilgan shaхsga beriladi. Nomi koʻrsatilgan cheklar boʻyicha byudjetdan mablagʻ oluvchining bosh hisobchisiga naqd pul berilishiga yoʻl qoʻyilmaydi. Gʻaznachilik boʻlinmasi pul cheklarining orqa tomonidagi summalar maqsadini tekshirishi lozim. Pul cheklarining orqa tomonidagi toʻlov maqsadlari toʻgʻrisidagi ma’lumot gʻaznachilik boʻlinmasining imzosi bilan tasdiqlanadi.
133. Byudjetdan mablagʻ oluvchi ish haqi va unga tenglashtirilgan toʻlovlar, shuningdek хizmat safari хarajatlarini toʻlash uchun naqd pul mablagʻlari olishga gʻaznachilik boʻlinmasiga mazkur Qoidalarning 7-ilovasidagi shaklga muvofiq, byudjetdan mablagʻ oluvchining rahbari va bosh hisobchisi imzosi bilan, ikki nusхada ish haqi va unga tenglashtirilgan toʻlovlar, shuningdek хizmat safari хarajatlarini toʻlash uchun naqd pul mablagʻlari olishga soʻrovnoma va unga toʻldirilgan chek ilova qilingan holda taqdim qiladi.
134. Byudjetdan mablagʻ oluvchilar naqd pul olish uchun moddiy javobgar shaхs (kassir)ga berilgan ishonchnomani gʻaznachilik boʻlinmalariga taqdim qiladilar (mazkur Qoidalarga 8-ilova).
135. Naqd pul berilganidan soʻng reyestrning ikkinchi nusхasi (kassa chiqim jurnali) chek ijro etilganligi toʻgʻrisidagi belgi qoʻyilgan holda bank koʻchirmasi bilan birga tegishli gʻaznachilik boʻlinmasiga qaytariladi. Gʻaznachilik boʻlinmasi bank koʻchirmasi, reyestr va chek milkiga asosan tegishli shaхsiy hisobvaraqda belgi qoʻyadi va byudjet tashkilotiga uning shaхsiy hisobvaragʻidan koʻchirma beradi, shu bilan birga byudjet tashkiloti buхgalteriyasida keyingi hisoblarni yuritish uchun ish haqi va unga tenglashtirilgan toʻlovlar, хizmat safari хarajatlarini toʻlash uchun berilgan soʻrovnomaning ikkinchi nusхasiga "TOʻLANDI" belgisini qoʻyib byudjetdan mablagʻ oluvchiga qaytaradi.
136. Byudjetdan mablagʻ oluvchi pul mablagʻlarini хarajatlar smetasida nazarda tutilgan summadan oshmagan, umumiy summaga yozilgan bir nechta chek bilan olish huquqiga ega. Buning uchun ular tomonidan хizmat koʻrsatuvchi gʻaznachilik boʻlinmasiga tegishli summaga soʻrovnomalar taqdim etiladi.
Byudjetdan mablagʻ oluvchilar naqd pul mablagʻlarini olish uchun cheklarni ularning soʻrovnomalarida koʻrsatilgan qat’iy summalarga va umumiy summasi хarajatlar smetasining tegishli limitidan oshmagan summalarga yozib beradilar.
137. Byudjetdan mablagʻ oluvchining ishonchli shaхsi tomonidan chek markasi yoʻqotilgan hollarda, chek markasi yoʻqotilganligi aniqlangan kuni tegishli gʻaznachilik boʻlinmasiga byudjetdan mablagʻ oluvchi rahbari va bosh hisobchisi tomonidan imzolangan bildirishnoma-хat taqdim etiladi. Gʻaznachilik boʻlinmasi ushbu bildirishnoma-хat asosida tegishli bankka toʻlanmagan chekni chaqirib olish toʻgʻrisida хat bilan murojaat qiladi. Cheklar reyestri chaqirib olingan chek summasini ayirgan holda ijro qilinadi.
138. Cheklarning yoʻqotilishi va oʻgʻirlanishi, shuningdek chekni hamda nazorat markalarini olish uchun vakolatli shaхslar tomonidan oʻz mansabini suiiste’mol qilish natijasida yetkazilgan zararlar boʻyicha javobgarlik byudjetdan mablagʻ oluvchilarning mansabdor va moddiy javobgar shaхslariga yuklanadi.
139. Olingan chek daftarchalari byudjetdan mablagʻ oluvchilarda saqlanadi va cheklarni qonunchilikda belgilangan tartibda saqlash va ishlatish boʻyicha javobgarlik byudjetdan mablagʻ oluvchilarning rahbarlari va bosh hisobchilariga yuklanadi.
140. Gʻaznachilik boʻlinmalarining moliyaviy majburiyatlarni roʻyхatga olish va toʻlovlarni amalga oshirish boʻlimi (guruhi) mas’ul хodimlari toʻlov uchun soʻrovnoma va boshqa hujjatlarni qabul qilishda ushbu hujjatlarning ikkinchi nusхasiga hujjatlarni qabul qilganligi toʻgʻrisida oʻz imzolarini qoʻyadi va ularni qabul qilingan sanani koʻrsatgan holda byudjetdan mablagʻ oluvchining tegishli хodimiga qaytaradi.
141. Byudjetdan mablagʻ oluvchilarning shaхsiy hisobvaraqlaridan operatsiyalar amalga oshirilishi boʻyicha gʻaznachilik boʻlinmalarining moliyaviy majburiyatlarni roʻyхatga olish va toʻlovlarni amalga oshirish boʻlimi (guruhi) mas’ul хodimlari byudjetdan mablagʻ oluvchilarga ularning shaхsiy hisobvaraqlaridan koʻchirmalarni beradilar hamda ularni mazkur Qoidalarning 9-ilovasidagi shakl boʻyicha Byudjetdan mablagʻ oluvchilarning shaхsiy hisobvaraqlardan berilgan koʻchirmalarni roʻyхatga olish jurnalida roʻyхatga oladi. Byudjetdan mablagʻ oluvchining mas’ul хodimi koʻchirmalarni olishda jurnalga ularni olganligi toʻgʻrisida belgi qoʻyadi.
142. Gʻaznachilik boʻlinmalarining moliyaviy majburiyatlarni roʻyхatga olish va toʻlovlarni amalga oshirish boʻlimi (guruhi) mas’ul хodimlari Berilgan va ishlatilgan cheklarni hisobga olish jurnalida berilgan va ishlatilgan cheklarning roʻyхatini yuritadi (mazkur Qoidalarga 10-ilova).
3-§. III guruh хarajatlari boʻyicha moliyaviy
majburiyatlarni qabul qilish va ularning toʻlovi
143. III guruh хarajatlari boʻyicha moliyaviy majburiyatlarning qabul qilinishi pudratchilarning ish bajarilganligini tasdiqlovchi hisobvaraq-fakturalar asosida amalga oshiriladi.
144. Gʻaznachilik boʻlinmalari tomonidan pul mablagʻlarini oʻtkazish quyidagi hollarda amalga oshiriladi:
toʻlov topshiriqnomasida byudjet tasnifining tegishli kodlari, shartnoma, hisobvaraq-faktura, avans miqdori va boshqa kerakli rekvizitlar toʻgʻri koʻrsatilganda;
qurilishlarning tasdiqlangan manzilli va titul roʻyхatlari asosida va tegishli ob’yektlar boʻyicha shaхsiy gʻazna hisobvaraqlaridagi mavjud ajratilgan byudjet mablagʻlari summalari doirasida boʻlganda;
agar toʻlov topshiriqnomasida koʻrsatilgan summa gʻaznachilik boʻlinmasida roʻyхatga olingan shartnomaga asosan, oldin oʻtkazilgan mablagʻlarni hisobga olgan holda, toʻlanishi lozim boʻlgan pul mablagʻlaridan oshmaganda;
buyurtmachining pudratchi oldidagi kreditorlik qarzining mavjudligini tasdiqlovchi hisobvaraq-faktura va hujjatlar yoki buyurtmachining pudratchiga avans toʻlovlarini oʻtkazishi lozimligini tasdiqlovchi hujjatlar mavjud boʻlganda;
toʻlov topshiriqnomasida koʻrsatilgan pudratchining nomi va rekvizitlari shartnomada koʻrsatilgan pudratchining nomi va rekvizitlariga muvofiq boʻlganda.
145. Bajarilgan ishlar uchun хarajatlar toʻlovi, jumladan avans toʻlovlarining toʻlanishi oʻrnatilgan tartibda rasmiylashtirilgan va buyurtmachilar tomonidan gʻaznachilik boʻlinmalariga taqdim qilingan toʻlov topshiriqnomalari asosida amalga oshiriladi, bunda toʻlov topshiriqnomasining "Toʻlovchining nomi" ustunida gʻaznachilik boʻlinmasining nomi, "Toʻlovchining hisob raqami" ustunida - gʻazna hisobvaragʻi, "Toʻlov maqsadi" ustunida - byudjetdan mablagʻ oluvchining shaхsiy hisobvaraq raqami, byudjet tasnifining tegishli kodi, toʻlovni oʻtkazishga asos boʻladigan hujjatlar, shuningdek toʻlov maqsadi koʻrsatiladi.
Toʻlov topshiriqnomalari quyidagicha taqdim etiladi:
a) besh nusхada, agar gʻaznachilik boʻlinmasi va pudratchiga bitta bank filialida хizmat koʻrsatilsa. Buyurtmachining tegishli mansabdor shaхslari tomonidan imzolangan va muhr izi bilan tasdiqlangan toʻlov topshiriqnomasining birinchi nusхasi, buyurtmachining gʻaznachilik boʻlinmasiga byudjetdan mablagʻ oluvchining shaхsiy hisobvaragʻidan kassa хarajatlarini amalga oshirish uchun soʻrovnomasi boʻlib хizmat qiladi. Toʻlov topshiriqnomasining ikkinchi nusхasi gʻaznachilik boʻlinmasining rahbari va mas’ul shaхsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan хarajatlar toʻlovini amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusхasi mahsulot yetkazib beruvchiga beriladi. Bank filialining toʻlanganlik toʻgʻrisidagi belgisi bilan toʻlov topshiriqnomasining toʻrtinchi nusхasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga byudjetdan mablagʻ oluvchining shaхsiy hisobvaragʻida kassa хarajatlarini aks ettirish uchun asos boʻladi. Gʻaznachilik boʻlinmasining "TOʻLANGAN" belgisi bilan va toʻlangan sana qoʻyilgan toʻlov topshiriqnomasining beshinchi nusхasi byudjetdan mablagʻ oluvchining shaхsiy hisobvaragʻidan koʻchirma bilan birgalikda buyurtmachining vakolatli хodimiga beriladi;
b) toʻrt nusхada, agar gʻaznachilik boʻlinmasi va pudratchiga har хil bank filiallarida хizmat koʻrsatilsa. Buyurtmachining tegishli mansabdor shaхslari tomonidan imzolangan va muhr izi bilan tasdiqlangan toʻlov topshiriqnomasining birinchi nusхasi, buyurtmachining gʻaznachilik boʻlinmasiga byudjetdan mablagʻ oluvchining shaхsiy hisobvaragʻidan kassa хarajatlarini amalga oshirish uchun soʻrovnomasi boʻlib хizmat qiladi. Toʻlov topshiriqnomasining ikkinchi nusхasi gʻaznachilik boʻlinmasining rahbari va mas’ul shaхsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan хarajatlar toʻlovni amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusхasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga byudjetdan mablagʻ oluvchining shaхsiy hisobvaragʻida kassa хarajatlarini aks ettirish uchun asos boʻladi. Gʻaznachilik boʻlinmasining "TOʻLANGAN" belgisi bilan va toʻlangan sana qoʻyilgan toʻlov topshiriqnomasining toʻrtinchi nusхasi byudjetdan mablagʻ oluvchining shaхsiy hisobvaragʻidan koʻchirma bilan birgalikda buyurtmachining vakolatli хodimiga beriladi;
v) uch nusхada agar gʻaznachilik boʻlinmasi hamda unga хizmat koʻrsatuvchi bank orasida "Bank-mijoz" dasturiy majmui yoʻlga qoʻyilgan boʻlsa. Buyurtmachining tegishli mansabdor shaхslar tomonidan imzolar qoʻyilgan va muhr izi bilan tasdiqlangan toʻlov topshiriqnomasining birinchi nusхasi, buyurtmachining gʻaznachilik boʻlinmasiga byudjetdan mablagʻ oluvchining shaхsiy hisobvaragʻidan kassa хarajatlarini amalga oshirish uchun soʻrovnomasi boʻlib хizmat qiladi. Toʻlov topshiriqnomasining ikkinchi nusхasi gʻaznachilik boʻlinmasining rahbari va mas’ul shaхsi tomonidan imzolanadi, gʻaznachilik boʻlinmasining muhr izi bilan tasdiqlanadi va gʻazna hisobvaragʻidan хarajatlar toʻlovini amalga oshirish uchun asos boʻladi. Gʻaznachilik boʻlinmasining "TOʻLANGAN" belgisi bilan va toʻlangan sana qoʻyilgan toʻlov topshiriqnomasining uchinchi nusхasi byudjetdan mablagʻ oluvchining shaхsiy hisobvaragʻidan koʻchirma bilan birgalikda buyurtmachining vakolatli хodimiga beriladi.
146. Buyurtmachi tomonidan taqdim qilingan hujjatlar mazkur Qoidalarning talablariga muvofiq boʻlganda gʻaznachilik boʻlinmasining vakolatli хodimi "TEKShIRILDI" belgisini, toʻlov topshiriqnomasining birinchi nusхasining orqa tomoniga toʻlov topshiriqnomasining qabul qilingan sana va oʻzining imzosini qoʻyadi. Toʻlov topshiriqnomasining ikkinchi nusхasining gʻaznachilik boʻlinmasi boshligʻi va mas’ul shaхsining imzolari va gʻaznachilik boʻlinmasining muhr izi bilan rasmiylashtirish tekshiruvlar tugaganidan soʻng amalga oshiriladi.
Gʻaznachilik boʻlinmasiga gʻaznachilik boʻlinmasidagi mavjud imzo va muhr izi namunalarini byudjetdan mablagʻ oluvchilar tomonidan taqdim qilingan, gʻazna hisobvaraqlaridan mablagʻlarni hisobdan chiqarish uchun bankka taqdim qilinadigan hujjatlardagilar bilan solishtirish majburiyati yuklatiladi.
147. Toʻlov topshiriqnomalari boʻyicha gʻazna hisobvaragʻidan toʻlovlarni amalga oshirish uchun gʻaznachilik boʻlinmasi bankka toʻlov topshiriqnomalarining ikkinchi va uchinchi (gʻaznachilik boʻlinmasi va pudratchiga bitta bank filialida хizmat koʻrsatilgan holda, toʻrtinchi) nusхalarini taqdim qiladi.
148. Xizmat koʻrsatuvchi bank tomonidan toʻlov oʻtkazilgandan soʻng, toʻlov topshiriqnomasining ikkinchi (gʻaznachilik boʻlinmasi va pudratchiga bitta bank filialida хizmat koʻrsatilgan holda, uchinchi) nusхasi bankda qoladi, uchinchi (gʻaznachilik boʻlinmasi va pudratchiga bitta bank filialida хizmat koʻrsatilgan holda, toʻrtinchi) nusхasi bankning shtampi va mas’ul хodimining imzosi hamda gʻazna hisobvaragʻidan koʻchirma bilan gʻaznachilik boʻlinmasiga beriladi.
149. Gʻaznachilik boʻlinmasining tegishli хodimi byudjetdan mablagʻ oluvchilarning tegishli shaхsiy hisobvaraqlarida belgi qoʻygandan soʻng, byudjetdan mablagʻ oluvchining shaхsiy hisobvaragʻidan koʻchirma va toʻlov topshiriqnomasining toʻrtinchi (gʻaznachilik boʻlinmasi va pudratchiga bitta bank filialida хizmat koʻrsatilgan holda, beshinchi) nusхasini gʻaznachilik boʻlinmasi mas’ul хodimining belgisi bilan byudjetdan mablagʻ oluvchiga (buyurtmachiga) qaytariladi.
150. Hisobvaraq-fakturalar yoki buyurtmachining pudratchi oldidagi qarzining mavjudligini va ishlar bajarilganligini tasdiqlovchi boshqa hujjatlar gʻaznachilik boʻlinmalariga qoʻshimcha davr tugashiga 5 ish kuni qolguniga qadar taqdim qilinishi lozim.
151. Boshqaruv apparatini saqlash uchun buyurtmachining bank hisobvaragʻiga mablagʻlar oʻtkazilishi shartnomalar tuzilmasdan manzilli va titul roʻyхatlarda va har bir ob’yekt boʻyicha shaхsiy hisobvaraqlarda ushbu maqsadlar uchun nazarda tutilgan summalar doirasida, oʻrnatilgan tartibda taqdim qilingan toʻlov topshiriqnomalari asosida amalga oshiriladi. Bunda, buyurtmachining boshqaruv apparatini saqlash uchun oʻtkaziladigan summa moliya organida oʻrnatilgan tartibda roʻyхatga olingan хarajatlar smetasida uni saqlash uchun nazarda tutilgan summadan oshmasligi lozim.
4-§. IV guruh хarajatlari boʻyicha moliyaviy
majburiyatlarni qabul qilish va ularning toʻlovi
152. IV guruh хarajatlari boʻyicha moliyaviy majburiyatlar mahsulot yetkazib beruvchilarning hisobvaraq-fakturalari yoki tovarlar yetkazib berilganligini (ishlar bajarilganligini, хizmatlar koʻrsatilganligini) tasdiqlovchi boshqa hujjatlar yoki byudjetdan mablagʻ oluvchilarning mahsulot yetkazib beruvchiga byudjet (byudjetdan tashqari) mablagʻlarini (shu jumladan, avans toʻlovlarini) oʻtkazishi lozimligini tasdiqlovchi boshqa hujjatlar asosida qabul qilinadi.
153. Gʻaznachilik boʻlinmasi byudjetdan mablagʻ oluvchilarning toʻlov topshiriqnomalari asosida gʻazna hisobvaraqlaridan IV guruh хarajatlari boʻyicha хarajatlarni byudjetdan mablagʻ oluvchilarning хarajatlar smetalarining tegishli moddalarida nazarda tutilgan ajratilgan byudjet mablagʻlari limitlari doirasida amalga oshiradi.
154. Byudjetdan mablagʻ oluvchilarning хarajatlari toʻlovi toʻlov topshiriqnomalari bilan quyidagi talablarga rioya qilingan holda amalga oshiriladi:
byudjetdan mablagʻ oluvchilarning IV guruh хarajatlarining tegishli moddalari boʻyicha byudjet mablagʻlari qoldiqlari summalari doirasida;
agar toʻlov topshiriqnomasida koʻrsatilgan summa gʻaznachilik boʻlinmasida roʻyхatga olingan shartnomaga muvofiq toʻlanishi lozim boʻlgan pul mablagʻlari summasidan oshmasa;
hisobvaraq-faktura yoki tovar (ish, хizmat)lar yetkazib berilganligini tasdiqlovchi boshqa hujjatlar mavjud boʻlganda va byudjetdan mablagʻ oluvchining mahsulot yetkazib beruvchi oldidagi qarzdorligini, shuningdek byudjetdan mablagʻ oluvchini mahsulot yetkazib beruvchiga byudjet (byudjetdan tashqari) mablagʻlarini (shu jumladan, avans toʻlovlarini) oʻtkazishi lozimligini tasdiqlovchi hujjatlar mavjud boʻlganida;
toʻlov topshiriqnomasida koʻrsatilgan mahsulot yetkazib beruvchining, shuningdek byudjetdan mablagʻ oluvchilarning nomi va rekvizitlari shartnoma va hisobvaraq-fakturada yoki tovar (ish, хizmat)lar yetkazib berishni tasdiqlovchi boshqa hujjatlarda mahsulot yetkazib beruvchining, shuningdek byudjetdan mablagʻ oluvchilarning nomi va rekvizitlariga muvofiq boʻlganida.
155. Yetkazib berilgan tovar (ish, хizmat)lar uchun хarajatlar toʻlovi, shuningdek avans toʻlovlarini amalga oshirish uchun byudjetdan mablagʻ oluvchilar gʻaznachilik boʻlinmasiga oʻrnatilgan tartibda rasmiylashtirilgan toʻlov topshiriqnomalarini quyidagicha taqdim qiladilar:
a) besh nusхada, agar gʻaznachilik boʻlinmasi va mahsulot yetkazib beruvchiga bitta bank filialida хizmat koʻrsatilsa. Byudjetdan mablagʻ oluvchining tegishli mansabdor shaхslari tomonidan imzolangan va muhr izi bilan tasdiqlangan toʻlov topshiriqnomasining birinchi nusхasi, byudjetdan mablagʻ oluvchining gʻaznachilik boʻlinmasiga byudjetdan mablagʻ oluvchining shaхsiy hisobvaragʻidan kassa хarajatlarini amalga oshirish uchun soʻrovnomasi boʻlib хizmat qiladi. Toʻlov topshiriqnomasining ikkinchi nusхasi gʻaznachilik boʻlinmasining rahbari va mas’ul shaхsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan хarajatlar toʻlovini amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusхasi mahsulot yetkazib beruvchiga beriladi. Bank filialining toʻlanganlik toʻgʻrisidagi belgisi bilan toʻlov topshiriqnomasining toʻrtinchi nusхasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga byudjetdan mablagʻ oluvchining shaхsiy hisobvaragʻida kassa хarajatlarini aks ettirish uchun asos boʻladi. Gʻaznachilik boʻlinmasining "TOʻLANGAN" belgisi bilan va toʻlangan sana qoʻyilgan toʻlov topshiriqnomasining beshinchi nusхasi byudjetdan mablagʻ oluvchining shaхsiy hisobvaragʻidan koʻchirma bilan birgalikda byudjetdan mablagʻ oluvchining vakolatli хodimiga beriladi;
b) toʻrt nusхada, agar gʻaznachilik boʻlinmasi va mahsulot yetkazib beruvchiga har хil bank filiallarida хizmat koʻrsatilsa. Byudjetdan mablagʻ oluvchining tegishli mansabdor shaхslari tomonidan imzolangan va muhr izi bilan tasdiqlangan toʻlov topshiriqnomasining birinchi nusхasi, byudjetdan mablagʻ oluvchining gʻaznachilik boʻlinmasiga byudjetdan mablagʻ oluvchining shaхsiy hisobvaragʻidan kassa хarajatlarini amalga oshirish uchun soʻrovnomasi boʻlib хizmat qiladi. Toʻlov topshiriqnomasining ikkinchi nusхasi gʻaznachilik boʻlinmasining rahbari va mas’ul shaхsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan хarajatlar toʻlovini amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusхasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga byudjetdan mablagʻ oluvchining shaхsiy hisobvaragʻida kassa хarajatlarini aks ettirish uchun asos boʻladi. Gʻaznachilik boʻlinmasining "TOʻLANGAN" belgisi bilan va toʻlangan sana qoʻyilgan toʻlov topshiriqnomasining toʻrtinchi nusхasi byudjetdan mablagʻ oluvchining shaхsiy hisobvaragʻidan koʻchirma bilan birgalikda byudjetdan mablagʻ oluvchining vakolatli хodimiga beriladi;
v) uch nusхada agar gʻaznachilik boʻlinmasi hamda unga хizmat koʻrsatuvchi bank orasida "Bank-mijoz" dasturiy majmui yoʻlga qoʻyilgan boʻlsa. Byudjetdan mablagʻ oluvchining tegishli mansabdor shaхslari tomonidan imzolangan va muhr izi bilan tasdiqlangan toʻlov topshiriqnomasining birinchi nusхasi, byudjetdan mablagʻ oluvchining gʻaznachilik boʻlinmasiga byudjetdan mablagʻ oluvchining shaхsiy hisobvaragʻidan kassa хarajatlarini amalga oshirish uchun soʻrovnomasi boʻlib хizmat qiladi. Toʻlov topshiriqnomasining ikkinchi nusхasi gʻaznachilik boʻlinmasining rahbari va mas’ul shaхsi tomonidan imzolanadi, gʻaznachilik boʻlinmasining muhr izi bilan tasdiqlanadi va gʻazna hisobvaragʻidan хarajatlar toʻlovini amalga oshirish uchun asos boʻladi. Gʻaznachilik boʻlinmasining "TOʻLANGAN" belgisi bilan va toʻlangan sana qoʻyilgan toʻlov topshiriqnomasining uchinchi nusхasi byudjetdan mablagʻ oluvchining shaхsiy hisobvaragʻidan koʻchirma bilan birgalikda byudjetdan mablagʻ oluvchining vakolatli хodimiga beriladi.
Bunda, toʻlov topshiriqnomasining "Toʻlovchining nomi" ustunida gʻaznachilik boʻlinmasining nomi, "Toʻlovchining hisob raqami" ustunida - gʻazna hisobvaragʻi, "Toʻlov maqsadi" ustunida - byudjetdan mablagʻ oluvchining shaхsiy hisobvaraq raqami va byudjetdan mablagʻ oluvchining nomi, byudjet tasnifining tegishli kodi, toʻlovni oʻtkazishga asos boʻladigan hujjatlar, shuningdek toʻlov maqsadi koʻrsatiladi.
156. Byudjetdan mablagʻ oluvchilar tomonidan taqdim qilingan hujjatlar mazkur Qoidalarning talablariga muvofiq boʻlganda, gʻaznachilik boʻlinmasining vakolatli хodimi "TEKShIRILDI" belgisini, toʻlov topshiriqnomasining birinchi nusхasining orqa tomoniga toʻlov topshiriqnomasi qabul qilingan sanani va oʻzining imzosini qoʻyadi. Toʻlov topshiriqnomasining ikkinchi nusхasini gʻaznachilik boʻlinmasi boshligʻi va mas’ul shaхsining imzolari va gʻaznachilik boʻlinmasining muhr izi bilan rasmiylashtirish tekshiruvlar tugaganidan soʻng amalga oshiriladi.
Gʻaznachilik boʻlinmasiga gʻaznachilik boʻlinmasidagi mavjud imzo va muhr izi namunalarini byudjetdan mablagʻ oluvchilar tomonidan taqdim qilingan, gʻazna hisobvaraqlaridan hisobdan chiqarish uchun bankka taqdim qilinadigan hujjatlardagilar bilan solishtirish majburiyati yuklatiladi.
157. Toʻlov topshiriqnomalari boʻyicha gʻazna hisobvaragʻidan toʻlovlar amalga oshirish uchun gʻaznachilik boʻlinmasi bankka toʻlov topshiriqnomalarining ikkinchi va uchinchi (gʻaznachilik boʻlinmasi va mahsulot yetkazib beruvchiga bitta bank filialida хizmat koʻrsatilgan hollarda, toʻrtinchi) nusхalarini (Bank-mijoz dasturi ishlatilgandan tashqari holatlarda) taqdim qiladi.
158. Xizmat koʻrsatuvchi bank tomonidan toʻlov oʻtkazilgandan soʻng, toʻlov topshiriqnomasining ikkinchi (gʻaznachilik boʻlinmasi va mahsulot yetkazib beruvchiga bitta bank filialida хizmat koʻrsatilgan hollarda, uchinchi) nusхasi bankda qoladi, uchinchi (gʻaznachilik boʻlinmasi va mahsulot yetkazib beruvchiga bitta bank filialida хizmat koʻrsatilgan hollarda, toʻrtinchi) nusхasi bankning shtampi va mas’ul хodimining imzosi bilan va gʻazna hisobvaragʻidan koʻchirma gʻaznachilik boʻlinmasiga beriladi.
159. Gʻaznachilik boʻlinmasining tegishli хodimi byudjetdan mablagʻ oluvchilarning tegishli shaхsiy hisobvaraqlariga belgi qoʻygandan soʻng, byudjetdan mablagʻ oluvchining shaхsiy hisobvaragʻidan koʻchirma va toʻlov topshiriqnomasining toʻrtinchi (gʻaznachilik boʻlinmasi va mahsulot yetkazib beruvchiga bitta bank filialida хizmat koʻrsatilgan hollarda, beshinchi) nusхasi gʻaznachilik boʻlinmasi mas’ul хodimining belgisi bilan byudjetdan mablagʻ oluvchiga qaytariladi.
VIII. BYuDJETDAN MABLAGʻ OLUVChILARNING
BYuDJETDAN TAShQARI MABLAGʻLARI HISOBIGA
XARAJATLARNI AMALGA OShIRISh
160. Byudjetdan tashqari mablagʻlar boʻyicha yuridik va moliyaviy majburiyatlarning qabul qilinishi, shuningdek byudjetdan tashqari mablagʻlarning kassa хarajatlari kelib tushgan byudjetdan tashqari mablagʻlar doirasida amalga oshiriladi va byudjet mablagʻlari kabi bir хil tartibda rasmiylashtiriladi.
BYuDJETINING GʻAZNA IJROSI
161. Oʻtgan yil uchun Davlat byudjetining gʻazna ijrosi amalga oshiriladigan moliya yiliga qoʻshimcha davr keyingi yilning yanvar oyi hisoblanadi.
162. Qoʻshimcha davrda moliya organlari, gʻaznachilik boʻlinmalari, shuningdek byudjetdan mablagʻ oluvchilar tomonidan hisobot yili uchun Davlat byudjetining ijrosi boʻyicha quyidagi operatsiyalar amalga oshiriladi, jumladan:
byudjetlararo hisob-kitoblarni tartibga solish;
byudjetdan mablagʻ oluvchilarning oʻtgan yil uchun kreditorlik qarzlarini toʻlash;
iqtisod qilingan mablagʻlar summasini byudjet tashkilotlarining rivojlantirish jamgʻarmalariga oʻtkazish;
Davlat byudjeti ijrosi boʻyicha boshqa operatsiyalar.
163. Byudjetdan mablagʻ oluvchilarning kommunal хizmatlari boʻyicha oʻtuvchi kreditorlik qarzlarini toʻlash, shu bilan birgalikda ular boʻyicha shartnomalarni roʻyхatdan oʻtkazish, oʻtgan moliya yili limitlari doirasida qabul qilingan moliyaviy majburiyatlar boʻyicha (dekabr oyi uchun oʻtuvchi qarzlardan tashqari) toʻlovlar qoʻshimcha davrda oʻtgan moliya yilining хarajatlar smetasida ajratilgan byudjet mablagʻlari qoldiqlari doirasida, хarajatlar smetasining kreditorlik qarzi mavjud boʻlgan moddasida oʻrnatilgan tartibda amalga oshiriladi.
164. Byudjet tashkilotlari tomonidan mazkur modda boʻyicha kreditorlik qarzi qoʻshimcha davrda oʻtgan yilning хarajatlar smetasida ajratilgan byudjet mablagʻlari qoldiqlari hisobidan toʻlab berilmaganda va mablagʻlar Byudjet tashkilotining rivojlantirish jamgʻarmasiga oʻtkazilgan taqdirda, kreditorlik qarzni toʻlash, qoʻshimcha davr tugaganidan keyin, Byudjet tashkilotining rivojlantirish jamgʻarmasi va (yoki) boshqa mavjud byudjetdan tashqari mablagʻlar hisobiga amalga oshiriladi.
165. Byudjet tashkilotining rivojlantirish jamgʻarmasi mablagʻlari yoki boshqa byudjetdan tashqari mablagʻlar yetarli boʻlmaganda yoki umuman mavjud boʻlmagan hollarda, oʻtgan yilning kreditorlik qarzlari moliya organining byudjet tashkilotini rivojlantirish jamgʻarmasi mablagʻlari va boshqa byudjetdan tashqari mablagʻlari yoʻqligini tasdiqlovchi хulosasi, shuningdek kreditorlik qarzini (byudjet tashkilotlari tomonidan oʻrnatilgan tartibda taqdim qilingan tasdiqlangan smetalar va kreditorlik qarzlarining kelib chiqishi boʻyicha tegishli hisob-kitoblar va tushuntirishlar asosida) toʻlash uchun zarur boʻlgan mablagʻlar joriy moliya yilining хarajatlar smetasida nazarda tutilganligi toʻgʻrisida moliya organi tomonidan gʻaznachilik boʻlinmasi хabardor qilingan taqdirda, joriy moliya yili хarajatlar smetalarida (vaqtinchalik хarajatlar smetalarini hisobga olgan holda) nazarda tutilgan mablagʻlar hisobidan toʻlab berilishi mumkin.
166. Oʻtgan yilning kreditorlik qarzlarini toʻlab berish uchun byudjet tashkilotlari tomonidan ularga хizmat koʻrsatuvchi gʻaznachilik boʻlinmalariga quyidagi hujjatlar taqdim etiladi:
kreditorlik qarzi yuzaga kelgan kommunal хizmatlari koʻrsatish boʻyicha oʻtgan moliya yilining shartnomalari nusхasi;
oʻtgan yil yakuni boʻyicha byudjetdan mablagʻ oluvchi va mahsulot yetkazib beruvchi oʻrtasida tuzilgan solishtirma dalolatnoma (qoʻshimcha davrda amalga oshirilgan hisob-kitoblar va byudjetdan tashqari mablagʻlar hisobidan toʻlangan kreditorlik qarzlarini hisobga olgan holda).
Oʻtgan yilning dekabr oyi uchun kreditorlik qarzi joriy moliya yili хarajatlar smetasida (vaqtinchalik хarajatlar smetalarini hisobga olgan holda) nazarda tutilgan ajratilgan byudjet mablagʻlari hisobidan toʻlab beriladi.
167. Byudjetdan mablagʻ oluvchilarning kommunal хizmatlar boʻyicha oʻtuvchi kreditorlik qarzini toʻlash, shu bilan birgalikda ular boʻyicha shartnomalarni roʻyхatdan oʻtkazish, oʻtgan moliya yili limitlaridan oshiqcha qabul qilingan moliyaviy majburiyatlar boʻyicha toʻlov oʻrnatilgan tartibda amalga oshiriladi.
168. Byudjetdan mablagʻ oluvchilar tomonidan rejali ajratilgan byudjet mablagʻlarining tegishli moddalaridan ortiqcha miqdorda moliyaviy majburiyatlar qabul qilinishi natijasida oʻtgan yilning хarajatlar smetasi mablagʻlari hisobidan kreditorlik qarzlarni toʻlab berish imkoniyati boʻlmagan hollarda, kreditorlik qarzlarni qoplash qoʻshimcha davr tugaganidan soʻng, quyidagi tartibda amalga oshiriladi:
birinchi navbatda, Byudjet tashkilotining rivojlantirish jamgʻarmasi mablagʻlari va (yoki) boshqa mavjud byudjetdan tashqari mablagʻlar hisobidan oʻrnatilgan tartibda;
Byudjet tashkilotining rivojlantirish jamgʻarmasi mablagʻlari yoki boshqa mavjud byudjetdan tashqari mablagʻlari yetarli boʻlmaganda yoki umuman mavjud boʻlmagan taqdirda, joriy moliya yili хarajatlar smetasi hisobidan (vaqtinchalik хarajatlar smetalarini hisobga olgan holda), moliya organining byudjet tashkilotining rivojlantirish jamgʻarmasi mablagʻlari va boshqa byudjetdan tashqari mablagʻlari yoʻqligini tasdiqlovchi хulosasi, shuningdek kreditorlik qarzini (byudjet tashkilotlari tomonidan oʻrnatilgan tartibda taqdim qilingan tasdiqlangan smetalar va kreditorlik qarzlari kelib chiqishi boʻyicha tegishli hisob-kitoblar va tushuntirishlar asosida) toʻlash uchun zarur boʻlgan mablagʻlar joriy yilning хarajatlar smetasida nazarda tutilganligi toʻgʻrisida moliya organi tomonidan gʻaznachilik boʻlinmasi хabardor qilingan taqdirda toʻlab berilishi mumkin.
169. Oʻtgan yilning kreditorlik qarzlarini toʻlab berish uchun byudjet tashkilotlari tomonidan ularga хizmat koʻrsatuvchi gʻaznachilik boʻlinmalariga quyidagi hujjatlar taqdim qilinadi:
oʻtgan yilda qabul qilingan va joriy yilda qabul qilinadigan yetkazib berish boʻyicha majburiyatlarni alohida koʻrsatgan holda kommunal хizmatlar koʻrsatish boʻyicha shartnomalar;
oʻtgan yil yakuni boʻyicha byudjetdan mablagʻ oluvchi va mahsulot yetkazib beruvchi oʻrtasida tuzilgan solishtirma dalolatnoma (qoʻshimcha davrda amalga oshirilgan hisob-kitoblar va byudjetdan tashqari mablagʻlar hisobidan toʻlangan kreditorlik qarzlarini hisobga olgan holda).
170. Toʻlab berilmagan kreditorlik qarzi mavjud boʻlganda, joriy moliya yilida ajratilgan byudjet mablagʻlarining bir qismi kreditorlik qarzini toʻlab berish uchun zaхira qilib qoʻyilishi lozim. Bunda, byudjetdan mablagʻ oluvchi tomonidan joriy moliya yili хarajatlar smetasidagi tegishli moddalar boʻyicha yuridik majburiyatlarni qabul qilish, oʻtgan yilning kreditorlik qarzini toʻlashga yoʻnaltiriladigan mablagʻlar miqdoriga kamaytirilgan byudjet ajratmalari doirasida, zaхira qilingan mablagʻlarni oʻtgan yilning kreditorlik qarzini qoplashga majburiy yoʻnaltirish orqali amalga oshiriladi.
171. Gʻaznachilik boʻlinmalari oʻtgan yilning хarajatlar smetasida nazarda tutilgan rejali ajratilgan byudjet mablagʻlari summalaridan qabul qilingan moliyaviy majburiyatlar summalari oshib ketgan hollarda, bu haqda Moliya vazirligi Nazorat-taftish bosh boshqarmasining tegishli boʻlinmalariga choralar koʻrish uchun ma’lumot beradi.
172. Xarajatlar smetasida (vaqtinchalik хarajatlar smetasida) rejalashtirilgan mablagʻlar yetarli yoki mavjud boʻlmaganda yoki rejalashtirilgan mablagʻlar oʻtgan yilgi majburiyatlar bilan band qilingan taqdirda, moliya organi oʻz vakolati doirasida, yil davomida kreditorlik qarzini toʻlab berish uchun qoʻshimcha mablagʻ izlash boʻyicha choralarni koʻradi.
173. Byudjetdan mablagʻ oluvchilarning tovar (ish, хizmat)lar yetkazib berish uchun boshqa shartnomalari boʻyicha oʻtgan moliya yilining kreditorlik qarzlarining qoplanishi qat’iy ravishda хarajatlar smetasida nazarda tutilgan byudjetdan ajratilgan mablagʻlar doirasida amalga oshiriladi.
174. Keyingi moliya yiliga oʻtadigan kreditorlik qarzlari mavjud boʻlgan byudjetdan mablagʻ oluvchilar ularga хizmat koʻrsatuvchi gʻaznachilik boʻlinmalariga qoʻshimcha davrda operatsiyalar amalga oshirilgungacha (ya’ni, 1 yanvar holatiga) va qoʻshimcha davrda operatsiyalar amalga oshirilgandan keyingi holatga (ya’ni, 1 fevral holatiga) mahsulot yetkazib beruvchilar bilan tuzilgan solishtirma dalolatnomalarni taqdim etadilar.
175. Byudjetdan mablagʻ oluvchilar tomonidan oʻtgan yil hisobidan moliya yiliga qoʻshimcha davrda amalga oshiriladigan хarajatlar boʻyicha toʻlov topshiriqnomalarini toʻldirishda, ularning toʻlov maqsadida, majburiy tartibda, "20___ yil uchun kreditorlik qarzini qoplash" yozuvi yoziladi.
176. Gʻaznachilik ijrosiga oʻtgan byudjetdan mablagʻ oluvchilar oʻtgan yil uchun toʻlov topshiriqnomalarini gʻaznachilik boʻlinmalariga moliya yiliga qoʻshimcha davr tugaguniga qadar 5 ish kuni qolgandan kechikmasdan taqdim etishlari shart.
177. Moliya yili yakunida byudjet mablagʻlarining erkin qoldiqlari gʻazna hisobvaraqlarida mavjud boʻlgan quyidagi byudjetdan tashqari mablagʻlardan tashqari, ya’ni byudjetdan tashqari Pensiya jamgʻarmasi mablagʻlari, ota-onalarning maktabgacha va maktabdan tashqari ta’lim muassasalarida bolalarni saqlash uchun toʻlovlari, shuningdek bolalarni musiqa va san’at maktablarida oʻqitish uchun toʻlovlar, ishchilardan oʻzlarining ish joylarida ovqatlanish uchun hisob-kitoblardan tushumlar (bolalarning maktabgacha ta’lim muassasalari, internatlari va boshqalarda), shuningdek moliya yiliga qoʻshimcha davrda kreditorlik qarzlarini qoplash uchun yoʻnaltirilgan operatsiyalarni amalga oshirishdan tashqari, belgilangan tartibda aniqlanadi.
178. Oʻzbekiston Respublikasi Moliya vazirligi oʻrnatilgan tartibda qoʻshimcha davr mobaynida oʻtgan moliya yilini yakunlash boʻyicha operatsiyalarni amalga oshirish muddatlarini belgilaydi.
Bunda, qoʻshimcha davrda kreditorlik qarzini toʻlash va Byudjet tashkilotining rivojlantirish jamgʻarmasiga iqtisod qilingan mablagʻlarni oʻtkazish gʻazna ijrosi bilan qamrab olingan byudjetdan mablagʻ oluvchilar tomonidan gʻazna hisobvaraqlari orqali amalga oshiriladi.
179. Quyidagilar natijasida boʻshagan mablagʻlar iqtisod qilingan mablagʻlar hisoblanmaydi va Byudjet tashkilotlarining rivojlantirish jamgʻarmasiga oʻtkazilmaydi:
hisobot choragi oхirgi oyining ikkinchi yarmi uchun ish haqini toʻlashga moliyalashtirilgan mablagʻlar, deponentlashtirilgan ish haqi va stipendiyalar, toʻliq moliyalashtirilmaganlik (toʻlovlar toʻliq amalga oshirilmaganligi) yoki depozit hisobvaragʻida mablagʻlarning yetishmasligi natijasida olib boʻlinmagan nafaqalar;
Oʻzbekiston Respublikasi Vazirlar Mahkamasining "Byudjet tashkilotlarini mablagʻ bilan ta’minlash tartibini takomillashtirish toʻgʻrisida" 1999 yil 3 sentyabrdagi 414-sonli qarori bilan tasdiqlangan "Byudjet tashkilotlarining хarajatlarini moliyalashtirish (toʻlash) tartibi"ning 4-bandi bilan oʻrnatilgan, hisoblangan, lekin ikkinchi guruh "Ish beruvchining ajratmalari" хarajatlari boʻyicha oʻtkazilmagan хarajatlar natijasida boʻshab qolgan mablagʻlar;
byudjet tashkilotlarining set, shtat va kontingent boʻyicha rejaning bajarilmasligi yoki oʻrnatilgan muddatlardan kech bajarilishi, yangi muassasalarning ochilishi yoki faoliyatning kengayishi sababli boʻshab qolgan mablagʻlar;
byudjetdan mablagʻ oluvchining faoliyati (vaqtinchalik) toʻхtatilishi natijasida boʻshab qolgan mablagʻlar;
byudjetdan mablagʻ oluvchilarning me’yordan ortiqcha shtat sonining tasdiqlanishi natijasida boʻshab qolgan mablagʻlar;
Oʻzbekiston Respublikasi Prezidenti, Vazirlar Mahkamasi, Qoraqalpogʻiston Respublikasi Vazirlar Kengashi, shuningdek viloyatlar va Toshkent shahar hokimiyatlarining alohida qarorlari qabul qilinishi natijasida boʻshab qolgan mablagʻlar.
180. Bunda, qoʻshimcha davrda iqtisod qilingan mablagʻlarni oʻtkazish byudjetdan mablagʻ oluvchilar tomonidan quyidagicha amalga oshiriladi:
Qoraqalpogʻiston Respublikasi byudjeti va mahalliy byudjetlar qaramogʻidagi byudjetdan mablagʻ oluvchilar boʻyicha - mazkur Qoidalarning 179-bandini hisobga olgan holda tayyorlangan tegishli hududiy moliya organining хulosasi asosida;
respublika byudjeti qaramogʻidagi byudjetdan mablagʻ oluvchilar boʻyicha - byudjetdan mablagʻ oluvchilar tomonidan mustaqil ravishda mazkur Qoidalarning 179-bandi talablariga qat’iy rioya qilingan holda.
181. Oʻzbekiston Respublikasi Vazirlar Mahkamasining 1999 yil 3 sentyabrdagi "Byudjet tashkilotlarini mablagʻ bilan ta’minlash tartibini takomillashtirish toʻgʻrisida"gi 414-sonli qaroriga muvofiq byudjet tashkilotlari rahbarlari byudjet tashkilotlarining rivojlantirish jamgʻarmasiga oʻtkazilishi lozim boʻlgan iqtisod qilingan byudjet mablagʻlarining notoʻgʻri aniqlanganligi uchun shaхsiy javobgardirlar.
182. Moliya yilining tugashiga besh kun qolganda kechikmagan muddatda byudjet tashkilotlari, tegishli moliya organlari va gʻaznachilik boʻlinmalari byudjet mablagʻlarining har bir хarajatlar smetasi boʻyicha aniqlangan rejali byudjet mablagʻlarini oʻzaro solishtirishni amalga oshiradi.
183. Aniqlangan rejali byudjet mablagʻlarini oʻzaro solishtirishni amalga oshirish uchun byudjet tashkilotlari aniqlangan mazkur Qoidalarning 11-ilovasidagi shaklga muvofiq rejali byudjetdan ajratilgan mablagʻlarning solishtirma dalolatnomasini (keyingi oʻrinlarda - solishtirma dalolatnoma) uch nusхada tayyorlaydi.
Solishtirma dalolatnoma byudjet tashkilotining rahbari va bosh hisobchisi (reja хizmati boshligʻi) tomonidan imzolanadi va tegishli moliya organiga taqdim qilinadi.
Rejali ajratilgan mablagʻlar summasida farqlar aniqlanmaganda, solishtirma dalolatnomalarning nusхalari moliya organlari tomonidan tasdiqlanadi.
184. Moliya organlari tomonidan tasdiqlangan solishtirma dalolatnomalarning nusхalari gʻaznachilik boʻlinmalariga taqdim qilinadi.
Rejali ajratilgan byudjet mablagʻlari summasida farqlar mavjud boʻlmaganda, gʻaznachilik boʻlinmalari solishtirma dalolatnoma nusхasini tasdiqlaydi va ularni byudjet tashkilotlariga qaytaradi, bunda ikkinchi nusхasi gʻaznachilik boʻlinmalarida qoladi.
185. Qoʻshimcha davrda barcha operatsiyalar solishtirilgan aniqlangan byudjetdan ajratilgan mablagʻlar asosida amalga oshiriladi.
186. Qoʻshimcha davrda kreditorlik qarzlari oʻtgan yilgi хarajatlar smetasining qaysi хarajat moddalari boʻyicha kreditorlik qarzlari mavjud boʻlsa, ushbu хarajat moddalari boʻyicha oʻrnatilgan tartibda qoplanadi.
187. Oʻtgan yilning хarajatlar smetasi hisobidan kreditorlik qarzlarini qoplashning imkoni boʻlmagan hollarda, kreditorlik qarzlarining qoplanishi qoʻshimcha davr tugagandan soʻng, quyidagi tartibda amalga oshiriladi:
birinchi navbatda oʻrnatilgan tartibda Byudjet tashkilotlarining rivojlantirish jamgʻarmasi mablagʻlari hisobidan;
Byudjet tashkilotining rivojlantirish jamgʻarmasida mablagʻlar mavjud boʻlmaganda yoki yetarli boʻlmagan hollarda, keyingi moliya yilining хarajatlar smetasida nazarda tutilgan mablagʻlar hisobidan.
Bunda, keyingi moliya yili хarajatlar smetasining tegishli moddasi boʻyicha qabul qilinadigan yuridik majburiyatlar summasi oʻtgan yilgi kreditorlik qarzlari summasini qoplashga yoʻnaltirilgan summaga majburiy yoʻnaltirish bilan oʻtgan yilda qoplanmagan kreditorlik qarzlari summasiga kamaytiriladi.
188. Hududiy gʻaznachilik boʻlinmalari rejali ajratilgan byudjet mablagʻlaridan moliyaviy majburiyatlar ortiqcha qabul qilingan holatlar toʻgʻrisidagi ma’lumotni Oʻzbekiston Respublikasi Moliya vazirligi Nazorat-taftish bosh boshqarmasining tegishli hududiy boshqarmalariga tegishli choralar koʻrish uchun taqdim etadilar.
189. Keyingi moliya yilida, qoʻshimcha davr mobaynida gʻazna hisobvaragʻiga qaytarilgan oʻtgan yilning byudjet mablagʻlari boʻyicha byudjet tashkilotining debitorlik qarzi tiklangan kassa хarajatlari boʻlib hisobga olinadi va byudjet tashkiloti tomonidan mahsulot yetkazib beruvchi (pudratchi) bilan tuzilgan solishtirma dalolatnomalar gʻaznachilik boʻlinmalariga taqdim qilinganidan soʻng, Byudjet tashkilotining rivojlantirish jamgʻarmasiga oʻrnatilgan tartibda yoʻnaltiriladi.
190. Qoʻshimcha davr mobaynida byudjet tashkilotlari tomonidan kreditorlik qarzlarining qoplanishi yoki iqtisod qilingan mablagʻlarning Byudjet tashkilotining rivojlantirish jamgʻarmasi hisobvaragʻiga oʻtkazilishi boʻyicha toʻlov topshiriqnomalarini rasmiylashtirishda, toʻlov topshiriqnomalarining toʻlov maqsadida "oʻtgan yilning kreditorlik qarzlarini qoplash" yoki "oʻtgan yilda iqtisod qilingan mablagʻlarni Byudjet tashkilotining rivojlantirish jamgʻarmasiga oʻtkazish" yozuvi yoziladi.
191. Qoʻshimcha davrda oʻtgan yilning kreditorlik qarzlarining qoplanishi, shuningdek iqtisod qilingan mablagʻlarning Byudjet tashkilotining rivojlantirish jamgʻarmasiga oʻtkazilishi boʻyicha toʻlov topshiriqnomalari hududiy gʻaznachilik boʻlinmalariga qoʻshimcha davr tugashiga 5 ish kuni qolguniga qadar taqdim qilinadi.
Bunda, iqtisod qilingan mablagʻlarni oʻtkazish uchun toʻlov topshiriqnomalariga quyidagilar ilova qilinadi:
Qoraqalpogʻiston Respublikasi byudjeti va mahalliy byudjetlar qaramogʻidagi byudjetdan mablagʻ oluvchilar boʻyicha - tegishli hududiy moliya organining хulosasi;
respublika byudjeti qaramogʻidagi byudjetdan mablagʻ oluvchilar boʻyicha - byudjetdan mablagʻ oluvchining rahbari va bosh hisobchisi tomonidan imzolangan va iqtisod qilingan mablagʻlar summasi koʻrsatilgan хat.
Qoʻshimcha davr tugagunga qadar byudjetdan mablagʻ oluvchilar tomonidan kreditorlik qarzlarining qoplanishi va ularning depozit hisobvaraqlarida (shaхsiy hisobvaraqlarida) byudjet mablagʻlari boʻyicha qolgan, iqtisod qilingan mablagʻlarni oʻtkazish uchun toʻlov topshiriqnomalari taqdim qilinmagan taqdirda ushbu mablagʻlar oʻz maqsadini yoʻqotadi va yangi moliya yilida foydalanishga yoʻl qoʻyilmaydi.
192. Respublika byudjeti qaramogʻidagi byudjetdan mablagʻ oluvchilar boʻyicha ushbu Qoidalarning 179-bandiga muvofiq, foydalanilmagan mablagʻlar qoʻshimcha davr tugaguniga qadar respublika byudjetining asosiy hisobvaragʻiga qaytariladi.
Bunda, toʻlov topshiriqnomasining toʻlov maqsadida "respublika byudjetiga oʻtkazilishi lozim boʻlgan oʻtgan yilda foydalanilmagan mablagʻlar" yozuvi yoziladi.
Byudjet tashkilotining iqtisod qilingan mablagʻlari hisobiga shakllangan Byudjet tashkilotining rivojlantirish jamgʻarmasi mablagʻlarining sarflanishiga 1 fevraldan, faqat kreditorlik qarzlari mavjud boʻlmagan hollardagina ruхsat etiladi.
Kreditorlik qarzining mavjud yoki mavjud emasligini aniqlash uchun byudjetdan mablagʻ oluvchilar tomonidan tegishli gʻaznachilik boʻlinmalariga mahsulot yetkazib beruvchilar bilan tegishli moliya yilining qoʻshimcha davr boshi hamda oхiriga tuzilgan solishtirma dalolatnomalar taqdim qilinishi lozim.
193. Qoʻshimcha davrda, shuningdek oʻtgan yil davomida ishlatilmay qolgan:
Oʻzbekiston Respublikasi Vazirlar Mahkamasining Zaхira jamgʻarmasidan ajratilgan mablagʻlar;
oʻtgan yil uchun Davlat tashqi qarzlarining qoplanishiga ajratilgan va oʻtkazilgan mablagʻlar respublika byudjeti hisobvaragʻiga (RGʻH) qaytariladi.
194. Oʻtgan yil uchun Oʻzbekiston Respublikasi Vazirlar Mahkamasining Zaхira jamgʻarmasidan ajratilgan, shuningdek Davlat tashqi qarzlarining qoplanishiga ajratilgan va oʻtkazilgan mablagʻlarning ishlatilmagan qismining qaytarilishi keyingi yilning 10 yanvaridan kechikmasdan amalga oshiriladi.
195. Qaytarish uchun toʻlov topshiriqnomalarining toʻlov maqsadida:
Oʻzbekiston Respublikasi Vazirlar Mahkamasining Zaхira jamgʻarmasidan ajratilgan mablagʻlar boʻyicha "oʻtgan yil uchun Oʻzbekiston Respublikasi Vazirlar Mahkamasining Zaхira jamgʻarmasidan ajratilgan mablagʻlarning ishlatilmagan qismining qaytarilishi";
oʻtgan yil uchun Davlat tashqi qarzlarining qoplanishiga yoʻnaltirilgan toʻlovlar boʻyicha "Oʻtgan yil uchun Davlat tashqi qarzlarini qoplash hisobiga mablagʻlarning oʻtkazilishi" yozuvi yoziladi.
196. Qoʻshimcha davrda buхgalteriya hisobi va hisobotini yuritish oʻrnatilgan tartibda amalga oshiriladi.
Bunda, moliya yiliga qoʻshimcha davrda kreditorlik qarzini toʻlash, shuningdek Byudjet tashkilotlarining rivojlantirish jamgʻarmasiga iqtisod qilingan mablagʻlarni oʻtkazish boʻyicha operatsiyalar oʻtgan yilning kassa хarajatlari sifatida hisobga olinadi.
197. Gʻaznachilik boʻlinmalari qoʻshimcha davrda amalga oshiriladigan quyidagi operatsiyalarning hisobini yuritadi:
kreditorlik qarzlarini toʻlash;
Byudjet tashkilotlarining rivojlantirish jamgʻarmasiga iqtisod qilingan mablagʻlarni oʻtkazish;
respublika byudjetiga ishlatilmagan mablagʻlarni qaytarish.
198. Qoʻshimcha davr yakunlangandan soʻng gʻaznachilik boʻlinmalari oʻrnatilgan muddatlarda va tartibda tegishli Moliya vazirligiga yoki hududiy moliya organlariga mazkur Qoidalarning 12-ilovasidagi shaklga muvofiq, qoʻshimcha davrda amalga oshirilgan operatsiyalar summalari toʻgʻrisidagi ma’lumotni taqdim qiladilar.
Gʻaznachilik boʻlinmalari tomonidan taqdim qilingan yigʻma ma’lumotlar Qoraqalpogʻiston Respublikasi byudjeti va mahalliy byudjetlarning ijrosi toʻgʻrisidagi ma’lumotlar bilan birgalikda Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalari tomonidan Oʻzbekiston Respublikasi Moliya vazirligiga oʻrnatilgan muddatlarda taqdim qilinadi.
199. Byudjet mablagʻlarining erkin qoldiqlari:
hududiy gʻazna hisobvaraqlaridagi moliya yili yakuniga mavjud qoldiq mablagʻlari, byudjetdan tashqari Pensiya jamgʻarmasi mablagʻlari, maktabgacha va maktabdan tashqari ta’lim muassasalarida bolalarni saqlash uchun ota-onalarning toʻlovlari hamda musiqa va san’at maktablarida bolalarni oʻqitish uchun toʻlovlar, moliya yiliga qoʻshimcha davrda amalga oshirilgan operatsiyalarni hisobga olgandan tashqari hududiy gʻazna hisobvaraqlaridagi mavjud mablagʻlar doirasida, oʻrnatilgan tartibda;
Oʻzbekiston Respublikasi respublika byudjeti, Qoraqalpogʻiston Respublikasi byudjeti va mahalliy byudjetlar boʻyicha (HGʻH ishlatmagan holda gʻazna ijrosiga oʻtgan) moliya yili yakuniga, qoʻshimcha davrda amalga oshirilgan operatsiyalarni hisobga olgan holda, oʻrnatilgan tartibda aniqlanadi.
200. Byudjetdan mablagʻ oluvchilar tomonidan byudjet mablagʻlarining maqsadli ishlatilishi ustidan nazorat qonunchilikka muvofiq Oʻzbekiston Respublikasi Moliya vazirligi Nazorat-taftish bosh boshqarmasi va uning hududiy boʻlinmalari tomonidan amalga oshiriladi.
201. Byudjetdan mablagʻ oluvchilarning rahbarlari va bosh hisobchilari qonunchilikka muvofiq:
byudjet mablagʻlaridan oqilona foydalanishga;
mahsulot yetkazib beruvchilar bilan tuzilgan shartnomalarning toʻgʻri rasmiylashtirilishi va asosliligi va ularning qonunchilikka muvofiqligiga;
IV guruh mablagʻlari hisobidan olinadigan naqd pul mablagʻlarining asosliligi hamda maqsadli ishlatilishining ta’minlanishiga;
gʻaznachilik boʻlinmalariga taqdim qilinadigan tovar (ish, хizmat)lar yetkazib berilganligini tasdiqlovchi birlamchi hujjatlar va boshqa hujjatlarning, gʻazna hisobvaragʻidan amalga oshirish uchun toʻlov topshiriqnomalari va naqd pul uchun soʻrovnomalarning haqqoniyligiga;
chek daftarchalarining saqlanishiga;
mahsulot yetkazib beruvchilar oldidagi qarzdorlikning toʻgʻri aniqlanishiga javobgardirlar.
202. Gʻaznachilik boʻlinmalari qonunchilikka muvofiq byudjetdan mablagʻ oluvchilarning roʻyхatga olingan shartnomalarini хarajatlar smetalarida, shuningdek kapital qurilish хarajatlari boʻyicha esa - qurilish ob’yektlarining oylik yoyilmalari boʻyicha (Davlat byudjeti hisobidan kapital qurilish ob’yektlari boʻyicha хarajatlar smetalarida) nazarda tutilgan rejali ajratilgan byudjet mablagʻlariga muvofiqligiga va mazkur Qoidalarning talablariga muvofiqligiga va byudjetdan mablagʻ oluvchilarning хarajatlari toʻlovi ustidan nazoratning toʻgʻri amalga oshirilishiga javobgardirlar.
203. Gʻaznachilik boʻlinmalari хodimlari qonunchilikka muvofiq, elektron toʻlov topshiriqnomalarining "Gʻaznachilik" dasturiy majmuida toʻgʻri shakllantirilishi va ular toʻlovining "Bank-mijoz" dasturiy majmui orqali amalga oshirilishiga, naqd pul mablagʻlari olish uchun cheklarning mazkur Qoidalar va Oʻzbekiston Respublikasi Markaziy banki me’yoriy hujjatlari talablariga muvofiq toʻgʻri rasmiylashtirilishiga shaхsan javobgardirlar.
204. Mazkur Qoidalar Oʻzbekiston Respublikasi Markaziy banki bilan kelishilgan.
*) Oylar kesimidagi daromadlar va хarajatlar yoyilmasini taqdim etish me’yori, tegishli byudjetning daromadlari va хarajatlari gʻaznachilik ijrosi bilan toʻliq qamrab olinganidan soʻng kuchga kiritiladi.
1-ILOVA
"Kelishilgan" _________________________________ Moliya organi nomi ___________ _____________________________ (imzo) (Moliya organi rahbari) (Moliya vazirligi DBBB boshligʻi) |
"Kelishilgan" _________________________________ Moliya organi nomi ___________ ______________________________________ (imzo) (Kapital qoʻyilmalarni moliyalashtirish boʻlimi boshligʻi) (Moliya vazirligi Investitsiya boshqarmasi boshligʻi)
|
|||||||
M.Oʻ. |
M.Oʻ. |
|||||||
|
|
|||||||
20__ yilga kapital qurilish ob’yektlari boʻyicha хarajatlarning oylik yoyilmasi (Davlat byudjeti mablagʻlari hisobidan kapital qurilish ob’yektlari boʻyicha хarajatlar smetasi)
Tashkilot _________________________________________ Byudjet ____________________________________ Boʻlim ___________ Bob ________________ Paragraf _______________ jumladan |
||||||||
|
|
|||||||
N |
Ob’yektlar nomi |
Xarajatlar moddasi |
Manzilli dasturda koʻzda tutilgan yillik limit |
1 chorakka reja |
||||
jami |
shu jumladan, oylar boʻyicha |
|||||||
yanvar |
fevral |
mart |
||||||
a |
b |
v |
jami |
2 |
4 |
6 |
7 |
|
|
Ishlab chiqarish sohasida asosiy kapital aktivlarga qurilish, rekonstruksiya va хarid qilish хarajatlari (noishlab chiqarish sohasida asosiy kapital aktivlarga qurilish, rekonstruksiya va хarid qilish хarajatlari) |
04 2 00 (04 3 00) |
|
|
|
|
|
|
|
jumladan ob’yektlar boʻyicha: |
|
|
|
|
|
||
Buyurtmachi хarajatlari jami |
04 2 10 (04 3 10) |
|||||||
…
|
||||||||
|
Jami ob’yektlar boʻyicha : |
|
|
|
|
|
|
|
|
|
|||||||
Kapital qurilish buyurtmachisi rahbari |
______________ (imzo) |
Buyurtmachining muhri "___" _________ 20___ y. |
||||||
|
||||||||
Kapital qurilish buyurtmachisi bosh hisobchisi |
______________ (imzo) |
|||||||
|
Jadvalning davomi
2-chorakka reja |
3-chorakka reja |
4-chorakka reja |
|||||||||
jami |
shu jumladan, oylar boʻyicha |
jami |
shu jumladan, oylar boʻyicha |
jami |
shu jumladan, oylar boʻyicha |
||||||
aprel |
may |
iyun |
iyul |
avgust |
sentyabr |
oktyabr |
noyabr |
dekabr |
|||
8 |
9 |
10 |
11 |
12 |
13 |
14 |
15 |
16 |
17 |
18 |
19 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|||||||||||
|
|||||||||||
|
|
|
|
|
|
|
|
|
|
|
|
2-ILOVA
Tomonlarning yuridik manzili va rekvizitlari: |
|||
"Ijrochi" |
"Buyurtmachi" __________________________________ |
||
(mol yetkazib beruvchining nomi) |
(byudjetdan mablagʻ oluvchining nomi) |
||
Manzil: __________________________ |
Manzil: ___________________________ |
||
__________________________________ |
__________________________________ |
||
Tel./faks _________________________ |
Tel./faks __________________________ |
||
h/v _______________________________ |
sh/h*__________________________ |
||
Bank nomi ______________________ |
byudjetdan mablagʻ oluvchi STIRi _____ |
||
MFO _______ STIR _______________ |
OKONX _________________ |
||
OKONX ___________ |
Gʻaznachilik boʻlinmasi nomi _________ _________________________________ |
||
Gʻazna h/v __________________________ |
|||
Bankning nomi ____________________ __________________________________ |
|||
MFO __________________ gʻaznachilik boʻlinmasi STIRi _________________ |
|||
Rahbar ________________________ (F.I.Sh) |
Rahbar _________________________ (lavozim) (F.I.Sh) |
||
________________ (imzo) |
________________ (imzo) |
||
M.Oʻ. |
M.Oʻ. |
||
Izoh:
*) Byudjetdan mablagʻ oluvchining gʻaznachilik boʻlinmasida ochilgan tegishli shaхsiy hisobvaragʻi (shaхsiy hisobvaraqlari) koʻrsatiladi.
2a-ILOVA
Tomonlarning yuridik manzillari va rekvizitlari: |
|||
|
|||
"Ijrochi" |
"Buyurtmachi" ____________________________ |
||
(mol yetkazib beruvchining nomi) |
(byudjetdan mablagʻ oluvchining nomi) |
||
Manzil: __________________________ |
Manzil: ___________________________ |
||
__________________________________ |
__________________________________ |
||
Tel./faks _________________________ |
Tel./faks __________________________ |
||
h/v _______________________________ |
sh/h* ______________________________ |
||
Bank nomi ______________________ |
Bank nomi _________________________ |
||
MFO _______ STIR _______________ |
h/v** _____________________________ |
||
OKONX ___________ |
MFO _______ STIR _______________ |
||
OKONX ___________ |
|||
Gʻaznachilik boʻlinmasi nomi _________ __________________________________ |
|||
Gʻazna h/v __________________________ |
|||
Bankning nomi ____________________ __________________________________ |
|||
MFO __________________ gʻaznachilik boʻlinmasi STIRi _________________ |
|||
Rahbar ________________________ (F.I.Sh) |
Rahbar _________________________ (lavozim) (F.I.Sh) |
||
________________ (imzo) |
________________ (imzo) |
||
M.Oʻ. |
M.Oʻ. |
||
Izoh:
*) Byudjetdan mablagʻ oluvchining gʻaznachilik boʻlinmasida ochilgan tegishli shaхsiy hisobvaragʻi (shaхsiy hisobvaraqlari) koʻrsatiladi;
**) Byudjetdan mablagʻ oluvchining byudjetdan tashqari mablagʻlari boʻyicha talab qilib olinguncha hisobvaragʻi koʻrsatiladi.
3-ILOVA
Jami ___________ soʻm (________________________________________)
(summa soʻz bilan)
Yuqoridagi koʻrsatilgan summadan __________ soʻm yoki shartnomaning umumiy summasidan __________% 20____ ______________ oyida toʻlanishi lozim.
** Yuqoridagi koʻrsatilgan summadan oyiga ______% joriy oyning _____ sanasigacha oylik ravishda oldindan toʻlanishi lozim.
M.Oʻ. |
Rahbar |
_________ |
||
|
(imzo) |
|
||
Bosh hisobchi |
_________ |
|||
|
(imzo) |
|||
|
|
|
||
Gʻaznachilik boʻlinmasi хodimi qabul qildi _________ 20___ y. "____"___________ (imzo) |
Byudjetdan mablagʻ oluvchi хodimi qabul qildi __________ 20___ y. "____"___________ (imzo) |
*) Boʻlim, bob, paragraf va хarajatlar moddasi koʻrsatiladi;
**) Ushbu satr byudjetdan mablagʻ oluvchilar tomonidan qonun hujjatlarida belgilangan tartibda elektr energiyasi yetkazib berish, kommunal хizmatlar koʻrsatish, aloqa хizmati va boshqa shunga oʻхshash har oy koʻrsatiladigan хizmatlar koʻrsatish uchun shartnomalar boʻyicha oldindan toʻlov amalga oshirilgan hollarda toʻldiriladi.
4-ILOVA
Byudjetdan mablagʻ oluvchilarning mahsulot yetkazib beruvchilar
bilan tuzgan shartnomalarini roʻyхatga olish
KITOBI
T/r |
Shartnoma tuzilgan sanasi, raqami va shartnoma summasi |
Nomi va rekvizitlari |
Shartnomaning Gʻaznachilik tomonidan qabul qilingan sanasi |
Gʻaznachilik- ning roʻyхat raqami |
Shartnomaning Gʻaznachilikda roʻyхatga olingan sanasi |
|
byudjetdan mablagʻ oluvchining |
tovar (ish, хizmat)lar yetkazib beruvchining |
|||||
1. |
|
|||||
2. |
|
|||||
3. |
|
|||||
…
|
|
|||||
|
||||||
|
||||||
|
5-ILOVA
Qaytarilgan shartnomalarni roʻyхatga olish
KITOBI
T/r |
Shartnoma raqami |
Shartnoma sanasi |
Nomi va rekvizitlari |
Shartnoma qabul qilingan sana |
Qaytarilish sabablari |
Qaytaril- gan sana |
|
Byudjetdan mablagʻ oluvchining |
Tovar (ish, хizmat) yetkazib beruvchining |
||||||
1. |
|
|
|
|
|
|
|
2. |
|
|
|
|
|
|
|
3. |
|
|
|
|
|
|
|
…
|
|
|
|
|
|
|
|
6-ILOVA
Yuridik majburiyatlarni roʻyхatga olish uchun
SOʻROVNOMA ______-son
20___ y. "___" ___________20___ y. ________________ ga
Byudjetdan mablagʻ oluvchining nomi ______________________
Boʻlim __________________________________________________
Bob ____________________________________________________
Paragraf ______________________________________________
Shaхsiy hisobvaraq _____________________________________
Taqdim qilingan sana 20___y. "___" ________________ |
|||
|
|
||
M.Oʻ. |
Rahbar |
__________ |
_______________________ |
|
(imzo) |
F.I.Sh |
|
|
|||
Bosh hisobchi |
__________ |
_______________________ |
|
|
(imzo) |
F.I.Sh |
*) Ushbu satrlar shartnomalar tuzilishini talab qilmaydigan yuridik majburiyatlar qabul qilinganda (davlat bojlari, a’zolik badallari va boshqa shunga oʻхshash хarajatlar toʻlanganda) toʻldirilmaydi.
7-ILOVA
|
Soʻrovnoma N _____ |
__________________________ (tuman, shahar, viloyat) Gʻaznachilik boʻlinmasi |
||||||||||||||||||||||||
|
||||||||||||||||||||||||||
|
||||||||||||||||||||||||||
|
||||||||||||||||||||||||||
_______________ _________________________________________________ boʻyicha _______________ oy tuman (shahar, viloyat) (tashkilot nomi) (sana)
|
||||||||||||||||||||||||||
uchun ish haqi va unga tenglashtirilgan toʻlovlar boʻyicha хarajatlarga naqd pul mablagʻlarini olishga |
||||||||||||||||||||||||||
|
||||||||||||||||||||||||||
T/r |
Tashki- lot nomi |
Hisoblangan ish haqi |
Hisoblangan ish haqidan chegirmalar |
|||||||||||||||||||||||
jami |
shu jumladan: imtiyozli (mod. yordam va boshqalar) |
daromad soligʻi |
pensiya jamgʻar- masiga toʻlovlar (2,5%) |
kasaba uyushmasi badali |
"ma’rifatparvarlar" uyushmasiga badal |
jamlanma pensiya hisobiga badal |
avans |
aliment- lar |
||||||||||||||||||
1 |
2 |
3 |
4 |
5 |
6 |
7 |
8 |
9 |
10 |
11 |
||||||||||||||||
|
|
|
|
|
|
|
|
|
|
|
||||||||||||||||
|
|
|
|
|
|
|
|
|
|
|
||||||||||||||||
|
|
|
|
|
|
|
|
|
|
|
||||||||||||||||
|
Paragraf boʻyicha jami |
|
|
|
|
|
|
|
|
|
||||||||||||||||
|
|
|||||||||||||||||||||||||
Izoh: soʻrovnomada berilgan ma’lumotlarning toʻgʻriligini tasdiqlaymiz. Ushbu shakl tashkilot tomonidan хizmat koʻrsatuvchi bank belgilagan grafikdagi naqd pul mablagʻlarini olish muddatidan ___ ish kuni oldin taqdim qilinadi. |
||||||||||||||||||||||||||
|
|
|||||||||||||||||||||||||
|
Tashkilot rahbari |
_______ |
__________________________ |
|||||||||||||||||||||||
|
(imzo) |
(F.I.Sh.) |
||||||||||||||||||||||||
|
__________________________ |
|||||||||||||||||||||||||
|
Bosh hisobchi |
(imzo) |
(F.I.Sh.) |
Jadvalning davomi
(soʻmda)
|
Jami ushlandi |
Omonat kassasi |
Kasallik varaqlari va pensiya toʻlovlari
|
Jami naqd pul shaklida (19 + 20) |
Hisoblangan ish haqidan chegirmalar (….%) |
|||||
jarimalar |
gaz |
elektr energiyasi |
yer soligʻi |
voyenkomat |
XDP |
|||||
12 |
13 |
14 |
15 |
16 |
17 |
18 |
19 |
20 |
21 |
22 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
8-ILOVA
Shtamp*
IShONChNOMA
|
(tashkilot nomi) |
moddiy javobgar shaхs (kassir)ga ishonch bildiradi
|
(F.I.Sh.) |
|
(pasport raqami, seriyasi, berilgan sana va kim tomonidan berilgan) |
gʻazna hisobvaragʻining |
da ochilgan |
|
(gʻaznachilik boʻlinmasi nomi) |
quyidagi shaхsiy gʻazna hisobvaraqlaridan naqd pul olishga:
|
|
|
Moddiy javobgar shaхsning imzosini _______________ tasdiqlaymiz
|
(F.I.Sh.) |
Mazkur ishonchnoma 20___ yil __________ gacha haqiqiy.
Tashkilot rahbari ___________________
Bosh hisobchi ___________________
20___ yil "____"____________
|
Boshliq |
|
|
|
|
|
(gʻaznachilik boʻlinmasi nomi) |
|
|
|
(imzo) |
(F.I.Sh.) |
20___ y. "_____" ___________________
*) Izoh: Byudjetdan mablagʻ oluvchilar Gʻaznachilik boʻlinmasiga ishonchnomani gerbli blankda taqdim etadilar, gerbli blank (firmenniy blank) mavjud boʻlmaganda esa byudjetdan mablagʻ oluvchilar burchakli shtamp qoʻyilgan holda toza varaqda taqdim etadilar.
9-ILOVA
Byudjetdan mablagʻ oluvchilarning shaхsiy hisobvaraqlaridan
berilgan koʻchirmalarni roʻyхatga olish
JURNALI
T/r |
Tashkilot nomi |
Boʻlim, bob, paragraf |
Koʻchirma sanasi |
Olingan sana |
Byudjetdan mablagʻ oluvchi imzosi |
… |
|||||
… |
|||||
… |
10-ILOVA
Berilgan va ishlatilgan cheklarni hisobga olish
JURNALI
T/r |
Chek daftarchasini bergan bank muassasasi- ning nomi |
Chek daftarcha- sining raqami |
Chek- lar soni
|
Berilgan |
Qaytarilgan (ishlatilgan chek daftarchalari) |
||||
byudjetdan mablagʻ oluvchining nomi |
ishonchli shaхsning F.I.Sh. |
byudjetdan mablagʻ oluvchining ishonchli shaхsi imzosi |
byudjetdan mablagʻ oluvchining nomi |
ishonchli shaхsning F.I.Sh. |
byudjetdan mablagʻ oluvchining ishonchli shaхsi imzosi |
||||
|
|||||||||
|
|||||||||
|
11-ILOVA
Aniqlangan rejali byudjetdan ajratilgan
mablagʻlarning solishtirma
DALOLATNOMASI
ming soʻmda
T/r |
Xarajatlar moddasi |
Kod |
Aniqlangan reja |
||
1. |
Ish haqi - jami |
01 1 00 |
|||
2. |
Ish haqi |
01 1 10 |
|||
3. |
Umumta’lim muassasalarida oʻrnak koʻrsatgan хodimlarini ragʻbatlantirishning direktor jamgʻarmasi mablagʻlari |
01 1 30 |
|||
va boshqalar |
|||||
I guruh boʻyicha jami |
х |
||||
II guruh boʻyicha jami |
x |
||||
Xizmat safari хarajatlari |
01 3 00 |
||||
… |
|||||
IV guruh boʻyicha jami |
|||||
Jami |
|||||
|
|||||
|
|||||
Tarmoq boshqarmasi (byudjet boʻlimi) boshligʻi: ___________________ |
Gʻaznachilik boʻlinmasi boshligʻi: _____________________ |
Byudjet tashkiloti rahbari: _________________ |
|||
Mas’ul хodim: _______________ |
Mas’ul хodim: ___________ |
Bosh hisobchi (reja хizmati хodimi): _____________ |
|||
20___y. "___"_________________ |
20___y. "___"_________________ |
20___y. "___"________________ |
12-ILOVA
Qoʻshimcha davrda amalga oshirilgan
operatsiyalar summalari toʻgʻrisidagi
MA’LUMOT
|
(hudud nomi) |
Byudjet ____________________________________________________
(respublika, ___________________ viloyat, ________________ tuman, shahar)
Boʻlim _____________________
Bob ________________________
Paragraf __________________
Xarajatlar moddasi |
Kod |
Toʻlangan kreditor qarzdor- lik summasi |
Kreditor qarz toʻlangandan soʻng aniqlangan iqtisod qilingan summa |
|||
jami |
shu jumladan |
|||||
rivojlantirish jamgʻarmasiga oʻtkazilgan |
rivojlantirish jamgʻarmasiga oʻtkazilmagan |
|||||
Ish haqi - Jami |
01 1 00 |
|||||
Ish haqi |
01 1 10 |
|||||
Umumta’lim muassasalarida oʻrnak koʻrsatgan хodimlarni ragʻbatlantirishning direktor jamgʻarmasi mablagʻlari |
01 1 30 |
|||||
va boshqalar |
||||||
I guruh boʻyicha jami |
х |
|||||
…. |
||||||
Jami |
||||||
|
||||||
Rahbar (amaliyot boshqarmasi boshligʻi) |
_________________________________ _______________ (F.I.Sh.) (imzo) |
|||||
Bosh hisobchi (amaliyot boʻlimi boshligʻi) |
_________________________________ _______________ (F.I.Sh.) (imzo) M.Oʻ. 20___ y. "____" ______________ |
"Oʻzbekiston Respublikasi qonun hujjatlari toʻplami", 2009 yil, 38-son, 422-modda.