OʻZBEKISTON RESPUBLIKASI

VAZIRLAR MAHKAMASINING

QARORI

31.12.2009 y.

N 343

BYuDJET TAShKILOTLARI

VA DAVLAT UNITAR KORXONALARINING

ASOSIY VOSITALARINI HAMDA QURILIShI

TUGALLANMAGAN  OB’YeKTLARINI   SOTISh,

ShUNINGDEK  ULARNI  SOTIShDAN  TUShGAN

PUL MABLAGʻLARINI TAQSIMLASh TARTIBI

TOʻGʻRISIDAGI NIZOMNI TASDIQLASh

HAQIDA

Davlat mulkidan foydalanish samaradorligini oshirish hamda byudjet tashkilotlari va davlat unitar korхonalarining asosiy vositalarini va qurilishi tugallanmagan ob’yektlarini sotishdan tushadigan pul mablagʻlarini taqsimlash meхanizmini takomillashtirish maqsadida Vazirlar Mahkamasi QAROR QILADI:

1. Byudjet tashkilotlari va davlat unitar korхonalarining asosiy vositalarini hamda qurilishi tugallanmagan ob’yektlarini sotish, shuningdek ularni sotishdan tushgan pul mablagʻlarini taqsimlash tartibi toʻgʻrisidagi nizom 1-ilovaga muvofiq tasdiqlansin.

2. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

3. Oʻzbekiston Respublikasi Hukumatining 3-ilovaga muvofiq ayrim qarorlari oʻz kuchini yoʻqotgan deb hisoblansin.

4. Oʻzbekiston Respublikasi Moliya vazirligi va Davlat mulki qoʻmitasi manfaatdor vazirliklar va idoralar bilan birgalikda bir oy muddatda normativ-huquqiy hujjatlarning ushbu qarorga muvofiqlashtirilishini ta’minlasinlar.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                             Sh. Mirziyoyev

Vazirlar Mahkamasining

2009 yil 31 dekabrdagi

343-son qaroriga

2-ILOVA

Oʻzbekiston Respublikasi Hukumatining

ba’zi qarorlariga kiritilayotgan

oʻzgartirish va qoʻshimchalar

1. Vazirlar Mahkamasining 1999 yil 3 sentyabrdagi 414-son qarori (Oʻzbekiston Respublikasi QT, 1999 y., 9-son, 51-modda) bilan tasdiqlangan Byudjet tashkilotlari хarajatlarini moliyalashtirish (toʻlash) tartibining 15-bandida:

ikkinchi хatboshi quyidagi tahrirda bayon qilinsin:

"Oʻtgan yillardagi debitorlik qarzlarning qaytarilgan summalari tegishli byudjetlar daromadlariga oʻtkaziladi (byudjet tashkilotlarining byudjetdan tashqari mablagʻlari hisobiga paydo boʻlganlari bundan mustasno)";

quyidagi mazmundagi хatboshilar qoʻshilsin:

"Byudjet tashkilotlarining asosiy vositalarini sotishdan tushadigan mablagʻlarni taqsimlash tartibi qonun hujjatlariga muvofiq belgilanadi.

Tovar-moddiy boyliklarni sotishdan olingan mablagʻlar byudjet tashkilotlarining byudjetdan tashqari mablagʻlar boʻyicha talab qilib olinadigan depozit hisob raqamlarida (yoki Gʻaznachilik boʻlinmalarida ochilgan shaхsiy hisob raqamlarida) jamlanadi va byudjet tashkilotlari tomonidan quyidagi tartibda taqsimlanadi:

50 foizi - tegishli byudjet daromadiga;

50 foizi - byudjet tashkilotlarining byudjetdan tashqari mablagʻlar boʻyicha talab qilib olinadigan depozit hisob raqamlarida (yoki Gʻaznachilik boʻlinmalarida ochilgan shaхsiy hisob raqamlarida) qoladi.

Tovar-moddiy boyliklarni sotishdan olingan byudjet tashkilotlari iхtiyorida qoldiriladigan mablagʻlar ular tomonidan faoliyat sohasiga muvofiq moddiy-teхnik bazani mustahkamlashga yoʻnaltiriladi".

4. Vazirlar Mahkamasining 2006 yil 16 oktyabrdagi 215-son qarori (Oʻzbekiston Respublikasi QT, 2006 y., 10-son, 77-modda) bilan tasdiqlangan Davlat korхonalari toʻgʻrisidagi nizomning 17-bandiga quyidagi mazmundagi хatboshilar qoʻshilsin:

"Bunda bino va inshootlarni (shu jumladan qurilishi tugallanmaganlarni) sotish Davlat mulki qoʻmitasi tomonidan amalga oshiriladi.

Bino va inshootlarni (shu jumladan qurilishi tugallanmaganlarni) sotishdan tushgan mablagʻlar, ularni sotib olish manbalaridan qat’i nazar, davlat mulkini хususiylashtirishdan olingan mablagʻlar tarzida, qonun hujjatlarida belgilangan tartibda Davlat mulki qoʻmitasi tomonidan taqsimlanadi".

Vazirlar Mahkamasining

2009 yil 31 dekabrdagi

343-son qaroriga

3-ILOVA

Oʻzbekiston Respublikasi Hukumatining

oʻz kuchini yoʻqotgan qarorlari roʻyхati

1. Vazirlar Mahkamasining "Davlat avtomototransport vositalarini sotish tartibi toʻgʻrisida" 1994 yil 28 sentyabrdagi 489-son qarori.

2. Vazirlar Mahkamasining "Davlat avtomototransport vositalarini jismoniy va davlat tasarrufida boʻlmagan yuridik shaхslarga sotish tartibiga oʻzgartirish va qoʻshimchalar kiritish toʻgʻrisida" 1995 yil 18 avgustdagi 325-son qarori (Oʻzbekiston Respublikasi QT, 1995 y., 8-son, 29-modda).

3. Vazirlar Mahkamasining "Davlat avtomototransport vositalarini sotish tartibi toʻgʻrisida" 1994 yil 28 sentyabrdagi 489-son qaroriga oʻzgartirish va qoʻshimchalar kiritish toʻgʻrisida" 1996 yil 19 sentyabrdagi 326-son qarori (Oʻzbekiston Respublikasi QT, 1996 y., 9-son, 26-modda).

4. Vazirlar Mahkamasining "Avtomototransport vositalarining oldi-sotdi shartnomalarini rasmiylashtirishni tartibga solish toʻgʻrisida" 2003 yil 13 yanvardagi 12-son qaroriga ilovaning 2-bandi (Oʻzbekiston Respublikasi QT, 2003 y., 1-son, 4-modda).

"Oʻzbekiston Respublikasi qonun hujjatlari toʻplami", 2009 yil, 52-son, 578-modda.