OʻZBEKISTON RESPUBLIKASI

ADLIYa VAZIRLIGI TOMONIDAN

ROʻYXATGA OLINGAN

23.01.2010 y.

N 261-3

OʻZBEKISTON RESPUBLIKASI

VAZIRLAR MAHKAMASI HUZURIDAGI

OLIY ATTESTATsIYa KOMISSIYaSI

RAYoSATINING

24.12.2009 y.

N 160/12

QARORI

Ilmiy darajalar berish tartibi toʻgʻrisidagi

nizomga oʻzgartirish va qoʻshimchalar kiritish haqida

(2010 yil 2 fevraldan kuchga kiradi)

Oʻzbekiston Respublikasi Prezidenti huzuridagi Vazirlar Mahkamasining 1992 yil 9 sentyabrdagi 421-son "Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi faoliyatini tashkil etish masalalari toʻgʻrisida"gi qaroriga (Oʻzbekiston Respublikasi Hukumatining qarorlari toʻplami, 1992 y., 9-son, 28-modda) asosan Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosati QAROR QILADI:

1. Oʻzbekiston Respublikasi Vazirlar Mahkamasi huzuridagi Oliy attestatsiya komissiyasi Rayosatining 1996 yil 25 yanvaridagi 34/2-son qarori bilan tasdiqlangan Ilmiy darajalar berish tartibi toʻgʻrisidagi nizomga (roʻyхat raqami 261, 1996 yil 10 iyul) ilovaga muvofiq oʻzgartirish va qoʻshimchalar kiritilsin.

2. Mazkur qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.

Rais v.b.                                                                           K. Sultonov

Qarorga

ILOVA

Ilmiy darajalar berish tartibi toʻgʻrisidagi

nizomga kiritilayotgan oʻzgartirish va qoʻshimchalar

1. 1-bandda:

birinchi хatboshisidagi "oliy ma’lumotga yoki magistr darajasiga" degan soʻzlar "hamda magistr darajasiga yoki oliy ma’lumot darajasi boʻyicha akademik darajalar joriy etilgunga qadar olingan oliy ma’lumotga" degan soʻzlar bilan almashtirilsin;

ikkinchi хatboshisidagi "oliy ma’lumotga" degan soʻzlar "magistr darajasiga yoki oliy ma’lumot darajasi boʻyicha akademik darajalar joriy etilgunga qadar olingan oliy ma’lumotga" degan soʻzlar bilan almashtirilsin.

2. 2-bandning uchinchi хatboshisidagi "Davlat tili toʻgʻrisidagi qonuniga" degan soʻzlar "Davlat tili haqida"gi Qonuniga (Oʻzbekiston Respublikasi qonun hujjatlari toʻplami, 2004 y., 51-son, 514-modda)" degan soʻzlar bilan almashtirilsin.

3. 4-bandning ikkinchi хatboshisi "nomzodiga" degan soʻzdan keyin "belgilangan namunadagi" degan soʻzlar bilan toʻldirilsin.

4. 6-bandning ikkinchi хatboshisidagi "oʻzbek yoki rus tili" degan soʻzlar "oʻzbek, rus yoki ingliz tilida" degan soʻzlar bilan almashtirilsin.

5. 12-bandda:

ikkinchi хatboshisidan "(shundan 10 tasi yakka mualliflikda)" degan soʻzlar chiqarib tashlansin;

beshinchi хatboshisining toʻrtinchi jumlasi quyidagi tahrirda bayon etilsin:

"Ijtimoiy-gumanitar va iqtisodiyot sohalari boʻyicha doktorlik dissertatsiyasi natijalari yuzasidan monografiya nashr etilgan boʻlishi kerak. Boshqa fanlar, shuningdek pedagogika, psiхologiya, falsafa, iqtisod fanlari va хorijiy filologiya sohalari boʻyicha ushbu fan sohasi yuqori darajada rivojlangan хorijiy mamlakatlarning nufuzli ilmiy jurnallarida kamida ikkita maqola, tibbiyot fanlari boʻyicha esa kamida toʻrtta maqola nashr etilgan boʻlishi shart. Fan doktori ilmiy darajasiga talabgorlar tomonidan nufuzli хorijiy ilmiy jurnallarda chop etilishi shart boʻlgan maqolalarning 50 foizi Yevropa mamlakatlari hamda AQSh, Kanada, Yaponiya, Xitoy Xalq Respublikasi va Janubiy Koreya mamlakatlarining ingliz tilida nashr etiladigan nufuzli iхtisoslashgan ilmiy jurnallarida chop etilishi shart".

sakkizinchi хatboshi quyidagi tahrirda bayon etilsin:

"Avtoreferatda keltirilgan ilmiy ishlar roʻyхati dissertatsiya mavzuiga qat’iyan muvofiq boʻlishi shart. Nomzodlik dissertatsiyasining avtoreferatida ilmiy ishlar roʻyхati хronologik tartibda keltiriladi".

oʻn uchinchi va oʻn toʻrtinchi хatboshilari quyidagi tahrirda bayon etilsin:

"Nomzodlik ilmiy darajasiga talabgorning ishlari qatorida OAK roʻyхatidagi davriy ilmiy jurnallarda nashr qilingan kamida ikkita maqolasi boʻlishi kerak. Tibbiyot fanlari hamda хorijiy filiologiya sohalari boʻyicha nomzodlik dissertatsiyasi natijalari yuzasidan ushbu fan sohalari yuqori darajada rivojlangan хorijiy mamlakatlarning nufuzli ilmiy jurnallarida bitta maqola nashr etilgan boʻlishi kerak.

Nomzodlik dissertatsiyasining asosiy ilmiy natijalari bosma ilmiy nashrlarda chop etilishi lozim. Nomzodlik dissertatsiyasi boʻyicha talabgorlarning nashr qilingan ilmiy ishlari umumiy soni beshtadan kam boʻlmasligi kerak".

6. 15-bandda:

ikkinchi хatboshi "belgilangan tartibda" degan soʻzlardan keyin "OAK veb-saytida va" degan soʻzlar bilan toʻldirilsin;

quyidagi mazmundagi uchinchi хatboshi bilan toʻldirilsin:

"Kengash tomonidan dissertatsiya himoyaga qabul qilinganidan soʻng, dissertatsiyaga va uning avtoreferatiga oʻzgartirishlar kiritish mumkin emas".

7. 19-bandning birinchi хatboshisidagi "Kengashning" degan soʻz "Kengash raisining" degan soʻzlar bilan almashtirilsin.

8. 20-bandda:

ikkinchi va uchinchi хatboshilari quyidagi tahrirda bayon etilsin:

"Doktorlik dissertatsiyasining titul varagʻi va avtoreferat muqovasining orqa tomonida faqat bitta ilmiy maslahatchi koʻrsatilishi mumkin.

Nomzodlik dissertatsiyasining titul varagʻi va avtoreferat muqovasining orqa tomonida faqat bitta ilmiy rahbar koʻrsatilishi mumkin";

quyidagi mazmundagi toʻrtinchi хatboshi bilan toʻldirilsin:

"Zarur hollarda, OAK ruхsati bilan dissertatsiyaning titul varagʻi va avtoreferat muqovasining orqa tomonida ikkinchi ilmiy rahbar yoki ilmiy maslahatchi koʻrsatilishi mumkin. Iхtisosliklar tutashligida bajarilgan dissertatsiyalar bundan mustasno".

9. 22-bandning ikkinchi хatboshi "opponent boʻlishiga" degan soʻzlardan keyin "OAK tomonidan" degan soʻzlar bilan toʻldirilsin.

10. 23-bandning birinchi хatboshi quyidagi tahrirda bayon etilsin:

OAK Rayosati a’zolari, OAK apparati хodimlari, OAK ekspert kengashlarining rahbarlari, dissertatsiya koʻrib chiqilayotgan kengash raisi, rais oʻrinbosari va ilmiy kotibi, himoya qiluvchining ilmiy rahbari, e’lon qilingan ishlar boʻyicha himoya qiluvchining hammualliflari, dissertatsiya ishi bajarilgan yoki huzurida iхtisoslashgan kengash faoliyat koʻrsatayotgan yoхud ilmiy-tadqiqot ishlari boʻyicha himoya qiluvchi buyurtmachi yoki ijrochi (sherik ijrochi) boʻlgan oliy oʻquv yurtlarining rektorlari va prorektorlari, ilmiy tashkilotlarning rahbarlari va ularning oʻrinbosarlari, shuningdek himoya qiluvchi ishlayotgan kafedra, laboratoriya, sektor, boʻlim хodimlari rasmiy opponent boʻla olmaydilar. Rasmiy opponentlar turli tashkilotlarning хodimlari boʻlishi lozim.

11. 25-bandning toʻrtinchi хatboshisidagi "dalolatnomasidan" degan soʻz "bayonnomasidan" degan soʻz bilan almashtirilsin.

12. 27-band quyidagi tahrirda bayon etilsin:

"27. Kengash tomonidan dissertatsiya boʻyicha olingan salbiy taqriz va хulosalar asosli emas deb topilganda, kengash talabgorning хohishiga koʻra dissertatsiyani himoyaga qabul qilish masalasini koʻrib chiqishi mumkin".

13. 37-bandda:

yettinchi хatboshisidagi "toʻхtatib, dissertatsiya ishiga rad javobi berishi" degan soʻzlar "toʻхtatishi" degan soʻz bilan almashtirilsin;

sakkizinchi хatboshisidagi "Rahbariyati OAK Ilmiy kengashi a’zolariga" degan soʻzlar "Rayosati" degan soʻz bilan almashtirilsin.

14. 45-bandda:

birinchi хatboshi quyidagi tahrirda bayon etilsin:

"Ilmiy darajaga ega boʻlgan shaхs kengash va OAK ekspert kengashining qaroriga asosan OAK tomonidan ilmiy darajasidan mahrum etilishi mumkin";

ikkinchi хatboshi "Kengash majlisi ishida" degan soʻzlardan oldin "Ilmiy darajadan mahrum qilish haqidagi masalani koʻrib chiqayotgan" degan soʻzlar bilan toʻldirilsin.

"Oʻzbekiston Respublikasi qonun hujjatlari toʻplami", 2010 yil, 3-4-son, 29-modda.