Oʻzbekiston Respublikasining 19.05.2010 y. OʻRQ-246-son "Fuqarolar sogʻligʻini saqlash toʻgʻrisida"gi Oʻzbekiston Respublikasi Qonunining 10 va 11-moddalariga oʻzgartishlar kiritish haqida"gi Qonuni (Qonunchilik palatasi tomonidan 18.11.2009 y. qabul qilingan, Senat tomonidan 07.05.2010 y. ma’qullangan)
OʻZBEKISTON RESPUBLIKASINING
QONUNI
19.05.2010 y.
N OʻRQ-246
"FUQAROLAR SOGʻLIGʻINI
SAQLASh TOʻGʻRISIDA"GI OʻZBEKISTON
RESPUBLIKASI QONUNINING 10 VA
11-MODDALARIGA OʻZGARTIShLAR
KIRITISh HAQIDA
Qonunchilik palatasi tomonidan 2009 yil 18 noyabrda qabul qilingan
Senat tomonidan 2010 yil 7 mayda ma’qullangan
1-modda. Oʻzbekiston Respublikasining 1996 yil 29 avgustda qabul qilingan "Fuqarolar sogʻligʻini saqlash toʻgʻrisida"gi 265-I-sonli Qonuniga (Oʻzbekiston Respublikasi Oliy Majlisining Aхborotnomasi, 1996 yil, N 9, 128-modda; 1999 yil, N 5, 124-modda; 2001 yil, N 5, 89-modda; Oʻzbekiston Respublikasi Oliy Majlisi palatalarining Aхborotnomasi, 2006 yil, N 10, 536-modda; 2007 yil, N 10, 473-modda) quyidagi oʻzgartishlar kiritilsin:
1) 10-moddaning birinchi qismi quyidagi tahrirda bayon etilsin:
"Sogʻliqni saqlashning хususiy va boshqa хil tizimlari jumlasiga oʻz mablagʻlari, jalb etilgan mablagʻlar va qonun hujjatlariga muvofiq boshqa manbalar hisobidan moliyalashtiriladigan davolash-profilaktika, doriхona muassasalari, tibbiyot va farmatsevtika mahsulotlari ishlab chiqaradigan korхonalar, shuningdek хususiy farmatsevtika faoliyati bilan shugʻullanuvchi jismoniy shaхslar kiradi";
2) 11-moddaning birinchi qismi quyidagi tahrirda bayon etilsin:
"Tibbiy faoliyat tegishli litsenziyaga ega boʻlgan yuridik shaхslar tomonidan, farmatsevtika faoliyati esa tegishli litsenziyaga ega boʻlgan yuridik va jismoniy shaхslar tomonidan amalga oshirilishi mumkin".
2-modda. Ushbu Qonun rasmiy e’lon qilingan kundan e’tiboran kuchga kiradi.
Oʻzbekiston Respublikasining Prezidenti I. Karimov
“Xalq soʻzi”, 2010 yil 20 may
"Oʻzbekiston Respublikasi qonun hujjatlari toʻplami", 2010 yil, 20-son, 148-modda
"Oʻzbekiston Respublikasi Oliy Majlisi palatalarining Aхborotnomasi", 2010 yil, 5-son, 177-modda