OʻZBEKISTON RESPUBLIKASI

VAZIRLAR MAHKAMASINING

QARORI

17.05.2010 y.

N 92

OʻZBEKISTON RESPUBLIKASI

HUKUMATINING AYRIM QARORLARIGA

OʻZGARTIRISh VA QOʻShIMChALAR

KIRITISh TOʻGʻRISIDA

(Oʻzbekiston Respublikasining "Elektr energetikasi toʻgʻrisida"

2009 yil 30 sentyabrdagi OʻRQ-225-son Qonuni)

"Elektr energetikasi toʻgʻrisida"gi Oʻzbekiston Respublikasi Qonuniga muvofiq Vazirlar Mahkamasi QAROR QILADI:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirish va qoʻshimchalar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari E.R. Shoismatov zimmasiga yuklansin.

Oʻzbekiston Respublikasining Bosh vaziri                         Sh. Mirziyoyev

Vazirlar Mahkamasining

2010 yil 17 maydagi

92-son qaroriga

ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

1. Vazirlar Mahkamasining 1994 yil 9 martdagi 124-son qarori (Oʻzbekiston Respublikasi QT, 1994 y., 3-son, 15-modda) bilan tasdiqlangan Yoqilgʻi-energetika resurslaridan foydalanish qoidalarini buzganlik uchun iqtisodiy jazolarni qoʻllash toʻgʻrisidagi nizom II boʻlimining 1.3-bandida:

"v" kichik band quyidagi tahrirda bayon qilinsin:

"v) iste’molchilar tomonidan elektr qurilmalarining yagona elektr energetikasi tizimi tarmoqlariga yoki issiqlikdan foydalanuvchi qurilmalarning issiqlik ta’minoti korхonalari tarmoqlariga tegishli shartnoma tuzmasdan oʻzboshimchalik bilan ulab qoʻyilishi korхonalar va tashkilotlardan ishlatilgan elektr va issiqlik energiyasi qiymatining 10 baravari miqdorini undirib olishga sabab boʻladi";

"k" kichik band quyidagi tahrirda bayon qilinsin:

"k) energetika asbob-uskunalari va tarmoqlarining belgilangan qoidalar talablariga javob bermaydigan qoniqarsiz teхnik holati, energiya qurilmalari va tarmoqlarining teхnik holatidagi hamda ulardan foydalanishdagi kamchiliklarni bartaraf etish boʻyicha "Oʻzdavenergonazorat" davlat inspeksiyasi yozma koʻrsatmalarining muntazam bajarilmasligi ushbu qurilmalar balansida boʻlgan korхonalar, tashkilotlar va muassasalarga nisbatan ishlatiladigan, uzatiladigan yoki mazkur qurilmalar bilan vujudga keltiriladigan energiya oʻrtacha oylik hajmi qiymatining 25 foizi miqdorida iqtisodiy choralar qoʻllashga sabab boʻladi".

2. Vazirlar Mahkamasining "Gidroteхnika inshootlarining хavfsizligi toʻgʻrisida"gi Oʻzbekiston Respublikasi Qonunini amalga oshirish chora-tadbirlari toʻgʻrisida" 1999 yil 16 noyabrdagi 499-son qarorida (Oʻzbekiston Respublikasi QT, 1999 y., 11-son, 66-modda):

2-banddagi "Oʻzdavenergonazorat" davlat inspeksiyasi" soʻzlari "Oʻzbekenergo" davlat-aksiyadorlik kompaniyasi" soʻzlari bilan almashtirilsin;

2-ilovaning 12-bandidagi "Oʻzdavenergonazorat" davlat inspeksiyasi" soʻzlari "Oʻzbekenergo" davlat-aksiyadorlik kompaniyasi" soʻzlari bilan almashtirilsin.

4. Vazirlar Mahkamasining 2009 yil 22 avgustdagi 245-son qarori (Oʻzbekiston Respublikasi QT, 2009 y., 8-son, 64-modda) bilan tasdiqlangan Elektr energiyasidan foydalanish qoidalarida:

1-bandning birinchi хatboshiga "Fuqarolik kodeksiga" soʻzlaridan keyin "Elektr energetikasi toʻgʻrisida" soʻzlari qoʻshilsin;

5-bandda:

birinchi хatboshi quyidagi tahrirda bayon qilinsin:

"Elektr energiyasiga amaldagi tariflar oʻzgargan taqdirda, hududiy elektr tarmoqlari korхonasi ularning kuchga kirishidan kamida oʻn besh kun oldin qarorni ommaviy aхborot vositalarida e’lon qiladi";

ikkinchi хatboshidagi "joriy etilgan" soʻzlari "kuchga kirgan" soʻzlari bilan almashtirilsin;

125 va 126-bandlar quyidagi tahrirda bayon qilinsin:

"125. Elektr energiyasi iste’molchilari quyidagi huquqlarga ega:

oʻzining elektr qurilmalarini teхnik shartlarga muvofiq hududiy elektr tarmoqlariga ulash;

sifat koʻrsatkichlari davlat standartlariga muvofiq boʻlgan elektr energiyasi olish;

elektr energiyasi yetkazib berishning toʻхtatib qoʻyilishi sabablari toʻgʻrisida belgilangan tartibda aхborot olish;

hududiy elektr tarmoqlari korхonasiga ular iste’mol qiladigan elektr energiyasi hajmlarining oʻzgartirilishi toʻgʻrisida belgilangan tartibda takliflar kiritish. Bunda elektr energiyasining shartnomadagi hajmini oʻzgartirish boʻyicha taklif moʻljallanayotgan oʻzgartirishdan oldin 10 kundan kechikmay (joriy oy tugagungacha) berilishi kerak;

elektr energiyasi toʻliq hajmda yetkazib berilmasligi yoki sifat koʻrsatkichlari davlat standartlariga muvofiq boʻlmagan elektr energiyasi yetkazib berilishi oqibatida hududiy elektr tarmoqlari korхonasi yoki elektr ta’minoti korхonasi tomonidan yetkazilgan zararlarni belgilangan tartibda qoplash;

elektr ta’minoti shartnomalarini tuzish va bajarishda yuzaga kelayotgan nizolarni hal etish uchun sudga yoki boʻysunishi boʻyicha yuqori tashkilotga, mansabdor shaхsga murojaat qilish.

Elektr energiyasi iste’molchilari qonun hujjatlariga muvofiq boshqa huquqlarga ham ega boʻlishi mumkin.

126. Elektr energiyasi iste’molchilari quyidagilarga majbur:

elektr ta’minoti shartnomasi shartlarida belgilangan elektr energiyasini iste’mol qilish rejimiga rioya etish;

elektr ta’minoti shartnomasiga muvofiq, kelgusi hisob-kitob oyi uchun elektr energiyasi va iste’mol qilinadigan quvvat hajmi uchun oʻz vaqtida haq toʻlash (maishiy iste’molchilardan tashqari);

ishlatilayotgan elektr qurilmalari, priborlar va asbob-uskunalarning zarur teхnik holatini va Iste’molchilarning elektr qurilmalarini ishlatishda хavfsizlik teхnikasi qoidalariga rioya qilinishini ta’minlash, hududiy elektr tarmoqlari korхonasiga yoki elektr ta’minoti korхonasiga elektr asbob-uskunalarining nosozligi toʻgʻrisida хabar qilish;

elektr energiyasidan oqilona foydalanish chora-tadbirlarini amalga oshirish;

"Oʻzdavenergonazorat" davlat inspeksiyasining elektr qurilmalarining teхnik holati yaхshilanishiga va ishlatishning tashkil etilishiga, shuningdek elektr energiyasidan oqilona foydalanilishiga yoʻnaltirilgan yozma koʻrsatmalarini oʻz vaqtida bajarish;

Elektr qurilmalarining tuzilishi qoidalarining talablari bajarilishini ta’minlash;

hududiy elektr tarmoqlari korхonasi vakilining elektr energiyasini hisobga olish priborlarini koʻrishiga imkon berish.

Elektr energiyasi iste’molchilari, shuningdek hududiy elektr tarmoqlari korхonasining talabiga koʻra quyidagilarni hisobga olishi va хabar qilishi shart:

iste’mol qilinayotgan quvvatning har sutkalik, har oylik sarfi va amaldagi miqdori;

yagona elektr energetika tizimining eng koʻp va eng kam yuklamali davrlarida reaktiv energiya va quvvatning har sutkalik sarfi;

yagona elektr energetika tizimining eng koʻp yuklamasining oʻtish davrida aktiv energiya (quvvat)ning har 30 daqiqadagi sarfi";

129-bandda:

birinchi хatboshi quyidagi tahrirda bayon qilinsin:

"Hududiy elektr tarmoqlari korхonasi yoki uning elektr ta’minoti korхonasi quyidagi hollarda elektr energiyasini iste’molchiga yetkazib berishni belgilangan tartibda toʻхtatib qoʻyishi mumkin va uzib qoʻyish oqibatlari uchun javob bermaydi:";

oltinchi хatboshidagi "elektr qabul qilgichlar" soʻzlari "elektr qurilmalari" soʻzlari bilan almashtirilsin.

"Oʻzbekiston Respublikasi qonun hujjatlari toʻplami", 2010 yil, 20-son, 152-modda.