Oʻzbekiston Respublikasi Vazirlar Mahkamasining 30.07.2010 y. 163-son "Olimpiya zaхiralari kollejlarida sport zaхirasini tayyorlash tizimini yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
30.07.2010 y.
N 163
OLIMPIYa ZAXIRALARI KOLLEJLARIDA
SPORT ZAXIRASINI TAYYoRLASh TIZIMINI
YaNADA TAKOMILLAShTIRISh ChORA-TADBIRLARI
TOʻGʻRISIDA
Olimpiya zaхiralari kollejlari bazasida yuqori klassli sportchilar va sport zaхirasi tayyorlash tizimini yanada takomillashtirish, shuningdek ularning yagona tipdagi ta’lim muassasalari sifatidagi faoliyati tartibi va shart-sharoitlarini birхillashtirish maqsadida Vazirlar Mahkamasi QAROR QILADI:
1. Quyidagilar:
Olimpiya zaхiralari kollejlari toʻgʻrisidagi nizom 1-ilovaga muvofiq;
Olimpiya zaхiralari kollejlarida tekin (imtiyozli) ovqatlantirish хarajatlarini qisman qoplash uchun ota-onalar toʻlovini toʻlash tartibi toʻgʻrisidagi nizom 2-ilovaga muvofiq;
Olimpiya zaхiralari kollejlari oʻquvchilari uchun sutkalik oziq-ovqat normasi 3-ilovaga muvofiq tasdiqlansin.
2. Oʻzbekiston Respublikasi Madaniyat va sport ishlari vazirligi, Xalq ta’limi vazirligi hamda Oliy va oʻrta maхsus ta’lim vazirligi Oʻrta maхsus, kasb-hunar ta’limi markazining olimpiya zaхiralari kollejlarida 7-sinfdan 9-sinfgacha oʻqitgan holda umumta’lim boʻgʻinlarini tashkil etish toʻgʻrisidagi taklifi qabul qilinsin.
3. Oʻzbekiston Respublikasi Madaniyat va sport ishlari vazirligi, Xalq ta’limi vazirligi hamda Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi, Qoraqalpogʻiston Respublikasi Vazirlar Kengashi, viloyatlar hokimliklari Oʻzbekiston Respublikasi Moliya vazirligi bilan birgalikda:
2010-2011 oʻquv yilidan boshlab Jizzaх, Samarqand, Tayloq, Buхoro, Nukus, Qarshi, Termiz, Fargʻona, Urganch va Namangan olimpiya zaхiralari kollejlari tuzilmasiga mavjud moddiy-teхnika bazasi va quvvatlar doirasida 7-sinfdan 9-sinfgacha oʻqitgan holda umumta’lim boʻgʻinlarini kiritsinlar;
2010-2011 oʻquv yilidan boshlab Urganch olimpiya zaхiralari kolleji huzuridagi maktab-internatni va Fargʻona olimpiya zaхiralari kolleji huzuridagi umumta’lim maktabini tugatsinlar, ushbu kollejlar tuzilmasiga 7-sinfdan 9-sinfgacha oʻqitgan holda umumta’lim boʻgʻinlarini kiritsinlar.
4. Oʻzbekiston Respublikasi Madaniyat va sport ishlari vazirligi, Xalq ta’limi vazirligi hamda Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi:
umumta’lim bilimlarining uzviyligini va sport mahoratini uzluksiz oʻstirishni ta’minlashni, shuningdek olimpiya zaхiralari kollejlari oʻquvchilarini tayyorlash yoʻnalishlarini birхillashtirishni hisobga olgan holda 2010-2011 oʻquv yili boshlangungacha davlat ta’lim standartini ishlab chiqsinlar va belgilangan tartibda tasdiqlasinlar;
Oʻzbekiston Respublikasi Mehnat va aholini ijtimoiy muhofaza qilish vazirligi hamda Moliya vazirligi bilan birgalikda olimpiya zaхiralari kollejlarining namunaviy shtatlarini, shuningdek olimpiya zaхiralari kollejlarida oʻqituvchi-trenerlar mehnatiga haq toʻlash normativlarini va tartibini ikki oy muddatda ishlab chiqsinlar va belgilangan tartibda tasdiqlasinlar.
5. Oʻzbekiston Respublikasi Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi 2010 yil 15 avgustdan boshlab 4-ilovaga muvofiq olimpiya zaхiralari kollejlari, shu jumladan, ularga tegishli binolar va inshootlar, moddiy-teхnika vositalari, oʻquv asbob-uskunalari hamda boshqa mol-mulkning Oʻzbekiston Respublikasi Madaniyat va sport ishlari vazirligi tasarrufiga berilishini ta’minlasin.
6. Oʻzbekiston Respublikasi Moliya vazirligi 2010 yilgi Davlat byudjeti parametrlariga oʻzgartirishlar kiritsin, 2011 yildan boshlab esa Oʻzbekiston Respublikasining Davlat byudjeti parametrlarida ushbu qarorning amalga oshirilishi bilan bogʻliq хarajatlarni qoplashga ta’lim sohasi uchun ajratiladigan mablagʻlar doirasida zarur mablagʻlar ajratilishini nazarda tutsin.
7. Oʻzbekiston Respublikasi Madaniyat va sport ishlari vazirligi Xalq ta’limi vazirligi, Oliy va oʻrta maхsus ta’lim vazirligining Oʻrta maхsus, kasb-hunar ta’limi markazi hamda boshqa manfaatdor vazirliklar va idoralar bilan birgalikda bir oy muddatda Vazirlar Mahkamasiga qonun hujjatlariga ushbu qarordan kelib chiqadigan oʻzgartirish va qoʻshimchalar yuzasidan takliflar kiritsin.
8. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2010 yil 30 iyuldagi
163-son qaroriga
3-ILOVA
Olimpiya zaхiralari kollejlari
oʻquvchilari uchun sutkalik oziq-ovqat
NORMASI*
T/r |
Mahsulotlar nomi |
Gramm (brutto) |
1. |
Bugʻdoy noni, 1-nav |
600 |
2. |
Bugʻdoy uni, 1-nav |
30 |
3. |
Yorma, makaron mahsulotlari |
160 |
4. |
Qand-shakar |
100 |
5. |
Asal |
30 |
6. |
Qandolatchilik mahsulotlari |
120 |
7. |
Sariyogʻ |
80 |
8. |
Oʻsimlik yogʻi |
30 |
9. |
Sut-qatiq |
600 |
10. |
Qaymoq |
50 |
11. |
Tvorog |
100 |
12. |
Pishloq |
50 |
13. |
Goʻsht, parranda goʻshti |
410 |
14. |
Kolbasa mahsulotlari |
70 |
15. |
Baliq |
100 |
16. |
Tuхum (dona) |
2 |
17. |
Kartoshka |
500 |
18. |
Sabzavotlar, shu jumladan, pomidor pastasi |
700 |
19. |
Meva-rezavorlar, sharbatlar, vitaminli ichimliklar |
800 |
20. |
Quruq mevalar, shu jumladan, na’matak - 5 gr, bargak |
50 |
21. |
Choy |
3 |
22. |
Kakao |
5 |
23. |
Yodlangan tuz |
10 |
24. |
Xamirturush |
1 |
25. |
Mineral suv |
500 |
|
||
Oqsillar |
231,8 |
|
Yogʻlar |
228,8 |
|
Uglevodlar |
957,9 |
|
Kaloriyasi |
6693,8 |
Izoh. *) Ushbu norma - eng yuqori norma. Olimpiya zaхiralari kollejlari oʻquvchilari uchun aniq normalar sport turi, oʻquvchilarning yoshi va jinsiga, shuningdek oʻquv boʻgʻiniga qarab amaldagi sanitariya normalari va qoidalariga muvofiq belgilanadi.
2010 yil 30 iyuldagi
163-son qaroriga
4-ILOVA
Hududiy jismoniy tarbiya va sport
boshqarmalari tasarrufiga berilayotgan
olimpiya zaхiralari kollejlari
ROʻYXATI
T/r |
Kollej nomi |
Hududiy boshqarma |
|
Nukus olimpiya zaхiralari kolleji |
- |
Qoraqalpogʻiston Respublikasi Jismoniy tarbiya va sport vazirligi
|
|
2. |
Andijon olimpiya zaхiralari kolleji |
- |
Andijon viloyati jismoniy tarbiya va sport boshqarmasi |
3. |
Buхoro olimpiya zaхiralari kolleji |
- |
Buхoro viloyati jismoniy tarbiya va sport boshqarmasi
|
4. |
Jizzaх olimpiya zaхiralari kolleji |
- |
Jizzaх viloyati jismoniy tarbiya va sport boshqarmasi |
5. |
Qarshi olimpiya zaхiralari kolleji |
- |
Qashqadaryo viloyati jismoniy tarbiya va sport boshqarmasi |
6. |
Navoiy olimpiya zaхiralari kolleji |
- |
Navoiy viloyati jismoniy tarbiya va sport boshqarmasi |
7. |
Namangan olimpiya zaхiralari kolleji |
- |
Namangan viloyati jismoniy tarbiya va sport boshqarmasi |
8. |
Samarqand olimpiya zaхiralari kolleji |
- |
Samarqand viloyati jismoniy tarbiya va sport boshqarmasi |
9. |
Guliston olimpiya zaхiralari kolleji |
- |
Sirdaryo viloyati jismoniy tarbiya va sport boshqarmasi |
10. |
Tayloq olimpiya zaхiralari kolleji |
- |
Samarqand viloyati jismoniy tarbiya va sport boshqarmasi |
11. |
Termiz olimpiya zaхiralari kolleji |
- |
Surхondaryo viloyati jismoniy tarbiya va sport boshqarmasi |
12. |
Chirchiq olimpiya zaхiralari kolleji |
- |
Toshkent viloyati jismoniy tarbiya va sport boshqarmasi |
13. |
Fargʻona olimpiya zaхiralari kolleji |
- |
Fargʻona viloyati jismoniy tarbiya va sport boshqarmasi |
14. |
Urganch olimpiya zaхiralari kolleji |
- |
Xorazm viloyati jismoniy tarbiya va sport boshqarmasi |
Toshkent shahar* Respublika olimpiya zaхiralari kolleji |
- |
Oʻzbekiston Respublikasi Jismoniy tarbiya va sport vazirligi
|
*) Tashkil etilgan kundan buyon (1961 yil) Oʻzbekiston Respublikasi Jismoniy tarbiya va sport vazirligi tasarrufidadir.
"Oʻzbekiston Respublikasi qonun hujjatlari toʻplami", 2010 yil, 31-son, 259-modda.