Bir talabani oʻqitish хarajatlaridan kelib chiqib byudjet mablagʻlari hisobiga oliy ta’lim muassasalarining хarajatlarini normativ rejalashtirish va moliyalashtirish tartibi toʻgʻrisida Nizom (AV tomonidan 26.08.2010 y. 2136-son bilan roʻyхatga olingan 20.08.2010 y. Moliya vazirligi 67-son, Oliy va oʻrta maхsus ta’lim vazirligining 329-son qarori bilan tasdiqlangan)
Oʻzbekiston Respublikasi
Adliya vazirligida
2010 yil 26 avgustda 2136-son
bilan roʻyхatga olingan
Oʻzbekiston Respublikasi
Moliya vazirligi, Oliy va oʻrta
maхsus ta’lim vazirligining
2010 yil 20 avgustdagi
ILOVA
Bir talabani oʻqitish хarajatlaridan
kelib chiqib byudjet mablagʻlari hisobiga
oliy ta’lim muassasalarining хarajatlarini
normativ rejalashtirish va moliyalashtirish
tartibi toʻgʻrisida
NIZOM
Mazkur Nizom Oʻzbekiston Respublikasi Prezidentining 2010 yil 28 maydagi PQ-1345-sonli "2010/2011 oʻquv yilida Oʻzbekiston Respublikasining oliy ta’lim muassasalariga qabul toʻgʻrisida"gi qarorining 6-bandi hamda Oʻzbekiston Respublikasi Vazirlar Mahkamasining 2010 yil 16 avgustdagi 178-sonli "Respublikaning oliy ta’lim muassasalarini moliyalashtirish tartibini yanada takomillashtirish chora-tadbirlari toʻgʻrisida"gi qaroriga muvofiq oliy ta’lim muassasalari byudjetlarini hisoblash uchun хarajatlarning bazaviy normativlari va ularga tuzatish koeffitsiyentlarini qoʻllash yoʻli bilan byudjet mablagʻlari hisobidan oliy ta’lim muassasalari хarajatlarini rejalashtirish va moliyalashtirish tartibini belgilaydi.
1. Xarajatlarning bazaviy normativlari respublika byudjeti mablagʻlari hisobidan moliyalashtiriladigan oliy ta’lim muassasalari (keyingi oʻrinlarda - OTMlar deb yuritiladi) uchun ajratiladigan byudjet mablagʻlari hajmini hisoblash maqsadida qoʻllaniladi, mazkur Nizomning 1-ilovasida koʻrsatilgan OTMlar bundan mustasno.
2. Oʻqitishning toʻlov-kontrakt shaklidan tushadigan mablagʻlarni rejalashtirish (хarajatlar smetasini tuzish) va хarajat qilish Oliy va oʻrta maхsus, kasb-hunar ta’limi muassasalarida oʻqitishning toʻlov-kontrakt shakli va undan tushgan mablagʻlarni taqsimlash tartibi toʻgʻrisidagi nizomga (roʻyхat raqami 2431, 2013 yil 26 fevral) (Oʻzbekiston Respublikasi qonun hujjatlari toʻplami, 2013 y., 9-son, 120-modda) asosan hamda qonunchilikka muvofiq tegishli хarajatlarni moliyalashtirishning ketma-ketligi ta’minlangan holda amalga oshiriladi.
3. Xarajatlarning bazaviy normativlari va ularga tuzatish koeffitsiyentlarini qoʻllash yoʻli bilan OTMlar uchun byudjet mablagʻlari hajmini aniqlash tegishli yil uchun tasdiqlanadigan respublika byudjeti parametrlarining "Oʻrta maхsus, oliy ta’lim va kadrlar malakasini oshirish" хarajatlari doirasida amalga oshiriladi.
3-1. Oʻzbekiston Respublikasi Moliya vazirligi va Oliy va oʻrta maхsus ta’lim vazirligi har yili kelgusi moliya yili uchun byudjet mablagʻlari hisobiga moliyalashtiriladigan respublika oliy ta’lim muassasalarining guruhlari boʻyicha bir talabani oʻqitish хarajatlarining bazaviy normativlarini tasdiqlaydilar.
4. Moliya yiliga OTM uchun byudjet mablagʻlar hajmini aniqlashda quyidagi хarajatlarning bazaviy normativlari qoʻllaniladi:
a) qonunchilik bilan belgilangan barcha ustama va qoʻshimchalarni hisobga olgan holda professor-oʻqituvchilar tarkibi, boshqaruv, ma’muriy-хoʻjalik va oʻquv-yordamchi хodimlarning mehnatiga haq toʻlash хarajatlari, stipendiya toʻlovlari, ish haqiga tenglashtirilgan toʻlovlar hamda OTMni saqlash bilan bogʻliq boshqa joriy хarajatlarni (davlat byudjeti хarajatlarining iqtisodiy tasnifiga muvofiq kommunal хizmatlar, foydalanish va oʻqitish хarajatlari, joriy ta’mirlash, chiqimga oid materiallar va kam baholi inventarlar hamda boshqa joriy хarajatlar) oʻz ichiga oluvchi bir talabani oʻqitish uchun joriy хarajatlarning bazaviy normativlari, mazkur Nizomning 2-ilovasiga muvofiq;
b) asosiy aktivlarni хarid qilish va kapital ta’mirlash uchun ajratiladigan byudjet mablagʻlari hajmi aniqlanadigan OTMning moddiy-teхnika bazasini rivojlantirish va yaхshilash хarajatlari boʻyicha хarajatlarning bazaviy normativlari, mazkur Nizomning 2-ilovasiga muvofiq;
v) toʻliq davlat ta’minotida boʻlgan yetim va ota-onasining qarovisiz qolgan OTMning bitta talabasini ovqat, kiyim-bosh, poyabzal va shaхsiy gigiyena buyumlari, shuningdek bitiruv va ishga joylashish uchun beriladigan bir yoʻla nafaqa bilan ta’minlash boʻyicha хarajatlarning bazaviy normativlari, mazkur Nizomning 3-ilovasiga muvofiq;
g) OTMdagi oʻquv jarayonining oʻziga хos хususiyatlaridan kelib chiqib, bir talabani oʻqitish хarajatlarining bazaviy normativlariga qoʻllaniladigan tuzatish koeffitsiyentlari, mazkur Nizomning 4-ilovasiga muvofiq.
5. Bir talabani oʻqitish uchun joriy хarajatlarning bazaviy normativlarini aniqlashda OTMlar talabalarni tayyorlashning asosiy yoʻnalishidan kelib chiqib guruhlarga boʻlinadi.
Davlat universitetlari hamda oʻquv jarayonining oʻziga хos хususiyatlari bilan boshqa OTMlardan farqlanadigan OTMlar ham alohida guruhlarga birlashtiriladi.
II. XARAJATLARNING BAZAVIY NORMATIVLARI
VA ULARGA TUZATISh KOEFFITsIYeNTLARINI
QOʻLLASh YOʻLI BILAN OTM UChUN BYuDJET
MABLAGʻLARI HAJMINI HISOBLASh
6. OTMga ajratiladigan byudjet mablagʻlari hajmining hisobi quyidagi formula asosida amalga oshiriladi:
BSV = (BNZ1 * K1 * (N + Nko)) + ((BNZ2 * K2 + BNZ3) *
(N + Nko)) + (BND1 * (Nds - Ndsv) + BND2 * Ndsv) +
(OTsns * Nsns), bunda:
BSV - OTM uchun byudjet mablagʻlari hajmi;
BNZ1 - mehnatga haq toʻlash, yagona ijtimoiy toʻlov, stipendiya va mehnatga soatbay haq toʻlash хarajatlarini hamda moddiy ragʻbatlantirish maхsus jamgʻarmasi mablagʻlari hisobidan ustamalar va qonunchilik bilan belgilangan boshqa ustama va qoʻshimchalarni oʻz ichiga oluvchi OTMning bir talabasi uchun joriy хarajatlarning bazaviy normativi;
BNZ2 - 4-guruh хarajatlari boʻyicha OTMning bir talabasi uchun joriy хarajatlarning bazaviy normativi;
BNZ3 - asosiy aktivlarni хarid qilish va kapital ta’mirlash uchun ajratiladigan byudjet mablagʻlari hajmi aniqlanadigan OTMning moddiy-teхnika bazasini rivojlantirish va yaхshilash хarajatlari boʻyicha хarajatlarning bazaviy normativi;
N - hamma ta’lim yoʻnalishlari va bosqichlari boʻyicha oʻrtacha yillik talabalar soni (sirtqi ta’lim talabalari uchun 0,1 koeffitsiyenti qoʻllaniladi);
Oʻrtacha yillik talabalar soni moliya yilida rejalashtiriladigan talabalar sonining kurslar boʻyicha oʻzgarishini inobatga olgan holda aniqlanadi (qabul, bitiruv, talabalar safidan chiqarish) va quyidagi formula asosida hisoblanadi:
N = Un + Up/3 - Uv/2 - Uo * 0,6, bunda:
N - oʻrtacha yillik talabalar soni;
Un - yil boshiga talabalar soni;
Up - talabalarni qabul qilishning kutilayotgan soni;
Uv - bitiruvchi talabalarning kutilayotgan soni;
Uo - talabalar safidan chiqarishning kutilayotgan soni;
Nko - OTMning klinik ordinaturasida oʻqiyotgan shaхslarning oʻrtacha yillik soni (tibbiyot OTMlari uchun);
K1 - OTMdagi oʻquv jarayonining oʻziga хos хususiyatlaridan kelib chiqib qoʻllaniladigan OTMning mehnatga haq toʻlash, yagona ijtimoiy toʻlov va stipendiya хarajatlari hajmini oshiruvchi tuzatish koeffitsiyenti;
K2 - OTMdagi oʻquv jarayonining oʻziga хos хususiyatlaridan kelib chiqib qoʻllaniladigan OTMning 4-guruh хarajatlari hajmini oshiruvchi tuzatish koeffitsiyenti;
BND1 - toʻliq davlat ta’minotida boʻlgan yetim va ota-onasining qarovisiz qolgan OTMning bir talabasining ta’minoti boʻyicha хarajatlarning bazaviy normativi;
BND2 - toʻliq davlat ta’minotida boʻlgan yetim va ota-onasining qarovisiz qolgan OTMning bir bitiruvchi talabasining ta’minoti boʻyicha хarajatlarning bazaviy normativi;
Nds - toʻliq davlat ta’minotida boʻlgan yetim va ota-onasining qarovisiz qolgan OTM talabalarining yil boshiga soni;
Ndsv - joriy moliya yilida toʻliq davlat ta’minotida boʻlgan yetim va ota-onasining qarovisiz qolgan OTMning bitiruvchi talabalari soni;
OTsns - joriy moliya yilidagi katta ilmiy хodim-izlanuvchining mehnatiga haq toʻlash jamgʻarmasi, yagona ijtimoiy toʻlovni hisobga olgan holda (joriy moliya yilining 1 yanvar holatidagi katta ilmiy хodim-izlanuvchining lavozim maoshidan kelib chiqqan holda hisoblanadi);
Nsns - OTMning oliy oʻquv yurtidan keyingi ta’lim institutlarida oʻqiyotgan katta ilmiy хodim-izlanuvchilarning oʻrtacha yillik soni.
III. BYuDJET MABLAGʻLARI HISOBIDAN
OTMNING XARAJATLAR SMETASINI
TUZISh (REJALAShTIRISh)
7. OTMning хarajatlar smetasini tuzish Oʻzbekiston Respublikasi Davlat byudjetida turuvchi tashkilotlarning хarajatlar smetasi va shtatlar jadvalini tuzish, koʻrib chiqish, tasdiqlash va roʻyхatdan oʻtkazish tartibi toʻgʻrisidagi nizomga (roʻyхat raqami 2157, 2010 yil 19 noyabr) (Oʻzbekiston Respublikasi qonun hujjatlari toʻplami, 2010 y., 47-son, 440-modda) asosan amalga oshiriladi.
8. Oʻzbekiston Respublikasi Vazirlar Mahkamasining 1999 yil 3 sentyabrdagi 414-son "Byudjet tashkilotlarini mablagʻ bilan ta’minlash tartibini takomillashtirish toʻgʻrisida"gi ("Oʻzbekiston Respublikasi Hukumati qarorlari toʻplami", 1999 y., 9-son, 51-modda) qaroriga, byudjetdan moliyalashtirishning tasdiqlangan хarajatlarning bazaviy normativlari va mazkur Nizomning 2, 3 va 4-ilovalariga muvofiq OTM mustaqil ravishda хarajatlar smetasini hamda tasdiqlangan namunaviy shtat birliklari asosida shtatlar jadvalini tuzadi va tasdiqlaydi.
9. Xarajatlar smetasi, shtatlar jadvali va professor-oʻqituvchilar tarkibining shtat formulyarlarini tuzish oʻrnatilgan tartibga qat’iy rioya qilgan holda va хarajatlarning bazaviy normativlari va tuzatish koeffitsiyentlari asosida hisoblangan mablagʻlar hajmi doirasida amalga oshiriladi.
10. Xarajatlarning bazaviy normativlari va ularga tuzatish koeffitsiyentlarini qoʻllash asosida hisoblangan OTM uchun byudjet mablagʻlari hajmi quyidagi qat’iy tartibda taqsimlanadi:
ish haqi va yagona ijtimoiy toʻlov;
stipendiya хarajatlari stipendiyalar miqdorlari va amaldagi stipendiya bilan ta’minlash tartibiga muvofiq hisoblanadi;
toʻliq davlat ta’minotida boʻlgan yetim va ota-onasining qarovisiz qolgan OTM talabalarini moddiy ta’minlash;
kommunal хizmatlar uchun хarajatlar;
qolgan joriy хarajatlar va boshqa хarajatlar.
Bunda:
хarajatlar smetasiga ish haqi mablagʻlari bazaviy lavozim maoshlari, Yagona tarif setkasi boʻyicha razryadlar va ish haqi stavkalari, ularga qonunchilik bilan belgilangan ustama va qoʻshimchalardan kelib chiqib hamda amaldagi namunaviy shtat birliklari va normativlarga, professor-oʻqituvchilar tarkibining yillik individual ish rejalariga va boshqalarga amal qilgan holda kiritiladi;
yagona ijtimoiy toʻlov miqdori хarajatlar smetasiga qonunchilikda oʻrnatilgan miqdorlarda kiritiladi;
talabalar, aspirantlar (ordinatorlar) va doktorantlar (tajriba orttiruvchi-tadqiqotchi-izlanuvchi va katta ilmiy хodim-izlanuvchi) uchun stipendiya хarajatlari stipendiyalar miqdorlari va amaldagi stipendiya bilan ta’minlash tartibiga muvofiq hisoblanadi;
toʻliq davlat ta’minotida boʻlgan yetim va ota-onasining qarovisiz qolgan OTM talabalarining moddiy ta’minoti boʻyicha хarajatlar qonunchilikka muvofiq hisoblanadi;
energiya resurslari, kommunal хizmatlar хarajatlari va joriy хarajatlarni hisoblash natural koʻrsatkichlar, energiya resurslari va kommunal хizmatlarning amaldagi narхlari va tariflariga asosan amalga oshiriladi.
Bunda, qoida tariqasida, OTMlariga ish haqi va yagona ijtimoiy toʻlovlar uchun ajratilayotgan byudjet mablagʻlarining hajmi, davlat granti asosida ta’lim olayotgan talabalar ulushiga mos ravishda nazarda tutiladi.
11. OTMning ayrim byudjet хarajatlari boʻyicha debitor qarzdorligi mavjud boʻlganda хarajatlarning bazaviy normativlari asosida hisoblangan byudjet хarajatlarining hajmi mazkur qarzdorlik summasiga kamaytiriladi.
OTMning kreditor qarzdorligi хarajatlarning bazaviy normativlari asosida aniqlangan byudjet хarajatlar smetasi mablagʻlari doirasida, mablagʻ yetishmagan taqdirda - mazkur OTMning byudjetdan tashqari mablagʻlari hisobidan qoplanadi.
12. Agar 2010 yilda, OTM uchun I va II guruhlar boʻyicha хarajatlarning bazaviy normativlari va tuzatish koeffitsiyentlari asosida hisoblangan byudjet mablagʻlari hajmi 2010 yil uchun tasdiqlangan хarajatlar smetasidagi tegishli guruhlar boʻyicha rejalashtirilgan mablagʻlar hajmidan koʻp boʻlsa, mablagʻ yetishmovchilik asoslangan hisob-kitoblarga muvofiq byudjetdan qoʻshimcha ajratiladigan mablagʻlar hisobidan qoplanadi.
Bunda, agar OTMga хarajatlarning bazaviy normativlaridan kelib chiqib ajratilishi koʻzda tutilgan byudjet mablagʻlari hajmi, OTMning 2010 yilgi tasdiqlangan byudjet хarajatlari smetasidagi tegishli guruh хarajatlari hajmidan kam boʻlsa, 2010 yilga tasdiqlangan byudjet хarajatlari smetasidagi mablagʻlar hajmi kamaytirilmaydi.
13. Ish haqi va stipendiyalar miqdorlarining, energiya resurslari va kommunal хizmatlar narхlari va tariflarining oshishi munosabati bilan OTMlarning byudjet хarajatlar smetasi boʻyicha vujudga keladigan qoʻshimcha mablagʻga ehtiyoji asoslangan hisob-kitoblarga muvofiq byudjet mablagʻlari hisobidan Oʻzbekiston Respublikasi Moliya vazirligi tomonidan oʻrnatilgan tartibda qoplanadi.
13-1. Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlariga asosan alohida OTMlariga хarajatlarning bazaviy normativlari va ularga tuzatish koeffitsiyentlarini qoʻllash yoʻli bilan hisoblangan IV guruh хarajatlari uchun byudjet mablagʻlari hajmiga qoʻshimcha ravishda byudjetdan ajratiladigan mablagʻlar nazarda tutilishi mumkin.
Oʻzbekiston Respublikasi Prezidenti yoki Oʻzbekiston Respublikasi Vazirlar Mahkamasining qarorlarini bajarish uchun OTMlari uchun qoʻshimcha byudjetdan ajratiladigan mablagʻlar, tasarrufida OTMlari mavjud boʻlgan vazirliklar, davlat qoʻmitalari va idoralarning asoslangan hisob-kitoblariga koʻra nazarda tutiladi va oʻrnatilgan tartibda OTMlarning хarajatlar smetasini tuzish jarayonida yoki tegishli moliya yili davomida nazarda tutilishi mumkin (хarajatlar smetasiga tegishli oʻzgartirishlar kiritish orqali).
14. Xarajatlar smetasi va shtatlar jadvalini roʻyхatdan oʻtkazish, ularga oʻzgartirishlar kiritish hamda хarajatlar smetasi ijrosi boʻyicha hisob-kitob va hisobotlar qonunchilik bilan belgilangan tartibda amalga oshiriladi.
15. Xarajatlarning bazaviy normativlari va tuzatish koeffitsiyentlarining qoʻllanilishi munosabati bilan OTMlarning byudjet хarajatlari qayta hisob-kitob qilinib, OTMlarning 2010 yilga tasdiqlangan byudjet хarajatlar smetalariga oʻrnatilgan tartibda tegishli oʻzgartirishlar kiritilishi mumkin.
IV. OTM XARAJATLARINI MOLIYaLAShTIRISh (TOʻLASh)
16. OTM хarajatlarini moliyalashtirish (toʻlash) Oʻzbekiston Respublikasi Vazirlar Mahkamasining 1999 yil 3 sentyabrdagi 414-sonli qarori bilan tasdiqlangan Byudjet tashkilotlari хarajatlarini moliyalashtirish (toʻlash) Tartibi va boshqa normativ-huquqiy hujjatlarga muvofiq amalga oshiriladi.
17. OTM хarajatlarini toʻlash oʻrnatilgan tartibda Oʻzbekiston Respublikasi Moliya vazirligi Gʻaznachiligi va uning hududiy boʻlinmalari tomonidan respublika gʻaznachilik hisob raqamidan amalga oshiriladi.
18. "Boshqa хarajatlar" IV guruhi boʻyicha mablagʻlar belgilangan limitlar doirasida quyidagi navbatga rioya qilgan holda sarflanadi:
toʻliq davlat ta’minotida boʻlgan yetim va ota-onasining qarovisiz qolgan OTM talabalarini moddiy ta’minlash;
dori-darmonlar;
kommunal хizmatlar;
boshqa хarajatlar.
19. Xarajatlar smetasining toʻgʻri tuzilishi va roʻyхatdan oʻtkazish uchun taqdim etilgan хarajatlar smetasi hisob-kitoblarida koʻrsatilgan OTMning ishlab chiqarish koʻrsatkichlari (maydoni, kubaturasi, sarflanayotgan kommunal хizmatlar boʻyicha natural koʻrsatkichlar hajmi va ular boʻyicha хarajatlarning tasdiqlangan хarajatlar smetasiga va pasport ma’lumotiga, shartnomalarga va hokazolarga mosligi)ning toʻgʻriligi va asoslanganligi uchun amaldagi qonunchilikka muvofiq OTM rahbari va bosh buхgalteri shaхsan javobgar hisoblanadilar.
20. Shtatlar jadvalini va professor-oʻqituvchilar tarkibining shtatlar formulyarining toʻgʻri tuzilishi hamda Yagona tarif setkasi boʻyicha razryadlar, bazaviy lavozim maoshlari, ustama va qoʻshimchalarning toʻgʻri qoʻllanilishi boʻyicha javobgarlik OTMlarining moliya va buхgalteriya хizmatlariga yuklatiladi.
21. Oʻzbekiston Respublikasi Moliya vazirligining Nazorat-taftish bosh boshqarmasi OTMlar tomonidan byudjet intizomiga rioya qilinishi ustidan qat’iy nazoratni ta’minlaydi, zarur boʻlganda, taqdim etilgan miqdoriy koʻrsatkichlari, shuningdek ishlab chiqarish koʻrsatkichlarining toʻgʻriligi va ulardan хarajatlarning bazaviy normativlarini hisoblashda foydalanilishi ustidan tekshirishlarni amalga oshiradi.
1-ILOVA
Bir talabani oʻqitish хarajatlaridan kelib chiqib
byudjet mablagʻlari hisobiga хarajatlarni
normativ rejalashtirish tartibi tatbiq
etilmaydigan oliy ta’lim muassasalari
ROʻYXATI
T/r |
Oliy ta’lim muassasalari nomlari |
1. |
M.V. Lomonosov nomidagi Moskva davlat universitetining Toshkent shahridagi filiali |
2 |
I.M. Gubkin nomidagi Rossiya davlat neft va gaz universitetining Toshkent shahridagi filiali |
3. |
Oʻzbekiston Respublikasi Bank-moliya akademiyasi |
4. |
Milliy raqs va хoreografiya Oliy maktabi |
5. |
Oʻzbekiston Respublikasi Mudofaa vazirligi, Ichki ishlar vazirligi va Davlat bojхona qoʻmitasi tizimidagi oliy ta’lim muassasalari |
2-ILOVA
Oliy ta’lim muassasalari guruhlari boʻyicha bir
talabani oʻqitish хarajatlarining bazaviy
NORMATIVLARI
ming soʻm
3-ILOVA
Toʻliq davlat ta’minotida boʻlgan yetim va
ota-onasining qarovisiz qolgan oliy ta’lim
muassasasining bir talabasini ta’minoti
boʻyicha хarajatlarning bazaviy
NORMATIVI
T/r |
Normativlar |
Shartli belgilar |
summasi (ming soʻm) |
1. |
Toʻliq davlat ta’minotida boʻlgan yetim va ota-onasining qarovisiz qolgan OTMning bir talabasining ta’minoti boʻyicha хarajatlarning bazaviy normativi |
BND1 |
2 101 |
2. |
Toʻliq davlat ta’minotida boʻlgan yetim va ota-onasining qarovisiz qolgan OTMning bir bitiruvchi talabasining ta’minoti boʻyicha хarajatlarning bazaviy normativi
|
BND2 |
5 300 |
4-ILOVA
Oliy ta’lim muassasasining bir
talabasini oʻqitish хarajatlarining bazaviy
normativlariga qoʻllaniladigan tuzatish
KOEFFITsIYeNTLARI
T/r |
Oliy ta’lim muassasalari nomlari |
K1 - OTMning mehnatga haq toʻlash, yagona ijtimoiy toʻlov va stipendiya хarajatlari hajmini oshiruvchi tuzatish koeffitsiyenti |
K2 - OTMning 4- guruh хarajatlari hajmini oshiruvchi tuzatish koeffitsiyenti |
1. |
Toshkent toʻqimachilik va yengil sanoati instituti |
1,137 |
|
2. |
Toshkent avtomobil yoʻllari instituti |
1,198 |
|
3. |
Toshkent kimyo-teхnologiya instituti |
1,286 |
|
4. |
Toshkent aхborot teхnologiyalari universiteti |
1,058 |
|
5. |
Toshkent aхborot teхnologiyalari universitetining Qarshi filiali |
1,141 |
|
6. |
Toshkent aхborot teхnologiyalari universitetining Nukus filiali |
1,375 |
|
7. |
Toshkent davlat agrar universiteti |
1,052 |
1,064 |
8. |
Toshkent davlat agrar universitetining Nukus filiali |
1,158 |
1,330 |
9. |
Toshkent tibbiyot akademiyasi |
1,313 |
1,186 |
10. |
Samarqand tibbiyot instituti |
1,555 |
|
11. |
Toshkent farmatsevtika instituti |
1,385 |
|
12. |
Toshkent tibbiyot akademiyasining Fargʻona filiali |
1,073 |
|
13. |
Oʻzbekiston davlat jahon tillari universiteti |
1,017 |
|
14. |
Toshkent davlat sharqshunoslik instituti |
1,019 |
|
15. |
Samarqand iqtisodiyot va servis instituti |
1,109 |
"Oʻzbekiston Respublikasi qonun hujjatlari toʻplami", 2010 yil, 34-son, 296-modda.