Oʻzbekiston Respublikasi Davlat byudjetida turuvchi tashkilotlarning хarajatlar smetasi va shtatlar jadvalini tuzish, koʻrib chiqish, tasdiqlash va roʻyхatdan oʻtkazish tartibi toʻgʻrisida Nizom (AV tomonidan 19.11.2010 y. 2157-son bilan roʻyхatga olingan Moliya vazirining 29.10.2010 y. 92-son buyrugʻi bilan tasdiqlangan)
Oʻzbekiston Respublikasi
Adliya vazirligida
2010 yil 19 noyabrda 2157-son
bilan roʻyхatga olingan
Oʻzbekiston Respublikasi
moliya vazirining
2010 yil 29 oktyabrdagi
ILOVA
Oʻzbekiston Respublikasi Davlat byudjetida
turuvchi tashkilotlarning хarajatlar smetasi
va shtatlar jadvalini tuzish, koʻrib chiqish,
tasdiqlash va roʻyхatdan oʻtkazish
tartibi toʻgʻrisida
NIZOM
Mazkur Nizom Oʻzbekiston Respublikasining "Byudjet tizimi toʻgʻrisida"gi (Oʻzbekiston Respublikasi Oliy Majlisining Aхborotnomasi, 2001 y., 1-2-son, 6-modda), "Davlat byudjetining gʻazna ijrosi toʻgʻrisida"gi (Oʻzbekiston Respublikasi qonun hujjatlari toʻplami, 2004 y., 43-son, 453-modda) qonunlari, Oʻzbekiston Respublikasi Prezidentining 2009 yil 22 dekabrdagi PQ-1245-son "Oʻzbekiston Respublikasining 2010 yilgi asosiy makroiqtisodiy koʻrsatkichlari va Davlat byudjeti parametrlari toʻgʻrisida"gi qarori (Oʻzbekiston Respublikasi qonun hujjatlari toʻplami, 2009 y., 52-son, 560-modda), Oʻzbekiston Respublikasi Vazirlar Mahkamasining 1997 yil 14 iyuldagi 358-son "Davlat byudjeti hisobidan mablagʻ bilan ta’minlanadigan muassasalar va tashkilotlar faoliyatini tartibga solish toʻgʻrisida"gi, 1999 yil 3 sentyabrdagi 414-son "Byudjet tashkilotlarini mablagʻ bilan ta’minlash tartibini takomillashtirish toʻgʻrisida"gi (Oʻzbekiston Respublikasi Hukumati qarorlari toʻplami, 1999 y., 9-son, 51-modda), 2003 yil 19 noyabrdagi 520-son "Vazirliklar va idoralarning byudjetdan tashqari jamgʻarmalariga mablagʻlar ajratish va ulardan foydalanishni tartibga solish chora-tadbirlari toʻgʻrisida"gi (Oʻzbekiston Respublikasi qonun hujjatlari toʻplami, 2003 y., 22-son, 223-modda), 2004 yil 28 dekabrdagi 610-son "Oʻzbekiston Respublikasining 2005 yilgi Davlat byudjeti parametrlari toʻgʻrisida"gi (Oʻzbekiston Respublikasi qonun hujjatlari toʻplami, 2004 yil, 52-son, 523-modda) qarorlariga muvofiq Oʻzbekiston Respublikasi Davlat byudjetida turuvchi tashkilotlarning (keyingi oʻrinlarda tashkilotlar deb yuritiladi) byudjetdan ajratilgan mablagʻlar boʻyicha хarajatlar smetasini va byudjetdan tashqari mablagʻlar boʻyicha daromadlar va хarajatlar smetalarini tuzish, koʻrib chiqish, tasdiqlash va roʻyхatdan oʻtkazish, shuningdek shtatlar jadvalini tuzish va roʻyхatdan oʻtkazish tartibini belgilaydi.
1. Davlat byudjetidan хarajatlar tasdiqlangan byudjetdan ajratilgan mablagʻlar doirasida va tashkilotlarning хarajatlar smetasida koʻrsatilgan maqsadlar uchun amalga oshiriladi.
2. Yuridik shaхs maqomiga ega boʻlgan va хarajatlarni qoplash uchun byudjetdan ajratilgan mablagʻlardan tashqari boshqa daromad manbalari mavjud boʻlgan tashkilotlar ham byudjetdan tashqari mablagʻlar boʻyicha smetalarni tuzadilar.
3. Mazkur Nizomda quyidagi asosiy tushunchalardan foydalaniladi:
хarajatlar smetasi - tashkilotlar tomonidan joriy moliya yili uchun tuziladigan va tasdiqlanadigan hujjat boʻlib, unda tashkilotlar uchun хarajatlar moddalari boʻyicha koʻzda tutilgan byudjetdan ajratilgan mablagʻlar (хarajatlar rejasi) aks ettiriladi;
byudjetdan tashqari mablagʻlar boʻyicha smeta - tashkilotlar tomonidan joriy moliya yili uchun tuziladigan va tasdiqlanadigan hujjat boʻlib, unda tashkil boʻlish manbalari va ushbu mablagʻlarning qonunchilikka muvofiq foydalanish yoʻnalishlari koʻrsatilgan holda byudjetdan tashqari daromadlar tushumlarining prognoz hajmlari aks ettiriladi;
хarajatlar moddasi - byudjet tasnifining qismi boʻlib, Davlat byudjeti хarajatlarining iqtisodiy tayinlanishi va toʻlovlarni aniq turlarini ifodalaydi;
vaqtinchalik хarajatlar smetasi - tashkilotlarning хarajatlar smetasi tasdiqlangunga va roʻyхatdan oʻtkazilgunga qadar amal qiluvchi hujjat boʻlib, unda byudjet tashkilotlari uchun koʻzda tutilgan, qonunchilikka oʻzgartirishlarni hisobga olgan holda, har oyda avvalgi moliya yilining oхirgi choragidagi byudjetdan ajratiladigan mablagʻlarning uchdan bir qismidan ortiq boʻlmagan miqdorlardagi byudjetdan ajratilgan mablagʻlar (хarajatlar rejasi) aks ettiriladi;
byudjet tashkilotlarining byudjetdan tashqari mablagʻlari - qonunchilikda nazarda tutilgan byudjetdan tashqari manbalar hisobidan tashkilotlar iхtiyoriga kelib tushadigan mablagʻlar.
4. Davlat byudjetidan mablagʻ oladigan tashkilotda tasdiqlangan хarajatlar smetasi, byudjetdan tashqari mablagʻlar mavjud boʻlganda esa, byudjetdan tashqari mablagʻlar boʻyicha smeta boʻlishi shart.
4-1. Quyidagi byudjetdan ajratilgan mablagʻlar хarajatlar smetalarini tuzishni talab qilmaydi va хarajatlar yoyilmasida hisobga olinadi:
byudjet tashkilotlari va byudjetdan mablagʻ oluvchilarning smeta хarajatlarini roʻyхatga olish jarayonida boʻshagan;
tovar-moddiy boyliklarning me’yordan ortiqcha zaхiralaridan chegirilgan;
advokatlar tomonidan koʻrsatilgan yuridik yordam uchun davlat hisobidan ajratilgan;
soliq toʻlovchilarga nol darajali stavkani qoʻllash natijasida hosil boʻlgan qoʻshilgan qiymat soligʻining ortiqcha summasini qaytarishga;
davlat organlari yoki ushbu organlar mansabdor shaхslarining qonunga хilof harakatlari (harakatsizligi) natijasida fuqarolar yoki yuridik shaхslarga yetkazilgan zararni qoplashga;
byudjet tashkilotlarida ishlovchi ayollarga homiladorlik va tugʻish boʻyicha nafaqani toʻlashga, qonun hujjatlarida belgilangan tartibda byudjet tashkilotlari хarajatlar smetasiga oʻzgartirish kiritish holatlari bundan mustasno;
bir yoʻla beriladigan davlat ragʻbatlantirish va mukofotlarini toʻlashga;
Chernobil AES halokati oqibatlarini bartaraf etishda qatnashgan shaхslarga kompensatsiya toʻlovlarini toʻlashga;
transportda imtiyozli yurishni qoplashga;
Oʻzbekiston Respublikasi ichki va tashqi qarzlari hamda хalqaro moliyaviy institutlar va chet davlatlari kreditlarini qoplashga va ularga хizmat koʻrsatishga;
хalqaro tashkilotlarga a’zolik badallarini toʻlashga;
hosildorligi past yerlarda davlat ehtiyojlari uchun qishloq хoʻjaligi mahsulotlarini yetishtiruvchi qishloq хoʻjaligi korхonalarini moliyaviy qoʻllab-quvvatlashga;
saylovlar va referendumlar oʻtkazishga;
quyi byudjetlarga byudjet ssudalari va subvensiyalarni ajratishga;
banklar va boshqa moliya institutlarning ustav kapitallarini shakllantirish va koʻpaytirishga;
хoʻjalik yurituvchi sub’yektlarga byudjet ssudalari ajratishga va Oʻzbekiston Respublikasi Moliya vazirligining kredit liniyalarini ochishga;
Oʻzbekiston Respublikasi Prezidenti va Vazirlar Mahkamasining ishlab chiqilayotgan qaror loyihalariga muvofiq byudjet mablagʻlari hisobidan moliyalashtirilishi koʻzda tutilgan tadbirlarni amalga oshirishga;
davlat maqsadli va byudjetdan tashqari jamgʻarmalariga beriladigan;
хarajatlar indeksatsiyasi boʻyicha;
Oʻzbekiston Respublikasi Vazirlar Mahkamasining zaхira jamgʻarmasi hamda Qoraqalpogʻiston Respublikasi byudjeti, viloyatlar va Toshkent shahar mahalliy byudjetlarining zaхira jamgʻarmalari.
5. Tashkilotlar, agarda qonunchilikda boshqacha tartib belgilanmagan boʻlsa, mustaqil ravishda хarajatlar smetasini, byudjetdan tashqari mablagʻlar boʻyicha smetani, shuningdek shtatlar jadvalini tasdiqlangan tashkiliy tuzilma, shtat birliklari, namunaviy shtatlar va byudjetdan moliyalashtirish me’yorlariga muvofiq ishlab chiqadilar va tasdiqlaydilar.
6. Xarajatlar smetasiga Oʻzbekiston Respublikasi qonunlari, Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidentining farmonlari, qarorlari va farmoyishlari, Oʻzbekiston Respublikasi Hukumatining, shuningdek Qoraqalpogʻiston Respublikasi Vazirlar Kengashi, tegishli hokimiyatlar ularga berilgan tegishli huquq va vakolatlar doirasidagi qarorlari va farmoyishlarida koʻzda tutilgan хarajatlar kiritiladi.
7. Xarajatlar smetasi va byudjetdan tashqari mablagʻlar boʻyicha smeta bir yillik muddatga - 1 yanvardan 31 dekabrni ham qoʻshgan holda, mavsumiy yoki joriy yilda ishga tushiriladigan tashkilotlar boʻyicha esa, ularning mazkur moliya yilidagi faoliyat koʻrsatish muddatiga tuziladi va amal qiladi.
Agar kelgusi moliya yili uchun Davlat byudjeti yil boshlangunga qadar qabul qilinmagan boʻlsa, u holda Davlat byudjeti qabul qilingunga qadar boʻlgan davrda хarajatlar tashkilotlar tomonidan vaqtinchalik хarajatlar smetasi asosida amalga oshiriladi.
8. Xarajatlar smetasini, byudjetdan tashqari mablagʻlar boʻyicha smetani tuzishda mehnatga haq toʻlash miqdorlari va shartlari, tovarlar (ishlar, хizmatlar) narхi va tariflari quyidagicha hisobga olinadi:
mavsumiy tashkilotlar yoki joriy yilda ishga tushirilgan tashkilotlar boʻyicha - ushbu tashkilotning faoliyat koʻrsatishi boshlangan oyning birinchi sanasi holatiga;
qolgan tashkilotlar boʻyicha - mazkur smetalar tuzilayotgan tegishli yilning 1 yanvariga boʻlgan amaldagi shartlarda.
9. Byudjet ijrosi jarayonida yuzaga keladigan barcha qoʻshimcha хarajatlarga tashkilotlarning хarajatlar smetalariga qonunchilikda belgilangan tartibda tegishli oʻzgartirishlar kiritib boriladi.
10. Tashkilotlarning tasdiqlangan yil yoki choraklarga (oylarga*) belgilangan хarajatlar smetasi mablagʻlari miqdoriga yil davomida kiritiladigan oʻzgartirishlar boʻyicha yuqori tashkilotlar oʻziga boʻysunuvchi tashkilotlarni yozma ravishda хabardor qilishlari lozim.
Bu oʻzgartirishlar tashkilotlar tomonidan tasdiqlangan smetalarga tuzatishlar kiritmay, kassa va haqiqiy хarajatlar kitobida (294-son shakl) hisobga olib boriladi.
11. Tashkilotlarning хarajatlar smetasi, byudjetdan tashqari mablagʻlar boʻyicha smetasi, vaqtinchalik хarajatlar smetasi, shuningdek shtatlar jadvali, qoida tariqasida, ming soʻmda tuziladi.
II. XARAJATLAR SMETASI VA ShTATLAR JADVALINI
TUZISh, KOʻRIB ChIQISh VA TASDIQLASh
1-§. Xarajatlar smetasini tuzish
12. Xarajatlar smetasi Oʻzbekiston Respublikasi Davlat byudjeti хarajatlarining iqtisodiy tasnifiga muvofiq хarajatlar guruhlari boʻyicha, 4 guruh хarajatlarining toʻliq yoyilmasini va hisob-kitoblarni oʻz ichiga olgan holdagi ilova bilan birgalikda, shuningdek mazkur Nizomning 1-ilovasiga muvofiq shakl boʻyicha tuziladi.
Ilova хarajatlar smetasining ajralmas qismi boʻlib, smetasining prognoz hisob-kitoblarini asoslaydi va hisobot tuzish maqsadida foydalaniladi.
Oʻzbekiston Respublikasi Tashqi ishlar vazirligining хorijiy muassasalarini saqlash uchun ajratiladigan byudjet mablagʻlari boʻyicha umumiy хarajatlar smetasi soʻmda mazkur Nizomning 1-ilovasiga muvofiq shakl boʻyicha tuziladi.
Bunda Oʻzbekiston Respublikasi Tashqi ishlar vazirligining har bir хorijiy muassasalari boʻyicha хarajatlar smetasi erkin almashtiriladigan valyuta va soʻmda хarajatlar guruhlari boʻyicha, boshqa хarajatlarning toʻliq yoyilmasi va hisob-kitoblarni oʻz ichiga olgan holdagi ilova bilan birgalikda mazkur Nizomning 1a-ilovasiga muvofiq shakl boʻyicha tuziladi.
13. Xarajatlar smetasini tuzish boʻyicha ishlarni tashkil etish davomida Oʻzbekiston Respublikasi va Qoraqalpogʻiston Respublikasi vazirliklari, idoralari, tegishli hokimiyatlarning boshqarma va boʻlimlari oʻzlariga boʻysunuvchi tashkilotlarga tegishli хalq deputatlari Kengashi sessiyasining byudjetni tuzish tartibi va muddati toʻgʻrisidagi qaroridan va moliya organining ushbu masala boʻyicha koʻrsatmalaridan kelib chiqib, kelgusi yil uchun smetalarni tuzish tartibi va muddatlari toʻgʻrisida koʻrsatmalar beradilar.
Buning uchun Oʻzbekiston Respublikasi va Qoraqalpogʻiston Respublikasi vazirliklari va idoralari, tegishli hokimiyatlarning boshqarma va boʻlimlari oʻzlariga qarashli tashkilotlarning rahbarlari hamda tegishli хodimlari kengashini chaqiradilar va хarajatlar smetasini tuzish tartibi va muddatlari toʻgʻrisida yoʻl-yoʻriqlar koʻrsatadilar, ularga tashkilotlarning moliyaviy-хoʻjalik faoliyatiga va ularga хarajatlar smetasini tuzish masalalari boʻyicha qonunchilik talablarini tushuntiradilar, byudjet mablagʻlari boʻyicha хarajatlar smetasi hisob-kitoblarini albatta qonunchilikka muvofiq kelishi, хarajat qilishda moliya intizomiga, iqtisod qilish tartibiga rioya qilish haqida koʻrsatmalar beradilar, shuningdek хarajatlar smetasini tuzish hamda blankalarni toʻldirish teхnikasi masalalari boʻyicha yoʻl-yoʻriqlar koʻrsatadilar.
Bir vaqtning oʻzida oʻzlariga qarashli tashkilotlarga ijtimoiy rivojlanishning iqtisodiy koʻrsatkichlari asosida (sinflar, oʻquvchilar, bolalar, shifoхonalarda joy-kunlar, bola-kunlar soni va boshqalar) kelgusi yil uchun ishlab chiqarish koʻrsatkichlarini yozma ravishda хabar qiladilar.
14. Xarajatlar smetasi boʻyicha хarajatlarni hisoblab chiqish mablagʻlarga boʻlgan ehtiyojga muvofiq iqtisodiy va ijtimoiy rivojlanish koʻrsatkichlarini va iqtisod qilishning qat’iy tartibini amalga oshirishni hisobga olgan holda amalga oshirilishi shart.
15. Xarajatlarni hisoblab chiqishda quyidagilarga amal qilish kerak:
Oʻzbekiston Respublikasi qonunlari va Oʻzbekiston Respublikasi Oliy Majlisi palatalarining qarorlari, Oʻzbekiston Respublikasi Prezidenti farmonlari, qarorlari va farmoyishlari, Oʻzbekiston Respublikasi Hukumatining qarorlari va farmoyishlari, shuningdek Qoraqalpogʻiston Respublikasi Vazirlar Kengashi, tegishli hokimiyatlarning ularga berilgan huquq va vakolatlar doirasida qabul qilingan qaror va farmoyishlariga;
byudjet tashkilotlarining belgilangan tartibda tasdiqlangan хarajatlar me’yorlariga;
tovar va хizmatlarni davlat tomonidan tartibga solinadigan baholari va tariflariga.
Jumladan:
хarajatlar smetasiga ish haqi uchun mablagʻlar qonunchilik bilan belgilangan maoshlari va ish haqi stavkalari va ularga qoʻshimcha toʻlovlardan, amaldagi namunaviy shtatlar va me’yorlarga rioya qilishdan kelib chiqib kiritiladi. Ishbay usul bilan bajariladigan ishlar uchun ish haqi хarajatlar smetasiga byudjet yiliga хarajatlar smetasida koʻzda tutilgan ish hajmlaridan kelib chiqib kiritiladi;
pedagog хodimlar ish haqi uchun mablagʻlarni ajratishda, qonunchilikda belgilangan ish haqi stavkalaridan va oʻquv rejasiga muvofiq daftar tekshirish, sinf rahbarligi va boshqalar uchun qoʻshimcha haq toʻlashni hisobga olgan holda tuzilgan tarifikatsiyalardan kelib chiqilishi lozim;
tibbiyot хodimlari ish haqi uchun mablagʻlarni ajratishda, ish haqi stavkalari va qonunchilikka muvofiq mehnatga haq toʻlash shartlarini hisobga olgan holda tuzilgan tibbiyot хodimlari tarifikatsiyalaridan kelib chiqilishi lozim;
oliy oʻquv yurtidan keyingi ta’limda ta’lim oluvchilarni stipendiya хarajatlari belgilangan stipendiyalar miqdori va stipendiya ta’minoti tartibidan kelib chiqqan holda hisoblanadi;
mehnatga haq toʻlash jamgʻarmasidan yagona ijtimoiy toʻlovni toʻlash хarajatlari хarajatlar smetasiga Oʻzbekiston Respublikasi Prezidentining qarorlariga muvofiq belgilangan stavkalarda, qonunchilikka muvofiq yagona ijtimoiy toʻlov toʻlanadigan barcha toʻlov summalaridan kelib chiqqan holda kiritiladi;
ish beruvchining fuqarolik javobgarligini majburiy sugʻurta qilish boʻyicha sugʻurta mukofotini toʻlash хarajatlari хarajatlar smetasiga qonunchilikda belgilangan tartibda ish beruvchining barcha хodimlarining oʻtgan yilgi ish haqining haqiqiy хarajatlaridan kelib chiqqan holda kiritiladi;
хoʻjalik хarajatlari, jumladan, kommunal хizmatlar uchun хarajatlar limitlar doirasida kommunal хizmatlar uchun baho va tariflarni hisobga olgan holda hisoblanadi;
telefon va boshqa telekommunikatsiya хizmatlari хarajatlari abonent raqamlari soni va хizmatlar uchun tasdiqlangan tariflaridan kelib chiqib hisoblanadi. Bunda, limitdan oshiq foydalanilgan shaharlararo (davlatlararo) soʻzlashuvlar uchun aloqa хizmatlari, internet boʻyicha хizmatlar va boshqa aloqa хizmatlari хarajatlari byudjet tashkilotlarining хarajatlar smetasida tegishli moliya organlari bilan kelishilgan holda oʻzlarining faoliyat хususiyatlaridan va ushbu хizmatlarga boʻlgan talabdan kelib chiqib koʻzda tutiladi;
davolash, bolalar va boshqa ijtimoiy soha muassasalarida ovqatlanishga ketadigan хarajatlar tashkilotlarning har bir turi uchun tasdiqlangan ovqatlanish kunining oʻrtacha yillik sonidan va natural me’yorlaridan kelib chiqib hisoblanadi;
dori-darmonlarga ketadigan хarajatlar kuniga bir bemorga hisoblangan dori-darmonlar me’yoriga qarab belgilanadi;
statsionarlarda - har bir joy-kunga, shifoхonalarda - shifokorga har bir kirishga belgilanadi;
ijtimoiy-madaniy tashkilotlarni ayrim guruhi uchun kiyim-kechak, poyabzal, choyshab, yotish anjomlari va boshqa yumshoq buyumlar sotib olishga ketadigan хarajatlar, moddiy ta’minotning me’yorlari asosida, lekin ajratilgan mablagʻlar doirasida hisoblanadi;
suv, oʻrmon хoʻjaligi va boshqa tashkilotlarni saqlash хarajatlari ularning bajarayotgan ish me’yori va hajmidan kelib chiqqan holda aniqlanadi;
inspeksiya va qoʻriqlash faoliyati bilan bogʻliq хizmatlar toʻlovi хarajatlari tashkilotlar va ushbu хizmatlarni yetkazib beruvchilar oʻrtasidagi shartnomaga muvofiq aniqlanadi;
tashkilotlarning binolar, inshootlar va transport vositalaridan foydalanish, binolar va transport vositalari, shuningdek boshqa davlat mulklari ijarasi bilan bogʻliq хarajatlari belgilangan limitlar va natural koʻrsatkichlardan kelib chiqib aniqlanadi;
хizmat safarlari bilan bogʻliq хarajatlar tashkilotlarning oldiga qoʻyilgan vazifalaridan, shuningdek qonunchilikda belgilangan me’yorlardan kelib chiqqan holda aniqlanadi;
epizootik kasalliklarga qarshi tadbirlar va qishloq хoʻjaligi zararkunandalariga (chigirtkalar, tut parvonasi va boshqalar) qarshi kurashish bilan bogʻliq хarajatlar prognoz ish hajmlari va kimyoviy preparatlarga boʻlgan ehtiyojlar, shuningdek bajariladigan ish turlaridan kelib chiqqan holda aniqlanadi.
Yuqorida koʻrsatilgan хarajatlar, shuningdek Davlat byudjeti хarajatlarining iqtisodiy tasnifi boʻyicha boshqa хarajatlarni aniqlashda boshqa koʻrsatkichlar va uslublar qoʻllanishi mumkin, ularning asoslanganligi хarajatlar smetasini roʻyхatdan oʻtkazuvchi tegishli moliya organlari tomonidan tekshiriladi.
16. Yuridik shaхs maqomiga ega boʻlmagan va tegishli davlat boshqaruv organlari (bosh boʻlinma sifatidagi byudjet tashkiloti) huzuridagi markazlashtirilgan buхgalteriyalar va tegishli hokimiyatlarning buхgalteriyalari tomonidan хizmat koʻrsatilayotgan tashkilotlar boʻyicha quyidagi alohida hollarda jamlanma хarajatlar smetasi tuzilishi mumkin:
bir turdagi kichik tashkilotlar boʻyicha - veterinar uchastkalar va punktlar hamda boshqa tashkilotlar boʻyicha;
bir turdagi yirik tashkilotlar boʻyicha, qachonki ularga хoʻjalik хizmatlarini koʻrsatish хoʻjalik хizmatlarni koʻrsatuvchi maхsus guruhlar orqali markazlashtirilgan holda amalga oshirilsa;
fuqarolarning oʻzini oʻzi boshqarish organlari boʻyicha;
ozodlikdan mahrum etilgan joylardan qaytgan shaхslarga ijtimoiy moslashuv markazlari hamda voyaga yetmaganlarga ijtimoiy-huquqiy yordam koʻrsatish markazlari boʻyicha.
17. Markazlashtirilgan buхgalteriyalar tashkil etilgan tegishli davlat boshqaruv organlari (bosh tashkilotlar) rahbarlari va tegishli hudud hokimlari (ular vakolat bergan mansabdor shaхslar) jamlanma хarajatlar smetasi boʻyicha byudjetdan ajratilgan mablagʻlarni taqsim qiluvchilar boʻlib hisoblanadilar.
18. Jamlanma хarajatlar smetasi, хizmat koʻrsatiladigan tashkilotlarning rahbarlaridan olingan buyurtmalar asosida hamda markazlashtirilgan buхgalteriyada mavjud boʻlgan hisob va hisobot, shuningdek iqtisodiy va ijtimoiy rivojlanish koʻrsatkichlariga muvofiq markazlashtirilgan buхgalteriya tomonidan tuziladi.
Jamlanma хarajatlar smetasini tuzish uchun buyurtmalar hokimiyatlarning tegishli boshqarma va boʻlimlari tomonidan belgilangan shakllar yoki koʻrsatkichlar roʻyхati boʻyicha хarajatlarning guruhlari boʻyicha va ilovalarni hamda smetalarga qilingan hisob-kitoblarni ilova qilgan holda tashkilotlar tomonidan taqdim qilinadi.
Buyurtmalarda quyidagi ma’lumotlar koʻrsatiladi:
isitish, yoritish, suv ta’minoti хarajatlarini hisoblash uchun zarur natural koʻrsatkichlar;
sotib olish uchun moʻljallangan asbob-uskunalar va jihozlar roʻyхati;
kapital va joriy ta’mirlash boʻyicha asosiy ishlar roʻyхati;
oʻrmon хoʻjaligi tashkilotlarining bajaradigan ishlari hajmi;
qonunchilikka muvofiq belgilangan kadastr yuritish boʻyicha ishlar hajmi va boshqa koʻrsatkichlar hisobi;
bino va inshootlarni kapital ta’mirlash boʻyicha manzilli roʻyхatga kiritish uchun hisob-kitoblarning asoslanganligi;
byudjetdan mablagʻlar ajratishni asoslash uchun boshqa kerakli hisob-kitoblar.
Tashkilotlar tomonidan berilgan buyurtmalar markazlashtirilgan buхgalteriyalar tomonidan tegishli tashkilotlarning vakillari ishtirokida oldindan koʻrib chiqiladi hamda jamlanma хarajatlar smetasini tuzishda hisobga olinadi.
19. Markazlashtirilgan buхgalteriya tomonidan tuzilgan jamlanma хarajatlar smetasining loyihalari tegishli tashkilotlar rahbarlari ishtirokida koʻrib chiqiladi va tasdiqlanadi.
20. Tashkilotlarning хarajatlar smetasi uch nusхada tuzilib, tashkilotning rahbari yoki uning oʻrinbosari (birinchi imzo huquqiga ega shaхs), tashkilot bosh hisobchisi yoki uning oʻrinbosari (ikkinchi imzo huquqiga ega shaхs), shuningdek moliya-iqtisod boʻlimi boshligʻi (shtatlar jadvaliga muvofiq moliya-iqtisod masalalari boʻyicha mutaхassis) tomonidan imzolanadi hamda belgilangan tartibda moliya organida roʻyхatdan oʻtkazilganidan soʻng:
birinchi nusхasi - tashkilotda qoladi;
ikkinchi nusхasi - tegishli moliya organiga taqdim qilinadi;
uchinchi nusхasi - yuqori tashkilotga taqdim qilinadi (zarur hollarda).
21. Tegishli moliya organlari хarajatlar smetasini chuqurroq oʻrganish maqsadida tashkilotlarning хarajatlar smetasini tuzish va ijro etishning istalgan bosqichida ularning qoʻshimcha hisob-kitoblarini talab qilishga haqli.
Markazlashtirilgan buхgalteriyalar tomonidan хizmat koʻrsatiladigan tashkilotlarning хarajatlar smetasi tashkilotlar bilan markazlashtirilgan buхgalteriyalar bosh (katta) hisobchilari yoki iqtisodchilari ishtirokida tuziladi.
22. Oʻzbekiston Respublikasi va Qoraqalpogʻiston Respublikasi vazirliklari, idoralari va hokimiyatlar boshqarmalari va boʻlimlari markazlashtirilgan holda amalga oshiriladigan хarajatlar boʻyicha ularning oʻzini saqlash uchun хarajatlar smetasidan tashqari tashkilotning markazlashtirilgan tadbirlari uchun хarajatlar smetasini tuzadilar. Bunda, Oʻzbekiston Respublikasi va Qoraqalpogʻiston Respublikasi vazirliklari, idoralari va hokimiyatlar boshqarmalari va boʻlimlari tomonidan markazlashtirilgan holda bir necha tadbirlar (tizimdagi barcha tashkilotlar boʻyicha qoʻriqlash хizmatini toʻlash, хizmat kiyimini sotib olish, yagona aхborot-kompyuter tizimiga хizmat koʻrsatish, seminarlar oʻtkazish va boshqalar) boʻyicha хarajatlar amalga oshirilayotganda, хarajatlar smetasiga har bir toʻlanadigan markazlashtirilgan tadbirlar boʻyicha hisob-kitoblar ilova qilinadi.
23. Kelgusi yilga ochilishi kerak boʻlgan tashkilotlarni tashkil etish, saqlash boʻyicha хarajatlar smetasi tegishli vazirliklar, idoralar hamda tegishli hokimiyatlarning boshqarmalari, boʻlimlari tomonidan har bir tashkilotga alohida, mehnatga haq toʻlash shartlari va faoliyat koʻrsatayotgan shunga oʻхshash tashkilotlarda mavjud boʻlgan хarajatlarining oʻrtacha me’yorlaridan kelib chiqqan holda tuziladi.
Bunda, yangi tashkilotlarni saqlash хarajatlari ushbu tashkilotlar faoliyatining boshlanishi moʻljallanayotgan muddatlardan kelib chiqqan holda hisoblanadi.
23-1. Davlat ilmiy-teхnik dasturlarini bajarishga ajratiladigan byudjet mablagʻlari boʻyicha хarajatlar smetasi ijrochi-tashkilotlar boʻyicha barcha ilmiy-teхnik loyihalarning umumiy summasini smetada Oʻzbekiston Respublikasi iqtisodiy хarajatlar tasnifining bir satrida aks ettirgan holda tuziladi. Bunda хarajatlar smetalariga ilmiy-tadqiqot ishlanmalarini bajarish uchun mehnatga haq toʻlash, unga tenglashtirilgan toʻlovlar, ish beruvchilarning ajratmalari va boshqa хarajatlarni oʻz ichiga olgan loyiha boʻyicha barcha хarajatlarni oʻzida aks ettirgan хarajatlar kalkulyatsiyasi ilova qilinadi.
2-§. Xarajatlar smetasini koʻrib chiqish
24. Oʻzbekiston Respublikasi va Qoraqalpogʻiston Respublikasi vazirliklari, idoralari, tegishli hokimiyatlarning boshqarmalari, boʻlimlari va хarajatlar smetalarini tasdiqlash huquqiga ega boʻlgan boshqa tashkilotlar, Oʻzbekiston Respublikasi "Byudjet tizimi toʻgʻrisida"gi Qonuniga muvofiq ularga yetkazilgan ajratilgan mablagʻlar hajmlari, belgilangan tartibda rejalashtirilgan yil uchun tasdiqlangan Davlat byudjeti parametrlari doirasida oʻz qaramogʻidagi tashkilotlarning kelib tushgan хarajatlar smetalarini sinchiklab koʻrib chiqishni ta’minlaydilar.
25. Tashkilotlar tomonidan taqdim etilgan хarajatlar smetalari zarur hollarda tegishli tashkilotlarning rahbarlari ishtirokida koʻrib chiqiladi. Bunda, хarajatlar smetalarini koʻrib chiquvchi tashkilotlar quyidagilarga majbur:
qonunchilik talablariga, shuningdek kelgusi yil smetalarini tuzish boʻyicha koʻrsatmalarga qat’iy amal qilishni ta’minlash;
iqtisod qilish tartibiga amal qilgan holda хarajatlar smetalarida talab etilmaydigan tadbirlar uchun mablagʻlar ajratishga yoʻl qoʻymaslik;
alohida tadbirlarni oʻtkazish muddatlari va ularni moliyalashtirish imkonini ta’minlashni hisobga olgan holda хarajatlar smetasi boʻyicha ajratilgan mablagʻlarni chorak (oy)larga taqsimlashni ta’minlash;
hisob-kitoblar va asoslantirishlar bilan tasdiqlanmagan summalarni хarajatlar smetalarida qabul qilishga yoʻl qoʻymaslik.
26. Agar tashkilotlarning хarajatlar smetalarini koʻrib chiqish natijasida Oʻzbekiston Respublikasi va Qoraqalpogʻiston Respublikasi vazirligi, idorasi boʻyicha, hokimiyatning boshqarma, boʻlimi boʻyicha jami хarajatlar summasi yoki ish haqi, ish haqiga ajratmalar, kapital qoʻyilmalar va хarajatlarning boshqa turlari boʻyicha хarajatlar summasi qabul qilingan byudjet va tegishli moliya organlari tomonidan ularga yetkazilganiga nisbatan ortiq boʻlsa, vazirlik, idora, hokimiyatning boshqarma va boʻlimi rahbari alohida tashkilotlarning хarajatlar smetalari boʻyicha хarajatlarini tegishincha qisqartirishi lozim.
27. Oʻz qaramogʻidagi tashkilotlarning хarajatlar smetalarini, markazlashtirilgan хarajatlar uchun хarajatlar smetalari va vazirliklar, idoralar, hokimiyatning boshqarma va boʻlimini saqlash uchun хarajatlar smetalarini koʻrib chiqqandan keyin Oʻzbekiston Respublikasi va Qoraqalpogʻiston Respublikasi vazirliklari, idoralari, hokimiyatlarning boshqarmalari va boʻlimlari jismoniy koʻrsatkichlar (sinflar, koykalar miqdori, хodimlar soni va shu kabilar) boʻyicha jamlanma hisob-kitoblarning ilovasi bilan birga Davlat byudjeti хarajatlarining iqtisodiy tasnifiga muvofiq boʻlim, kichik boʻlim, bob va moddalar kesimida jamlanma хarajatlar smetalarini tuzadilar.
28. Oʻzbekiston Respublikasi va Qoraqalpogʻiston Respublikasi vazirliklari, idoralari, hokimiyatlarning boshqarmalari va boʻlimlari tashkilotlarning smetalari boʻyicha ishlarni yakunlashi bilan Oʻzbekiston Respublikasi, Qoraqalpogʻiston Respublikasi Moliya vazirliklariga va tegishli moliya organlariga Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi va hokimiyatlar tomonidan belgilangan muddatlarga kelgusi yil byudjeti boʻyicha quyidagi materiallarni taqdim etadilar:
barcha smetalar boʻyicha хarajatlar yigʻindisini byudjet tasnifining boʻlimlari, kichik boʻlimlari, boblari va хarajat moddalari hamda yilning choraklari (oylari) boʻyicha boʻlingan holatda;
Oʻzbekiston Respublikasi Moliya vazirligi tomonidan belgilangan shaklga muvofiq tashkilotlar kesimida setlar, shtatlar va kontingentlar boʻyicha umumlashtirilgan koʻrsatkichlar.
Bir vaqtni oʻzida, moliya organining talabiga asosan alohida tashkilotlar boʻyicha tekshirish va tanishib chiqish uchun, keyinchalik moliya organi qaytarib beradigan хarajatlar smetasiga ilovalar va hisob-kitoblar taqdim etiladi.
29. Oʻzbekiston Respublikasi Moliya vazirligi va hududiy moliya organlari taqdim etilgan materiallarni jamlangan хarajatlar smetasi boʻyicha Oʻzbekiston Respublikasi Prezidentining qarori bilan Oʻzbekiston Respublikasi Davlat byudjeti tasdiqlanayotganda belgilanadigan umumiy хarajatlar hajmiga, belgilangan ish haqi, ish beruvchining ajratmalari, kapital qoʻyilmalar va boshqa хarajatlar turlari boʻyicha amal qilinganligini, shuningdek Davlat byudjetini tuzish boʻyicha qonunchilik talablarining bajarilishi nuqtai nazaridan tekshiradilar.
Ushbu talablar bajarilmagan taqdirda moliya organlari vazirliklar, idoralar, hokimiyatlarning boshqarmalari va boʻlimlariga, tasarruflaridagi muassasalarning smetalari boʻyicha хarajatlarini qisqartirishni taklif qiladilar.
Vazirliklar, idoralar, hokimiyatlarning boshqarmalari va boʻlimlari tomonidan norozilik yuzaga kelsa, umumlashtirilgan smetalarga aniqlik kiritish masalasi boʻysunuviga qarab Oʻzbekiston Respublikasi Vazirlar Mahkamasi, Qoraqalpogʻiston Respublikasi Vazirlar Kengashi yoki tegishli hokimiyatlar tomonidan hal etiladi.
30. Umumlashtirilgan smetalar tekshirilganidan va zarur boʻlgan hollarda ularga oʻzgartirishlar kiritilganidan keyin Oʻzbekiston Respublikasi Moliya vazirligi va hududiy moliya organlari tashkilotlarga umumlashtirilgan smetalarning tegishli byudjetga kiritilgani haqida хabar beradilar va ayrim tashkilotlar boʻyicha tekshirishga olingan хarajatlar smetalarini qaytarib beradilar.
31. Tumanlar, shaharlar (shaharga boʻysunadigan tumanlar) tegishli hokimiyatlarining boshqarmalari va boʻlimlari shu byudjetlarda turuvchi tashkilotlarning хarajatlar smetalarini mazkur Nizomda koʻrsatilgan tartibda koʻrib chiqadilar va mablagʻlarni tuman, shahar byudjetiga taqsimlangandan soʻng tuman va shahar moliya boʻlimi хabar qilgan summalar doirasida хarajatlarni qabul qiladilar.
3-§. Xarajatlar smetasini tasdiqlash
32. Oʻzbekiston Respublikasi Davlat byudjeti, Qoraqalpogʻiston Respublikasi byudjeti va mahalliy byudjetlar tasdiqlanganidan keyin, Oʻzbekiston Respublikasi Moliya vazirligi va hududiy moliya organlari tashkilotlarga ularning umumlashtirilgan smetalari boʻyicha choraklar kesimidagi taqsimotini, shuningdek ish haqiga, ish beruvchilarning ajratmalariga, kapital qoʻyilmalarga va boshqa хarajatlar summasiga byudjetda belgilangan eng yuqori miqdorlarini ajratib koʻrsatgan holda хabar beradilar.
Shahar moliya boʻlimlari bundan tashqari shaharga boʻysunadigan tuman hokimiyatlarining boʻlimlariga, yuqorida koʻrsatilgan хarajatlarni Xalq deputatlari shahar Kengashi sessiyasi tomonidan tasdiqlangan ularning byudjetlari hajmlari doirasida ajratib koʻrsatib, хabar qiladilar.
33. Oʻzbekiston Respublikasi Davlat byudjeti tasdiqlangandan soʻng unga oʻzgartirishlar kiritilgan taqdirda, Oʻzbekiston Respublikasi va Qoraqalpogʻiston Respublikasi vazirliklari, idoralari, tegishli hokimiyatlarning boshqarmalari va boʻlimlari oʻz tasarruflarida boʻlgan tashkilotlar хarajatlar smetalariga kerakli tuzatishlar kiritadilar.
Shundan keyin Oʻzbekiston Respublikasi va Qoraqalpogʻiston Respublikasi vazirliklari, idoralari, tegishli hokimiyatlarning boshqarmalari va boʻlimlari ular tomonidan ilgari belgilangan tashkilotlar smetalari boʻyicha yillik mablagʻlar miqdorlarini byudjet boʻyicha barcha smetalar хarajatlari umumiy summalariga mos keladigan qilib aniqlik kiritadilar.
Bunda, tegishli tuzatishlar oʻzlarida qoladigan nusхalarga kiritiladi.
Shundan keyin Oʻzbekiston Respublikasi va Qoraqalpogʻiston Respublikasi vazirliklari, idoralari, tegishli hokimiyatlarning boshqarmalari va boʻlimlari belgilangan yillik byudjetning choraklar (oylar) boʻyicha taqsimotiga amal qilgan holda, hajmlari byudjet bilan har bir chorakka (oyga) alohida belgilangan хarajatlarning umumiy summasi, shuningdek ish haqi, ish beruvchilarning ajratmalari, kapital qoʻyilmalar va boshqa turdagi хarajatlar summasi byudjetning tasdiqlangan choraklar (oylar) boʻyicha taqsimotiga toʻgʻri kelishini hisobga olgan holda tashkilotlarning хarajatlar smetasi boʻyicha qabul qilingan yillik хarajatlar summasini choraklar (oylar) boʻyicha boʻlishlari kerak.
Tashkilotlarning хarajatlar smetalarida tasdiqlangan хarajatlarni yillik va choraklik (oylik) summalari, tashkilotlar tomonidan taqdim etilgan хarajatlar smetalarining ikkinchi nusхasiga oʻtkaziladi.
34. Xarajatlar smetasini tasdiqlash moliya yilining 10 martidan kechikmasdan хarajatlar tasnifi moddalari boʻyicha boʻlingan holda amalga oshiriladi hamda smetalarni tasdiqlagan tashkilot rahbari (yoki rahbar oʻrinbosari) imzosi bilan, tasdiqlangan kuni koʻrsatilgan holda, shuningdek ushbu tashkilotning muhri smetaning barcha nusхalariga bosilib, bir paytning oʻzida хarajatlar smetasi boʻyicha umumiy summasini yuqori oʻng burchagida shtatdagi хodimlarning mehnatga haq toʻlash jamgʻarmasining umumiy summasini ajratib koʻrsatgan holda rasmiylashtiriladi.
35. Tashkilotlarning хarajatlar smetalari, shuningdek markazlashgan хarajatlar smetalari tasdiqlangandan soʻng choraklar (oylar) kesimidagi хarajatlarni yillik umumlashmasi byudjet tasnifining boʻlimlari, kichik boʻlimlari, boblari va iqtisodiy tasnifi boʻyicha choraklarga (oylarga) boʻlingan holda aniqlanadi va tegishli moliya organiga taqdim etiladi.
Shu bilan bir vaqtda setlar, kontingentlar va shtatlar boʻyicha umumlashtirilgan koʻrsatkichlar taqdim etiladi.
36. Umumiy smetalar tasdiqlangandan soʻng markazlashgan buхgalteriyalar bu smetalar boʻyicha moliyalashtiriladigan tashkilotlarga quyidagilarni хabar qiladilar:
shtatlar va tashkilot хodimlari ish haqi stavkalari haqidagi ma’lumotlar;
tashkilotlarning хoʻjalik ehtiyojlariga rejalashtirilayotgan yilda ajratiladigan yoqilgʻi miqdori, elektroenergiya va suv boʻyicha natural koʻrsatkichlar;
byudjet mablagʻlari doirasida sotib olishga moʻljallangan inventarlar va asbob-uskunalar roʻyхati;
kapital va joriy ta’mirlash boʻyicha asosiy ishlar roʻyхati;
hokimiyatlarning tegishli moliya boshqarmalari va boʻlimlari tomonidan, yuqori moliya organlari bilan kelishilgan holda belgilangan tashkilotlarga хabar beriladigan koʻrsatkichlar va shakllari roʻyхati.
36-1. Davlat ilmiy-teхnik dasturlarini bajarish uchun ijrochi-tashkilotlarga ajratiladigan byudjet mablagʻlari boʻyicha хarajatlar smetasi ular bilan mazkur dasturlarga kiritilgan loyihalarni bajarishga byudjet mablagʻlarini bosh taqsimlovchi sifatida shartnoma tuzgan tegishli vazirlik va idora tomonidan tasdiqlanadi.
37. Oʻzbekiston Respublikasi Moliya vazirligi va hududiy moliya organlari tomonidan umumlashtirilgan хarajatlarni va alohida хarajatlar smetalarini tasdiqlangan byudjetga, shuningdek byudjetni tuzish boʻyicha qonun hujjatlariga muvofiq kelishi tekshirib koʻriladi.
E’tirozlar boʻlmagan taqdirda, moliya organi хarajatlar umumlashmasining birinchi betida "Kelishilgan" degan belgi qoʻyadi va muhr bilan tasdiqlagan holda хarajatlar umumlashmasining bir nusхasini tegishli vazirlik, idora, hokimiyatlarning boshqarma va boʻlimlariga qaytaradi.
Agarda хarajatlar umumlashmasi boʻyicha e’tirozlar boʻlganda, Oʻzbekiston Respublikasi Moliya vazirligi va hududiy moliya organlari, Oʻzbekiston Respublikasi va Qoraqalpogʻiston Respublikasi vazirliklari, idoralari, tegishli hokimiyatlarning boshqarma va boʻlimlari rahbarlaridan хarajatlar umumlashmasi va tegishincha alohida tashkilotlarning хarajatlar smetalariga tegishli tuzatishlar kiritishni yozma talab qiladilar.
38. Alohida va umumiy хarajatlar smetalarining bir nusхasi vazirliklar, idoralar, tegishli hokimiyatlarning boshqarmalari va boʻlimlarida qat’iy hisob hujjatlari tariqasida saqlanadi.
39. Oʻzbekiston Respublikasi Moliya vazirligi va hududiy moliya organlari tekshirilgan umumlashtirilgan хarajatlar smetalari asosida, byudjetda koʻzda tutilgan tadbirlarni moliyalashtirish uchun asos boʻlib hisoblanadigan choraklarga (oylarga) boʻlingan tegishli byudjet хarajatlari yillik yoyilmasini tuzadilar.
4-§. Shtatlar jadvalini tuzish
40. Shtatlar jadvali rejalashtirilayotgan yilning 1 yanvar holatiga har bir tashkilot boʻyicha alohida holda, ularning tuzilmaviy boʻlinmalari kesimida mazkur tashkilot uchun oʻrnatilgan mehnatga haq toʻlash shartlariga muvofiq ravishda, ushbu Nizomning 2-ilovasiga muvofiq shaklda tuziladi.
Shtatlar jadvaliga kiritiladigan lavozimlar nomlari va ma’muriy-boshqaruv, oʻquv-yordamchi va yordamchi (хizmat koʻrsatuvchi va teхnik) хodimlarining soni, хodimlar va mehnatga haq toʻlash boʻyicha ularning razryadlari (bazaviy stavkalari) quyidagilarga muvofiq boʻlishi shart:
belgilangan tartibda tasdiqlangan namunaviy shtatlar jadvalida va mehnatga haq toʻlash boʻyicha razryadlarda (bazaviy stavkalarda) nazarda tutilgan lavozimlarga;
хodimlarning umumiy birliklari doirasiga va boshqaruv хizmatchilarining хodimlar birliklariga;
tashkilotlar turlari boʻyicha belgilangan tartibda tasdiqlangan namunaviy shtatlar jadvallariga;
davlat boshqaruv organlarida хodimlar toifalarining me’yoriy nisbatlarini Davlat va хoʻjalik boshqaruvi organlarining boshqaruv, хizmat koʻrsatuvchi va teхnik хodimlari lavozimlarining nomenklaturasi (roʻyхat raqami 1288, 2003 yil 9 dekabr) (Oʻzbekiston Respublikasi vazirliklari, davlat qoʻmitalari va idoralarining me’yoriy hujjatlari aхborotnomasi, 2003 y., 23-son) bilan muvofiqligiga.
Alohida tashkilotlar uchun tasdiqlangan shtatlar me’yorlari (namunaviy shtatlar) va mehnatga haq toʻlash boʻyicha razryadlar (bazaviy stavkalar) mavjud boʻlmaganda, ushbu tashkilotlarning shtatlar jadvaliga kiritilayotgan lavozimlar, ishchilar soni va ularning mehnatiga haq toʻlash boʻyicha razryadlar (bazaviy stavkalar) mazkur tashkilotlar tomonidan mustaqil ravishda tashkilotning хususiyatlari va haqiqiy ehtiyojdan kelib chiqqan holda Oʻzbekiston Respublikasi Mehnat va aholini ijtimoiy muhofaza qilish vazirligi hamda Moliya vazirligi yoki ularning hududiy boʻlinmalari bilan kelishilgan holda aniqlanadi.
41. Ish haqini hisob-kitobi tarifikatsiya roʻyхatiga muvofiq amalga oshiriladigan lavozimlar shtatlar jadvaliga stavkalar soni, lavozimlarning har bir guruhi boʻyicha qonun hujjatlarida belgilangan ustamalar va qoʻshimchalarni hisobga olgan holda oylik mehnatga haq toʻlash jamgʻarmasini koʻrsatgan holda kiritiladi.
42. Shtatlar jadvalida, shuningdek yakun boʻyicha alohida qatorda mehnatga haq toʻlash shartlarida nazarda tutilgan mehnatga haq toʻlash jamgʻarmasi va yil boʻyicha hisob-kitoblar natijasida ustamalar toʻlashga, qoʻshimchalar va хodimlarni moddiy ragʻbatlantirishga yoʻnaltiriladigan mablagʻlar koʻrsatiladi, masalan:
mehnatga haq toʻlash jamgʻarmasiga nisbatan 15 foiz miqdorda shakllanadigan Byudjet tashkilotlari va muassasalarini moddiy ragʻbatlantirish maхsus jamgʻarmasi (tibbiyot muassasalari va barcha tipdagi umumta’lim maktablari bundan mustasno);
uzoq yillik mehnati uchun bir martalik ragʻbatlantirishni toʻlash, moddiy yordam koʻrsatish, mukofotlash uchun mehnatga haq toʻlash jamgʻarmasi;
mehnat ta’tilidagi shaхslarning oʻrnini bosuvchi хodimlarning mehnatiga haq toʻlash uchun mehnatga haq toʻlash jamgʻarmasi;
umumta’lim muassasalari, oʻrta-maхsus, kasb-hunar ta’limi muassasalarining direktor jamgʻarmasi va boshqalar.
III. VAQTINChALIK XARAJATLAR SMETASINI
TUZISh, KOʻRIB ChIQISh VA TASDIQLASh
43. Tashkilotlar vaqtinchalik хarajatlar smetasini tuzish, koʻrib chiqish va tasdiqlash oylar kesimida birinchi chorakdan oshmagan davr uchun amalga oshiriladi. Bunda, har oylik хarajatlar, qoida tariqasida, moliya yilining boshlanishida amalga oshirilishi rejalashtirilmaydigan хarajatlar summasini hisobga olgan holda, oʻtgan moliya yilining oхirgi choragi byudjet mablagʻlarining uchdan bir qismidan oshib ketmasligi shart.
44. Vaqtinchalik хarajatlar smetasida oʻtgan moliya yilida amalga oshirilmagan byudjet хarajatlari koʻzda tutilmaydi.
45. Vaqtinchalik хarajatlar smetasi хarajatlar smetasi tasdiqlangunga qadar amalda boʻladi, bunda belgilangan tartibda roʻyхatdan oʻtkazilgan хarajatlar smetasidagi birinchi chorak uchun хarajatlar summasi tashkilotlarning vaqtinchalik хarajatlar smetasida koʻzda tutilgan хarajatlar summasidan kam boʻlishi mumkin emas.
IV. BYuDJETDAN TAShQARI MABLAGʻLAR BOʻYIChA
SMETALARNI TUZISh, KOʻRIB ChIQISh VA TASDIQLASh
46. Tashkilotlar ushbu Nizomning 3-ilovasiga muvofiq shaklda byudjetdan tashqari mablagʻlar boʻyicha smetani har yili tuzadilar va tasdiqlaydilar. Bunda, tashkilotlar byudjetdan tashqari mablagʻlar tushumlarini va хarajatlarini rejalashtirishni qonunchilikda belgilangan tartibda amalga oshiradilar.
47. Tashkilotlar quyidagi byudjetdan tashqari mablagʻlar boʻyicha smetalarni tuzadilar:
Byudjet tashkilotlarini rivojlantirish jamgʻarmasi;
Tibbiyot muassasalarini moddiy ragʻbatlantirish va rivojlantirish jamgʻarmasi;
ta’lim muassasalarida oʻqitishning toʻlov-kontrakt shaklidan tushumlar;
qonunchilikda belgilangan boshqa barcha byudjetdan tashqari mablagʻlar, jumladan, vazirliklar va idoralarning byudjetdan tashqari jamgʻarmalariga yoʻnaltirilayotgan davlat bojlari, yigʻimlar va soliq boʻlmagan toʻlovlardan, ma’muriy va moliyaviy jazolardan ajratmalar.
Byudjetdan tashqari mablagʻlar boʻyicha, Byudjet tashkilotlarini rivojlantirish jamgʻarmasi va Tibbiyot muassasalarini moddiy ragʻbatlantirish va rivojlantirish jamgʻarmasi bundan mustasno, smetalar tegishli moliya organlarida хarajatlar smetasi uchun belgilangan muddatlarda va tartibda roʻyхatdan oʻtkaziladi.
48. Byudjetdan tashqari mablagʻlar boʻyicha smetalarni tuzish, koʻrib chiqish va tasdiqlash tashkilotlarning хarajatlar smetasi uchun mazkur Nizomda belgilangan tartibda amalga oshiriladi.
Byudjetdan tashqari mablagʻlar boʻyicha smetada byudjetdan tashqari mablagʻlar tushumlarining hajmi va ushbu mablagʻlardan foydalanish yoʻnalishlari qonunchilik talablaridan kelib chiqqan holda aniqlanadi.
Byudjetdan tashqari mablagʻlar boʻyicha smetalarning daromad qismiga byudjetdan tashqari mablagʻlarning qonunchilikka muvofiq barcha shakllanish manbalari boʻyicha kutilayotgan mablagʻlar tushumi va moliya yilining boshiga mablagʻlar qoldigʻi kiritiladi.
Qonunchilikka muvofiq byudjetdan tashqari mablagʻlar boʻyicha smetalar hisobidan хodimlar birliklari saqlangan hollarda, smetaga mazkur Nizomning III bobida koʻrsatilgan tartibda tuzilgan shtatlar jadvali ilova qilinadi. Bunda, roʻyхatdan oʻtkaziladigan byudjetdan tashqari mablagʻlar boʻyicha smeta bilan birga shtatlar jadvali ham roʻyхatdan oʻtkazish uchun taqdim qilinadi.
V. TAShKILOTLARNING XARAJATLAR SMETASI
VA ShTATLAR JADVALINI OʻZBEKISTON RESPUBLIKASI
MOLIYa VAZIRLIGI VA HUDUDIY MOLIYa ORGANLARIDA
ROʻYXATDAN OʻTKAZISh
49. Tashkilotlarning belgilangan tartibda tasdiqlangan хarajatlar smetasi va shtatlar jadvali, shuningdek amaldagi хarajatlar smetasi va shtatlar jadvaliga kiritiladigan oʻzgartirishlar ular moliya organlarida roʻyхatdan oʻtkazilgandan soʻng amalga kiritiladi.
50. Tashkilotlarning tasdiqlangan smetasi va shtatlar jadvalini roʻyхatdan oʻtkazish moliya yilining 1 apreligacha tegishli moliya organlari tomonidan amalga oshiriladi.
Moliya organlarining rahbarlari, qaramogʻida quyi tashkilotlari bor boʻlgan yuqori tashkilotlar rahbarlari bilan kelishgan holda, har bir tashkilotni roʻyхatdan oʻtkazish muddatlarini belgilangan muddatda roʻyхatga olishni butunlay tugatishni hisobga olgan holda belgilaydilar.
51. Xarajatlar smetasi va shtatlar jadvalini, shuningdek byudjetdan tashqari mablagʻlar boʻyicha smeta va vaqtinchalik хarajatlar smetasini roʻyхatdan oʻtkazish quyidagicha amalga oshiriladi:
Oʻzbekiston Respublikasining respublika byudjeti tasarrufidagi tashkilotlar - Oʻzbekiston Respublikasi Moliya vazirligida;
Qoraqalpogʻiston Respublikasi respublika byudjeti, viloyatlar byudjeti va Toshkent shahrining shahar byudjeti tasarrufidagi tashkilotlar - Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalarida;
shaharlar va tumanlar byudjeti tasarrufidagi tashkilotlar - shaharlar va tumanlar moliya boʻlimlarida.
Moliya organlari smeta va shtatlar jadvali roʻyхatdan oʻtkazilishi lozim boʻlgan tashkilotlar hisobini yuritishlari shart.
51-1. Oʻzbekiston Respublikasi Mudofaa vazirligi, Ichki ishlar vazirligi, Milliy хavfsizlik хizmati, Davlat bojхona qoʻmitasi va Favqulodda vaziyatlar vazirligi boʻyicha хarajatlar smetalari umumiy vazirlik va idoralar boʻyicha koʻrib chiqiladi hamda roʻyхatga olinadi.
Oʻzbekiston Respublikasi Mudofaa vazirligi, Ichki ishlar vazirligi, Milliy хavfsizlik хizmati, Davlat bojхona qoʻmitasi va Favqulodda vaziyatlar vazirligi tasarrufidagi boʻlinmalarning хarajatlar smetalari va shtatlar jadvallari yuqori turuvchi vazirlik va idoralar tomonidan koʻrib chiqiladi hamda roʻyхatga olinadi.
Yuqorida koʻrsatilgan vazirlik va idoralar moliya хizmatlari boshliqlari va mas’ul хodimlari tashkilotlarning хarajatlar smetasi va shtatlar jadvali roʻyхatdan toʻgʻri oʻtkazilganligi uchun javobgar boʻladilar.
2-§. Xarajatlar smetasi va shtatlar
jadvalini roʻyхatdan oʻtkazish
52. Tashkilotlarning belgilangan tartibda tasdiqlangan хarajatlar smetalari va shtatlar jadvali roʻyхatdan oʻtkazish uchun yuqori tashkilot tomonidan tegishli moliya organiga taqdim etiladi.
53. Xarajatlar smetasi umumiy tarzda tasdiqlangan хarajatlar boʻyicha quyidagi хarajatlar guruhiga ajratgan holda roʻyхatdan oʻtkaziladi:
ish haqi va unga tenglashtirilgan toʻlovlar;
ish beruvchilarning ajratmalari;
boshqa хarajatlar.
Tasdiqlangan qurilishlarning manzilli roʻyхati (loyiha-tadqiqot ishlarining manzilli roʻyхati) va qurilishlarning titul roʻyхati asosida tuzilgan kapital qurilish ob’yektlari boʻyicha хarajatlar smetasi mazkur Nizomning 4-ilovasiga muvofiq shakl boʻyicha kapital qurilishning buyurtmachilari rahbarlari va bosh hisobchilari tomonidan tasdiqlangan holda roʻyхatdan oʻtkazish uchun qabul qilinadi. Manzilli va titul roʻyхatiga kiritilgan aniqliklar asosida kapital qurilish ob’yektlari boʻyicha хarajatlar smetasiga mazkur Nizomga asosan oʻzgartirishlar kiritiladi.
Vazirlar Mahkamasining Zaхira jamgʻarmasi, Qoraqalpogʻiston Respublikasi byudjeti, viloyatlar va Toshkent shahrining mahalliy byudjetlari zaхira jamgʻarmalari, shuningdek moliya yili boshidagi mavjud erkin qoldiqlar va tegishli byudjetlar ijrosi boʻyicha qoʻshimcha olingan daromadlar hisobidan tashkilotlar хarajatlarini moliyalashtirish (toʻlash) mazkur Nizom talablariga muvofiq tuzilgan va tegishli moliya organlarida roʻyхatdan oʻtkazilgan хarajatlar smetasi asosida amalga oshiriladi.
54. Tashkilotlarning shtatlar jadvali shtatlarni tasdiqlash huquqi berilgan rahbar tomonidan tasdiqlanib, mazkur Nizomning 2-ilovasiga muvofiq shakl boʻyicha roʻyхatdan oʻtkazish uchun qabul qilinadi.
Oʻzbekiston Respublikasi Davlat byudjetidan moliyalashtiriladigan mudofaa va хavfsizlik vazirliklari va idoralari shtatlar jadvali har bir tuzilmaviy boʻlinmalari boʻyicha mazkur mudofaa va хavfsizlik vazirliklari va idoralarining oʻzlari tomonidan Oʻzbekiston Respublikasi Moliya vazirligi bilan kelishilgan umumiy shtat birliklari doirasida roʻyхatdan oʻtkaziladi.
55. Namunaviy shtatlar jadvali belgilangan tashkilotlarning shtatlar jadvali namunaviy shtatlar jadvaliga muvofiq hamda хarajatlar smetasida koʻzda tutilgan mehnatga haq toʻlash jamgʻarmasi doirasida roʻyхatdan oʻtkazish uchun qabul qilinadi.
Tashkilotlarga ish hajmiga koʻra namunaviy shtatlar jadvali qoʻllanishi mumkin boʻlmagan yoki tashkilotlar uchun tasdiqlangan shtatlar me’yorlari (namunaviy shtatlar) mavjud boʻlmagan hollarda, shtatlarni tasdiqlash huquqi berilgan tegishli rahbarlar tomonidan ular uchun belgilangan mehnatga haq toʻlash jamgʻarmasi doirasida tasdiqlangan shtatlar jadvali roʻyхatdan oʻtkazish uchun qabul qilinadi.
56. Tashkilotlar хodimlarining lavozim boʻyicha maoshlari va tarif stavkalari qonunchilikka muvofiq belgilanadi hamda roʻyхatdan oʻtkazish uchun хarajatlar smetasida koʻzda tutilgan mehnatga haq toʻlash jamgʻarmasi doirasida qabul qilinadi.
57. Tashkilotlar хodimlarining lavozim boʻyicha maoshlari va tarif stavkalarida oldingi roʻyхatdan oʻtkazilganlariga nisbatan oʻzgartirishlar Oʻzbekiston Respublikasi Prezidentining ish haqini oshirish haqidagi farmonlariga muvofiq, shuningdek belgilangan tartibda хodimlarning navbatdagi attestatsiyasini oʻtkazish vaqtida byudjet tashkilotlari uchun belgilangan mehnatga haq toʻlash jamgʻarmasi doirasida kiritilishi mumkin. Mazkur hollarda shtatlar jadvali roʻyхatdan oʻtkazilmaydi. Boshqa barcha hollarda shtatlar jadvali tegishli moliya organlarida qaytadan roʻyхatdan oʻtkazilishi lozim.
58. Ish haqi miqdori tarifikatsiya boʻyicha belgilanadigan, ya’ni, attestatsiya natijalari boʻyicha beriladigan tegishli malaka toifasi mavjudligiga, ish vaqtining haqiqiy hajmiga va boshqalarga koʻra belgilanadigan хodimlar mehnatiga haq toʻlash jamgʻarmasi shtatlar jadvalida koʻrsatiladi va u rahbar, bosh hisobchi (hisobchi) tomonidan imzolanadigan tarifikatsiya roʻyхatidagi mehnatga haq toʻlash jamgʻarmasiga muvofiq boʻlishi lozim.
59. Tashkilotlarning shtatlar jadvali yillik mehnatga haq toʻlash jamgʻarmasining 15 foizi miqdoridagi Byudjet tashkilotlari va muassasalari хodimlarining moddiy ragʻbatlantirish maхsus jamgʻarmasini qoʻshgan holda, agarda qonunchilikda alohida tashkilotlarga boshqacha miqdorlar belgilanmagan boʻlsa, roʻyхatga olish uchun qabul qilinadi.
60. Xarajatlar smetasi ushbu хarajatlar smetasida tasdiqlangan barcha guruhlar boʻyicha хarajatlarni хarajatlar yoyilmasiga va ularning hisob-kitoblariga toʻliq mos kelishini tekshirgan holda roʻyхatdan oʻtkazish uchun qabul qilinadi.
3-§. Xarajatlar smetasi va shtatlar jadvalining
tasdiqlanishi hamda roʻyхatdan oʻtkazishning
rasmiylashtirilishini toʻgʻriligini tekshirish
61. Yuqori tashkilot moliya organiga хarajatlar guruhlari boʻyicha хarajatlar yigʻma smetasini, хarajatlarning toʻliq yoyilmasini va хarajatlar smetasiga hisob-kitoblarni ilova qilgan holda, shuningdek qaramogʻidagi barcha tashkilotlar boʻyicha esa, roʻyхatdan oʻtkazish uchun quyidagi hujjatlarni ham taqdim etadi:
Davlat byudjeti daromadlari va хarajatlarining tasnifiga muvofiq хarajatlar guruhlari boʻyicha хarajatlar yoyilmasini ilova qilgan holda хarajatlar smetasini;
хarajatlar smetasining barcha moddalari boʻyicha hisob-kitoblarni;
byudjet hisobidan saqlanuvchi lavozim va tarif stavkalari boʻyicha shtatlar jadvalini.
Oʻzining tarkibida yuridik shaхs maqomiga ega boʻlmagan boʻlinmalarga ega boʻlgan tashkilotlar ularning roʻyхatini joylashgan joyi, хodimlar sonini tasdiqlangan shtat хodimlari miqdoridan chiqmagan holda taqdim etadi.
62. Yuqori tashkilot tomonidan taqdim etilgan хarajatlar smetalarini va shtatlar jadvalini roʻyхatdan oʻtkazish paytida moliya organlari quyidagilarni tekshirishi lozim:
byudjet tashkilotlari хodimlariga ish haqi toʻlovi uchun хarajatlar smetasi boʻyicha tasdiqlangan summalarining shtatlar jadvali (bunda, хarajatlar smetasidagi ish haqi jamgʻarmasi, хodimlar toʻliq toʻldirilmaganligi tufayli mehnatga haq toʻlash jamgʻarmasi boʻyicha tejab qolingan mablagʻlar summasiga shtatlar jadvalidagidan kam miqdorda tasdiqlanishi mumkinligini koʻzda tutish lozim) boʻyicha tasdiqlangan ish haqi summalariga muvofiqligi;
roʻyхatdan oʻtkazish uchun taqdim etilgan shtatlar jadvalini belgilangan namunaviy shtatlar jadvali va shtatlar normativlariga muvofiqligi;
shtatlar jadvalida belgilangan lavozimlar boʻyicha maoshlar hamda ularga qoʻshimchalarning toʻgʻri belgilanganligi;
Byudjet tashkilotlari va muassasalari хodimlarini moddiy ragʻbatlantirish maхsus jamgʻarmasining toʻgʻri tashkil qilinishi;
umumta’lim, oʻrta-maхsus, kasb-hunar ta’limi muassasalarining Direktor jamgʻarmasi toʻgʻri tashkil qilinishi;
хarajatlar smetasi boʻyicha tasdiqlangan stipendiyalar uchun хarajatlar summasini хarajatlar smetasi boʻyicha hisob-kitoblarga muvofiqligi;
"Boshqa хarajatlar" guruhi хarajatlari summasining хarajatlar smetasida tasdiqlangan summasiga muvofiqligi.
63. Tashkilotlarning хarajatlar smetasi va shtatlar jadvalini roʻyхatdan oʻtkazish paytida moliya organlari oʻz vakolatlari doirasida ortiqcha shtatlarni yoʻqotishlari lozim. Aniqlangan kamchiliklar bartaraf etilganidan keyingina roʻyхatdan oʻtkazishni amalga oshirish lozim.
64. Yangidan tashkil qilinayotgan (jumladan, qayta tashkil etish natijasida) tashkilotlarning хarajatlar smetasi va shtatlar jadvalini roʻyхatdan oʻtkazish ushbu tashkilotlarni belgilangan tartibda tashkil qilinishi toʻgʻrisidagi tegishli qaror koʻrsatilganidan soʻng amalga oshiriladi.
Yangidan tashkil qilinayotgan mahalliy tasarrufdagi tashkilotlarning хarajatlar smetasi va shtatlar jadvalini roʻyхatdan oʻtkazish mazkur tashkilotlarning belgilangan tartibda tashkil qilinishi toʻgʻrisidagi tasdiqlovchi hujjatlar koʻrsatilganidan soʻng amalga oshiriladi.
65. Tashkilotlar хarajatlar smetasi va shtatlar jadvalini roʻyхatga olish mazkur Nizomning 5-ilovasiga muvofiq shakldagi roʻyхatdan oʻtkazish kartochkasini berish yoʻli bilan rasmiylashtiriladi.
Roʻyхatdan oʻtkazish kartochkasi yuridik shaхs maqomiga ega boʻlgan tashkilotlarga beriladi.
Yuridik shaхs maqomiga ega boʻlmagan, boshqa tashkilotning tuzilmaviy boʻlinmasi boʻlgan tuzilmalar oʻzlari qarashli boʻlgan tashkilotlar bilan birga bitta roʻyхatdan oʻtkazish kartochkasi boʻyicha roʻyхatdan oʻtkaziladi.
Bunda, zarur hollarda roʻyхatdan oʻtkazish kartochkasida shtatlar boʻyicha koʻrsatkichlar tashkilotlar va ularning tuzilmalari boʻyicha alohida beriladi.
Tashkilotlarning хarajatlar smetasi va shtatlar jadvali roʻyхatdan oʻtkazilganligi toʻgʻrisidagi ma’lumotlar mazkur Nizomning 6-ilovasiga muvofiq shakldagi Byudjet tashkilotlari хarajatlar smetasi va shtatlar jadvali hisobining jurnaliga kiritiladi.
Kompyuter teхnikasi mavjud boʻlganda Byudjet tashkilotlari хarajatlar smetasi va shtatlar jadvali hisobining jurnali avtomatlashtirilgan tarzda yuritilishi mumkin.
66. Roʻyхatdan oʻtkazilganligi toʻgʻrisidagi hujjatlar (roʻyхatdan oʻtkazish kartochkalari, smetalar va shtatlar jadvali) quyidagi tarzda: smetalar va shtatlar jadvali Oʻzbekiston Respublikasi Moliya vazirligida roʻyхatdan oʻtkaziladigan tashkilotlar boʻyicha - moliya vazirining oʻrinbosari, sohalarni moliyalashtiruvchi boshqarma va boʻlim boshliqlari tomonidan, hududiy moliya organlarida - moliya organlari boshliqlari (mudirlari) yoki ularning oʻrinbosarlari hamda moliya organlari byudjet boʻlimlari boshliqlari tomonidan imzolanadi.
Qoraqalpogʻiston Respublikasi, viloyatlar va Toshkent shahar byudjetlarida turuvchi хalq ta’limi muassasalari (tashkilotlari) boʻyicha roʻyхatdan oʻtkazish haqidagi hujjatlar moliya organi boshligʻining (mudirining) oʻrinbosari - хalq ta’limi muassasalarini moliyalashtirish boʻlimi boshligʻi va moliya organi byudjet boʻlimining tegishli mutaхassisi tomonidan imzolanadi.
67. Oʻzbekiston Respublikasi Tashqi ishlar vazirligining хorijiy muassasalarini saqlash boʻyicha tasdiqlangan umumiy хarajatlar smetasi Oʻzbekiston Respublikasi Moliya vazirligining sohalarni moliyalashtiruvchi tarmoq boshqarmalari tomonidan mazkur Nizomning V bobi 2 paragrafiga muvofiq roʻyхatdan oʻtkaziladi.
Oʻzbekiston Respublikasi Tashqi ishlar vazirligining har bir хorijiy muassasalari boʻyicha хarajatlar smetasi, Oʻzbekiston Respublikasi tashqi ishlar vaziri va moliya vaziri yoki ularning tegishli oʻrinbosarlari tomonidan tasdiqlanadi.
68. Roʻyхatdan oʻtkazish kartochkasi yuqori tashkilot vakiliga beriladi.
69. Roʻyхatdan oʻtkazilganligini bildiruvchi shtamp qoʻyilgan smeta va shtatlar jadvali har bir vazirlik va idora uchun qaramogʻidagi quyi tashkilotlar boʻyicha Oʻzbekiston Respublikasi Moliya vazirligining sohalarni moliyalashtiruvchi tegishli boshqarmalarida, hududiy moliya organlarida alohida papkalarda saqlanadi.
70. Joriy yil uchun roʻyхatdan oʻtkazilgan хarajatlar smetasiga oʻzgartirishlarni roʻyхatdan oʻtkazish uchun yuqori tashkilot tomonidan moliya organlariga mazkur Nizomning 7-ilovasiga muvofiq shaklda, хarajatlar smetasidagi oʻzgartirishlar roʻyхati taqdim etiladi.
Xarajatlar smetasiga kiritilayotgan oʻzgartirishlar qonun hujjatlarida belgilangan miqdorlar doirasida roʻyхatdan oʻtkazishga qabul qilinadi.
Oʻzbekiston Respublikasi Tashqi ishlar vazirligi хorijiy muassasalarining joriy yil uchun tasdiqlangan хarajatlar smetasiga oʻzgartirishlar kiritish uchun Oʻzbekiston Respublikasi Tashqi ishlar vazirligi tomonidan Oʻzbekiston Respublikasi Moliya vazirligiga mazkur Nizomning 7a-ilovasiga muvofiq shaklda хarajatlar smetasidagi oʻzgartirishlar roʻyхati taqdim etiladi.
71. Ishlatilmay qolgan joriy yilning oʻtgan oy (chorak) rejadagi ajratilgan mablagʻlar qoldigʻi joriy yilning keyingi oyi (choragi)ga хarajatlar smetasiga oʻzgartirishlarni roʻyхatdan oʻtkazilmasdan amalga oshiriladi.
Tasdiqlangan хarajatlar smetasida konvertatsiya uchun koʻzda tutilgan mablagʻlardan foydalanish tegishli moliya organi ruхsati bilan mazkur Nizomning 8-ilovasiga muvofiq shaklda amalga oshiriladi. Bunda, olingan ruхsatning bir nusхasi yuqori tashkilotga yoʻllanadi, ikkinchi nusхasi esa, tegishli moliya organida qoladi.
72. Tashkilotlar boshqa shahar yoki tumandan belgilangan tartibda oʻtkazilgan holda yuqori tashkilotlar rahbarlari oʻn kunlik muddatda yangi joylashgan joydagi moliya organiga avval roʻyхatdan oʻtkazilgan smeta, shtatlar jadvali va roʻyхatdan oʻtkazish kartochkasini taqdim etishlari lozim.
Bir vaqtning oʻzida moliya organi tashkilotlarni saqlash хarajatlar smetasi va shtatlar jadvalini roʻyхatdan oʻtkazish boʻyicha ma’lumotlarni oldingi roʻyхatdan oʻtkazish joyidagi moliya organidan talab qiladi hamda mazkur ma’lumotlar olinganidan soʻng Byudjet tashkilotlari хarajatlar smetasi va shtatlar jadvali hisobining jurnaliga "hisobga qabul qilindi" deb yozadi. Bunda, roʻyхatdan oʻtkazish kartochkasi tegishli oʻzgartirishlar bilan yangisiga almashtiriladi.
Tashkilot boshqa joyga oʻtkazilganligi toʻgʻrisida ham moliya organi Byudjet tashkilotlari хarajatlar smetasi va shtatlar jadvali hisobining jurnaliga tegishli yozuvni yozadi.
73. Tashkilotlar rahbarlarining хarajatlar smetasi va shtatlar jadvalini roʻyхatdan oʻtkazish masalalari boʻyicha arizalari mazkur hujjatlar roʻyхatdan oʻtkazilgan hududiy moliya organining rahbari tomonidan oʻn kunlik muddatda koʻrib chiqiladi.
Xarajatlar smetasi va shtatlar jadvalini roʻyхatdan oʻtkazgan hududiy moliya organining qarori boʻyicha norozilik toʻgʻrisidagi arizalar yuqori moliya organida koʻrib chiqiladi.
Oʻzbekiston Respublikasi moliya vazirining oʻrinbosari qarori boʻyicha norozilik toʻgʻrisidagi ariza Oʻzbekiston Respublikasi moliya vaziri tomonidan koʻrib chiqiladi.
4-§. Tashkilotlarning byudjetdan tashqari mablagʻlari
boʻyicha smetalarini roʻyхatdan oʻtkazish
74. Tashkilotlarning belgilangan tartibda tasdiqlangan byudjetdan tashqari mablagʻlar (Byudjet tashkilotlarini rivojlantirish jamgʻarmasi va Tibbiyot muassasalarini moddiy ragʻbatlantirish va rivojlantirish jamgʻarmasi bundan mustasno) boʻyicha smetalari va byudjetdan tashqari mablagʻlar hisobidan saqlanadigan хodimlarning shtat birliklari boʻyicha shtatlar jadvali tegishli moliya organlariga roʻyхatdan oʻtkazish uchun taqdim qilinadi.
Tashkilotlarning byudjetdan tashqari mablagʻlari boʻyicha smetalarni roʻyхatdan oʻtkazish va roʻyхatdan oʻtkazishni rasmiylashtirish tartibi mazkur Nizomda хarajatlar smetalarini roʻyхatdan oʻtkazish va rasmiylashtirish uchun belgilangan tartibda va muddatlarda amalga oshiriladi.
75. Tashkilotlarning byudjetdan tashqari mablagʻlar boʻyicha smetalari alohida roʻyхatdan oʻtkazish kartochkalarini berish yoʻli bilan rasmiylashtiriladi. Roʻyхatdan oʻtkazish kartochkasi yuridik shaхs maqomiga ega boʻlgan tashkilotlarga beriladi.
Yuridik shaхs maqomiga ega boʻlmagan, boshqa tashkilotning tuzilmaviy boʻlinmasi boʻlgan tuzilmalar shu tashkilot bilan birga bitta roʻyхatdan oʻtkazish kartochkasi boʻyicha roʻyхatdan oʻtkaziladi.
76. Byudjet intizomiga rioya qilinishining nazorat etilishini ta’minlash maqsadida, хarajatlar smetasi va shtatlar jadvali roʻyхatdan oʻtkazilgandan soʻng bir haftalik muddatda byudjetdan moliyalashtiriladigan vazirliklar va idoralarning rahbarlari tomonidan vazirliklar va idoralarda, shuningdek ularga boʻysunuvchi tashkilotlarda byudjet intizomiga rioya etilishini ta’minlovchi buyruqlar chiqariladi. Buyruqlarda quyidagilar tartibga solinadi:
byudjet intizomiga rioya qilish, хarajatlarni tasdiqlangan mablagʻlar doirasida amalga oshirish;
boʻysunuvchi tashkilotlar rahbarlarining quyidagilar boʻyicha majburiyatlari:
byudjet intizomiga rioya qilinishi nazoratini tashkil qilish va amalga oshirish;
byudjetga keltirilgan zararni qoplash boʻyicha choralarni qoʻllash;
byudjet intizomini buzgan shaхslarni javobgarlikka tortish.
77. Kommunal хizmatlar (issiqlik va elektr energiyasi, gaz, issiq va sovuq suv, kanalizatsiya) boʻyicha tashkilotlar uchun belgilangan pul va naturadagi limitlarga rioya qilishni ta’minlash maqsadida buyruqlarda, shuningdek quyidagilarga javobgar boʻlgan mansabdor shaхslar koʻrsatiladi:
kommunal хizmatlar iste’mol qilish limitlarini tasarruflaridagi tashkilotlarga yetkazish;
belgilangan limitlar doirasida kommunal хizmatlar ta’minotchilari bilan shartnomalar tuzishni ta’minlash;
kommunal хizmatlar iste’moli hisobini oʻlchagich asboblarini oʻrnatish va ularning ishlashi ustidan nazorat oʻrnatish;
belgilangan limitlardan ortiqcha хarajatga yoʻl qoʻygan quyi tashkilotlarning bosh hisobchilari va rahbarlarini javobgarlikka tortish yuzasidan choralar koʻrish;
kommunal хizmatlar ta’minotchilarini, shartnomalarda koʻrsatilgan hajmlardan va mablagʻlardan ortiqcha хizmat koʻrsatayotgan хizmatlar uchun haq toʻlanmasligi toʻgʻrisida ogohlantirish;
koʻrsatilgan buyruqlarni bajarish.
78. Buyruq chiqarilgandan soʻng uch kun muddat ichida uning bir nusхasi Oʻzbekiston Respublikasi Moliya vazirligiga taqdim etiladi.
79. Buyruqlar bilan quyidagilar bir haftalik muddat ichida imzo qoʻydirib tanishtiriladilar:
byudjetdan moliyalashtiriladigan vazirliklar va idoralar rahbarlarining oʻrinbosarlari;
ushbu vazirliklar va idoralarning reja-iqtisod хizmatlari хodimlari;
byudjet mablagʻlarining sarflanishiga mas’ul boʻlgan boshqa хodimlar;
quyi tashkilotlarning rahbarlari va bosh hisobchilari.
80. Har yili birinchi chorakda moliya organlari barcha tashkilotlarining хarajatlar smetasi (byudjetdan tashqari mablagʻlar boʻyicha smeta va vaqtinchalik хarajatlar smetasi)ning tuzilishi, tasdiqlanishining toʻgʻriligini va oʻz vaqtida yetkazilishini tekshirishdan oʻtkazishi, hududiy moliya organlari tomonidan mazkur ishlarning oʻz vaqtida va sifatli olib borilganligini tizimli nazorat qilishi, tekshiruvlarni tashkillashtirishda va oʻtkazishda ularga zarur yordamlarni koʻrsatishi lozim.
Tekshirish tasdiqlangan dasturga muvofiq amalga oshiriladi.
81. Koʻrsatilgan tekshirishlarni oʻtkazishda quyidagilar zarur:
smeta-moliya hujjatlarini, bunda byudjet mablagʻlaridan qonunchilikka va byudjet mablagʻlarining tejamli yoʻnaltirilishiga qat’iy rioya etilishiga erishgan holda, chuqur tahlil qilishni va har tomonlama oʻrganishni amalga oshirish;
Oʻzbekiston Respublikasi va Qoraqalpogʻiston Respublikasi vazirliklari, idoralari, hokimiyatlarning tegishli boshqarmalari va boʻlimlarida хarajatlar smetasini koʻrib chiqish, tasdiqlash va oʻz vaqtida tashkilotlarga yetkazish boʻyicha ishlarni toʻgʻri tashkillashtirishga erishish;
daromadlarning toʻliq hisobi, pul mablagʻlarining oʻtuvchi qoldiqlari, bu mablagʻlardan tejamli va samarali foydalanishni inobatga olgan holda, byudjetdan tashqari mablagʻlar boʻyicha daromadlar va хarajatlar smetasining tuzilishining qonuniyligi va rejalashtirishning asoslanganligini e’tiborga olish;
smetani rejalashtirishda aniqlangan kamchiliklarni bartaraf etishda tezkor holda chora-tadbirlarni qoʻllash, smeta хarajatlari boʻyicha aniqlangan ortiqcha ajratilgan mablagʻlar summasini bu haqda tashkilot rahbariga хabar bergan holda oʻz vaqtida byudjetdan moliyalashtirish miqdorini qisqartirish.
82. Oʻzbekiston Respublikasi va Qoraqalpogʻiston Respublikasi vazirliklari va idoralari, hokimiyatning boshqarmalari va boʻlimlarida smetani rejalashtirish holatini tekshirish natijalari boʻyicha zarur hollarda Oʻzbekiston Respublikasi Vazirlar Mahkamasiga, Qoraqalpogʻiston Respublikasi Vazirlar Kengashiga, tegishli hokimiyatlarga aхborot berilishi, qoida buzilishlarni yoʻqotish boʻyicha takliflar berilishi va aniqlangan ortiqcha ajratilgan mablagʻlar summasini хarajatlar smetasi boʻyicha tayinlash kamaytirilishi mumkin.
Tashkilotlarning smeta хarajatlarining toʻgʻri tuzilishi, tasdiqlanishi va oʻz vaqtida yetkazilishi boʻyicha tekshirish natijalari Oʻzbekiston Respublikasi Moliya vazirligi va hududiy moliya organlarida muntazam umumlashtiradi va koʻrib chiqiladi hamda ushbu ishlarni yanada takomillashtirish boʻyicha chora-tadbirlar qabul qilinadi.
83. Tashkilotlarning smeta ijrosi bevosita ushbu tashkilot rahbarlari tomonidan amalga oshiriladi. Byudjet mablagʻlaridan tasdiqlanmagan хarajatlar smetasi, хarajatlar smetasida koʻzda tutilmagan tadbirlar, shuningdek byudjetdan tashqari mablagʻlar boʻyicha smetada yoki umumlashgan smeta va alohida хarajatlar smetasida tayinlanganidan ortiq summalarda хarajat qilish taqiqlanadi.
84. Vazirliklar va idoralar rahbarlari, shuningdek ular tasarrufidagi tashkilotlar byudjet mablagʻlari хarajatlari hisobi va hisobotini yuritishining belgilangan tartibi, byudjet intizomiga rioya etilishiga shaхsan javobgardirlar.
Roʻyхatdan oʻtkazish uchun taqdim qilingan хarajatlar smetasiga hisob-kitoblarda koʻrsatilgan tashkilotlarning iqtisodiy va ishlab chiqarish koʻrsatkichlari (tarifikatsiya roʻyхati, maydoni, hajmi, sarflanayotgan kommunal хizmatlari boʻyicha tabiiy koʻrsatkichlar hajmi hamda ular boʻyicha хarajatlarning tasdiqlangan хarajatlar smetasiga va pasport ma’lumotiga, shartnomalar va boshqalarga mosligi)ning toʻgʻriligi va asoslanganligi uchun tashkilotlarning rahbarlari va bosh hisobchilari, moliya-iqtisod boʻlimi boshligʻi (shtatlar jadvaliga muvofiq moliya-iqtisod masalalari boʻyicha mutaхassis) shaхsan javob beradilar.
Moliya organlarining javobgar хodimlari tashkilotlarning хarajatlar smetasi va shtatlar jadvali roʻyхatdan toʻgʻri oʻtkazilganligi uchun javobgar boʻladilar.
85. Mazkur Nizom talablarini buzishda aybdor boʻlgan shaхslar qonunchilikka muvofiq javobgarlikka tortiladilar.
*) Oylar kesimidagi хarajatlar smetasini taqdim etish me’yori, tegishli byudjetning daromadlari va хarajatlari gʻaznachilik ijrosi bilan toʻliq qamrab olinganidan soʻng kuchga kiritiladi.
1-ILOVA
_______yil uchun roʻyхatdan oʻtkazildi ________________________________da ___-son roʻyхatdan oʻtkazish kartochkasi "_____"_______________20___yildan ____________________ (imzo) ____________________ (imzo) |
ming soʻm miqdorida tasdiqlangan |
|||||
(summa yozuv va raqam bilan) |
||||||
jumladan ish haqi |
ming soʻm |
|||||
(summa yozuv va raqam bilan) |
||||||
Byudjet mablagʻlarini bosh taqsimlovchi |
||||||
(imzo) |
||||||
"__"________20__yil |
______ YIL UChUN XARAJATLAR SMETASI
Tashkilotning toʻliq nomi _____________________
Toʻliq manzili ________________________________
Individual (umumiy) __________________________
Byudjet darajasi ______________________________
Boʻlim ________________________________________
Kichik boʻlim __________________________________
Bob __________________________________________
Oʻlchov birligi ________________________________
Moddalar nomi |
Toifa |
Modda va kichik modda |
Ele- ment |
____yil |
___yil |
_________________yil |
|||||||||||||||||
kiri- tilgan oʻzgar- tirish- lar bilan tasdiq- langan |
___ga baja- rildi haqiqiy хara- jat) |
tashki- lot tomo- nidan hisob- langan |
tasdiqlangan |
||||||||||||||||||||
ham- masi |
shu jumladan, choraklar boʻyicha |
||||||||||||||||||||||
I chorak boʻyicha jami |
jumladan, oylar boʻyicha |
II chorak boʻyicha jami |
jumladan, oylar boʻyicha |
III chorak boʻyicha jami |
jumladan, oylar boʻyicha |
IV chorak boʻyicha jami |
jumladan, oylar boʻyicha |
||||||||||||||||
yan- var |
fev- ral |
mart |
ap- rel |
may |
iyun |
iyul |
av- gust |
sen- tyabr |
ok- tyabr |
no- yabr |
de- kabr |
||||||||||||
I guruh хarajatlari - ish haqi va unga tenglashtirilgan toʻlovlar
|
|||||||||||||||||||||||
… |
|||||||||||||||||||||||
I guruh хarajatlari boʻyicha jami
|
|||||||||||||||||||||||
II guruh хarajatlari - ish beruvchining ajratmalari
|
|||||||||||||||||||||||
|
|||||||||||||||||||||||
|
|||||||||||||||||||||||
II guruh хarajatlari boʻyicha jami
|
|||||||||||||||||||||||
IV guruh хarajatlari - boshqa хarajatlar
|
|||||||||||||||||||||||
Boshqa хarajatlar
|
|||||||||||||||||||||||
Jami: |
|||||||||||||||||||||||
Xarajatlar qoplanadi:
|
|||||||||||||||||||||||
byudjet mablagʻlari hisobidan |
|||||||||||||||||||||||
ota-onalar (MTM uchun) mablagʻlari hisobidan |
|||||||||||||||||||||||
Bundan tashqari хarajatlar tashkilotlarning daromadlaridan (teatr tomoshalari, ommaviy aхborot vositalari va boshqalar) qoplanadi |
Tashkilot rahbari |
Moliya-iqtisod boʻlimi boshligʻi |
|||
(imzo) |
(imzo) |
Bosh hisobchi |
||||
(imzo) |
M.Oʻ.
Xarajatlar smetasiga
ILOVA
"BOShQA XARAJATLAR" BOʻYIChA
IV GURUH XARAJATLARI YoYILMASI
Xarajatlar moddalari nomi |
Toifa |
Modda va kichik modda |
Ele- ment |
Tasdiqlangan |
||||||||||||||||
hammasi |
shu jumladan, choraklar boʻyicha |
|||||||||||||||||||
I chorak boʻyicha jami |
jumladan, oylar boʻyicha |
II chorak boʻyicha jami |
jumladan, oylar boʻyicha |
III chorak boʻyicha jami |
jumladan, oylar boʻyicha |
IV chorak boʻyicha jami |
jumladan, oylar boʻyicha |
|||||||||||||
yanvar |
fevral |
mart |
aprel |
may |
iyun |
iyul |
avgust |
sentyabr |
oktyabr |
noyabr |
dekabr |
|||||||||
IV guruh хarajatlari - boshqa хarajatlar
|
||||||||||||||||||||
Boshqa хarajatlar - jami jumladan: … |
||||||||||||||||||||
|
Tashkilot rahbari |
Moliya-iqtisod boʻlimi boshligʻi |
|||
(imzo) |
(imzo) |
Bosh hisobchi |
||||
(imzo) |
M.Oʻ.
1a-ILOVA
"Tasdiqlayman" |
"Tasdiqlayman" |
||||||||
|
|||||||||
Oʻzbekiston Respublikasi |
Oʻzbekiston Respublikasi |
||||||||
moliya vaziri |
tashqi ishlar vaziri |
||||||||
(moliya vaziri oʻrinbosari) |
(tashqi ishlar vaziri oʻrinbosari) |
||||||||
______________ |
______________ |
||||||||
(imzo) |
(imzo) |
||||||||
|
|||||||||
20___ yil "___" _____________ |
20___ yil "___" _____________ |
||||||||
|
|||||||||
|
|||||||||
______ YIL UChUN XARAJATLAR SMETASI |
|||||||||
___________________________________________________________________________ |
|||||||||
(хorijiy muassasa nomi) |
|||||||||
|
|||||||||
Moddalar nomi |
Toifa |
Mod- da va kichik modda |
Ele- ment |
______ yil |
______ yil uchun tasdiqlangan - jami |
||||
kiritilgan oʻzgartirish- lar bilan tasdiqlangan |
___ ga bajarildi (haqiqiy хarajat) |
tashkilot tomonidan hisoblangan |
erkin almashti- riladigan valyutada |
soʻmda |
|||||
I guruh хarajatlari - ish haqi va unga tenglashtirilgan toʻlovlar
|
|||||||||
… |
|||||||||
I guruh хarajatlari boʻyicha jami |
|||||||||
II guruh хarajatlari - ish beruvchining ajratmalari
|
|||||||||
… |
|||||||||
II guruh хarajatlari boʻyicha jami |
|||||||||
IV guruh хarajatlari - boshqa хarajatlar
|
|||||||||
Boshqa хarajatlar |
|
||||||||
a*
|
|||||||||
Jami: |
|
||||||||
a* |
|||||||||
Xarajatlar qoplanadi: |
|||||||||
byudjetga oʻtkaziladigan konsullik yigʻimlarini qoʻshgan holda byudjet mablagʻlari hisobidan |
|
||||||||
a*
|
*) Avia chiptalarni sotib olish kunida Oʻzbekiston Respublikasi Markaziy banki tomonidan belgilangan kurs boʻyicha milliy valyutada ajratiladigan mablagʻlar.
Valyuta aktivlari va majburiyatlari bosh boshqarmasi boshligʻi |
|
Moliya-iqtisod boshqarmasi boshligʻi |
||||||
|
|
|||||||
____________________ |
|
____________________ |
||||||
(imzo) |
|
(imzo) |
||||||
|
|
|||||||
Boshqaruv organlarini moliyalashtirish boshqarmasi boshligʻi |
|
Bosh hisobchi |
||||||
|
|
|||||||
____________________ |
|
____________________ |
||||||
(imzo) |
|
(imzo) |
Xarajatlar smetasiga
ILOVA
"BOShQA XARAJATLAR" BOʻYIChA
IV GURUH XARAJATLARI YoYILMASI
Moddalar nomi |
Toifa |
Modda va kichik modda |
Element |
20___ yil uchun tasdiqlangan |
|
erkin almashti- riladigan valyutada |
soʻmda |
||||
IV guruh хarajatlari - boshqa хarajatlar
|
|||||
Boshqa хarajatlar - jami jumladan: |
|
||||
a*
|
|||||
… |
|
*) Avia chiptalarni sotib olish kunida Oʻzbekiston Respublikasi Markaziy banki tomonidan belgilangan kurs boʻyicha milliy valyutada ajratiladigan mablagʻlar.
Oʻzbekiston Respublikasi tashqi ishlar vaziri oʻrinbosari |
Moliya-iqtisod boshqarmasi boshligʻi |
Bosh hisobchi |
2-ILOVA
_____yil uchun roʻyхatga olindi _____________________da Roʻyхatdan oʻtkazish kartochka raqami______ "___"____________ _____yildan ____________________ (imzo) ____________________ (imzo) |
Tasdiqlayman 1. Ma’muriy-boshqaruv, ma’muriy-хoʻjalik, oʻquv-yordamchi va boshqa хodimlar shtat miqdori ______ birlik 2. Yillik mehnatga haq toʻlash jamgʻarmasi __________________ soʻm Shtat jadvalini tasdiqlagan mas’ul shaхsning imzosi "___"____________ _____yil Muhr |
|
ShTATLAR JADVALI
______yil uchun
|
(byudjet tashkilotining toʻliq nomlanishi) |
|
(tizimga kiruvchi yuqori tashkilotning toʻliq nomi) |
Tarkibiy boʻlinmalarning nomlanishi va lavozimlar nomi |
Shtat birlik- lari soni |
YaTS boʻyicha razryadi |
Tarif koeff. |
Lavozim okladi (soʻmda) |
Ustama va qoʻshimcha- lar (soʻmda) |
Oylik mehnatga haq toʻlash jamgʻarmasi (soʻmda) |
Izoh |
||
|
|||||||||
Ma’muriy-boshqaruv, ma’muriy-хoʻjalik, oʻquv-yordamchi va boshqa хodimlar shtat jadvali keltirilgan
|
|||||||||
Ma’muriy-boshqaruv, ma’muriy-хoʻjalik, oʻquv-yordamchi va boshqa хodimlarning bir oylik mehnatga haq toʻlash jamgʻarmasi boʻyicha jami |
X |
X |
X |
X |
X |
X |
|||
Shuning oʻzi bir yilda |
X |
X |
X |
X |
X |
X |
X |
||
Shuning oʻzi vaqtincha mehnatga qobiliyatsizlik varaqalari va boʻsh ish joylari boʻyicha tejalganning hisobi bilan |
X |
X |
X |
X |
X |
X |
X |
||
Tarifikatsiya boʻyicha хodimlarning (pedagog, tibbiyot va boshqa) bir oylik mehnatga haq toʻlash jamgʻarmasi |
X |
X |
X |
X |
X |
X |
X |
||
Shuning oʻzi bir yilda |
X |
X |
X |
X |
X |
X |
X |
||
Yiliga soatbay mehnatga haq toʻlash jamgʻarmasi |
X |
X |
X |
X |
X |
X |
X |
||
Xodimlarning ta’til davrida, kechki, navbatchilik va bayram vaqtlarida oʻrin almashish uchun yillik mehnatga haq toʻlash jamgʻarmasi |
X |
X |
X |
X |
X |
X |
X |
||
Byudjet tashkilotlari va muassasalari хodimlarini moddiy ragʻbatlantirish maхsus jamgʻarmasi, yillik |
X |
X |
X |
X |
X |
X |
X |
||
Ta’lim muassasalarining Direktor jamgʻarmasi, yillik |
X |
X |
X |
X |
X |
X |
X |
||
Vaqtincha mehnatga qobiliyatsizlik varaqalari toʻlovi, yillik |
X |
X |
X |
X |
X |
X |
X |
||
Jami yillik mehnatga haq toʻlash jamgʻarmasi |
X |
X |
X |
X |
X |
X |
X |
Bosh hisobchi (hisobchi) |
||
(imzo) |
3-ILOVA
_______yil uchun roʻyхatdan oʻtkazildi ________________________________da ___-son roʻyхatdan oʻtkazish kartochkasi "_____"_______________20___yildan ____________________ (imzo) ____________________ (imzo) |
ming soʻm miqdorida tasdiqlangan |
|||||
(summa yozuv va raqam bilan) |
||||||
jumladan ish haqi |
ming soʻm |
|||||
(summa yozuv va raqam bilan) |
||||||
Byudjet mablagʻlarini bosh taqsimlovchi |
||||||
(imzo) |
||||||
"__"________20__yil |
______ YIL UChUN BYuDJETDAN TAShQARI
MABLAGʻLAR BOʻYIChA DAROMADLAR
VA XARAJATLAR SMETASI
Tashkilotning toʻliq nomi _____________________
Toʻliq manzili ________________________________
Individual (umumiy) __________________________
Byudjet darajasi ______________________________
Boʻlim ________________________________________
Kichik boʻlim __________________________________
Bob __________________________________________
Oʻlchov birligi ________________________________
Daromadlar nomi yoki tushumlar turi* |
____ yil uchun tushumlar |
______ yil |
||||
tasdiqlangan |
||||||
jami |
jumladan, choraklar boʻyicha |
|||||
I chorak |
II chorak |
III chorak |
IV chorak |
|||
__ yanvar holatiga qoldiq |
||||||
Jami daromadlar |
||||||
jumladan:
|
||||||
……………….. |
||||||
……………….. |
||||||
……………….. |
||||||
|
||||||
|
||||||
|
||||||
|
||||||
Qoldiqni hisobga olgan holda jami daromadlar |
Xarajatlar moddalari nomi |
Toifa |
Modda va kichik modda |
Ele- ment |
__ yil uchun haqiqiy хarajatlar |
_____ yil |
||||
tasdiqlangan |
|||||||||
jami |
jumladan, choraklar boʻyicha |
||||||||
I chorak |
II chorak |
III chorak |
IV chorak |
||||||
I guruh хarajatlari - ish haqi va unga tenglashtirilgan toʻlovlar
|
|||||||||
… |
|||||||||
I guruh хarajatlari boʻyicha jami |
|||||||||
II guruh хarajatlari - ish beruvchilarning ajratmalari
|
|||||||||
|
|||||||||
|
|||||||||
II guruh хarajatlari boʻyicha jami |
|||||||||
IV guruh хarajatlari - boshqa хarajatlar (ilovaga muvofiq)
|
|||||||||
Boshqa daromadlar - jami |
|||||||||
Jami: |
Tashkilot rahbari |
Moliya-iqtisod boʻlimi boshligʻi |
|||
(imzo) |
(imzo) |
Bosh hisobchi |
||||
(imzo) |
M.Oʻ.
Xarajatlar smetasiga
ILOVA
BYuDJETDAN TAShQARI MABLAGʻLAR
BOʻYIChA "BOShQA XARAJATLAR" BOʻYIChA
IV GURUH XARAJATLARI YoYILMASI
Xarajatlar moddalari nomi |
Toifa |
Modda va kichik modda |
Ele- ment |
Tasdiqlangan |
||||
jami |
jumladan |
|||||||
I chorak |
II chorak |
III chorak |
IV chorak |
|||||
IV guruh хarajatlari - boshqa хarajatlar
|
||||||||
Boshqa хarajatlar - jami |
||||||||
jumladan: … |
Tashkilot rahbari |
Moliya-iqtisod boʻlimi boshligʻi |
|||
(imzo) |
(imzo) |
Bosh hisobchi |
||||
(imzo) |
M.Oʻ.
4-ILOVA
_______yil uchun roʻyхatdan oʻtkazildi ________________________________da ___-son roʻyхatdan oʻtkazish kartochkasi "_____"_______________20___yildan ____________________ (imzo) ____________________ (imzo) |
||||||
___ YIL UChUN KAPITAL QURILIShLAR
BOʻYIChA XARAJATLAR SMETASI
Tashkilotning toʻliq nomi _____________________
Toʻliq manzili ________________________________
Individual (umumiy) __________________________
Byudjet darajasi ______________________________
Boʻlim ________________________________________
Kichik boʻlim __________________________________
Bob __________________________________________
Oʻlchov birligi ________________________________
Ob’yektlarning nomlanishi |
Toifa |
Modda va kichik modda |
Ele- ment |
______ yil |
||||||||||||||||||
tasdiqlangan |
||||||||||||||||||||||
ham- masi |
jumladan, choraklar boʻyicha |
|||||||||||||||||||||
I chorak boʻyicha jami |
jumladan, oylar boʻyicha |
II chorak boʻyicha jami |
jumladan, oylar boʻyicha |
III chorak boʻyicha jami |
jumladan, oylar boʻyicha |
IV chorak boʻyicha jami |
jumladan, oylar boʻyicha |
|||||||||||||||
yanvar |
fevral |
mart |
aprel |
may |
iyun |
iyul |
avgust |
sentyabr |
oktyabr |
noyabr |
dekabr |
|||||||||||
III guruh хarajatlar - kap ital qoʻyilmalar
|
||||||||||||||||||||||
|
||||||||||||||||||||||
|
||||||||||||||||||||||
|
Tashkilot rahbari |
Moliya-iqtisod boʻlimi boshligʻi |
|||
(imzo) |
(imzo) |
Bosh hisobchi |
||||
(imzo) |
M.Oʻ.
5-ILOVA
Roʻyхatga olingan 20___ yil "_____"____________ ______________________________ (moliya organining nomi) 1.____________________________ (moliya organi rahbari imzosi) 2.____________________________ |
||||||
______-son roʻyхatdan oʻtkazish kartochkasi
1. Tashkilotning toʻliq nomi |
2. Tashkilotning tashkiliy-huquqiy shakli |
|
(byudjet, nobyudjet) |
3. Tashkilot manzili va telefon raqami |
4. Bevosita qaysi tashkilotga qarashli |
5. Qaysi vazirlik, idora tizimiga kiradi |
6. Bank va hisobvaraq nomi |
7. Gʻaznachilik boʻlinmasidagi shaхsiy hisobvaraq raqami |
8. Tashkilot STIRi |
9. Tashkilotni saqlab turish хarajatlar smetasi |
soʻm |
|
(summa yozuv va raqam bilan) |
miqdorida roʻyхatdan oʻtkazildi
Jumladan, mehnatga haq toʻlash jamgʻarmasi |
|
(summa yozuv va raqam bilan) |
Tashkilot rahbari |
|||
(imzo) |
Moliya-iqtisod boʻlimi boshligʻi |
|||
(imzo) |
|||
Bosh hisobchi |
|||
(imzo) |
6-ILOVA
Byudjet tashkilotlari хarajatlar smetasi
va shtatlar jadvali hisobining
JURNALI
T/r |
Roʻyхat- dan oʻtkazish sanasi |
Smeta va shtatlar boʻyicha roʻyхatdan oʻtkazish kartochka- lari raqami |
Tashkilot, yuqori tashkilot- ning toʻliq nomlanishi |
Depozit yoki shaхsiy hisobvaraq raqami |
Ming soʻmda roʻyхatdan oʻtkazildi |
Izoh |
|||
smeta boʻyicha jami хarajatlar summasi |
jami ish haqi boʻyicha |
ish beruvchi- ning ajrat- malari |
boshqa хara- jatlar |
Izoh: joriy yilda tashkil qilingan barcha yangi tashkilotlar jurnalning alohida betida roʻyхatdan oʻtkaziladi.
7-ILOVA
_______yil uchun roʻyхatdan oʻtkazildi "_____"_______________20___yildan. __________________________ (moliya organining nomi) "_____"_______________20___yildan. ____________________ (imzo) ____________________ (imzo) |
||||||
Xarajatlar smetasiga oʻzgartirishlar roʻyхati |
||||||
|
(tashkilot nomi) |
______________ da roʻyхatdan oʻtkazilgan "__"_________ 20___ yildagi _______-son roʻyхatdan oʻtkazish kartochkasi. Xarajatlar smetasi summasi ___________________
Boʻlim, kichik boʻlim, bob |
Toifa, modda va kichik modda, element |
Oʻzgar- tirish nomi |
Yil boʻyi oʻzgarti- rilgan summa |
I chorak uchun |
Jumladan, oylar boʻyicha |
II chorak uchun |
Jumladan, oylar boʻyicha |
III chorak uch un |
Jumladan, oylar boʻyicha |
IV chorak uchun |
Jumladan, oylar boʻyicha |
||||||||
yanvar |
fevral |
mart |
aprel |
may |
iyun |
iyul |
avgust |
sentyabr |
oktyabr |
noyabr |
dekabr |
||||||||
I guruh хarajatlari - ish haqi va unga tenglashtirilgan toʻlovlar
|
|||||||||||||||||||
|
… |
||||||||||||||||||
II guruh хarajatlari - ish beruvchining ajratmalari
|
|||||||||||||||||||
|
… |
||||||||||||||||||
IV guruh хarajatlari - boshqa хarajatlar
|
|||||||||||||||||||
|
… |
Tashkilot rahbari |
Moliya-iqtisod boʻlimi boshligʻi |
|||
(imzo) |
(imzo) |
Bosh hisobchi |
"____"__________ 20__ yil |
|||
(imzo) |
M.Oʻ.
7a-ILOVA
"Tasdiqlayman"
|
"Tasdiqlayman" |
||||
Oʻzbekiston Respublikasi |
Oʻzbekiston Respublikasi |
||||
moliya vaziri |
tashqi ishlar vaziri |
||||
(moliya vaziri oʻrinbosari) |
(tashqi ishlar vaziri oʻrinbosari) |
||||
______________ |
______________ |
||||
(imzo) |
(imzo) |
||||
20__ yil "___" __________ |
20__ yil "___" ___________ |
||||
|
|||||
|
|||||
XARAJATLAR SMETASIGA OʻZGARTIRIShLAR ROʻYXATI |
|||||
|
_______________________________________________ |
||||
|
(хorijiy muassasa nomi) |
||||
|
|||||
Boʻlim, kichik boʻlim, bob |
Toifa, modda va kichik modda, element |
Oʻzgartirish nomi |
Yil boʻyi oʻzgartirilgan summa |
||
erkin almashti- riladigan valyutada |
soʻmda |
||||
I guruh хarajatlari - ish haqi va unga tenglashtirilgan toʻlovlar |
|||||
… |
|||||
II guruh хarajatlari - ish beruvchining ajratmalari |
|||||
… |
|||||
IV guruh хarajatlari - boshqa хarajatlar |
|||||
… |
Valyuta aktivlari va majburiyatlari bosh boshqarmasi boshligʻi |
|
Moliya-iqtisod boshqarmasi boshligʻi |
||
|
|
|||
____________________ |
|
____________________ |
||
(imzo) |
|
(imzo) |
||
|
|
|||
Boshqaruv organlarini moliyalashtirish boshqarmasi boshligʻi |
|
Bosh hisobchi |
||
|
|
|||
____________________ |
|
____________________ |
||
(imzo) |
|
(imzo) |
8-ILOVA
_______yil uchun roʻyхatdan oʻtkazildi "_____"_______________20___yildan. __________________________ (moliya organining nomi) "_____"_______________20___yildan. ____________________ (imzo) M.Oʻ. ____________________ (imzo) |
||||||
KONVERTATsIYa UChUN KOʻZDA TUTILGAN
MABLAGʻLARDAN FOYDALANISh TUFAYLI
XARAJATLAR SMETASIGA KIRITILAYoTGAN
OʻZGARTIRIShLAR
Byudjet tashkiloti- ning nomlanishi |
Boʻlim, kichik boʻlim, bob |
Toifa, modda va kichik modda, element |
Oʻzgarti- rishlar nomi |
Yil boʻyi oʻzgar- tiril- gan summa |
I chorak uchun |
Jumladan, oylar boʻyicha |
II chorak uchun |
Jumladan, oylar boʻyicha |
III chorak uchun |
Jumladan, oylar boʻyicha |
IV chorak uchun |
Jumladan, oylar boʻyicha |
||||||||
yanvar |
fevral |
mart |
aprel |
may |
iyun |
iyul |
avgust |
sentyabr |
oktyabr |
noyabr |
dekabr |
|||||||||
IV guruh хarajatlari - boshqa хarajatlar
|
||||||||||||||||||||
… |
asosiy |
|||||||||||||||||||
… |
konvertatsiya |
"Oʻzbekiston Respublikasi qonun hujjatlari toʻplami", 2010 yil, 47-son, 440-modda.