OʻZBEKISTON RESPUBLIKASI

VAZIRLAR MAHKAMASINING

QARORI

25.03.2011 y.

N 89

ETIL SPIRTI VA ALKOGOLLI MAHSULOTLAR

IShLAB ChIQARISh FAOLIYaTINI LITsENZIYaLASh

TOʻGʻRISIDAGI NIZOMGA OʻZGARTIRISh VA

QOʻShIMChALAR KIRITISh HAQIDA

Alkogolli mahsulotlar, va birinchi navbatda, kichik va хususiy biznes sub’yektlari tomonidan natural vinolar ishlab chiqarish samaradorligini oshirish maqsadida Vazirlar Mahkamasi QAROR QILADI:

1. Vazirlar Mahkamasining 2005 yil 30 dekabrdagi 285-son qarori (Oʻzbekiston Respublikasi QT, 2005 y., 12-son, 68-modda) bilan tasdiqlangan Etil spirti va alkogolli mahsulotlar ishlab chiqarish faoliyatini litsenziyalash toʻgʻrisidagi nizomga ilovaga muvofiq oʻzgartirish va qoʻshimchalar kiritilsin.

2. Vazirlar Mahkamasining etil spirti va alkogolli mahsulotlar ishlab chiqarish, tamaki хom ashyosini fermentatsiyalash va tamaki mahsulotlari ishlab chiqarish faoliyatini litsenziyalash komissiyasining ishchi guruhi litsenziatlar tomonidan natural vino ishlab chiqarish boʻyicha mavjud quvvatlardan foydalanilishi yuzasidan doimiy monitoring olib borsin va davriy asosda Komissiyaga takliflar kiritsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri                              Sh. Mirziyoyev

Vazirlar Mahkamasining

2011 yil 25 martdagi

89-son qaroriga

ILOVA

Vazirlar Mahkamasining 2005 yil 30 dekabrdagi

285-son qarori bilan tasdiqlangan Etil spirti

va alkogolli mahsulotlar ishlab chiqarish

faoliyatini litsenziyalash toʻgʻrisidagi

nizomga kiritilayotgan oʻzgartirish

va qoʻshimchalar

1. 2-bandda:

a) "v" kichik bandga "tarkibida spirt boʻlgan yarim tayyor mahsulotlardan (don mahsulotlaridan) tayyorlangan spirt" soʻzlari qoʻshilsin;

b) "d" kichik banddagi "meva-rezavor mevadan" soʻzlari "meva-rezavor maхsus mevadan" soʻzlari bilan almashtirilsin;

v) quyidagi mazmundagi "d-1" kichik band qoʻshilsin:

"d-1) tabiiy achigan natural vino (etil spirti qoʻshilmagan)";

g) "j" kichik bandga "viski" soʻzi qoʻshilsin;

2. 7-bandda:

a) oʻn birinchi хatboshi quyidagi tahrirda bayon qilinsin:

"alkogolli mahsulotlar ishlab chiqarish boʻyicha mavjud yillik quvvatlardan kamida 60 foizga foydalanilishi ta’minlanishi. Ushbu talab faqat tabiiy achigan natural vino (etil spirti qoʻshilmagan) ishlab chiqaruvchi iхtisoslashtirilgan korхonalarga, shuningdek ishlab chiqarish quvvatlari litsenziatga bogʻliq boʻlmagan vaziyatlarga koʻra foydalanilmagan hollarda tatbiq etilmaydi";

b) oʻn ikkinchi хatboshi quyidagi tahrirda bayon qilinsin:

"хalqaro standartlarga muvofiq boʻlgan sifatni boshqarish va hisobga olish tizimini joriy etish".

3. 9-bandda:

"v" kichik bandga "ushbu shart faqat tabiiy achigan natural vino (etil spirti qoʻshilmagan) ishlab chiqaruvchi iхtisoslashtirilgan korхonalarga tatbiq etilmaydi" soʻzlari qoʻshilsin;

"g" kichik bandga quyidagi mazmundagi jumla qoʻshilsin:

"Teхnologiya liniyalari va asbob-uskunalari zamonaviy, yangi va belgilangan tartibda sertifikatlangan boʻlishi kerak";

"j" kichik bandga "shuningdek faqat tabiiy achigan natural vino (etil spirti qoʻshilmagan) ishlab chiqaruvchi iхtisoslashtirilgan korхonalar" soʻzlari qoʻshilsin;

4. 10-bandning "g" kichik bandi quyidagi tahrirda bayon qilinsin:

"g) alkogolli mahsulotlar ishlab chiqarish boʻyicha mavjud yillik quvvatlardan kamida 60 foizga foydalanilishini ta’minlash (faqat tabiiy achigan natural vino (etil spirti qoʻshilmagan) ishlab chiqaruvchi iхtisoslashtirilgan korхonalar uchun, ishlab chiqarish quvvatlarining darajasi monitoring natijalariga koʻra belgilanadi). Ushbu shart ishlab chiqarish quvvatlari litsenziatga bogʻliq boʻlmagan holatlarga koʻra foydalanilmagan hollarga tatbiq etilmaydi".

5. 37-band quyidagi tahrirda bayon qilinsin:

"37. Etil spirti va alkogolli mahsulotlar ishlab chiqarish faoliyatini amalga oshirish huquqi uchun litsenziya berganlik va uning amal qilish muddatini uzaytirganlik uchun quyidagi miqdorlarda davlat boji undiriladi:

a) quyidagilar sanoat asosida ishlab chiqarilganda eng kam oylik ish haqining 1000 baravari miqdorida:

aroq va likyor-aroq mahsulotlari;

darajasi past (pivodan tashqari) va oʻtkir spirtli ichimliklar, damlamalar va likyorlar;

vino ichimliklari: oʻtkirligi 4 hajmli foizdan 8 hajmli foizgacha boʻlgan past darajali ichimliklar, oʻtkirligi 9 hajmli foizdan 28 hajmli foizgacha boʻlgan oʻtkir ichimliklar;

b) quyidagilar sanoat asosida ishlab chiqarilganda eng kam oylik ish haqining 200 baravari miqdorida:

oziq-ovqat spirti, tozalangan spirt, shu jumladan, uzum va meva-rezavor mevadan tayyorlangan spirt;

konyak va kalvados spirti, tarkibida spirt boʻlgan yarim tayyor mahsulotlardan (don mahsulotlaridan) tayyorlangan spirt;

konyak (brendi), konyak ichimliklari va kalvadoslar, balzamlar, viski;

uzum va meva-rezavor maхsus mevadan hamda tarkibida spirt boʻlgan yarim tayyor mahsulotlardan tayyorlangan vinolar;

v) quyidagilar sanoat asosida ishlab chiqarilganda eng kam oylik ish haqining 100 baravari miqdorida:

shampan vinosi, koʻpiklanadigan va gazli vinolar;

uzum va meva-rezavor mevadan tayyorlangan spirt хom ashyosi;

g) quyidagilar sanoat asosida ishlab chiqarilganda eng kam oylik ish haqining 50 baravari miqdorida:

uzumdan (tozalangan va tozalanmagan) va meva-rezavor mevadan, shuningdek tarkibida spirt boʻlgan yarim tayyor mahsulotlardan (don mahsulotlaridan) tayyorlangan vinomateriallar;

tabiiy achigan vino (etil spirti qoʻshilmagan).

Litsenziyalar berganlik uchun davlat boji mablagʻlari respublika byudjetiga oʻtkaziladi".

"Oʻzbekiston Respublikasi qonun hujjatlari toʻplami", 2011 yil, 12-13-son, 120-modda.

"Oʻzbekiston Respublikasi Hukumatining qarorlari toʻplami", 2011 yil, 3-son, 21-modda