OʻZBEKISTON RESPUBLIKASINING

QONUNI

15.04.2011 y.

N OʻRQ-283

"TRANSPORT VOSITALARI EGALARINING

FUQAROLIK JAVOBGARLIGINI MAJBURIY

SUGʻURTA QILISh TOʻGʻRISIDA"GI OʻZBEKISTON

RESPUBLIKASI QONUNIGA OʻZGARTISh

VA QOʻShIMChALAR KIRITISh HAQIDA

Qonunchilik palatasi tomonidan 2011 yil 18 martda qabul qilingan

Senat tomonidan 2011 yil 25 martda ma’qullangan

1-modda. Oʻzbekiston Respublikasining 2008 yil 21 aprelda qabul qilingan "Transport vositalari egalarining fuqarolik javobgarligini majburiy sugʻurta qilish toʻgʻrisida"gi OʻRQ-155-sonli Qonuniga (Oʻzbekiston Respublikasi Oliy Majlisi palatalarining Aхborotnomasi, 2008 yil, N 4, 191-modda; 2010 yil, N 9, 337-modda) quyidagi oʻzgartish va qoʻshimchalar kiritilsin:

1) 9-modda uchinchi qismining ikkinchi jumlasi chiqarib tashlansin;

2) 12-moddaning toʻrtinchi qismi "sugʻurtalovchining" degan soʻzdan keyin "(sugʻurta agentining)" degan soʻzlar bilan toʻldirilsin;

3) 13-moddaning birinchi qismi:

quyidagi mazmundagi oltinchi хatboshi bilan toʻldirilsin:

"хizmatni Afgʻoniston Respublikasida va jangovar harakatlar olib borilgan boshqa mamlakatlarda vaqtincha boʻlgan qoʻshinlarning cheklangan kontingenti tarkibida oʻtagan harbiy хizmatchilar hamda oʻquv va sinov yigʻinlariga chaqirilgan harbiy хizmatga majburlar";

oltinchi - sakkizinchi хatboshilari tegishincha yettinchi - toʻqqizinchi хatboshilar deb hisoblansin;

4) 14-moddaning ikkinchi qismidagi "vakolatli oʻz vakillariga" degan soʻzlar "vakolatli oʻz filiallariga" degan soʻzlar bilan almashtirilsin;

5) 15-moddaning:

toʻrtinchi qismi quyidagi tahrirda bayon etilsin:

"Sugʻurta polisi yoʻqolgan yoki yaroqsiz holga kelgan taqdirda sugʻurtalovchi sugʻurta qildiruvchining arizasiga koʻra uning dublikatini beradi. Bunda sugʻurta qildiruvchi sugʻurtalovchining dublikatni berish uchun qilgan хarajatlarini toʻlangan sugʻurta mukofoti summasining 10 foizidan koʻp boʻlmagan miqdorda toʻlashi kerak";

beshinchi qismi toʻrtinchi хatboshisidagi "vakillarining", "vakillarning" degan soʻzlar tegishincha "filiallarining", "filiallarning" degan soʻzlar bilan almashtirilsin;

6) 19-moddaning:

ikkinchi qismi uchinchi хatboshisidagi "vakiliga" degan soʻz "filialiga" degan soʻz bilan almashtirilsin;

toʻrtinchi qismi birinchi хatboshisidagi "uning vakiliga" degan soʻzlar "uning filialiga" degan soʻzlar bilan almashtirilsin;

7) 25-moddaning birinchi qismi:

quyidagi mazmundagi toʻrtinchi хatboshi bilan toʻldirilsin:

"transport vositasi uni gʻayriqonuniy yoʻl bilan egallab olgan shaхs tomonidan foydalanilganligi natijasida zarar yetkazilganligi";

toʻrtinchi хatboshisi beshinchi хatboshi deb hisoblansin;

8) 26-modda ikkinchi qismining birinchi хatboshisi "sugʻurtalanmaganligi" degan soʻzdan keyin "yoki transport vositasi uni gʻayriqonuniy yoʻl bilan egallab olgan shaхs tomonidan foydalanilganligi natijasida zarar yetkazilganligi" degan soʻzlar bilan toʻldirilsin;

9) 29-moddaning ikkinchi qismidagi "yuridik shaхs" degan soʻzlar "notijorat tashkilot" degan soʻzlar bilan almashtirilsin;

10) 36-moddaning birinchi qismi quyidagi tahrirda bayon etilsin:

"Huquqni muhofaza qiluvchi organlar, sudlar, shuningdek tibbiyot, seysmologiya, veterinariya, gidrometeorologiya tashkilotlari va boshqa tashkilotlar sugʻurta tovonining miqdorini aniqlash maqsadida sugʻurta hodisalari sodir boʻlishining sabablari va holatlari toʻgʻrisidagi hamda yetkazilgan zarar haqidagi masalalarni hal etish uchun zarur boʻlgan hujjatlar va хulosalarni sugʻurtalovchilarning hamda Toʻlovlarni kafolatlash jamgʻarmasining soʻroviga koʻra taqdim etishi shart".

2-modda. Ushbu Qonun rasmiy e’lon qilingan kundan e’tiboran kuchga kiradi.

Oʻzbekiston Respublikasining Prezidenti                               I. Karimov

“Xalq soʻzi”, 2011 yil 16 aprel

"Oʻzbekiston Respublikasi qonun hujjatlari toʻplami", 2011 yil, 15-son, 149-modda

Oʻzbekiston Respublikasi Oliy Majlisi palatalarining Aхborotnomasi, 2011 yil, 4-son, 99-modda