OʻZBEKISTON RESPUBLIKASI

PREZIDENTINING

FARMONI

25.08.1992 y.

N PF-458

1992 YIL 1 SENTYaBRDAN NAFAQALAR,

STIPENDIYaLAR HAMDA BYuDJET HISOBIDAGI

TAShKILOTLAR XODIMLARINING ISh HAQI

MIQDORLARINI OShIRISh TOʻGʻRISIDA

Oʻzbekiston Respublikasi mustaqilligining bir yilligi bayram qilinishi munosabati bilan:

1. Respublika hududida ish haqi va mehnat nafaqasining eng oz miqdori oyiga 1250 soʻm qilib belgilansin.

1992 yil 1 sentyabrdan boshlab fuqarolar ish stajining oz-koʻpligiga va хizmatlariga qarab mehnat nafaqalarining tabaqalashtirilgan miqdorlari joriy etilib, bunda mazkur Farmonda belgilangan eng oz miqdor asos qilib olinsin.

2. Ulugʻ Vatan urushining qatnashchilari va nogironlariga eng oz miqdor 1600 soʻm boʻlishidan kelib chiqib, nafaqalar miqdori belgilansin, bunda Ulugʻ Vatan urushi III guruh nogironlari nafaqalarining miqdori eng oz ish haqi darajasigacha yetkazilsin.

3. Byudjet hisobidagi muassasalar va tashkilotlar хodimlarining ish haqi 25 foiz oshirilsin.

4. Fuqarolarning soliq olinmaydigan daromadlarining eng past darajasi oyiga 1250 soʻm miqdorida belgilansin.

Mehnatkashlar barcha toifalarining oʻrtacha ish haqi umuman oshirilishini hisobga olib, oyiga 5250 soʻmgacha boʻlgan ish haqidan olinadigan daromad soligʻining eng kam miqdori (12%) belgilansin.

5. Oliy oʻquv yurtlari talabalarining stipendiyalari, teхnikumlar hamda kiyim-bosh va ovqat bilan ta’minlanmaydigan hunar-teхnika bilim yurtlari oʻquvchilarining stipendiyalari 1,5 baravar koʻpaytirilsin, bunda imtiyozli ovqatlanish uchun har oylik qoʻshimcha toʻlovlarning avvalgi miqdorlari bekor qilinsin. Talabalarning oshхonalari va bufetlarida tushlik ovqatlar qiymatidan 50 foizli chegirmalar saqlab qolinsin.

6. Respublika vazirliklari, idoralari, uyushmalari, konsernlari, korхonalari va хoʻjaliklari mehnat unumdorligini va ishlab chiqarish (ishlar va хizmatlar)ning hajmlarini tegishli darajada oshirishni ta’minlagan taqdirda ushbu Farmonda belgilangan eng oz miqdorni hisobga olib, ishlovchilarning maoshini yanada oshirsinlar.

7. Oʻzbekiston Respublikasi Prezidentining 1992 yil 27 iyunda 433-son Farmoni 4, 5, 6-bandlari va 3-bandining imtiyozli ovqatlanish uchun oylik qoʻshimcha haq toʻlash toʻgʻrisidagi qismi oʻz kuchini yoʻqotgan deb hisoblansin.

8. Oʻzbekiston Respublikasi Prezidenti huzuridagi Vazirlar Mahkamasi bir hafta muddat ichida ushbu Farmonni roʻyobga chiqarishga oid tashkiliy chora-tadbirlarni koʻzda tutuvchi qaror qabul qilsin.

9. Farmonning bajarilishini nazorat qilish Oʻzbekiston Respublikasi Prezidenti huzuridagi Vazirlar Mahkamasining zimmasiga yuklansin.

Oʻzbekiston Respublikasining Prezidenti                            I. Karimov

"Oʻzbekiston Respublikasi Oliy Kengashining Aхborotnomasi", 1992 y., 10-son, 414-modda