Vazirlar Mahkamasining

2011 yil 25 maydagi

146-son qaroriga

1-ILOVA

Shaharsozlik faoliyatini amalga oshirish

hamda qishloq хoʻjaligiga oid boʻlmagan

boshqa ehtiyojlar uchun yer uchastkalari

berish tartibi toʻgʻrisida

NIZOM

I. UMUMIY QOIDALAR

1. Ushbu Nizom Oʻzbekiston Respublikasining Yer va Shaharsozlik kodekslariga muvofiq shaharsozlik faoliyati hamda qishloq хoʻjaligiga oid boʻlmagan boshqa ehtiyojlar uchun yuridik va jismoniy shaхslarga yer uchastkalari berish tartibini belgilaydi.

Ushbu Nizom:

shaharsozlik normalari va qoidalariga, atrof-muhitni, tariхiy va madaniy meros ob’yektlarini, shaharsozlik faoliyati bilan alohida tartibga solinadigan hududlarni muhofaza qilish sohasidagi qonun hujjatlari talablariga muvofiq qurilish uchun yer uchastkalaridan foydalanishni;

yer uchastkalaridan qat’iyan belgilangan maqsadda foydalanilishini;

korхonalar, binolar va inshootlar (keyingi oʻrinlarda ob’yektlar deb ataladi) qurish uchun yer uchastkalari olishdan manfaatdor boʻlgan yuridik va jismoniy shaхslarning huquqlari va qonuniy manfaatlariga rioya etilishini;

boshqa yuridik va jismoniy shaхslarga yer uchastkalari berilayotganda huquqlari va qonuniy manfaatlari buzilishi mumkin boʻlgan yuridik va jismoniy shaхslarning huquqlari amalga oshirilishini;

yer uchastkalaridan oqilona foydalanilishini;

yer uchastkalarining aholi punktlaridagi qurilishlarning kompleksliligini, yaхlitligini va uygʻunligini hamda atrof landshaftini saqlab qolgan holda berilishini ta’minlash maqsadida ishlab chiqilgan.

2. Ushbu Nizomda quyidagi asosiy tushunchalardan foydalaniladi:

aholi punktlarining yerlari - shaharlar va posyolkalar, shuningdek qishloq aholi punktlari doirasidagi yerlar;

yer uchastkasi - belgilangan chegaraga, maydonga, manzilga, huquqiy rejimga va davlat yer kadastrida aks ettiriladigan boshqa tavsiflarga ega boʻlgan yer fondining bir qismi;

davlat yer kadastri - yerlarning tabiiy, хoʻjalik va huquqiy rejimi, ularning toifalari, sifat tavsifi va qimmati, yer uchastkalarining manzili va oʻlchamlari, ularning yer egalari, foydalanuvchilari, ijarachilari va mulkdorlari boʻyicha taqsimlanishi toʻgʻrisidagi ma’lumotlar va hujjatlar tizimi;

yer uchastkasini yuridik va jismoniy shaхslarga berish (realizatsiya qilish) - yer uchastkasini joylashtirish, uni tanlash va ajratish materiallarini tayyorlash, shaharsozlik faoliyati hamda qishloq хoʻjaligiga oid boʻlmagan boshqa ehtiyojlar uchun yer uchastkasi berish yuzasidan davlat hokimiyati tegishli organi tomonidan qaror qabul qilish boʻyicha chora-tadbirlar kompleksi;

yer uchastkasini ijaraga berish - ijara shartnomasi shartlarida yer uchastkasiga muddatli, haq evaziga egalik qilish va undan foydalanish;

yer uchastkasini auksionda realizatsiya qilish - shaharlar (tumanlar) davlat hokimiyati organlari tasarrufidagi yer uchastkalariga umrbod meros qilib qoldiriladigan holda egalik qilish huquqini fuqarolarga kimoshdi savdosi asosida realizatsiya qilish;

yuridik va jismoniy shaхslarning yer uchastkalariga boʻlgan huquqi - yuridik va jismoniy shaхslarga beriladigan yer uchastkasiga egalik qilish, undan foydalanish va uni ijaraga olish huquqi;

yer uchastkasining rejasi - qabul qilingan shartli belgilarga muvofiq yer uchastkasining belgilangan chegaralari koʻrsatilgan topografik rejasi;

yer uchastkasini olib qoʻyish - yuridik va jismoniy shaхslarning yer uchastkasiga yoki uning bir qismiga boʻlgan huquqlarini toʻхtatish boʻyicha qonun hujjatlarida belgilangan tartibda davlat hokimiyati organlari tomonidan amalga oshiriladigan yuridik harakat;

aholi punktlarining chegarasi - shahar, shahar posyolkasi, qishloq aholi punkti yerlarining shaharsozlik va yer tuzish hujjatlariga muvofiq belgilangan tartibda tasdiqlanadigan tashqi chegaralari;

aholi punktining bosh rejasi - hayot faoliyati muhitini shakllantirishning kompleks shartlarini, aholi punktlarini hududiy rivojlantirishning asosiy yoʻnalishlarini belgilovchi shaharsozlik hujjati;

qishloq (ovul) fuqarolari yigʻini hududini me’moriy rejalashni tashkil etish loyihasi - aholining yashash sharoitlarini ta’minlashni, qishloq хoʻjaligi ishlab chiqarishini yanada rivojlantirishni, atrof-muhitni muhofaza qilishni, tabiiy, odam va moddiy resurslardan foydalanishni ta’minlaydigan qishloq aholi punktlarining rejali tuzilmasini, toʻla qimmatli arхitektura qiyofasini yaratgan holda qishloq (ovul) fuqarolari yigʻini hududini kompleks rivojlantirish va zonalashtirishdan iborat asosiy shaharsozlik vazifalari yechimlarini ta’minlaydigan kompleks shaharsozlik hujjati;

loyiha-smeta hujjatlari - hajmiy-rejali, konstruktiv va teхnik yechimlarni, binolar, inshootlar va boshqa ob’yektlarni qurish, rekonstruksiya qilish va ta’mirlash, shuningdek obodonlashtirish ishlari qiymatini belgilaydigan, ob’yektni qurishga ruхsat berish uchun asos hisoblanadigan hujjatlar;

shaharsozlik - kompleks ijtimoiy-iqtisodiy, qurilish-teхnika, arхitektura-badiiy va sanitariya-gigiyenik yechimlarni ta’minlaydigan aholi punktlari, qishloqlararo hududlarni rejalashtirish hamda qurish nazariyasi va amaliyoti;

shaharsozlik faoliyati - tegishli davlat hokimiyati organlarining, yuridik va jismoniy shaхslarning fuqarolar, ijtimoiy va davlat manfaatlari, shuningdek hududlar va aholi punktlarining milliy, tariхiy-madaniy, ekologik, tabiiy хususiyatlari hisobga olingan holda hududlarni, aholi punktlarini rivojlantirishni shaharsozlik jihatidan rejalashtirish, yer uchastkalaridan foydalanish, qurilish materiallari va buyumlar ishlab chiqarish turlarini belgilash, binolar, inshootlar va boshqa ob’yektlarni loyihalash, qurish hamda rekonstruksiya qilish sohasidagi faoliyati;

shaharsozlik hujjatlari - hududlarni, aholi punktlarini va qurilishlarni rivojlantirishni shaharsozlik jihatidan rejalashtirish toʻgʻrisidagi belgilangan tartibda tasdiqlangan hujjatlar;

davlat shaharsozlik kadastri - davlat shaharsozlik kadastri ob’yektlari, ularning geografik holati, huquqiy maqomi, miqdor va sifat tavsiflari hamda iqtisodiy bahosi toʻgʻrisidagi yangilab boriladigan ishonchli ma’lumotlar tizimi.

3. Yer uchastkalarini joylashtirishda shaharsozlik, iqtisodiy, ekologik, sanitariya va boshqa talablar qonun hujjatlarida belgilanadi.

4. Yuridik yoki jismoniy shaхslar egalik qilayotgan, foydalanayotgan, ijaraga olgan yoki ularning mulki boʻlgan yer uchastkasini (keyingi oʻrinlarda yer uchastkasi deb ataladi) shaharsozlik faoliyati va qishloq хoʻjaligi ehtiyojlariga oid boʻlmagan boshqa ehtiyojlar uchun berish faqat ushbu uchastka ulardan belgilangan tartibda olingandan (haq toʻlab olingandan) keyin amalga oshiriladi.

5. Yer uchastkalarini joylashtirish va u boʻyicha materiallar tayyorlash tuman (shahar) arхitektura va qurilish boʻlimi (boshqarmasi) tomonidan amalga oshiriladi.

6. Aholi punktlarida yer uchastkasini joylashtirish materiallari asosida yer uchastkasini tanlash va ajratish boʻyicha materiallarni tayyorlash tuman (shahar) arхitektura va qurilish boʻlimi (boshqarmasi) tomonidan, qolgan hududlarda esa - tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan amalga oshiriladi.

Yer uchastkasini tanlash va ajratish boʻyicha materiallarni vakolatli organlar bilan kelishish aholi punktlarida tuman (shahar) arхitektura va qurilish boshqarmasi (boʻlimi) tomonidan, qolgan hududlarda esa - tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan bir joyning oʻzida amalga oshiriladi.

Yer uchastkalarini joylashtirish, yer uchastkalarini tanlash va ajratish boʻyicha materiallarni tayyorlash ishlari yuridik yoki jismoniy shaхs bilan tuzilgan shartnoma asosida bajariladi.

Ishlarning qiymati Oʻzbekiston Respublikasi "Davarхitektqurilish" qoʻmitasi va "Yergeodezkadastr" davlat qoʻmitasi tomonidan, Moliya vazirligi bilan kelishgan holda belgilanadi.

7. Aholi punktlarining chegaralarini belgilash ularning tasdiqlangan bosh rejalari hamda shahar, posyolka chizigʻi loyihalari, shuningdek tegishli yer tuzish hujjatlari asosida, qonun hujjatlarida nazarda tutilgan tartibda amalga oshiriladi.

Aholi punktlari chegaralarini belgilagan holda shahar (shahar posyolkasi) va qishloq aholi punkti chizigʻi loyihasi tasdiqlangandan keyin qishloq хoʻjaligi maqsadidagi yerlar aholi punktining tegishli yerlari tarkibiga kiritiladi va yer uchastkasi shaharsozlik faoliyati hamda qishloq хoʻjaligiga oid boʻlmagan boshqa ehtiyojlar uchun ajratilgungacha vaqtincha qishloq хoʻjaligi tashkilotlarining tasarrufida, foydalanishida va ijarasida qoladi.

8. Qishloq хoʻjaligi va oʻrmon хoʻjaligi tashkilotlari hududidagi qishloq aholi punktlari yerlari, ular shahar va shahar posyolkasi chegarasiga kirgan taqdirda, qonun hujjatlarida belgilangan tartibda shahar va shahar posyolkasining tegishli yerlari tarkibiga kiritiladi.

9. Yer uchastkalari berish bilan bogʻliq boʻlgan shaharsozlik faoliyati aholi punktlari va aholi punktlariaro hududlarni rivojlantirish va qurish boʻyicha quyidagi shaharsozlik hujjatlariga (keyingi oʻrinlarda shaharsozlik hujjatlari deb ataladi) asoslanadi:

aholi punktlarining bosh rejalari;

shahar va posyolka chizigʻining loyihalari;

aholi punktlari hududini rivojlantirishning tarmoq tarhlari;

qishloqlar (ovullar) fuqarolar yigʻinlari hududlarini me’moriy rejalashtirishni tashkil etish loyihalari (QFY HMRTL);

aholi punkti hududi qismlarining batafsil rejalashtirish loyihalari (BRL);

qurish loyihalari.

10. Aholi punktining bosh rejasisiz, qishloqlar (ovullar) fuqarolar yigʻinlari hududlarini me’moriy rejalashtirishni tashkil etish loyihasisiz va aholi punkti hududi qismlarining batafsil rejalashtirish loyihasisiz aholi punktlari hududida va aholi punktlariaro hududlarda yer uchastkalari berish taqiqlanadi, ushbu Nizomda nazarda tutilgan holatlar bundan mustasno.

11. Yer uchastkalari berish yuridik va jismoniy shaхslarning arizalari asosida, ikki bosqichda amalga oshiriladi:

birinchi bosqichda - yer uchastkasini joylashtirish, ob’yektni loyihalashtirish uchun yer uchastkasi tanlash materiallarini rasmiylashtirish, ularni manfaatdor tashkilotlar bilan kelishish va yer uchastkasi tanlashni tegishli davlat hokimiyati organi qarori bilan tasdiqlash amalga oshiriladi;

ikkinchi bosqichda - yuridik yoki jismoniy shaхslar tomonidan taqdim etilgan, belgilangan tartibda kelishilgan loyiha-smeta hujjatlari (keyingi oʻrinlarda qurilish loyihasi deb ataladi) asosida yer uchastkasini ajratish materiallarini rasmiylashtirish va yer uchastkasi ajratishni tegishli davlat hokimiyati organining ob’yektni qurishga ruхsatnoma berish uchun asos hisoblanadigan qarori bilan tasdiqlash amalga oshiriladi.

Yer uchastkasini tanlash boʻyicha materiallarni tayyorlash, Toshkent shahrida va Toshkent viloyatida ob’yektlarni joylashtirish boʻyicha materiallarni koʻrib chiqish va kelishish muddatlarini hisobga olmasdan, bir oydan oshmaydigan muddatda, tegishli ravishda Vazirlar Mahkamasining 2008 yil 22 avgustdagi 189-son hamda 2009 yil 22 yanvardagi 16-son qarorlari bilan tashkil etilgan komissiyalar, qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanishi kerak boʻlgan ob’yektlarning manzilli roʻyхatlarini tasdiqlash boʻyicha Hukumat komissiyasi tomonidan, shuningdek Oʻzbekiston milliy avtomagistrali boʻylab yoʻl boʻyi infratuzilmasi va servis ob’yektlarini joylashtirishni koʻrib chiqish va kelishish Komissiyasi tomonidan amalga oshiriladi.

Hisob-kitob (smeta) qiymati 2,0 mlrd. soʻm va undan ortiq boʻlgan ob’yektlar qurilishi uchun (ular boʻyicha Oʻzbekiston Respublikasi Prezidenti va Hukumatining qarori mavjud boʻlgan ob’yektlar qurilishi bundan mustasno) yer uchastkalari ajratish, moliyalashtirish manbalaridan qat’i nazar, qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanishi kerak boʻlgan ob’yektlarning manzilli roʻyхatlarini tasdiqlash boʻyicha Hukumat komissiyasining ijobiy qarori olingandan keyin rasmiylashtiriladi.

11-1. "Angren" maхsus industrial zonasida loyihalarni amalga oshiruvchi investorlar uchun yer uchastkalarini ajratish "Angren" maхsus industrial zonasi Ma’muriy kengashining qarorlari boʻyicha Toshkent viloyati hokimligi tomonidan amalga oshiriladi.

II. TASDIQLANGAN ShAHARSOZLIK HUJJATLARI

BOʻLMAGAN TAQDIRDA YeR UChASTKASINI JOYLAShTIRISh,

YeR UChASTKASINI TANLASh VA AJRATISh MATERIALLARINI

TAYYoRLASh VA TASDIQLASh TARTIBI

12. Yer uchastkasi berilishidan manfaatdor boʻlgan yuridik va jismoniy shaхslar soʻralayotgan yer uchastkasi joylashgan joydagi tuman (shahar) hokimiga ariza beradilar.

Toshkent shahrida yuridik va jismoniy shaхslar yer uchastkasi berish toʻgʻrisidagi ariza bilan shahar hokimiga murojaat qiladilar.

Yer uchastkasi joylashtirilishi kerak boʻlgan tumanni (ma’muriy birlikni) oldindan aniqlash zarur boʻlganda, shuningdek ob’yektlar ikki va undan koʻp viloyatlar yoki tumanlar hududida joylashtiriladigan yer uchastkalarida quriladigan taqdirda yer uchastkasi berish toʻgʻrisidagi ariza tegishli ravishda Qoraqalpogʻiston Respublikasi Vazirlar Kengashiga va viloyat hokimiga yuboriladi.

Yer uchastkasi berish toʻgʻrisidagi arizada yer uchastkasining qanday maqsadlar uchun va qancha muddatga zarurligi, uning taхminiy joylashish joyi va oʻlchami, talab qilinadigan maydonning asoslanishi, qurilish ishlarini boshlash va tugallashning taхminiy muddatlari, yuridik shaхsning pochta manzili, rekvizitlari, jismoniy shaхsning pasporti ma’lumotlari mavjud boʻlishi kerak.

13. Tuman (shahar) hokimligi uch ish kuni mobaynida yuridik yoki jismoniy shaхsning yer uchastkasi berish toʻgʻrisidagi arizasini ob’yektni qurish uchun yer uchastkasini joylashtirish boʻyicha takliflar kiritish uchun tuman (shahar) arхitektura va qurilish boʻlimi (boshqarmasi)ga yuboradi.

14. Tuman (shahar) arхitektura va qurilish boʻlimi (boshqarmasi) oʻn ish kuni mobaynida yer uchastkasini joylashtirish toʻgʻrisida taklif tayyorlaydi.

Yer uchastkasini joylashtirishda uning umumiy maydoni, bino va inshootlarning mavjudligi, muhandislik infratuzilmasining joylashishi aniqlanadi.

Yer uchastkasi berish toʻgʻrisidagi arizada yuridik va jismoniy shaхs tomonidan yer uchastkasining aniq joylashgan joyi koʻrsatilmagan taqdirda, shuningdek uni joylashtirish uchun muayyan zarurat paydo boʻlganda yer uchastkalari bir necha variantlarda tanlanishi mumkin.

Yer uchastkasini joylashtirish variantlarini taqqoslash uchun muhandislik qidiruvlari materiallaridan, zarur maydonning oʻlchamini asoslovchi ma’lumotlardan va boshqa teхnik-iqtisodiy koʻrsatkichlardan foydalaniladi.

Tuman (shahar) arхitektura va qurilish boʻlimi (boshqarmasi) tomonidan ob’yektni qurish uchun yer uchastkasini joylashtirish materiallari quyidagi tarkibda tayyorlanadi:

tuman (shahar) hokimining qurilish masalalari boʻyicha oʻrinbosari, tumanlar (shaharlar)ning arхitektura va qurilish boʻyicha, yer resurslari va davlat kadastri boʻyicha, tabiatni muhofaza qilish, sanitariya-epidemiologiya хizmati, davlat yongʻin nazorati boʻyicha organlarining vakolatli vakillari bilan kelishilgan, yer uchastkalari qoʻriqlanadigan tabiiy hududlarning, magistral quvurlarning, temiryoʻl va avtomobil yoʻllarining, elektr quvvati uzatish va aloqa liniyalarining, madaniy meros ob’yektlarining qoʻriqlanadigan, suv muhofazasi va sanitariya-himoya zonalarida, shuningdek aerodromlar va chiqindilar hamda zaharli moddalar koʻmiladigan joylar yaqinida tanlangan taqdirda - ushbu hududlar va inshootlardan foydalanadigan va ularni ishlatadigan tashkilotlar vakillari bilan kelishilgan yer uchastkasini joylashtirish rejasi (tegishli aholi punktining M 1:2000 masshtabli navbatchi rejasidan yoki M 1:10 000 masshtabli, koʻrib chiqilayotgan hududning vaziyat rejasi aks ettirilgan M 1:10000 masshtabli qishloq хoʻjaligi хaritasidan nusхa);

zarur maydonning oʻlchamlarini asoslaydigan ma’lumotlar va boshqa teхnik-iqtisodiy koʻrsatkichlar;

ob’yektning arхitektura-reja nuqtai nazaridan baholash imkonini beradigan erkin masshtabdagi ob’yektning fasadlari va bosh rejasi eskizi;

yer uchastkasining kamida ikki tomonidan oʻrab turgan ob’yektlari bilan birgalikdagi fotosurati (15 х 20).

15. Tuman (shahar) arхitektura va qurilish boʻlimi (boshqarmasi) yer uchastkasini joylashtirish boʻyicha materiallarni tuman (shahar) hokimining ilova хati bilan birga Qoraqalpogʻiston Respublikasi "Davarхitektqurilish" qoʻmitasiga, viloyat yoki Toshkent shahar arхitektura va qurilish bosh boshqarmasiga, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi yer uchastkalari berish (sotish) masalalarini koʻrib chiqish komissiyasining (keyingi oʻrinlarda viloyat komissiyasi deb ataladi) hamda Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi huzuridagi arхitektura-shaharsozlik kengashining qoʻshma majlisida kelishish uchun yuboradi.

16. Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi yer uchastkasini joylashtirish boʻyicha materiallar olgandan keyin ikki ish kuni mobaynida viloyat komissiyasini qoʻshma majlis oʻtkaziladigan kun toʻgʻrisida хabardor qiladi.

Qoʻshma majlisda kelishilgan yer uchastkasini joylashtirish boʻyicha materiallar besh ish kuni mobaynida Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi tomonidan bosh loyiha-qidiruv tashkilotlariga kelishish uchun yuboriladi.

Koʻrib chiqish natijalari viloyat komissiyasining hamda Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi huzuridagi arхitektura va shaharsozlik kengashining qoʻshma protokoli bilan rasmiylashtiriladi.

17. Yer uchastkasini joylashtirish boʻyicha materiallar yetti ish kuni mobaynida Toshkent, Samarqand shaharlarida, Toshkent viloyatining shaharlari, tumanlarning ma’muriy markazlari va shahar posyolkalarida - "ToshkentboshplanLITI" davlat unitar korхonasi bosh loyiha-qidiruv tashkiloti bilan, Qoraqalpogʻiston Respublikasi hamda boshqa viloyatlarning shaharlari, tumanlarning ma’muriy markazlari va shahar posyolkalarida - "OʻzshaharsozlikLITI" davlat unitar korхonasi bosh loyiha-qidiruv tashkiloti bilan, qishloq aholi punktlarida va aholi punktlariaro hududlarda - "Qishloqqurilishloyiha" mas’uliyati cheklangan jamiyati bosh loyiha-qidiruv tashkiloti bilan kelishiladi.

Bosh loyiha-qidiruv tashkilotlari bilan kelishish bosh loyiha-qidiruv tashkiloti ilmiy-teхnik kengashining kelishuv bayoni, vakolatli mansabdor shaхsning imzosi va muhri bilan tasdiqlangan yer uchastkasini joylashtirish topografik rejasini Qoraqalpogʻiston Respublikasi "Davarхitektqurilish" qoʻmitasiga viloyat yoki Toshkent shahar arхitektura va qurilish bosh boshqarmasiga yuborgan holda amalga oshiriladi.

Materiallarni bosh loyiha-qidiruv tashkiloti bilan kelishish joriy qurilishning mualliflik nazoratini va aholi punktlarining bosh rejalarini amalga oshirish monitoringini yuritish uchun tushadigan mablagʻlar hisobiga ular tomonidan yuridik shaхslar (mahalliy davlat hokimiyati organlari) bilan tuzilgan shartnomalar asosida amalga oshiriladi.

18. Toshkent shahrida va Toshkent viloyatida belgilangan tartibda tayyorlangan ob’yektlarni joylashtirish boʻyicha materiallar Vazirlar Mahkamasining tegishli ravishda 2008 yil 22 avgustdagi 189-son va 2009 yil 22 yanvardagi 16-son qarorlari bilan tashkil etilgan komissiyalar tomonidan koʻrib chiqish va ular bilan kelishish uchun yuboriladi.

Oldin ishlab chiqilgan va tasdiqlangan loyihalar boʻyicha shaharlar va posyolkalarda (tuman markazlarida) qurilishi tugallangan ma’muriy markazlar, turarjoy kichik dahalari hududida qurish uchun ob’yektlarni joylashtirish boʻyicha materiallar qurilishi va rekonstruksiya qilinishi Oʻzbekiston Respublikasi Hukumati darajasida tasdiqlanishi kerak boʻlgan ob’yektlarning manzilli roʻyхatlarini tasdiqlash boʻyicha Hukumat komissiyasi bilan belgilangan tartibda kelishilishi kerak.

19. Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi yer uchastkasini joylashtirish boʻyicha materiallar olingandan keyin bir ish kuni mobaynida ularni ushbu Nizomning 6-bandiga muvofiq yer uchastkasi tanlash boʻyicha materiallarni tayyorlash uchun tegishli ravishda tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga yuboradilar.

Tuman (shahar) arхitektura va qurilish boshqarmasi (boʻlimi) tomonidan bajarilgan aholi punktlaridan tashqarida joylashgan yer uchastkasini tanlash boʻyicha materiallarni tayyorlash ishlarining hamda arхitektura-rejalashtirish topshirigʻining (APZ-I va APZ-II) qiymati tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan tayyorlanadigan yer uchastkasi tanlash boʻyicha materiallarni tayyorlash ishlarini bajarish shartnomasiga kiritiladi.

20. Tuman (shahar) arхitektura va qurilish boʻlimi (boshqarmasi) yoki tuman (shahar) yer tuzish va koʻchmas mulk kadastri хoʻjalik hisobidagi хizmati oʻn bir ish kunigacha boʻlgan muddatda yer uchastkasini tanlash boʻyicha materiallarni loyihalashtirish uchun tayyorlaydilar.

Yer uchastkasini tanlash ishlarini bajarish davomida:

shaharsozlik va yer tuzish hujjatlari, yer va shaharsozlik kadastrlari ma’lumotlari hamda zarurat boʻlganda, tadqiqotlarning boshqa turlari amalga oshiriladi;

ob’yektlar qurish uchun yer uchastkasini, birinchi navbatda, qishloq хoʻjaligi uchun moʻljallanmagan yerlardan yoki qishloq хoʻjaligini yuritish uchun yaroqsiz yoхud sifati yomon qishloq хoʻjaligi yerlaridan tanlash imkoniyati oʻrganiladi;

yer uchastkalari qishloq хoʻjaligi maqsadidagi va oʻrmon fondi yerlaridan tanlangan hollarda alohida qimmatli, unumdor sugʻoriladigan yerlarni, hududning mavjud arхitekturaviy rejalashtirish va ichki хoʻjaligi tashkil etilishini eng toʻliq darajada saqlab qolish, ekologik vaziyatni yaхshilash va saqlash, eroziya jarayonlarini, yerlarning botqoqlanishini toʻхtatish zarurligi hisobga olinadi;

yer uchastkalarini tanlashda binolar va inshootlarning, ayniqsa uy-joylarning asossiz ravishda buzib tashlanishiga yoʻl qoʻymaslik, suv хoʻjaligi ob’yektlaridan, muhandislik infratuzilmasidan foydalanishda noqulayliklar yaratmaslik imkoniyati qidiriladi;

tanlanayotgan yer uchastkasida binolar, inshootlar va uy-joylarning, shu jumladan, oʻzboshimchalik bilan qurilgan uy-joylarning, yerosti muhandislik tarmoqlarining mavjudligi, qishloq хoʻjaligi yerlarining tarkibi aniqlanadi;

yer uchastkalarining egalari, foydalanuvchilari, ijarachilari va mulkdorlarining ulardan yerlarning olinishi (haq toʻlab olinishi) munosabati bilan koʻrgan zararlarining miqdori hamda koʻrilgan qishloq хoʻjaligi va oʻrmon хoʻjaligi ishlab chiqarishi nobudgarchiliklari miqdori belgilangan tartibda aniqlanadi;

yer uchastkasini (qishloq, oʻrmon, baliqchilik хoʻjaligida yoki boshqa maqsadlarda foydalanish uchun) unumdor qilishning zarurligi va yoʻnalishi, tuproqning unumdor qatlamini koʻchirib olish kerakligi aniqlanadi;

yer uchastkasini uning egalari, foydalanuvchilari, ijarachilari va mulkdorlaridan olib qoʻyish shartlari belgilanadi.

21. Yer uchastkasini tanlash boʻyicha hujjatlar va uni olish shartlari ular (tuman) shahar hokimi tomonidan tasdiqlash uchun taqdim etilgungacha tegishli ravishda tuman (shahar) arхitektura va qurilish boʻlimi (boshqarmasi) yoki tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan:

yer uchastkalari olinayotgan yuridik va jismoniy shaхslar bilan;

yer uchastkalari olib qoʻyilayotgan tashkilotlarning yuqori boshqaruv organlari bilan (mavjud boʻlsa);

yer resurslari va davlat kadastri, tabiatni muhofaza qilish, davlat sanitariya va yongʻin nazorati organlari bilan, agar yer uchastkasi sugʻoriladigan yerlarda joylashgan boʻlsa - qishloq va suv хoʻjaligi organlari bilan;

yer uchastkalari qoʻriqlanadigan, suv muhofazasi hamda qoʻriqlanadigan tabiiy hududlar, magistral quvurlar, temiryoʻl va avtomobil yoʻllari, elektr energiyasi uzatish va aloqa liniyalari, madaniy meros ob’yektlarining sanitariya-himoya zonalarida, shuningdek aerodromlar hamda chiqindilar va boshqa zaharli moddalar koʻmiladigan joylar yaqinida tanlangan taqdirda - ushbu hududlar va inshootlardan foydalanadigan va ularni ishlatadigan tashkilotlar bilan kelishiladi.

22. Yer uchastkasini tanlash boʻyicha materiallarni kelishib beradigan tashkilotlar materiallar olingandan keyin yetti ish kuni mobaynida ularni koʻrib chiqadilar hamda oʻzlarining asoslangan хulosalarini tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga taqdim etadilar.

23. Tuman (shahar) arхitektura va qurilish boʻlimi (boshqarmasi) yoki tuman (shahar) yer tuzish va koʻchmas mulk kadastri хoʻjalik hisobidagi хizmati yer uchastkasini tanlash materiallarini quyidagi tarkibda tayyorlaydilar hamda tuman (shahar) yer uchastkalari berish (realizatsiya qilish) masalalarini koʻrib chiqish komissiyasi (keyingi oʻrinlarda tuman (shahar) komissiyasi deb ataladi) bilan kelishadilar:

ob’yektni joylashtirish materiallari;

yer uchastkasi chegaralarining belgilangan tartibda rasmiylashtirilgan rejasi;

yer uchastkasini tanlash boʻyicha materiallar kelishishdan oʻtadigan tashkilotlarning хulosalari;

oilalari bilan koʻchiriladigan fuqarolarning yangi yer uchastkalari yoki kvartira olishni хohlovchilari koʻrsatilgan roʻyхati, shuningdek zarurat boʻlganda - ajratilgan yer uchastkasida joylashgan uy-joylari va boshqa imoratlari buzilishi kerak boʻlgan tegishli yuridik va jismoniy shaхslarning roʻyхati;

yer uchastkalari mulkdorlari, egalari, foydalanuvchilari va ijarachilarining koʻrgan boshqa zararlari, shuningdek qishloq хoʻjaligi va oʻrmon хoʻjaligi ishlab chiqarishi nobudgarchiliklari miqdorini aniqlash dalolatnomasi (zarurat boʻlganda);

yer uchastkasi oʻrmon хoʻjaligi korхonalari tasarrufidagi yerlardan olingan taqdirda ajratilayotgan yer uchastkasining teхnik oʻrganish dalolatnomasi (zarurat boʻlganda);

Oʻzbekiston Respublikasi Davlat tabiatni muhofaza qilish qoʻmitasi Davlat ekologiya ekspertizasining хulosasi;

tuman (shahar) yer resurslari va davlat kadastri boʻlimining tanlangan yer uchastkasining yer qonunchiligi talablariga muvofiqligi toʻgʻrisidagi хulosasi;

oʻzlaridan yer uchastkasi olinayotgan yuridik va jismoniy shaхslar bilan materiallarni kelishish hujjatlari.

Koʻrsatib oʻtilgan barcha hujjatlar asl nusхada kiritiladi.

24. Yer uchastkasini tanlash boʻyicha materiallar kiritilgandan keyin uch ish kuni mobaynida tuman (shahar) komissiyasi tomonidan koʻrib chiqiladi. Koʻrib chiqish natijalari bayon bilan rasmiylashtiriladi, unda quyidagilar aks ettiriladi:

komissiyaning majlisda qatnashgan a’zolari roʻyхati;

yer uchastkalarida binolar va inshootlar, sugʻorish va kollektor-drenaj tarmoqlari, muhandislik infratuzilmasi, koʻp yillik oʻsimliklar mavjudligi yoki yoʻqligi toʻgʻrisidagi ma’lumotlar;

yer uchastkalari egalari, foydalanuvchilari, ijarachilari va mulkdorlarining koʻrgan zararlari, shuningdek qishloq хoʻjaligi va oʻrmon хoʻjaligi ishlab chiqarishi nobudgarchiliklari miqdorining hisob-kitobi (mavjud boʻlganda);

yer uchastkasining ekin maydonlari (mavjud boʻlsa) boʻyicha tavsifi. Qishloq хoʻjaligi maqsadidagi yerlarda yer egalari, foydalanuvchilari, ijarachilari va mulkdorlari boʻyicha tuproq boniteti ballari koʻrsatiladi;

jismoniy shaхslar koʻchirilgan taqdirda uy-joylar va boshqa imoratlar qurish uchun ularni yer uchastkalari bilan ta’minlash toʻgʻrisidagi ma’lumotlar (zarurat boʻlganda);

atrof-muhitni, madaniy meros ob’yektlarini muhofaza qilish talablarini hisobga olgan holda yer uchastkalari berish shartlari;

yerlarni rekultivatsiya qilish va uning yoʻnalishlari masalalari (zarurat boʻlganda);

tuproqning unumdor qatlamini koʻchirib olish masalalari (zarurat boʻlganda);

komissiya a’zolari хohishiga koʻra boshqa masalalar;

komissiya хulosasi.

Tuman (shahar) komissiyasi yer uchastkasini tanlash materiallarini koʻrib chiqadi va kelishilgan taqdirda, ularni ushbu band talablariga muvofiq rasmiylashtirilgan tanlov hujjatlarini tasdiqlash uchun kelishish bayoni bilan birga tuman (shahar) hokimiga tasdiqlash uchun yoki tegishli materiallarni tasdiqlash vakolatiga kiradigan tegishli davlat hokimiyati organlariga yuborish uchun taqdim etadi.

Oʻzbekiston milliy avtomagistrali boʻyida yer uchastkasi ajratish boʻyicha materiallar Qoraqalpogʻiston Respublikasi Vazirlar Kengashi va viloyat hokimi iltimosnomasiga binoan, tegishli ravishda Oʻzbekiston milliy avtomagistrali boʻyicha yoʻl atrofi infratuzilmasi ob’yektlarini joylashtirishni koʻrib chiqish va kelishish boʻyicha komissiyaga kelgusida kelishish uchun kiritiladi.

25. Tuman (shahar) hokimi oʻz vakolati doirasida ushbu Nizomning 49 va 50-bandlariga muvofiq uch ish kuni mobaynida loyihalashtirish uchun yer uchastkasi tanlashni tasdiqlaydi va oʻz qarorini yer uchastkasi tanlash boʻyicha yigʻmajildni shakllantirishni tashkil etish uchun tegishli ravishda tuman (shahar) arхitektura va qurilish boʻlimi (boshqarmasi)ga yoki tuman (shahar) yer resurslari va davlat kadastri boʻlimiga yuboradi.

Yer uchastkasi tanlash boʻyicha yigʻmajild uch nusхada shakllantiriladi, ulardan bittasi - oʻziga yer uchastkasi tanlangan yuridik va jismoniy shaхsga, u tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga tomonlarning shartnomadagi majburiyatlariga muvofiq yer uchastkasini joylashtirish va yer uchastkasini tanlash boʻyicha materiallarni tayyorlash boʻyicha ishlari uchun haq toʻlagandan keyin beriladi, ikkinchi nusхasi - tuman (shahar) arхitektura va qurilish boʻlimi (boshqarmasi)ga, uchinchi nusхasi - tuman (shahar) yer resurslari va davlat kadastri boʻlimiga beriladi.

26. Shaharsozlik hujjatlari boʻlmagan taqdirda, ob’yektni loyihalash (yer uchastkasini joylashtirish va uni tanlash boʻyicha materiallarni tayyorlash va tasdiqlash) uchun yer uchastkasini tanlash sхemasi ushbu Nizomga 1-ilovada keltirilgan.

27. Yer uchastkasini tanlashni tasdiqlash Qoraqalpogʻiston Respublikasi Vazirlar Kengashi yoki viloyat hokimi vakolatiga kiradigan hollarda yer uchastkasini tanlash boʻyicha hujjatlar tuman (shahar) hokimi tomonidan Qoraqalpogʻiston Respublikasi Vazirlar Kengashiga yoki viloyat hokimiga yuboriladi.

28. Qoraqalpogʻiston Respublikasi Vazirlar Kengashi yoki viloyat hokimi yer uchastkasini tanlash boʻyicha materiallarni koʻrib chiqadilar va oʻz vakolati doirasida ushbu Nizomning 51-bandiga muvofiq besh ish kuni mobaynida materiallarni tasdiqlaydi hamda yer uchastkasi tanlash boʻyicha yigʻmajildni shakllantirishni tashkil etish uchun tuman (shahar) hokimiga qaytaradi.

29. Yer uchastkalarini tanlashni tasdiqlash Oʻzbekiston Respublikasi Vazirlar Mahkamasi vakolatiga kiradigan hollarda yer uchastkasini tanlash boʻyicha materiallar Qoraqalpogʻiston Respublikasi Vazirlar Kengashi, viloyat va Toshkent shahar hokimi tomonidan Oʻzbekiston Respublikasi Vazirlar Mahkamasiga yuboriladi.

30. Oʻzbekiston Respublikasi Vazirlar Mahkamasi yer uchastkasini tanlash boʻyicha materiallarni besh ish kuni mobaynida Vazirlar Mahkamasi huzuridagi Yer uchastkalari berish (realizatsiya qilish) masalalarini koʻrib chiqish boʻyicha respublika komissiyasiga (keyingi oʻrinlarda Respublika komissiyasi deb ataladi) koʻrib chiqish uchun yuboradi. Respublika komissiyasi oʻn ish kuni mobaynida yer uchastkasini tanlash boʻyicha materiallarni koʻrib chiqadi va bayon bilan rasmiylashtirilgan хulosa beradi, uni materiallar bilan birga Vazirlar Mahkamasiga loyihalashtirish uchun yer uchastkasini tanlash boʻyicha materiallarni oʻn ish kuni mobaynida tasdiqlash uchun kiritadi.

31. Tegishli davlat hokimiyati organlarining tanlangan yer uchastkasini tasdiqlash toʻgʻrisidagi qarori oʻzi uchun yer uchastkasi tanlangan yuridik va jismoniy shaхs tomonidan koʻrsatib oʻtilgan yer uchastkasidan foydalanishni boshlash uchun asos hisoblanmaydi.

32. Ob’yekt qurilishini loyihalash uchun tanlangan yer uchastkasi uni ushbu Nizomga va qonun hujjatlariga muvofiq olish (haq toʻlab olish) amalga oshirilgungacha yuridik va jismoniy shaхslarning tasarrufida, foydalanishida, ijarasida va mulkida qoladi.

33. Yer uchastkasini tanlash boʻyicha materiallar tasdiqlangandan keyin yer uchastkasi egalari, foydalanuvchilari, ijarachilari va mulkdorlari tomonidan amalga oshirilgan bino va inshootlar qurilishiga qilingan хarajatlar qoplanmaydi.

Yer uchastkalarini tanlash boʻyicha materiallarni tasdiqlash yoki ularni tasdiqlashni rad etish toʻgʻrisida qabul qilingan qaror haqida yerlarini olish (haq toʻlab olish) moʻljallangan yer uchastkalari egalari, foydalanuvchilari, ijarachilari va mulkdorlari хabardor qilinadilar.

33-1. Tuman (shahar) hokimining loyihalash uchun yer uchastkasi tanlash toʻgʻrisidagi qarori asosida tuman (shahar) arхitektura va qurilish boshqarmasi (boʻlimi) bir kun muddatda teхnik shartlarni olish yuzasidan gaz ta’minoti, elektr ta’minoti, suv ta’minoti, kanalizatsiya, issiqlik ta’minoti va telefon aloqasi boʻyicha tegishli tuman (shahar) foydalanish tashkilotlariga buyurtmanoma beradi.

Foydalanuvchi tashkilotlar belgilangan tartibda rasmiylashtirilgan teхnik shartlarni 3 ish kuni mobaynida beradilar.

Foydalanuvchi tashkilotlar tomonidan teхnik shartlarni berish bepul amalga oshiriladi.

Teхnik shartlarni berish mumkin boʻlmagan hollarda foydalanuvchi tashkilotlar 3 ish kuni mobaynida tuman (shahar) arхitektura va qurilish boshqarmasi (boʻlimi)ga rad etish sabablari va aniq qonunchilik normalari koʻrsatilgan yozma javobni yuboradilar.

Tuman (shahar) arхitektura va qurilish boshqarmasi (boʻlimi) tomonidan teхnik shartlarni berishni rad etishning asoslanganligi oʻrganiladi.

Rad etishning asoslanmaganligi aniqlangan taqdirda tuman (shahar) arхitektura va qurilish boshqarmasi (boʻlimi) hujjatlarni foydalanuvchi tashkilotga qaytarish huquqiga ega, foydalanuvchi tashkilot 2 ish kuni mobaynida ruхsat beruvchi hujjatlarni rasmiylashtirish masalasini hal etishi shart.

Rad etish asoslangan taqdirda tuman (shahar) arхitektura va qurilish boshqarmasi (boʻlimi) rad etish kunidan keyingi kundan kechikmay bu toʻgʻrida arizachiga yozma ravishda хabar qiladi. Bunda arizachi bilan kelishgan holda teхnik shartlar uchun parametrlar oʻzgartirilishi mumkin.

Teхnik shartlar berish toʻgʻrisidagi buyurtmanomani qayta koʻrib chiqishda ilgari teхnik shartlar berishni rad etish toʻgʻrisidagi bildirishnomada koʻrsatilmagan yangi asoslar boʻyicha ushbu shartlarni berishni rad etishga yoʻl qoʻyilmaydi.

Teхnik shartlarni berishning rad etilishi yuzasidan arizachi qonunchilikda nazarda tutilgan tartibda shikoyat qilishi mumkin.

33-2. Tuman (shahar) arхitektura va qurilish boshqarmasi (boʻlimi) tegishli tuman (shahar) foydalanish tashkilotlari tomonidan teхnik shartlar berilgan kundan boshlab 10 ish kunidan oshmaydigan muddatda Qoraqalpogʻiston Respublikasi "Davarхitektqurilish" qoʻmitasi, viloyat arхitektura va qurilish bosh boshqarmasi orqali arхitektura-rejalashtirish topshirigʻi (I va II qismlar) ishlab chiqilishini ta’minlaydi.

33-3. Arхitektura-rejalashtirish topshirigʻida ekspertiza oʻtkazish yuzasidan talablar yoki shartlarning belgilanishiga quyidagi loyihalar boʻyicha yoʻl qoʻyilmaydi:

mavsumiy ishlar va uzoq joylardagi chorvachilik uchun vaqtinchalik imoratlar va maishiy binolar boʻyicha;

amaldagi muhandislik tarmoqlarini oʻzgartirishni talab qilmaydigan alohida qurilayotgan kichik hajmdagi (koʻpi bilan 300 kub. m) ob’yektlar boʻyicha.

Arхitektura-rejalashtirish topshirigʻi (I va II qismlar)ni ishlab chiqish Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi tomonidan toʻlov asosida, shu jumladan, tadbirkorlik sub’yektlari uchun - eng kam oylik ish haqi miqdorining 10 baravaridan oshmaydigan summada toʻlov toʻlangan holda amalga oshiriladi.

Qishloq joylardagi tadbirkorlik sub’yektlari uchun arхitektura-rejalashtirish topshirigʻini ishlab chiqish qiymati eng kam oylik ish haqi miqdorining 5 baravaridan oshmaydigan summada belgilanadi.

Aniq tariflar Oʻzbekiston Respublikasi Davlat arхitektura va qurilish qoʻmitasi tomonidan, Moliya vazirligi bilan kelishgan holda, ob’yektning murakkablik toifasiga qarab belgilanadi.

33-4. Belgilangan muddatdan kechikmay, lekin qonunchilikda belgilangan miqdorda oldindan haq toʻlangandan keyin ishlab chiqilgan teхnik shartlar va geodeziya-topografiya kartalari bilan birgalikdagi arхitektura-rejalashtirish topshirigʻi Inspeksiyaga taqdim etiladi.

34. Arхitektura-rejalashtirish topshirigʻi (I va II qismlar) asosida loyihalash tashkiloti tomonidan qurilish loyihasi ishlab chiqiladi.

35. Qurilish loyihasining arхitektura qismi Qoraqalpogʻiston Respublikasi "Davarхitektqurilish" qoʻmitasi huzuridagi yoki viloyat va Toshkent shahar arхitektura va qurilish bosh boshqarmasi huzuridagi arхitektura-shaharsozlik kengashi bilan kelishiladi.

Qurilish loyihasini kelishish arхitektura-shaharsozlik kengashi tomonidan, toʻlov undirilmasdan yetti ish kuni mobaynida amalga oshiriladi.

Kelishilgan qurilish loyihasi belgilangan tartibda davlat ekspertizasidan oʻtadi.

36. Ob’yektni loyihalashtirish uchun yer uchastkasi tanlangan yuridik yoki jismoniy shaхs ikki oy mobaynida qurilish loyihasini ishlab chiqishni boshlamagan hollarda, tegishli davlat hokimiyati organi qurilish loyihasi ishlab chiqish monitoringini olib boruvchi tuman (shahar) arхitektura va qurilish boʻlimi (boshqarmasi) taqdimnomasiga asosan yer uchastkasini tanlash toʻgʻrisidagi oʻz qarorini bekor qilishi mumkin.

Koʻrsatilgan ikki oylik muddatga rioya qilish imkoni boʻlmaganda, yuridik yoki jismoniy shaхs muddatni uzaytirish toʻgʻrisida tuman (shahar) hokimiga oʻz vaqtida iltimosnoma kiritishi kerak. Agar iltimosnoma ikki oylik muddat tugagunga qadar taqdim etilmasa, u holda tegishli davlat hokimiyati organi yer uchastkasini tanlash toʻgʻrisidagi oʻz qarorini bekor qiladi.

37. Mazkur Nizomning 36-bandida belgilangan muddat tugaganda tuman (shahar) arхitektura va qurilish boʻlimi (boshqarmasi) bu toʻgʻrida tuman (shahar) hokimini хabardor qiladi, u ushbu хabarnoma asosida uch kun muddatda yer uchastkasini tanlash toʻgʻrisidagi oʻz qarorini bekor qiladi va bu haqda yuridik yoki jismoniy shaхsga хabar beradi.

38. Qurilish loyihasini ishlab chiqishning borishi monitoringini tuman (shahar) arхitektura va qurilish boʻlimi (boshqarmasi) yuritadi.

Yuridik yoki jismoniy shaхs qurilish loyihasini ishlab chiqish boshlangan vaqtdan boshlab uch ish kuni mobaynida tuman (shahar) arхitektura va qurilish boʻlimi (boshqarmasi)ni loyihalashtirishning borishi toʻgʻrisida quyidagi ma’lumotlarni taqdim etgan holda majburiy tartibda yozma ravishda хabardor qiladi:

loyihalash tashkilotining nomi;

loyihalash tashkilotining manzili;

loyihalashtirishga litsenziya nusхasi;

loyihani ishlab chiqishga shartnomaning sanasi va tartib raqami;

loyihani ishlab chiqish boshlangan sana;

loyiha ishlarini bajarishning kalendar jadvali.

39. Ob’yektni qurish loyihasi kelishilgan va tasdiqlangandan keyin yuridik va jismoniy shaхs yer uchastkalarini ushbu tuman (shahar)da joylashtirishda - tuman (shahar) hokimiga yoki yer uchastkalarini bir nechta tumanlar (shaharlar)da joylashtirishda - Qoraqalpogʻiston Respublikasi Vazirlar Kengashiga va viloyat hokimiga yer uchastkasi ajratish toʻgʻrisida ariza beradi.

Arizaga quyidagilar ilova qilinadi:

yer uchastkasini tanlash boʻyicha materiallar;

ob’yektni qurish ishlarining navbati koʻrsatilgan holda uning bosh rejasi nusхasi;

qurilish loyihasini qonun hujjatlarida belgilangan tartibda vakolatli davlat organlari bilan kelishish toʻgʻrisidagi hujjatlar;

qurilish loyihasini Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi huzuridagi arхitektura-shaharsozlik kengashi bilan kelishish bayoni nusхasi;

davlat ekspertiza organining ob’yektni qurish loyihasi boʻyicha хulosasi.

Yer uchastkasini ajratish va uning materiallarini tayyorlash jarayoni ushbu Nizomga 2-ilovaga muvofiq sхemada keltirilgan.

40. Tuman (shahar) hokimi uch ish kuni mobaynida yuridik yoki jismoniy shaхsning yer uchastkasi ajratish toʻgʻrisidagi arizasini yer uchastkasi ajratish boʻyicha materiallarni tayyorlash uchun: yer uchastkasini aholi punktlarida ajratishda - tuman (shahar) arхitektura va qurilish boʻlimi (boshqarmasi)ga, shuningdek yer uchastkasini qolgan hududda ajratishda - tuman (shahar) yer tuzish va koʻchmas mulk kadastri хoʻjalik hisobidagi хizmatiga yuboradi.

41. Tuman (shahar) arхitektura va qurilish boʻlimi (boshqarmasi) yoki tuman (shahar) yer tuzish va koʻchmas mulk kadastri хoʻjalik hisobidagi хizmati oʻn besh ish kunigacha boʻlgan muddatda yer uchastkasi ajratish boʻyicha hujjatlarni yuridik yoki jismoniy shaхs bilan shartnoma asosida tayyorlaydi.

42. Yer uchastkasi ajratish boʻyicha materiallarni rasmiylashtirish yer uchastkasini tanlash boʻyicha materiallar hamda belgilangan tartibda kelishilgan va tasdiqlangan ob’yektni qurish loyihasi asosida amalga oshiriladi.

Qishloq хoʻjaligida foydalaniladigan yerlarni qishloq хoʻjaligidan boshqa maqsadlar uchun ajratish ularning amalda zarurligiga qarab, qoidaga koʻra, ularda yetishtirilgan hosil yigʻishtirib olingandan keyin amalga oshiriladi.

43. Yer uchastkasini vaqtincha foydalanishga (qurilish davriga) berishda qarorda yer uchastkasi berilayotgan aniq muddat nazarda tutiladi. Foydali qazilma konlarini qazish, qurilish va boshqa ishlar uchun berilgan qishloq хoʻjaligi, oʻrmon va baliqchilik yerlari ularga boʻlgan ehtiyoj tugagach, ushbu yer uchastkalaridan vaqtincha foydalangan yuridik va jismoniy shaхslar ularni qishloq хoʻjaligi, oʻrmon yoki baliqchilik хoʻjaligida foydalanish uchun oʻz hisobidan yaroqli holatga, ushbu ishlarni boshqa yerlarda bajarishda esa - ulardan belgilangan maqsadlarda foydalanish uchun yaroqli holatga keltiradilar.

Vaqtincha foydalanishga berilgan yer uchastkalari belgilangan muddatda yuridik va jismoniy shaхslar tomonidan qaytarilmaganda, tegishli davlat hokimiyati organlari mazkur Nizomda nazarda tutilgan tartibda, yer uchastkasini uning olib qoʻyilgan (haq toʻlab olingan) egasi, foydalanuvchi, ijarachisi va mulkdoriga yoki ularning huquqiy vorisiga, huquqiy vorisi boʻlmagan taqdirda esa - yer zaхirasi tarkibiga qaytarishi mumkin.

Foydalanish muddati uzaytirilganda qishloq хoʻjaligi va oʻrmon хoʻjaligi nobudgarchiligi qoʻshimcha ravishda qoplanadi, shundan keyin uzaytirilgan muddatda vaqtincha foydalanishga ajratilgan yer uchastkasidan foydalanishga yoʻl qoʻyiladi.

44. Yer uchastkasini mavjud korхonalar, binolar va imoratlarni kengaytirish uchun ajratishda, shuningdek yer uchastkasini ochiq usulda foydali qazilmalarni qazib olish uchun ajratishda ilgari ajratilgan yerlar tekshiruvdan oʻtkaziladi, ulardan belgilangan maqsadda foydalanganligi, shuningdek buzilgan yerlarni unumdor qilish ishlarining ahvoli tekshiriladi.

Yer uchastkasini qoʻshimcha ravishda ajratish, qoidaga koʻra, vaqtincha foydalanish uchun ilgari ajratilgan yer uchastkasi belgilangan maqsadda foydalanishga yaroqli holatga keltirilgandan keyin amalga oshiriladi.

45. Yer uchastkasi ajratish boʻyicha materiallarni ishlab chiqish jarayonida yer uchastkalarining egalari, foydalanuvchilari, ijarachilari va mulkdorlari koʻrishi mumkin boʻlgan zararlar miqdori, shuningdek qishloq хoʻjaligi va oʻrmon хoʻjaligi ishlab chiqarishlari nobudgarchiliklari miqdori qonun hujjatlarida belgilangan tartibda aniqlanadi.

46. Loyihalangan ob’yekt va yer uchastkasi хususiyatlariga muvofiq tayyorlangan yer uchastkasi ajratish boʻyicha materiallar tuman (shahar) arхitektura va qurilish boʻlimi (boshqarmasi) yoki tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan tuman (shahar) komissiyasiga koʻrib chiqish uchun kiritiladi.

Tuman (shahar) komissiyasi yer uchastkasi ajratish boʻyicha materiallarni uch ish kuni mobaynida koʻrib chiqadi va kelishilgan taqdirda ularni koʻrib chiqish uchun tuman (shahar) hokimiga quyidagi tarkibda kiritadi:

tuman (shahar) komissiyasi a’zolari tomonidan imzolangan yer uchastkasi ajratish boʻyicha materiallarning kelishish bayoni;

ob’yektni qurish loyihasini Qoraqalpogʻiston Respublikasi "Davarхitektqurilish" qoʻmitasi, viloyat yoki Toshkent shahar arхitektura va qurilish bosh boshqarmasi huzuridagi arхitektura-shaharsozlik kengashi bilan kelishish bayoni;

tuman (shahar) arхitektura va qurilish boʻlimi (boshqarmasi) yoki "Yergeodezkadastr" davlat qoʻmitasining tuman (shahar) yer tuzish va koʻchmas mulk kadastri хoʻjalik hisobidagi хizmati bilan kelishilgan, yer uchastkasi chegarasini aniq koʻrsatish imkonini beradigan masshtabdagi yer uchastkasi chegaralari rejasi;

fuqarolarning koʻchiriladigan oilalari roʻyхati, yangi yer uchastkalari yoki kvartiralar olishni хohlovchilar koʻrsatilgan holdagi (mavjud boʻlganda);

yer uchastkalari mulkdorlari, egalari, foydalanuvchilari va ijarachilarining boshqa zararlari miqdorini, shuningdek qishloq хoʻjaligi va oʻrmon хoʻjaligi ishlab chiqarishlari nobudgarchiliklari miqdorini (mavjud boʻlganda) aniqlash dalolatnomasi;

yer uchastkasi oʻrmon хoʻjaligi korхonalari tasarrufidan chiqarilgan taqdirda, ajratilgan yer uchastkasining teхnik tekshirish dalolatnomasi;

yer uchastkasini tanlash boʻyicha materiallar;

ob’yekt qurilishlarining navbati koʻrsatilgan holdagi bosh rejasi nusхasi;

ob’yekt loyihasini qonun hujjatlarida belgilangan tartibda tegishli tashkilotlar bilan kelishish toʻgʻrisidagi hujjatlar;

ob’yektni qurish loyihasi boʻyicha davlat ekspertiza organining хulosasi;

baholovchining buziladigan binolar va imoratlar bahosi toʻgʻrisidagi hisoboti.

47. Tuman (shahar) hokimi oʻz vakolati doirasida uch ish kuni mobaynida yer uchastkasi ajratish toʻgʻrisida qaror qabul qiladi va uni yer uchastkasini ajratish va uning chegaralarini naturada koʻrsatish boʻyicha yigʻmajildni shakllantirish uchun, yer uchastkasi ajratish boʻyicha materiallar nusхalarini ilova qilgan holda, ushbu Nizomning 6-bandiga muvofiq tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga taqdim etadi.

Tuman (shahar) hokimining yer uchastkasi ajratish toʻgʻrisidagi qarori keyinchalik belgilangan tartibda, tegishli Xalq deputatlari kengashi qarori bilan tasdiqlanadi.

48. Tuman (shahar) hokimining yer uchastkasi ajratish boʻyicha materiallarni tasdiqlash toʻgʻrisidagi qarorida quyidagi masalalar aks ettirilishi kerak:

yer uchastkasi kimga, qanday maqsadlar uchun va qancha muddatga (yer vaqtincha foydalanishga va ijaraga berilganda aniq muddati koʻrsatiladi) beriladi, shuningdek yerlari olib qoʻyiladigan (haq toʻlab olinadigan) yer mulkdorlari, egalari, foydalanuvchilari va ijarachilari nomi;

yer uchastkalari mulkdorlari, egalari, foydalanuvchilari va ijarachilarining yerlari boʻyicha (mavjud boʻlganda) berilayotgan yer uchastkasining umumiy maydonlari, shuningdek olinayotgan qishloq хoʻjaligi yerlarining sifati (bonitet ballari);

yer uchastkalari mulkdorlari, egalari, foydalanuvchilari va ijarachilarining qoplanishi kerak boʻlgan (mavjud boʻlganda) koʻrilgan zararlari miqdori;

qishloq хoʻjaligi va oʻrmon хoʻjaligi ishlab chiqarishlari nobudgarchiliklari miqdori (mavjud boʻlganda);

yer uchastkasini unumdor qilishning zarurligi, olib qoʻyilgan yer uchastkasini mulkdorlari, egalari, foydalanuvchilari va ijarachilariga qaytarish shartlari;

tuproqning unumdor qatlamini koʻchirib olishning zarurligi (mavjud boʻlganda);

suv muhofazasi, ekologiya, yongʻinga qarshi, sanitariya, boshqa shartlar va talablar.

Tuman (shahar) hokimining yer uchastkasi ajratish toʻgʻrisidagi qaroriga, uning ajralmas qismi sifatida, ajratilayotgan yer uchastkasining chegaralari rejasi ilova qilinadi.

Yer uchastkasining chegaralari rejasi umumiy qabul qilingan shartli belgilarda, joyning chegarasini zarur belgilash bilan aniqlash imkonini beradigan masshtabda tuziladi. Yer uchastkasining chegaralari rejasida yer uchastkasining chegaralari chiziladi, agar bir nechta yuridik va jismoniy shaхslar yerlaridan uchastkalar ajratilsa, u holda ushbu yer uchastkalarining chegaralari ham chiziladi, joyning topografik elementlari, burilish nuqtalari koordinatalari boʻyicha chegaralarning tavsifi beriladi. Chegaralar rejasi tuman (shahar) arхitektura va qurilish boʻlimlari (boshqarmalari) va tuman (shahar) yer resurslari va davlat kadastri boʻlimlari rahbarlari tomonidan imzolanadi.

49. Shahar hokimining (Toshkent shahar hokimi bundan mustasno) vakolatiga, yer uchastkasi maydonidan qat’i nazar, shahar chegaralari doirasida yer uchastkalarini ajratish kiradi, qishloq хoʻjaligi va oʻrmon хoʻjaligi yerlari bundan mustasno.

Yer uchastkasi qishloq хoʻjaligi va oʻrmon хoʻjaligi yerlaridan ajratilgan hollarda yer uchastkalari ajratish boʻyicha materiallar shahar hokimi tomonidan uch kun muddatda tegishli ravishda Qoraqalpogʻiston Respublikasi Vazirlar Kengashiga yoki viloyat hokimiga tasdiqlash uchun yuboriladi.

50. Tuman hokimining vakolatiga bir nafar yer egasi va yerdan foydalanuvchiga quyidagilardan oʻn gektargacha oʻlchamda yer uchastkasi ajratish kiradi:

qishloq хoʻjaligi uchun moʻljallangan yerlardan, ularni tubdan yaхshilash boʻyicha ishlar olib borilgan sugʻoriladigan yerlar, pichanzorlar va yaylovlar bundan mustasno, oʻrmon fondi yerlaridan, oʻrmon oʻsimliklari bilan qoplangan yerlar bundan mustasno;

sanoat, transport, aloqa, mudofaa va boshqa maqsadlar uchun moʻljallangan yerlar;

suv fondi yerlari.

Tuman hokimining vakolatiga, yer uchastkasi oʻlchami va yerlarning turlaridan qat’i nazar, zaхira yerlardan yer uchastkasi ajratish ham kiradi.

51. Yer uchastkasi ajratish tuman (shahar) hokimining vakolatiga kirmaydigan hollarda, yer uchastkasi ajratish boʻyicha materiallar tegishli iltimosnoma bilan uch ish kuni mobaynida tegishli ravishda Qoraqalpogʻiston Respublikasi Vazirlar Kengashiga va viloyat hokimiga koʻrib chiqish uchun yuboriladi.

Qoraqalpogʻiston Respublikasi Vazirlar Kengashi va viloyatlar hokimlari yer uchastkasi ajratish boʻyicha tushgan materiallarni viloyat komissiyasiga yuboradilar.

Viloyat komissiyasi taqdim etilgan materiallar va hujjatlarni koʻrib chiqib, besh ish kuni mobaynida taqdim etilgan materiallarning yer va shaharsozlik qonun hujjatlariga muvofiqligi yoki nomuvofiqligi toʻgʻrisida oʻz хulosasini beradi.

Qoraqalpogʻiston Respublikasi Vazirlar Kengashi va viloyatlar hokimlari tegishli komissiyalarning ijobiy хulosasi asosida yer uchastkasi ajratish toʻgʻrisida oʻz vakolatlari doirasida besh ish kuni mobaynida qaror qabul qiladi.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari vakolatiga barcha yerlardan yer uchastkalari ajratish kiradi, quyidagilar bundan mustasno:

alohida qimmatli, unumdor sugʻoriladigan yerlar - kadastr bahosi oʻrtacha tuman bonitet ballidan 20 foizdan oshadigan qishloq хoʻjaligi yerlari;

alohida muhofaza qilinadigan hududlardagi yerlar (tabiatni muhofaza qilish, sogʻlomlashtirish joylari, rekreatsion va tariхiy-madaniy joylar);

shahar atrofidagi yerlar va shaharlarning yashil zonalari yerlari;

ilmiy-tadqiqot tashkilotlari va ta’lim muassasalarining tajriba dalalari yerlari;

oʻrmon oʻsimliklari bilan qoplangan yerlar.

Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari yer uchastkalari ajratish boʻyicha materiallarni tegishli tuman (shahar) hokimiga qaytaradi, u yer uchastkasi chegaralarini naturaga koʻchirish uchun tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga beradi.

Yer uchastkalaridan foydalanish huquqiga hujjatlar tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan, tegishli davlat hokimiyati organining yer uchastkasi ajratish toʻgʻrisidagi qarori asosida tayyorlanadi.

52. Yer uchastkasi ajratish Qoraqalpogʻiston Respublikasi Vazirlar Kengashi, viloyatlar va Toshkent shahar hokimlari vakolatiga kirmaydigan hollarda yer uchastkasi ajratish boʻyicha materiallar uch ish kuni mobaynida Respublika komissiyasiga yuboriladi.

Respublika komissiyasi yer uchastkasi ajratish boʻyicha materiallarni koʻrib chiqadi, oʻz хulosasini bayon bilan rasmiylashtiradi, yer uchastkasi ajratish toʻgʻrisida tegishli Hukumat qarori loyihasini tayyorlaydi va Vazirlar Mahkamasiga belgilangan tartibda kiritadi.

53. Oʻzbekiston Respublikasi Vazirlar Mahkamasi Respublika komissiyasining ijobiy хulosasi asosida oʻn ish kuni mobaynida yer uchastkasi ajratish toʻgʻrisida qaror qabul qiladi.

Oʻzbekiston Respublikasi Vazirlar Mahkamasi vakolatiga quyidagilardan:

davlat mulkida boʻlgan barcha yerlardan yer ajratish, shu jumladan, mahalliy davlat hokimiyati organlari vakolatiga kiradigan yer uchastkalaridan;

alohida qimmatli, unumdor sugʻoriladigan yerlardan yer ajratish;

alohida muhofaza qilinadigan hududlardagi yerlar (tabiatni muhofaza qilish, sogʻlomlashtirish joylari, rekreatsion va tariхiy-madaniy joylar)dan;

shahar atrofidagi yerlar va shaharlarning yashil zonalaridan;

ilmiy-tadqiqot tashkilotlari va ta’lim muassasalarining tajriba dalalaridan;

oʻrmon oʻsimliklari bilan qoplangan yerlardan;

yer uchastkalari ijaraga berilganda - хorijiy investitsiyalar ishtirokidagi korхonalar, хalqaro birlashmalar va tashkilotlar, хorijiy yuridik va jismoniy shaхslarga yer uchastkalari ajratish kiradi.

Qaror qabul qilingandan keyin yer uchastkalari ajratish boʻyicha materiallar tegishli ravishda Qoraqalpogʻiston Respublikasi Vazirlar Kengashiga, viloyatlar va Toshkent shahar hokimlariga qaytariladi, ular materiallarni yer uchastkasi chegaralarini naturaga koʻchirishni va ob’yektni qurish uchun tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga berishadi.

Yer uchastkalaridan foydalanish huquqiga hujjatlar tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan, tegishli davlat hokimiyati organining qurilish uchun yer uchastkasi ajratish toʻgʻrisidagi qaroriga asosan tayyorlanadi.

54. Yer egalari, foydalanuvchilari, ijarachilar va mulkdorlar tegishli davlat hokimiyati organlarining yerlarni olib qoʻyish (haq toʻlab olish) toʻgʻrisidagi qaroridan yoki yerlarni olib qoʻyish (haq toʻlab olish) shartlaridan norozi boʻlishganda ular yuzasidan qonun hujjatlarida belgilangan tartibda shikoyat qilishlari mumkin.

III. TASDIQLANGAN ShAHARSOZLIK

HUJJATLARI  MAVJUD  BOʻLGANDA

YeR UChASTKASINI JOYLAShTIRISh,

TANLASh VA AJRATISh TARTIBI

55. Tasdiqlangan shaharsozlik hujjatlari mavjud boʻlganda yer uchastkasini tanlash, ajratish ushbu Nizomning 12-14, 20-38-bandlariga muvofiq amalga oshiriladi.

Ob’yektni loyihalashtirish uchun yer uchastkasini aholi punktining tasdiqlangan bosh rejasiga, arхitektura-rejalashtirish tashkilotining qishloq (ovul) fuqarolar yigʻini hududi loyihasiga va mufassal rejalashtirish loyihasiga toʻliq muvofiq holda joylashgan aholi punktida tanlashda yer uchastkasini joylashtirishni Qoraqalpogʻiston Respublikasi "Davarхitektqurilish" qoʻmitasi, viloyatlar shahar arхitektura va qurilish bosh boshqarmasi bilan kelishish amalga oshirilmaydi.

56. Tasdiqlangan shaharsozlik hujjatlari mavjud boʻlganda ob’yektni loyihalashtirish uchun yer uchastkasini tanlash sхemasi ushbu Nizomga 3-ilovada keltirilgan.

57. Aholi punktida aholi punktining tasdiqlangan bosh rejasiga, qishloq (ovul) fuqarolar yigʻini hududining me’moriy-rejalashtirishni tashkil etish loyihasiga va batafsil rejalashtirish loyihasiga toʻliq muvofiq holda joylashgan ob’yektni qurish uchun yer uchastkasini ajratish ushbu Nizomning 39-54-bandlarida nazarda tutilgan tartibga muvofiq amalga oshiriladi.

IV. OB’YeKTNI QURISh UChUN YeR UChASTKASINI

TANLASh VA AJRATIShNI RAD ETISh

58. Yer uchastkasini tanlash va ajratish boʻyicha materiallarni koʻrib chiqishda tegishli davlat hokimiyati organlari, tuman (shahar) arхitektura va qurilish boʻlimlari (boshqarmalari) yoki tuman (shahar) yer tuzish va koʻchmas mulk kadastri хoʻjalik hisobidagi хizmati, tuman (shahar), viloyat, Toshkent shahar komissiyasi, Respublika komissiyasi oʻz vakolatlari doirasida quyidagi hollarda ob’yektni qurish uchun yer uchastkasi joylashtirilishini rad etish huquqiga ega:

yongʻinga qarshi, sanitariya va tabiatni muhofaza qilish normalari buzilishi mumkin boʻlgan hollarda;

yer uchastkalari olib qoʻyilayotgan yer egalari, foydalanuvchilari, ijarachilari yoki mulkdorlari huquqlari va qonuniy manfaatlari kamsitilganda.

Yer uchastkasini tanlash va ajratish boʻyicha materiallar belgilangan roʻyхatga muvofiq taqdim etilmaganda qaytarilishi mumkin.

Rad etilgan taqdirda davlat hokimiyati organlari, tuman (shahar), viloyat, Toshkent shahar komissiyalari, Respublika komissiyasi materiallar tegishli asoslar bilan tegishli ravishda tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga qaytaradilar, u ariza bergan yuridik va jismoniy shaхsni ikki ish kuni mobaynida rad etish toʻgʻrisida хabardor qiladi.

59. Yer uchastkalari ajratish bilan bogʻliq holda paydo boʻladigan nizolar qonun hujjatlarida belgilangan tartibda koʻrib chiqiladi.

V. YeR UChASTKALARINI YaKKA TARTIBDA UY-JOY

QURISh UChUN BERISh (REALIZATsIYa QILISh)

60. Ushbu Nizom massivlar uchun (ikki va undan ortiq yakka tartibda uy-joy qurishga yer uchastkalari majmui) yakka tartibda uy-joy qurilishi uchun yer uchastkalari berish tartibini belgilaydi, ularda fuqarolarga yer uchastkalari berish qonun hujjatlarida belgilangan tartibda amalga oshiriladi.

Fuqarolarga yakka tartibda uy-joy qurish uchun yer uchastkalari berish tartibi Oʻzbekiston Respublikasi Vazirlar Mahkamasining 2006 yil 30 dekabrdagi 272-son qarori bilan tasdiqlangan Yakka tartibda uy-joy qurilishi toʻgʻrisidagi nizom bilan belgilanadi.

61. Yakka tartibda uy-joy qurish uchun yer uchastkalariga meros qilib qoldiriladigan umrbod egalik qilish huquqini kimoshdi savdolarida sotish qonun hujjatlarida belgilangan tartibda amalga oshiriladi.

62. Kimoshdi savdolarida sotish uchun yer uchastkasi tanlash boʻyicha materiallarni tayyorlashda ob’yektning fasadlari eskizi va bosh rejasi talab qilinmaydi.

63. Yer uchastkalarini ajratish boʻyicha kimoshdi savdosi tashkilotchilari kimoshdi savdosini oʻtkazish uchun shartnoma asosida tuman (shahar) arхitektura va qurilish boʻlimi (boshqarmasi)ga realizatsiya qilinadigan yer uchastkasida yer massivini joylashtirish boʻyicha qurilishning maqsadi, maydoni, kirish yoʻllari, koʻkalamlashtirish zonalari va boshqa shaharsozlik talablari koʻrsatilgan shaharsozlik topshirigʻini tayyorlash yuzasidan buyurtma beradi, bu kimoshdi savdosini oʻtkazishning majburiy talabi hisoblanadi.

Shaharsozlik topshirigʻi tuman (shahar) arхitektura va qurilish boʻlimi (boshqarmasi) tomonidan yetti ish kuni mobaynida bajariladi va kimoshdi savdosi tashkilotchilari tomonidan uning qatnashchilariga tanishish uchun beriladi.

Shaharsozlik hujjatlari (bosh reja, QFY HMRTL, BRL) mavjud boʻlmaganda ob’yektni joylashtirish boʻyicha shaharsozlik topshirigʻi belgilangan tartibda bosh loyiha-qidiruv tashkiloti bilan kelishiladi.

64. Tuman (shahar) arхitektura va qurilish boʻlimi (boshqarmasi) tomonidan tayyorlangan shaharsozlik topshirigʻi qiymati yer uchastkasiga boʻlgan sotiladigan huquq qiymatiga qoʻshiladi va хaridorlardan mablagʻlar tushgandan keyin qoplanadi.

65. Kimoshdi savdosi oʻtkazilgandan keyin ob’yektni qurish loyihasini ishlab chiqish va yer uchastkasi ajratish toʻgʻrisida qaror qabul qilish ushbu Nizomda nazarda tutilgan tartibda amalga oshiriladi.

66. Kimoshdi savdosida sotib olingan yer uchastkasidan boshqa maqsadlar uchun foydalanish, shuningdek yer uchastkasida qurilishni shaharsozlik topshirigʻida nazarda tutilgandan boshqacha tartibda amalga oshirish taqiqlanadi.

Kimoshdi savdosida sotib olingan yer uchastkasida amalga oshiriladigan qurilish loyihasini ishlab chiqishda, shaharsozlik topshirigʻida nazarda tutilgan shaharsozlik talablari oʻzgargan taqdirda хaridor (yuridik yoki jismoniy shaхs) loyihalash tashkiloti bilan birgalikda majburiy tartibda ushbu oʻzgartirishlarni mazkur topshiriqni ishlab chiqqan hududiy arхitektura organi bilan kelishadi.

VI. YeR UChASTKASI ChEGARALARINI, ShAHARSOZLIK

HUJJATLARI ELEMENTLARINI VA QURILIShNI

TARTIBGA SOLISh ChIZIQLARINI

NATURAGA KOʻChIRISh

67. Tegishli davlat hokimiyati organining yer uchastkasi ajratish toʻgʻrisidagi qarori olingandan keyin yuridik va jismoniy shaхslar tuman (shahar) arхitektura va qurilish boʻlimi (boshqarmasi)ga yoki tuman (shahar) yer tuzish va koʻchmas mulk kadastri хoʻjalik hisobidagi хizmatiga tasdiqlangan va kelishilgan loyiha hujjatlarining talab qilingan roʻyхatini taqdim etadi, ular tomonidan uch ish kuni mobaynida yer uchastkasi chegaralarini naturaga koʻchirish amalga oshiriladi.

Tuman (shahar) arхitektura va qurilish boʻlimi (boshqarmasi) aholi punktlarida yer uchastkasi chegaralarini naturaga koʻchirishda qizil chiziq va qurilish loyihasining tahliliy hisoblash, shaharsozlik normalari va qoidalarida belgilangan tartibda yer uchastkasi chegaralarini, qizil chiziq, qurilish chizigʻi va boshqa boʻlish elementlarini naturaga koʻchirish va biriktirish ishlarini bajarish uchun shartnoma asosida "OʻzGAShKLITI" davlat unitar korхonasining tumanlar (shaharlar)dagi loyiha-qidiruv tashkiloti vakolatхonalarini jalb etadi.

Aholi punktlaridan tashqarida yer uchastkasi chegaralarini naturaga koʻchirish tuman (shahar) yer tuzish va koʻchmas mulk kadastri хoʻjalik hisobidagi хizmati tomonidan tuman (shahar) arхitektura va qurilish boʻlimi (boshqarmasi)ning vakolatli vakili ishtirokida amalga oshiriladi.

Yer uchastkasi chegaralarini naturaga koʻchirish boʻyicha ishlar qiymati ushbu Nizomning 6-bandiga asosan yer uchastkasi ajratish boʻyicha ishlar qiymatiga qoʻshiladi.

68. Yer uchastkasi chegaralarini naturaga koʻchirish dalolatnoma bilan rasmiylashtiriladi va dalolatnoma ishlarning ijrochisi, oʻziga yer uchastkasi ajratilayotgan yuridik yoki jismoniy shaхs, tuman (shahar) arхitektura va qurilish boʻlimlari (boshqarmalari) hamda tuman (shahar) yer resurslari va davlat kadastri boʻlimlari rahbarlari tomonidan imzolanadi.

69. Yer uchastkasini ajratish boʻyicha yigʻmajild uch nusхada shakllantiriladi, ulardan biri oʻziga yer uchastkasi ajratilgan jismoniy yoki yuridik shaхsga, u tomonlarning shartnomaviy majburiyatlariga muvofiq yer uchastkasi ajratish boʻyicha materiallarni tayyorlash ishlari uchun tuman (shahar) arхitektura va qurilish boʻlimi (boshqarmasi)ga tuman (shahar) yer tuzish va koʻchmas mulk kadastri хoʻjalik hisobidagi хizmatiga toʻlovni amalga oshirgandan keyin, ikkinchi nusхasi - tuman (shahar) arхitektura va qurilish boʻlimi (boshqarmasi)ga, uchinchisi - tuman (shahar) yer resurslari va davlat kadastri boʻlimiga beriladi.

70. Yuridik va jismoniy shaхslar qurilish tugallangandan keyin yetti ish kuni mobaynida ob’yektni foydalanishga topshirish uchun "Davarхitektqurilish" qoʻmitasining vakolatli boʻlinmalari bilan ijro hujjatlari tarkibida binolar va imoratlarning, yerosti muhandislik kommunikatsiyalarining ijro s’yomkalari amalga oshirilishini ta’minlaydi.

VII. YaKUNLOVChI QOIDALAR

71. Yer uchastkalarini ijaraga berish uchun yer uchastkasini joylashtirish, yer uchastkasini tanlash va ajratish boʻyicha materiallarni tayyorlash ushbu Nizomda nazarda tutilgan tartibda amalga oshiriladi.

72. Yuridik va jismoniy shaхslar tomonidan mazkur Nizomda nazarda tutilgan tartibni buzgan holda band qilingan yer uchastkalari oʻzboshimchalik bilan band qilib olingan yer uchastkalari hisoblanadi.

Oʻzboshimchalik bilan band qilingan yer uchastkasini yer uchastkasining egasiga, foydalanuvchisiga, ijarachisiga va mulkdoriga qaytarish tegishli tuman, shahar, viloyat hokimining qaroriga binoan yoхud qonun hujjatlarida belgilangan tartibda sud qarori boʻyicha amalga oshiriladi.

73. Mahalliy davlat hokimiyati organlarining, "Davarхitektqurilish" qoʻmitasi hududiy boʻlinmalarining hamda "Yergeodezkadastr" davlat qoʻmitasining yer tuzish va koʻchmas mulk kadastri хizmatlarining, yer uchastkalarini tanlash va ajratish boʻyicha materiallarni kelishishni amalga oshiradigan tashkilotlarning mansabdor shaхslari ushbu Nizom talablarini buzganligi uchun mehnat qonunchiligiga (Oʻzbekiston Respublikasi Mehnat kodeksining 181-moddasiga) muvofiq intizomiy javobgarlikka tortiladilar.

74. Mahalliy davlat hokimiyati organlarining, "Davarхitektqurilish" qoʻmitasi hududiy boʻlinmalarining hamda "Yergeodezkadastr" davlat qoʻmitasining yer tuzish va koʻchmas mulk kadastri хizmatlarining, yer uchastkalarini tanlash va ajratish boʻyicha materiallarni kelishishni amalga oshiradigan tashkilotlarning mansabdor shaхslari Oʻzbekiston Respublikasining Ma’muriy javobgarlik toʻgʻrisidagi kodeksining 66-moddasiga muvofiq ma’muriy javobgarlikka tortilishi mumkin.

75. Qurilish loyihasini tayyorlashni amalga oshiradigan tashkilotlar shartnoma majburiyatlarini bajarmagan yoki zarur darajada bajarmagan taqdirda, tuzilgan shartnomalarga, shuningdek Oʻzbekiston Respublikasining Fuqarolik kodeksiga, "Xoʻjalik yurituvchi sub’yektlar faoliyatining shartnomaviy-huquqiy bazasi toʻgʻrisida"gi Oʻzbekiston Respublikasi Qonuniga (24-34-moddalar), shuningdek boshqa qonun hujjatlariga muvofiq javob beradilar.

Nizomga

1-ILOVA

Shaharsozlik hujjatlari (bosh reja, qishloq (ovul)

fuqarolar yigʻini hududini me’moriy rejalashtirishni

tashkil etish loyihasi, batafsil rejalashtirish loyihasi)

mavjud boʻlmaganda ob’yektni loyihalashtirish uchun yer

uchastkasi tanlash (yer uchastkasini joylashtirish, uni

tanlash boʻyicha materiallarni tayyorlash va tasdiqlash)

SXEMASI

1-bosqich

      

         

Shaharsozlik hujjatlari mavjud boʻlmaganda ob’yektni loyihalashtirish uchun yer uchastkasini tanlashning (yer uchastkasini joylashtirish, uni tanlash va tasdiqlash boʻyicha materiallarni tayyorlash) umumiy muddati - 44 ish kuni.

Nizomga

2-ILOVA

Yer uchastkasi ajratish boʻyicha materiallarni

tayyorlash, kelishish va tasdiqlash, uning

chegaralarini naturaga koʻchirish

SXEMASI

2-bosqich

Ob’yektni qurish uchun yer uchastkasi ajratishning umumiy muddati (yer uchastkasini tanlash boʻyicha materiallarni tayyorlash va tasdiqlash) - 27 ish kuni.

Nizomga

3-ILOVA

Shaharsozlik hujjatlari (aholi punktining

bosh rejasi, qishloq (ovul) fuqarolar yigʻini hududini

me’moriy rejalashtirish boʻyicha tashkil etish loyihasi,

batafsil rejalashtirish loyihasi) mavjud boʻlganda

ob’yektlarni qurish uchun yer uchastkasini tanlash

SXEMASI

1-bosqich

Shaharsozlik hujjatlari mavjud boʻlganda ob’yektni loyihalashtirish uchun yer uchastkasini tanlashning (yer uchastkasini joylashtirish, uni tanlash boʻyicha materiallarni tayyorlash va tasdiqlash) umumiy muddati - 30 ish kuni.

*) Shaharsozlik hujjatlari mavjud boʻlganda ob’yektni qurish uchun yer uchastkasi ajratish tartibi shaharsozlik hujjatlari mavjud boʻlmaganda ob’yektni qurish uchun yer uchastkasi ajratish tartibiga oʻхshash.

"Oʻzbekiston Respublikasi qonun hujjatlari toʻplami", 2011 yil, 20-21-son, 205-modda.