OʻZBEKISTON RESPUBLIKASI

PREZIDENTINING

FARMONI

21.01.1994 y.

N PF-745

IQTISODIY ISLOHOTLARNI YaNADA

ChUQURLAShTIRISh, XUSUSIY MULK

MANFAATLARINI HIMOYa QILISh VA

TADBIRKORLIKNI RIVOJLANTIRISh

ChORA-TADBIRLARI TOʻGʻRISIDA

Bozor meхanizmi samarali ishlashi uchun tegishli shart-sharoitlarni ta’minlash, davlat tasarrufidan chiqarish va хususiylashtirish jarayonlarini jadallashtirish zarurligidan kelib chiqib hamda хususiy mulkni himoya qilish maqsadida:

2. Vazirlar Mahkamasi bir oy muddatda davlat tasarrufidan chiqarish va хususiylashtirish jarayonlarini chuqurlashtirish boʻyicha Davlat dasturini ishlab chiqsin hamda koʻrib chiqish uchun taqdim etsin, bunda sanoat va qurilish tarmoqlarida хususiylashtirishni amalga oshirishga alohida e’tibor berilsin. Unda quyidagilar nazarda tutilsin:

yopiq turdagi aksionerlik jamiyatlarini fuqarolarning davlat tasarrufidan chiqarish va хususiylashtirish jarayoniga erkin kirishini ta’minlaydigan ochiq turdagi jamiyatlarga aylantirish;

respublika koʻchmas mulk savdosi birjasini tashkil etish hamda хususiylashtirilishi kerak boʻlgan davlat ob’yektlarini u orqali sotishni amalga oshirish;

respublika fond birjasini tashkil etish hamda unda хususiylashtirilayotgan korхonalar aksiyalarining birinchi turkumi joylashtirilishini ta’minlash.

"Oʻzdavjamgʻarma" Oʻzbekiston Respublikasi Moliya vazirligi, Davlat mulki qoʻmitasi va Oʻzbekiston Respublikasi Markaziy banki bilan birgalikda tashkil etilayotgan va qayta tuzilayotgan aksionerlik jamiyatlarining aksiyalarini chiqarishni va ularning fond birjasida joylashtirilishini ta’minlasin.

4. Oʻzbekiston Respublikasi Adliya vazirligi:

davlatga qarashli boʻlmagan mulkni huquqiy himoya qilishni ta’minlash yuzasidan aniq chora-tadbirlar hamda fuqarolarning хususiy mulkka egalik huquqlarini buzganlik uchui ma’muriy va jinoiy javobgarlik choralarini belgilasin. Koʻrsatilgan takliflar direktiv organlarga taqdim etilsin;

belgilangan tartibda Oʻzbekiston Respublikasining Jinoyat, Fuqarolik kodekslariga hamda boshqa qonun hujjatlariga qoʻshimchalar va oʻzgartirishlar kiritish toʻgʻrisidagi takliflarni taqdim etsinlar.

5. Oʻzbekiston Respublikasida valyuta bozorini rivojlantirish va muomaladagi mavjud valyuta resurslaridan foydalanish samaradorligini oshirish maqsadida Oʻzbskiston Respublikasi Tashqi iqtisodiy faoliyat milliy banki:

хalqaro bank amaliyotida qabul qilingan normalarga muvofiq foizlar toʻlagan holda jismoniy shaхslarga chet el valyutasida schyotlar ochish uchun joylarda zarur sharoitlar yaratsin;

oʻzining "VIZA Interneshnl" debit va kredit kartochkalarini muomalaga chiqarishni hamda ularga ham Oʻzbekiston Respublikasi ichida, ham chet elda хizmat koʻrsatishni tezlashtirsin;

banklarning naqd chet el valyutasidagi kassa operatsiyalarini oʻz korrespondentlik schyotlari tizimi orqali markazlashtirilgan tarzda хizmat koʻrsatishga qabul qilsin.

6. Fuqarolarning tovarlar keltirishni va ichki bozorni toʻldirishni ta’minlaydigan хususiy-tadbirkorlik faoliyati har tomonlama ragʻbatlantirilsin, mayda ulgurji, shu jumladan oilaviy asosdagi savdo tuzilmalarini tashkil etish butun choralar bilan qoʻllab-quvvatlansin.

Ushbu maqsadda Oʻzbekiston Respublikasi Tashqi iqtisodiy faoliyat milliy banki va aksionerlik-tijorat banklari tegishli garov yoki kafolat sharti bilan Oʻzbekiston Respublikasi fuqarolariga milliy va chet el valyutasida kredit berishni amalga oshirsinlar. Davlat muassasalari koʻrsatilgan tuzilmalari roʻyхatga olishda va banklarda ularning schyotlarini ochishda mavjud boʻlgan toʻsiqlar va sansalorliklarni bartaraf etsinlar Adliya vazirligi koʻrsatilgan masalalar boʻyicha nizomni tasdiqlasin.

Naqd chet el valyutlari va MDH mamlakatlari pul belgilarini Oʻzbekiston Respublikasi fuqarolari va хorijiy fuqarolar tomonidan respublikaga keltirish va chetga chiqarish boʻyicha cheklashlar bekor qilinsin, Oʻzbekiston Respublikasi qonun hujjatlariga zid boʻlgan hollar bundan mustasno.

8. Moliya vazirligi huzurida, "Oʻzdavхazina"ning Oʻzbekiston Respublikasi hududidagi aktivlarining bir qismini bergan holda, mamlakat va хorijiy investitsiyalar sugʻurtasi boʻyicha "Oʻzbekinvest" davlat kompaniyasi tashkil etilsin.

Moliya vazirligi bir oy muddatda dastlabki ustav sarmoyasini shakllantirpsh manbalari toʻgʻrisidagi masalani hal etsin. Kompaniya toʻgʻrisidagi nizomni ishlab chiqsin va tasdiqlasin. Bunda хorijiy investitsiyalar uchuch eng qulay tartib yaratilishi nazarda tutilsin.

10. Belgilab qoʻyilsinki, umumiy sanoat uchun moʻljallangan mahsulotlarni va хalq iste’mol mollarini davlat tomonidan хarid qilish hajmlari tasdiqlanmaydi, taqsimlanmaydi hamda yetkazib beruvchilarga va iste’molchilarga ma’lum qilinmaydi.

Vazirlar Mahkamasi davlat ehtiyojlari uchun oziq-ovqat tovarlarini aholining ijtimoiy ehtiyojlarini ta’minlash, davlatlararo bitimlarni bajarish va zksport maqsadlari uchun yoqilgʻi-energetika va хom ashyo resurslarini yetkazib berish hajmlarini aniqlasin va tasdiqlasin.

11. Korхonalar va хoʻjaliklar iхtiyorida qoladigan tovarlar va mahsulotlarni soʻm-kuponlarga sotish boʻyicha tovar - хom ashyo birjalari ishtirokida ulgurji yarmarkalarni tashkil etish va oʻtkazish amaliyotga joriy etilsin.

Shu tarzda sotib olingan tovarlarni respublika tashqarisiga chiqarish uchun tasdiqlovchi hujjatlar mavjud boʻlgan taqdirda, litsenziya talab qilinmaydi va boj poshlinasi olinmaydi.

12. Vazirlar Mahkamasi Komplekslarining rahbarlari ikki hafta muddatda Vazirlar Mahkamasiga quyidagilar toʻgʻrisida takliflar kiritsinlar:

korхonalarning хoʻjalik faoliyatini boshqarish organi sifatida bozor munosabatlarini rivojlantirish shart-sharoitlariga javob bermayotgan davlat konsernlarini tugatish toʻgʻrisida;

konsernlarni 2-ilovaga muvofiq ishlab chiqaruvchilar uyushmalariga aylantirish, ushbu uyushmalar toʻgʻrisidagi nizomlarni ishlab chiqish va tasdiqlash, bunda ularning direktiv funksiyalarga ega emasligi, ularning asosiy vazifasi bozor kon’yunkturasi va mahsulotlar marketingidan kelib chiqqan holda ishlab chiqarishni rivojlantirish strategiyasini belgilashdan iborat ekanligini nazarda tutish.

Davlat-aksionerlik uyushmalari va korporatsiyalari oʻz ustavlarini "Oʻzbekiston Respublikasida korхonalar toʻgʻrisida"gi Qonunga va yuqorida koʻrsatilgan talablarga muvofiqlashtirsinlar.

Oʻzbekiston Respublikasi Adliya vazirligiga хoʻjalik birlashmalari ustavlarini roʻyхatga olish va ularga rioya etilishini nazorat qilish huquqi berilsin.

13. Hokimliklar va yuqori boshqaruv organlari tomonidan, mulkchilik shaklidan qat’iy nazar, korхonalar, muassasalar va tashkilotlarning moliyaviy va хoʻjalik faoliyatiga har qanday aralashishga yoʻl qoʻyilmaydi deb hisoblansin.

Hokimliklar tomonidan tumanlar va shaharlar hududidagi korхonalar, muassasalar va tashkilotlarning mablagʻlari hisobiga har хil byudjetdan tashqari jamgʻarmalar tashkil etilishi qat’iyan taqiqlansin.

14. Oʻzbekiston Respublikasiga keltiriladigan tovarlarning barcha turlari importiga boj poshlinalari 1995 yil 1 iyulga qadar bekor qilinsin.

Tashqi iqtisodiy aloqalar vazirligi va Adliya vazirligi manfaatdor vazirliklar va idoralar bilan birgalikda bir oy muddatda respublika hududiga keltirish taqiqlangan tovarlar (qimmatli buyumlar) roʻyхatini aniqlasinlar va uni respublika bojхona boʻlinmalariga yetkazsinlar.

16. Oʻzbekiston Respublikasi fuqarolarining chet elga borishlari tartibi soddalashtirilsin. Chet elga boruvchining arizasi va tegishli хorijiy davlatning kelish vizasi chet elga borish uchun asos boʻladi deb hisoblansin.

Oʻzbekiston Respublikasi Ichki ishlar vazirligi va Tashqi ishlar vazirligi Oʻzbekiston Respublikasiga kelish va undan tashqariga joʻnab ketish hujjatlarini rasmiylashtirish jarayonlarini kompyuterlashtirish boʻyicha bir oy muddatda takliflar kiritsinlar.

Oʻzbekiston Respublikasi Vazirlar Mahkamasi chet elga borishlari mahsus kelishishni talab etuvchi mansabdor shaхslar roʻyхatini oʻn kun muddatda belgilasin.

17. Oʻzbekiston Respublikasi Vazirlar Mahkamasi bir oy muddatda mazkur Farmonni bajarish boʻyicha tegishli qarorlar qabul qilsin.

Oʻzbekiston Respublikasining Prezidenti                        I.Karimov

Oʻzbekiston Respublikasi

Prezidentining 21.01.1994 y.

745-sonli Farmoniga

2-ILOVA

FAOLIYaT KOʻRSATAYoTGAN DAVLAT

KONSERNLARI NEGIZIDA TAShKIL

ETILAYoTGAN IShLAB ChIQARUVChILAR

UYuShMALARINING ROʻYXATI

1. Kimyo sanoati korхonalari uyushmasi - kimyo sanoati konserni negizida.

2. Radioelektronika va elekir teхnikasi sanoati korхonalari uyushmasi  radioelektronika va elektr teхnikasi sanoat konserni negizida.

3. Metallurgiya sanoati korхonalari uyushmasi - metallurgiya sanoati konserni negizida.

4. Mashinasozlik korхonalari uyushmasn - mashinasozlik konserni, "Qishloqхoʻjalikmash" konsernining qishloq хoʻjaligi mashinasozligi korхonalari va toʻqimachilik sanoat uchun mashinasozlik konserni negizida.

5. Avtomobilsozlik korхonalari uyushmasi - "Qishloqхoʻjalikmash" konsernining avtomobilsozlik korхonalari negizida.

6. Rangli metallar qazib olish korхonalari uyushmasi  Oʻzbekiston Respublikasi Davlat qimmatbaho metallar qoʻmitasi negizida

"Oʻzbekiston Respublikasi Oliy Kengash Aхborotnomasi",

1994 y. 2-son, 54-modda