Oʻzbekiston Respublikasi Oliy Majlisining 05.04.2002 y. 359-II-son "Sugʻurta faoliyati toʻgʻrisida"gi Oʻzbekiston Respublikasi Qonunini amalga kiritish haqida"gi Qarori
OʻZBEKISTON RESPUBLIKASI
OLIY MAJLISINING
QARORI
05.04.2002 y.
N 359-II
"SUGʻURTA FAOLIYaTI TOʻGʻRISIDA"GI
OʻZBEKISTON RESPUBLIKASI QONUNINI
AMALGA KIRITISh HAQIDA
Oʻzbekiston Respublikasi Oliy Majlisi QAROR QILADI:
1. "Sugʻurta faoliyati toʻgʻrisida"gi Oʻzbekiston Respublikasi Qonuni matbuotda e’lon qilingan kundan e’tiboran amalga kiritilsin.
2. Oʻzbekiston Respublikasi Hukumati (Oʻ. Sultonov) oʻz qarorlarini "Sugʻurta faoliyati toʻgʻrisida"gi Oʻzbekiston Respublikasi Qonuniga muvofiqlashtirsin, vazirliklar, davlat qoʻmitalari hamda idoralar ushbu Qonunga zid boʻlgan oʻz normativ hujjatlarini qayta koʻrib chiqishlari va bekor qilishlarini ta’minlasin.
3. Quyidagilar oʻz kuchini yoʻqotgan deb hisoblansin:
Oʻzbekiston Respublikasining 1993 yil 6 mayda qabul qilingan "Sugʻurta toʻgʻrisida"gi Qonuni (Oʻzbekiston Respublikasi Oliy Kengashining Aхborotnomasi, 1993 yil, N 5, 217-modda);
Oʻzbekiston Respublikasining 1993 yil 6 mayda qabul qilingan "Sugʻurta toʻgʻrisida"gi Oʻzbekiston Respublikasi Qonunini amalga kiritish haqida"gi Qarori (Oʻzbekiston Respublikasi Oliy Kengashining Aхborotnomasi, 1993 yil, N 5, 218-modda);
Oʻzbekiston Respublikasining 1994 yil 23 sentyabrda qabul qilingan "Oʻzbekiston Respublikasining ayrim qonunlariga oʻzgartish va qoʻshimchalar kiritish toʻgʻrisida"gi Qonunining (Oʻzbekiston Respublikasi Oliy Kengashining Aхborotnomasi, 1994 yil, N 11-12, 285-modda) XVII boʻlimi;
Oʻzbekiston Respublikasining 1997 yil 26 dekabrda qabul qilingan "Oʻzbekiston Respublikasining ayrim qonunlariga oʻzgartish va qoʻshimchalar kiritish toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 1998 yil, N 3, 38-modda) VI boʻlimi.
Oʻzbekiston Respublikasi
Oliy Majlisining Raisi E. Xalilov