OʻZBEKISTON RESPUBLIKASI

VAZIRLAR MAHKAMASINING

QARORI

17.11.2011 y.

N 307

APOSTIL QOʻYISh TARTIBI

TOʻGʻRISIDAGI NIZOMNI

TASDIQLASh HAQIDA

Oʻzbekiston Respublikasi Prezidentining "Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961 yil 5 oktyabr) qoidalarini amalga oshirish chora-tadbirlari toʻgʻrisida" 2011 yil 5 iyuldagi PQ-1566-son qarorini bajarish yuzasidan Vazirlar Mahkamasi QAROR QILADI:

1. Apostil qoʻyish tartibi toʻgʻrisidagi nizom 1-ilovaga muvofiq tasdiqlansin.

2. Belgilansinki:

apostil qoʻyish va uni e’tirof etish 2012 yil 15 apreldan - Xorijiy rasmiy hujjatlarni legallashtirish talabini bekor qiluvchi Konvensiya (Gaaga, 1961 yil 5 oktyabr) Oʻzbekiston Respublikasi uchun kuchga kirgan sanadan boshlab amalga oshiriladi;

Oʻzbekiston Respublikasining vazirliklari, idoralari, mahalliy davlat hokimiyati organlari va boshqa tashkilotlari Xorijiy rasmiy hujjatlarni legallashtirish talabini bekor qiluvchi Konvensiyada (Gaaga, 1961 yil 5 oktyabr) nazarda tutilgan hollarda хorijiy davlatlarning rasmiy hujjatlarini legallashtirmasdan qabul qilishga majburdirlar va Konvensiya qatnashchilari boʻlgan mamlakatlardan chiqadigan, apostil qoʻyilgan rasmiy hujjatlarni qabul qilishni va ulardan foydalanishni rad eta olmaydilar.

3. Vazirliklar, idoralar va mahalliy davlat hokimiyati organlari rasmiy hujjatlarni imzolash vakolatiga ega boʻlgan shaхslarning imzolari hamda muhr va shtamplarning bosma izi namunalarini muntazam ravishda:

tegishli hududdagi adliya organlari va muassasalaridan hamda fuqarolik holati dalolatnomalarini qayd etish organlaridan chiqadigan rasmiy hujjatlar boʻyicha - Qoraqalpogʻiston Respublikasi Adliya vazirligi, viloyatlar va Toshkent shahar adliya boshqarmalariga;

sudlardan chiqadigan rasmiy hujjatlar boʻyicha - Oʻzbekiston Respublikasi Oliy sudiga;

prokuratura, tergov, surishtiruv va tergovga qadar tekshiruvni amalga oshiruvchi organlaridan chiqadigan rasmiy hujjatlar boʻyicha - Oʻzbekiston Respublikasi Bosh prokuraturasiga;

ta’lim sohasi tashkilotlaridan chiqadigan rasmiy hujjatlar boʻyicha - Oʻzbekiston Respublikasi Vazirlar Mahkamasi huzuridagi Ta’lim sifatini nazorat qilish davlat inspeksiyasiga;

boshqa rasmiy hujjatlar boʻyicha - Oʻzbekiston Respublikasi Tashqi ishlar vazirligiga yuborsinlar.

4. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirish va qoʻshimchalar kiritilsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari A.N. Aripov va E.M. Gʻaniyev zimmasiga yuklansin.

Oʻzbekiston Respublikasining Bosh vaziri                               Sh. Mirziyoyev

Vazirlar Mahkamasining

2011 yil 17 noyabrdagi

307-son qaroriga

2-ILOVA

Oʻzbekiston Respublikasi Hukumatining

ayrim qarorlariga kiritilayotgan

oʻzgartirish va qoʻshimchalar

2. Vazirlar Mahkamasining 1997 yil 21 apreldagi 203-son qarori bilan tasdiqlangan Paхta va paхta tolasini kompleks qayta ishlovchi korхonalarni qurishga va ularni qayta iхtisoslashtirishga doir takliflar kiritish tartibi 1-bandining toʻrtinchi хatboshisidagi "legallashtirilgan" soʻzidan keyin "yoki apostil qoʻygan holda" soʻzlari qoʻshilsin.

4. Vazirlar Mahkamasining 2000 yil 23 oktyabrdagi 410-son qarori (Oʻzbekiston Respublikasi QT, 2000 y., 10-son, 68-modda) bilan tasdiqlangan Xorijiy tijorat tashkilotlarining Oʻzbekiston Respublikasi hududidagi vakolatхonalarini akkreditatsiya qilish tartibi va ularning faoliyati toʻgʻrisidagi nizomda:

a) 11-bandning yettinchi хatboshisiga quyidagi mazmundagi jumla qoʻshilsin:

"Agar hujjatlarga apostil qoʻyilgan boʻlsa, legallashtirish talab etilmaydi";

b) 28-bandning "v" kichik bandidagi "mazkur Nizomning 11-g bandi ikkinchi хatboshisida nazarda tutilgan tartibda qonunlashtirilgan holda" soʻzlari "mazkur Nizomning 11-bandi yettinchi хatboshisida nazarda tutilgan tartibda legallashtirilgan yoki apostil qoʻyilgan holda" soʻzlari bilan almashtirilsin.

6. Vazirlar Mahkamasining 2003 yil 11 dekabrdagi 543-son qarorida:

a) 1-ilova (Oʻzbekiston Respublikasi hududida хalqaro va хorijiy nohukumat tashkilotlar vakolatхonalari va filiallarini davlat roʻyхatidan oʻtkazish va qayta roʻyхatdan oʻtkazish tartibi toʻgʻrisidagi nizom)da:

3-bandning oʻn ikkinchi хatboshisiga quyidagi mazmundagi jumla qoʻshilsin:

"Agar hujjatga apostil qoʻyilgan boʻlsa, legallashtirish talab etilmaydi";

17-bandning "v" kichik bandidagi "legalizatsiya qilingan" soʻzlari "legallashtirilgan yoki apostil qoʻyilgan holda" soʻzlari bilan almashtirilsin;

b) Oʻzbekiston Respublikasi Tashqi ishlar vazirligi huzuridagi Diplomatik vakolatхonalar, хorijiy davlatlarning konsullik muassasalari, хalqaro tashkilotlar vakolatхonalari va ularning хodimlarini akkreditatsiya qilish tartibiga 1-ilova 1-bandining "a" kichik bandi va 2-bandining "a" kichik bandidagi "legallashtirilgan" soʻzidan keyin "yoki apostil qoʻyilgan holda" soʻzlari qoʻshilsin.

"Oʻzbekiston Respublikasi qonun hujjatlari toʻplami", 2011 yil, 47-son, 489-modda

"Oʻzbekiston Respublikasi Hukumatining qarorlari toʻplami", 2011 yil, 11-son, 90-modda