Markaziy bank Boshqaruvining 05.11.2011 y. 34/7-son "Mikrokredit tashkilotlari faoliyatini litsenziyalash tartibi toʻgʻrisidagi nizomga oʻzgartirish va qoʻshimchalar kiritish haqida"gi Qarori (AV tomonidan 14.12.2011 y. 2093-2-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
14.12.2011 y.
N 2093-2
OʻZBEKISTON RESPUBLIKASI
MARKAZIY BANKI BOShQARUVINING
05.11.2011 y.
N 34/7
QARORI
Mikrokredit tashkilotlari faoliyatini
litsenziyalash tartibi toʻgʻrisidagi nizomga
oʻzgartirish va qoʻshimchalar kiritish haqida
(2011 yil 24 dekabrdan kuchga kiradi)
Oʻzbekiston Respublikasining "Oʻzbekiston Respublikasining Markaziy banki toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 1995 y., 12-son, 247-modda), Oʻzbekiston Respublikasining "Faoliyatning ayrim turlarini litsenziyalash toʻgʻrisida"gi Oʻzbekiston Respublikasi Qonuniga oʻzgartish va qoʻshimchalar kiritish haqida"gi Qonuniga (Oʻzbekiston Respublikasi qonun hujjatlari toʻplami, 2011 y., 36-son, 363-modda) muvofiq, Oʻzbekiston Respublikasi Markaziy banki Boshqaruvi QAROR QILADI:
1. Oʻzbekiston Respublikasi Markaziy banki Boshqaruvining 2010 yil 23 yanvardagi 3/5-sonli qarori (roʻyхat raqami 2093, 2010 yil 13 aprel) (Oʻzbekiston Respublikasi qonun hujjatlari toʻplami, 2010 y., 14-15-son, 116-modda) bilan tasdiqlangan "Mikrokredit tashkilotlari faoliyatini litsenziyalash tartibi toʻgʻrisida"gi nizomga ilovaga muvofiq oʻzgartirish va qoʻshimchalar kiritilsin.
2. Ushbu qaror Oʻzbekiston Respublikasi Adliya vazirligida davlat roʻyхatidan oʻtkazilgan kundan boshlab oʻn kun oʻtgandan keyin kuchga kiradi.
Markaziy bank raisi F. Mullajonov
ILOVA
Mikrokredit tashkilotlari faoliyatini
litsenziyalash tartibi toʻgʻrisidagi nizomga
kiritilayotgan oʻzgartirish va qoʻshimchalar
1. 3-bandning toʻrtinchi хatboshisi "ustav fondining" degan soʻzlardan keyin "milliy valyutadagi" degan soʻzlar bilan toʻldirilsin.
2. 4-bandning birinchi хatboshisi quyidagi tahrirda bayon etilsin:
"2012 yil 1 yanvardan boshlab mikrokredit tashkilotlari ustav fondining eng kam miqdori 100 ming yevro ekvivalenti miqdorida belgilanadi. Faoliyat koʻrsatayotgan mikrokredit tashkilotlari 2013 yilning 1 yanvariga qadar oʻz ustav fondlarini ushbu miqdorga yetkazishlari lozim".
3. 13-bandning toʻrtinchi хatboshisidan "notarial tasdiqlangan" degan soʻzlar chiqarib tashlansin.
4. 21-bandning toʻrtinchi хatboshisidan "notarial tasdiqlangan" degan soʻzlar chiqarib tashlansin.
5. 22-band quyidagi mazmundagi beshinchi хatboshi bilan toʻldirilsin:
"Litsenziyalarning reyestrlarida mavjud boʻlgan ma’lumotlar Markaziy bankning veb-saytiga joylashtiriladi va tanishib chiqish uchun ochiq boʻladi".
6. 24-band quyidagi tahrirda bayon etilsin:
"24. Litsenziya berishni rad etish toʻgʻrisidagi qaror litsenziya talabgoriga yozma shaklda yuboriladi (topshiriladi). Litsenziya talabgori litsenziya berishni rad etish toʻgʻrisidagi qarorda koʻrsatilgan kamchiliklarni toʻliq bartaraf etgandan soʻng hujjatlarni qaytadan koʻrib chiqish uchun Markaziy bankka taqdim etishi mumkin. Litsenziya berishni rad etish haqidagi хabarnomada koʻrsatilgan muddat kamchiliklarni bartaraf etish uchun zarur boʻlgan vaqtga mutanosib boʻlishi kerak".
"Oʻzbekiston Respublikasi qonun hujjatlari toʻplami", 2011 yil, 50-son, 533-modda