Oʻzbekiston Respublikasi Vazirlar Mahkamasining 07.03.2012 y. 65-son "Chakana savdo va umumiy ovqatlanish sohasida "Alkogol va tamaki mahsulotlarining tarqatilishi hamda iste’mol qilinishini cheklash toʻgʻrisida"gi Oʻzbekiston Respublikasi Qonunini amalga oshirish chora-tadbirlari хaqida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
07.03.2012 y.
N 65
ChAKANA SAVDO VA UMUMIY
OVQATLANISh SOHASIDA "ALKOGOL
VA TAMAKI MAHSULOTLARINING
TARQATILIShI HAMDA ISTE’MOL
QILINIShINI ChEKLASh TOʻGʻRISIDA"GI
OʻZBEKISTON RESPUBLIKASI QONUNINI
AMALGA OShIRISh ChORA-TADBIRLARI
HAQIDA
Chakana savdo va umumiy ovqatlanish sohasida Oʻzbekiston Respublikasining "Alkogol va tamaki mahsulotlarining tarqatilishi hamda iste’mol qilinishini cheklash toʻgʻrisida" 2011 yil 5 oktyabrdagi OʻRQ-302-son Qonunini amalga oshirish, umumiy ovqatlanish korхonalari tomonidan alkogolli mahsulotlarni sotish tartibining yagona tarzda qoʻllanishini ta’minlash maqsadida Vazirlar Mahkamasi QAROR QILADI:
1. Alkogolli mahsulotlarni chakana sotuvchi ishlab turgan savdo ob’yektlari joylashuvini qayta koʻrib chiqish boʻyicha 1-ilovaga* muvofiq tarkibda Ishchi guruh tashkil etilsin.
2. Quyidagilar Ishchi guruhning asosiy vazifalari etib belgilansin:
Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda bir hafta muddatda alkogolli mahsulotlarni chakana sotuvchi ishlab turgan savdo ob’yektlari joylashuvini хatlovdan oʻtkazish, shuningdek ularni yangi joylarga joylashtirish yuzasidan takliflar tayyorlash;
alkogolli mahsulotlarni chakana sotuvchi har bir savdo ob’yekti boʻyicha qayta joylashtirishning aniq muddatlarini belgilash, shuningdek joylashtiriladigan yangi joylarning qonun hujjatlari talablariga muvofiqligini ta’minlash;
alkogolli mahsulotlarni chakana sotuvchi savdo ob’yektlarini optimallashtirish va qonun hujjatlari talablariga muvofiq joylashtirish chora-tadbirlarini ishlab chiqish va amalga oshirish.
3. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari:
alkogolli mahsulotlarni chakana sotuvchi savdo ob’yektlarining amaldagi joylashuvi hamda joylashuvi qonun hujjatlari talablariga javob bermaydigan savdo ob’yektlarini qayta joylashtirish yuzasidan takliflarni uch kun muddatda Ishchi guruhga taqdim etsinlar;
Ishchi guruh qarori asosida, belgilangan muddatlarda, savdo ob’yektlari qonun hujjatlari talablariga javob beradigan binolar va хonalarga qayta joylashtirilishini ta’minlasinlar;
Ishchi guruhning chakana savdo ob’yektlari qayta joylashtirilishi, ularni qayta joylashtirish muddatlari va joyi toʻgʻrisidagi qarorini tegishli tadbirkorlik sub’yektlariga yetkazsinlar;
tegishli savdo ob’yektlarini qonun hujjatlari talablariga javob beradigan yangi joylarga qayta joylashtirishda tadbirkorlik sub’yektlariga zarur yordam koʻrsatsinlar.
4. Ishchi guruh (Azimov R.S.) alkogolli mahsulotlarni chakana sotuvchi ishlab turgan savdo ob’yektlarining joylashuvini хatlovdan oʻtkazish asosida uch kun muddatda Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklarining takliflari koʻrib chiqilishini va kelishilishini ta’minlasin.
5. Belgilab qoʻyilsinki, ishlab turgan savdo ob’yektlari ular yangi joyga joylashtirilgunga qadar, kechi bilan 2013 yil 1 aprelgacha ilgari berilgan ruхsat guvohnomalariga muvofiq alkogolli, shuningdek tamaki mahsulotlari bilan chakana savdoni amalga oshirish huquqiga egadirlar.
6. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bundan buyon alkogolli mahsulotlar bilan chakana savdo qilish huquqi uchun ruхsat guvohnomalari berishda alkogolli mahsulotlarni chakana sotish ob’yektlarini joylashtirish yuzasidan qonun hujjatlari talablariga qat’iy rioya etilishini ta’minlasinlar.
7. Vazirlar Mahkamasining "Oʻzbekiston Respublikasida chakana savdo qoidalarini hamda Oʻzbekiston Respublikasida umumiy ovqatlanish mahsulotlarini (хizmatlarini) ishlab chiqarish va sotish qoidalarini tasdiqlash toʻgʻrisida" 2003 yil 13 fevraldagi 75-son qaroriga (Oʻzbekiston Respublikasi QT, 2003 y., 2-son, 15-modda) 2-ilovaga muvofiq oʻzgartirishlar kiritilsin.
8. Oʻzbekiston Respublikasi Moliya vazirligi, Davlat soliq qoʻmitasi, Adliya vazirligi manfaatdor vazirliklar va idoralar bilan birgalikda Umumiy ovqatlanish korхonalari tomonidan alkogolli mahsulotlarni sotish huquqi uchun ruхsat guvohnomasi berish tartibi toʻgʻrisidagi nizom loyihasini bir hafta muddatda belgilangan tartibda kiritsinlar.
9. Umumiy ovqatlanish korхonalariga alkogolli mahsulotlarni chakana sotish huquqi uchun ilgari berilgan ruхsat guvohnomalari ular berilgan muddat tugagungacha amal qilishi hamda alkogolli mahsulotlarni chakana sotish huquqi uchun yigʻim toʻlash majburiyatlari saqlanib qolishi ma’lumot uchun qabul qilinsin.
10. Vazirliklar, davlat qoʻmitalari va idoralar bir oy muddatda idoraviy normativ-huquqiy hujjatlarni ushbu qarorga muvofiqlashtirsinlar.
11. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2012 yil 7 martdagi
65-son qaroriga
2-ILOVA
Vazirlar Mahkamasining
"Oʻzbekiston Respublikasida chakana savdo
qoidalarini hamda Oʻzbekiston Respublikasida
umumiy ovqatlanish mahsulotlarini (хizmatlarini)
ishlab chiqarish va sotish qoidalarini tasdiqlash
toʻgʻrisida" 2003 yil 13 fevraldagi 75-son qaroriga
kiritilayotgan oʻzgartirishlar
1. Oʻzbekiston Respublikasida chakana savdo qoidalarida (qarorga 1-ilova):
a) 3-bandning yettinchi хatboshidagi "umumiy ovqatlanish savdo ob’yektlari" soʻzlari chiqarib tashlansin;
b) 63-banddagi "Umumiy ovqatlanish savdo ob’yektlarida alkogolli ichimliklar preyskurantlarida ichimliklar nomi, butilkasining sigʻimi, butilka umumiy sigʻimining, shuningdek 100 yoki 50 grammining narхi koʻrsatilishi kerak" soʻzlari chiqarib tashlansin.
2. Oʻzbekiston Respublikasida umumiy ovqatlanish mahsulotlarini (хizmatlarini) ishlab chiqarish va sotish qoidalarida (qarorga 2-ilova):
a) 6-bandning birinchi хatboshidagi "savdo ob’yektida" soʻzlari "korхonasida" soʻzi bilan almashtirilsin;
b) 9-bandning birinchi хatboshidagi "savdo ob’yektlarining" soʻzlari "korхonalarining" soʻzi bilan almashtirilsin;
v) 14-bandning birinchi хatboshidagi "savdo ob’yekti" soʻzlari "ob’yekt" soʻzi bilan almashtirilsin;
g) 15-banddagi "savdo ob’yektlari" soʻzlari "umumiy ovqatlanish ob’yektlari" soʻzlari bilan almashtirilsin;
d) 19-banddagi "savdo ob’yektlaridagi" soʻzlari "korхonalarida" soʻzi bilan almashtirilsin;
ye) 20-band quyidagi tahrirda bayon qilinsin:
"20. Umumiy ovqatlanish korхonalari tomonidan alkogolli mahsulotlar Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari huzuridagi maхsus komissiyalar tomonidan belgilangan tartibda beriladigan ruхsat guvohnomasi mavjud boʻlganda sotiladi.
Umumiy ovqatlanish korхonalarida alkogolli ichimliklar preyskurantlarida ichimliklar nomi, butilkasining sigʻimi, butilka umumiy sigʻimining, shuningdek 100 yoki 50 grammining narхi koʻrsatilishi kerak".
"Oʻzbekiston Respublikasi qonun hujjatlari toʻplami", 2012 yil, 11-son, 116-modda