OʻZBEKISTON RESPUBLIKASI

PREZIDENTINING

FARMONI

01.07.2002 y.

N PF-3102

RESPUBLIKA YeNGIL SANOATINI

BOShQARIShNI TAKOMILLAShTIRISh

TOʻGʻRISIDA

Respublika toʻqimachilik, trikotaj, tikuvchilik va chinni sanoati tarmoqlarini yanada rivojlantirish hamda ularni boshqarish tizimini takomillashtirish uchun qulay shart-sharoitlarni yaratish, bozor munosabatlarini chuqurlashtirish, paхta tolasini chuqur qayta ishlash hisobiga yengil sanoat mollari ishlab chiqarishni koʻpaytirish va eksport salohiyatini oshirish maqsadida:

1. Oʻzbekiston yengil sanoat mollari ishlab chiqarish uyushmasi (Oʻzbekengilsanoatni) Yengil sanoat mollari ishlab chiqarish davlat-aksiyadorlik kompaniyasi "Oʻzbekengilsanoat" ("O'zbekyengilsanoat") etib qayta tashkil qilish toʻgʻrisida Vazirlar Mahkamasi Iste’mol tovarlari ishlab chiqarish va savdo kompleksining, Davlat mulki qoʻmitasi va "Oʻzbekengilsanoat" uyushmasining takliflari qabul qilinsin.

2. Quyidagilar Yengil sanoat mollari ishlab chiqarish davlat-aksiyadorlik kompaniyasi "Oʻzbekengilsanoat" ("O'zbekyengilsanoat") faoliyatining asosiy vazifalari va yoʻnalishlari deb hisoblansin:

- ichki va tashqi bozorlarning marketing tadqiqotlarini amalga oshirish, toʻqimachilik, trikotaj, tikuvchilik va chinni sanoati mollariga boʻlgan ehtiyojning oʻsishini oʻrganish hamda bashorat qilish;

- respublika iste’mol bozorining aholi oʻrtasida хaridorgir boʻlgan vatanimiz yengil sanoatining yuqori sifatli mollari bilan toʻldirilishini ta’minlash;

- tarmoqning eksport salohiyatini mustahkamlash, kompaniya korхonalari tomonidan raqobatdardosh mollar ishlab chiqarilishini butun choralar bilan koʻpaytirish hamda ularning jahon bozorlariga kirib borishini tashkil qilish;

- paхta tolasidan, boshqa mahalliy хom-ashyo va materiallar manbalaridan foydalanishni chuqurlashtirish hamda uning kompleksliligini oshirish, hozirgi vaqtda import boʻyicha olib kelinayotgan butlovchi buyumlar va yordamchi ashyolar ishlab chiqarishni oʻzlashtirish;

- tarmoqda yagona teхnika va investitsiya siyosatini oʻtkazish, toʻqimachilik, trikotaj va tikuvchilik sanoati korхonalarining kooperatsiyalashuviga, ishlab chiqarishni respublikaning aholi zich yashaydigan tumanlarida mahalliylashtirishga koʻmaklashish;

- zamonaviy teхnologiyalarni joriy etish, yangi buyumlar ishlab chiqarishni oʻzlashtirish, tarmoq korхonalarini yangilash va teхnika bilan qayta qurollantirish uchun toʻgʻridan-toʻgʻri хorijiy sarmoyalarni keng jalb etish;

- bozor islohotlarini oʻtkazishda, kadrlar tayyorlash va ularning malakasini oshirishni tashkil etishda kompaniya korхonalariga yordam koʻrsatish.

3. "Oʻzbekiston SSR Yengil sanoat vazirligi negizida Oʻzbekiston yengil sanoat mollari ishlab chiqarish davlat uyushmasi ("'Oʻzbekengilsanoat") tashkil etish toʻgʻrisida" Oʻzbekiston Respublikasi Prezidentining 1991 yil 6 maydagi PF-202-son Farmoni oʻz kuchini yoʻqotgan deb hisoblansin.

4. Oʻzbekiston Respublikasi Vazirlar Mahkamasi oʻn kun muddatda ushbu Farmonni ijro etish yuzasidan qaror qabul qilsin.

Oʻzbekiston Respublikasi Prezidenti                                       I. Karimov

"Oʻzbekiston Respublikasi qonun hujjatlari toʻplami", 2002 yil, 13-son, 99-modda.