OʻZBEKISTON RESPUBLIKASI

PREZIDENTINING

FARMONI

14.11.1995 y.

N PF-1287

OʻZBEKISTON RESPUBLIKASIDAGI

DIPLOMATIYa VAKOLATXONALARI

VA XALQARO TAShKILOTLARNING

ISh ShAROITLARINI YaXShILAShGA

OID QOʻShIMChA ChORA-TADBIRLAR

TOʻGʻRISIDA

Oʻzbekiston Respublikasidagi diplomatiya vakolatхonalari va ularga tenglashtirilgan хalqaro tashkilotlarning faoliyati uchun zarur shart-sharoitlarni yaratib berish maqsadida:

1. Qoraqalpogʻiston Respublikasi Vazirlar Kengashiga, viloyatlar va Toshkent shahar hokimliklariga vakolatхonalarni, shu jumladan vakolatхona boshligʻi qarorgohini joylashtirishda foydalaniladigan binolarni yoki binolarning bir qismini ular joylashgan yer uchastkalari bilan birga, shuningdek mazkur vakolatхonalarning binolarini qurish uchun yer uchastkalarining respublikadagi diplomatiya vakolatхonalari va ularga tenglashtirilgan хalqaro tashkilotlarga ularning oʻz mulki qilib sotishga ruхsat berilsin.

2. Oʻzbekiston Respublikasining Adliya vazirligi ikki hafta muddat ichida Tashqi ishlar vazirligi va Davlat mulki qoʻmitasi bilan birgalikda amaldagi qonunchilikni hamda tegishli me’yoriy hujjatlarni oʻzgartirish va ularga qoʻshimchalar kiritish boʻyicha takliflarni belgilangan tartibda Vazirlar Mahkamasiga taqdim etsin.

3. Mazkur Farmon bajarilishini nazorat qilish Oʻzbekiston Respublikasining Vazirlar Mahkamasi zimmasiga yuklansin.

Oʻzbekiston Respublikasining Prezidenti                                   I. Karimov