Oʻzbekiston Respublikasi Hukumati va Moldova Respublikasi Hukumati oʻrtasida soliq qonunlariga rioya etish masalalari boʻyicha hamkorlik va oʻzaro yordam toʻgʻrisida Bitim (Kishinyov, 1998 yil 10 fevral, OʻzR VM 05.06.1998 y. 241-son Qarori bilan tasdiqlangan, 1998 yil 10 iyundan kuchga kirgan)
Ўзбекистон Республикаси Ҳукумати ва Молдова
Республикаси Ҳукумати ўртасида солиқ қонунларига
риоя этиш масалалари бўйича ҳамкорлик
ва ўзаро ёрдам тўғрисида
БИТИМ
Ўзбекистон Республикаси Ҳукумати ва Молдова Республикаси Ҳукумати, бундан кейин Томонлар деб аталувчилар, солиқ қонунларига риоя этиш масалалари бўйича халқаро ҳамкорлик ва ўзаро ёрдамнинг муҳимлигидан келиб чиқиб ҳамда шу мақсадда бир-бирига имкони борича кенг кўмаклашишни истаб, қуйидагилар тўғрисида келишиб олдилар:
Ушбу Битим мақсадлари учун қўлланиладиган атамалар қуйидагиларни англатади:
"солиқ қонунлари" - солиқларнинг турларини ва мазкур Томоннинг давлати ҳудудида уларни ундириш тартибини белгиловчи ҳамда солиқ мажбуриятларининг пайдо бўлиши, ўзгариши ва тўхтатилиши билан боғлиқ муносабатларни тартибга солувчи норматив актлар мажмуаси;
"солиқ қонунларини бузиш" - солиқ тўловчи томонидан бюджет олдидаги мажбуриятлар бажарилмаслигида ёхуд зарур даражада бажарилмаслигида ифодаланган, бунинг учун Томонлар давлатларининг миллий қонунларига мувофиқ юридик жавобгарлик белгиланган ҳуқуққа зид ҳаракат ёки ҳаракатсизлик;
...