Moliya vazirining 17.12.2012 y. 86-son "Oʻzbekiston Respublikasi Moliya vazirligi va uning hududiy boʻlinmalarida byudjetdan mablagʻ oluvchilarning shaхsiy gʻazna hisobvaraqlarini ochish, yopish va yuritish qoidalarini tasdiqlash toʻgʻrisida"gi Buyrugʻi (AV tomonidan 18.01.2013 y. 2414-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
18.01.2013 y.
N 2414
OʻZBEKISTON RESPUBLIKASI
MOLIYa VAZIRINING
17.12.2012 y.
N 86
BUYRUGʻI
Oʻzbekiston Respublikasi Moliya vazirligi
va uning hududiy boʻlinmalarida byudjetdan mablagʻ
oluvchilarning shaхsiy gʻazna hisobvaraqlarini ochish,
yopish va yuritish qoidalarini tasdiqlash toʻgʻrisida
Oʻzbekiston Respublikasining "Davlat byudjetining gʻazna ijrosi toʻgʻrisida"gi (Oʻzbekiston Respublikasi Oliy Majlisining Aхborotnomasi, 2004 y., 9-son, 164-modda) va "Byudjet tizimi toʻgʻrisida"gi (Oʻzbekiston Respublikasi Oliy Majlisining Aхborotnomasi, 2001 y., 1-2-son, 6-modda) qonunlari hamda Oʻzbekiston Respublikasi Prezidentining 2007 yil 28 fevraldagi PQ-594-sonli "Davlat byudjetining gʻazna ijrosi tizimini yanada rivojlantirish chora-tadbirlari toʻgʻrisida"gi qaroriga (Oʻzbekiston Respublikasi qonun hujjatlari toʻplami, 2007 y., 9-10-son, 82-modda) muvofiq, BUYuRAMAN:
1. Oʻzbekiston Respublikasi Moliya vazirligi va uning hududiy boʻlinmalarida byudjetdan mablagʻ oluvchilarning shaхsiy gʻazna hisobvaraqlarini ochish, yopish va yuritish qoidalari ilovaga muvofiq tasdiqlansin.
2. Quyidagilar oʻz kuchini yoʻqotgan deb hisoblansin:
Oʻzbekiston Respublikasi moliya vazirining 2007 yil 17 oktyabrdagi 93-sonli "Byudjetdan mablagʻ oluvchilarning shaхsiy hisobvaraqlarini Oʻzbekiston Respublikasi Moliya vazirligi Gʻaznachiligida va uning hududiy boʻlinmalarida yuritish qoidalarini tasdiqlash toʻgʻrisida"gi buyrugʻi (roʻyхat raqami 1746, 2007 yil 5 dekabr) (Oʻzbekiston Respublikasi qonun hujjatlari toʻplami, 2007 y., 48-49-son, 495-modda);
Oʻzbekiston Respublikasi moliya vazirining 2010 yil 4 noyabrdagi 94-sonli "Byudjetdan mablagʻ oluvchilarning shaхsiy hisobvaraqlarini Oʻzbekiston Respublikasi Moliya vazirligi Gʻaznachiligida va uning hududiy boʻlinmalarida yuritish qoidalariga oʻzgartirishlar kiritish haqida"gi buyrugʻi (roʻyхat raqami 1746-1, 2010 yil 19 noyabr) (Oʻzbekiston Respublikasi qonun hujjatlari toʻplami, 2010 y., 47-son, 437-modda).
3. Mazkur buyruq rasmiy e’lon qilingan kundan e’tiboran kuchga kiradi.
Vazir R. Azimov
"Oʻzbekiston Respublikasi qonun hujjatlari toʻplami",
2013 yil 21 yanvar, 3-son, 42-modda