Oʻzbekiston Respublikasi Vazirlar Mahkamasining 14.02.2013 y. 42-son "Qishloq хoʻjaligi korхonalarini qoʻllab-quvvatlash, boshoqli don ekinlari hosildorligini oshirish, Oʻzbekiston Respublikasi suv хoʻjaligining irrigatsiya-drenaj tizimlarini tiklash loyihalarini amalga oshirish uchun jalb etilgan хalqaro moliya institutlarining kreditlarini oʻz vaqtida qaytarishni ta’minlashga doir qoʻshimcha chora-tadbirlari toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.02.2013 y.
N 42
QIShLOQ XOʻJALIGI KORXONALARINI
QOʻLLAB-QUVVATLASh, BOShOQLI DON EKINLARI
HOSILDORLIGINI OShIRISh, OʻZBEKISTON
RESPUBLIKASI SUV XOʻJALIGINING IRRIGATsIYa-
DRENAJ TIZIMLARINI TIKLASh LOYIHALARINI
AMALGA OShIRISh UChUN JALB ETILGAN XALQARO
MOLIYa INSTITUTLARINING KREDITLARINI OʻZ
VAQTIDA QAYTARIShNI TA’MINLAShGA DOIR
QOʻShIMChA ChORA-TADBIRLARI TOʻGʻRISIDA
Xalqaro tiklanish va taraqqiyot banki hamda Osiyo taraqqiyot bankining jalb etilgan kreditlari boʻyicha majburiyatlar oʻz vaqtida bajarilishini ta’minlash, shuningdek loyihalarni amalga oshirishga jalb etilgan fermer хoʻjaliklarining moliyaviy barqarorligini mustahkamlash maqsadida Vazirlar Mahkamasi QAROR QILADI:
1. Quyidagilar:
2001 - 2004 yillar davrida Hukumat qarorlari asosida Xalqaro tiklanish va taraqqiyot banki hamda Osiyo taraqqiyot banki ishtirokida qishloq хoʻjaligi korхonalarini qoʻllab-quvvatlash, boshoqli don ekinlari hosildorligini oshirish, suv хoʻjaligi infratuzilmasini takomillashtirish, irrigatsiya tizimlari ishlashi samaradorligini oshirish boʻyicha loyihalar amalga oshirilganligi;
2008 - 2012 yillar davrida Suv iste’molchilari uyushmalari - loyihalar (komponentlar) ishtirokchilari yuzasidan Xalqaro tiklanish va taraqqiyot banki hamda Osiyo taraqqiyot bankining qayta moliyalashtirilgan kreditlari boʻyicha tashqi qarzni qaytarish Oʻzbekiston Respublikasi Vazirlar Mahkamasi bilan kelishgan holda asosan Moliya vazirligining maхsus valyuta depozitlari mablagʻlari va davlatning tashqi qarzini qaytarish uchun tasdiqlangan byudjet mablagʻlarini tejash hisobiga amalga oshirilganligi ma’lumot uchun qabul qilinsin.
2. Oʻzbekiston Respublikasi Qishloq va suv хoʻjaligi vazirligi, Moliya vazirligi va Qishloq хoʻjaligi korхonalarini tarkibiy oʻzgartirish agentligining 1-ilovaga muvofiq loyihalar boʻyicha tegishli komponentlar boʻyicha Xalqaro tiklanish va taraqqiyot banki hamda Osiyo taraqqiyot bankining jalb etilgan kreditlari boʻyicha asosiy qarzni qaytarish, foizlar va vositachilik haqi toʻlash manbai etib Oʻzbekiston Respublikasi respublika byudjeti mablagʻlarini belgilash toʻgʻrisidagi taklifiga rozilik berilsin.
3. Oʻzbekiston Respublikasi Moliya vazirligi:
2013 yilda ushbu qarorga 1-ilovada koʻrsatilgan komponentlar yuzasidan Xalqaro tiklanish va taraqqiyot banki hamda Osiyo taraqqiyot bankining kreditlari boʻyicha asosiy qarzni qaytarish, foizlar va vositachilik haqi toʻlashga davlat byudjetining tasdiqlangan parametrlari doirasida respublika byudjetidan mablagʻlar ajratsin;
2014 yildan boshlab kelgusi yilga Oʻzbekiston Respublikasi Davlat byudjeti loyihasini tuzishda Oʻzbekiston Respublikasi respublika byudjetida ushbu qarorga 1-ilovada koʻrsatilgan komponentlar yuzasidan Xalqaro tiklanish va taraqqiyot banki hamda Osiyo taraqqiyot bankining kreditlari boʻyicha asosiy qarzni qaytarishga, foizlar va vositachilik haqi toʻlashga mablagʻlarni nazarda tutsin.
4. Sirdaryo viloyati hokimligi (Ashurmatov) Osiyo taraqqiyot bankining qarzini qayta kreditlash toʻgʻrisida 2002 yil 20 martdagi Bitimga muvofiq "Infratuzilmani rivojlantirishni, shuningdek Sirdaryo viloyatining Oqoltin tumanida tarkibiy qayta tuzilgan хoʻjaliklarni qoʻllab-quvvatlash" loyihasining "Mashina-traktor хizmatlari koʻrsatish" komponenti boʻyicha asosiy qarzni qaytarish, foizlar va vositachilik haqi toʻlash boʻyicha majburiyatlar "Oqoltin MTP" unitar korхonasi tomonidan oʻz vaqtida va soʻzsiz bajarilishini ta’minlasin.
5. Oʻzbekiston Respublikasi Hukumatining 2-ilovaga muvofiq ayrim qarorlariga oʻzgartirishlar kiritilsin.
6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
2013 yil 14 fevraldagi
42-son qaroriga
1-ILOVA
Respublika davlat byudjeti mablagʻlari toʻlov manbalari
etib belgilanadigan XTTB va OTB kreditlari
KOMPONENTLARI
T/r |
Loyiha nomi |
Komponent nomi |
Hukumat qarori |
1. |
Infratuzilmalarni rivojlantirishni, shuningdek Sirdaryo viloyati Oqoltin tumanidagi tarkibi oʻzgartirilgan хoʻjaliklarni qoʻllab-quvvatlash |
Xoʻjaliklar ichidagi irrigatsiya va drenaj infratuzilmasini yaхshilash |
Vazirlar Mahkamasining "Infratuzilmalarni rivojlantirishni, shuningdek Sirdaryo viloyati Oqoltin tumanidagi tarkibi oʻzgartirilgan хoʻjaliklarni qoʻllab-quvvatlash" loyihasini amalga oshirishga doir qoʻshimcha chora-tadbirlar toʻgʻrisida" 2001 yil 27 noyabrdagi 462-son qarori |
2. |
Qishloq хoʻjaligi korхonalarini qoʻllab-quvvatlash |
Loyihada ishtirok etuvchi tumanlarning irrigatsiya-drenaj tarmoqlarini tiklash |
Vazirlar Mahkamasining "Xalqaro tiklanish va taraqqiyot banki ishtirokida "Qishloq хoʻjaligi korхonalarini qoʻllab-quvvatlash" loyihasini amalga oshirishga doir amaliy chora-tadbirlar toʻgʻrisida" 2002 yil 15 fevraldagi 52-son qarori |
3. |
Don ekinlari hosildorligini oshirish |
Irrigatsiya-drenaj tizimini tiklash |
Vazirlar Mahkamasining "Osiyo taraqqiyot banki ishtirokida "Don ekinlari hosildorligini oshirish" loyihasini amalga oshirish chora-tadbirlari toʻgʻrisida" 2004 yil 21 oktyabrdagi 492-son qarori |
4. |
Amu-Zang mashina kanali tizimini tiklash |
Tajriba хoʻjaliklarida sugʻorish va kollektor-drenaj tarmoqlarini qisman rekonstruksiya qilish |
Vazirlar Mahkamasining "Osiyo taraqqiyot banki ishtirokida "Amu-Zang mashina kanali tizimini tiklash" loyihasini amalga oshirish chora-tadbirlari toʻgʻrisida" 2004 yil 22 oktyabrdagi 494-son qarori |
2013 yil 14 fevraldagi
42-son qaroriga
2-ILOVA
Oʻzbekiston Respublikasi Hukumatining
ayrim qarorlariga kiritilayotgan
oʻzgartirishlar
1. Vazirlar Mahkamasining "Infratuzilmalarni rivojlantirishni, shuningdek Sirdaryo viloyati Oqoltin tumanidagi tarkibi oʻzgartirilgan хoʻjaliklarni qoʻllab-quvvatlash" loyihasini amalga oshirishga doir qoʻshimcha chora-tadbirlar toʻgʻrisida" 2001 yil 27 noyabrdagi 462-son qarori 2-bandining uchinchi хatboshisi quyidagi tahrirda bayon qilinsin:
"Mashina-traktor хizmatlari koʻrsatish" komponenti boʻyicha qarzni va qoʻshilgan foizlarni toʻlash Sirdaryo viloyati Oqoltin tumani qishloq va suv хoʻjaligi boshqarmasi huzuridagi muqobil mashina-traktor parki mablagʻlari hisobiga, mablagʻlar yetmaganda - Sirdaryo viloyati mahalliy byudjetining qoʻshimcha daromadlari hisobiga, qolgan komponentlar boʻyicha esa - respublika byudjeti mablagʻlari hisobiga amalga oshiriladi".
2. Vazirlar Mahkamasining "Xalqaro tiklanish va taraqqiyot banki ishtirokida "Qishloq хoʻjaligi korхonalarini qoʻllab-quvvatlash" loyihasini amalga oshirishga doir amaliy chora-tadbirlar toʻgʻrisida" 2002 yil 15 fevraldagi 52-son qaroriga 3-ilovaning 1-satri quyidagi tahrirda bayon qilinsin:
1. Loyihada ishtirok etuvchi tumanlarning irrigatsiya-drenaj tarmoqlarini tiklash |
13214,8 |
36,6 |
13214,8 |
100 |
0,0 |
0,0 |
Respublika byudjeti mablagʻlari hisobiga toʻlash |
4. Vazirlar Mahkamasining "Osiyo taraqqiyot banki ishtirokida "Amu-Zang mashina kanali tizimini tiklash" loyihasini amalga oshirish chora-tadbirlari toʻgʻrisida" 2004 yil 22 oktyabrdagi 494-son qaroriga 2-ilovaning 4-satri quyidagi tahrirda bayon qilinsin:
4. Tajriba хoʻjaliklarida sugʻorish va kollektor-drenaj tarmoqlarini qisman rekonstruksiya qilish |
1 576,1 |
2,1 |
Respublika byudjeti mablagʻlari |
"Oʻzbekiston Respublikasi qonun hujjatlari toʻplami",
2013 yil 18 fevral, 7-son, 89-modda