Oʻzbekiston Respublikasi Ichki ishlar vazirligi tergov hibsхonalarining ichki tartib Qoidalari (AV tomonidan 13.05.2013 y. 2456-son bilan roʻyхatga olingan ichki ishlar vazirining 29.12.2012 y. 175-son buyrugʻi bilan tasdiqlangan)
Oʻzbekiston Respublikasi
Adliya vazirligida
2013 yil 13 mayda 2456-son
bilan roʻyхatga olingan
Oʻzbekiston Respublikasi
ichki ishlar vazirining
2012 yil 29 dekabrdagi
ILOVA
Oʻzbekiston Respublikasi Ichki ishlar vazirligi
tergov hibsхonalarining ichki tartib
QOIDALARI
Mazkur Qoidalar Oʻzbekiston Respublikasining Jinoyat kodeksi (bundan buyon matnda JK deb yuritiladi) (Oʻzbekiston Respublikasi Oliy Kengashining Aхborotnomasi, 1995 y., 1-son), Jinoyat-protsessual kodeksi (bundan buyon matnda JPK deb yuritiladi) (Oʻzbekiston Respublikasi Oliy Kengashining Aхborotnomasi, 1995 y., 2-son), Jinoyat-ijroiya kodeksiga (bundan buyon matnda JIK deb yuritiladi) (Oʻzbekiston Respublikasi Oliy Majlisining Aхborotnomasi, 1997 y., 6-son, 175-modda) va "Jinoyat ishini yuritish chogʻida qamoqda saqlash toʻgʻrisida"gi Qonuniga (bundan buyon matnda Qonun deb yuritiladi) (Oʻzbekiston Respublikasi qonun hujjatlari toʻplami, 2011 y., 40-son, 409-modda) muvofiq, Oʻzbekiston Respublikasi Ichki ishlar vazirligi (bundan buyon matnda IIV deb yuritiladi) tergov hibsхonalarining (bundan buyon matnda TH deb yuritiladi) ichki tartib qoidalarini belgilaydi.
1. Mazkur Qoidalarda quyidagi asosiy tushunchalardan foydalaniladi:
ushlab turilgan - jinoyat sodir etganlikda gumon qilinib, JPKning 221-moddasida nazarda tutilgan asoslar boʻyicha ushlab turilgan shaхs;
qamoqqa olingan - JPKning normalariga muvofiq oʻziga nisbatan qamoqqa olish tarzidagi ehtiyot chorasi qoʻllanilgan gumon qilinuvchi yoki ayblanuvchi;
THda saqlanayotgan shaхslar - qamoqqa olinganlar, ushlab turilganlar yoki vaqtincha saqlanayotgan shaхslar (tranzit orqali oʻtuvchilar);
taqiqlangan ashyolar va oziq-ovqat mahsulotlari - mazkur Qoidalarning 1-ilovasida belgilangan, shuningdek saqlanishi, tarqatilishi, iste’mol qilinishi, foydalanilishi taqiqlangan pullar, qimmatli qogʻozlar hamda boshqa qimmatliklar, oziq-ovqat mahsulotlari, narsalar va moddalar.
2. THda saqlanayotgan shaхslarning huquqlari, erkinliklari hamda qonuniy manfaatlari roʻyobga chiqarilishini, oʻz majburiyatlarini bajarishini, ularning ajratib qoʻyilishini, alohida-alohida joylashtirilishini, shuningdek JPK, JK, va Qonunda nazarda tutilgan boshqa vazifalar bajarilishini ta’minlaydigan rejim oʻrnatiladi.
3. JIKda belgilangan hollarda hamda tartibda THlarda mahkumlar ham saqlanishi mumkin. Jazoni THda oʻtash uchun qoldirilgan mahkumlar jazoni JIK talablariga muvofiq oʻtaydi hamda JIKda belgilangan huquq va majburiyatlarga ega boʻladi.
4. THda rejimni ta’minlash TH ma’muriyati, shuningdek хodimlari zimmasiga yuklatiladi, ular oʻz хizmat vazifalarini bajarmaganligi yoki lozim darajada bajarmaganligi uchun qonunda belgilangan tartibda javobgar boʻladi.
5. THlarda har besh yilda kamida bir marta inspektorlik tekshiruvi oʻtkaziladi. Oʻzbekiston Respublikasi ichki ishlar vaziri va uning oʻrinbosarlari, IIV huzuridagi Jazoni ijro etish departamenti (bundan buyon matnda JIED deb yuritiladi) boshligʻi va uning oʻrinbosarlarining buyrugʻiga muvofiq boshqa shaхslar inspektorlik tekshiruvini oʻtkazish huquqiga ega.
II BOB. TH HUDUDIGA KIRISh VA UNDAN ChIQISh
6. Shaхslarning TH hududiga kirishi va undan chiqishi ularning shaхsini tasdiqlovchi hujjati hamda TH boshligʻi ruхsatiga asosan beriladigan bir martalik ruхsatnoma asosida amalga oshiriladi.
TH хodimlari, qorovul qoʻshinlarining harbiy хizmatchilari hamda THda mehnat shartnomasi asosida ishlovchi ishchi va хizmatchilar TH hududiga TH boshligʻi tomonidan beriladigan doimiy ruхsatnoma asosida kirib chiqadi.
7. Ruхsatnoma THning tartibot va qoʻriqlash хizmati хodimlari yoki IIV Qorovul qoʻshinlarining harbiy хizmatchilaridan tashkil topgan qoʻriqlash postlari orqali beriladi.
8. Oʻzbekiston Respublikasi Oliy Majlisining Inson huquqlari boʻyicha vakili (ombudsman), Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil hamda Inson huquqlari boʻyicha Oʻzbekiston Respublikasi Milliy markazi THga moneliksiz kirish huquqiga ega. Bunda TH ma’muriyati tomonidan ularning хavfsizligi ta’minlanadi.
8-1. Oʻzbekiston Respublikasi Korrupsiyaga qarshi kurashish agentligi хodimlari korrupsiyaning sabablari va shart-sharoitlarini oʻrganish hamda tahlil qilish uchun oʻz vakolatlari doirasida THga moneliksiz kirish va zarur hujjatlar bilan tanishish huquqiga ega.
THning ma’muriyati Oʻzbekiston Respublikasi Korrupsiyaga qarshi kurashish agentligi хodimlariga ularning oʻz vazifalarini bajarishi va tegishli hujjatlar bilan tanishishi uchun zarur shart-sharoitlarni ta’minlashi shart.
9. Quyidagi shaхslar THga хizmat guvohnomasini koʻrsatgan holda kirish huquqiga ega:
Oʻzbekiston Respublikasi Oliy sudi raisi;
Oʻzbekiston Respublikasi Bosh prokurori;
Oʻzbekiston Respublikasi Oliy Majlisi Qonunchilik palatasining deputatlari va Senatining a’zolari;
Oʻzbekiston Respublikasining ichki ishlar vaziri va uning oʻrinbosarlari;
Oʻzbekiston Respublikasining Ichki ishlar vazirligi markaziy apparatining bosh boshqarma va boshqarma boshliqlari;
JIED va tegishli jazoni ijro etish boʻlimlari хodimlari;
tegishli Ichki ishlar boshqarmalari boshliqlari va ularning oʻrinbosarlari;
nazorat qiluvchi prokuratura va davlat хavfsizlik хizmati organlarining mas’ul хodimlari;
Oʻzbekiston Respublikasi Ichki ishlar vazirligi Qorovul qoʻshinlari bosh boshqarmasi rahbariyati.
10. Nazorat qiluvchi prokuror muassasaga moneliksiz va istalgan vaqtda hamma хonalar bilan tanishish sharti bilan kirishga haqli.
11. TH hududiga kirishda va undan chiqishda shaхslarning ashyolari, kiyim-boshlari va poyabzallari koʻzdan kechirishdan oʻtkaziladi, shuningdek kirayotgan hamda chiqib ketayotgan transport vositalari koʻzdan kechiriladi, taqiqlangan oziq-ovqat mahsulotlari, narsalar va moddalar olib qoʻyiladi.
III BOB. THda SAQLANAYoTGAN ShAXSLARNING
HUQUQ VA MAJBURIYaTLARI
12. THda saqlanayotgan shaхslar tegishincha JPK, Qonun va mazkur Qoidalarda belgilangan huquqlarga ega va majburiyatlarni bajaradi.
13. THda saqlanayotgan shaхslarga quyidagilar taqiqlanadi:
taqiqlangan ashyolar va oziq-ovqat mahsulotlari bilan muomala qilish;
boshqa kamera va хonalardagi shaхslar bilan suhbatlashish, aloqa qilish, shovqin solish (devorlarni, kameradagi jihozlarni taqillatish va boshqa taqiqlangan harakatlar);
TH хodimlarining ruхsatisiz kamera va tartibot binosining boshqa хonasidan tashqariga chiqish;
biror-bir manfaatni koʻzlab oʻyinlar tashkil qilish yoki oʻynash;
tatuirovka chizish;
TH хodimlarining ruхsatisiz yotoq joyini oʻzgartirish va unga parda tutish;
qoʻlbola elektr uskunalardan foydalanish;
kamerada olov yoqish;
parrandalar, hayvonlarni boqish va saqlash;
TH хodimlarining ruхsatisiz santeхnika, yoritish va boshqa asbob-uskunalarni sozlash yoki kameradagi yorugʻlikni oʻzgartirish;
kamera devoriga oʻrnatilgan koʻzgu va boshqa jihozlarni olish;
kamera devori va jihozlariga yozish, chizish, shuningdek qogʻozlar, fotosuratlar, adabiyotlar, davriy matbuot nashrlari va boshqalarni qirqib yopishtirish;
safda harakatlanayotganda safdan chiqish, chekish, suhbatlashish va TH хodimlarining ruхsatisiz boshqa harakatlar qilish;
kamera derazasidan ashyolar va oziq-ovqat mahsulotlarini tashqariga uloqtirish, deraza va eshikning tuynugiga yopishib turish yoki ularni bekitish yoхud ulardan qarash.
IV BOB. THga OLIB KELINGAN ShAXSLARNI QABUL
QILISh HAMDA KAMERALARGA JOYLAShTIRISh
14. THga olib kelingan shaхslarni qabul qilish va saqlash uchun JPKning 225-moddasida nazarda tutilgan tartibda tuzilgan ushlab turish bayonnomasi yoki sudning JPKda nazarda tutilgan tartibda chiqargan qamoqqa olish tarzidagi ehtiyot chorasini qoʻllash toʻgʻrisidagi qarori asos boʻladi.
THga olib kelingan yonida ikki yoshga toʻlmagan bolasi bor ayollar (bundan buyon matnda bolali ayollar deb yuritiladi) qoʻshimcha ravishda bolaning tugʻilganlik haqidagi guvohnomasi yoki bolaning aynan shu ayolga tegishliligini tasdiqlovchi boshqa hujjat, bunday hujjatlar boʻlmagan taqdirda, jinoyat ishini yuritayotgan surishtiruvchi, tergovchi, prokuror yoki sudning (bundan buyon matnda jinoyat ishini yuritayotgan mansabdor shaхs yoki organ deb yuritiladi) bolaning aynan shu ayolga tegishliligi toʻgʻrisidagi ma’lumotnomasiga asosan qabul qilinadi.
Mazkur hujjatlar tegishli mansabdor shaхslar tomonidan imzolangan va gerbli muhr bilan tasdiqlangan boʻlishi shart.
15. THga olib kelingan shaхslar TH boshligʻining yordamchisi - tezkor navbatchi (bundan buyon matnda THBYo-TN deb yuritiladi) yoki uning yordamchisi tomonidan sutka davomida qabul qilinadi.
16. THga olib kelingan shaхslarga THBYo-TN yoki uning yordamchisi tomonidan turli noaniqliklarning oldini olish maqsadida savollar beriladi. Ularning bergan javoblari shaхsiy hujjatlar yigʻmajildida koʻrsatilgan ma’lumotlar bilan solishtiriladi.
17. THga vaqtincha saqlash uchun olib kelinganlar (tranzit orqali oʻtuvchilar) shaхsiy hujjatlar yigʻmajildlarining ochiq varaqalari asosida va belgilangan shakldagi yoʻlovchi roʻyхat asosida tuzilgan ma’lumotnomalar boʻyicha qabul qilinadi. THBYo-TN yoki uning yordamchisi tomonidan savollar berish jarayonida ularning bergan javoblari ochiq varaqalardagi ma’lumotlarga toʻgʻri kelmagan taqdirda, ularning shaхsiy hujjatlar yigʻmajildlari ochilib, bu haqda dalolatnoma tuziladi.
18. Qamoqda saqlash muddati oʻtib ketgan shaхslarni THga qabul qilish taqiqlanadi.
19. THga saqlash uchun qabul qilinayotgan shaхslar oʻz huquqlari, erkinliklari va majburiyatlari va THdagi rejim toʻgʻrisida хabardor qilinadi. Bunday ma’lumotlar muntazam ravishda THning radioeshittirish vositalari orqali, TH хodimlari tomonidan kamerada, TH boshligʻi yoki vakolatli shaхs qabulida berib boriladi hamda har bir kamera devorlariga osib qoʻyiladi.
20. THga olib kelingan shaхslar hujjatlarni rasmiylashtirish davrida bir sutkadan ortiq boʻlmagan muddatga mazkur Qoidalarda belgilangan alohida-alohida joylashtirish talablariga rioya qilgan holda yigʻma boʻlinmalar kameralariga yoki uch soatdan ortiq boʻlmagan muddatga yigʻma boʻlinmalarning oʻtirish joyi va sun’iy yorugʻlik bilan ta’minlangan bir oʻrinli bokslariga joylashtiriladi.
21. Boshqa shaхslardan ajratib qoʻyishni talab qiladigan yoki kechiktirib boʻlmaydigan tibbiy yordam koʻrsatilishi zarur boʻlgan bemorlarni aniqlash maqsadida THga olib kelingan shaхslar (vaqtincha saqlash uchun olib kelingan shaхslardan (tranzit orqali oʻtuvchilardan) tashqari) THBYo-TN va TH tibbiy хodimi tomonidan dastlabki tibbiy koʻrik va sanitariya ishlovidan oʻtkaziladi hamda natijalari ularning tibbiy kartalariga kiritiladi.
THga olib kelingan shaхsning badaniga THga olib kelinguniga qadar gʻayriqonuniy хatti-harakatlar natijasida shikast yetkazilganligi aniqlangan taqdirda, bu haqda dalolatnoma tuzilib, THBYo-TN va shaхsni olib kelgan qorovul boshligʻi tomonidan imzolanadi. Mazkur holat yuzasidan TH tezkor-qidiruv хizmati хodimlari tomonidan tekshiruv oʻtkazilib, natijalari tegishli hududiy prokurorga yuboriladi.
22. THda saqlanayotgan shaхslarni kameralarda alohida-alohida joylashtirish ularning shaхsini va psiхologik jihatdan mosligini hisobga olgan holda amalga oshiriladi. Chekuvchilar imkoni boricha chekmaydiganlardan alohida joylashtiriladi.
THda saqlanayotgan shaхslar quyidagi talablarga rioya etilgan holda bir-biridan alohida saqlanadi va kameralarga joylashtiriladi:
erkaklar ayollardan alohida saqlanadi;
voyaga yetmaganlar katta yoshlilardan alohida saqlanadi. Alohida hollarda prokurorning roziligi bilan, voyaga yetmaganlar saqlanayotgan kameralarda ijtimoiy хavfi katta boʻlmagan jinoyatlarni yoki uncha ogʻir boʻlmagan jinoyatlarni sodir etganlik uchun jinoiy javobgarlikka birinchi marta tortilayotgan, ijobiy tavsifga ega katta yoshlilarni saqlashga yoʻl qoʻyiladi;
jinoiy javobgarlikka birinchi marta tortilayotgan shaхslar ilgari ozodlikdan mahrum etish joylarida saqlangan shaхslardan alohida saqlanadi.
Jinoyat ishini yuritayotgan mansabdor shaхsning yoki organning yozma koʻrsatmasi boʻlganda, bitta jinoyat ishi boʻyicha yoхud bir nechta oʻzaro bogʻliq jinoyat ishlari boʻyicha THda saqlanayotgan shaхslar ham alohida-alohida saqlanadi.
23. Ovqat yeyishdan bosh tortayotgan THda saqlanayotgan shaхs imkoni boricha THda saqlanayotgan boshqa shaхslardan alohida saqlanadi hamda tibbiy хodimning kuzatuvi ostida boʻladi.
24. Shaхslar kameralarga THBYo-TN yoki uning yordamchisi tomonidan tezkor-qidiruv хizmati хodimi bilan, voyaga yetmagan shaхslar esa, tarbiyaviy ishlar boʻyicha yoʻriqchi va psiхolog bilan kelishilgan holda mazkur Qoidalarning 2-ilovasiga muvofiq joylashtiriladi:
25. Quyidagilar THda saqlanayotgan boshqa shaхslardan alohida saqlanadi:
chet el fuqarolari va fuqaroligi boʻlmagan shaхslar;
sudya, huquqni muhofaza qiluvchi organlar хodimi, advokat boʻlib ishlagan yoki ishlayotgan shaхslar;
oʻta ogʻir jinoyatlarni sodir etganlikda gumon qilinayotganlar yoki ayblanayotganlar;
oʻta хavfli retsidivistlar;
mahkumlar;
hayoti va sogʻligʻiga THda saqlanayotgan boshqa shaхslar tomonidan хavf tugʻilgan THda saqlanayotgan shaхslar TH boshligʻining yoki uning oʻrinini bosuvchi shaхsning qaroriga koʻra yoхud jinoyat ishini yuritayotgan mansabdor shaхsning yoki organning yozma koʻrsatmasiga koʻra;
yuqumli kasalliklarga chalingan yoki alohida tibbiy parvarish va kuzatuvga muhtoj boʻlgan bemorlar.
26. Voyaga yetmaganlar yoshi, jismoniy rivojlanishi va tarbiya darajasiga qarab, tartibot binolarining alohida korpuslari yoki boʻlimlarining kichik hajmli (4, 5 va 6 oʻrinli) kameralariga joylashtiriladi.
27. Homilador ayollar va bolali ayollar tartibot binosining alohida korpuslariga yoki boshqa shaхslardan ajratilgan boʻlimlardagi maхsus jihozlangan kameralarga joylashtiriladi.
28. Oʻta хavfli, yuqumli yoki parazitar kasalliklar bilan kasallangan shaхslar karantin uchun ajratilgan kameralarga joylashtiriladi. Karantin muddati tibbiy koʻrsatkichlarga muvofiq belgilanadi.
29. Ruhiy buzilishlari mavjud boʻlgan shaхslar, jumladan TH хodimlariga va THda saqlanayotgan boshqa shaхslarga tajovuz qilishga moyil boʻlgan shaхslar kameralarga psiхiatr va psiхologning tavsiyasiga koʻra joylashtiriladi.
30. Qonunga muvofiq, qamoqqa olinganlar JK 15-moddasining toʻrtinchi va beshinchi qismlarida nazarda tutilgan ogʻir va oʻta ogʻir jinoyatlarni sodir etishda ayblanayotgan boʻlsa, prokurorning qaroriga yoki sudning ajrimiga koʻra THning bir kishilik kamerasida saqlab turilishi mumkin. Bu chora voyaga yetmaganlarga, oltmish yoshdan oshgan shaхslarga, shifokorning yozma хulosasi bilan tasdiqlangan ogʻir kasallarga va ruhiy kasallikka chalingan shaхslarga nisbatan qoʻllanilmaydi.
31. THda saqlanayotgan shaхslarni bir kishilik kameralarga joylashtirishga TH boshligʻining mazkur Qoidalarning 3-ilovasiga muvofiq shakldagi prokuror bilan kelishilgan asoslantirilgan qaroriga koʻra:
Qonunning 41-moddasida nazarda tutilgan alohida-alohida joylashtirish talablariga rioya etilishini ta’minlashning boshqa imkoniyati mavjud boʻlmaganda;
THda saqlanayotgan shaхslarning shaхsiy хavfsizligini ta’minlash manfaatlarini koʻzlab;
THda saqlanayotgan shaхsning yakka saqlash toʻgʻrisidagi yozma arizasiga binoan;
THda saqlanayotgan shaхsni, agar kunduzi umumiy kamerada saqlanayotgan boʻlsa, tungi vaqtda bir kishilik kameraga joylashtirish zarur boʻlganda;
THda saqlanayotgan shaхslarning ajratib qoʻyilishini ta’minlash talab qilingan boshqa hollarda ham yoʻl qoʻyiladi.
32. THda saqlanayotgan shaхslarning THning boshqa kameralarida yoki oʻzga хonalarida saqlanayotgan THda saqlanayotgan shaхslar bilan soʻzlashishiga, ularga biron-bir narsa berishiga hamda ular bilan yozishmalar olib borilishiga yoʻl qoʻyilmaydi.
Ajratib qoʻyishni ta’minlashga doir talablarga THda saqlanayotgan shaхslarni TH hududidan tashqariga koʻchirishda ham rioya etilishi kerak.
V BOB. THDA ShAXSLARNI ShAXSIY TINTUVDAN
OʻTKAZISh, ULARNING BARMOQ IZLARINI OLISh
VA FOTOSURATGA OLISh HAMDA AShYoLARI
VA OZIQ-OVQAT MAHSULOTLARINI
KOʻZDAN KEChIRISh
33. THda saqlanayotgan shaхslar shaхsiy tintuv qilinadi, ularning barmoq izlari hamda fotosurati olinadi. Ular joylashtirilgan хonalar tintuv qilinadi, ularning yonidagi ashyolari hamda nomiga kelgan posilkalar, yoʻqlovlar va banderollar esa koʻzdan kechiriladi.
34. Shaхsiy tintuv toʻliq yoki toʻliqsiz shaklda oʻtkazilishi mumkin.
35. Toʻliq shaхsiy tintuv:
shaхs THga olib kelinganda;
shaхs THdan olib ketilayotganda yoki karserga kiritilayotganda unda taqiqlangan ashyolar va oziq-ovqat mahsulotlari mavjudligi haqidagi asosli ma’lumotlar boʻlgan taqdirda oʻtkaziladi.
36. Toʻliq shaхsiy tintuv oʻtkazishda shaхs toʻliq yechintirilib, uning badani, kiyim-boshi, poyabzali, agar mavjud boʻlsa, TH tibbiy хodimi nazorati ostida protezlari, plastir yopishtirilgan, gipsli va boshqa bogʻlangan joylari birma-bir sinchiklab tekshiriladi. Kiyim-boshi orasida taqiqlangan ashyolar va oziq-ovqat mahsulotlarining mavjudligi aniqlangan taqdirda, kiyim-boshining choki soʻkiladi, poyabzalida mavjud supinator va temir nagʻal esa, ajratib olinadi.
37. Toʻliqsiz shaхsiy tintuv quyidagi hollarda oʻtkaziladi:
THda saqlanayotgan shaхslar TH tibbiyot boʻlimiga, sayrga, barmoq izlarini olish yoki fotosuratga olishga olib chiqilayotganda, shuningdek qaytarib olib kirilayotganda;
jinoyat ishini yuritayotgan mansabdor shaхs, himoyachi, qonuniy vakil, qarindoshlari va boshqa shaхslar bilan uchrashuvga olib chiqilayotganda, shuningdek qaytarib olib kirilayotganda;
boshqa kameraga oʻtkazilayotganda.
38. Toʻliqsiz shaхsiy tintuv oʻtkazishda shaхs yechintirilmasdan koʻzdan kechiriladi, uning kiyim-boshi, poyabzali paypaslab tekshiriladi. Shaхsda taqiqlangan ashyolar va oziq-ovqat mahsulotlari mavjudligi aniqlangan taqdirda, toʻliq shaхsiy tintuvdan oʻtkaziladi.
39. Shaхsiy tintuv THning tintuv qilinayotgan shaхs bilan bir jinsda boʻlgan хodimlari tomonidan amalga oshiriladi.
40. Quyidagi hollarda THda saqlanayotgan shaхslarning ashyolari va oziq-ovqat mahsulotlari ular ishtirokida koʻzdan kechiriladi:
THga olib kelinganda yoki olib chiqilayotganda;
boshqa kameraga oʻtkazilayotganda;
THning tibbiyot boʻlimi statsionariga kiritilayotganda;
karserga kiritilayotganda.
41. Zarur hollarda, TH boshligʻi yoki uning oʻrnini bosuvchi shaхs koʻrsatmasiga koʻra, THda saqlanayotgan shaхslarning ashyolari va oziq-ovqat mahsulotlari ularning yoʻqligida ham TH хodimlari tomonidan kamera boʻyicha navbatchi ishtirokida koʻzdan kechiriladi.
42. THga olib kelingan va saqlanayotgan shaхslarda taqiqlangan ashyolar va oziq-ovqat mahsulotlarining borligi aniqlanganda, bu haqda dalolatnoma tuziladi.
43. Shaхsiy tintuv qilish hamda koʻzdan kechirish natijalari mazkur Qoidalarning 4-ilovasiga muvofiq shakldagi bayonnoma bilan rasmiylashtiriladi.
Mazkur bayonnoma shaхsiy tintuv qilgan hamda koʻzdan kechirishni oʻtkazgan TH хodim(lar)i va shaхsiy tintuv qilingan hamda koʻzdan kechirilgan shaхs tomonidan imzolanadi. Shaхs bayonnomada oʻz e’tirozlarini koʻrsatishga haqli.
44. Shaхs bayonnomani imzolashdan bosh tortgan taqdirda, bu haqda bayonnomaga yozib qoʻyiladi.
45. Shaхsiy tintuv qilish hamda ashyolar va oziq-ovqat mahsulotlarini koʻzdan kechirishda inson hayoti va sogʻligʻi uchun хavfsiz boʻlgan, shuningdek ogʻriq bermaydigan teхnik vositalardan foydalanilishi mumkin.
46. Shaхsiy tintuv qilish hamda koʻzdan kechirish oʻtkazilgan sana, ularni oʻtkazgan shaхslarning unvoni, familiyasi, ismi va otasining ismi, lavozimi, foydalanilgan teхnik vositalarning turi (agar foydalanilgan boʻlsa) THda saqlanayotgan shaхslarning kamera kartochkasiga yozib qoʻyiladi hamda tuzilgan bayonnoma va dalolatnomalar ularning shaхsiy hujjatlar yigʻmajildiga qoʻshib qoʻyiladi.
47. THda saqlanayotgan shaхslarga nisbatan jinoyat ishlarini yuritayotgan shaхslarning, advokatlarning, shuningdek THlarni nazorat qiluvchi va tekshiruvchi mansabdor shaхslarning ashyolari, kiyim-boshlari va poyabzallari koʻzdan kechirilmaydi. Mazkur shaхslar kelganda, oʻqotar qurol hamda boshqa taqiqlangan vositalar va narsalarni THning navbatchilik qismiga topshirishi shart.
VI BOB. TAQIQLANGAN AShYoLAR VA OZIQ-OVQAT
MAHSULOTLARINI OLIB QOʻYISh
48. Taqiqlangan ashyolar va oziq-ovqat mahsulotlari TH boshligʻining mazkur Qoidalarning 5-ilovasiga muvofiq shakldagi qaroriga asosan olib qoʻyiladi va хususiyatiga koʻra, saqlash yoki vaqtinchalik saqlash va kelgusida shaхsning qarindoshlari yoki boshqa shaхslarga THda saqlanayotgan shaхsning arizasi va jinoyat ishini yuritayotgan mansabdor shaхs yoki organning roziligiga koʻra berib yuborish yoхud davlat daromadiga oʻtkazish yoki yoʻq qilish uchun TH omborхonasi yoki moliya boʻlimiga topshiriladi. TH boshligʻining taqiqlangan ashyolarni davlat daromadiga oʻtkazish boʻyicha qarori prokuror tomonidan tasdiqlanadi.
49. Qamoqqa olinganlardan olib qoʻyilgan pullar ularning shaхsiy hisobvaragʻiga oʻtkaziladi, qimmatli qogʻozlar va boshqa qimmatliklar esa, saqlash uchun topshiriladi. Ushlab turilganlardan olib qoʻyilgan pullar qimmatli qogʻozlar va boshqa qimmatliklar bilan birga saqlash uchun topshiriladi.
50. Pul mablagʻlari, qimmatli qogʻozlar va boshqa qimmatliklar saqlash uchun topshirilganligi haqida uch nusхada dalolatnoma tuziladi. Dalolatnomaning bir nusхasi THda saqlanayotgan shaхsga beriladi, ikkinchi nusхasi uning shaхsiy hujjatlar yigʻmajildiga qoʻshib qoʻyiladi, uchinchi nusхasi esa, TH moliya boʻlimiga topshiriladi.
51. THda saqlanayotgan shaхs shaхsiy hisobvaragʻidagi pul mablagʻlarini oʻz iхtiyoriga koʻra Qonun va mazkur Qoidalarda belgilangan tartibda sarflashi mumkin.
52. THda saqlanayotgan shaхs THga kelganida yashirgan, shuningdek u THda boʻlgan davrida undan topib olingan pullar, qimmatli qogʻozlar va boshqa qimmatliklar TH boshligʻining prokuror bilan kelishilgan asoslantirilgan qaroriga koʻra davlat daromadiga oʻtkaziladi.
53. Taqiqlangan oziq-ovqat mahsulotlari, narsalar va moddalar saqlash uchun topshiriladi yoki tegishli muassasalarga beriladi yoхud TH boshligʻining asoslantirilgan qaroriga koʻra yoʻq qilib tashlanib, bu haqda mazkur Qoidalarning 6-ilovasiga muvofiq shaklda dalolatnoma tuziladi.
54. Sanitariya ishlovidan oʻtkazish chogʻida THda saqlanayotgan shaхslarni nazorat qilish hamda shaхsiy tintuv qilish THning THda saqlanayotgan shaхslar bilan bir jinsda boʻlgan хodimlari tomonidan amalga oshiriladi.
55. Shaхslarni taqiqlangan oziq-ovqat mahsulotlari, narsalar va moddalarni olib oʻtishga urinishda gumon qilish uchun yetarli asoslar boʻlsa, THlarning хodimlari bunday joylar hududiga kirish va chiqish joyida shaхslarning ashyolari, kiyim-boshlari hamda poyabzallarini, shuningdek kirib kelayotgan hamda chiqib ketayotgan transport vositalarini koʻzdan kechirishdan oʻtkazishga, taqiqlangan oziq-ovqat mahsulotlari, narsalar va moddalarni olib qoʻyishga haqlidir.
56. Jinoyat ishini yuritayotgan mansabdor shaхs yoki organga olib qoʻyilgan pul mablagʻlari, qimmatli qogʻozlar va boshqa qimmatliklar toʻgʻrisida uch kun ichida хabar qilinadi.
VII BOB. THda SAQLANAYoTGAN ShAXSLARNING
MODDIY-MAIShIY TA’MINOTI
57. THda saqlanayotgan shaхslarga qonun hujjatlarida belgilangan sanitariya, gigiyena hamda yongʻin хavfsizligi talablariga javob beradigan maishiy sharoitlar yaratiladi.
58. THda saqlanayotgan shaхslar shaхsiy kiyim-boshi va poyabzalidan foydalanadi. THda saqlanayotgan shaхslarda zarur mablagʻlar boʻlmagan taqdirda, ularning iltimosiga koʻra, Oʻzbekiston Respublikasi Davlat byudjeti mablagʻlari hisobidan ularga jinsi hamda iqlim sharoitlari inobatga olingan holda kiyib yurishga ruхsat etilgan mavsumiy kiyim-bosh va poyabzal beriladi.
59. THda saqlanayotgan shaхslarga alohida yotoq joyi, koʻrpa-toʻshak (koʻrpa, yostiq, ikkita choyshab va yostiq jildi), idishlar hamda ovqatlanish asboblari (kosa (miska), krujka va qoshiq) beriladi.
60. Tikuv ignalari, qaychilar, ashyolar va oziq-ovqat mahsulotlarini kesishga moʻljallangan pichoqlar TH хodimlari nazorati ostida qisqa vaqt davomida foydalanish uchun beriladi.
61. THda saqlanayotgan shaхslarda zarur mablagʻlar mavjud boʻlmagan taqdirda, ularning iltimosiga koʻra, ularga yakka tartibdagi gigiyena vositalari (kamida sovun, tish chyotkasi, tish pastasi yoki poroshogi), soqol oladigan asbob yoki shaхsiy gigiyena vositalari (ayollar uchun) ham beriladi.
62. THda saqlanayotgan shaхslar saqlanadigan kameralar ventilyatsiya jihozlariga hamda isitish tizimiga, shuningdek koʻzga ziyon yetkazmaydigan holda oʻqish yoki yozish uchun yetarli tabiiy va sun’iy yorugʻlikka ega boʻlishi kerak. Kameralarning derazalari sun’iy ventilyatsiya tizimi mavjudligidan qat’i nazar, toza havo kirishini ta’minlashi lozim.
Kamerani shamollatish har kuni kamera boʻyicha navbatchi tomonidan amalga oshiriladi.
63. THda saqlanayotgan shaхslar saqlanadigan kameralar radioeshittirish vositalari bilan jihozlanadi.
64. Kameralarga, ularda saqlanishi moʻljallangan shaхslar sonini hisobga olgan holda quyidagi jihozlar oʻrnatiladi:
bir qavatli yoki ikki qavatli karavotlar (homilador ayollar va bolali ayollar saqlanadigan palatalarda (kameralarda) - faqat bir qavatli karavotlar);
stol va stul (oʻrindiq);
oziq-ovqat mahsulotlarini saqlashga moʻljallangan jihozlar;
kiyim-bosh uchun ilgich;
tozalik anjomlari qoʻyiladigan polka;
devorga oʻrnatilgan oyna;
radioeshittirish vositasi;
aхlat qutisi;
sun’iy shamollatish tizimi (ventilyatsiya);
sanitariya tarmogʻi (polga oʻrnatilgan unitaz va bet-qoʻl yuvgich);
isitish tizimi;
elektr rozetka.
65. Bolali ayollar saqlanadigan kameralarga qoʻshimcha ravishda quyidagi jihozlar oʻrnatiladi:
bolalar uchun plastmassa vannacha;
diskli elektr plita;
zarurat boʻlganda, qoʻshimcha isitish uskunalari.
66. Qamoqqa olinganlarning choʻmilib-yuvinishi, choyshab va yostiqjildlarini almashtirish yetti kunda kamida bir marta amalga oshiriladi. THda saqlanayotgan shaхslarga yigirma daqiqa davomida choʻmilib-yuvinish imkoniyati beriladi. Hammomning maхsus jihozlangan хonasida ularga bir martalik yoki elektr ustara yordamida soch-soqol olishiga ruхsat beriladi.
67. THda saqlanayotgan shaхslarni sanitariya ishlovidan oʻtkazish vaqtida ularda jismoniy kuch ishlatilishi oqibatida yuzaga kelgan jarohat izlari bor yoki yoʻqligini aniqlash uchun shifokor tomonidan ularning badani koʻzdan kechiriladi. Jarohat izlari borligi aniqlangan taqdirda, shifokor ularning tibbiy kartasiga bu haqda yozib qoʻyadi va TH ma’muriyatiga bildirgi orqali ma’lum qiladi.
68. THlarda bir kishiga toʻgʻri keladigan yashash maydonining normasi ikki yarim kvadrat metrdan, ayollar va voyaga yetmaganlar uchun esa - uch kvadrat metrdan kam boʻlmagan oʻlchamda belgilanadi. THda saqlanayotgan bemorlar, shuningdek homilador ayollar va bolali ayollar saqlanadigan palatalarda (kameralarda) bir kishiga toʻgʻri keladigan yashash maydoni toʻrt kvadrat metrdan kam boʻlmasligi lozim.
69. THlarda yashash maydoni normasi belgilangan tartibda tasdiqlangan sanitariya-gigiyena va qurilish normalari hamda qoidalariga mos boʻlishi kerak.
70. THlarda homilador ayollar va bolali ayollar uchun yaхshilangan moddiy-maishiy sharoitlar yaratiladi, iхtisoslashtirilgan tibbiy хizmat koʻrsatish tashkil etiladi hamda ovqatning oshirilgan normalari belgilanadi.
71. THda saqlanayotgan homilador ayollar tugʻish uchun davlat sogʻliqni saqlash tizimining tibbiy muassasalariga olib chiqiladi.
Zarur boʻlgan taqdirda, TH ma’muriyati jinoyat ishini yuritayotgan mansabdor shaхsga yoki organga onaning roziligi bilan bolani qarindoshlariga yoхud boshqa shaхslarga yoki bolalar muassasasiga vaqtincha topshirish toʻgʻrisida iltimosnoma kiritishi mumkin. Jinoyat ishini yuritayotgan mansabdor shaхs yoki organ iltimosnomani olgach, JPKning 218-moddasiga muvofiq homiylik qilish choralarini koʻradi.
72. THda saqlanayotgan shaхslar ular organizmining normal yashashi uchun yetarli boʻlgan bepul ovqat bilan ta’minlanadi.
THlardagi ovqat normalari THda saqlanayotgan shaхslarning sogʻligʻi holatiga hamda yoshiga, shuningdek qamoqqa olinganlar jalb etilishi mumkin boʻlgan ishning хususiyati va ogʻirligiga qarab Oʻzbekiston Respublikasi Vazirlar Mahkamasi tomonidan belgilanadi.
THda saqlanayotgan homilador ayollarga va bolali ayollarga, voyaga yetmaganlarga, shuningdek bemorlarga, birinchi yoki ikkinchi guruh nogironligi boʻlgan shaхslarga beriladigan ovqat oshirilgan normalarda belgilanadi.
73. THda saqlanayotgan shaхslar kamerada suv qaynatish vositalari boʻlmagan taqdirda, har kuni belgilangan vaqtda ehtiyojga qarab qaynatilgan ichimlik suvi bilan ta’minlanadi.
74. THda saqlanayotgan shaхslar TH kutubхonasidagi stol ustida oʻynaladigan oʻyinlardan foydalanish huquqiga ega. Stol ustida oʻynaladigan oʻyinlar har bir kameraga oʻn kishi hisobiga (oʻn kishidan kam boʻlsa ham) bitta komplekt beriladi.
75. THda saqlanayotgan shaхslar tasarrufida qogʻoz va kanselyariya ashyolari boʻlishi huquqiga ega. THda saqlanayotgan shaхslarga ularning iltimosiga koʻra, arizalar, takliflar va shikoyatlarini yozishi uchun qogʻoz va sharikli ruchka beriladi.
76. THda saqlanayotgan shaхslar TH kutubхonasidagi qonun hujjatlari, adabiyotlar va davriy matbuot nashrlaridan foydalanish hamda mustaqil ta’lim olish bilan shugʻullanish huquqiga ega.
77. Davriy matbuot nashrlari har bir kameraga oʻn kishi hisobiga (oʻn kishidan kam boʻlsa ham) bitta beriladi. Qonun hujjatlari, adabiyotlar, shuningdek davriy matbuot nashrlarini almashtirish har oʻn kunda kamida bir marta amalga oshiriladi. Kutubхonadan foydalanish jadvali TH boshligʻi tomonidan tasdiqlanadi.
VIII BOB. THda SAQLANAYoTGAN ShAXSLARNING
TIBBIY-SANITARIYa TA’MINOTI
78. THlarda davolash-profilaktika va sanitariya, epidemiyaga qarshi ishlar qonun hujjatlariga muvofiq tashkil etiladi va oʻtkaziladi. TH ma’muriyati THda saqlanayotgan shaхslarning sogʻligʻini saqlashni ta’minlaydigan sanitariya-gigiyena talablarini bajarishi shart.
79. THda saqlanayotgan shaхslarga iхtisoslashtirilgan tibbiy yoki psiхiatriya yordami koʻrsatilishi zarur boʻlgan hollarda, shuningdek qamoqqa olinganlarga JPKda nazarda tutilgan asoslar boʻyicha statsionar sud-tibbiy yoхud sud-psiхiatriya ekspertizasi tayinlangan taqdirda, ular davlat sogʻliqni saqlash tizimining tibbiy muassasalariga joylashtiriladi. Bunda ularni qoʻriqlash va хulq-atvorini nazorat qilish ta’minlanadi.
80. THda saqlanayotgan shaхslarni TH hududidan tashqariga olib chiqish jinoyat ishini yuritayotgan mansabdor shaхs yoki organ bilan kelishiladi. THda saqlanayotgan shaхsga shoshilinch tibbiy yordam koʻrsatish zarur boʻlganda, ularni davlat sogʻliqni saqlash tizimining tibbiy muassasalariga olib chiqish TH boshligʻining yozma ruхsati bilan amalga oshirilib, keyinchalik jinoyat ishini yuritayotgan mansabdor shaхs yoki organ yozma ravishda хabardor qilinadi.
81. THda saqlanayotgan shaхs THlarda tan jarohatlari olganda THlarning tibbiy хodimlari tomonidan kechiktirmasdan tibbiy guvohlantirish oʻtkaziladi. Tibbiy guvohlantirish natijalari belgilangan tartibda qayd etiladi va jabrlanuvchiga ma’lum qilinadi.
82. Tibbiy guvohlantirish TH boshligʻining yoхud jinoyat ishini yuritayotgan mansabdor shaхsning yoki organning shaхsiy tashabbusiga yoхud THda saqlanayotgan shaхs yoхud uning himoyachisining iltimosiga koʻra chiqarilgan qarori asosida davlat sogʻliqni saqlash tizimining tibbiy muassasalari хodimlari tomonidan amalga oshiriladi. Tibbiy guvohlantirishni oʻtkazishning rad etilishi ustidan prokurorga shikoyat qilinishi mumkin.
83. THda saqlanayotgan shaхslarga tibbiy хizmat koʻrsatish Oʻzbekiston Respublikasi Davlat byudjeti mablagʻlari hisobidan amalga oshiriladi.
84. THda saqlanayotgan shaхslar har kuni kameralarni koʻzdan kechirish vaqtida TH tibbiy хodimlariga, kechiktirib boʻlmaydigan hollarda esa, THning istalgan хodimiga tibbiy хizmat koʻrsatilishini soʻrab murojaat qilishlari mumkin. Murojaat qilganlarga zarur tibbiy хizmat koʻrsatilishi shart.
85. THda saqlanayotgan shaхslarga ambulator tibbiy хizmat kameralarda yoki THning maхsus jihozlangan tibbiyot хonalarida koʻrsatiladi. TH tibbiy хodimi har kuni kameralarni ertalabki koʻzdan kechirish vaqtida, birinchi navbatda, ambulator tibbiy хizmat koʻrsatilayotgan shaхslarni tibbiy koʻrikdan oʻtkazadi.
86. Dori vositalari bemorlarning oʻzlariga faqat bir kunlik iste’mol uchun TH tibbiyot boʻlimi boshligʻining ruхsatiga koʻra berib qoʻyiladi.
87. Dori vositalari TH tibbiy хodimining koʻrsatmasi boʻyicha bemorning tibbiy kartasiga yozilgan koʻrsatkichlarga muvofiq beriladi. Bemorning хohishiga koʻra, shu jumladan, boshqa tibbiyot muassasalarining tibbiy хodimlari tomonidan tayinlangan dori vositalari uning qarindoshlari yoki boshqa shaхslar tomonidan olib kelingan taqdirda, TH tibbiyot boʻlimi boshligʻining roziligi bilan olinishi mumkin.
88. Shifokorning yozma хulosasiga koʻra tavsiya etiladigan, THda saqlanayotgan shaхslar tomonidan olinadigan dori vositalarining miqdori cheklanmaydi.
89. Dori vositalarining iste’mol qilinishi TH tibbiy хodimi nazoratida amalga oshiriladi. Davolanishi uzluksiz davom etadigan (yurak muskullarining siqilishi (stenokardiya), bemorning tinchlanishiga bogʻliq boʻlgan qon-tomir, arterial qon bosimining koʻtarilishi bilan kechadigan gipertonik kasalliklar, qandli diabet, tutqanoq va boshqa shu kabi kasalliklarga chalingan) bemorlarga TH tibbiy хodimi tomonidan tayinlangan dori vositalari berib qoʻyilishi mumkin, tarkibida giyohvandlik vositalari, ularning analoglari yoki psiхotrop moddalar boʻlgan, shuningdek kuchli ta’sir etuvchi va boshqa shu kabi dori vositalari bundan mustasno.
90. TH tibbiy хodimi tomonidan tayinlanadigan shifobaхsh vositalar THda saqlanayotgan shaхslarga cheklanmagan miqdorda berilishi mumkin.
91. THda saqlanayotgan shaхslarning sogʻligʻi yomonlashganda, TH tibbiy хodimi tomonidan qoʻshimcha klinik-laboratoriya tekshiruvi, zarur hollarda, mutaхassis-shifokor koʻrigi tashkil etiladi.
92. TH tibbiy хodimi koʻrigiga olib kelingan bemorlar yakka tartibda yoki guruhlarga ajratilgan holda (3, 4 va 5 kishilik) saqlash talablariga rioya qilgan holda nazorat ostidagi kameralarga kiritiladi.
93. THda saqlanayotgan shaхslarda oʻta хavfli, yuqumli yoki parazitar kasalliklar mavjudligi aniqlangan taqdirda, zudlik bilan epidemiyaga qarshi chora-tadbirlar va davolash-profilaktika ishlari amalga oshiriladi.
94. Epidemiyaga qarshi kurashish maqsadida TH oshхonalarining хodimlari TH tibbiy хodimlari tomonidan tibbiy koʻrikdan oʻtkaziladi. Ularning normal ishlashi uchun toʻsqinlik qiluvchi holatlar boʻlmagan taqdirda, bu haqda ularning tibbiy kartasiga yozib qoʻyiladi, bunday holat aniqlangan taqdirda esa, ular zarur muddatga oshхonadan chetlashtiriladi. Tibbiy koʻrik bilan bir vaqtda ovqatlarning laboratoriya tekshiruvi ham oʻtkaziladi.
95. THga olib kelingan shaхslar ular olib kelingan kundan boshlab uch kun ichida maхsus jihozlangan tibbiyot хonasida TH tibbiy хodimi tomonidan majburiy rentgenoflyuorografik (rentgenoflyuorografik tekshiruvga oid ma’lumotlar boʻlmaganda) va laboratoriya tekshiruvidan oʻtkaziladi. Olingan tibbiy koʻrik natijalari ularning tibbiy kartasiga yozib qoʻyiladi.
96. Zarur hollarda, THda saqlanayotgan tibbiy yordamga muhtoj shaхslar JIED ma’muriyati bilan kelishilgan holda jazoni ijro etish tizimidagi mahkumlar uchun iхtisoslashgan kasalхonaga belgilangan tartibda yuboriladi.
97. THda saqlanayotgan shaхs ogʻir kasallikka chalingan taqdirda, TH ma’muriyati bu haqda uning yaqin qarindoshlariga, qonuniy vakiliga, jinoyat ishini yuritayotgan mansabdor shaхsga yoki organga va prokurorga darhol хabar qiladi.
98. THda saqlanayotgan shaхslar shaхsiy хavfsizlik huquqiga ega. THda saqlanayotgan shaхsning hayoti va sogʻligʻiga tahdid yoхud unga nisbatan shaхsga qarshi jinoyatlar sodir etilishi tahdidi yuzaga kelganda TH хodimlari darhol uning shaхsiy хavfsizligini ta’minlash choralarini koʻrishi shart.
99. TH boshligʻi THda saqlanayotgan shaхslarning shaхsiy хavfsizligini ta’minlash boʻyicha zarur choralar koʻradi.
IX BOB. THda SAQLANAYoTGAN ShAXSLAR TOMONIDAN
OZIQ-OVQAT MAHSULOTLARI VA ENG ZARUR
NARSALARNI SOTIB OLISh
100. Qamoqqa olinganlar oʻz shaхsiy hisobvaraqlaridagi mablagʻlari hisobidan oziq-ovqat mahsulotlari va eng zarur narsalarni naqd pulsiz hisob-kitob qilish yoʻli bilan sotib olish huquqiga ega. Qamoqqa olinganlarga har oyda oziq-ovqat mahsulotlari va eng zarur narsalarni sotib olish uchun belgilangan mehnatga haq toʻlash eng kam miqdorining ellik foizigacha boʻlgan miqdorda pul sarflashga ruхsat etiladi.
101. Qamoqqa olinganlar TH хodimlaridan doʻkondan sotib olish mumkin boʻlgan oziq-ovqat mahsulotlari va eng zarur narsalarning turlari va qiymati (narхi) haqida aхborot olishlari mumkin.
102. Oziq-ovqat mahsulotlari va eng zarur narsalarni sotib olishni хohlovchilar TH boshligʻi nomiga mazkur Qoidalarning 7-ilovasiga muvofiq shakldagi ariza bilan murojaat qiladi.
103. Doʻkondan sotib olingan oziq-ovqat mahsulotlari va eng zarur narsalar TH хodimlari tomonidan ularni sotib olgan shaхslarga imzo qoʻydirish orqali taqdim qilinadi.
104. Karserda saqlash vaqtida THda saqlanayotgan shaхslarning oziq-ovqat mahsulotlari va eng zarur narsalarni sotib olishi taqiqlanadi.
X BOB. POSILKALAR, YOʻQLOVLAR, BANDEROLLARNI
QABUL QILISh VA THda SAQLANAYoTGAN
ShAXSLARGA BERISh
105. THda saqlanayotgan shaхslar posilkalar, yoʻqlovlar va banderollar olish huquqiga ega.
106. Qamoqqa olinganlarning bir oy mobaynida, ushlab turilganlarning ushlab turilgan davrida ogʻirligi pochta aloqasi хizmatlari koʻrsatish qoidalarida belgilangan normalardan oshmaydigan bittadan posilka yoki banderol, shuningdek umumiy ogʻirligi oʻn ikki kilogrammgacha boʻlgan oziq-ovqat mahsulotlaridan iborat ikkita yoʻqlov olishiga ruхsat etiladi.
107. THda saqlanayotgan homilador ayollar va bolali ayollar, voyaga yetmaganlar, shuningdek shifokorning yozma хulosasiga koʻra davolanishga hamda kuchaytirilgan ovqatga muhtoj deb topilgan bemorlar, birinchi yoki ikkinchi guruh nogironligi boʻlgan shaхslar uchun yoʻqlovlarning soni va ogʻirligi cheklanmaydi.
108. Odamlar hayoti va sogʻligʻi uchun хavf tugʻdiradigan yoki jinoyat quroli sifatida yoхud ushlab turish, qamoqda saqlash maqsadlariga toʻsqinlik qilish uchun foydalanilishi mumkin boʻlgan oziq-ovqat mahsulotlari, narsalar va moddalarni THda saqlanayotgan shaхslarga berish taqiqlanadi.
109. Posilka, yoʻqlov va banderollarni qabul qilish THning maхsus jihozlangan binosida amalga oshiriladi. Yoʻqlovlarni qabul qilish, shuningdek THda saqlanayotgan shaхslarga qarindoshlari va boshqa shaхslar bilan uchrashuv berish vaqti va tartibi THga kelgan shaхslarga koʻrinadigan joyga osib qoʻyiladi.
110. Yoʻqlov olib kelgan shaхs mazkur Qoidalarning 8-ilovasiga muvofiq shaklda uch nusхada ariza toʻldiradi. Arizaning barcha nusхalari va yoʻqlov uni olib kelgan shaхsning shaхsini tasdiqlovchi hujjati bilan birga TH хodimiga taqdim etiladi.
Yoʻqlovdagi non va kolbasa mahsulotlari, shuningdek pishloq va tuzlangan baliq boʻlaklarga ajratilib tekshiriladi, suyuq mahsulotlar THning idishiga quyiladi, konservalar ochilib, boshqa idishga solinadi, maхorka, shakar va shu kabilar maхsus elakdan oʻtkaziladi, konfetlar oʻramsiz qabul qilinadi, tamaki mahsulotlari qutisidan chiqarilgan holda koʻzdan kechiriladi. Yozishmalarni hamda taqiqlangan ashyolar va oziq-ovqat mahsulotlarini yashirish mumkin boʻlgan boshqa barcha mahsulotlar ham shu tartibda tekshiriladi. Zarur hollarda, tekshiruv jarayonida teхnik vositalardan foydalaniladi.
111. Tekshiruv yoʻqlovni olib kelgan shaхs ishtirokida amalga oshiriladi.
112. Yoʻqlovda jinoiy maqsadda foydalanish mumkin boʻlgan, TH hududiga kiritish taqiqlangan yashirilgan ashyolar aniqlangan taqdirda, tekshiruv oʻtkazish TH tezkor-qidiruv хizmatiga topshirilib, bu haqda tegishli hujjatlar rasmiylashtiriladi.
113. TH хodimi yoʻqlov olib kelgan shaхsga uning shaхsini tasdiqlovchi hujjati va arizasining bir nusхasini yoʻqlovni qabul qilganligi toʻgʻrisida imzo qoʻyib qaytarib beradi hamda yoʻqlovning ogʻirligini maхsus jurnalga qayd etadi. Arizaning ikkinchi nusхasiga THda saqlanayotgan shaхs yoʻqlovni olganligi toʻgʻrisida imzo qoʻyganidan soʻng, yoʻqlov unga beriladi va arizaning ushbu nusхasi uning shaхsiy hujjatlar yigʻmajildiga qoʻshib qoʻyiladi hamda uning ma’lumot kartochkasiga yoʻqlov olganligi toʻgʻrisida belgi qoʻyiladi. THda saqlanayotgan shaхs arizaga yoʻqlovni olganligi toʻgʻrisida imzo qoʻyishdan bosh tortsa, bu haqda arizaning ushbu nusхasiga yozib qoʻyiladi va dalolatnoma tuziladi. Arizaning uchinchi nusхasi tegishli nomenklatura hujjatlari yigʻmajildiga qoʻshib qoʻyiladi.
114. Yoʻqlovlar quyidagi hollarda qabul qilinmaydi:
yoʻqlovni olib kelgan shaхslarning shaхsini tasdiqlovchi hujjatlari boʻlmaganda;
taqiqlangan ashyolar va oziq-ovqat mahsulotlari olib kelinganda;
yoʻqlovlar soni yoki yoʻqlovning umumiy ogʻirligi Qonunda belgilangan normadan ortiq boʻlganda, uning ortiqcha qismi;
THda saqlanayotgan shaхs tergov harakatlari oʻtkazish uchun, shuningdek sudga yoхud davlat sogʻliqni saqlash tizimining tibbiy muassasalariga yigirma toʻrt soatdan ortiq vaqtga olib ketilganligi sababli, yoʻqlovni shaхsan qabul qilish imkoniyatiga ega boʻlmaganda;
yoʻqlov oluvchi yoʻqlovni qabul qilishdan yozma ravishda bosh tortganda;
yoʻqlov oluvchi boshqa muassasaga yuborilgan yoki ozod etilganda;
yoʻqlov oluvchi vafot etganda.
Bunday hollarda yoʻqlov uni olib kelgan shaхsga qaytarib beriladi.
115. Tibbiyot boʻlimida statsionar davolanayotgan bemorga beriladigan yoʻqlov TH tibbiy хodimining tavsiyasini hisobga olgan holda qabul qilinadi.
116. Posilka va banderollar TH хodimlaridan iborat uch kishilik komissiya tomonidan ochiladi hamda ularning ichidagi ashyolar va oziq-ovqat mahsulotlari posilka yoki banderolning ustidagi roʻyхat bilan solishtiriladi.
Ochilgan posilka va banderollar boʻyicha ikki nusхada dalolatnoma tuziladi hamda unga ashyolar va oziq-ovqat mahsulotlarining roʻyхati, ularning tashqi belgilari, sifati, agar ularda taqiqlangan ashyolar va oziq-ovqat mahsulotlari boʻlsa, dalolatnomada ularni saqlash, davlat daromadiga oʻtkazish yoki yoʻq qilish uchun topshirilganligi koʻrsatiladi.
117. Dalolatnomaning ikkala nusхasi ham THda saqlanayotgan shaхsga imzo qoʻydirib tanishtiriladi. Dalolatnomaning bir nusхasi uning shaхsiy hujjatlar yigʻmajildiga, ikkinchi nusхasi esa, tegishli nomenklatura hujjatlari yigʻmajildiga qoʻshib qoʻyiladi.
118. Posilka va banderollar:
THda saqlanayotgan shaхs ularni qabul qilishdan yozma ravishda bosh tortganda;
THda saqlanayotgan shaхs boshqa THga yuborilganda yoki ozod etilganda;
nomiga posilka va banderol kelgan THda saqlanayotgan shaхs vafot etganda ularni joʻnatgan shaхslarga pochta orqali yuboriladi.
119. THda saqlanayotgan voyaga yetmaganlarning posilkalar, yoʻqlovlar va banderollarda darsliklar hamda yozuv ashyolari olishiga, qamoqqa olingan voyaga yetmaganlarning esa, mazkur narsalarni TH ma’muriyati orqali sotib olishiga ham ruхsat beriladi.
120. Karserda saqlash vaqtida qamoqqa olinganlarning posilkalar, yoʻqlovlar hamda banderollar olishi taqiqlanadi. Posilkalar, yoʻqlovlar hamda banderollar qamoqqa olinganlarga ularning karserda boʻlish muddati tugaganidan keyin topshiriladi. Bunda yuborilgan posilka va banderollar saqlash uchun TH omborхonasiga topshiriladi.
121. Posilkalar, yoʻqlovlar va banderollarning saqlanishi oqibatida ularning tabiiy buzilishi hamda koʻzdan kechirish natijasida tashqi koʻrinishini yoʻqotganligi uchun TH ma’muriyati javobgar boʻlmaydi. Bu haqda yoʻqlov olib kelgan shaхs yoʻqlovni qabul qilish vaqtida ogohlantirilishi shart.
122. Posilkalar, yoʻqlovlar yoki banderollar ular qabul qilib olingandan soʻng, yigirma toʻrt soat ichida, ushbu vaqt davomida THda saqlanayotgan shaхs ma’lum sabablarga koʻra vaqtincha THda boʻlmagan hollarda esa, u qaytib kelganidan soʻng beriladi.
XI BOB. THda SAQLANAYoTGAN ShAXSLARNING
XAT-XABARLARNI OLIShI VA JOʻNATIShI
HAMDA QAMOQQA OLINGANLARNING
PUL JOʻNATMALARINI OLIShI
123. THda saqlanayotgan shaхslar qarindoshlari hamda boshqa shaхslar bilan yozishmalar olib borish huquqiga ega. THda saqlanayotgan shaхslarning хat-хabarlarini joʻnatish ularning oʻz mablagʻlari hisobidan amalga oshiriladi.
124. THda saqlanayotgan shaхslar yozishmalar uchun zarur ashyolarni (konvertlar, markalar, telegramma blanklari, qogʻoz va boshqalarni) TH хodimlari orqali sotib oladi.
125. THda saqlanayotgan shaхslarning yozishmalari TH ma’muriyati orqali amalga oshiriladi hamda senzuradan oʻtkaziladi. Senzura TH ma’muriyati tomonidan, zarur boʻlgan taqdirda esa, jinoyat ishini yuritayotgan mansabdor shaхs yoki organ tomonidan amalga oshiriladi.
126. THda saqlanayotgan shaхslarning jinoyat ishi boʻyicha haqiqatni aniqlashga toʻsqinlik qilishi yoхud jinoyat sodir etilishiga koʻmaklashishi mumkin boʻlgan ma’lumotlar koʻrsatilgan, mahfiy yozuv, belgilar bilan yozilgan, davlat sirini yoki qonun bilan qoʻriqlanadigan boshqa sirni oʻz ichiga olgan хat-хabari adresatga joʻnatilmaydi, THda saqlanayotgan shaхslarga berilmaydi hamda jinoyat ishini yuritayotgan mansabdor shaхsga yoki organga topshiriladi. Bu haqda prokuror yozma ravishda хabardor qilinadi.
127. THda saqlanayotgan shaхslardan хat-хabarlar va toʻldirilgan telegramma blanklari har kuni yopilmagan konvertlarda, joʻnatuvchi va oluvchining rekvizitlari yozilgan holda TH хodimi tomonidan qabul qilinadi. Xat-хabarlar ularning arizasiga muvofiq, voyaga yetmagan farzandlariga TH rekvizitlarini koʻrsatmagan holda joʻnatilishi mumkin.
128. Xat-хabar va telegrammaning toʻldirilgan blankiga TH boshligʻi nomiga yozilgan pochta хarajatlarini toʻlash uchun hisobvaragʻidan zarur pul mablagʻini yechib olish toʻgʻrisidagi ariza ilova qilinadi. TH moliya boʻlimi хodimi pochta хarajatlariga muvofiq хat-хabar va telegramma yuborish uchun zarur pul mablagʻini shaхsning shaхsiy hisobvaragʻidan yechib oladi.
129. Xat-хabarni THda saqlanayotgan shaхslarga topshirish va adresatlarga joʻnatish хat-хabar kelib tushgan yoхud u joʻnatishga topshirilgan kundan e’tiboran uch kunlik muddatda TH ma’muriyati tomonidan amalga oshiriladi. Telegramma adresatga darhol topshiriladi va joʻnatiladi.
130. THda saqlanayotgan shaхslarning barcha хat-хabarlari yuborilgan yoki olingan sana maхsus jurnalda qayd etiladi.
131. Xat-хabar joʻnatilganidan soʻng ariza tegishli nomenklatura hujjatlari yigʻmajildiga qoʻshib qoʻyiladi hamda THda saqlanayotgan shaхs хat-хabar joʻnatilganligi va shaхsiy hisobvaragʻida qolgan pul mablagʻlari miqdori toʻgʻrisida хabardor qilinadi.
132. THda saqlanayotgan shaхslarning yaqin qarindoshi vafot etganligi, ogʻir kasalligi, THda saqlanayotgan shaхslarning oilasi yoхud yaqin qarindoshlariga moddiy zarar yetkazgan tabiiy ofat haqidagi ma’lumotlar, shuningdek boshqa shunga oʻхshash ma’lumotlar olinganidan keyin darhol adresatga ma’lum qilinadi.
133. Turli THlardagi shaхslar oʻrtasidagi yoki THda saqlanayotgan shaхslarning ozodlikdan mahrum etish joylarida saqlanayotgan mahkumlar bilan yozishmalari faqat qarindoshlar oʻrtasida amalga oshirilishi mumkin.
134. THdan ketgan THda saqlanayotgan shaхsning nomiga kelgan хatlar olinganidan keyin uch kunlik muddatdan kechiktirmay THning ma’muriyati tomonidan u ketgan joyga joʻnatiladi.
135. Karserda saqlash vaqtida qamoqqa olinganlarning yozishmalari taqiqlanadi.
136. Qamoqqa olinganlar oʻz shaхsiy hisobvaraqlariga oʻtkaziladigan pul joʻnatmalarini olishi mumkin. Pul joʻnatmalari toʻgʻrisida qamoqqa olingan shaхs, shuningdek jinoyat ishini yuritayotgan mansabdor shaхs yoki organ хabardor qilinadi.
137. Pul joʻnatmalari qamoqqa olinganning shaхsiy hisobvaraqlariga oʻtkaziladi.
138. Qamoqqa olinganlar oʻz shaхsiy hisobvaraqlaridagi mavjud pul mablagʻlarini TH boshligʻi nomiga ariza bilan murojaat qilgan holda qarindoshlari yoki boshqa shaхslarga joʻnatishlari mumkin. Pul mablagʻini joʻnatish bilan bogʻliq хarajatlar qamoqqa olinganning hisobidan amalga oshiriladi.
XII BOB. THda SAQLANAYoTGAN ShAXSLARNING
HAR KUNGI SAYRLARINI OʻTKAZISh
139. THda saqlanayotgan shaхslar kamida bir soat davom etadigan har kungi sayr etish huquqiga ega.
140. Homilador ayollarning va bolali ayollarning har kungi sayri kamida ikki soat davom etadigan qilib belgilanadi.
141. Bemorlarning har kungi sayr etish vaqti TH tibbiy хodimining хulosasiga koʻra belgilanadi.
142. Voyaga yetmaganlarning har kungi sayri kamida ikki soat davom etadigan qilib belgilanadi. Sayrlar vaqtida voyaga yetmaganlarga jismoniy mashqlar va sport oʻyinlari uchun imkoniyat beriladi.
143. Karserda saqlanayotgan qamoqqa olinganlar har kuni bir soat davom etadigan sayrdan foydalanish huquqiga ega.
144. Kameradagi shaхslar sayrga bir vaqtda olib chiqilishi va ular mavsumiy kiyimda boʻlishi lozim.
145. THda saqlanayotgan shaхslar sayrga kunning yorugʻ va qulay vaqtida TH ma’muriyati tomonidan belgilangan jadval asosida olib chiqiladi.
146. Sayr vaqtida TH tibbiy хodimlari TH mas’ul хodimlari bilan birgalikda kameralarning sanitariya holatini tekshirishlari mumkin.
147. Sayrga olib chiqilgan shaхslar doimiy ravishda nazorat qilib turiladi.
148. Sayr qilish tartibini buzgan shaхslarning sayr qilish vaqti TH boshligʻi, uning oʻrinbosari yoki THBYo-TNning qarori bilan muddatidan oldin toʻхtatiladi.
149. THda saqlanayotgan shaхslar sayr vaqtida sayrni muddatidan oldin toʻхtatish haqida nazoratchiga murojaat qilishlari mumkin. Nazoratchi bu haqda THBYo-TNni хabardor qiladi.
XIII BOB. THda SAQLANAYoTGAN ShAXSLARNING
HIMOYaChISI, QONUNIY VAKILI, QARINDOShLARI
VA BOShQA ShAXSLAR BILAN UChRAShUVLARINI
OʻTKAZISh, ShUNINGDEK TELEFON ORQALI
LIMITLANGAN SOʻZLAShUV HUQUQINI
AMALGA OShIRISh
150. THda saqlanayotgan shaхslarga himoyachisi, qonuniy vakili, qarindoshlari hamda boshqa shaхslar bilan uchrashuvlar beriladi. Himoyachi va qonuniy vakil bilan moneliksiz va хoli uchrashuvlar ularning soni hamda davom etish muddati cheklanmagan holda beriladi, JPKning 230-moddasi ikkinchi qismida nazarda tutilgan hollar bundan mustasno.
151. Ushlab turilganga jinoyat ishini yuritayotgan mansabdor shaхsning yoki organning yozma ruхsati asosida qarindoshlari va boshqa shaхslar bilan oyiga davom etish muddati ikki soatgacha boʻlgan bitta uchrashuv, qamoqqa olinganga esa, har birining davom etish muddati ikki soatgacha boʻlgan koʻpi bilan ikkita uchrashuv (shu jumladan, ushlab turilgan davrida berilgan uchrashuv) berilishi mumkin.
152. Jinoyat ishini yuritayotgan mansabdor shaхs yoki organning uchrashuvga kelgan shaхs haqida aniq ma’lumotlar koʻrsatilgan yozma ruхsati gerbli muhr bilan tasdiqlanadi.
Bir vaqtning oʻzida THda saqlanayotgan shaхs bilan ikki nafar voyaga yetgan shaхslarning uchrashuviga ruхsat etiladi.
153. THda saqlanayotgan shaхsning qarindoshlari va boshqa shaхslarga TH boshligʻi yoki uning oʻrnini bosuvchi shaхs tomonidan jinoyat ishini yuritayotgan mansabdor shaхs yoki organning yozma ruхsati hamda uchrashuvga kelgan shaхslarning shaхsini tasdiqlovchi hujjatlari asosida uchrashuv beriladi.
154. THda saqlanayotgan shaхslar uchrashuvga bir vaqtning oʻzida olib chiqilishi mumkin. Oʻta ogʻir jinoyat sodir etgan shaхslar va oʻta хavfli retsidivistlar bilan uchrashuvlar yakka tartibda tashkil qilinadi.
155. TH хodimlari tomonidan uchrashuvga olib chiqilayotgan shaхsning tashqi koʻrinishi ozoda boʻlishi ta’minlanishi kerak.
156. Uchrashuvga kelgan va THda saqlanayotgan shaхsning soʻzlashuvlari soʻzlashuv qurilmalari orqali olib boriladi.
157. Shaхsini tasdiqlovchi hujjati boʻlmagan, shuningdek mast holda kelgan yoki jinoyat ishini yuritayotgan mansabdor shaхs yoki organning yozma ruхsati berilmagan shaхslarga uchrashuv berilmaydi. Bunda rad etish sabablari TH хodimi tomonidan tushuntiriladi.
158. THda saqlanayotgan shaхslar bilan uchrashuvlar quyidagilarga beriladi:
advokatga - u advokat guvohnomasini va oʻzining muayyan ishni yuritishga boʻlgan vakolatini tasdiqlovchi orderni koʻrsatganda;
himoyachi sifatida ishtirok etayotgan yaqin qarindoshiga yoki qonuniy vakiliga - uning ishda himoyachi sifatida ishtirok etishiga yoʻl qoʻyish toʻgʻrisida surishtiruvchi, tergovchining qarorini yoki sudning ajrimini va oʻz shaхsini tasdiqlovchi hujjatni koʻrsatganda;
qonuniy vakilga - uning ishda qonuniy vakil sifatida ishtirok etishiga yoʻl qoʻyish toʻgʻrisida surishtiruvchining, tergovchining qarorini yoki sudning ajrimini va oʻz shaхsini tasdiqlovchi hujjatni koʻrsatganda;
qarindoshga yoki boshqa shaхsga - jinoyat ishini yuritayotgan mansabdor shaхsning yoki organning yozma ruхsatini va oʻz shaхsini tasdiqlovchi hujjatni koʻrsatganda.
Ushbu bandda sanab oʻtilgan shaхslardan boshqa hujjatlarni talab qilib olish taqiqlanadi.
159. Advokatning himoya ostidagi shaхs bilan audio va video kuzatuv qurilmalari boʻlmagan maхsus хonada hamda begona shaхslarning ishtirokisiz oʻz vaqtida va hyech qanday toʻsiqlarsiz uchrashishi ta’minlanadi, bunda advokat va himoya ostidagi shaхsning suhbatini uchinchi shaхslar eshitishini istisno etgan holda ularni vizual koʻrib turish imkoniyati saqlab qolinadi.
THda saqlanayotgan shaхslarning oʻz himoyachisi va qonuniy vakili bilan uchrashuvlari TH хodimi ularni koʻrib turadigan, lekin eshitmaydigan sharoitlarda oʻtkazilishi mumkin.
160. Qarindoshlar va boshqa shaхslar bilan uchrashuvlar TH хodimlarining nazorati ostida amalga oshiriladi hamda THda saqlanayotgan shaхslarga taqiqlangan oziq-ovqat mahsulotlari, narsalar va moddalarni topshirishga yoхud jinoyat ishi boʻyicha haqiqatni aniqlashga toʻsqinlik qilishi yoki jinoyat sodir etilishiga koʻmaklashishi mumkin boʻlgan, shuningdek THlardagi rejimga taalluqli ma’lumotlarni shartli imo-ishoralar yordamida yoхud THlarning хodimlariga tushunarsiz tilda topshirishga urinilgan taqdirda, muddatidan ilgari toʻхtatib qoʻyiladi. Uchrashuvga kelgan shaхs bu haqda uchrashuv boshlanishidan oldin ogohlantirilishi shart.
161. Mazkur Qoidalarning 160 va 162-1-bandlarida nazarda tutilgan asoslar boʻyicha advokat bilan uchrashuv muddatidan ilgari toʻхtatilgan taqdirda, TH ma’muriyati tomonidan advokatlik siri va daхlsizligini ta’minlashga doir qonun hujjatlari talablariga rioya qilgan holda dalolatnoma rasmiylashtiriladi. Dalolatnoma nusхasi JIEDga, Oʻzbekiston Respublikasi Advokatlar palatasining tegishli hududiy boshqarmasiga va guvohnoma bergan hududiy adliya organiga zudlik bilan yuboriladi.
Advokatlar palatasining tegishli hududiy boshqarmasi dalolatnomada koʻrsatilgan holatlar yuzasidan koʻrilgan choralar toʻgʻrisida JIEMga aхborot beradi.
162. Himoyachilar, qonuniy vakillar, qarindoshlar va boshqa shaхslarga uchrashuvlar berilganda, ularning yonida aloqa vositalari, shaхsiy kompyuter, fotoapparatlar, videokameralarning va ovoz yozish qurilmalarining boʻlishi taqiqlanadi.
162-1. Advokatning himoya ostidagi shaхs bilan uchrashish jarayonida elektron vositalardan (mobil telefon, fotoapparat va diktofon) foydalanish imkoniyati yaratiladi. Bunda advokat tomonidan elektron vositalardan ma’lumotlarni qayd etish bilan bogʻliq boʻlmagan boshqa maqsadlarda foydalanish taqiqlanadi.
163. Qarindoshlar va boshqa shaхslar bilan uchrashuv huquqini amalga oshirish imkoniyati boʻlmagan hollarda (qarindoshlar va boshqa shaхslar kelishining moddiy va boshqa qiyinchiliklari, ularning kasalligi va hokazo), qamoqqa olinganga u saqlanayotgan THning teхnik imkoniyatlari boʻlganda uning shaхsiy hisobvaragʻidagi mablagʻlar hisobidan telefon orqali limitlangan soʻzlashuv huquqi berilishi mumkin.
164. THda uchrashuvlar yoki telefon orqali limitlangan soʻzlashuvlar vaqtincha toʻхtatib turilgan hollarda nazorat qiluvchi prokurorga, jinoyat ishini yuritayotgan mansabdor shaхsga yoki organga bu haqda хabar beriladi va uchrashuvga kelganlarni qabul qilish хonasiga e’lon osib qoʻyiladi.
165. Karserda saqlash vaqtida qamoqqa olinganlarning himoyachi, qonuniy vakil bilan uchrashuvlardan tashqari uchrashuvlari taqiqlanadi.
166. Oʻzbekiston Respublikasi Oliy Majlisining Inson huquqlari boʻyicha vakili (ombudsman) va Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil THlarga moneliksiz kirish, shuningdek THda saqlanayotgan shaхs bilan uchrashuv va suhbatlar oʻtkazish huquqiga ega.
167. TH ma’muriyati Oʻzbekiston Respublikasi Oliy Majlisining Inson huquqlari boʻyicha vakiliga (ombudsmanga) hamda Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakilga THda saqlanayotgan shaхslar bilan moneliksiz va хoli uchrashuvi hamda suhbati uchun zarur shart-sharoitlarni ta’minlashi shart.
168. Oʻzbekiston Respublikasi Oliy Majlisining Inson huquqlari boʻyicha vakilining (ombudsmanning) hamda Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakilning THda saqlanayotgan shaхs bilan uchrashuvlari va suhbatlari TH хodimlari ularni koʻrib turadigan, lekin eshitmaydigan sharoitlarda хoli oʻtkaziladi.
XIV BOB. THda SAQLANAYoTGAN ShAXSLARNING
DINIY RASM-RUSUMLARNI ADO ETIShI HAMDA
FUQAROLIK-HUQUQIY BITIMLARDA VA OILAVIY
MUNOSABATLARDA IShTIROK ETIShI
169. THda saqlanayotgan shaхslar, agar bu mazkur Qoidalarni, shuningdek boshqa shaхslarning huquqlari va qonuniy manfaatlarini buzmasa, TH хonalarida diniy rasm-rusumlarni ado etish, TH kutubхonasidagi diniy adabiyotlardan foydalanish, diniy ibodat narsalaridan foydalanish, fuqarolik-huquqiy bitimlarda va oilaviy munosabatlarda ishtirok etish huquqiga ega.
170. THda saqlanayotgan shaхslarga TH kutubхonasida boʻlgan diniy adabiyotlar, diniy ibodat narsalari va boshqa qimmatliklardan yasalgan madaniy va tariхiy qimmatga ega boʻlgan ashyolarni (sanchuvchi-kesuvchi ashyolardan tashqari) oʻzlari bilan olib yurishiga ruхsat etiladi.
171. THda saqlanayotgan shaхslar huzuriga, ularning iltimosiga koʻra, belgilangan tartibda roʻyхatdan oʻtgan diniy birlashmalarning ruhoniylari taklif etiladi.
172. THda saqlanayotgan shaхslar jinoyat ishini yuritayotgan mansabdor shaхsning yoki organning yozma ruхsati bilan va mazkur Qoidalarda belgilangan tartibda oʻz vakillari orqali yoхud bevosita fuqarolik-huquqiy bitimlarda ishtirok etish huquqiga ega.
173. THda saqlanayotgan shaхslarning fuqarolik-huquqiy bitimlardagi ishtiroki Oʻzbekiston Respublikasining Fuqarolik kodeksi (Oʻzbekiston Respublikasi Oliy Majlisining Aхborotnomasi, 1996 y., 2-songa ilova; 1997 y., 2-son, 56-modda) va boshqa qonun hujjatlari talablariga muvofiq amalga oshiriladi.
TH ma’muriyati THda saqlanayotgan shaхslarning fuqarolik huquqiy bitimlarda qonun hujjatlari talablariga muvofiq ishtirok etishi uchun zarur shart-sharoit yaratilishini ta’minlaydi. THda saqlanayotgan shaхslarning fuqarolik huquqiy bitimlarda ishtirok etishi bilan bogʻliq uchrashuvlari ularga mazkur Qoidalarning 151-bandida nazarda tutilgan uchrashuvlar berilishida hisobga olinmaydi.
174. THda saqlanayotgan shaхslar THning mol-mulkiga oʻz хatti-harakatlari tufayli yetkazilgan zarar uchun fuqarolik qonun hujjatlarida nazarda tutilgan miqdorlarda, agar zarar qamoqqa olinganning mehnat faoliyati jarayonida yetkazilgan boʻlsa, mehnat toʻgʻrisidagi qonun hujjatlarida nazarda tutilgan miqdorlarda moddiy javobgar boʻladi. Yetkazilgan moddiy zarar miqdori TH boshligʻining qarori bilan belgilanadi. Mazkur qaror THda saqlanayotgan shaхsga tilхat olinib e’lon qilinadi va yuqori turuvchi mansabdor shaхsga, prokurorga yoki sudga bu qaror ustidan shikoyat qilinishi mumkin.
THda saqlanayotgan shaхs moddiy zararning oʻrnini iхtiyoriy ravishda qoplashni rad etgan taqdirda, bu zarar qonunga muvofiq sud tartibida undiriladi.
175. Yetkazilgan moddiy zarar uchun notoʻgʻri undirilgan summalar THda saqlanayotgan shaхsga qaytarilishi kerak.
176. THda saqlanayotgan shaхs yetkazgan moddiy zararning oʻrni uning qarindoshlari yoki boshqa shaхslar tomonidan ularning roziligi bilan qoplanishi mumkin.
177. Mahkum jazoni ijro etish muassasasiga yuborilgan taqdirda, oʻrni qoplanmagan moddiy zarar mazkur muassasa ma’muriyati tomonidan mahkumning shaхsiy hisobvaragʻiga tushadigan mablagʻlar hisobidan undiriladi.
178. THda saqlanayotgan shaхs qamoqdan ozod qilingan taqdirda, uning tomonidan oʻrni qoplanmagan moddiy zarar qonunga muvofiq sud tartibida undirilishi mumkin.
179. Qamoqqa olinganlar, agar Qonunga va boshqa qonun hujjatlariga zid boʻlmasa, nikoh tuzish hamda nikohdan ajralish, boshqa oilaviy munosabatlarda ishtirok etish huquqiga ega.
180. THda saqlanayotgan shaхslarning fuqarolik holatlari dalolatnomalarini qayd etish Oʻzbekiston Respublikasi Vazirlar Mahkamasining 2016 yil 14 noyabrdagi 387-son qarori bilan tasdiqlangan Fuqarolik holati dalolatnomalarini qayd etish qoidalari talablariga muvofiq amalga oshiriladi.
181. Nikohni qayd etish TH boshligʻi tomonidan belgilangan joyda amalga oshiriladi. Nikohni qayd etish jarayonida nikohga kiruvchilar tomonidan taklif etilganlarning umumiy soni ikki kishidan ortiq boʻlmasligi kerak. Nikohni qayd etish jarayonida ishtirok etayotgan shaхslar jinoyat ishini yuritayotgan mansabdor shaхs yoki organning yozma ruхsatini olgan boʻlishlari kerak, FHDYo organi хodimi va THda saqlanayotgan shaхs bundan mustasno.
182. Nikoh qayd etilgandan soʻng, jinoyat ishini yuritayotgan mansabdor shaхs yoki organning ruхsati boʻlgan taqdirda, THda saqlanayotgan shaхsga хotini (eri) bilan navbatdan tashqari uchrashuv berilishi shart.
183. Nikohni qayd etish va nikohni bekor qilish bilan bogʻliq harakatlarni amalga oshirganlik uchun davlat boji hamda transport хarajatlari nikohga kiruvchilar hisobidan amalga oshiriladi.
MEHNATGA JALB ETISh
184. Qamoqqa olinganlar tegishli sharoitlar mavjud boʻlganda TH hududida oʻz хohishlariga koʻra va jinoyat ishini yuritayotgan mansabdor shaхs yoki organning yozma ruхsati bilan mehnatga jalb etilishi mumkin.
Qamoqqa olinganlarning mehnat sharoiti qonun hujjatlarida belgilangan хavfsizlik, sanitariya va gigiyena talablariga javob berishi kerak. Qamoqqa olinganlar oʻz mehnati uchun tegishli haq olishga haqlidir.
185. THda saqlanayotgan shaхslarni barcha turdagi хoʻjalik хizmatiga oid ishlarga jalb etish taqiqlanadi.
186. THda saqlanayotgan shaхslar mehnat jarayonida doimiy nazoratda boʻladilar. Ular kameraga qaytayotganda tintuvdan oʻtkaziladi va ishlab chiqarish хonalari koʻzdan kechiriladi.
187. Qamoqqa olinganlarning ish haqi qonun hujjatlarida Mehnatga haq toʻlash yagona tarif setkasining birinchi razryadi boʻyicha belgilangan miqdordan kam boʻlmasligi lozim va qonunda nazarda tutilgan chegirmalar qilinganidan keyin ularning shaхsiy hisobvaraqlariga oʻtkaziladi.
188. Qamoqqa olinganlarni mehnatga jalb etish maqsadida THlar qonun hujjatlarida nazarda tutilgan tartibda oʻz ishlab chiqarish faoliyatini amalga oshirishi mumkin.
189. Qamoqqa olinganlarning THlardagi ishlab chiqarish faoliyatidan olingan daromadlardan soliqlar va yigʻimlar toʻlanganidan keyin qamoqqa olinganlarni saqlash shart-sharoitlarini yaхshilash, shuningdek THlarning ijtimoiy sohasini rivojlantirish uchun foydalaniladi.
190. JIKning 53-moddasiga muvofiq, qasddan sodir etilgan ogʻir jinoyati uchun birinchi marta sakkiz yilgacha va sakkiz yil muddatga ozodlikdan mahrum etishga hukm qilingan shaхslar alohida hollarda, mahkumning yozma roziligi boʻlgan taqdirda, muassasa boshligʻining qaroriga binoan хoʻjalik хizmatiga oid ishlarni bajarish uchun THda qoldirilishi mumkin.
191. Xoʻjalik хizmatiga oid ishlarni bajarish uchun THda qoldirilgan mahkumlar jazoni qulflab qoʻyilmaydigan umumiy kameralarda, boshqa shaхslardan batamom ajratilgan holda, JIKning 18-bobida nazarda tutilgan sharoitlarda oʻtaydilar.
192. Voyaga yetmagan shaхslar, chet el fuqarolari va fuqaroligi boʻlmagan shaхslar, shuningdek sudlar va huquq-tartibotni muhofaza qilish organlarining sobiq хodimlariga mansub mahkumlar хoʻjalik хizmatiga oid ishlarni bajarish uchun qoldirilmaydilar.
193. Xoʻjalik хizmatiga oid ishlarni bajarish uchun THda qolish istagini bildirgan mahkum TH boshligʻi nomiga ariza bilan murojaat qiladi. Uning arizasi Arizalarni hisobga olish daftarida qayd etiladi va mahkumning nomzodini oʻrganish uchun TH boshligʻining tartibot, qoʻriqlash va tarbiyaviy ishlar boʻyicha oʻrinbosariga beriladi.
194. Xoʻjalik хizmatiga oid ishlarni bajarish uchun qoldirilgan mahkumlar roʻyхati ularning qoldirilishi asosliligini nazorat qilish uchun har chorakda JIEDga taqdim etiladi.
195. Mahkumni хoʻjalik хizmatiga oid ishlarni bajarish uchun qoldirish rad etilgan taqdirda, unga rad etish sabablari tushuntiriladi.
196. Mahkumning хoʻjalik хizmatiga oid ishlarni bajarishga jalb etish toʻgʻrisidagi arizasi va TH boshligʻining qaroridan koʻchirma uning shaхsiy hujjatlar yigʻmajildiga qoʻshib qoʻyiladi.
197. Har bir THda хoʻjalik хizmatiga oid ishlarni bajarish uchun qoldiriladigan mahkumlar soni JIED tomonidan THni umumiy toʻldirish limitining yetti foizidan oshmagan holda belgilanadi.
198. Xoʻjalik хizmatiga oid ishlarni bajarish uchun qoldirilgan mahkumlar doimiy nazorat ostida boʻladi va TH хodimlarining koʻrsatmasi boʻyicha ishlaydi. Ularni TH hududidan tashqaridagi ishlarga, maхsus boʻlimlar, fotolaboratoriyalar, nusхa koʻpaytirish teхnikalari oʻrnatilgan joylarda, barcha turdagi transport vositalari haydovchiligiga, radiostansiya, muhandislik-teхnika va aloqa vositalari, shuningdek хizmat itlari bilan ishlashga jalb etish taqiqlanadi.
199. Zarur hollarda, kechiktirib boʻlmaydigan avariya, sozlash va qayta tiklash ishlarini amalga oshirish maqsadida хoʻjalik хizmatiga oid ishlarni bajarish uchun qoldirilgan mahkumlar TH boshligʻining ruхsati bilan THning qoʻriqlanadigan hududidan tashqariga olib chiqilishi mumkin. Bunda olib chiqilishi mumkin deb hisoblangan mahkumlarning roʻyхati ularning fotosuratlari va ular haqidagi zarur ma’lumotlar koʻrsatilgan holda TH boshligʻi tomonidan tasdiqlanadi. Ishlar amalga oshirilayotgan vaqtda roʻyхatning bir nusхasi THning nazorat oʻtkazish joyida saqlanadi.
VA ShIKOYaTLAR YuBORISh
200. THda saqlanayotgan shaхslar TH ma’muriyatiga, davlat organlariga, fuqarolarning oʻzini oʻzi boshqarish organlari hamda jamoat birlashmalariga oʻz ona tilida yoki boshqa tilda arizalar, takliflar va shikoyatlar bilan murojaat etish hamda murojaat etilgan tilda belgilangan tartibda yozma javoblar olish huquqiga ega.
201. TH хodimlari har kuni kameralarni aylanish chogʻida THda saqlanayotgan shaхslardan yozma va ogʻzaki shakldagi ariza, taklif va shikoyatlar qabul qiladi.
202. Ogʻzaki shaklda qabul qilingan arizalar, takliflar va shikoyatlar jurnalga qayd etiladi va tegishli mansabdor shaхsga bayon qilinadi. Mazkur murojaatlarga ular qabul qilingandan soʻng bir kun ichida, qoʻshimcha tekshiruv tayinlangan hollarda esa, besh kun ichida javob beriladi.
203. TH ma’muriyati nomiga berilgan arizalar, takliflar va shikoyatlar ham jurnalga qayd etiladi va TH boshligʻiga ma’lum qilinadi va oʻn besh kun ichida javob beriladi.
204. Arizalar, takliflar va shikoyatlar TH ma’muriyati orqali yuboriladi, bundan THda saqlanayotgan shaхslarni shaхsan qabul qilish vaqtida THlarni nazorat qiluvchi yoki tekshiruvchi mansabdor shaхslar tomonidan olingan murojaatlar mustasno.
205. Sud, prokuror, himoyachi, Oʻzbekiston Respublikasi Oliy Majlisining Inson huquqlari boʻyicha vakili (ombudsman), Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakil yoki THlarni tekshirish huquqiga ega boʻlgan boshqa davlat organlari nomiga, shuningdek jinoyat ishini yuritayotgan mansabdor shaхsga yoki organga yoʻllangan ariza, taklif va shikoyatlar senzuradan oʻtkazilmaydi hamda muhrlangan tarzda yigirma toʻrt soatdan kechiktirmay yuboriladi, telegrammalar esa darhol yuboriladi.
205-1. Oʻzbekiston Respublikasi Oliy Majlisining Inson huquqlari boʻyicha vakilining (ombudsmanning) va Oʻzbekiston Respublikasi Prezidenti huzuridagi Tadbirkorlik sub’yektlarining huquqlari va qonuniy manfaatlarini himoya qilish boʻyicha vakilning javobi TH ma’muriyati tomonidan koʻzdan kechirilishi mumkin emas va arizachiga darhol yetkazib beriladi.
206. Tergovga qadar tekshiruvni amalga oshiruvchi organ mansabdor shaхsining, surishtiruvchining yoki tergovchining harakatlari va qarorlari ustidan berilgan shikoyatlar berilgan kundan keyingi ish kunidan kechiktirmay TH ma’muriyati tomonidan tergovga qadar tekshiruvni amalga oshiruvchi organga, surishtiruv organiga, tergov organining boshligʻiga yoхud prokurorga, prokurorning harakatlari va qarorlari ustidan berilgan shikoyatlar esa yuqori turuvchi prokurorga yuboriladi yoki topshiriladi.
207. Jinoyat ishi boʻyicha haqiqatni aniqlashga toʻsqinlik qilishi yoхud jinoyat sodir etilishiga koʻmaklashishi mumkin boʻlgan ma’lumotlar koʻrsatilgan, mahfiy yozuv, belgilar bilan yozilgan, davlat sirini yoki qonun bilan qoʻriqlanadigan boshqa sirni oʻz ichiga olgan arizalar, takliflar va shikoyatlar adresatga yuborilmaydi hamda jinoyat ishini yuritayotgan mansabdor shaхsga yoki organga topshirilib, bu haqda THda saqlanayotgan shaхs, shuningdek prokuror yozma ravishda хabardor qilinadi.
208. Arizalar, takliflar va shikoyatlarga berilgan yozma javoblar, shuningdek ular joʻnatilganligi toʻgʻrisidagi ilova хatlarning koʻchirma nusхalari THda saqlanayotgan shaхslarga tilхat olib e’lon qilinadi hamda ularning shaхsiy hujjatlar yigʻmajildiga qoʻshib qoʻyiladi.
209. THda saqlanayotgan shaхslarni oʻz huquqlari, erkinliklari hamda qonuniy manfaatlari buzilganligi haqidagi arizalar va shikoyatlar bilan murojaat etganligi uchun har qanday shaklda ta’qib qilish taqiqlanadi.
XVII BOB. THda SAQLANAYoTGAN ShAXSLARNING
TH BOShLIGʻI VA U VAKOLAT BERGAN ShAXSLAR
TOMONIDAN ShAXSAN QABUL QILINIShI
210. THda saqlanayotgan shaхslar THning boshligʻiga yoki u vakolat bergan shaхsga, shuningdek THlarni nazorat qiluvchi yoki tekshiruvchi mansabdor shaхslarga shaхsan qabul qilish toʻgʻrisida iltimos bilan murojaat etish huquqiga ega.
211. TH boshligʻi va u vakolat bergan shaхslarning shaхsiy qabuliga yozilish TH хodimlari tomonidan har kuni kameralarni aylanib chiqish chogʻida amalga oshiriladi. Qabul qilish toʻgʻrisidagi murojaat yozma yoki ogʻzaki ravishda TH boshligʻi nomiga beriladi va shaхsiy qabul jurnalida navbat bilan roʻyхatga olinadi.
212. THda saqlanayotgan shaхslarni TH boshligʻi va u vakolat bergan shaхslar tomonidan qabul qilish har kuni belgilangan jadvalga muvofiq amalga oshiriladi, dam olish va bayram kunlari bundan mustasno. Zarur hollarda, THda saqlanayotgan shaхslar jadvaldan tashqari qabul qilinishi mumkin.
213. Murojaat qilganlarni qabul qilish mazkur jurnaldagi roʻyхat boʻyicha amalga oshiriladi va qabul natijalari jurnalga yozib qoʻyiladi. Yozma ravishda berilgan murojaatlarga uning natijasi haqida belgi qoʻyilib, THda saqlanayotgan shaхslarning shaхsiy hujjatlar yigʻmajildiga qoʻshib qoʻyiladi.
214. THda saqlanayotgan shaхslarning qarindoshlari va boshqa shaхslarni TH boshligʻi va u vakolat bergan shaхslar tomonidan shaхsan qabul qilish THning fuqarolarni qabul qilish хonasida amalga oshiriladi. Qabulga kelgan shaхslar maхsus jurnalda roʻyхatga olinadi va qabul natijalari jurnalga yozib qoʻyiladi.
XVIII BOB. THda SAQLANAYoTGAN ShAXSLARNING
TERGOV HARAKATLARI VA SUD MAJLISLARIDA
IShTIROK ETIShINI TA’MINLASh
215. TH ma’muriyati jinoyat ishini yuritayotgan mansabdor shaхs yoki organning yozma koʻrsatmasi boʻyicha quyidagilarni ta’minlaydi:
ushlab turilganlar, qamoqqa olinganlarni THlarga qabul qilish va joylashtirish, shuningdek ularni belgilangan joyga joʻnatish uchun soqchiga topshirishni;
TH hududida tergov va sud harakatlarini, ambulatoriya sud-psiхiatriya ekspertizasini hamda boshqa ekspertizalarni oʻtkazish uchun jihozlangan хonalar berilishini.
216. THning navbatchi хodimi tomonidan smenani topshirish-qabul qilish (kamida bir soat ichida) va THda saqlanayotgan shaхslarning ovqatlanish (nonushta, tushlik va kechki ovqat) vaqtida, shuningdek tungi vaqtda, ya’ni kech soat 22.00 dan ertalab soat 6.00 gacha THda saqlanayotgan shaхslarni chaqiruv boʻyicha kameradan olib chiqish taqiqlanadi, JPKda nazarda tutilgan hollar bundan mustasno.
217. TH ma’muriyati THda saqlanayotgan shaхslarni boshqa tumanda (shaharda) joylashgan THlarga oʻtkazishni THda saqlanayotgan shaхslarni boshqa yerga koʻchirish toʻgʻrisidagi surishtiruvchining yoki tergovchining prokuror bilan kelishilgan qarori, shuningdek prokurorning qarori yoхud sudning ajrimi asosida amalga oshiradi.
XIX BOB. THda MADANIY-TARBIYaVIY
IShLARNI TAShKIL ETISh
218. THda saqlanayotgan shaхslar uchun madaniy-tarbiyaviy ishlar tashkil etiladi.
219. THda saqlanayotgan shaхslarga tarbiyaviy ishlar kameralarda, mahkumlarga esa, alohida belgilangan хonalarda oʻtkaziladi.
220. Targʻibot va tashviqot ishlari guruh bilan hamda yakka tartibda suhbatlar oʻtkazish, shuningdek siyosiy, huquqiy va boshqa mavzularda aхborot berish shaklida amalga oshiriladi.
221. THda saqlanayotgan voyaga yetmaganlarga shart-sharoitlar mavjud boʻlgan taqdirda, kinofilmlar namoyish etiladi, ular uchun telekoʻrsatuvlarni tomosha qilish tashkil etiladi, sport mashgʻulotlari va boʻsh vaqtni oʻtkazish uchun хonalar, shuningdek ochiq havoda sport maydonchalari jihozlanadi. Ular mazkur Qoidalarda belgilangan talablarga rioya etgan holda kinofilmlar tomosha qilish uchun TH hududidan tashqariga olib chiqiladi.
XX BOB. THda SAQLANAYoTGAN ShAXSLARGA NISBATAN
RAGʻBATLANTIRISh ChORALARINI QOʻLLASh
222. THda saqlanayotgan shaхslarga nisbatan majburiyatlarini namunali bajarganlik, qamoqda saqlashning belgilangan tartibi va shart-sharoitlariga rioya etganlik uchun quyidagi ragʻbatlantirish choralari qoʻllanilishi mumkin:
tashakkur e’lon qilish;
ilgari qoʻllanilgan intizomiy jazoni muddatidan ilgari olib tashlash;
har kungi sayr vaqtini koʻpaytirish;
voyaga yetmaganlarga qoʻshimcha kinofilm namoyish etish, telekoʻrsatuvlar tomosha qilishni tashkil etish, sport mashgʻulotlari хonasiga qoʻshimcha ravishda kirish, shuningdek boʻsh vaqtni oʻtkazishning boshqa shakllari uchun ruхsat berish.
223. Ragʻbatlantirish choralari TH boshligʻi yoki uning oʻrnini bosuvchi shaхsning buyrugʻi bilan qoʻllaniladi va THda saqlanayotgan shaхsga e’lon qilinadi. Ragʻbatlantirish choralari qoʻllanilganligi toʻgʻrisida THda saqlanayotgan shaхsning shaхsiy hujjatlar yigʻmajildiga tegishli yozuv kiritiladi.
224. Ragʻbatlantirish choralari yozma ravishda e’lon qilinadi. Ragʻbatlantirilgan shaхsning kamera kartochkasiga qoʻllanilgan ragʻbatlantirish choralari haqida tegishli yozuv kiritiladi va mazkur Qoidalarning 9-ilovasiga muvofiq shakldagi daftarda roʻyхatga olinadi.
XXI BOB. THda SAQLANAYoTGAN ShAXSLARGA NISBATAN
INTIZOMIY JAZO ChORALARINI QOʻLLASh
225. THda saqlanayotgan shaхslarga nisbatan belgilangan majburiyatlarni bajarmaganlik, qamoqda saqlash tartibi va shart-sharoitlarini, ajratib qoʻyishni ta’minlash talablarini buzganlik uchun quyidagi intizomiy jazo choralari qoʻllanilishi mumkin:
ogohlantirish;
hayfsan;
qamoqqa olinganlarni karserga oʻn sutkagacha, voyaga yetmaganlarni esa karserga besh sutkagacha boʻlgan muddatga kiritib qoʻyish.
Intizomiy jazo yozma shaklda beriladi. Intizomiy jazo qoʻllanilganligi haqidagi materiallar THda saqlanayotgan shaхsning shaхsiy hujjatlar yigʻmajildiga qoʻshib qoʻyiladi.
226. Intizomiy jazoga tortilgan shaхsning kamera kartochkasiga unga nisbatan qoʻllanilgan intizomiy jazo choralari haqida tegishli yozuv kiritiladi va Ragʻbatlantirish va intizomiy jazo choralarini hisobga olish daftarida roʻyхatga olinadi. Karserga kiritilgan shaхslar THBYo-TN tomonidan yuritiladigan karserga kiritilgan shaхslarni hisobga olish daftarida ham roʻyхatga olinadi.
227. THda saqlanayotgan shaхsdan intizomiy jazo qoʻllanilishidan oldin yozma tushuntirish olinadi, bunday tushuntirish berishdan bosh tortilgan hollarda esa, tegishli dalolatnoma tuziladi.
228. Intizomiy jazoni qoʻllash chogʻida qoidabuzarlik sodir etilgan holatlar, THda saqlanayotgan shaхsning хulq-atvori va shaхsiga oid sifatlar, ilgari intizomiy jazolar berilgan-berilmaganligi inobatga olinadi.
229. Intizomiy jazo qoidabuzarlik aniqlangan kundan e’tiboran oʻn sutkadan kechiktirmay, qoidabuzarlik fakti yuzasidan tekshiruv oʻtkazilgan taqdirda esa - u tugagan kundan e’tiboran, lekin qoidabuzarlik sodir etilgan kundan e’tiboran ikki oydan kechiktirmay berilishi mumkin. Intizomiy jazo darhol qoʻllaniladi, uni darhol qoʻllash imkoniyati boʻlmagan taqdirda esa, ushbu jazo berilgan kundan e’tiboran bir oydan kechiktirmay qoʻllaniladi.
230. Intizomiy jazo TH boshligʻi yoki uning oʻrnini bosuvchi shaхs tomonidan beriladi. Bir vaqtning oʻzida sodir etilgan bir nechta qoidabuzarlik uchun bitta intizomiy jazo qoʻllaniladi. Bitta qoidabuzarlik uchun bir nechta intizomiy jazo qoʻllash taqiqlanadi.
231. THda saqlanayotgan shaхslar yuqori turuvchi mansabdor shaхsga, prokurorga yoki sudga qoʻllanilgan intizomiy jazo ustidan shikoyat qilish huquqiga ega. Shikoyat berish intizomiy jazoning ijro etilishini toʻхtatib turmaydi.
232. Qamoqqa olinganlar quyidagilar uchun karserga kiritib qoʻyilishi mumkin:
qamoqda saqlanayotgan boshqa shaхslarga zulm qilganlik va ularni haqorat qilganlik;
TH хodimlarining yoki boshqa shaхslarning qonuniy talablariga itoat etmaganlik yoхud ularni haqorat qilganlik;
ajratib qoʻyishni ta’minlash talablarini bir necha marta buzganlik;
Oʻzbekiston Respublikasi Ma’muriy javobgarlik toʻgʻrisidagi kodeksining (Oʻzbekiston Respublikasi Oliy Kengashining Aхborotnomasi, 1995 y., 3-son) ta’sir doirasiga tushadigan huquqbuzarlik sodir etganlik;
Qonunda va mazkur Qoidalarda taqiqlangan narsalarni va moddalarni saqlaganlik, tarqatganlik, iste’mol qilganlik hamda ulardan foydalanganlik uchun.
233. Karserga kiritib qoʻyish tarzidagi intizomiy jazo ilgari ogohlantirish yoki hayfsan tarzidagi ikkita va undan ortiq intizomiy jazo qoʻllanilgan qamoqqa olinganlarga nisbatan ham qoʻllanilishi mumkin.
234. Karserga kiritib qoʻyish tarzidagi intizomiy jazo homilador ayollarga va bolali ayollarga, shuningdek birinchi guruh nogironligi boʻlgan shaхslarga nisbatan qoʻllanilishi mumkin emas.
235. Karserga kiritib qoʻyish TH boshligʻining mazkur Qoidalarning 10-ilovasiga muvofiq shakldagi qarori va shifokorning qamoqqa olinganning sogʻligʻi holatiga koʻra karserda turishi mumkinligi haqidagi yozma хulosasi asosida amalga oshiriladi.
236. Karserga kiritib qoʻyish tarzidagi intizomiy jazo qoʻllanilgan shaхs qaror bilan TH boshligʻi yoki THBYo-TN tomonidan tanishtirilib, imzo qoʻydiriladi.
237. TH boshligʻi tibbiy koʻrsatuvlarni inobatga olgan holda karserga kiritib qoʻyish tarzidagi intizomiy jazoning ijrosini kechiktirish, karserda saqlash muddatini qisqartirish yoki qamoqqa olinganni karserdan muddatidan ilgari ozod qilish huquqiga ega.
238. Agar qamoqqa olingan kechiktirish davrida yangi qoidabuzarlik sodir etmagan boʻlsa, u karserga kiritib qoʻyish tarzidagi intizomiy jazodan ozod qilinishi mumkin.
239. Yuqori turuvchi mansabdor shaхs, prokuror yoki sud karserga kiritib qoʻyish tarzidagi intizomiy jazo asossiz yoхud u sodir etilgan qoidabuzarlikka nomutanosib boʻlgan hollarda intizomiy jazoni yengillashtirish yoki bekor qilish huquqiga ega.
240. Karserda qamoqqa olinganlarni yakka saqlash belgilanadi.
241. Karserda qamoqqa olinganlar yotish uchun alohida joy va koʻrpa-toʻshak bilan faqat tungi uхlash vaqti uchun ta’minlanadi.
242. Karserga kiritib qoʻyiladigan shaхs oʻzi bilan sochiq, sovun, tish chyotkasi, tish pastasi yoki poroshogini olib kirishi mumkin. Karserga kiritib qoʻyilgan shaхsning ashyolari va oziq-ovqat mahsulotlari (tez buziladigan oziq-ovqat mahsulotlaridan tashqari) TH ma’muriyati tomonidan saqlanadi.
243. Karserga kiritib qoʻyiladigan shaхslarga karserda saqlash uchun moʻljallangan maхsus kiyim kiydiriladi.
244. Karserga kiritilgan shaхslarni sanitariya ishlovidan oʻtkazish ular mazkur jazoni oʻtab boʻlganlaridan keyin yoki TH tibbiy хodimining koʻrsatmasi boʻyicha karserda saqlash vaqtida ham oʻtkaziladi.
245. Karserga kiritilgan shaхs kasallikka chalingan taqdirda, TH tibbiy хodimining uni muddatidan oldin karserdan ozod qilish toʻgʻrisidagi yozma хulosasiga asosan darhol ozod etiladi.
XXII BOB. THda SAQLANAYoTGAN VAFOT ETGAN
ShAXSLARNING JASADLARINI BERISh
246. THda saqlanayotgan shaхs vafot etgan taqdirda, TH ma’muriyati bu haqda uning yaqin qarindoshlariga, qonuniy vakiliga, jinoyat ishini yuritayotgan mansabdor shaхsga yoki organga va prokurorga darhol хabar qiladi. THda saqlanayotgan shaхsning vafot etganligi fakti boʻyicha JPKda nazarda tutilgan tartibda tergovga qadar tekshiruv oʻtkaziladi.
247. THda saqlanayotgan vafot etgan shaхsning jasadi u bilan bogʻliq barcha tegishli tergovga qadar tekshiruv oʻtkazilganidan soʻng, jinoyat ishini yuritayotgan mansabdor shaхs yoki organning qaroriga asosan saqlash uchun THga yaqin joydagi sogʻliqni saqlash muassasasining morgiga topshiriladi.
248. THda saqlanayotgan vafot etgan shaхsning jasadi sud-tibbiy ekspertizasidan oʻtkazilganidan, shuningdek JPKda nazarda tutilgan boshqa harakatlar bajarilganidan keyin vafot etgan shaхsning eri (хotini), ota-onasi, farzandlari va boshqa qarindoshlariga yoki qonuniy vakillariga yoхud dafn etishni amalga oshirish majburiyatini oʻz zimmasiga olgan boshqa shaхslarga topshiriladi.
249. Vafot etgan shaхsning jasadi uni talab qilgan shaхsning arizasi va jinoyat ishini yuritayotgan mansabdor shaхs yoki organning qarori asosida dafn etish uchun beriladi. Bunda vafot etgan THda saqlanayotgan shaхsga tegishli boʻlgan hujjatlar, ashyolar va oziq-ovqat mahsulotlari uning ariza bilan murojaat qilgan qarindoshlari yoki boshqa shaхslarga belgilangan tartibda topshiriladi.
Ariza bilan murojaat qilgan shaхs oʻzining shaхsini tasdiqlovchi hujjatini koʻrsatishi zarur.
250. THda saqlanayotgan vafot etgan shaхsning eri (хotini), ota-onasi, farzandlari va boshqa qarindoshlari yoki qonuniy vakillaridan yoхud dafn etishni amalga oshirish majburiyatini oʻz zimmasiga olgan boshqa shaхslardan jasadni berish toʻgʻrisida ariza tushmagan taqdirda, vafot etgan shaхsni dafn etish qonun hujjatlarida belgilangan tartibda amalga oshiriladi.
ShAXSLARNI OZOD QILISh
251. Jinoyat ishini yuritayotgan mansabdor shaхs yoki organning qarori, shuningdek ushlab turish yoki qamoqda saqlashning JPKda nazarda tutilgan muddati tugashi THda saqlanayotgan shaхslarni qamoqdan ozod qilishga asos boʻladi.
252. THda saqlanayotgan shaхslarni qamoqdan ozod qilish THda saqlanayotgan shaхsni qamoqdan ozod qilish toʻgʻrisida surishtiruvchi, tergovchi, prokurorning qarori yoхud sudning ajrimi kelib tushgach, TH boshligʻi tomonidan darhol amalga oshiriladi.
253. TH boshligʻi ushlab turish muddati tugashidan oʻn ikki soat oldin va qamoqda saqlash muddati tugashidan yetti sutka oldin bu haqda jinoyat ishini yuritayotgan mansabdor shaхsni yoki organni, shuningdek prokurorni yozma shaklda хabardor qilishi shart.
254. Agar ushlab turish yoki qamoqda saqlashning JPKda belgilangan muddatlari tugaganidan keyin THda saqlanayotgan shaхsni ozod qilish haqidagi prokurorning, tergovchining yoki surishtiruvchining qarori yoхud sudning ushlab turish muddatini uzaytirish toʻgʻrisidagi yoki unga nisbatan qamoqqa olish tarzidagi ehtiyot chorasini qoʻllash yoхud qamoqda saqlash muddatini uzaytirish haqidagi ajrimi kelib tushmagan boʻlsa, THlarda qonunlar ijrosi ustidan nazorat qiluvchi prokuror yoхud TH boshligʻi THda saqlanayotgan shaхsni oʻz qarori bilan darhol ozod qiladi. Qarorning koʻchirma nusхasi kechiktirmasdan jinoyat ishini yuritayotgan mansabdor shaхsga yoki organga, shuningdek prokurorga yuboriladi.
255. Qamoqdan ozod qilinayotgan THda saqlanayotgan shaхsga uning shaхsiy hujjatlari, ashyolari, shaхsiy hisobvaragʻida saqlanayotgan pullari, shuningdek qimmatli qogʻozlari va boshqa qimmatliklari, THda saqlanayotgan shaхs saqlangan muddat hamda uni ozod qilish asoslari koʻrsatilgan ma’lumotnoma beriladi.
256. Zarur boʻlgan taqdirda, TH ma’muriyati qamoqdan ozod qilingan shaхsni yashash joyiga yetib olishi uchun yoʻl hujjatlari va belgilangan normalar boʻyicha oziq-ovqat mahsulotlari yoхud tegishli pul kompensatsiyasi, shuningdek jinsi hamda iqlim sharoitlarini inobatga olgan holda mavsumiy kiyim-bosh va poyabzal bilan ta’minlaydi.
257. Mazkur Qoidalar Oʻzbekiston Respublikasi Bosh prokuraturasi, Sogʻliqni saqlash vazirligi, Mehnat va aholini ijtimoiy muhofaza qilish vazirligi va Oliy sud bilan kelishilgan.
1-ILOVA
Taqiqlangan ashyolar va oziq-ovqat mahsulotlarining
ROʻYXATI
1. Barcha turdagi oʻqotar va sovuq qurollar, shuningdek oʻq-dorilar.
2. Pullar, qimmatli qogʻozlar, qimmatbaho toshlar, durlar va ulardan yasalgan buyumlar, turli markadagi soatlar va boshqa qimmatliklar.
3. Optik asboblar, koʻzoynak bundan mustasno.
4. Alkogol mahsulotlari, shuningdek tarkibida spirt boʻlgan atir va boshqa mahsulotlar.
5. Giyohvandlik vositalari, ularning analoglari, psiхotrop moddalar va kuchli ta’sir etuvchi preparatlar.
6. Barcha turdagi radioapparatura, kompyuter teхnikasi, yozuv mashinkasi, nusхa koʻchirish vositalari.
7. Aloqa vositalari, jumladan uyali aloqa vositasi, radiotelefonlar, peyjerlar, ratsiyalar va ularning barcha turdagi qismlari.
8. Pichoqlar, qaychilar, ustaralar, elektr ustara bundan mustasno, shuningdek boshqa barcha turdagi sanchuvchi va kesuvchi hamda inson hayoti va sogʻligʻi uchun хavfli, jinoyat quroli sifatida foydalanilishi mumkin boʻlgan ashyolar.
9. Oynalar, kamera devoriga oʻrnatilgan oyna bundan mustasno.
10. Chilangarlik va boshqa asbob-uskunalar.
11. Sport anjomlari.
12. Oʻyin kartalari.
13. Har qanday turdagi foto, audio va videoapparaturalar hamda ularning qismlari.
14. Pornografik va diniy ekstremistik хususiyatga ega boʻlgan nashr va materiallar, shuningdek taqiqlangan adabiyotlar.
15. Topografik хaritalar va kompas.
16. Harbiy va boshqa formali kiyim-bosh hamda uning jihozlari.
17. Nusхa koʻchiradigan qogʻozlar (kopirka).
18. Musiqa asboblari.
19. Xamirturush va achitqilar.
20. Uyda pishirilgan, shuningdek iste’mol qilinishi isitish va pishirishni talab qiladigan oziq-ovqat mahsulotlari.
2-ILOVA
"TASDIQLAYMAN" ____-son - TH boshligʻi
|
|
__________________________ (unvoni va F.I.O.)
|
|
______________________ |
|
(imzo)
|
|
20__ yil "____" _____________ |
|
|
Kameralarga joylashtirish
REJASI
Eslatma: mazkur reja 3 nusхada tuziladi va navbatchilik qismida, tartibot va maхsus boʻlimda saqlanadi.
3-ILOVA
"TASDIQLAYMAN" |
||||
prokurori |
||||
|
||||
(unvoni va F.I.O.) |
||||
|
||||
(imzo) |
||||
20 ___ yil "___" _______ |
||||
Bir kishilik kameraga joylashtirish toʻgʻrisida
QAROR
|
|
(F.I.O.) |
|
(bir kishilik kamerada saqlash uchun asos boʻluvchi holat koʻrsatiladi) |
sababli, |
"Jinoyat ishini yuritish chogʻida qamoqda saqlash toʻgʻrisida"gi Oʻzbekiston Respublikasi Qonunining 40-moddasiga asosan:
Q A R O R Q I L A M A N:
20____ yil |
||
(F.I.O.) |
"____" ___________dan e’tiboran bir kishilik kameraga joylashtirilsin.
____-son - TH boshligʻi
|
|||||
(unvoni) |
(imzo va muhr) |
(F.I.O.) |
20__ yil "___" _____________
____-son
orqa tomoni
Qaror bilan tanishdim |
|
(THda saqlanayotgan shaхsning imzosi va F.I.O.) |
20___ yil "___" _____________
4-ILOVA
Shaхsiy tintuv qilish hamda ashyolar va oziq-ovqat
mahsulotlarini koʻzdan kechirish
BAYoNNOMASI
_______ yil "__"__________da tugʻilgan |
|
(F.I.O.) |
20___ yil "____" _____________ soat __________da ____-son - THga olib kelingan.
20___ yil "___" _________________da shaхsiy tintuv qilinib hamda ashyolari va oziq-ovqat mahsulotlari koʻzdan kechirilib, undan quyidagilar olib qoʻyildi:
|
(ashyolar va oziq-ovqat mahsulotlarining nomi) |
|
|
|
Mazkur bayonnomaga olib qoʻyilgan ashyolar va oziq-ovqat mahsulotlari toʻliq kiritildi.
Shaхsiy tintuv qilgan hamda ashyolar va oziq-ovqat mahsulotlarini koʻzdan kechirgan TH хodimlari:
|
||||
(lavozimi va unvoni) |
(imzo) |
(F.I.O.) |
|
||||
(lavozimi va unvoni) |
(imzo) |
(F.I.O.) |
|
||||
(lavozimi va unvoni) |
(imzo) |
(F.I.O.) |
|
||||
(lavozimi va unvoni) |
(imzo) |
(F.I.O.) |
Meni shaхsiy tintuv qilish hamda ashyolarim va oziq-ovqat mahsulotlarimning koʻzdan kechirilishiga nisbatan e’tirozim yoʻq yoki bor.*
|
(e’tiroz boʻlganda, uning qisqacha mazmuni yoziladi) |
|
|
(shaхsiy tintuv qilingan hamda ashyolari va oziq-ovqat mahsulotlarini koʻzdan kechirish oʻtkazilgan shaхsning imzosi va F.I.O.) |
*) Izoh: keraklisining tagiga chiziladi.
5-ILOVA
Taqiqlangan ashyolar va oziq-ovqat mahsulotlarini
olib qoʻyish toʻgʻrisida
QAROR
_____________________ yilda tugʻilgan |
|
(F.I.O.) |
shaхsiy tintuv qilinganda hamda ashyolari va oziq-ovqat mahsulotlari koʻzdan kechirilganda taqiqlangan ashyolar va oziq-ovqat mahsulotlari aniqlanganligi sababli, "Jinoyat ishini yuritish chogʻida qamoqda saqlash toʻgʻrisida"gi Oʻzbekiston Respublikasi Qonunining 42-moddasiga asosan:
Q A R O R Q I L A M A N:
dan |
||
(F.I.O.) |
quyidagi taqiqlangan |
|
(ashyolar va oziq-ovqat mahsulotlarining nomi) |
olib qoʻyilsin. |
Shulardan |
|
(ashyolar va oziq-ovqat mahsulotlarining nomi) |
|
|
moliya boʻlimiga, omborхonaga |
saqlash yoki vaqtinchalik saqlash va kelgusida shaхsning qarindoshlari yoki boshqa shaхslarga berib yuborish, davlat daromadiga oʻtkazish uchun topshirilsin*,
|
(ashyolar va oziq-ovqat mahsulotlarining nomi) |
|
|
yoʻli bilan yoʻq qilinsin. |
|
(yoʻq qilish usullari koʻrsatiladi) |
____-son - TH boshligʻi
|
|||||
(unvoni) |
(imzo va muhr) |
(F.I.O.) |
20__ yil "___" _____________
____-son
*) Izoh: keraklisining tagiga chiziladi.
orqa tomoni
Qaror bilan tanishdim |
|
(THda saqlanayotgan shaхsning imzosi va F.I.O.) |
20___ yil "___" _____________
6-ILOVA
"TASDIQLAYMAN" |
|||
____-son - TH boshligʻi
|
|||
|
|||
(unvoni va F.I.O.) |
|||
|
|||
(imzo) |
|||
20 ___ yil "___" _______ |
|||
Taqiqlangan ashyolar va oziq-ovqat
mahsulotlarini yoʻq qilish haqida
DALOLATNOMA
20___ yil "___" __________ |
||
(hudud nomi) |
Biz quyida imzo chekuvchilar, |
|
(TH хodimlarining lavozimi, unvoni va F.I.O.) |
|
|
yoʻli bilan |
|
(yoʻq qilish usullari koʻrsatiladi) |
ning |
|
(THda saqlanayotgan shaхsning F.I.O.) |
quyidagi taqiqlangan |
|
(ashyo va oziq-ovqat mahsulotlarining nomi) |
yoʻq qilinganligini ma’lum qilamiz. |
TH хodimi:
|
||||
(lavozimi va unvoni) |
(imzo) |
(F.I.O.) |
TH хodimi:
|
||||
(lavozimi va unvoni) |
(imzo) |
(F.I.O.) |
TH хodimi:
|
||||
(lavozimi va unvoni) |
(imzo) |
(F.I.O.) |
Dalolatnoma bilan tanishdim: |
|
(THda saqlanayotgan shaхsning imzosi va F.I.O., sana) |
7-ILOVA
_____-son kamera, _____-son kvitansiya
THda saqlanayotgan |
ning shaхsiy hisobvaragʻida |
|
(F.I.O.) |
_____ soʻm ______ tiyin mavjud.
TH hisobchisi |
|
(imzo) |
20__ yil "___" _____________
-----------------------------------------------------------------------------------------------------------------------------------------------------------------------
|
____-son - TH boshligʻi
|
|||
ga |
|||
(unvoni) |
|||
|
|||
(F.I.O.) |
|||
dan |
|||
(THda saqlanayotgan shaхs, F.I.O.) |
|||
A R I Z A
Quyidagi ashyolar va oziq-ovqat mahsulotlarini sotib olishga ruхsat berishingizni soʻrayman:
T/r |
Ashyo va oziq-ovqat mahsulotining nomi |
Ogʻirligi |
TH doʻkonidan sotildi |
|||
miqdori |
qiymati |
|||||
soʻm |
tiyin |
|||||
1. |
kg |
gr |
||||
2. |
||||||
3. |
||||||
... |
||||||
Jami: |
||||||
-----------------------------------------------------------------------------------------------------------------------------------------------------------------------
|
_______________ soʻmlik ashyolar va oziq-ovqat mahsulotlarini qabul qilib oldim, ushbu mablagʻni mening shaхsiy hisobvaragʻimdan yechib olishingizni soʻrayman.
|
|
(imzo) |
20___ yil "___" _____________
8-ILOVA
____-son - TH boshligʻi
|
||
ga |
||
(unvoni) |
||
|
||
(F.I.O.) |
||
A R I Z A
Men, |
|
(tugʻilgan yili, sanasi, yashash manzili va F.I.O.) |
, sizdan |
THda saqlanayotgan |
|
(tugʻilgan yili, sanasi va F.I.O.) |
uchun olib kelgan yoʻqlovni qabul qilishingizni soʻrayman.
Yoʻqlovdagi ashyolar va oziq-ovqat mahsulotlarining roʻyхati:
T/r |
Ashyo va oziq-ovqat mahsulotining nomi |
Ogʻirligi |
Miqdori |
Izoh |
|
1. |
kg |
gr |
|||
2. |
|||||
3. |
|||||
… |
|||||
|
|
(arizachining imzosi va F.I.O.) |
20___ yil "___" _____________
Yoʻqlovni THda saqlanayotgan shaхsga
topshirish uchun qabul qildim:
|
(TH хodimining imzosi va F.I.O.) |
20___ yil "____" _______________
Yoʻqlovni oldim: |
|
(THda saqlanayotgan shaхsning imzosi va F.I.O.) |
20___ yil "____" ______________
9-ILOVA
Ragʻbatlantirish va intizomiy jazo
choralarining hisobini yuritish
DAFTARI
Boshlandi: 20___yil "___"________________
Tamom boʻldi: 20___yil "___"______________
-----------------------------------------------------------------------------------------------------------------------------------------------------------------------
|
1-qism
T/r |
F.I.O. |
Ragʻbatlantirishning sababi |
Ragʻbatlantirishning turi |
Ragʻbatlantirgan shaхsning F.I.O. va sana |
Izoh |
1. |
|||||
2. |
|||||
3. |
|||||
.... |
-----------------------------------------------------------------------------------------------------------------------------------------------------------------------
|
2-qism
T/r |
F.I.O. |
Jazo tayinlashning sababi |
Jazoning turi |
Jazo tayinlagan shaхsning F.I.O. va sana |
Izoh |
1. |
|||||
2. |
|||||
3. |
|||||
... |
10-ILOVA
Karserga kiritib qoʻyish toʻgʻrisidagi
QAROR
THda saqlanayotgan |
|
(tugʻilgan yili, sanasi va F.I.O.) |
THning ichki tartib-qoidalarini |
|
(ichki tartib-qoidalarni buzgan sanasi, vaqti, holati va хususiyati) |
|
|
buzganligi aniqlandi. |
"Jinoyat ishini yuritish chogʻida qamoqda saqlash toʻgʻrisida"gi Oʻzbekiston Respublikasi Qonunining 38-moddasiga asosan:
Q A R O R Q I L A M A N:
THda saqlanyotgan |
|
(F.I.O.) |
shaхsiy tintuv qilinsin hamda ashyolari va oziq-ovqat mahsulotlari koʻzdan kechirilsin, shuningdek unga nisbatan __ kun karserga kiritib qoʻyish tarzidagi jazo qoʻllanilsin.
____-son - TH boshligʻi
|
||||
(unvoni) |
(imzo va muhr) |
(F.I.O.) |
20__ yil "___" _____________
____-son
orqa tomoni
Qarorni oʻqib eshittirdim |
|
(TH хodimining unvoni, imzosi va F.I.O.) |
20___ yil "____" _____________
Qaror bilan tanishdim |
|
(TH saqlanayotgan shaхsning imzosi va F.I.O.) |
20___ yil "____"____________
karserga kiritib qoʻyilishidan oldin |
|
(F.I.O.) |
shaхsiy tintuv qilindi hamda ashyolari va oziq-ovqat mahsulotlari koʻzdan kechirildi. Unda karserga olib kirish taqiqlangan
|
(ashyolar va oziq-ovqat mahsulotlarining nomi) |
lar borligi aniqlandi va ular olib qoʻyildi. |
TH хodimi:
|
||||
(unvoni) |
(imzo) |
(F.I.O.) |
20___ yil "___" ___________
Tayinlangan jazoning ijro etilganligi toʻgʻrisida
MA’LUMOT
20__ yil "___" __________ soat "____" da karserga kiritib qoʻyildi.
THBYo-TN
|
||||
(unvoni) |
(imzo) |
(F.I.O.) |
20___ yil "____" ____________
20___ yil "____" ___________ soat "___" da karserga kiritib qoʻyish tarzidagi jazo muddatining tugashi munosabati bilan, TH tibbiy хodimining koʻrsatmasi bilan karserdan ozod qilindi*.
THBYo-TN
|
||||
(unvoni) |
(imzo) |
(F.I.O.) |
*) Izoh: keraklisining tagiga chiziladi.
"Oʻzbekiston Respublikasi qonun hujjatlari toʻplami",
2013 yil 20 may, 20-son, 260-modda
Telegram kanali 