Oliy va oʻrta maхsus ta’lim vazirligining 27-son, Vazirlar Mahkamasi huzuridagi Davlat test markazining 18-son "Oliy ta’lim muassasalaridagi ta’lim dasturlari fanlari boʻyicha oʻqitish sifatining har yilgi monitoringini olib borish tartibi toʻgʻrisidagi nizomni tasdiqlash haqida"gi 03.06.2013 y. Qarori (AV tomonidan 25.06.2013 y. 2470-son bilan roʻyхatga olingan)
OʻZBEKISTON RESPUBLIKASI
ADLIYa VAZIRLIGI TOMONIDAN
ROʻYXATGA OLINGAN
25.06.2013 y.
N 2470
OʻZBEKISTON RESPUBLIKASI OLIY VA OʻRTA MAXSUS TA’LIM VAZIRLIGINING 03.06.2013 y. N 27 |
OʻZBEKISTON RESPUBLIKASI VAZIRLAR MAHKAMASI HUZURIDAGI DAVLAT TEST MARKAZINING 03.06.2013 y. N 18 |
QARORI
Oliy ta’lim muassasalaridagi ta’lim
dasturlari fanlari boʻyicha oʻqitish sifatining
har yilgi monitoringini olib borish tartibi
toʻgʻrisidagi nizomni tasdiqlash haqida
Oʻzbekiston Respublikasi Vazirlar Mahkamasining 2012 yil 26 sentyabrdagi 278-son "Oliy ta’lim muassasalari pedagog kadrlarini qayta tayyorlash va ularning malakasini oshirish tizimini yanada takomillashtirish chora-tadbirlari toʻgʻrisida"gi qarorining (Oʻzbekiston Respublikasi qonun hujjatlari toʻplami, 2012 y., 39-son, 453-modda) 8-bandiga muvofiq, Oʻzbekiston Respublikasi Oliy va oʻrta maхsus ta’lim vazirligi va Oʻzbekiston Respublikasi Vazirlar Mahkamasi huzuridagi Davlat test markazi QAROR QILADI:
1. Oliy ta’lim muassasalaridagi ta’lim dasturlari fanlari boʻyicha oʻqitish sifatining har yilgi monitoringini olib borish tartibi toʻgʻrisidagi nizom ilovaga muvofiq tasdiqlansin.
2. Mazkur qaror rasmiy e’lon qilingan kundan e’tiboran kuchga kiradi.
Oliy va oʻrta maхsus ta’lim vaziri
|
B. Xodiyev |
Davlat test markazi direktori |
B. Ismailov |
"Oʻzbekiston Respublikasi qonun hujjatlari toʻplami",
2013 yil 1 iyul, 26-son, 341-modda