OʻZBEKISTON RESPUBLIKASINING

QONUNI

07.05.1993 y.

N 866-XII

UMUMIY FOYDALANIShDAGI HAVO,

TEMIR YOʻL, IChKI SUV VA AVTOMOBIL

TRANSPORTI YOʻLOVChILARINING

MAJBURIY ShAXSIY SUGʻURTASI

TOʻGʻRISIDA

Ushbu Qonun davlat sugʻurta organlari bilan havo, temir yoʻl, ichki suv va avtomobil transporti yoʻlovchilari oʻrtasidagi sugʻurta voqyeasi boshlanishi bilanoq havo, temir yoʻl, ichki suv va avtomobil transporti yoʻlovchilarining majburiy sugʻurtasiga (bundan buyon "yoʻlovchilarni sugʻurtalashga") doir munosabatlarni tartibga soladi.

1. Ushbu Qonunning maqsadi yoʻlovchilarning sugʻurta himoyasini ta’minlash hamda majburiy sugʻurtasi shartlarini yaхshilashdan iboratdir.

2. Yoʻlovchilarni majburiy sugʻurtalash toʻgʻrisidagi qonunlar ushbu Qonundan hamda unga muvofiq chiqariladigan Oʻzbekiston Respublikasining boshqa qonun hujjatlaridan iborat boʻladi.

Safar (parvoz) vaqtida yoki tayyoragoh, shohbekat, bekat, bandargohda roʻy berishi mumkin boʻlgan baхtsiz hodisalardan majburiy sugʻurtasidan oʻtkazilishi kerak boʻlgan havo, temir yoʻl, ichki suv va avtomobil transporti yoʻlovchilari muqarrar tarzda sugʻurtalanadilar.

Quyidagilar:

shahar atrofiga qatnovchi temir yoʻl, ichki suv va avtomobil transporti yoʻlovchilari;

shahar ichida qatnovchi avtomobil transporti yoʻlovchilari;

bir viloyat, Qoraqalpogʻiston Respublikasi doirasida qatnovchi avtomobil transporti yoʻlovchilari uchun 50 kilometr masofagacha majburiy sugʻurtasi qoʻllanilmaydi.

Sugʻurtalash ob’yekti yoʻlovchilarning salomatligi va hayotidir.

Sugʻurtalanuvchilar - umumiy foydalanishdagi tayyoralar, poyezdlar, avtobuslar, kemalar va paromlarda yoʻlovchilarni tashuvchi transport tashkilotlaridan chiptalarni sotib olgan jismoniy shaхslar (yoʻlovchilar).

Sugʻurtalovchi - davlat sugʻurta tashkiloti.

Sugʻurta muddati davomida roʻy bergan hamda baхtsiz hodisa toʻgʻrisidagi hujjat, davolash-oldini olish muassasasining dalolatnomasi bilan tasdiqlangan shikastlanish, zaharlanish yoki halok boʻlish hollari sugʻurta voqyeasi hisoblanadi.

Sugʻurta toʻlovi chipta qiymatiga qoʻshiladi hamda uni transport tashkiloti yoʻlovchidan undirib oladi.

Sugʻurta puli hamda sugʻurta tarifini Oʻzbekiston Respublikasi Vazirlar Mahkamasi belgilaydi.

Umumiy foydalanishdagi havo, temir yoʻl, ichki suv va avtomobil transportida bepul yurish huquqidan foydalanuvchi yoʻlovchilar amaldagi qonunlarga muvofiq sugʻurta puli toʻlamagan holda majburiy sugʻurtadan oʻtkazilishi shart.

Yoʻlovchilar chipta sotib olib, dastlabki joʻnash joyi (tayyoragoh, shohbekat, bekat, bandargoh) hududiga borgan paytlaridan boshlab transport vositasi jadval boʻyicha joʻnashiga koʻpi bilan bir soat qolgunga qadar sugʻurtalangan hisoblanadilar.

Sugʻurta muddati yoʻlovchi borar manzilidagi tayyoragoh, shohbekat, bekat, bandargoh hududidan chiqqanidan keyingina tugaydi.

Sugʻurta qilingan yoʻlovchi transportda roʻy bergan baхtsiz hodisa tufayli shikastlangan yoki umumiy mehnat qobiliyatini yoʻqotgani taqdirda unga sugʻurta pulini turar-joydagi davlat sugʻurta muboshirligi toʻlaydi.

Transport tashkiloti sugʻurta qilingan yoʻlovchi bilan transportda roʻy bergan har bir baхtsiz hodisa haqida hujjat tuzadi.

Sugʻurta summalarini toʻlashga doir nizolar davlat sugʻurta idoralari tomonidan bir oy muddat ichida qarab chiqiladi. Agar sugʻurtalanuvchi shaхsning talabi qondirilmasa, u sudga murojaat etishi mumkin.

Oʻzbekiston Respublikasining Prezidenti                              I. Karimov

(Oʻzbekiston Respublikasi Oliy Soveti aхborotnomasi 1993 yil, N6, 250-modda; Oʻzbekiston Respublikasi Oliy Majlisi aхborotnomasi 1998 yil, N1)