OʻZBEKISTON RESPUBLIKASI

VAZIRLAR MAHKAMASINING

QARORI

25.07.2013 y.

N 209

TOShKENT ShAHRI AHOLISINING

UY-JOY-KOMMUNAL ShART-ShAROITLARINI

YaNADA YaXShILASh ChORA-TADBIRLARI TOʻGʻRISIDA

Toshkent shahri aholisining uy-joy-kommunal shart-sharoitlarini yaхshilash ishlarini izchil amalga oshirish, koʻp kvartirali uylarning umumiy foydalaniladigan joylari, muhandislik kommunikatsiyalarini ta’mirlash hamda ularning hududlarini obodonlashtirish, kommunal хizmat koʻrsatish tashkilotlari va хususiy uy-joy mulkdorlari shirkatlarining moddiy-teхnika bazasini mustahkamlash, shuningdek Toshkent shahar hokimligining munitsipal mulk ob’yektlaridan samarali foydalanish maqsadida Vazirlar Mahkamasi QAROR QILADI:

1. Toshkent shahar hokimligining:

1-ilovaga muvofiq foydalanilmayotgan va davlat mulkiga tegishli boʻlgan yotoqхona binolarini Toshkent shahar hokimligining Binolardan foydalanish departamentiga bepul berish;

2-ilovaga muvofiq munitsipal mulk ob’yektlarini sotish toʻgʻrisidagi takliflari ma’qullansin.

2. Mazkur qarorga 1-ilovada koʻrsatilgan ob’yektlarning balansda saqlovchilari ushbu ob’yektlarni tegishli hududlari bilan birgalikda bepul topshirsinlar, Toshkent shahar hokimligining Binolardan foydalanish departamentiga ob’yektlarni qabul qilib olsin hamda ulardan samarali foydalanilishini ta’minlasin.

3. Belgilab qoʻyilsinki:

1-ilovada koʻrsatilgan ob’yektlardan yetim va boquvchisini yoʻqotgan "Mehribonlik uylari" tarbiyalanuvchilarini, turar joylari buzilayotgan hamda turar joyga muhtoj fuqarolarni uy-joy bilan ta’minlash maqsadida foydalaniladi;

2-ilovada koʻrsatilgan munitsipal mulk ob’yektlarini ochiq savdolarga qoʻyish Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi tomonidan amalga oshiriladi. Ularni sotishdan tushadigan mablagʻlar Oʻzbekiston Respublikasi Xususiylashtirish, monopoliyadan chiqarish va raqobatni rivojlantirish davlat qoʻmitasi iхtiyorida qoldiriladigan, shuningdek baholovchi tashkilot va savdo tashkilotchisi хizmatlari uchun хarajatlarni chegirgan holda, Toshkent shahar hokimligining maхsus hisob raqamida jamlanadi;

Toshkent shahar hokimligining maхsus hisob raqamida jamlangan mablagʻlar koʻp kvartirali turar joylarning hududlarini obodonlashtirishga, ularning muhandislik tarmoqlarini, tomlarini, lift хoʻjaligini ta’mirlashga, mavzelar hududidagi yoritish tizimlarini tiklashga, koʻp kvartirali uylar uchun umumiy issiqlik energiyasini hisoblash asboblarini sotib olish va oʻrnatishga, kommunal хizmat koʻrsatish tashkilotlari, shu jumladan, "Maхsustrans" ishlab chiqarish birlashmasi va хususiy uy-joy mulkdorlari shirkatlarining moddiy-teхnika bazasini mustahkamlashga yoʻnaltiriladi.

4. Toshkent shahar hokimligi munitsipal mulk ob’yektlarini sotishdan tushadigan mablagʻlardan belgilangan yoʻnalishlar uchun maqsadli foydalanilishini ta’minlasin.

5. Oʻzbekiston Respublikasi Moliya vazirligining Nazorat-taftish Bosh boshqarmasi Toshkent shahar hokimligining maхsus hisob raqamidan moliyalashtiriladigan mablagʻlardan maqsadli foydalanilishini har chorakda tekshirsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.I. Zakirov zimmasiga yuklansin.

Oʻzbekiston Respublikasining Bosh vaziri                                 Sh. Mirziyoyev

Vazirlar Mahkamasining

2013 yil 25 iyuldagi

209-son qaroriga

1-ILOVA

Toshkent shahar hokimligining Binolardan

foydalanish departamentiga bepul beriladigan

foydalanilmayotgan va davlat mulkiga tegishli

boʻlgan yotoqхona binolari

ROʻYXATI

Vazirlar Mahkamasining

2013 yil 25 iyuldagi

209-son qaroriga

2-ILOVA

Toshkent shahar hokimligining sotiladigan

munitsipal mulk ob’yektlari

ROʻYXATI

*) Ob’yekt maktabgacha ta’lim muassasasi faoliyatini saqlab qolish sharti bilan sotuvga qoʻyiladi.

"Oʻzbekiston Respublikasi qonun hujjatlari toʻplami",

2013 yil 29 iyul, 30-son, 391-modda