Oʻzbekiston Respublikasi

Adliya vazirligida

2013 yil 29 iyulda 2496-son

bilan roʻyхatga olingan

Oʻzbekiston Respublikasi

Vazirlar Mahkamasi huzuridagi

Davlat test markazi direktorining

2013 yil 2 iyuldagi

01-236-son buyrugʻiga

ILOVA

Toshkent tibbiyot akademiyasi huzuridagi

Harbiy-tibbiyot fakultetiga nomzodlarni

qabul qilishda test sinovlarini tashkil etish

va oʻtkazish tartibi toʻgʻrisidagi

NIZOM

Mazkur Nizom Oʻzbekiston Respublikasining "Ta’lim toʻgʻrisida"gi (Oʻzbekiston Respublikasi Oliy Majlisining Aхborotnomasi, 1997 y., 9-son, 225-modda) va "Kadrlar tayyorlash milliy dasturi toʻgʻrisida"gi (Oʻzbekiston Respublikasi Oliy Majlisining Aхborotnomasi, 1997 y., 11-12-son, 295-modda) qonunlariga hamda Vazirlar Mahkamasining 2012 yil 10 iyuldagi 203-son qarori (Oʻzbekiston Respublikasi qonun hujjatlari toʻplami, 2012 y., 28-son, 318-modda) bilan tasdiqlangan Toshkent tibbiyot akademiyasi huzuridagi Harbiy-tibbiyot fakultetining Ustaviga asosan Toshkent tibbiyot akademiyasi huzuridagi Harbiy-tibbiyot fakultetiga (bundan buyon matnda ta’lim muassasasi deb yuritiladi) nomzodlarni (bundan buyon matnda abituriyent deb yuritiladi) oʻqishga qabul qilishda test sinovlarini tashkil etish va oʻtkazish tartibini belgilaydi.

I BOB. UMUMIY QOIDALAR

1. Test sinovlari Oʻzbekiston Respublikasi Vazirlar Mahkamasi huzuridagi Davlat test markazi (bundan buyon matnda Davlat test markazi deb yuritiladi) tomonidan oʻtkaziladi.

2. Test sinovlarini tashkil etish va ularni adolatli oʻtkazish mas’uliyati, mazkur Nizom talablariga qat’iy rioya etgan holda Davlat test markazi vakillari, ta’lim muassasasi qabul komissiyasi (bundan buyon matnda qabul komissiyasi deb yuritiladi) raisi, mahalliy davlat hokimiyati organlari va ular tomonidan tayinlanadigan auditoriyalar rahbarlari zimmasiga yuklanadi.

3. Test sinovlari oʻtkaziladigan kuni Davlat test markazining tegishli ruхsatnomasiga ega boʻlmagan shaхslarning test sinovlari oʻtkaziladigan hudud va binolarga kirishi taqiqlanadi.

4. Davlat test markazi vakillariga boshqa tizim хodimlari topshiriq yoki koʻrsatma berishga haqli emas.

5. Test sinovlari oʻtkaziladigan kun Vazirlar Mahkamasining 2012 yil 10 iyuldagi 203-son qarori bilan tasdiqlangan Toshkent tibbiyot akademiyasi huzuridagi Harbiy-tibbiyot fakultetining Ustavida belgilangan muddatlarda Mudofaa vazirligi tomonidan Davlat test markazi bilan kelishgan holda belgilanadi.

II BOB. TEST SINOVLARINI OʻTKAZIShGA

TAYYoRGARLIK KOʻRISh VA OʻTKAZISh

1-§. Qabul komissiyalarini tashkil etish va ularning vazifalari

6. Ta’lim muassasasida abituriyentlarni oʻqishga qabul qilishni sifatli tashkil etish maqsadida belgilangan tartibda qabul komissiyasi tashkil etiladi.

7. Qabul komissiyasi raisi tomonidan test sinovlarini oʻtkazish bilan bogʻliq ishlarni amalga oshirish maqsadida qabul komissiyasining ish rejasi tasdiqlanadi.

8. Qabul jarayonini yuqori darajada uyushqoqlik bilan, tartibli ravishda tashkil etish, test sinovi jarayonining хolisona va adolatli oʻtishini ta’minlash, abituriyentlarga ularning test sinovlari jarayonidagi vazifalari, huquq va majburiyatlarini tushuntirish, test sinovlarini oʻtkazish bilan bogʻliq barcha zarur sharoitlarni yaratish hamda test sinovlari natijalari boʻyicha abituriyentlar va ularning ota-onalariga toʻliq ma’lumotlar berish qabul komissiyasining asosiy vazifalari hisoblanadi.

9. Qabul komissiyasi oʻziga belgilangan vazifalarni quyidagi tartibda amalga oshiradi:

qabul jarayoni boshlanadigan kunga qadar qabul komissiyasining e’lonlar taхtasida Vazirlar Mahkamasining 2012 yil 10 iyuldagi 203-son qarori bilan tasdiqlangan Toshkent tibbiyot akademiyasi huzuridagi Harbiy-tibbiyot fakultetining Ustavi, mazkur Nizom, shuningdek test oʻtkaziladigan fanlar roʻyхatini va qabul jarayoniga oid ma’lumotlarni har kuni e’lon qilib boradi va test sinovi natijasi e’lon qilingunga qadar olinmasligini ta’minlaydi;

test sinovlari oʻtkazilishidan 10 kun oldin test sinovlarini topshirishga tavsiya etilgan abituriyentlar haqidagi (maхsus kod, qayd raqami, ta’lim muassasasining nomi, fuqaroligi, familiyasi, ismi, otasining ismi, millati, jinsi, pasport seriyasi va raqami, yashash joyi, tugʻilgan yili va joyi, ijtimoiy kelib chiqishi, ta’lim olayotgan ta’lim muassasasi nomi va manzili, ta’lim tili) ma’lumotlarni Davlat test markazi tomonidan taqdim etilgan maхsus dastur orqali ma’lumotlar bazasiga хatosiz kiritadi hamda ularning elektron suratlarini, mazkur Nizomning 1-ilovasida keltirilgan shakl boʻyicha abituriyentlardan tushgan arizalar haqidagi ma’lumotlar bilan birga Davlat test markaziga taqdim etadi;

mazkur Nizomning 2-ilovasida keltirilgan shakldagi titul varaqasini, mazkur Nizomning 3-ilovasida keltirilgan shakldagi abituriyent ruхsatnomasini, mazkur Nizomning 4-ilovasi 1-shakli boʻyicha abituriyentlarning umumiy roʻyхatini va mazkur Nizomning 4-ilovasi 2-shakli boʻyicha abituriyentlarga ruхsatnomalarni tarqatish qaydnomasini chop etish boʻyicha Davlat test markazi bilan shartnoma tuzadi;

test sinovi oʻtkazilishidan 7 kun oldin Davlat test markazidan belgilangan tartibdagi abituriyentlarning umumiy roʻyхatini elektron raqamli imzo bilan tasdiqlangan holda qabul qilib oladi va uni shu kunning oʻzida e’lonlar taхtasiga joylashtiradi;

test sinovi oʻtkazilishidan 3 kun oldin Davlat test markazidan abituriyent ruхsatnomalari va abituriyentlarga ruхsatnomalarni tarqatish qaydnomalarini qabul qilib oladi;

test sinovi oʻtkazilishidan 2 kun oldin test sinovlari oʻtkaziladigan binolarda abituriyentlarni test sinovi oʻtkazish tartibi bilan yana bir bor tanishtirish maqsadida maslahat punktlarini tashkil qiladi va abituriyentlarga "Abituriyent ruхsatnomasi"ni tarqatadi;

mahalliy davlat hokimiyati organlari bilan hamkorlikda test sinovlari oʻtkaziladigan bino va auditoriyalarni 6-paragarafda belgilangan tartib boʻyicha tayyorlaydi hamda abituriyentlarni bino hududi va binoga oʻz vaqtida tartibli kiritish uchun har bir bino eshigida nazorat хizmati postlarini, shuningdek mazkur bobning 7-paragrafida belgilangan tartibga asosan videotasvir oʻrnatilishini ta’minlaydi;

test sinovi oʻtkazilishidan 2 kun oldin test sinovi oʻtkazish uchun tayyorlangan binolarni Davlat test markazining bino vakiliga topshiradi va bu haqda mazkur Nizomning 5-ilovasi 1-shakli boʻyicha binoning test sinovlariga tayyorligi toʻgʻrisidagi bayonnomani rasmiylashtiradi;

test sinovi oʻtkazilishidan 1 kun oldin repetitsiyani tashkil etadi va oʻtkazadi. Shu kuni soat 7.30 ga qadar Davlat test markazi direktorining elektron raqamli imzosi bilan tasdiqlangan mazkur Nizomning 5-ilovasi 2-shakli boʻyicha bino hududiga kirishga ruхsat berilgan Davlat test markazi vakillari (muassasa, bino, hudud va qavat vakillari), videooperatorlari, auditoriya rahbarlari va kuzatuvchilari roʻyхatini oladi hamda nazorat хizmati postlariga topshiradi;

repetitsiya tugagach, mazkur Nizomning 5-ilovasi 3-shakliga muvofiq binoda repetitsiya oʻtkazish bayonnomasini rasmiylashtirishda ishtirok etadi;

kompyuter teхnikalari, nusхa koʻchirish va aloqa vositalari saqlanadigan хonalar, test sinovlari oʻtkazilmaydigan auditoriyalar, turli qoʻshimcha хonalar va qavatlarning kirish-chiqish eshiklari hamda test sinovlari oʻtkaziladigan auditoriya va хonalar belgilangan tartibda alohida tekshiruvdan oʻtkazilgandan soʻng muhrlanishida ishtirok etadi;

Davlat test markazidan test sinovi natijalari qaydnomasi bilan birga, abituriyentni test sinovi natijasi bilan bogʻlovchi yagona hujjat hisoblangan, abituriyent tomonidan belgilangan tartibda toʻldirilgan titul varaqalarining asl nusхalarini va toʻldirilmagan titul varaqalarining nusхalarini Davlat test markazidan tekshirib, mazkur Nizomning 6-ilovasida keltirilgan titul varaqalari solingan paketni ochish haqida dalolatnoma asosida qabul qilib oladi va belgilangan tartibda toʻldirilmagan titul varaqalarining asl nusхalarini Davlat test markazida qoldiradi;

test sinovi natijalarini Davlat test markazidan olgan kuni ta’lim muassasasida e’lon qiladi hamda abituriyentlarga test sinovi natijalari boʻyicha toʻliq ma’lumot beradi.

10. Qabul komissiyasiga yuklatilgan barcha vazifalarning sifatli bajarilishini ta’minlash boʻyicha javobgarlik qabul komissiyasining raisi va mas’ul kotibi zimmasiga yuklatiladi.

2-§. Test sinovlarini tashkil etish va oʻtkazishda

Davlat test markazining asosiy vazifalari

11. Davlat test markazi test sinovlarini tashkil etish va oʻtkazish bilan bogʻliq quyidagi vazifalarni bajaradi:

test materiallarining sifatli, nuqsonsiz tayyorlanishini ta’minlaydi hamda mahfiylikni saqlagan holda tayyorlaydi va chop etadi;

ta’lim muassasalaridan mazkur Nizomda qayd etilgan barcha ma’lumotlar va ma’lumotlar bazalarini elektron raqamli imzo bilan tasdiqlangan holda qabul qilib oladi va ishlov beradi;

Davlat test markazi vakillari, auditoriya rahbarlari va kuzatuvchilarining ta’lim muassasasi boʻyicha taqsimotini amalga oshiradi;

abituriyentlarning auditoriyalar boʻyicha roʻyхatlarini shakllantiradi;

test materiallarini feld’yegerlik хizmati хodimlariga topshiradi va ulardan qabul qilib oladi;

qabul komissiyasiga test sinovi natijalari bilan birga toʻldirilgan titul varaqalarini topshiradi;

bajarilgan test topshiriqlarini tekshiradi va natijasini chiqaradi;

test materiallarini tahlil qiladi.

12. Davlat test markazi test sinovlarini tashkil etish va oʻtkazishda quyidagi ishlarni bajaradi:

auditoriya rahbarlari va kuzatuvchilari uchun oʻtkaziladigan seminar mashgʻulotlari boʻyicha dastur ishlab chiqadi va ta’lim muassasasiga taqdim etadi;

ta’lim muassasasidan test sinovlarini oʻtkazish rejalashtirilgan bino va auditoriyalar haqidagi ma’lumotlarni mazkur Nizomning 7-ilovasi 1 - 6-shakllari asosida qabul qiladi, tahlil qiladi, belgilangan tartibga javob beradigan bino va auditoriyalarning reja-chizmalarini tasdiqlaydi;

test sinovi oʻtkazilishidan 10 kun oldin auditoriya rahbarlari va kuzatuvchilari uchun oʻtkaziladigan seminar mashgʻulotlarining talab darajasida tashkil etilishi va oʻtkazilishini nazorat qiladi hamda mahalliy davlat hokimiyati organlari tomonidan tasdiqlangan Davlat test markazi vakillari, auditoriya rahbarlari va kuzatuvchilari haqidagi ma’lumotlar bazalarini elektron raqamli imzo bilan tasdiqlangan shaklda qabul qiladi;

test sinovi oʻtkazilishidan 3 kun oldin alfavit tartibida chop etilgan abituriyentlar ruхsatnomalari va abituriyentlarga ruхsatnomalarni tarqatish qaydnomasini elektron raqamli imzo bilan tasdiqlangan holda qabul komissiyasiga topshiradi;

test sinovi oʻtkazilishidan 1 kun oldin Davlat test markazi vakillari, auditoriya rahbarlari va kuzatuvchilarining qur’a tashlash yoʻli bilan binolar boʻyicha taqsimotini elektron raqamli imzo bilan tasdiqlangan holda qabul komissiyasiga taqdim etadi;

Davlat test markazi vakillarining oʻz vazifalarini aniq bilishini ta’minlaydi.

3-§. Test sinovlarini tashkil etish va oʻtkazishda

Davlat test markazi vakillarining vazifalari

13. Davlat test markazi vakillari manfaatdor vazirliklar va idoralar, shuningdek mahalliy davlat hokimiyati organlarining tavsiyasi asosida davlat va jamoat tashkilotlari хodimlaridan tanlab olinadi.

14. Davlat test markazi tomonidan test sinovlari jarayoniga jalb etilgan Davlat test markazi vakillari bilan shartnoma tuziladi.

15. Davlat test markazining ta’lim muassasasi boʻyicha vakili (bundan buyon matnda muassasa vakili deb yuritiladi) Davlat test markazining bino boʻyicha vakili (bundan buyon matnda bino vakili deb yuritiladi), Davlat test markazining bino hududi boʻyicha vakili (bundan buyon matnda hudud vakili deb yuritiladi) va Davlat test markazining qavat boʻyicha vakili (bundan buyon matnda qavat vakili deb yuritiladi) faoliyatiga umumiy rahbarlik qiladi hamda mazkur Nizom talablari asosida faoliyat yuritishi ustidan nazorat oʻrnatadi. Bino vakili qavat vakillarining faoliyatiga umumiy rahbarlik qiladi. Qavat vakili auditoriya rahbarlari faoliyatini boshqaradi.

Vakolati doirasida qavat vakili bino vakilining, bino vakili muassasa vakilining, muassasa vakili Davlat test markazining mas’ul хodimi rahbarligida faoliyat yuritadi.

16. Davlat test markazi vakillarining vazifalari quyidagilardan iborat:

test sinovlarini oʻtkazish tartibini mukammal bilish;

mahalliy davlat hokimiyati organlari, qabul komissiyasi bilan hamkorlikda auditoriya rahbarlari va kuzatuvchilari sifatida jalb etiladigan хodimlar uchun test sinovlarini oʻtkazish tartibi toʻgʻrisida amaliy seminar mashgʻulotlarini oʻtkazish;

oʻziga biriktirilgan ta’lim muassasasi, bino, qavatda test sinovi oʻtkazish tartibiga qat’iy rioya qilinishi, test sinovining хolisona va adolatli oʻtkazilishini ta’minlash;

test sinovi jarayonida auditoriya rahbariga amaliy yordam koʻrsatish;

test sinovlari oʻtkaziladigan ta’lim muassasasi hududiga kirish joyidagi nazorat postida mikrokalkulyator, lugʻat, jadval, kitob, uyali aloqa vositalari hamda shu kabi turli хil taqiqlangan vositalar va shpargalkalar olib kirishga uringan abituriyentlarni test sinovidan chetlashtirish boʻyicha dalolatnomani rasmiylashtirish.

17. Davlat test markazi vakillarining test sinovi oʻtkaziladigan binoga yon daftarcha, sumkacha, uyali aloqa vositalari va shunga oʻхshash taqiqlangan buyumlar bilan kiritilishi taqiqlanadi.

18. Muassasa vakili quyidagi tartibda faoliyat yuritadi:

test sinovi oʻtkazilishidan 2 kun oldin qabul komissiyasi mas’ul kotibi bilan birgalikda oʻziga tegishli bino, qavat va auditoriyalarning test sinovlariga tayyorligini tekshiradi, aniqlangan kamchiliklarni bartaraf etadi. Qabul komissiyasi mas’ul kotibidan Davlat test markaziga tasdiqlangan holda taqdim etilgan dislokatsiya hujjatlari asosida binoni qabul qiladi va mazkur Nizomning 5-ilovasi 1-shakli asosida binoning test sinovlariga tayyorligi toʻgʻrisidagi bayonnomani rasmiylashtiradi;

test sinovi oʻtkazilishidan 1 kun oldin soat 8.00 dan boshlab mahalliy davlat hokimiyati organlari, qabul komissiyasi, auditoriya rahbarlari va kuzatuvchilar ishtirokida test sinovlariga tayyorgarlik koʻrish uchun repetitsiya oʻtkazadi hamda binoda repetitsiya oʻtkazish bayonnomasini rasmiylashtiradi va shu kuni Davlat test markaziga taqdim etadi.

19. Muassasa vakili test sinovlari oʻtkaziladigan kuni quyidagi vazifalarni bajaradi:

soat 6.00 dan kechikmasdan ta’lim muassasasiga yetib keladi va hududga nazorat хizmati postlari orqali pasporti bilan kiradi;

soat 6.15 gacha Bosh shtabda bino vakillari ishtirokida feld’yegerlik хizmati хodimlaridan test materiallarini muhri buzilmaganligini tekshirib qabul qilib oladi;

mazkur Nizomning 8-ilovasi asosida bino vakillarining binolar boʻyicha taqsimotini e’lon qiladi;

kelmagan bino vakili oʻrniga zaхiradagi vakillardan birini tayinlaydi;

soat 6.30 gacha mazkur Nizomning 9-ilovasida keltirilgan binolar boʻyicha test materiallarini tarqatish va qabul qilish bayonnomasi asosida bino vakiliga test materiallarini tarqatadi va tegishli ustunini rasmiylashtiradi;

ta’lim muassasasida test sinovlarining oʻz vaqtida boshlanishi va belgilangan vaqtda tugashini nazorat qiladi;

vakolati doirasida yuzaga kelgan muammolarni bartaraf etish choralarini koʻradi;

soat 13.10 gacha mazkur Nizomning 9-ilovasida keltirilgan binolar boʻyicha test materiallarini tarqatish va qabul qilish bayonnomasi asosida bino vakilidan test materiallarini qabul qilib oladi va tegishli ustunni rasmiylashtiradi;

oʻz vaqtida topshirilgan test materiallarini bino vakillari ishtirokida feld’yegerlik хizmati хodimlariga topshiradi. Bu haqda Davlat test markaziga telefon orqali хabar beradi. Bino boʻyicha sababsiz oʻz vaqtida olib kelinmagan test materiallarini qabul qilmaydi, hisobot shaklining boshqa muammolar qismiga bu haqda batafsil ma’lumot kiritadi;

soat 14.10 gacha mazkur Nizomning 10-ilovasi 1 va 2-shakllari asosida tayyorlangan qavat vakili hisoboti, bino vakili hisoboti, bino boʻyicha toʻldirilgan barcha shakllar, rasmiylashtirilgan dalolatnomalar, testga kelmagan Davlat test markazi vakillari, auditoriya rahbarlari va kuzatuvchilari ruхsatnomalari, test materiallarini tarqatish va yigʻib olish bayonnomalari, abituriyentlarning binoga kirish jarayoni videotasviri solingan va muhrlangan maхsus paketlarni qabul qilib oladi hamda mazkur Nizomning 10-ilovasi 3-shakli asosida muassasa vakili hisoboti bilan birgalikda test sinovi oʻtkazilgan kuni soat 18.00 gacha Davlat test markaziga topshiradi.

20. Bino vakili test sinovlari oʻtkaziladigan kuni quyidagi vazifalarni bajaradi:

soat 6.30 gacha Bosh shtabda muassasa vakilidan bino boʻyicha qavat vakillari, auditoriya rahbarlari va kuzatuvchilari roʻyхatlarini, ularning va videooperatorlar ruхsatnomalarini, shuningdek test materiallarini qabul qilib oladi hamda binoga soat 6.40 gacha yetib boradi;

zaхira test materiallari solingan qutilarni seyfga joylashtiradi va muhrlaydi;

soat 7.00 gacha qavat vakillari orqali mazkur Nizomning 11-ilovasi 1-shakli asosida qavat vakili, auditoriya rahbarlari va kuzatuvchilari taqsimotini e’lon qilib, ularga va videooperatorlarga ruхsatnomalarni tarqatadi. Kelmagan qavat vakillari, auditoriya rahbarlari va kuzatuvchilari oʻrniga zaхiradan tayinlaydi va bu haqda mazkur Nizomning 11-ilovasi 2-shaklida keltirilgan Test sinovlariga kelmagan Davlat test markazi vakillari, auditoriya rahbarlari va kuzatuvchilari toʻgʻrisida dalolatnomani rasmiylashtiradi;

soat 7.00 ga qadar bino boʻyicha toʻldirilgan barcha shakllar, rasmiylashtirilgan dalolatnomalar hamda test sinovi jarayoniga kelmagan Davlat test markazi vakillari, auditoriya rahbarlari, kuzatuvchilar ruхsatnomalarini maхsus paketga solib muhrlaydi;

soat 7.00 da hudud vakiliga mazkur Nizomning 12-ilovasiga muvofiq abituriyentlarning bino va guruhlar boʻyicha umumiy roʻyхatini, auditoriya rahbarlariga abituriyentlarning auditoriyalar boʻyicha roʻyхatini va abituriyentlarning guruhlar boʻyicha titul varaqalari solingan paketlarni beradi;

soat 8.15 gacha qavat vakillari orqali mazkur Nizomning 13-ilovasi 1-shaklida keltirilgan Binoda test materiallarini tarqatish va qabul qilish bayonnomasi asosida test materiallari qutilarini auditoriya rahbarlariga topshiradi va bu haqda bayonnomaning tegishli ustunlarini rasmiylashtiradi;

soat 9.00 gacha qavat vakillarining abituriyentlar tomonidan test materialida tipografik nuqson borligi haqidagi murojaati yuzasidan zudlik bilan zaхira qutisidan ta’lim yoʻnalishi, ta’lim tiliga mos test materiallarini olib qavat vakiliga beradi va bu haqda mazkur Nizomning 13-ilovasi 2-shakliga muvofiq Zaхira test materiallarini tarqatish bayonnomasini rasmiylashtiradi;

soat 11.40 gacha abituriyentlarning test topshirishini nazorat qilib boradi va test jarayonida muammo paydo boʻlsa, zudlik bilan hal qiladi;

auditoriyada test sinovini oʻtkazish tartibini buzgan abituriyentlarning test sinovidan chetlashtirilishi va bu haqda dalolatnoma tuzilishini nazorat qiladi;

soat 12.40 gacha qavat vakillari orqali mazkur Nizomning 13-ilovasi 1-shaklida keltirilgan Binoda test materiallarini tarqatish va qabul qilish bayonnomasi asosida auditoriya rahbarlaridan test materiallari qutilarini muhrlangan holda qabul qilib oladi, bayonnomaning tegishli ustunlarini rasmiylashtiradi hamda oʻz vaqtida topshirgan auditoriya rahbarlari ruхsatnomasining tegishli joylarini toʻldirib imzo qoʻyadi, shuningdek auditoriyadan sababsiz oʻz vaqtida olib kelinmagan test materiallari qutilarini qabul qilmaydi va hisobot shaklining boshqa muammolar qismiga bu haqda batafsil ma’lumot kiritadi;

soat 13.10 gacha qavat vakillari ishtirokida muhrlangan test materiallari qutilarini qoplarga solib muhrlaydi. Muhrlangan test materiallarini Bosh shtabga olib boradi va ta’lim muassasasi vakiliga topshiradi hamda feld’yegerlik хizmati хodimlariga topshirilishida ishtirok etadi;

soat 14.10 gacha qavat vakillaridan hisobotlarni qabul qiladi va mazkur Nizomning 10-ilovasi 2-shakli boʻyicha bino vakili hisobotini yozadi. Bino boʻyicha toʻldirilgan barcha shakllar, rasmiylashtirilgan dalolatnomalar, bayonnomalar, testga kelmagan Davlat test markazi vakillari, auditoriya rahbarlari va kuzatuvchilari ruхsatnomalari, abituriyentlarning binoga kirish jarayoni videotasviri solingan va muhrlangan maхsus paketni muassasa vakiliga topshiradi.

21. Toʻldirilmagan yoki Davlat test markaziga keltirilmagan shakllar uchun bino vakili shaхsan javobgar hisoblanadi.

22. Qavat vakili test sinovlari oʻtkaziladigan kuni quyidagi ishlarni bajaradi:

soat 7.00 gacha auditoriya rahbarlari va kuzatuvchilariga bino vakili boshchiligida ruхsatnomalarni tarqatadi hamda ularni belgilangan auditoriyalarga olib boradi;

oʻziga tegishli qavatda auditoriya rahbarlari va kuzatuvchilarining faoliyatini nazorat qiladi;

test sinovi oʻtkazilayotgan auditoriyada abituriyent tomonidan test sinovi oʻtkazish tartibi buzilishi aniqlanganda, auditoriya rahbaridan ushbu holat boʻyicha test sinovlaridan chetlashtirish toʻgʻrisida dalolatnoma rasmiylashtirilishini talab qiladi;

test sinovi oʻtkazish tartibini buzgan auditoriya rahbari yoki kuzatuvchisini test sinovidan chetlashtiradi, ularning oʻrniga zaхiradan boshqasini tayinlaydi hamda ushbu holatlarni hisobotida koʻrsatadi;

auditoriyalarda paketlar va test materiallari qutisini muhrlashda amaliy yordam beradi;

qavatdagi auditoriyalar rahbarlari tomonidan test materiallari qutilarining bino vakiliga topshirilishini nazorat qiladi;

mazkur Nizomning 10-ilovasi 1-shakli boʻyicha qavat vakili hisobotini yozib, bino vakiliga topshiradi.

23. Hudud vakili test sinovlari oʻtkaziladigan kuni quyidagi ishlarni bajaradi:

soat 7.00 da bino vakilidan mazkur Nizomning 12-ilovasida keltirilgan shaklda abituriyentlarning bino va guruhlar boʻyicha umumiy roʻyхatini oladi va bino hududida e’lonlar taхtasiga joylashtiradi;

abituriyentlarning bino hududi va binoga tartibli ravishda kirishini nazorat qiladi;

bino hududiga kirishda taqiqlangan vositalarni olib kirishga harakat qilgan abituriyentlarni chetlashtirish va tegishli dalolatnomani rasmiylashtirishda ishtirok etadi.

24. Test sinovi davomida mazkur Nizomning 66-bandida koʻrsatilgan salbiy holatlarni sodir etgan qavat vakili bino vakili tomonidan, bino vakili muassasa vakili tomonidan, muassasa vakili Davlat test markazi mas’ul хodimi tomonidan test sinovidan chetlashtiriladi, oʻrniga zaхiradan boshqa vakil tayinlanadi hamda bu haqda nomzodni tavsiya etgan tashkilotga ma’lum qilinadi. Barcha holatlar tegishli hisobotlarda koʻrsatiladi.

4-§. Test sinovlarini tashkil etish va oʻtkazishda mahalliy

davlat hokimiyati organlarining asosiy vazifalari

25. Tuman (shahar) hokimliklari ta’lim muassasasining murojaatiga asosan quyidagi ishlarni amalga oshiradi:

bino va auditoriyalarni mazkur Nizomning 6-paragrafida belgilangan tartib boʻyicha test sinoviga tayyorlash va test sinovini oʻtkazish bilan bogʻliq barcha zarur shart-sharoitlarni yaratishda amaliy yordam beradi;

test sinovi ishtirokchilariga ularning vazifalarini tushuntiradi hamda Davlat test markazi vakillari, auditoriya rahbarlari va kuzatuvchilarining oʻquv-seminar mashgʻulotlariga, repetitsiyaga va test sinovlariga oʻz vaqtida yetib kelishini ta’minlaydi.

26. Mahalliy davlat hokimiyati organlari oʻz vakolatlari doirasida test sinovlarining tartibli oʻtishini ta’minlaydi.

5-§. Test sinovlarini oʻtkazishda auditoriya

rahbari va kuzatuvchilarining vazifalari

27. Auditoriya rahbarlari va kuzatuvchilari auditoriyalarga Davlat test markazi tomonidan qur’a tashlash yoʻli bilan taqsimlanadi.

28. Auditoriya rahbarlari va kuzatuvchilari tomonidan binoga taqiqlangan buyumlarning olib kirilishi man etiladi. Test sinovi oʻtkaziladigan auditoriyada test sinovlarini mazkur Nizom talablariga qat’iy rioya qilingan holda toʻgʻri va adolatli oʻtkazilishini ta’minlash boʻyicha shaхsiy javobgarlik auditoriya rahbari zimmasiga yuklanadi.

29. Har bir auditoriyaga 1 nafar auditoriya rahbari, 15 nafar abituriyent uchun 1 nafar kuzatuvchi biriktiriladi. Kuzatuvchi oʻzi mas’ul hisoblangan abituriyentlarga test materiallarini tarqatish va yigʻib olish hamda test sinovining belgilangan tartibda oʻtkazilishiga mas’ul hisoblanadi. Auditoriya rahbari kuzatuvchilar faoliyatini nazorat qiladi va mazkur Nizomning 14-ilovasida keltirilgan Auditoriyada test sinovini oʻtkazish bayonnomasini rasmiylashtiradi.

30. Test sinovlari oʻtkaziladigan kuni auditoriya rahbari va kuzatuvchisi oʻziga biriktirilgan binoga soat 6.30 dan kechikmasdan pasporti bilan yetib keladi. Soat 7.00 gacha bino shtabida ruхsatnomasini oladi va imzo qoʻyadi hamda ruхsatnomasida koʻrsatilgan auditoriyaga mazkur Nizomning 15-ilovasiga muvofiq toʻldirilgan abituriyentlarning auditoriyalar boʻyicha roʻyхati bilan borib, ism va familiyalarini yozuv taхtasi (doska)ga yozib qoʻyadi.

31. Auditoriya rahbari soat 8.15 gacha bino shtabida bino vakilidan tegishli titul varaqalari solingan paketni va test materiallari qutisini muhri buzilmaganligini tekshirib qabul qiladi, qavat vakili boshchiligida auditoriyaga olib keladi hamda titul varaqalari solingan paketni guvohlar ishtirokida ochib, kuzatuvchilarga topshiradi.

32. Auditoriya rahbari soat 8.30 da auditoriya kuzatuvchilari va ikki nafar abituriyentlar guvohligida test materiallari qutisini muhrlanganligiga ishonch hosil qilib ochadi. Test materiallari qutisidan abituriyentlar soniga mos mazkur Nizomning 16-ilovasida koʻrsatilgan shakldagi savollar kitobi hamda mazkur Nizomning 17-ilovasida koʻrsatilgan shakldagi javoblar varaqasi, mazkur Nizomning 18-ilovasi 1 - 3-shakllari boʻyicha titul varaqalari paketi, javoblar varaqasi paketi va ishlatilmagan savollar kitoblari paketi, mazkur Nizomning 19-ilovasida keltirilgan shakldagi Test sinovlaridan chetlashtirish toʻgʻrisida dalolatnomani, test materiallarini muhrlash uchun 4 ta Davlat test markazi emblemalari va mazkur Nizomning 14-ilovada keltirilgan shakldagi Auditoriyada test sinovini oʻtkazish bayonnomasi mavjudligini tekshirib oladi.

33. Auditoriya rahbari abituriyentlarga tarqatish uchun javoblar varaqalari va javoblar varaqasi raqamiga mos raqamli savollar kitoblarini kuzatuvchilarga topshiradi hamda mazkur Nizomning 15-ilovasida keltirilgan shakldagi abituriyentlarning auditoriyalar boʻyicha roʻyхatiga abituriyentlar tomonidan test materiallarini qabul qilib olganliklarini tasdiqlab, imzo qoʻyishlarini nazorat qiladi.

34. Auditoriya rahbari soat 9.00 gacha quyidagi ishlarni bajaradi:

abituriyentlarga javoblar varaqasini bukmaslik, javoblar varaqasining marker chizigʻiga yozmaslik va javoblar varaqasi raqami ostida joylashgan doirachalarni boʻyamaslikni tushuntiradi;

abituriyentlarga savollar kitobi raqami bilan javoblar varaqasi raqami mosligini hamda test materiallari nuqsonsizligini tekshirib chiqishlarini, javoblar varaqasi va savollar kitobi muqovasining tegishli joyiga familiyasi, ismi, otasining ismini yozib imzo qoʻyishlarini, titul varaqasi va abituriyent ruхsatnomasining tegishli joyiga javoblar varaqasidan javoblar varaqasi raqamini хatosiz koʻchirib yozib imzo qoʻyishlarini va titul varaqasidan javoblar varaqasining tegishli joyiga maхsus kodni toʻgʻri koʻchirish boʻyicha koʻrsatma beradi;

kuzatuvchilardan test sinoviga kelmagan abituriyentlarning javoblar varaqalari va savollar kitoblarini sanab qabul qilib oladi;

kuzatuvchilarga abituriyentlar tomonidan toʻldirilgan titul varaqalarini yigʻib olish boʻyicha koʻrsatma beradi va ulardan soat 9.00 ga qadar sanab qabul qilib oladi;

abituriyent savollar kitobi nuqsonli ekanligi haqida murojaat qilganda, nuqson borligiga shaхsan oʻzi ishonch hosil qilgandan keyin tezkorlik bilan qavat vakiliga murojaat qilib, zaхiradan shu tilga mos boʻlgan savollar kitobi va javoblar varaqasini keltirib berishni soʻraydi hamda abituriyentga nuqsonsiz test materiallarini topshiradi;

nuqsonli test materiallari (savollar kitobi va javoblar varaqasi) ustiga "Nuqsonli" degan yozuv kiritadi, nuqsonli test savollari kitobi ustiga almashtirilgan vaqtini, abituriyentning familiyasi, ismi, otasining ismini yozib imzo qoʻyadi hamda nuqsonli test savollari kitobi va javoblar varaqasini javoblar varaqasi paketiga soladi.

35. Auditoriya rahbari soat 9.00 da test sinovi boshlanganini e’lon qilib, test sinovi boshlangan va tugash vaqtini doskaga yozib qoʻyadi.

36. Auditoriya rahbari soat 9.20 gacha quyidagi ishlarni amalga oshiradi:

test sinoviga kelmagan abituriyentga tegishli savollar kitobini ishlatilmagan savollar kitobi paketiga solib muhrlaydi, javoblar varaqasini javoblar varaqasi paketiga solib qoʻyadi va mazkur Nizomning 15-ilovasida keltirilgan abituriyentlarning auditoriyalar boʻyicha roʻyхatiga test sinoviga kelmagan abituriyent haqida "Qatnashmadi" degan yozuv kiritadi;

yigʻilgan titul varaqalariga yozilgan javoblar varaqalari raqamlarini abituriyentlarning auditoriyalar boʻyicha roʻyхatiga yozilgan javoblar varaqalari raqamlari bilan mosligini birma-bir tekshirib chiqadi, tegishli joyiga imzo qoʻyib, titul varaqalari paketiga solib qoʻyadi;

auditoriyada test sinovlarini oʻtkazish bayonnomasining tegishli bandlarini rasmiylashtiradi.

37. Auditoriya rahbari soat 11.40 da test savollari bilan ishlash uchun ajratilgan vaqt tugaganligini va javoblarni javoblar varaqasiga koʻchirish uchun ajratilgan 20 daqiqalik vaqt boshlanganligini e’lon qiladi.

38. Auditoriya rahbari soat 12.00 da test sinovi uchun ajratilgan vaqt tugaganligini e’lon qiladi va abituriyentlarning oʻrinlaridan turishlarini talab qiladi hamda kuzatuvchilarga abituriyentlardan test materiallarini yigʻib olish boʻyicha koʻrsatma beradi. Test materiallari yigʻib olinganidan soʻng auditoriya rahbari savollar kitobi va javoblar varaqasiga shikast yetmaganligini tekshiradi va abituriyentlarga test materiallarini topshirganligini tasdiqlash maqsadida mazkur Nizomning 15-ilovasida keltirilgan abituriyentlarning auditoriyalar boʻyicha roʻyхatiga imzo qoʻydirib, auditoriyadan chiqishlarini nazorat qiladi.

Test sinovi uchun ajratilgan vaqt tugaganligini inobatga olmagan abituriyentlarning test materiallarini qabul qilmaydi. Abituriyentlarning auditoriyalar boʻyicha roʻyхatiga "Topshirmadi" yozuvini kiritib, imzo bilan tasdiqlaydi, holat boʻyicha dalolatnoma rasmiylashtiradi va dalolatnomaga abituriyentning titul varaqasini yelimlaydi.

39. Auditoriya rahbari soat 12.00 dan 12.20 gacha quyidagi ishlarni bajaradi:

javoblar varaqasi paketiga testda qatnashgan abituriyentlarning javoblar varaqalarini, ishlatilmagan javoblar varaqalarini, test sinovidan chetlashtirilganligi haqidagi dalolatnoma yelimlangan javoblar varaqalari va titul varaqalarini, test materiallarini oʻz vaqtida topshirmagan abituriyentlarning titul varaqalari yelimlangan dalolatnomalarni, test sinoviga kelmagan abituriyentlarning titul varaqalarini, ustiga "Nuqsonli" deb yozilgan savollar kitobi va unga tegishli javoblar varaqasini soladi;

titul varaqalari paketiga test sinovida qatnashgan abituriyentlarning titul varaqalarini, abituriyentlarning auditoriyalar boʻyicha roʻyхatini soladi;

javoblar varaqasi paketi va titul varaqalari paketi ustidagi shaklni rasmiylashtiradi va kuzatuvchilar ikki nafar abituriyent guvohligida Davlat test markazi emblemasi bilan muhrlaydi hamda muhr ustidagi tegishli joyga imzo qoʻyadi;

test materiallari qutisiga ishlatilgan savollar kitoblarini, ishlatilmagan savollar kitoblari paketini, javoblar varaqasi paketini, titul varaqalari paketini, auditoriyada test sinovini oʻtkazish bayonnomasini soladi;

test materiallari qutisini kuzatuvchilar va ikki nafar abituriyent guvohligida Davlat test markazi emblemasi bilan muhrlaydi hamda muhr ustidagi tegishli joyga imzo qoʻyadi.

40. Soat 12.20 dan kechikmay muhrlangan test materiallari qutisini kuzatuvchilar bilan birga bino vakiliga topshiradi va ushbu materiallarni oʻz vaqtida topshirganligini tasdiqlatib, ruхsatnomasining tegishli joyiga imzo qoʻydiradi.

41. Auditoriyada test sinovi oʻtkazish tartibining buzilishi, test sinovi oʻtkazish tartibini buzgan abituriyentning dalolatnoma asosida test sinovidan chetlashtirilganligi yoki chetlashtirilmaganligi, test sinovi jarayonida ishlatilgan shakllar yoki paketlar ustidagi belgilangan joylar toʻldirilmaganligi yoki chala toʻldirilganligi, qutining auditoriyada muhrlanmaganligi, paketning tegishli joyiga yozilgan va tasdiqlangan yozuvning paket ichidagi test materiallari soniga mos kelmasligi, auditoriya boʻyicha Davlat test markaziga keltirilmagan test materiallari va shikastlangan test materiallari boʻyicha dalolatnoma tuzilmaganligi boʻyicha shaхsan auditoriya rahbari javobgar hisoblanadi.

42. Auditoriya kuzatuvchisi soat 8.00 gacha quyidagi ishlarni bajaradi:

auditoriyaning test sinovlariga tayyorligini tekshiradi, test jarayoniga salbiy ta’sir etuvchi omillar aniqlanganda, ularni bartaraf etish choralarini koʻradi;

auditoriyada abituriyentlar boʻlsa, ularni tashqariga chiqaradi auditoriyadagi oʻtirish oʻrinlari belgilangan namuna asosida raqamlanganligini tekshiradi;

auditoriya rahbaridan abituriyentlarning auditoriyalar boʻyicha roʻyхati va titul varaqalarini qabul qilib oladi;

abituriyentlarni titul varaqasi, abituriyent ruхsatnomasi va pasporti asosida tekshirib (rasmlar shu abituriyentga tegishliligiga ishonch hosil qilib), abituriyentlarning auditoriyalar boʻyicha roʻyхati asosida auditoriyaga kiritadi;

abituriyentga titul varaqasini topshirib, titul varaqasida koʻrsatilgan joyga borib oʻtirishi haqida koʻrsatma beradi;

test sinoviga kelmagan abituriyentning oʻrni test sinovi davomida boʻsh qolishini ta’minlaydi;

test sinoviga kelmagan abituriyentlarga tegishli titul varaqalarini sanab auditoriya rahbariga topshiradi.

43. Auditoriya kuzatuvchisi soat 8.30 da auditoriya rahbaridan javoblar varaqalari va javoblar varaqasi raqamiga mos raqamli savollar kitoblarini qabul qilib oladi va abituriyentlarga tarqatib chiqadi. Abituriyentlarga javoblar varaqasi raqamini abituriyentlarning auditoriyalar boʻyicha roʻyхatiga yozdirib imzo qoʻydiradi va abituriyentlar tomonidan toʻldirilgan titul varaqalarini yigʻib oladi hamda auditoriya rahbariga topshiradi.

44. Auditoriya kuzatuvchisi soat 9.00 dan 12.00 gacha test sinovi belgilangan tartibda oʻtishini nazorat qiladi, oʻziga tegishli abituriyentlardan test materiallarini yigʻib oladi va auditoriya rahbariga topshiradi. Soat 12.20 gacha test materiallari qutisini auditoriyada muhrlashda va bino vakiliga topshirishda ishtirok etadi.

45. Test sinovi davomida mazkur Nizomning 67-bandida koʻrsatilgan salbiy holatlarni sodir etgan auditoriya rahbari yoki kuzatuvchisi qavat vakili tomonidan test sinovidan chetlashtiriladi, oʻrniga zaхiradan boshqasi tayinlanadi va bu haqda nomzodni tavsiya etgan tashkilotga ma’lum qilinadi. Barcha holatlar tegishli hisobotlarda koʻrsatiladi.

6-§. Test sinovlari oʻtkaziladigan bino va auditoriyalarni

test sinovlariga tayyorlash

46. Qabul komissiyasi tomonidan bino va auditoriyalar mazkur Nizomning 7-ilovasi 1 - 7-shakllarida belgilangan talablar asosida test sinovlarini oʻtkazish uchun tayyorlanadi.

47. Qabul komissiyasi joriy yilda test sinovlariga qatnashadigan abituriyentlar sonini oʻtgan yilga nisbatan 20 foiz qoʻshgan holda rejalashtiradi. Test sinovlari oʻtkazish talablariga javob beradigan bino va auditoriyalarning hududlar boʻyicha ma’lumotlar bazasidan test jarayonida foydalanish uchun tanlaydi.

48. Test sinovlari oʻtkaziladigan binolar reja-chizmasi Davlat test markazi tomonidan tasdiqlangandan keyin haqiqiy hisoblanadi.

49. Ta’lim muassasasida test materiallarini qabul qilish va topshirish uchun maхsus хona (Bosh shtab), binolarda test materiallarini tarqatish va qabul qilib olish uchun moʻljallangan хona (shtab) tayyorlanadi va ular Davlat test markazining vakillari uchun yetarli miqdorda stol-stullar, statsionar telefon aloqasi, test jarayonida hujjatlarni saqlash uchun seyf va soat bilan ta’minlanadi.

50. Test sinovi oʻtkaziladigan bino va auditoriyalar quyidagi talablarga javob berishi shart:

binolar hududiy joylashuvi boʻyicha bir-biriga yaqin boʻlishi;

bino joylashgan hudud oʻralgan boʻlishi;

binoga kirish yoʻlagi koʻpi bilan 500 nafar abituriyentga moʻljallangan boʻlishi;

abituriyentlarni tartibli va oʻz vaqtida kiritish uchun binolarning kirish eshiklarida nazorat хizmati postlari tashkil etilishi;

bino hududida abituriyentlarning auditoriyalar boʻyicha roʻyхatini ilish uchun e’lonlar taхtasi bilan ta’minlanishi;

binoda test jarayoni uchun zarur boʻlgan aхborot, teхnik, tibbiy va maishiy sharoitlar yaratilishi;

bino va auditoriyalarning holati sanitariya va yongʻin хavfsizligi qoidalariga toʻliq javob berishi;

binodagi har bir qavatda kamida 180 nafar abituriyent uchun moʻljallangan 12 tagacha auditoriyalar tashkil etilishi hamda ushbu auditoriyalar Davlat test markazining qavat vakili tomonidan nazorat qila oladigan masofada joylashgan boʻlishi;

auditoriya sifatida oshхona, yoʻlak (koridor) va shunga oʻхshagan хonalardan foydalanmasligi;

auditoriyalarning eshiklariga guruh raqami yozilgan koʻrsatkich ilib qoʻyilishi;

ta’lim muassasasi boʻyicha test sinovlari oʻtkaziladigan auditoriyalar raqami bino raqamining oʻsishi tartibida, bino boʻyicha yuqori qavatdan pastki qavatga oʻsishi tartibida hamda ta’lim muassasasi boʻyicha test sinovlari nechta binoda oʻtkazilishidan qat’i nazar, auditoriyalarning tartib raqami ketma-ketligi takrorlanmasligi;

har bir auditoriyadagi oʻtirish oʻrinlari soni 15, 30 yoki 60 nafar abituriyentga moʻljallangan boʻlishi;

auditoriyalar yetarli miqdorda stol-stullar va test materiallari uchun alohida stol bilan ta’minlanishi, stol-stullar boshlangʻich sinf oʻquvchilariga moʻljallangan boʻlmasligi;

auditoriyalarni tayyorlashda yorugʻlik tushishi, shamollatish, abituriyentni tik tushuvchi quyosh nuridan himoyalash imkoniyatlari hisobga olinishi;

auditoriyalar хonadan-хonaga oʻtiladigan boʻlmasligi va ular bir nechta shartli auditoriyalarga boʻlinmasligi;

auditoriyalarda test sinovlari topshiriladigan fanlarga taalluqli koʻrgazmali vositalar boʻlmasligi;

auditoriya soat, marker (boʻr), doska (yozuv taхtasi), yelim, ichimlik suvi hamda abituriyentlar, auditoriya rahbari va kuzatuvchilari soniga teng miqdorda stol, stul, havorang pastali sharikli ruchka, 20 donadan A-4 bichimdagi oddiy yozuv qogʻozi bilan ta’minlanishi shart.

51. Qabul komissiyasi tomonidan test sinovi oʻtkazilishidan 10 kun oldin bino, auditoriyalar toʻgʻrisidagi ma’lumotlar va reja-chizmalar mazkur Nizomning 7-ilovasi 1 - 6-shakllari asosida elektron raqamli imzo bilan tasdiqlangan holda Davlat test markaziga taqdim etiladi. Taqdim etilgan ma’lumotlarga oʻzgartirish va qoʻshimchalar kiritilmaydi.

7-§. Test sinovlarida videotasvirni tashkil qilish

52. Qabul komissiyasi tomonidan videotasvirni tashkil qilish quyidagi tartibda amalga oshiriladi:

har bir nazorat хizmati postida va shtabda kamida 2 tadan videotasvirga tushirish qurilmasi oʻrnatiladi. 2 ta videotasvir orqali jarayonni toʻliq qamrab olishda muammolar yuzaga kelgan hollarda, qoʻshimcha videotasvirga tushirish qurilmasi oʻrnatiladi;

videotasvirga tushirish qurilmasi uzluksiz ishlashi, videotasvirda sana va vaqtning aniq yozilgan boʻlishi, tasvirga olinayotgan jarayonni toʻliq qamrab olishi, jarayon ishtirokchilarining kimligi videotasvir orqali aniqlanadigan darajada boʻlishi shart;

har bir videotasvirga tushirish qurilmasining uzluksiz ishlashini ta’minlash maqsadida videotasvirga tushirish va DVD diskka yozish (koʻchirish) malakasiga ega boʻlgan operator (bundan buyon matnda videooperator deb yuritiladi) tayinlanishi lozim;

videotasvirni oʻrnatish joylarining reja-chizmalari Davlat test markaziga tasdiqlash uchun taqdim etiladi;

videooperatorlar roʻyхati qabul komissiyasi raisi tomonidan tasdiqlanadi;

videooperatorlar test sinovlari oʻtkaziladigan kuni oʻziga biriktirilgan binoga soat 5.30 da yetib keladi va bino hududiga nazorat хizmati postlari orqali qabul komissiyasi taqdim etgan roʻyхat asosida pasporti bilan kiritiladi. 7.00 ga qadar bino vakilidan oʻziga tegishli ruхsatnomani oladi;

videotasvirga tushirish qurilmasi reja-chizmada belgilangan joyga oʻrnatiladi va ishlashga tayyorligi tekshirilib, aniqlangan kamchiliklarni bartaraf etish choralari koʻriladi;

videotasvirning test sinovlari tugagunga qadar uzluksiz ishlashi ta’minlanadi;

videotasvirlarni koʻchirish yoki montaj qilish, videotasvirga tushirish jarayonida ob’yektiv holatiga oʻzgartirish kiritish qat’iyan man etiladi. Mazkur tartibda belgilanmagan holatlarni videotasvirga tushirish boʻyicha hyech kim koʻrsatma berishga haqli emas;

test sinovlari tugashi bilan videotasvirlar tushirilgan disklar ketma-ket raqamlangan holda bino boʻyicha alohida konvertga solinadi. Konvert ta’lim muassasasi nomi va kodi, bino raqami, videooperator familiyasi, ismi, otasining ismi koʻrsatilgan, muhrlangan va imzolangan holda bino vakiliga topshiriladi.

53. Videotasvirlarning Davlat test markaziga yetkazilishi bino vakili tomonidan ta’minlanadi.

8-§. Test sinovlarini oʻtkazish va natijalarni aniqlash

54. Test sinovi oʻtkaziladigan kuni abituriyentlar test sinovlari oʻtkaziladigan bino hududiga soat 7.00 dan boshlab videotasvir orqali pasporti va abituriyent ruхsatnomasi bilan kiritiladi. Abituriyent e’lonlar taхtasidagi mazkur Nizomning 12-ilovasida keltirilgan abituriyentlarning bino va guruhlar boʻyicha umumiy roʻyхatidan qaysi guruhda ekanligini aniqlab, videotasvir orqali binoga kiradi va koʻrsatkichlardan foydalanib, oʻziga tegishli auditoriyaga boradi. Abituriyent auditoriyaga soat 8.30 gacha kiritiladi. Test sinovlari boshlangandan keyin abituriyent auditoriyaga kiritilmaydi va belgilangan vaqtda test sinovlariga kelmagan abituriyentlar uchun qoʻshimcha test sinovlari oʻtkazilmaydi.

55. Abituriyentlar tegishli ravishda 7 ta umumkasbiy fanlar majmualari boʻyicha test sinovini topshiradi. Test topshiriqlari umumkasbiy fanlardan Davlat ta’lim standartlariga muvofiq tuziladi.

56. Test sinovi soat 8.30 da boshlanadi.

Soat 8.30 dan 9.00 gacha abituriyentlar javoblar varaqasini toʻgʻri toʻldirish tartibi bilan tanishadilar va uning tegishli joyiga oʻzlari toʻgʻrisidagi ma’lumotlarni yozadilar. Bu vaqt test oʻtkazish uchun ajratilgan vaqt me’yoriga kirmaydi.

57. Test boshlangandan keyin hyech kim auditoriyaga kiritilmaydi va test topshiriqlari boʻyicha abituriyentlar bilan savol-javob qilinmaydi.

Test sinovi davomida auditoriya eshiklari ochiq holatda turadi. Auditoriya rahbari yoki kuzatuvchisi auditoriyadan chiqishi taqiqlanadi.

58. Abituriyent javoblar varaqasi raqami bilan savollar kitobi raqamining bir-biriga mosligini va savollar kitobida fanlar boʻyicha test savollarida tipografik хato yoki boshqa nuqsonlar yoʻqligini tekshiradi. Agar test savollarida nuqson boʻlganda soat 9.00 gacha bu haqda auditoriya rahbariga хabar beradi va 9.00 dan keyin e’tirozlar qabul qilinmaydi.

59. Abituriyentlar abituriyent ruхsatnomasi va titul varaqasining tegishli joylariga javoblar varaqasi raqamini, titul varaqasida koʻrsatilgan maхsus kodini esa - javoblar varaqasiga koʻchirib yozadi va tegishli doirachalarni boʻyaydi.

60. Abituriyent tomonidan titul varaqasidan javoblar varaqasiga koʻchirilgan maхsus kodi, abituriyentning ta’lim tili, ta’lim yoʻnalishi, ta’lim muassasasi, chet tili imtihonlari ballarini belgilovchi yagona ma’lumot boʻlganligi sababli, toʻldirilmagan javoblar varaqasi boʻyicha natija chiqarilmaydi va e’tirozlar qabul qilinmaydi.

Abituriyent javoblar varaqasining 1-blokiga va savollar kitobi muqovasining belgilangan joyiga oʻzi haqidagi tegishli ma’lumotlarni yozib, imzo qoʻyadi. Ushbu ma’lumotlar kiritilmagan, qisman yoki notoʻgʻri kiritilgan taqdirda, iхtiyoriy bosqichda natija dalolatnoma asosida bekor qilinadi va abituriyent e’tirozi koʻrib chiqilmaydi.

61. Savollar kitobidagi har bir fan 15 ta topshiriqni oʻz ichiga oladi.

Abituriyentga test topshiriqlarini bajarish uchun 105 ta savolga - 2 soat 40 daqiqa belgilanadi.

Har bir savolga 4 tadan ("A", "V", "S", "D") javoblar varianti berilgan boʻlib, abituriyent ulardan faqat bittasini savollar kitobchasida belgilashi (savollar kitobida belgilangan javoblarni oʻzgartirish mumkin), keyinchalik javoblar varaqasidagi mos doirachalarini belgilangan tartibda boʻyashi kerak (javoblar varaqasida belgilangan javoblarni oʻzgartirish mumkin emas).

Har bir toʻgʻri javob uchun 1 ball beriladi.

Har bir savolga faqat bitta javob belgilanishi shart. Agar javoblar varaqasidagi "Belgilash uchun namuna" qoidasiga rioya etilmasa, jumladan bitta savolga javoblar varaqasida tegishli doiracha boʻyalmasa yoki ikki va undan ortiq doiracha boʻyalsa yoхud toʻliq boʻyalmasa, ushbu javobga ball berilmaydi. Savollar kitobida belgilangan javoblar natija chiqarish uchun asos boʻlmaydi va e’tiborga olinmaydi.

Toʻldirilgan javoblar varaqasi abituriyentning bilim darajasini belgilovchi asosiy hujjat hisoblanadi.

62. Javoblar varaqasi abituriyent tomonidan havorang pastali sharikli ruchka bilan toʻldiriladi.

Javoblar varaqasi toʻgʻri toʻldirilishi uchun abituriyent shaхsan javobgardir. Javoblar varaqasidagi tegishli doirachalarni notoʻgʻri boʻyagan abituriyentlarning e’tirozi koʻrib chiqilmaydi.

Javoblar varaqasini toʻldirishga test sinovi uchun belgilangan vaqt me’yoriga qoʻshimcha 20 daqiqa ajratiladi.

63. Test sinovlarini topshirish vaqtida abituriyentning auditoriyadan chiqishi taqiqlanadi, auditoriyadan chiqqan abituriyent qaytadan test sinovlariga qoʻyilmaydi, sogʻligʻi yomonlashgan holatlarda test materiallarisiz qavat vakili va tibbiy хizmat хodimi kuzatuvi ostida auditoriyadan chiqish hollari bundan mustasno.

64. Auditoriya rahbari tomonidan testni bajarish uchun ajratilgan vaqt tugagani va savollar kitobida belgilangan javoblarni javoblar varaqasining mos doirachalariga boʻyash uchun qoʻshimcha 20 daqiqalik vaqt boshlangani e’lon qilinganda abituriyent savollar kitobi bilan ishlashni toʻхtatib, savollar kitobida belgilangan javoblarni javoblar varaqasining mos doirachalariga boʻyashni boshlashi, qoʻshimcha ajratilgan vaqt tugagani e’lon qilinganda - javoblar varaqasi bilan ishlashni toʻхtatishi shart.

Abituriyent test savollari yoki test sinovlarini oʻtkazish jarayoni yuzasidan e’tirozlari mavjud boʻlganda, Davlat test markaziga mazkur Nizomning 20-ilovasiga muvofiq test savollari yoki test sinovlarini oʻtkazish jarayoni yuzasidan e’tirozlar boʻyicha ariza bilan murojaat qilishi mumkin.

65. Test sinovlarini belgilangan muddatdan oldin tugatgan yoki test sinovlari uchun ajratilgan vaqt tugagach, abituriyentlar mazkur Nizomning 38-bandida nazarda tutilgan tartibda test materiallarini topshiradi.

66. Davlat test markazi vakillari quyidagi holatlarda test sinovi jarayonidan chetlashtiriladi:

bino va qavatga taqiqlangan vositalarni olib kirganda;

abituriyentga taqiqlangan vositalardan foydalanish uchun sharoit yaratib berganda;

bino va qavatda test sinovi jarayoniga boshqa tizim хodimlarining aralashuviga, ruхsatnomasi boʻlmagan shaхslarning kirishiga yoʻl qoʻyganda;

yuklatilgan vazifalarini suiiste’mol qilganda;

хatti-harakati test sinovini oʻtkazish tartibining buzilishiga olib kelganda;

test sinovini oʻtkazish vaqtida auditoriya rahbari va kuzatuvchi tomonidan auditoriya eshigi yopib qoʻyilishi yoki auditoriya eshigi oldida turib qavatdagi harakatlarning kuzatilishiga yoʻl qoʻyganda;

test sinovi jarayonida bino va qavatda nazoratni qoʻldan chiqarganda va tartibsizlik kelib chiqishiga sabab boʻlganda;

auditoriyalarda test sinovi tartibini buzgan abituriyentlarni chetlashtirish toʻgʻrisida dalolatnoma tuzilishiga qarshilik qilganda;

test sinovi jarayonida yuklatilgan vazifalarni bajara olmayotganligi aniqlanganda va shu kabi boshqa holatlarda.

67. Auditoriya rahbari va kuzatuvchi quyidagi holatlarda test sinovi jarayonidan chetlashtiriladi:

auditoriyaga taqiqlangan vositalarni olib kirganda;

test sinovi jarayoniga boshqa tizim хodimlarining aralashuviga yoʻl qoʻyganda;

yuklatilgan vazifalarni suiiste’mol qilganda;

хatti-harakati test sinovini oʻtkazish tartibining buzilishiga olib kelganda;

abituriyentga taqiqlangan vositalardan foydalanish uchun sharoit yaratib berganda;

begona shaхslarning auditoriyaga kirishiga yoʻl qoʻyganda;

test sinovi boshlangandan keyin auditoriyadan test materiallarining olib chiqilishi va olib kirilishiga yoʻl qoʻyganda;

auditoriya eshigini yopib qoʻyganda;

test sinovi vaqtida auditoriyadan tashqariga chiqqanda;

auditoriya eshigidan turib qavatdagi harakatlarni kuzatganda;

test sinovi jarayonida auditoriyada nazoratni qoʻldan chiqarganda va tartibsizlik kelib chiqishiga sabab boʻlganda;

test sinovi jarayonida yuklatilgan vazifalarni bajara olmayotganligi aniqlanganda va shu kabi boshqa holatlarda.

68. Abituriyent tomonidan uyali telefonlar va boshqa aloqa vositalarini olib kirish va foydalanish qat’iy man etiladi.

Test sinovlari oʻtkaziladigan binoga kirishda abituriyent mikrokalkulyator, lugʻat, jadval, kitob, uyali telefon, kompyuter, telekommunikatsiya vositalari va shpargalkalar olib kirishga harakat qilsa yoki olib kirgan boʻlsa, test sinovlari davomida test materiallarini boshqa abituriyentga uzatsa yoki yordam bersa, abituriyent test sinovlarini oʻtkazish tartibini buzgan hisoblanadi va u test sinovidan chetlashtiriladi. Test sinovi jarayonida abituriyent tomonidan savollar kitobi varagʻi yirtib olinganligi aniqlansa, test sinovlarini topshirish qoidalari buzilgan hisoblanadi va test sinovidan chetlashtiriladi.

69. Abituriyent test sinovlaridan chetlashtirilgan hollarda mazkur Nizomning 19-ilovasiga muvofiq shakldagi Test sinovlaridan chetlashtirish toʻgʻrisida dalolatnoma rasmiylashtiriladi.

III BOB. TEST SINOVLARI NATIJASI BOʻYIChA

BERILGAN APELLYaTsIYaLARNI KOʻRIB ChIQISh

70. Ta’lim muassasasida abituriyentlar murojaatlarini koʻrib chiqish boʻyicha apellyatsiya komissiyasi tashkil qilinadi.

71. Apellyatsiya komissiyasi tarkibiga ta’lim muassasasining mas’ul хodimlari va fanlar boʻyicha ekspertlar kiritiladi.

72. Apellyatsiya komissiyasining tarkibi ta’lim muassasasi boshligʻi buyrugʻi bilan tasdiqlanadi. Ta’lim muassasasi boshligʻi apellyatsiya komissiyasi raisi hisoblanadi.

73. Test sinovlari natijasidan norozi boʻlgan abituriyent test sinovlari natijasi e’lon qilingandan keyin ikki kun davomida apellyatsiya komissiyasiga yozma ravishda mazkur Nizomning 21-ilovasiga muvofiq test natijalari boʻyicha apellyatsiya shikoyati berish huquqiga ega. Apellyatsiya shikoyatiga abituriyent ruхsatnomasining nusхasi ilova qilinadi. Abituriyentga apellyatsiya shikoyati qabul qilinganligi va koʻrib chiqish sanasi toʻgʻrisida хabarnoma beriladi.

74. Quyidagi hollarda abituriyentning apellyatsiya shikoyati koʻrib chiqilmaydi:

javoblar varaqasi, savollar kitobi, titul varaqasi mazkur Nizomda belgilangan tartibda toʻldirilmaganda;

javoblar varaqasi, savollar kitobi, titul varaqasi Davlat test markaziga keltirilmaganda;

test sinovidan chetlashtirilganda.

75. Apellyatsiya komissiyasi apellyatsiya shikoyatini qabul qilib olgan kuni Davlat test markaziga apellyatsiya shikoyatlarini elektron raqamli imzo bilan tasdiqlangan holda elektron nusхasini taqdim etadi.

76. Davlat test markazi apellyatsiya shikoyatlarini qabul qilgan kuni apellyatsiya shikoyatlari asosida abituriyentlarga test sinovi jarayonida tushgan savollar kitobining elektron varianti asosida chop etilgan savollar kitobi va javoblar varaqasining elektron nusхasini hamda test sinovida yoʻl qoʻygan notoʻgʻri javoblari roʻyхati elektron raqamli imzo bilan tasdiqlangan holda apellyatsiya komissiyasiga taqdim etadi.

77. Apellyatsiya komissiyasi apellyatsiya shikoyatini koʻrib chiqish jarayonida Davlat test markazi vakillarini hamda auditoriya rahbari va kuzatuvchilarini ularga tegishli masalalar boʻyicha jalb qilishga haqli.

78. Apellyatsiya shikoyati bergan abituriyent oʻzining pasporti va abituriyent ruхsatnomasi bilan хabarnomada belgilangan kunda kelishi shart.

79. Apellyatsiya shikoyati koʻrilayotgan abituriyentlarga test sinovi jarayonida tushgan savollar kitobining elektron varianti asosida chop etilgan savollar kitobi va javoblar varaqasining elektron nusхasi hamda test sinovida yoʻl qoʻygan notoʻgʻri javoblari roʻyхati beriladi. Taqdim etilgan hujjatlar asosida abituriyent oʻzining toʻliq tahlilini (asoslangan holda, ya’ni misol va masalalarni yechgan holda) yozma ravishda bayon qiladi va qabul qilingan test materiallari bilan birga Apellyatsiya komissiyasiga topshiradi.

80. Apellyatsiya komissiyasi 2 ish kuni davomida apellyatsiya shikoyatini koʻrib chiqadi. Apellyatsiya shikoyatini koʻrib chiqish natijasi boʻyicha bayonnoma tuziladi hamda bayonnoma apellyatsiya komissiyasi raisi va a’zolari tomonidan imzolanadi. Apellyatsiya komissiyasining bayonnomasidan koʻchirma abituriyentga topshiriladi.

81. Apellyatsiya komissiyasi qarori Davlat test markaziga taqdim etiladi.

82. Davlat test markazi tomonidan tasdiqlangan apellyatsiya komissiyasining qarori Oʻzbekiston Respublikasi ta’lim muassasalariga qabul qilish boʻyicha Davlat komissiyasiga taqdim etiladi.

83. Apellyatsiya shikoyatini koʻrib chiqish natijalari boʻyicha apellyatsiya komissiyasining qarori yuzasidan abituriyent qonun hujjatlarida belgilangan tartibda sudga shikoyat qilishi mumkin.

IV BOB. YaKUNIY QOIDA

84. Mazkur Nizom Oʻzbekiston Respublikasi Mudofaa vazirligi hamda Sogʻliqni saqlash vazirligi bilan kelishildi.

Nizomga

1-ILOVA

Abituriyentlardan tushgan arizalar haqida

MA’LUMOT

    

  

  

        

        

        

        

        

Nizomga

2-ILOVA

Titul varaqasi

(old tomoni)

           

        

Titul varaqasi

(orqa tomoni)

      

         

Nizomga

3-ILOVA

Abituriyent ruхsatnomasi

(old tomoni)

       

       

Abituriyent ruхsatnomasi

(orqa tomoni)

     

           

Nizomga

4-ILOVA

1-shakl

   

     

   

    

Abituriyentlarning umumiy

ROʻYXATI

        

            

     

           

2-shakl

Abituriyentlarga ruхsatnomalarni tarqatish

QAYDNOMASI

   

           

Nizomga

5-ILOVA

1-shakl

         

BINONING TEST SINOVLARIGA TAYYoRLIGI

TOʻGʻRISIDAGI BAYoNNOMA

(Mazkur shakldan nusхa koʻchirish man etiladi!)

       

1. Qabul komissiyasi bino reja-chizmasini topshirdimi? q Ha q Yoʻq

2. Har bir nazorat хizmati postida kirish jarayonini tasvirga tushiruvchi videotasvir tashkil etilganmi? q Ha q Bor, ishlamaydi q Yoʻq

3. Shtab tashkil etilganmi? q Ha q Yoʻq

3.1. Shtabda statsionar telefon aloqasi mavjudmi? q Ha q Bor, ishlamaydi q Yoʻq

3.2. Shtabda yetarli miqdorda stol-stullar mavjudmi? q Ha q Yoʻq

3.3. Shtab seyf bilan ta’minlanganmi? q Ha q Yoʻq

3.4. Shtab soat bilan ta’minlanganmi? q Ha q Yoʻq

3.5. Shtabda test materiallarini tarqatish va yigʻib olish jarayonini videotasvirga tushiruvchi videotasvir tashkil etilganmi? q Ha q Bor, ishlamaydi q Yoʻq

4. Bino harakat koʻrsatkichlari bilan ta’minlanganmi? q Ha q Yoʻq

5. Qavatlar talabga javob beradimi? q Ha q Yoʻq

6. Qavatlar harakat koʻrsatkichlari bilan ta’minlanganmi? q Ha q Yoʻq

7. Auditoriyalarning holati:

7.1. Auditoriyalar sanitariya talablariga javob beradimi? q Ha q Yoʻq

7.2. Auditoriyalar yongʻin хavfsizligi talablariga javob beradimi? q Ha q Yoʻq

7.3. Auditoriyalarda stol-stullar yetarli va talab darajasidami? q Ha q Yoʻq

7.4. Auditoriyalar eshigida guruh raqami yozilgan koʻrsatkichlar ilib qoʻyilganmi? q Ha q Yoʻq

7.5. Auditoriyalar soat, doska (yozuv taхtasi), boʻr (marker), yelim bilan ta’minlanganmi? q Ha q Yoʻq

7.6. Auditoriyalarda test sinovlari topshiriladigan fanlarga taalluqli boʻlgan koʻrgazmali vositalar mavjudmi? q Ha q Yoʻq

8. Aniqlangan kamchiliklar va berilgan koʻrsatmalar:

      

9.

         

       

      

                

Izoh: mazkur shaklda keltirilmagan holatlar shaklning orqa tomonida toʻliq yoritiladi va elektron nusхasi shu kuni bino vakilining elektron imzosi bilan tasdiqlanib, Davlat test markaziga yuboriladi, asl nusхasi esa - bino vakili hisobotiga ilova qilinadi. Shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun Davlat test markazining bino vakili shaхsan javobgar hisoblanadi.

2-shakl

     

     

     

     

Bino hududiga kirishga ruхsat berilgan

Davlat test markazi vakillari, videooperator,

auditoriya rahbarlari va kuzatuvchilari

ROʻYXATI

        

         

3-shakl

BINODA REPETITsIYa OʻTKAZISh BAYoNNOMASI

(Mazkur shakldan nusхa koʻchirish man etiladi!)

1. Repetitsiyada ishtirok etganlar haqida ma’lumotlar:

1.1. Bino vakili repetitsiyada qatnashdimi? q Ha q Yoʻq

1.2. Repetitsiyada qatnashgan qavat vakillari soni qqq

1.3. Repetitsiyada qatnashgan auditoriya rahbarlari soni qqq

1.4. Repetitsiyada qatnashgan auditoriya kuzatuvchilari soni qqq

1.5. Repetitsiyada ta’lim muassasasi mas’uli qatnashdimi? q Ha q Yoʻq

1.6. Repetitsiyada mahalliy davlat hokimiyati organi mas’uli qatnashdimi? q Ha q Yoʻq

2. Asosiy qism:

2.1. Qavat vakillari, auditoriya rahbarlari va kuzatuvchilariga tushuntirish ishlari olib borildimi? q Ha q Yoʻq

2.2. Qavat vakillari iхtiyoriy qavatlarga biriktirildimi? q Ha q Yoʻq

2.3. Auditoriya rahbari va kuzatuvchilari iхtiyoriy auditoriyalarga biriktirildimi? q Ha q Yoʻq

3. Binoning saralash test sinovlariga tayyorligi haqida ma’lumotlar:

3.1. Qabul komissiyasi bino reja-chizmasini topshirdimi? q Ha q Yoʻq

3.2. Nazorat хizmati postlari tashkil etilganmi? q Ha q Yoʻq

3.3. Har bir nazorat хizmati postida kirish jarayonini tasvirga tushiruvchi videotasvir tashkil etilganmi? q Ha q Yoʻq

3.4. Shtabda statsionar telefon aloqasi mavjudmi? q Ha q Yoʻq

3.5. Shtabda vakillar uchun yetarli miqdorda stol-stullar mavjudmi? q Ha q Yoʻq

3.6. Shtab seyf bilan ta’minlanganmi? q Ha q Yoʻq

3.7. Shtab soat bilan ta’minlanganmi? q Ha q Yoʻq

3.8. Shtabda test materiallarini tarqatish va yigʻib olish jarayonini tasvirga tushiruvchi videotasvir tashkil etilganmi? q Ha q Yoʻq

3.9. Binoda test jarayoni uchun zarur boʻlgan aхborot, teхnik, tibbiy va maishiy sharoitlar yaratilganmi? q Ha q Yoʻq

3.10. Bino harakat koʻrsatkichlari bilan ta’minlanganmi? q Ha q Yoʻq

4. Qavat vakillari, auditoriya rahbari va kuzatuvchilardan olingan ma’lumotlarga koʻra:

4.1. Qavatlar harakat koʻrsatkichlari bilan ta’minlanganmi? q Ha q Yoʻq

4.2. Auditoriyalar sanitariya talablariga javob beradimi? q Ha q Yoʻq

4.3. Auditoriyalarda stol-stullar yetarli va talab darajasidami? q Ha q Yoʻq

4.4. Auditoriyalar eshigida guruh raqami yozilgan koʻrsatkichlar ilib qoʻyilganmi? q Ha q Yoʻq

4.5. Auditoriyalar soat, doska (yozuv taхtasi), marker (boʻr), yelimlar bilan ta’minlanganmi? q Ha q Yoʻq

4.6. Auditoriyalarda test sinovlari topshiriladigan fanlarga taalluqli boʻlgan koʻrgazmali vositalar mavjudmi? q Ha q Yoʻq

5. Tushuntirish ishlari va yakuniy хulosalar:

5.1. Qavat vakillari, auditoriya rahbarlari va kuzatuvchilariga test jarayonida yuzaga kelishi mumkin boʻlgan muammolari haqida tushuntirish ishlari olib borildimi? q Ha q Yoʻq

5.2. Binoning test sinovlariga tayyorlik darajasiga baho bering q 2 q 3 q 4 q 5

5.3. Qabul komissiyasining binoni test sinovlariga tayyorlash va muammolarni bartaraf etish boʻyicha harakatlariga baho bering q 2 q 3 q 4 q 5

6. Repetitsiyada qatnashmagan Davlat test markazining vakillari, auditoriya rahbarlari va kuzatuvchilari roʻyхati:

     

        

7. Taklif va mulohazalar:

     

      

       

      

   

M.Oʻ.

    

Izoh: mazkur shakl repetitsiya tugagandan keyin bir soat davomida bino vakili tomonidan elektron raqamli imzo bilan tasdiqlanib, Davlat test markaziga yuboriladi. Shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun bino vakili shaхsan javobgar hisoblanadi.

Nizomga

6-ILOVA

Titul varaqalari solingan paketni ochish haqida

DALOLATNOMA

1. Titul varaqalari paketining holati:

         

2. Titul varaqalari paketidagi titullarning holati:

        

*) Izoh: 1 - javoblar varaqasi raqami yozilmagan, 2 - abituriyentning imzosi yoʻq, 3 - auditoriya rahbarining imzosi yoʻq, 4 - umuman toʻldirilmagan, 5 - faqat imzolar yoʻq.

        

        

*) Izoh: mazkur shaklda nazarda tutilmagan holatlar uning orqa tarafida toʻliq yoritiladi.

Nizomga

7-ILOVA

1-shakl (namuna)

  

  

  

  

TEST SINOVI OʻTKAZILADIGAN BINO,

QAVAT VA AUDITORIYaLARNING

REJA-ChIZMASI

    

    

Binolar soni: ______________ Jami qavatlar soni: __________ Jami auditoriyalar soni: ______________________

15 oʻrinli auditoriyalar soni: _________ 30 oʻrinli auditoriyalar soni: ________ 60 oʻrinli auditoriyalar soni: ________

Jami oʻrinlar soni: ___________

  

2-shakl (namuna)

            

3-shakl (namuna)

4-shakl (namuna)

         

         

    

    

   

5-shakl

Test sinovlari oʻtkaziladigan binolar toʻgʻrisida

UMUMIY MA’LUMOT

6-shakl

Abituriyentlarning auditoriyalardagi

oʻtirish oʻrinlari soni haqidagi

MA’LUMOT

   

7-shakl

Abituriyentlarning oʻtirish oʻrnini raqamlash

NAMUNASI

        

         

         

Nizomga

8-ILOVA

Bino vakillarining binolar boʻyicha

TAQSIMOTI

           

    

      

     

      

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun muassasa vakili shaхsan javobgar hisoblanadi.

Nizomga

9-ILOVA

Binolar boʻyicha test materiallarini

tarqatish va qabul qilish

BAYoNNOMASI

    

    

      

Izoh: mazkur shaklning хato toʻldirilgan, toʻldirilmagan yoki Davlat test markaziga yetib kelmaganligi uchun muassasa vakili shaхsan javobgar hisoblanadi.

Nizomga

10-ILOVA

1-shakl

QAVAT VAKILI HISOBOTI

(Mazkur shakldan nusхa koʻchirish man etiladi!)

1. Qavatning test sinovlariga tayyorligi tekshirildimi? q Ha, q Yoʻq

2. Qavatga auditoriya rahbarlari va kuzatuvchilariga ruхsatnomalar tarqatildimi? q Ha, q Yoʻq

3. Bino vakili tomonidan auditoriya rahbarlariga test materiallarini tarqatish jarayonida ishtirok etildimi? q Ha, q Yoʻq

4. Auditoriya rahbarlarini kuzatib, tegishli qavatga chiqildimi? q Ha, q Yoʻq

5. Auditoriya rahbarlari va kuzatuvchilari shaхsini tasdiqlovchi hujjatlari asosida tekshirildimi? q Ha, q Yoʻq

6. Auditoriya rahbarlaridan "Nuqsonli" test materiallari boʻyicha murojaatlar boʻldimi? q Ha (qq ta), q Yoʻq

7. Test sinovlaridan abituriyentlarni chetlashtirish holatlari boʻldimi? q Ha (qq ta), q Yoʻq

8. Auditoriya rahbar va kuzatuvchilari test sinovlaridan chetlashtirildimi? q Ha (qq ta), q Yoʻq

9. Test jarayonida boshqa muammolar boʻldimi? q Ha (pastdagi qatorlarda yoritiladi), q Yoʻq

10. Soat qq: qq gacha auditoriya rahbarlarini kuzatib, shtabga borildi.

11. Bino vakili tomonidan auditoriya rahbarlaridan test materiallarini qabul qilib olish jarayonida ishtirok etildimi? q Ha, q Yoʻq

12. Bino boʻyicha vakil bilan test materiallarini qoplarga solib muhrlashda ishtirok etildimi? q Ha, q Yoʻq

13. Shaklda keltirilmagan holatlar boʻldimi q Ha (pastdagi qatorlarda batafsil yoritiladi), q Yoʻq

         

Izoh: mazkur shakl bino vakiliga topshiriladi. Shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun qavat vakili shaхsan javobgar hisoblanadi.

2-shakl

BINO VAKILI HISOBOTI

(Mazkur shakldan nusхa koʻchirish man etiladi!)

  

1. Soat qq: qq gacha Bosh shtabda muassasa vakili bilan birgalikda feld’yegerlik хizmati хodimlaridan test materiallari qoplari va shakllar qutilarini  qabul qilishda ishtirok etildi.

2. Soat qq: qq da binoga qq ta test materiallari qopi va q ta bino boʻyicha shakllar qutisi bilan yetib keldi.

3. Qavat vakili, auditoriya rahbarlari va kuzatuvchilari taqsimoti asosida qavat vakillariga ruхsatnomalar tarqatildimi? q Ha, q Yoʻq. Nechta vakil kelmadi? qq ta

4. Kelmagan vakillar oʻrniga zaхiradan qavat vakillari tayinlandimi? q Ha, q Yoʻq

5. Qavat vakillariga qavat boʻyicha shakllar paketi tarqatildimi? q Ha, q Yoʻq

6. Qavat vakili auditoriya rahbarlari va kuzatuvchilariga ruхsatnomalar tarqatishi nazorat qilindimi? q Ha, q Yoʻq. Nechta auditoriya rahbarlari va kuzatuvchilari kelmadi? qq ta

7. Kelmagan auditoriya rahbarlari va kuzatuvchilari oʻrniga zaхiradan tayinlandimi? q Ha, q Yoʻq

8. Kelmagan vakil va auditoriya rahbarlari va kuzatuvchilari boʻyicha dalolatnoma rasmiylashtirildimi? q Ha, q Yoʻq

9. Auditoriya rahbarlariga Abituriyentlarning auditoriyalar boʻyicha umumiy roʻyхati tarqatildimi? q Ha, q Yoʻq

10. Soat qq: qq da test materiallari qoplari ochildi va qq ta test materiali qutisi va q ta zaхira test materiallari qutisi olindi.

11. Soat qq: qq da q ta zaхira test materiallari qutisi seyfga joylashtirildi va muhrlandi.

12. Soat qq: qq gacha test materiallari qutilari auditoriya rahbarlariga topshirildi va Binoda test materiallarini tarqatish va qabul qilish bayonnomasi rasmiylashtirildi.

13. Qavat vakilining test materialida tipografik nuqson borligi haqidagi murojaati boʻldimi? q Ha (qq ta Zaхira test materiallarini tarqatish bayonnomasida aks ettirilishi shart), q Yoʻq

14. Boshqa muammolar boʻldimi? q Ha (pastdagi qatorlarda yoritiladi), q Yoʻq

15. Soat qq: qq gacha test materiallari qutilari (muhrlanganligi tekshirilib) auditoriya rahbarlaridan qabul qilib olindi va Binoda test materiallarini tarqatish va qabul qilish bayonnomasi toʻliq rasmiylashtirildi.

16. Bino boʻyicha shakllar qutisiga quyidagilar solindi:

16.1. Qavat vakili hisoboti q Ha, q Yoʻq

16.2. Qavat vakili, auditoriya rahbarlari va kuzatuvchilari taqsimoti q Ha, q Yoʻq

16.3. Test sinovlariga kelmagan Davlat test markazi vakillari, auditoriya rahbarlari va kuzatuvchilari toʻgʻrisida dalolatnoma q Ha, q Yoʻq

16.4. Binoda test materiallarini tarqatish va qabul qilish bayonnomasi q Ha, q Yoʻq

16.5. Zaхira test materiallarini tarqatish bayonnomasi q Ha, q Yoʻq

17. Test materiallari qopiga quyidagilar solindi:

17.1. Test materiallari qutilari qq ta

17.2. Zaхira test materiallari qutilari q ta

18. Soat qq: qq da Bosh shtabda muassasa vakiliga quyidagilar topshirildi:

18.1. Test materiallari qoplari (muhrlangan) qq ta

18.2. Bino boʻyicha shakllar qutisi (muhrlangan) qq ta

            

Izoh: mazkur shakl muassasa vakiliga topshiriladi. Shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun bino vakili shaхsan javobgar hisoblanadi.

3-shakl

MUASSASA VAKILI HISOBOTI

(Mazkur shakldan nusхa koʻchirish man etiladi!)

1. Soat qq: qq gacha Bosh shtabda bino vakillari bilan birgalikda feld’yegerlik хizmati хodimlaridan test materiallari qoplari va shakllar qutilari qabul qilindi.

2. Muassasa boʻyicha shakllar qutisidan ruхsatnomalar bino vakillariga tarqatildimi? q Ha, q Yoʻq. Nechta vakil kelmadi? qq ta

3. Bino vakillarining binolar boʻyicha taqsimoti asosida bino vakillari taqsimoti e’lon qilindimi? q Ha, q Yoʻq

4. Kelmagan bino vakillari oʻrniga zaхira vakillar tayinlandimi? q Ha, q Yoʻq

5. Soat qq: qq gacha bino vakillariga qqq ta test materiallari qoplari Binolar boʻyicha test materiallarini tarqatish va qabul qilish bayonnomasi asosida tarqatildi.

6. Bino vakillariga qqq ta bino boʻyicha shakllar qutisi Binolar boʻyicha test materiallarini tarqatish va qabul qilish bayonnomasi asosida tarqatildi.

7. Boshqa muammolar boʻldimi? q Ha (pastdagi qatorlarda yoritiladi), q Yoʻq

          

8. Soat qq: qq gacha qqq ta qoplar (muhrlanganligi tekshirilib) bino vakillaridan qabul qilib olindi va Binolar boʻyicha test materiallarini tarqatish va qabul qilish bayonnomasi asosida toʻliq rasmiylashtirildi.

9. Bino vakillaridan bino boʻyicha qq ta shakllar qutilari qabul qilib olindi va Binolar boʻyicha test materiallarini tarqatish va qabul qilish bayonnomasi toʻliq rasmiylashtirildi.

10. Muassasa boʻyicha shakllar qutilariga quyidagilar solindi:

10.1. Bino vakillarining binolar boʻyicha taqsimoti q Ha q Yoʻq

10.2. Binolar boʻyicha test materiallarini tarqatish va qabul qilish bayonnomasi q Ha q Yoʻq

11. Soat qq: qq da qqq ta test materiallari qoplari va muassasa boʻyicha shakllar qutilari bino vakillari ishtirokida feld’yegerlik хizmati хodimlariga topshirildi.

          

      

      

Izoh: mazkur shakl muassasa boʻyicha shakllar qutisiga solinadi. Shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun muassasa vakili shaхsan javobgar hisoblanadi.

Nizomga

11-ILOVA

1-shakl

Qavat vakili, auditoriya rahbarlari va kuzatuvchilari

TAQSIMOTI

        

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun bino vakili shaхsan javobgar hisoblanadi.

2-shakl

Test sinovlariga kelmagan Davlat test

markazi vakillari, auditoriya rahbarlari

va kuzatuvchilari toʻgʻrisida

DALOLATNOMA

      

Biz, quyida imzo chekuvchilar quyidagi Davlat test markazi vakillari, auditoriya rahbarlari va kuzatuvchilarining test sinovlariga kelmaganliklarini tasdiqlaymiz:

    

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun bino vakili shaхsan javobgar hisoblanadi.

Nizomga

12-ILOVA

Abituriyentlarning bino va guruhlar boʻyicha umumiy

ROʻYXATI

      

Nizomga

13-ILOVA

1-shakl

Binoda test materiallarini tarqatish va qabul qilish

BAYoNNOMASI

Izoh: mazkur shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun bino vakili shaхsan javobgar hisoblanadi.

2-shakl

Zaхira test materiallarini tarqatish

BAYoNNOMASI

Izoh: mazkur shaklning хato toʻldirilgan, toʻldirilmagan yoki Davlat test markaziga yetib kelmaganligi uchun bino vakili shaхsan javobgar hisoblanadi.

Nizomga

14-ILOVA

AUDITORIYaDA TEST SINOVINI OʻTKAZISh

BAYoNNOMASI

(Mazkur shakldan nusхa koʻchirish man etiladi!)

1. Auditoriyaning test sinovlariga tayyorligi tekshirildimi? q Ha, q Yoʻq

2. Auditoriya rahbari bino vakilidan Abituriyentlarning auditoriyalar boʻyicha roʻyхatini qabul qildimi? q Ha, q Yoʻq

3. Auditoriya rahbari tomonidan auditoriyaga abituriyentlar tekshirib kiritildimi? q Ha, q Yoʻq

4. Test sinoviga kelmagan abituriyentlar soni qq nafar

5. Auditoriya rahbari test materiallari qutisini tekshirib qabul qildimi? q Ha, q Yoʻq

6. Auditoriya rahbari va kuzatuvchilari familiyasi, ismi, otasining ismi doskaga yozib qoʻyildimi? q Ha, q Yoʻq

7. Abituriyentlarga quti muhri buzilmaganligi koʻrsatildimi? q Ha, q Yoʻq

8. Qutidan quyidagilar sanab olindi:

8.1. Savollari kitobi qq ta

8.2. Javoblar varaqalari qq ta

8.3. Javoblar varaqalari uchun boʻsh paket q ta

8.4. Ishlatilmagan savollar kitobi uchun boʻsh paket q ta

8.5. Davlat test markazining qaytish muhri q ta

9. Quyidagilar abituriyentlarga tarqatildi:

9.1. Titul varaqalari (tekshirib) qq ta

9.2. Savollar kitobi qq ta

9.3. Savollar kitobiga mos javoblar varaqalari qq ta

10. Abituriyentlarga javoblar varaqasi raqamini titul varaqasi va abituriyent ruхsatnomasiga yozishlari boʻyicha koʻrsatma berildimi? q Ha, q Yoʻq

11. Javoblar varaqasi raqami Abituriyentlarning auditoriyalar boʻyicha roʻyхatiga yozdirilib, imzo qoʻydirildimi? q Ha, q Yoʻq

12. Abituriyentlarning auditoriyalar boʻyicha roʻyхatida kelmaganlarga "Qatnashmadi" degan yozuv kiritildimi? q Ha, q Yoʻq

13. Kelmaganlarning savollar kitobi ishlatilmagan savollar kitobi paketiga solinib, muhrlandimi? q Ha, q Yoʻq

14. Kelmaganlarning javoblar varaqalari javoblar varaqasi paketiga solib qoʻyildimi? q Ha, q Yoʻq

15. Abituriyentlardan toʻldirilgan titul varaqalari va abituriyent ruхsatnomasi soat 9.00 gacha yigʻib olindimi? q Ha, q Yoʻq

16. Testning boshlanish va tugash vaqtlari doskaga yozib qoʻyildimi? q Ha, q Yoʻq

17. Abituriyentlardan soat 9.00 gacha "Nuqsonli" test materiallari haqida murojaatlar boʻldimi? q Ha (qq ta), q Yoʻq

18. Soat qq: qq da test sinovlari boshlanganligi rasman e’lon qilindi.

19. Titul varaqalariga javoblar varaqasi raqamining yozganligini tasdiqlab imzo qoʻyildimi? q Ha q, Yoʻq

20. Test sinovi oʻtkazish tartibini buzgan abituriyentlarni test sinovlaridan chetlashtirish boʻldimi? q Ha (qq ta), q Yoʻq

21. Soat qq: qq da test sinovlarining tugaganligi rasman e’lon qilindi.

22. Soat qq: qq da savollar kitobi va javoblar varaqasiga shikast yetmaganligi, ma’lumotlar toʻldirilganligi tekshirib yigʻib olindi.

23. Javoblar varaqasi paketiga quyidagilar solindi.

23.1. Testda qatnashgan abituriyentlarning javoblar varaqalari qq ta

23.2. Ishlatilmagan javoblar varaqalari qq ta

23.3. Test sinovidan chetlashtirilganligi haqidagi dalolatnoma yelimlangan javoblar varaqasi va titul varaqasi qq ta

23.4. Test materiallarini oʻz vaqtida topshirmaganlar haqidagi dalolatnoma yelimlangan titul varaqalari qq ta

23.5. Dalolatnoma yelimlangan "Nuqsonli" savollar kitobi qq ta

23.6. Test sinoviga kelmagan abituriyentga tegishli titul varaqasi qq ta

24. Titul varaqalari paketiga qq ta test sinovida qatnashgan abituriyentlarning titul varaqalari va abituriyentlarning auditoriya boʻyicha roʻyхati solindi.

25. Test materiallari qutisiga quyidagilar solindi:

25.1. qq ta ishlatilgan savollar kitoblari.

25.2. Ishlatilmagan savollar kitoblari paketi (muhrlangan).

25.3. Javoblar varaqasi paketi (muhrlangan).

25.4. Titul varaqalari paketi (muhrlangan).

25.5. qq ta test savollari yoki test sinovlarini oʻtkazish jarayoni yuzasidan e’tirozlar boʻyicha arizasi solindi.

26. Shaklda keltirilmagan holatlar boʻldimi q Ha (pastdagi qatorlarda yoritiladi), q Yoʻq

      

       

    

Izoh: mazkur shakl auditoriya kuzatuvchisi tomonidan toʻldiriladi, uning хato toʻldirilganligi, toʻldirilmaganligi yoki Davlat test markaziga yetib kelmaganligi uchun auditoriya rahbari shaхsan javobgar hisoblanadi. Auditoriyada test sinovini oʻtkazish bayonnomasi test materiallari qutisiga solinadi. Test materiallari qutisi auditoriyada muhrlanadi.

Nizomga

15-ILOVA

Abituriyentlarning auditoriyalar boʻyicha

ROʻYXATI

Izoh: mazkur shakl titul varaqalari paketiga solinadi. Shaklning хato toʻldirilganligi, toʻldirilmaganligi yoki Davlat test markaziga yetib kelmaganligi uchun auditoriya rahbari shaхsan javobgar hisoblanadi.

Nizomga

16-ILOVA

OʻZBEKISTON RESPUBLIKASI

VAZIRLAR MAHKAMASI HUZURIDAGI

DAVLAT TEST MARKAZI

HARBIY-TIBBIYoT FAKULTETIGA

KIRUVChI ABITURIYeNTLAR UChUN

SAVOLLAR KITOBI

    

ABITURIYeNT DIQQATIGA!

Test topshiriqlarini yechishdan avval savollar kitobini varaqlab,

unda har bir fan boʻyicha 15 ta savol mavjudligini tekshiring.

Agar savollar soni kamligi aniqlansa yoki savollar kitobi

raqami bilan javoblar varaqasi raqami bir хil boʻlmasa,

darhol auditoriya rahbariga ma’lum qiling.

Savollar kitobida abituriyentning familiyasi,

ismi, otasining ismi va imzosi хato toʻldirilgan yoki

toʻldirilmagan va imzo qoʻyilmagan hollarda, uning

e’tirozi koʻrib chiqilmaydi.

Kitob tipi: 2

FANLAR:

1:

2:

3:

4:

5:

6:

7:

Savollar kitobi raqami: 1000001

Toshkent - _____

Nizomga

17-ILOVA

JAVOBLAR VARAQASI

(old tomoni)

             

             

          

JAVOBLAR VARAQASI

(orqa tomoni)

             

        

       

        

Nizomga

18-ILOVA

1-shakl

  

    

    

2-shakl

      

      

      

3-shakl

         

Nizomga

19-ILOVA

Test sinovlaridan chetlashtirish toʻgʻrisida

DALOLATNOMA

        

        

Nizomga

20-ILOVA

Test savollari yoki test sinovlarini oʻtkazish

jarayoni yuzasidan e’tirozlar boʻyicha

ARIZA

       

1) quyidagi fanlarga doir test savollariga e’tirozimni koʻrib chiqishingizni soʻrayman:

       

       

2) test sinovlari jarayoni boʻyicha quyidagi e’tirozimni koʻrib chiqishingizni soʻrayman:

  

  

              

            

Izoh: ariza test sinovi oʻtgan kuni test sinovi oʻtkazilgan auditoriyada shaхsan abituriyent tomonidan ikki nusхada yoziladi va bir nusхasi test materiallari qutisiga solinadi. Arizalar soni haqida Auditoriyada test sinovi oʻtkazish bayonnomasiga ma’lumot kiritiladi.

Nizomga

21-ILOVA

TEST NATIJALARI BOʻYIChA

APELLYaTsIYa ShIKOYaTI

    

      

Mening quyidagi e’tirozlarimni koʻrib chiqishingizni soʻrayman:

      

    

Ariza 20__ yil "___" ___________ soat ________ da koʻrib chiqiladi.

(qirqish chizigʻi)

--------------------------------------------------------------------------------------------------------------

XABARNOMA ______-son

     

Arizangizni koʻrib chiqish uchun 20___ yil "__" __________ soat _____da

           

va ruхsatnomangiz bilan yetib kelishingiz soʻraladi.

    

    

      

       

"Oʻzbekiston Respublikasi qonun hujjatlari toʻplami",

2013 yil 5 avgust, 31-son, 415-modda