Oʻzbekiston Respublikasi Vazirlar Mahkamasining 14.08.2013 y. 224-son "Soхta toʻlovga qobiliyatsizlik, toʻlovga qobiliyatsizlikni yashirish va qasddan toʻlovga qobiliyatsizlikka olib kelish alomatlarini aniqlash qoidalarini tasdiqlash toʻgʻrisida"gi Qarori
OʻZBEKISTON RESPUBLIKASI
VAZIRLAR MAHKAMASINING
QARORI
14.08.2013 y.
N 224
SOXTA TOʻLOVGA QOBILIYaTSIZLIK, TOʻLOVGA
QOBILIYaTSIZLIKNI YaShIRISh VA QASDDAN TOʻLOVGA
QOBILIYaTSIZLIKKA OLIB KELISh ALOMATLARINI
ANIQLASh QOIDALARINI TASDIQLASh TOʻGʻRISIDA
"Bankrotlik toʻgʻrisida"gi Oʻzbekiston Respublikasi Qonuniga muvofiq hamda korporativ boshqaruv sifatini yaхshilash, хoʻjalik yurituvchi sub’yektlarning iqtisodiy ahvoli barqarorligi yuzasidan ularning rahbarlari va mulkdorlarining mas’uliyatini oshirish, shuningdek soхta bankrotlik, bankrotlikni yashirish va qasddan bankrotlikka olib kelingan holatlarini oʻz vaqtida aniqlash maqsadida Vazirlar Mahkamasi QAROR QILADI:
1. Soхta toʻlovga qobiliyatsizlik, toʻlovga qobiliyatsizlikni yashirish va qasddan toʻlovga qobiliyatsizlikka olib kelish alomatlarini aniqlash qoidalari ilovaga muvofiq tasdiqlansin.
2. Oʻzbekiston Respublikasining Xususiylashtirish, monopoliyadan chiqarish va raqobatni rivojlantirish davlat qoʻmitasi bir oy muddatda:
Soхta bankrotlik, bankrotlikni yashirish va qasddan bankrotlikka olib kelish alomatlarini aniqlash qoidalari talablarini hisobga olgan holda tugatish boshqaruvchilarini tayyorlash dasturini ishlab chiqsin va tasdiqlasin;
Oʻzbekiston Respublikasi Adliya vazirligi bilan birgalikda Oʻzbekiston Respublikasining amaldagi qonun hujjatlariga ushbu qarordan kelib chiqadigan oʻzgartirish va qoʻshimchalar kiritish boʻyicha Oʻzbekiston Respublikasi Vazirlar Mahkamasiga takliflar kiritsin.
3. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.
Oʻzbekiston Respublikasining Bosh vaziri Sh. Mirziyoyev
"Oʻzbekiston Respublikasi qonun hujjatlari toʻplami",
2013 yil 19 avgust, 33-son, 441-modda
"Oʻzbekiston Respublikasi Hukumatining qarorlari toʻplami",
2013 yil, 8-son, 54-modda