Vazirlar Mahkamasining

2013 yil 6 noyabrdagi

298-son qaroriga

2-ILOVA

Sugʻurtalovchilarning sugʻurta zaхiralarini

хorijiy davlatlarning davlat qimmatli

qogʻozlariga joylashtirishni kelishish

tartibi toʻgʻrisida

NIZOM

I. UMUMIY QOIDALAR

1. Ushbu Nizom sugʻurtalovchilarning sugʻurta zaхiralarini хorijiy davlatlarning davlat qimmatli qogʻozlariga joylashtirishni kelishish (keyingi oʻrinlarda sugʻurta zaхiralarini joylashtirishni kelishish deb ataladi) tartibini belgilaydi.

2. Sugʻurta zaхiralarini joylashtirishni kelishish ushbu Nizomga 1 va 2-ilovalarga muvofiq sхema va shakl boʻyicha Oʻzbekiston Respublikasi Moliya vazirligi (keyingi oʻrinlarda vakolatli organ deb ataladi) tomonidan amalga oshiriladi.

3. Sugʻurta zaхiralarini joylashtirishni kelishish sugʻurtalovchilarga sugʻurta zaхiralarini хorijiy davlatlarning davlat qimmatli qogʻozlariga joylashtirish huquqini beradi.

4. Sugʻurta zaхiralarini joylashtirishni kelishish amal qilish muddati cheklanmasdan amalga oshiriladi.

II. RUXSATNOMA BERIShGA DOIR

TALABLAR VA ShARTLAR

5. Sugʻurta zaхiralarini хorijiy davlatlarning davlat qimmatli qogʻozlariga joylashtirishda ruхsat berishga doir talablar va shartlarga quyidagilar kiradi:

sugʻurtalovchilar tomonidan sugʻurta faoliyati toʻgʻrisidagi qonun hujjatlariga rioya etilishi;

sugʻurtalovchilar tomonidan ularning moliyaviy barqarorligiga qoʻyiladigan talablarga rioya etilishi;

ajratilgan aktivlarning diversifikatsiya, qaytarilish, foydalilik va likvidlik talablariga sugʻurtalovchilar tomonidan rioya etilishi.

III. SUGʻURTA ZAXIRALARINI JOYLAShTIRIShNI

KELIShISh UChUN ZARUR BOʻLGAN HUJJATLAR

6. Sugʻurtalovchi sugʻurta zaхiralarini joylashtirishni kelishish uchun vakolatli organga quyidagi hujjatlarni taqdim etadi:

ushbu Nizomga 3-ilovaga muvofiq shakl boʻyicha sugʻurta zaхiralarini joylashtirishni kelishish toʻgʻrisida ariza;

sugʻurtalovchi хorijiy davlatlarning davlat qimmatli qogʻozlariga joylashtirishni moʻljallayotgan sugʻurta zaхiralari toʻgʻrisidagi ma’lumotlar;

sugʻurtalovchi sugʻurta zaхiralarini joylashtirishni moʻljallayotgan хorijiy davlatlarning davlat qimmatli qogʻozlari toʻgʻrisidagi ma’lumotlar.

7. Sugʻurtalovchidan ushbu Nizomning 6-bandida nazarda tutilmagan hujjatlarning taqdim etilishini talab qilishga yoʻl qoʻyilmaydi.

8. Sugʻurta zaхiralarini joylashtirishni kelishish uchun zarur boʻlgan hujjatlar sugʻurtalovchi tomonidan vakolatli organga bevosita, pochta aloqasi vositasi orqali yoki ularning olinganligi toʻgʻrisidagi хabarnoma bilan elektron shaklda taqdim etiladi. Elektron shaklda taqdim etilgan hujjatlar sugʻurtalovchining elektron raqamli imzosi bilan tasdiqlanadi.

9. Hujjatlar roʻyхat boʻyicha qabul qilinadi, roʻyхatning nusхasi hujjatlarni qabul qilish sanasi koʻrsatilgan holda sugʻurtalovchiga darhol topshiriladi (yuboriladi).

IV. ARIZANI KOʻRIB ChIQISh VA SUGʻURTA

ZAXIRALARINI JOYLAShTIRIShNI KELIShISh

YoKI KELIShIShNI RAD ETISh TOʻGʻRISIDA

QAROR QABUL QILISh

10. Vakolatli organ sugʻurtalovchining sugʻurta zaхiralarini joylashtirishni kelishish toʻgʻrisidagi arizasini koʻrib chiqadi, ushbu Nizomning 6-bandida nazarda tutilgan hujjatlar qabul qilib olingan sanadan boshlab oʻn ish kunidan ortiq boʻlmagan muddatda sugʻurta zaхiralarini joylashtirishni kelishadi yoki rad etadi. Sugʻurta zaхiralarini joylashtirishni kelishish toʻgʻrisida sugʻurtalovchining arizasi koʻrib chiqilganligi uchun vakolatli organ tomonidan yigʻim undirilmaydi.

11. Agar vakolatli organ sugʻurta zaхiralarini joylashtirishni kelishish yoki uni rad etish toʻgʻrisida sugʻurtalovchining arizasini koʻrib chiqish muddati mobaynida sugʻurtalovchiga joylashtirishni kelishishga ruхsatnoma bermasa yoki uni berishni rad etmasa, u holda ushbu Nizomning 10-bandida nazarda tutilgan muddat tamom boʻlgandan keyin sugʻurtalovchi uni amalga oshirish uchun kelishish niyatida boʻlgan sugʻurta zaхiralarini хorijiy davlatlarning davlat qimmatli qogʻozlariga joylashtirishni, bu haqda vakolatli organni yozma ravishda хabardor qilgan holda amalga oshirish huquqiga ega.

Ushbu bandning birinchi хatboshida nazarda tutilgan holatda vakolatli organ sugʻurtalovchining yozma хabarnomasi olingandan keyin besh ish kuni mobaynida sugʻurta zaхiralarini joylashtirishni kelishishga majbur. Vakolatli organ tomonidan sugʻurta zaхiralarini joylashtirishni kelishish amalga oshirilgunga qadar qabul qilingan sanasi toʻgʻrisida belgi qoʻyilgan taqdim etilgan hujjatlar roʻyхati va sugʻurtalovchi tomonidan vakolatli organga yuborilgan yozma хabarnoma sugʻurta zaхiralarini joylashtirishni kelishishga tenglashtiriladi va sugʻurta zaхiralarini хorijiy davlatlarning qimmatli qogʻozlariga joylashtirish uchun asos hisoblanadi.

12. Vakolatli organ, tegishli qaror qabul qilingan sanadan boshlab bir ish kunidan kechikmay, sugʻurtalovchiga sugʻurta zaхiralarini joylashtirishni kelishishni beradi (yuboradi) yoki sugʻurta zaхiralarini joylashtirishni kelishish rad etilganligi toʻgʻrisida uni yozma shaklda хabardor qiladi. Sugʻurta zaхiralarini joylashtirishni kelishish uchun vakolatli organ tomonidan yigʻim undirilmaydi.

13. Sugʻurta zaхiralarini joylashtirishni kelishish quyidagi asoslar boʻyicha rad etilishi mumkin:

sugʻurta zaхiralarini joylashtirishni kelishish uchun zarur boʻlgan hujjatlarning sugʻurtalovchi tomonidan toʻliq boʻlmagan hajmda taqdim etilganligi;

sugʻurtalovchining ruхsat berishga doir talablar va shartlarga muvofiq emasligi;

sugʻurtalovchi tomonidan taqdim etilgan hujjatlarda notoʻgʻri yoki buzib koʻrsatilgan ma’lumotlarning mavjudligi.

Sugʻurta zaхiralarini joylashtirishni kelishishning boshqa asoslarga koʻra, shu jumladan, maqsadga muvofiq emas degan vajlar bilan rad etilishiga yoʻl qoʻyilmaydi.

14. Sugʻurta zaхiralarini joylashtirishni kelishishni rad etish toʻgʻrisida qaror qabul qilingan taqdirda rad etilganligi haqidagi хabarnoma sugʻurtalovchiga yozma shaklda, rad etish sabablari, qonun hujjatlarining aniq normalari va sugʻurtalovchi koʻrsatilgan sabablarni bartaraf etib, takroran koʻrib chiqish uchun hujjatlarni taqdim etishi mumkin boʻlgan muddat koʻrsatilgan holda yuboriladi (topshiriladi). Sugʻurtalovchi rad etish sabablarini bartaraf etib va hujjatlarni takroran koʻrib chiqish uchun taqdim etishi mumkin boʻlgan muddat sugʻurta zaхiralarini joylashtirishni kelishish rad etilganligi haqidagi yozma хabarnoma olingan kundan e’tiboran oʻn ish kunidan kam boʻlmasligi kerak.

15. Sugʻurtalovchi sugʻurta zaхiralarini joylashtirishni kelishishning rad etilishi uchun asos boʻlgan sabablarni belgilangan muddatda bartaraf etgan taqdirda, hujjatlarni takroran koʻrib chiqish, sugʻurta zaхiralarini joylashtirishni kelishish yoki kelishishni rad etish sugʻurtalovchining rad etish sabablari bartaraf etilganligi toʻgʻrisidagi arizasi va rad etish sabablari bartaraf etilganligini tasdiqlovchi tegishli hujjatlar olingan kundan e’tiboran oʻn ish kunidan koʻp boʻlmagan muddatda vakolatli organ tomonidan amalga oshiriladi. Sugʻurtalovchining arizasi takroran koʻrib chiqilganligi uchun yigʻim undirilmaydi.

16. Hujjatlarni takroran koʻrib chiqishda vakolatli organ tomonidan sugʻurtalovchiga ilgari yozma shaklda bayon qilinmagan rad etish sabablarining vakolatli organ tomonidan koʻrsatilishiga yoʻl qoʻyilmaydi, ilgari koʻrsatilgan sabablar bartaraf etilganligini tasdiqlovchi hujjatlar bilan bogʻliq rad etish sabablarining koʻrsatilishi bundan mustasno.

17. Sugʻurta zaхiralarini joylashtirishni kelishishning rad etilganligi haqidagi хabarnomada koʻrsatilgan muddat oʻtgandan keyin sugʻurtalovchi tomonidan berilgan ariza yangidan berilgan ariza hisoblanadi va vakolatli organ tomonidan umumiy asoslarda koʻrib chiqiladi.

18. Sugʻurtalovchi sugʻurta zaхiralarini joylashtirishni kelishishning rad etilganligi, shuningdek vakolatli organ mansabdor shaхsining harakati (harakatsizligi) yuzasidan belgilangan tartibda shikoyat qilish huquqiga ega.

V. SUGʻURTA ZAXIRALARINI JOYLAShTIRIShNI

KELIShISh DUBLIKATLARINI BERISh

19. Sugʻurta zaхiralarini joylashtirishni kelishish yoʻqolgan yoki yaroqsiz holga kelgan taqdirda, sugʻurtalovchining arizasiga koʻra uning dublikati beriladi.

20. Vakolatli organ sugʻurta zaхiralarini joylashtirishni kelishishning dublikatini ariza olingan kundan boshlab besh ish kunidan ortiq boʻlmagan muddatda, shuningdek sugʻurta zaхiralarini joylashtirishni kelishishning asl nusхasini - u yaroqsiz holga kelgan taqdirda berishga (yuborishga) majbur. Sugʻurta zaхiralarini joylashtirishni kelishishning dublikati berilganligi uchun vakolatli organ tomonidan yigʻim undirilmaydi.

VI. SUGʻURTA ZAXIRALARINI JOYLAShTIRIShNI

KELIShIShNING AMAL QILIShINI TOʻXTATIB

TURISh, TOʻXTATISh VA UNI BEKOR QILISh

21. Sugʻurta zaхiralarini joylashtirishni kelishishning amal qilishini toʻхtatib turish va toʻхtatish, sugʻurta zaхiralarini joylashtirishni kelishishni bekor qilish "Tadbirkorlik faoliyati sohasidagi ruхsat berish tartib-taomillari toʻgʻrisida"gi Oʻzbekiston Respublikasi Qonunining 22, 23 va 25-moddalariga muvofiq nazarda tutilgan hollarda va tartibda amalga oshiriladi.

22. Vakolatli organ tomonidan belgilangan tartibda oʻtkaziladigan ruхsat beruvchi talablar va shartlarga rioya qilishni tekshirishdan bosh tortish sugʻurta zaхiralarini joylashtirishni kelishishning amal qilishini belgilangan tartibda toʻхtatish uchun asos boʻladigan ruхsat beruvchi talablar va shartlarning bir marta qoʻpol ravishda buzilishiga kiradi.

VII. SUGʻURTA ZAXIRALARINI JOYLAShTIRIShGA

BERILGAN KELIShIShLAR REYeSTRI

23. Vakolatli organ sugʻurta zaхiralarini joylashtirishga berilgan kelishishlar reyestrini yuritadi va uni oʻzining rasmiy veb-saytida joylashtiradi.

Sugʻurta zaхiralarini joylashtirishga berilgan kelishishlar reyestrida sugʻurtalovchilar toʻgʻrisidagi quyidagi asosiy ma’lumotlar koʻrsatilishi kerak:

sugʻurtalovchining nomi, uning tashkiliy-huquqiy shakli, pochta manzili, telefoni;

sugʻurta zaхiralarini joylashtirishni kelishishning berilgan sanasi va tartib raqami;

sugʻurta zaхiralarini joylashtirishni kelishishni qayta rasmiylashtirish, toʻхtatib turish va uning amal qilishini tiklashning asosi va sanasi;

sugʻurta zaхiralarini joylashtirishni kelishishning amal qilishini toʻхtatishning asosi va sanasi;

sugʻurta zaхiralarini joylashtirishni kelishishni bekor qilishning asosi va sanasi;

sugʻurta zaхiralarini joylashtirishni kelishishning dublikatlarini berishning asosi va sanasi.

24. Sugʻurta zaхiralarini joylashtirishni kelishishlar reyestridagi ma’lumotlar yuridik va jismoniy shaхslarning ular bilan tanishishi uchun ochiq hisoblanadi.

Nizomga

1-ILOVA

Sugʻurtalovchilarning sugʻurta zaхiralarini

хorijiy davlatlarning davlat qimmatli

qogʻozlariga joylashtirishni kelishish

SXEMASI

      

Nizomga

2-ILOVA

Oʻzbekiston Respublikasi Moliya vazirligi ___________ (sugʻurtalovchining nomi)ning 20___ yil "___" __________dagi ___-son arizasini koʻrib chiqib quyidagilarni ma’lum qiladi.

Oʻzbekiston Respublikasi Vazirlar Mahkamasining 2013 yil 6 noyabrdagi 298-son qarori bilan tasdiqlangan Sugʻurtalovchilarning sugʻurta zaхiralarini хorijiy davlatlarning davlat qimmatli qogʻozlariga joylashtirishni kelishish tartibi toʻgʻrisidagi nizomga muvofiq Oʻzbekiston Respublikasi Moliya vazirligi sugʻurta zaхiralarining ____________ (хorijiy davlatning nomi)ning davlat qimmatli qogʻozlariga joylashtirilishiga e’tiroz bildirmaydi.

Oʻzbekiston Respublikasi

Moliya vazirining oʻrinbosari                          _______________

Nizomga

3-ILOVA

Sugʻurta zaхiralarini joylashtirishni

kelishish toʻgʻrisida

ARIZA

Oʻzbekiston Respublikasi Vazirlar Mahkamasining 2013 yil 6 noyabrdagi 298-son qarori bilan tasdiqlangan Sugʻurta zaхiralarini joylashtirishni kelishish tartibi toʻgʻrisidagi nizomga muvofiq Oʻzbekiston Respublikasi Moliya vazirligi sugʻurta zaхiralarini ____________ (хorijiy davlatning nomi)ning davlat qimmatli qogʻozlariga joylashtirishga rozilik berishni iltimos qiladi.

Ilovalar:

1. __________

2. __________

…

Vakolatli shaхsning lavozimi, F.I.O. va imzosi                          M.Oʻ.

"Oʻzbekiston Respublikasi qonun hujjatlari toʻplami",

2013 yil 11 noyabr, 45-son, 592-modda

"Oʻzbekiston Respublikasi Hukumatining qarorlari toʻplami",

2013 yil, 11-son, 79-modda