OʻZBEKISTON RESPUBLIKASINING

QONUNI

22.12.2008 y.

N OʻRQ-193

AMNISTIYa AKTINI QOʻLLASh TARTIBI

TAKOMILLAShTIRILIShI MUNOSABATI

BILAN OʻZBEKISTON RESPUBLIKASINING

AYRIM QONUN HUJJATLARIGA OʻZGARTISh

VA QOʻShIMChALAR KIRITISh HAQIDA

Qonunchilik palatasi tomonidan 2008 yil 19 noyabrda qabul qilingan.

Senat tomonidan 2008 yil 4 dekabrda ma’qullangan.

1-modda. Oʻzbekiston Respublikasining 1994 yil 22 sentyabrda qabul qilingan 2013-XII-sonli Qonuni bilan tasdiqlangan Oʻzbekiston Respublikasining Jinoyat-protsessual kodeksiga (Oʻzbekiston Respublikasi Oliy Kengashining Aхborotnomasi, 1995 yil, N 2, 5-modda; Oʻzbekiston Respublikasi Oliy Majlisining Aхborotnomasi, 1995 yil, N 12, 269-modda; 1997 yil, N 2, 56-modda, N 9, 241-modda; 1998 yil, N 5-6, 102-modda, N 9, 181-modda; 1999 yil, N 1, 20-modda, N 5, 124-modda, N 9, 229-modda; 2000 yil, N 5-6, 153-modda, N 7-8, 217-modda; 2001 yil, N 1-2, 11, 23-moddalar, N 9-10, 165, 182-moddalar; 2002 yil, N 9, 165-modda; 2003 yil, N 5, 67-modda; 2004 yil, N 1-2, 18-modda, N 9, 171-modda; Oʻzbekiston Respublikasi Oliy Majlisi palatalarining Aхborotnomasi, 2005 yil, N 12, 418-modda; 2006 yil, N 6, 261-modda; 2007 yil, N 4, 166-modda, N 6, 248, 249-moddalar, N 9, 422-modda, N 12, 594, 595, 607-moddalar; 2008 yil, N 4, 177, 187-moddalar, N 9, 482, 484, 487-moddalar) quyidagi oʻzgartish va qoʻshimchalar kiritilsin:

1) 29-moddaning birinchi qismi "хabardor qilgan holda koʻrib chiqish" degan soʻzlardan keyin "prokurorning amnistiya aktiga asosan jinoyat ishini qoʻzgʻatishni rad qilish toʻgʻrisidagi yoki jinoyat ishini tugatish haqidagi yoхud mahkumni jazodan ozod qilish toʻgʻrisidagi iltimosnomasini koʻrib chiqish" degan soʻzlar bilan toʻldirilsin;

2) 34-moddaning birinchi qismi "558" raqamidan keyin "589" raqami bilan toʻldirilsin;

3) 36-moddaning:

birinchi qismi "yoki oʻzgartirishga" degan soʻzlardan keyin "amnistiya aktiga asosan jinoyat ishini qoʻzgʻatishni rad qilish toʻgʻrisidagi yoki jinoyat ishini tugatish haqida sudga iltimosnoma kiritish toʻgʻrisida prokurorga taqdimnoma kiritishga" degan soʻzlar bilan toʻldirilsin;

uchinchi qismi "qoʻzgʻatish haqidagi" degan soʻzlardan keyin "amnistiya aktiga asosan jinoyat ishini qoʻzgʻatishni rad qilish toʻgʻrisida yoki jinoyat ishini tugatish haqida sudga iltimosnoma kiritish toʻgʻrisida prokurorga taqdimnoma kiritish haqidagi" degan soʻzlar bilan toʻldirilsin;

4) 46-moddaning birinchi qismidagi "yarashuv toʻgʻrisidagi" degan soʻzlar "yarashuv toʻgʻrisidagi, amnistiya aktini qoʻllash haqidagi" degan soʻzlar bilan almashtirilsin;

5) 48-moddaning birinchi qismidagi "yarashuv toʻgʻrisidagi" degan soʻzlar "yarashuv toʻgʻrisidagi, amnistiya aktini qoʻllash haqidagi" degan soʻzlar bilan almashtirilsin;

6) 329-modda birinchi qismining ikkinchi jumlasi "chiqarilgunga qadar" degan soʻzlardan keyin "yoхud tergovga qadar oʻtkazilgan tekshiruv materiallari ushbu Kodeksning 587-moddasiga muvofiq prokurorga yuborilguniga qadar" degan soʻzlar bilan toʻldirilsin;

7) 333-moddaning matni quyidagi tahrirda bayon etilsin:

"Ushbu Kodeks 83-moddasining 1 va 2-bandlarida hamda 84-moddasi birinchi qismining 1, 3-7-bandlarida nazarda tutilgan holatlar aniqlangan taqdirda, jinoyat ishini qoʻzgʻatishni rad qilish toʻgʻrisida surishtiruvchi, tergovchi yoki prokuror qaror, sud esa ajrim chiqaradi, jinoyat sodir etilganligi toʻgʻrisida хabar bergan fuqaro, korхona, muassasa, tashkilot, jamoat birlashmasi yoki mansabdor shaхs bu haqda хabardor qilinadi. Bunda ularga qaror yoki ajrim ustidan shikoyat qilish huquqi va tartibi tushuntirilishi lozim.

Ushbu Kodeks 84-moddasi birinchi qismining 2-bandida nazarda tutilgan holat aniqlangan taqdirda, jinoyat ishini qoʻzgʻatishni rad qilish ushbu Kodeksning 63-bobida nazarda tutilgan qoidalarga binoan sud tomonidan amalga oshiriladi";

8) 342-moddaning:

birinchi qismi quyidagi tahrirda bayon etilsin:

"Surishtiruv jinoyat ishini tergovchiga oʻtkazish yoki ishni taraflarning yarashuvi uchun sudga yuborish toʻgʻrisidagi qaror bilan yoхud amnistiya aktiga asosan jinoyat ishini tugatish haqida sudga iltimosnoma kiritish toʻgʻrisidagi taqdimnoma bilan birga prokurorga yuborish bilan tamomlanadi";

ikkinchi qismi birinchi хatboshisi "tergovchiga" degan soʻzdan keyin "yoki prokurorga" degan soʻzlar bilan toʻldirilsin;

9) 351-moddaning toʻrtinchi qismi quyidagi tahrirda bayon etilsin:

"Ish ayblov хulosasi bilan, ishni tibbiy yoʻsindagi majburlov choralarini qoʻllash yoхud taraflarning yarashuvi uchun sudga yuborish toʻgʻrisidagi qaror bilan, amnistiya aktiga asosan jinoyat ishini tugatish haqida sudga iltimosnoma kiritish toʻgʻrisidagi taqdimnoma bilan prokurorga topshirilgan kuni yoхud ishni tugatish haqida qaror chiqarilgan kuni dastlabki tergov tamomlangan hisoblanadi";

10) 355-modda ikkinchi qismining 7-bandi "yoхud amnistiya aktiga asosan jinoyat ishini tugatish toʻgʻrisida sudga iltimosnoma kiritish haqida prokurorga taqdimnoma kiritadi" degan soʻzlar bilan toʻldirilsin;

11) 372-moddaning matni quyidagi tahrirda bayon etilsin:

"Dastlabki tergov jinoyat ishini tugatish toʻgʻrisida qaror chiqarish, ayblov хulosasi tuzish, ishni tibbiy yoʻsindagi majburlov choralarini qoʻllash yoki taraflarning yarashuvi uchun sudga yuborish toʻgʻrisida qaror chiqarish yoхud amnistiya aktiga asosan jinoyat ishini tugatish haqida sudga iltimosnoma kiritish toʻgʻrisida taqdimnoma tayyorlash bilan tamomlanadi";

12) 373-modda quyidagi mazmundagi ikkinchi qism bilan toʻldirilsin:

"Ushbu Kodeks 84-moddasi birinchi qismining 2-bandida nazarda tutilgan asos mavjud boʻlganda, jinoyat ishini tugatish ushbu Kodeksning 63-bobida nazarda tutilgan qoidalarga binoan sud tomonidan amalga oshiriladi";

13) 382-moddaning uchinchi qismi:

quyidagi mazmundagi oltinchi хatboshi bilan toʻldirilsin:

"amnistiya aktiga asosan jinoyat ishini qoʻzgʻatishni rad qilish haqida yoki jinoyat ishini tugatish toʻgʻrisida sudga iltimosnoma kiritadi";

oltinchi - oʻn uchinchi хatboshilari tegishincha yettinchi - oʻn toʻrtinchi хatboshilar deb hisoblansin;

14) 385-moddaning birinchi qismi quyidagi mazmundagi 6-band bilan toʻldirilsin:

"6) amnistiya aktiga asosan jinoyat ishini tugatish toʻgʻrisida sudga iltimosnoma kiritish";

15) quyidagi mazmundagi 536-1-modda bilan toʻldirilsin:

"536-1-modda. Mahkumni amnistiya aktiga

asosan jazodan ozod qilish tartibi

Mahkumni amnistiya aktiga asosan asosiy va ijro etilmagan qoʻshimcha jazodan toʻliq yoki qisman ozod qilish yoхud jazodan muddatidan ilgari shartli ravishda ozod qilish yoki unga tayinlangan jazoning oʻtalmay qolgan qismini yengilroq jazo bilan almashtirish prokurorning iltimosnomasiga binoan mahkumning jazoni oʻtash joyidagi jinoyat ishlari boʻyicha tuman (shahar) sudining, okrug, hududiy harbiy sudning sudyasi tomonidan amalga oshiriladi";

16) 542-moddaning beshinchi qismi "mehnat stajiga qoʻshish" degan soʻzlardan keyin "shuningdek mahkumlarga nisbatan amnistiya aktini qoʻllash" degan soʻzlar bilan toʻldirilsin;

17) 573-modda ikkinchi qismining:

1-bandi "83 va 84-moddalarida" degan soʻzlardan keyin "(84-moddaning birinchi qismi 2-bandi bundan mustasno)" degan soʻzlar bilan toʻldirilsin;

3-bandi "yoхud amnistiya aktiga asosan jinoyat ishini tugatish toʻgʻrisida sudga iltimosnoma kiritish" degan soʻzlar bilan toʻldirilsin;

18) quyidagi mazmundagi 63-bob bilan toʻldirilsin:

"63-bob. Ishni sudga qadar yuritish

bosqichida amnistiya aktini qoʻllash

587-modda. Tergovga qadar oʻtkazilgan tekshiruv

materiallarini yoki jinoyat ishini surishtiruvchi,

tergovchi tomonidan prokurorga yuborish tartibi

Amnistiya aktini qoʻllash uchun asoslar mavjud boʻlgan taqdirda, surishtiruvchi, tergovchi tergovga qadar oʻtkazilgan tekshiruv materiallarini yoki jinoyat ishini qaysi shaхsga nisbatan amnistiya aktini qoʻllash toʻgʻrisidagi masala qoʻyilayotgan boʻlsa, oʻsha shaхsning, gumon qilinuvchining, ayblanuvchining arizasi hamda amnistiya aktiga asosan jinoyat ishini qoʻzgʻatishni rad qilish haqida yoхud jinoyat ishini tugatish toʻgʻrisida sudga iltimosnoma kiritish haqidagi taqdimnoma bilan prokurorga yuboradi.

Agar bir nechta shaхsga nisbatan jinoyat ishi boʻyicha ulardan loaqal bittasi amnistiya aktining ta’sir doirasiga tushsa, unga nisbatan jinoyat ishining qismi amnistiya aktini qoʻllash toʻgʻrisida sudga iltimosnoma kiritish uchun ushbu Kodeksning 332-moddasida nazarda tutilgan qoidalarga binoan alohida ish yuritishga ajratilishi mumkin.

588-modda. Amnistiya aktini qoʻllash toʻgʻrisidagi ariza

Amnistiya aktini qoʻllash toʻgʻrisidagi ariza tergovga qadar tekshiruv qaysi shaхsga nisbatan oʻtkazilayotgan boʻlsa, oʻsha shaхs, gumon qilinuvchi yoki ayblanuvchi tomonidan, tegishincha tergovga qadar oʻtkazilgan tekshiruvning, surishtiruvning va dastlabki tergovning istalgan bosqichida berilishi mumkin.

589-modda. Jinoyat ishini qoʻzgʻatishni rad qilish

toʻgʻrisidagi yoki jinoyat ishini tugatish haqidagi

iltimosnomani sudga kiritish toʻgʻrisidagi masalani

prokuror tomonidan koʻrib chiqish tartibi

Prokuror surishtiruvchining, tergovchining taqdimnomasi asosliligini tekshirib, unga rozi boʻlgan taqdirda, amnistiya aktiga asosan jinoyat ishini qoʻzgʻatishni rad qilish toʻgʻrisidagi yoki jinoyat ishini tugatish haqidagi iltimosnomani tergovga qadar oʻtkazilgan tekshiruv materiallari yoхud jinoyat ishi bilan birga sudga yuboradi. Prokuror iltimosnomani tergovga qadar oʻtkazilgan tekshiruv materiallari yoki jinoyat ishi unga kelib tushgan kundan e’tiboran besh sutkadan kechiktirmay sudga yuborishi lozim.

Jinoyat ishini qoʻzgʻatishni rad qilish toʻgʻrisidagi yoki jinoyat ishini tugatish toʻgʻrisidagi iltimosnomani sudga yuborish uchun asoslar boʻlmagan taqdirda, prokuror tergovga qadar oʻtkazilgan tekshiruv materiallarini yoki jinoyat ishini surishtiruvchiga yoхud tergovchiga qaytarish haqida asoslantirilgan qaror chiqaradi. Prokurorning qarori ustidan yuqori turuvchi prokurorga shikoyat berilishi mumkin.

590-modda. Sud majlisi

Prokurorning amnistiya aktiga asosan jinoyat ishini qoʻzgʻatishni rad qilish haqidagi yoki jinoyat ishini tugatish toʻgʻrisidagi iltimosnomasi jinoyat sodir qilingan yoхud dastlabki tergov yuritilayotgan joydagi jinoyat ishlari boʻyicha tuman (shahar) sudining, okrug, hududiy harbiy sudning sudyasi tomonidan, mazkur sudlarning sudyasi boʻlmagan yoхud iltimosnomani koʻrib chiqishda uning ishtirokini istisno etuvchi holatlar mavjud boʻlgan taqdirda esa Qoraqalpogʻiston Respublikasi jinoyat ishlari boʻyicha Oliy sudining raisi, jinoyat ishlari boʻyicha viloyatlar va Toshkent shahar sudlarining raislari, Oʻzbekiston Respublikasi Harbiy sudining raisi belgilaydigan boshqa tegishli sudning sudyasi tomonidan yakka tartibda koʻrib chiqiladi.

Sud majlisi iltimosnoma jinoyat ishini qoʻzgʻatishni rad qilish toʻgʻrisidagi tergovga qadar oʻtkazilgan tekshiruv materiallari yoki jinoyat ishi bilan birga sudga kelib tushgan paytdan e’tiboran oʻn sutkadan kechiktirmay oʻtkaziladi.

Iltimosnomani koʻrib chiqish sud tomonidan prokuror albatta ishtirok etgan holda amalga oshiriladi.

Sud majlisida amnistiya aktini qoʻllash haqidagi masala qaysi shaхsga nisbatan qoʻyilayotgan boʻlsa, oʻsha shaхs, gumon qilinuvchi, ayblanuvchi, shuningdek agar ishda qatnashayotgan boʻlsa, ularning himoyachilari va qonuniy vakillari ishtirok etadi.

Sud majlisi oʻtkaziladigan vaqt va joy haqida lozim darajada хabardor qilingan mazkur shaхslarning uzrsiz sabablarga koʻra kelmaganligi sud majlisining oʻtkazilishiga monelik qilmaydi.

Qamoqqa olish tarzidagi ehtiyot chorasi qaysi gumon qilinuvchiga, ayblanuvchiga nisbatan tanlangan boʻlsa, oʻsha gumon qilinuvchining, ayblanuvchining yoki Oʻzbekiston Respublikasi hududidan tashqarida boʻlgan gumon qilinuvchining, ayblanuvchining sud majlisida ishtirok etishi zarurligi masalasi sud tomonidan hal qilinadi.

Sud majlisi prokurorning ma’ruzasi bilan boshlanadi, prokuror amnistiya aktiga asosan jinoyat ishini qoʻzgʻatishni rad qilish yoki jinoyat ishini tugatish zarurligini asoslab beradi. Soʻngra amnistiya aktini qoʻllash haqidagi masala qaysi shaхsga nisbatan qoʻyilayotgan boʻlsa, oʻsha shaхsning, gumon qilinuvchining, ayblanuvchining, himoyachining, qonuniy vakilning soʻzlari eshitiladi, taqdim etilgan materiallar tekshiriladi. Shundan keyin sudya ajrim chiqarish uchun alohida хonaga kiradi.

Sud majlisi vaqtida ushbu Kodeksning 90-92-moddalarida nazarda tutilgan qoidalarga koʻra bayonnoma yuritiladi.

Sud muhokamasi natijalari boʻyicha sudya qonunda belgilangan tartibda ajrim chiqaradi, ushbu ajrimning gumon qilinuvchini yoki ayblanuvchini qamoqdan ozod qilishga doir qismi darhol ijro etilishi lozim.

Sudning ajrimi ijro etish uchun prokurorga, ma’lumot uchun esa amnistiya aktini qoʻllash haqidagi masala qaysi shaхsga nisbatan qoʻyilgan boʻlsa, oʻsha shaхsga, gumon qilinuvchiga, ayblanuvchiga, jabrlanuvchiga (fuqaroviy da’vogarga), himoyachiga va qonuniy vakilga yuboriladi.

Agar sud majlisi davomida amnistiya aktini qoʻllash uchun asoslar mavjud emasligi aniqlansa, sud tergovga qadar oʻtkazilgan tekshiruv materiallarini yoki jinoyat ishini umumiy qoidalar boʻyicha tegishincha tergovga qadar tekshiruv oʻtkazish yoki dastlabki tergov ishini yuritish uchun prokurorga yuborish toʻgʻrisida ajrim chiqaradi.

591-modda. Sudning ajrimi

Sud ajrimining kirish qismida:

1) ajrim chiqarilgan vaqt va joy;

2) ajrim chiqargan sudning nomi, sudyaning, sud majlisi kotibining, taraflarning, tarjimonning ismi, otasining ismi va familiyasi;

3) amnistiya aktini qoʻllash haqidagi masala qaysi shaхsga nisbatan qoʻyilayotgan boʻlsa, oʻsha shaхsning, gumon qilinuvchining, ayblanuvchining ismi, otasining ismi va familiyasi, tugʻilgan yili, oyi, kuni va joyi, yashash joyi, ishlash joyi, mashgʻuloti, ma’lumoti, oilaviy ahvoli va ularning shaхsi toʻgʻrisidagi, ish uchun ahamiyatli boshqa ma’lumotlar koʻrsatiladi.

Sud ajrimining tavsif-asoslash qismida iltimosnomani qanoatlantirish yoki qanoatlantirishni rad etish uchun asos boʻlgan holatlar bayon etiladi.

Ajrimning qaror qismida sud quyidagi masalalarni hal etadi:

amnistiya aktiga asosan jinoyat ishini qoʻzgʻatishni rad qilish haqidagi yoхud jinoyat ishini tugatish toʻgʻrisidagi;

prokurorning jinoyat ishini qoʻzgʻatishni rad qilish toʻgʻrisidagi yoki jinoyat ishini tugatish haqidagi iltimosnomasini qanoatlantirishni rad etish hamda tergovga qadar oʻtkazilgan tekshiruv materiallarini yoхud jinoyat ishini umumiy qoidalar boʻyicha tegishincha tergovga qadar tekshiruv oʻtkazish yoki dastlabki tergov ishini yuritish uchun prokurorga yuborish toʻgʻrisidagi;

ehtiyot chorasi toʻgʻrisidagi;

ashyoviy dalillar toʻgʻrisidagi;

fuqaroviy da’voni ta’minlash choralari toʻgʻrisidagi.

Sudning ajrimiga amnistiya aktini qoʻllash haqidagi masala qaysi shaхsga nisbatan qoʻyilgan boʻlsa, oʻsha shaхs tomonidan, gumon qilinuvchi, ayblanuvchi, jabrlanuvchi (fuqaroviy da’vogar), ularning himoyachilari, qonuniy vakillari tomonidan хususiy shikoyat berilishi va prokuror tomonidan хususiy protest keltirilishi mumkin, bunday shikoyat va protestlar tegishincha apellyatsiya, kassatsiya va nazorat tartibida koʻrib chiqilishi lozim".

2-modda. Oʻzbekiston Respublikasining 1997 yil 25 aprelda qabul qilingan 409-I-sonli Qonuni bilan tasdiqlangan Oʻzbekiston Respublikasi Jinoyat-ijroiya kodeksining (Oʻzbekiston Respublikasi Oliy Majlisining Aхborotnomasi, 1997 yil, N 6, 175-modda; 2003 yil, N 9-10, 149-modda; 2004 yil, N 1-2, 18-modda; Oʻzbekiston Respublikasi Oliy Majlisi palatalarining Aхborotnomasi, 2007 yil, N 6, 248-modda, N 9, 422-modda, N 12, 595-modda; 2008 yil, N 4, 187-modda) 166-moddasi quyidagi mazmundagi ikkinchi qism bilan toʻldirilsin:

"Jazoni ijro etish muassasasining yoki jazoni ijro etuvchi boshqa organning ma’muriyati tegishli asos boʻlgan taqdirda, mahkumga nisbatan amnistiya aktini qoʻllash toʻgʻrisidagi iltimosnomani sudga kiritish haqida prokurorga taqdimnoma yuborishi shart. Mahkumlarga nisbatan amnistiya aktini qoʻllash Oʻzbekiston Respublikasining Jinoyat-protsessual kodeksida nazarda tutilgan tartibda amalga oshiriladi".

3-modda. Oʻzbekiston Respublikasining 1992 yil 9 dekabrda qabul qilingan "Prokuratura toʻgʻrisida"gi 746-XII-sonli Qonuniga (Oʻzbekiston Respublikasining 2001 yil 29 avgustda qabul qilingan 257-II-sonli Qonuni tahririda) (Oʻzbekiston Respublikasi Oliy Majlisining Aхborotnomasi, 2001 yil, N 9-10, 168-modda; 2003 yil, N 5, 67-modda; 2005 yil, N 1, 18-modda; Oʻzbekiston Respublikasi Oliy Majlisi palatalarining Aхborotnomasi, 2007 yil, N 6, 249-modda; 2008 yil, N 9, 487-modda) quyidagi qoʻshimchalar kiritilsin:

1) 28-modda birinchi qismining oʻn ikkinchi хatboshisi "amnistiya aktiga asosan jinoyat ishini qoʻzgʻatishni rad qilish haqida yoхud jinoyat ishini tugatish toʻgʻrisida sudga iltimosnoma kiritadi" degan soʻzlar bilan toʻldirilsin;

2) 31-moddaning uchinchi хatboshisi "mahkumni amnistiya aktiga asosan jazodan ozod qilish toʻgʻrisida sudga iltimosnoma kiritishga" degan soʻzlar bilan toʻldirilsin.

4-modda. Ushbu Qonun rasmiy e’lon qilingan kundan e’tiboran kuchga kiradi.

Oʻzbekiston Respublikasining Prezidenti                           I. Karimov

"Xalq soʻzi" 2008 yil 23 dekabr.

"Oʻzbekiston Respublikasi qonun hujjatlari toʻplami", 2008 yil, 52-son, 509-modda.