OʻZBEKISTON RESPUBLIKASINING

QONUNI

30.08.2002 y.

N 405-II

OʻZBEKISTON RESPUBLIKASINING

AYRIM   QONUN   HUJJATLARIGA

OʻZGARTIShLAR VA QOʻShIMChALAR

KIRITISh TOʻGʻRISIDA

Oʻzbekiston Respublikasi Oliy Majlisi QAROR QILADI:

Oʻzbekiston Respublikasining quyidagi qonun hujjatlariga oʻzgartishlar va qoʻshimchalar kiritilsin:

I. Oʻzbekiston Respublikasining 1992 yil 9 dekabrda qabul qilingan "Tabiatni muhofaza qilish toʻgʻrisida"gi Qonunining (Oʻzbekiston Respublikasi Oliy Kengashining Aхborotnomasi, 1993 yil, N 1, 38-modda; Oʻzbekiston Respublikasi Oliy Majlisining Aхborotnomasi, 1995 yil, N 6, 118-modda; 1997 yil, N 4-5, 126-modda; 1999 yil, N 1, 20-modda; 2000 yil, N 5-6, 153-modda, N 7-8, 217-modda):

1) 22-moddasi quyidagi tahrirda bayon etilsin:

"22-modda. Chiqindi bilan bogʻliq ishlarni amalga oshirish shartlari

Chiqindi bilan bogʻliq ishlarni amalga oshirish qonun hujjatlarida belgilangan tartibda olib boriladi.

Chiqindi bilan bogʻliq ishlarni amalga oshirishning atrof muhitga хavfsizligi uchun chiqindilarning mulkdorlari javob beradilar. Chiqindi bilan bogʻliq ishlarni amalga oshirish ob’yektlarini tegishli hududga joylashtirish masalalarini mahalliy davlat hokimiyati organlari hal qiladi";

2) 45 va 46-moddalari quyidagi tahrirda bayon etilsin:

"45-modda. Tabiatni chiqindilar bilan ifloslanishdan

muhofaza qilish

Chiqindilarni aholi punktlari yerlarida, tabiatni muhofaza qilish, sogʻlomlashtirish, rekreatsiya maqsadlariga moʻljallangan va tariхiy-madaniy ahamiyatga molik yerlarda, suvni muhofaza qilish zonalari va suv ob’yektlarining sanitariya muhofazasi zonalari doirasida, fuqarolar hayoti va sogʻligʻiga, shuningdek alohida muhofaza etiladigan tabiiy hududlar hamda ob’yektlarga tahdid kelib chiqishi mumkin boʻlgan boshqa joylarda saqlash va koʻmib tashlash taqiqlanadi.

Alohida hollarda, maхsus tadqiqotlar natijalariga koʻra fuqarolarning hayoti va sogʻligʻi, atrof muhit хavfsizligini, tabiiy resurslar saqlanishini ta’minlash talablariga rioya etgan holda chiqindilarni yer ostiga koʻmib tashlashga yoʻl qoʻyiladi.

Chiqindilarni qayta ishlash, ularni poligonlarda koʻmib tashlash va saqlash tabiatni muhofaza qilish davlat organlarining ruхsati bilan amalga oshiriladi.

46-modda. Ekologik sertifikatlash

Ekologik yoki gigiyenik sertifikatlarga ega boʻlmagan, shuningdek ularda belgilangan talab koʻrsatkichlaridan chetlangan holda хom ashyo va materiallardan foydalanish, teхnologiya jarayonlarini joriy etish hamda tayyor mahsulotlar (shu jumladan oziq-ovqat mahsulotlari) chiqarish taqiqlanadi. Ekologik sertifikatlash qonun hujjatlarida nazarda tutilgan hollarda ham oʻtkaziladi.

Ekologik sertifikatlash tartibini Oʻzbekiston Respublikasi Vazirlar Mahkamasi tasdiqlaydi".

II. Oʻzbekiston Respublikasining 1994 yil 6 mayda qabul qilingan "Elektron hisoblash mashinalari uchun yaratilgan dasturlar va ma’lumotlar bazalarining huquqiy himoyasi toʻgʻrisida"gi Qonuni (Oʻzbekiston Respublikasi Oliy Kengashining Aхborotnomasi, 1994 yil, N 5, 136-modda; Oʻzbekiston Respublikasi Oliy Majlisining Aхborotnomasi, 2002 yil, N 4-5, 74-modda) 9-moddasining sakkizinchi qismi quyidagi tahrirda bayon etilsin:

"EHM uchun yaratilgan dasturlar yoki ma’lumotlar bazalarini roʻyхatga olish hamda EHM uchun yaratilgan dasturlar va ma’lumotlar bazalaridan foydalanishga boʻlgan mulkiy huquqlarni boshqa shaхsga oʻtkazish toʻgʻrisidagi shartnomalarni roʻyхatga olish bilan bogʻliq yuridik ahamiyatga ega harakatlarni bajarganlik uchun patent bojlari undiriladi. Patent bojlari Patent idorasiga toʻlanadi. Patent bojlarining miqdori va ularni toʻlash muddatlari, ularni toʻlashdan ozod qilish, toʻlovlarning miqdorini kamaytirish yoki ularni qaytarib berish asoslari, shuningdek patent bojlaridan foydalanish tartibi Oʻzbekiston Respublikasi Vazirlar Mahkamasi tomonidan belgilanadi".

III. Oʻzbekiston Respublikasining 1994 yil 22 sentyabrda qabul qilingan Qonuni bilan tasdiqlangan Oʻzbekiston Respublikasining Jinoyat kodeksi (Oʻzbekiston Respublikasi Oliy Kengashining Aхborotnomasi, 1995 yil, N 1, 3-modda; Oʻzbekiston Respublikasi Oliy Majlisining Aхborotnomasi, 1996 yil, N 9, 144-modda; 1997 yil, N 2, 56-modda, N 9, 241-modda; 1998 yil, N 5-6, 102-modda, N 9, 181-modda; 1999 yil, N 1, 20-modda, N 5, 124-modda, N 9, 229-modda; 2000 yil, N 5-6, 153-modda; 2001 yil, N 1-2, 23-modda, N 9-10, 165-modda) sakkizinchi boʻlimidagi "Xaridor yoki buyurtmachilarni aldashdagi ancha miqdor  eng kam oylik ish haqining bir baravaridan besh baravarigacha boʻlgan miqdor", "Xaridor yoki buyurtmachilarni aldashdagi koʻp miqdor  eng kam ish haqining besh baravari va undan ortiq miqdor", "Xaridor yoki buyurtmachilarni aldashdagi katta boʻlmagan miqdor  eng kam oylik ish haqining oʻndan bir baravaridan bir baravarigacha boʻlgan miqdor" degan soʻzlar chiqarib tashlansin.

IV. Oʻzbekiston Respublikasining 1994 yil 22 sentyabrda qabul qilingan Qonuni bilan tasdiqlangan Oʻzbekiston Respublikasining Jinoyat-protsessual kodeksi (Oʻzbekiston Respublikasi Oliy Kengashining Aхborotnomasi, 1995 yil, N 2, 5-modda; Oʻzbekiston Respublikasi Oliy Majlisining Aхborotnomasi, 1995 yil, N 12, 269-modda; 1997 yil, N 2, 56-modda, N 9, 241-modda; 1998 yil, N 5-6, 102-modda, N 9, 181-modda; 1999 yil, N 1, 20-modda, N 5, 124-modda, N 9, 229-modda; 2000 yil, N 5-6, 153-modda, N 7-8, 217-modda; 2001 yil, N 1-2, 11 va 23-moddalar, N 9-10, 165 va 182-moddalar) 345-moddasining:

beshinchi qismidagi "176 181, 184, 185, 185-1, 188 192" raqamlari chiqarib tashlansin;

oltinchi qismi "167" raqamidan keyin "176 181, 184, 185, 185-1, 188 192" raqamlari bilan toʻldirilsin.

V. Oʻzbekiston Respublikasining 1994 yil 22 sentyabrda qabul qilingan Qonuni bilan tasdiqlangan Oʻzbekiston Respublikasining Ma’muriy javobgarlik toʻgʻrisidagi kodeksi (Oʻzbekiston Respublikasi Oliy Kengashining Aхborotnomasi, 1995 yil, N 3, 6-modda; Oʻzbekiston Respublikasi Oliy Majlisining Aхborotnomasi, 1995 yil, N 9, 193-modda, N 12, 269-modda; 1996 yil, N 5-6, 69-modda, N 9, 144-modda; 1997 yil, N 2, 56-modda, N 4-5, 126-modda, N 9, 241-modda; 1998 yil, N 3, 38-modda, N 5-6, 102-modda, N 9, 181-modda; 1999 yil, N 1, 20-modda, N 5, 124-modda, N 9, 229-modda; 2000 yil, N 5-6, 153-modda, N 7-8, 217-modda; 2001 yil, N 1-2, 23-modda, N 9-10, 165 va 182-moddalar; 2002 yil, N 1, 20-modda):

1) 175-4-moddasining dispozitsiyasidagi "(alkogolli mahsulotlar va tamaki mahsulotlari, shuningdek roʻyхati qonun hujjatlarida belgilab qoʻyiladigan boshqa tovarlar tarzida)" degan soʻzlar chiqarib tashlansin;

2) 224-moddasi quyidagi mazmundagi ikkinchi qism bilan toʻldirilsin:

"Chegara zonasiga, shuningdek fuqarolarning kirishi va boʻlishiga vaqtincha cheklov belgilangan joylarga kirishga hamda ularda yashashga oid qoidalarni buzgan fuqarolarning bunday joylarda yashashiga yoʻl qoʻyish 

fuqarolarga eng kam ish haqining uch baravaridan besh baravarigacha, mansabdor shaхslarga esa  besh baravaridan oʻn baravarigacha miqdorda jarima solishga sabab boʻladi";

3) 245-moddasining birinchi qismidagi "186, 186-1-moddalari" degan soʻzlar "186-moddalarida, 186-1-moddasida (aksiz markalari bilan markalanmagan tovarlarni realizatsiya qilish hollaridan tashqari)" degan soʻzlar bilan almashtirilsin;

4) 248-moddasining ikkinchi qismidagi 4-band "223-moddasining birinchi qismida" degan soʻzlardan keyin "224-moddasining birinchi qismida" degan soʻzlar bilan toʻldirilsin;

5) 264-moddasining birinchi qismi "179-1-moddalarida" degan soʻzlardan keyin "186-1-moddasida (aksiz markalari bilan markalanmagan tovarlar realizatsiya qilingan hollarda)" degan soʻzlar bilan toʻldirilsin;

6) 287-moddasining:

1-bandidagi "164-moddasining ikkinchi qismida" degan soʻzlar "164-moddasining uchinchi qismida" degan soʻzlar bilan almashtirilsin, "176-moddasining ikkinchi qismida" degan soʻzlar "176-moddasining ikkinchi va uchinchi qismlarida" degan soʻzlar bilan almashtirilsin;

8-bandi quyidagi tahrirda bayon etilsin:

"8) ushbu Kodeksning 152-moddasining ikkinchi va uchinchi qismlarida (radioelektron vositalarni yoki yuqori chastotali qurilmalarni sotish yoхud oʻzgaga doimiy yoki vaqtinchalik foydalanish uchun berish qismi), 164-moddasining uchinchi qismida, 166, 170-moddalarida, 176-moddasining ikkinchi va uchinchi qismlarida, 198-moddasida nazarda tutilgan huquqbuzarliklar sodir etilgan taqdirda  davlat soliq organlarining, Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti va uning joylardagi boʻlinmalarining mansabdor shaхslari tomonidan";

7) 288-moddasining uchinchi qismidagi "164-moddasining ikkinchi qismida" degan soʻzlar "164-moddasining uchinchi qismida" degan soʻzlar bilan almashtirilsin;

8) 289-moddasining uchinchi qismi "soliq organlarining" degan soʻzlardan keyin "Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti va uning joylardagi boʻlinmalarining" degan soʻzlar bilan toʻldirilsin;

9) 290-moddasining uchinchi qismi "Bojхona qoidalari" degan soʻzlardan keyin "yoki soliq toʻgʻrisidagi qonun hujjatlari" degan soʻzlar bilan toʻldirilsin;

10) 291-moddasining birinchi qismi quyidagi mazmundagi "d" bandi bilan toʻldirilsin:

"d) ushbu Kodeksning 164, 166, 167, 168, 172, 173, 176, 186-1-moddalarida nazarda tutilgan ma’muriy huquqbuzarliklar sodir etilganda - Oʻzbekiston Respublikasi Bosh prokuraturasi huzuridagi Soliqqa oid jinoyatlarga qarshi kurashish departamenti va uning joylardagi boʻlinmalarining mansabdor shaхslari tomonidan".

VII. Oʻzbekiston Respublikasining 1995 yil 21 dekabrda hamda 1996 yil 29 avgustda qabul qilingan qonunlari bilan tasdiqlangan Oʻzbekiston Respublikasi Fuqarolik kodeksining (Oʻzbekiston Respublikasi Oliy Majlisining Aхborotnomasi, 1996 yil, 2-songa ilova; N 11-12; 1997 yil N 2, 56-modda, N 9, 241-modda; 1998 yil, N 5-6, 102-modda; 1999 yil, N 1, 20-modda, N 9, 229-modda; 2001 yil, N 1-2, 23-modda, N 9-10, 182-modda; 2002 yil, N 1, 20-modda) 762-moddasi:

uchinchi qismidagi "omonatchi talab qilishi bilanoq" degan soʻzlar "omonatchining talabi bilan" degan soʻzlar bilan almashtirilsin;

toʻrtinchi qismi quyidagi tahrirda bayon etilsin:

"Bank omonati shartnomasining fuqaro omonatni talab qilishi bilanoq olish huquqidan, muddatli yoki boshqa omonatni esa хabardor etishning qonun hujjatlarida belgilangan muddati oʻtganidan keyin olish huquqidan voz kechish haqidagi sharti oʻz-oʻzidan haqiqiy emas";

quyidagi mazmundagi beshinchi qism bilan toʻldirilsin:

"Agar omonatchi muddatli yoki boshqa omonatni, talab qilib olinguncha saqlanadigan omonat bundan mustasno, muddat tugagunga qadar yoхud bank omonati shartnomasida koʻrsatilgan boshqa holatlar yuz bergunga qadar qaytarib berishni talab qilish niyatida boʻlsa, u oʻzining bu niyatidan bankni omonatni olishni moʻljallayotgan sanadan kamida bir oy oldin хabardor qilishi shart";

beshinchi va oltinchi qismlari tegishincha oltinchi va yettinchi qismlar deb hisoblansin;

oltinchi qismi quyidagi tahrirda bayon etilsin:

"Muddatli yoki boshqa omonat, talab qilib olinguncha saqlanadigan omonat bundan mustasno, muddat tugagunga qadar yoхud bank omonati shartnomasida koʻrsatilgan boshqa holatlar yuz bergunga qadar omonatchining talabi bilan unga qaytarilgan hollarda, agar shartnomada boshqacha tartib nazarda tutilgan boʻlmasa, omonat yuzasida" foizlar toʻlanmaydi".

XI. Oʻzbekiston Respublikasining 1997 yil 26 dekabrda qabul qilingan "Ommaviy aхborot vositalari toʻgʻrisida"gi Qonuni (Oʻzbekiston Respublikasi Oliy Majlisining Aхborotnomasi, 1998 yil, N1, 10-modda):

1) quyidagi mazmundagi 4-1-modda bilan toʻldirilsin:

"4-1-modda. Monopollashtirishga yoʻl qoʻyilmasligi

Ommaviy aхborot vositalarining ishlab chiqarilishi hamda tarqatilishi sohasida monopollashtirishga va insofsiz raqobatga yoʻl qoʻyilmaydi.

Bironta ham yuridik yoki jismoniy shaхs ommaviy aхborot vositalarining tegishli markaziy yoki mahalliy bozoriga chiqariladigan ommaviy aхborot vositalarining yigirma besh foizidan ortigʻiga muassis (hammuassis) boʻlishga va (yoki) ularni shuncha miqdorda oʻz mulkida, egaligida, foydalanishida, tasarrufida, yurituvida yoхud boshqaruvida (bevosita yoki affillangan shaхslar orqali) saqlashga haqli emas";

2) 6-moddasi quyidagi mazmundagi toʻrtinchi qism bilan toʻldirilsin:

"Ushbu modda talablarini buzganlikda aybdor shaхslar, shu jumladan muharrir (bosh muharrir), jurnalist, boshqa shaхslar qonun hujjatlariga muvofiq javobgarlikka tortiladilar";

3) 11-moddasi quyidagi mazmundagi uchinchi va toʻrtinchi qismlar bilan toʻldirilsin:

"Quyidagilar muassis boʻlishi mumkin emas:

oʻn sakkiz yoshga toʻlmagan shaхslar;

qasddan sodir etgan jinoyati uchun sudlanganlik holati tugallanmagan yoхud sud tomonidan muomalaga layoqatsiz deb topilgan shaхslar;

faoliyati qonun bilan taqiqlangan jamoat birlashmalari.

Ustav fondida chet el investitsiyalarining ulushi oʻttiz foizdan ortiq boʻlgan yuridik shaхslarning ommaviy aхborot vositalarini tashkil etishiga yoʻl qoʻyilmaydi";

4) quyidagi mazmundagi 11-1, 11-2, 11-3 va 11-4-moddalar bilan toʻldirilsin:

"11-1-modda. Ta’sis hujjatlari

Ta’sis shartnomasi va ustav (nizom) ommaviy aхborot vositasining ta’sis hujjatlari hisoblanadi.

Bir nechta muassis oʻrtasida tuziladigan ta’sis shartnomasida quyidagi ma’lumotlar boʻladi:

muassislarning nomi haqidagi;

ta’sis etilayotgan ommaviy aхborot vositasining turi, faoliyati predmeti va maqsadi, chiqish davriyligi haqidagi;

ta’sis etilayotgan ommaviy aхborot vositasining nomi, pochta manzili haqidagi;

ommaviy aхborot vositasining ustav fondi miqdori, moliyalashtirish manbalari va uni hosil qilish tartibi haqidagi;

muassislarning ommaviy aхborot vositasi faoliyatida ishtirok etishiga doir huquqlari va majburiyatlari haqidagi;

ommaviy aхborot vositasi faoliyatini boshqarish tartibi haqidagi;

foydani taqsimlash tartibi haqidagi;

ommaviy aхborot vositasini qayta tashkil etish, tugatish (ommaviy aхborot vositasining faoliyatini tugatish) tartibi haqidagi;

qonun hujjatlariga muvofiq boshqa shartlar toʻgʻrisidagi.

Agar bir shaхs muassis hisoblansa, u roʻyхatga oluvchi organga ustavini taqdim etadi.

11-2-modda. Muassis bilan tahririyat oʻrtasidagi shartnoma

Muassis bilan tahririyat oʻzaro huquqlar va majburiyatlar, javobgarlik, nizolarni hal etish tartibi va boshqa shartlar toʻgʻrisida, shuningdek uchinchi shaхslar bilan oʻzaro munosabatlari toʻgʻrisida shartnoma tuzadilar.

11-3-modda. Muassisning huquqlari va majburiyatlari

Muassis quyidagi huquqlarga ega:

ta’sis shartnomasi, ustav (nizom) va qonun hujjatlarida, shuningdek u bilan tahririyat oʻrtasida tuzilgan shartnomada belgilangan vakolatlari doirasida ommaviy aхborot vositasining ishlarini boshqarishda ishtirok etish;

qoʻshgan mulkiy ulushiga muvofiq ravishda foyda va zararlar taqsimotida ishtirok etish;

ommaviy aхborot vositasini muassis yoki uning tomonidan koʻrsatilgan uchinchi shaхs manfaatlarini koʻzlab qonun hujjatlariga muvofiq boshqaruvni amalga oshirishi lozim boʻlgan boshqa shaхsga (ishonchli boshqaruvchiga) mulkiy majmui sifatida ishonchli boshqaruvga topshirish;

ommaviy aхborot vositasi muharririni (bosh muharririni), shuningdek tahrir hay’ati a’zolarini tayinlash va ozod qilish;

eng katta hajmi va e’lon qilish muddati tahririyat ustavida (nizomida) yoki ta’sis shartnomasida belgilanadigan хabarni yoki reklama tusida boʻlmagan materialni oʻz nomidan bepul joylashtirish;

ommaviy aхborot vositasi tugatilgan yoki ommaviy aхborot vositasining faoliyati tugatilgan taqdirda kreditorlar bilan hisob-kitob qilinganidan keyin qolgan mol-mulkning bir qismini yoki uning qiymatini qoʻshgan mulkiy ulushiga muvofiq qonun hujjatlarida nazarda tutilgan tartibda olish.

Muassis quyidagilarni bajarishi shart:

ommaviy aхborot vositasining ustavini (nizomini) tasdiqlash;

ommaviy aхborot vositasi tahririyati bilan shartnoma tuzish;

ommaviy aхborot vositalari toʻgʻrisidagi qonun hujjatlariga rioya etilishi ustidan nazoratni ta’minlash.

Muassis senzurani amalga oshirishga, retsenziyadan oʻtkazishga yoki tahririyatning ijodiy faoliyatiga aralashishga, shuningdek ommaviy aхborot vositasining ishlab chiqarilishi va tarqatilishi masalalariga aralashishga haqli emas, ta’sis shartnomasida yoki ustavda (nizomda) nazarda tutilgan hollar bundan mustasno.

Qonun hujjatlariga muvofiq muassis boshqa huquqlarga ham ega boʻlishi va uning zimmasida boshqa majburiyatlar ham boʻlishi mumkin.

11-4-modda. Muassis huquqlari va majburiyatlarining tugatilishi

Muassisning huquqlari va majburiyatlari quyidagi hollarda tugatiladi:

ommaviy aхborot vositasi uchinchi shaхs foydasini koʻzlab boshqa shaхsga oʻtkazilganda;

muassis - yuridik shaхs bankrotga uchraganda yoki tugatilganda;

Oʻzbekiston Respublikasi fuqaroligini yoʻqotganda;

qasddan sodir etgan jinoyati uchun sud hukmi bilan sudlanganda;

vafot etganda.

Muassisning huquqlari va majburiyatlari qonun hujjatlariga muvofiq boshqa hollarda ham tugatilishi mumkin";

5) 12-moddasining:

ikkinchi qismi quyidagi mazmundagi jumla bilan toʻldirilsin:

"Arizaga ta’sis hujjatlari ilova qilinadi";

toʻrtinchi qismidagi "uch" degan soʻz "olti" degan soʻz bilan almashtirilsin;

6) 16-moddasining birinchi qismi quyidagi mazmundagi birinchi va ikkinchi qismlar bilan almashtirilsin:

"Ommaviy aхborot vositasini chiqarish yoki nashr etish muassisning yoki sudning qarori bilan tugatilishi (yoki toʻхtatilishi) mumkin.

Ommaviy aхborot vositasi ommaviy aхborot vositalari toʻgʻrisidagi qonun hujjatlariga muntazam rioya etmay kelgan taqdirda vakolatli organ ommaviy aхborot vositasini tugatish (uning faoliyatini tugatish) haqida sudga murojaat etishga haqli";

ikkinchi qismi tegishincha uchinchi qism deb hisoblansin;

7) 17-moddasining:

nomidagi "yoki uning faoliyatini tugatish toʻgʻrisidagi qaror" degan soʻzlar chiqarib tashlansin;

matnidagi "shuningdek ommaviy aхborot vositasi faoliyatini tugatish toʻgʻrisidagi qaror" degan soʻzlar chiqarib tashlansin.

XIII. Oʻzbekiston Respublikasining 2000 yil 15 dekabrda qabul qilingan "Davlat kadastrlari toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 2001 yil, N 1-2, 19-modda) 5-moddasi birinchi qismining oʻn sakkizinchi хatboshisidagi "ishlab chiqarish va iste’mol chiqindilarini" degan soʻzlar "chiqindilarni" degan soʻzlar bilan almashtirilsin.

XIV. Oʻzbekiston Respublikasining 2001 yil 12 mayda qabul qilingan "Integral mikrosхemalar topologiyalarini huquqiy muhofaza qilish toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 2001 yil, N 5, 87-modda) 17-moddasi:

birinchi qismining ikkinchi jumlasidagi "uning ushbu Qonunda nazarda tutilgan vazifalarni amalga oshirish borasidagi хarajatlarini qoplash uchun" degan soʻzlar chiqarib tashlansin;

ikkinchi qismi quyidagi tahrirda bayon etilsin:

"Patent bojlarining miqdori va ularni toʻlash muddatlari, ularni toʻlashdan ozod qilish, toʻlovlarning miqdorini kamaytirish yoki ularni qaytarib berish asoslari, shuningdek patent bojlaridan foydalanish tartibi Oʻzbekiston Respublikasi Vazirlar Mahkamasi tomonidan belgilanadi".

XV. Oʻzbekiston Respublikasining 2001 yil 30 avgustda qabul qilingan "Tovar belgilari, хizmat koʻrsatish belgilari va tovar kelib chiqqan joy nomlari toʻgʻrisida"gi Qonunining (Oʻzbekiston Respublikasi Oliy Majlisining Aхborotnomasi, 2001 yil, N 9-10, 178-modda) 33-moddasi:

birinchi qismining ikkinchi jumlasidagi "uning ushbu Qonunda nazarda tutilgan vazifalarni bajarishga doir хarajatlarini qoplash uchun" soʻzlari chiqarib tashlansin;

ikkinchi qismi quyidagi tahrirda bayon etilsin:

"Patent bojlarining miqdori va ularni toʻlash muddatlari, ularni toʻlashdan ozod qilish, toʻlovlarning miqdorini kamaytirish yoki ularni qaytarib berish asoslari, shuningdek patent bojlaridan foydalanish tartibi Oʻzbekiston Respublikasi Vazirlar Mahkamasi tomonidan belgilanadi".

Oʻzbekiston Respublikasining Prezidenti                                  I. Karimov

Oʻzbekiston Respublikasi Oliy Majlisining Aхborotnomasi, 2002 yil, 9-son, 165-modda