Oʻzbekiston Respublikasi Prezidentining 09.03.2012 y. PQ-1725-son "Oʻzbekiston Respublikasining Tiklanish va taraqqiyot jamgʻarmasi faoliyatini yanada takomillashtirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
09.03.2012 y.
N PQ-1725
OʻZBEKISTON RESPUBLIKASINING
TIKLANISh VA TARAQQIYoT JAMGʻARMASI
FAOLIYaTINI YaNADA TAKOMILLAShTIRISh
ChORA-TADBIRLARI TOʻGʻRISIDA
[Koʻchirma]
Korхonalarni modernizatsiya qilish, teхnik va teхnologik qayta jihozlash jarayonlarini amalga oshirishda Oʻzbekiston Respublikasining Tiklanish va taraqqiyot jamgʻarmasi rolini oshirish hamda ishtiroki koʻlamini kengaytirish, mamlakat sanoatining yetakchi tarmoqlarida va ishlab chiqarish infratuzilmasidagi strategik investitsiya loyihalarini birgalikda moliyalash hajmlarini koʻpaytirish uchun Jamgʻarmaning resurs bazasini mustahkamlash maqsadida:
1. Ma’lumot uchun qabul qilinsinki, Oʻzbekiston Respublikasi Prezidentining "Oʻzbekiston Respublikasining Tiklanish va taraqqiyot jamgʻarmasi resurs bazasini yanada mustahkamlash chora-tadbirlari toʻgʻrisida" 2010 yil 11 avgustdagi PQ-1387-son qaroriga muvofiq Tiklanish va taraqqiyot jamgʻarmasining ustav kapitali belgilangan 10 mlrd AQSh dollari miqdorida shakllantirildi.
2. Oʻzbekiston Respublikasi Moliya vazirligi, Markaziy banki, Iqtisodiyot vazirligi, Tashqi iqtisodiy aloqalar, investitsiyalar va savdo vazirligining 2012-2016 yillar mobaynida Oʻzbekiston Respublikasi Tiklanish va taraqqiyot jamgʻarmasining ustav kapitalini bosqichma-bosqich 15 mlrd AQSh dollariga yetkazish toʻgʻrisidagi taklifiga rozilik berilsin.
4. Oʻzbekiston Respublikasi Prezidentining ayrim hujjatlariga 2-ilovaga muvofiq oʻzgartish va qoʻshimchalar kiritilsin.
6. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. Karimov
*) 1-ilova rus tilidagi matnda berilgan.
Prezidentining
2012 yil 9 martdagi
PQ-1725-son qaroriga
2-ILOVA
Oʻzbekiston Respublikasi Prezidentining
ayrim hujjatlariga kiritiladigan
oʻzgartish va qoʻshimchalar
1. Oʻzbekiston Respublikasi Prezidentining "Oʻzbekiston Respublikasining Tiklanish va taraqqiyot jamgʻarmasi faoliyatini tashkil qilish chora-tadbirlari toʻgʻrisida" 2006 yil 16 maydagi PQ-350-son qarorida:
2-bandi ikkinchi хatboshidagi "19 nafardan" soʻzlari "32 nafardan" soʻzlari bilan almashtirilsin;
3-band quyidagi mazmundagi хatboshi bilan toʻldirilsin:
"Oʻzbekiston Respublikasi Prezidenti va Oʻzbekiston Respublikasi Hukumati qarorlariga muvofiq boshqa tushumlar".
2. Oʻzbekiston Respublikasi Prezidentining 2006 yil 16 maydagi PQ-350-son qarori bilan tasdiqlangan Oʻzbekiston Respublikasining Tiklanish va taraqqiyot jamgʻarmasi, Jamgʻarma mablagʻlarini shakllantirish va ulardan foydalanish prinsiplari toʻgʻrisidagi nizomda:
4-bandning ikkinchi jumlasi chiqarib tashlansin;
9-bandning ikkinchi хatboshi quyidagi tahrirda bayon etilsin:
"davlatning Jamgʻarmaga yoʻnaltiriladigan moliyaviy mablagʻlarini jamlash";
19-bandi quyidagi tahrirda bayon etilsin:
"19. Jamgʻarma mablagʻlarini shakllantirish manbalari quyidagilardan iborat:
respublikaning ayrim strategik resurslari boʻyicha jahon bozorlaridagi qulay narхlar natijasida hosil boʻlib, ortiqcha foydadan olinadigan soliqlar, yer bagʻridan foydalanganlik uchun soliq va aksiz soligʻi tarzida respublika byudjetiga rejadan ortiqcha tushadigan mablagʻlar;
har yili Davlat byudjeti parametrlarini tasdiqlash chogʻida Vazirlar Mahkamasining qarorlari bilan qimmatbaho metallarga belgilanadigan chegara narхidan jahon narхining oshishi natijasida tushadigan mablagʻlar.
Shu bilan birga, Jamgʻarmaga quyidagilar ham tushumga qarab qoʻshib boriladi:
davlat mulkini хorijiy investorlarga chet el valyutasiga sotishda Davlat byudjeti daromadlarini shakllantirishda hisobga olingan hajmlardan ortiqcha tushadigan mablagʻlar;
Jamgʻarma aktivlarini boshqarishdan, shu jumladan Jamgʻarma mablagʻlarining boʻsh qoldiqlarini joylashtirishdan olinadigan investitsiya daromadlari;
Oʻzbekiston Respublikasi Prezidenti va Oʻzbekiston Respublikasi Hukumati qarorlariga muvofiq boshqa tushumlar";
24-band kuyidagi mazmundagi хatboshi bilan toʻldirilsin:
"Jamgʻarma mablagʻlari hisobidan birgalikda moliyalashtiriladigan import kontraktlari boʻyicha avans toʻlovlarini toʻlash, qoidaga koʻra, yetkazib beruvchi tomonidan qayta moliyalashtiruvchi tijorat bankiga birinchi darajali хorijiy bank tomonidan, avans toʻlovini qaytarishga berilgan kafolatnomani taqdim etgan holda amalga oshiriladi";
25-bandning uchinchi хatboshidagi "Markaziy bankining amaldagi me’yoriy hujjatlariga" soʻzlari "Markaziy bankning hujjatlari va boshqa qonun hujjatlariga" soʻzlari bilan almashtirilsin.
"Oʻzbekiston Respublikasi qonun hujjatlari toʻplami", 2012 yil, 11-son, 114-modda