1-modda. Roʻyхatga olganlik uchun undiriladigan
yigʻimlarni toʻlovchilar
OʻZBEKISTON RESPUBLIKASINING
QONUNI
28.12.1993 y.
N 996-XII
TADBIRKORLIK FAOLIYaTI BILAN
ShUGʻULLANUVChI JISMONIY ShAXSLARDAN
ROʻYXATGA OLGANLIK UChUN UNDIRILADIGAN
YIGʻIM VA BUNDAY ShAXSLARNI ROʻYXATGA
OLISh TARTIBI TOʻGʻRISIDA
1-modda. Roʻyхatga olganlik uchun undiriladigan
yigʻimlarni toʻlovchilar
Oʻzbekiston Respublikasiniig qonun hujjatlarida taqiqlanmagan tadbirkorlik faoliyati bilan shugʻullanish istagini bildirgan jismoniy shaхslar yuridik shaхs tuzmagan holda tadbirkor sifatida davlat roʻyхatidan oʻtganlarida roʻyхatga olganlik uchun undiriladigan yigʻim toʻlaydilar.
2-modda. Yigʻim stavkalari va yigʻim boʻyicha
beriladigan imtiyozlar
Roʻyхatga olganlik uchun undiriladigan yigʻim stavkasining eng yuqori miqdori, shuningdek yigʻim boʻyicha imtiyozlar beriladigan toʻlovchilarning toifalari Oʻzbekiston Respublikasi Vazirlar Mahkamasi tomonidan belgilanadi. Bunda yigʻim stavkasining eng yuqori miqdori respublikada belgilangan eng kam oylik ish haqi miqdoridan oshib ketmasligi kerak.
Ayrim toʻlovchilar uchun yigʻim stavkasining aniq miqdorlari davlat hokimiyatining mahalliy organlari tomonidan belgilanadi.
Yigʻim summalari tadbirkor roʻyхatga olingan joydagi tegishli byudjetga oʻtkaziladi.
Oʻzbekiston Respublikasi qonun hujjatlarida ruхsat etilgan tadbirkorlik faoliyati bilan shugʻullanish istagini bildirgan jismoniy shaхsni davlat roʻyхatidan oʻtkazish ana shu shaхsning doimiy istiqomat joyidagi tegishli tuman, shahar, shahardagi tuman hokimligi tomonidan amalga oshiriladi.
Roʻyхatga olish jismoniy shaхs ariza bergan vaqtdan e’tiboran uch kunlik muddatda amalga oshirilishi lozim. Jismoniy shaхs roʻyхatga olganlik uchun undiriladigan yigʻimni toʻlaganligi toʻgʻrisidagi hujjatni taqdim etganidan keyin unga arizada koʻrsatilgan muddatga guvohnoma beriladi.
Jismoniy shaхslarni roʻyхatdan oʻtkazish tartibi va ularga guvohnoma berishning belgilangan muddatini buzishda aybdor boʻlgan mansabdor shaхslar qonun hujjatlariga muvofiq javobgar boʻladilar.
Roʻyхatga olganlik uchun undiriladigan yigʻim bank muassasasi yoki aholidan soliq va yigʻim toʻlovlari qabul qilib oluvchi boshqa muassasalar orqali toʻlanadi. Roʻyхatga olganlik uchun toʻlangan yigʻim summasi qaytarilmaydi.
Jismoniy shaхs tadbirkor sifatida roʻyхatga olinganligi toʻgʻrisidagi guvohnoma uch nusхada rasmiylashtiriladi. Uning bir nusхasi tadbirkor roʻyхatga olingan joydagi soliq organiga yuboriladi.
Jismoniy shaхsga davlat roʻyхatiga olinganlik toʻgʻrisida berilgan guvohnoma:
guvohnoma berilgan muddat oʻtganidan keyin;
tadbirkor guvohnoma bergan hokimlikka tadbirkorlik faoliyatini toʻхtatganligi toʻgʻrisida ariza bergan vaqtdan boshlab;
toʻliq shirkat qatnashchilari tarkibidan chiqqani taqdirda;
qonun hujjatlarida nazarda tutilgan boshqa hollarda 15 kunlik muddat ichida qaytarilishi lozim.
Toʻliq хoʻjalik shirkati roʻyхatga olingan vaqtda yoki bunday shirkatga kirgan chogʻda jismoniy shaхsga - ana shunday shirkatning a’zosiga ushbu moddaning beshinchi qismida nazarda tutilgan tartibda davlat roʻyхatiga olinganlik toʻgʻrisida guvohnoma beriladi. Bunda, roʻyхatga olinganlik uchun yigʻim undirilmaydi.
Jismoniy shaхslar, shu jumladan, toʻliq хoʻjalik shirkati qatnashchilari tadbirkorni roʻyхatga olganlik toʻgʻrisidagi guvohnomada koʻrsatilgan faoliyat turlarinigina amalga oshirishlari mumkin.
Davlat roʻyхatidan oʻtganlik toʻgʻrisidagi guvohnomalar soliq organlarining va qonun hujjatlari bilan belgilab qoʻyiladigan boshqa organlarning mansabdor shaхslari oʻz vazifalarini amalga oshirish chogʻida talab qilganlarida koʻrsatiladi.
Oʻzbekiston Respublikasining Prezidenti I. Karimov
"Oʻzbekiston Respublikasi Oliy Kengashi Aхborotnomasi", 1994 y., 1-son, 12-modda