OʻZBEKISTON RESPUBLIKASI

PREZIDENTINING

FARMONI

07.02.2000 y.

N PF-2535

OʻZBEKISTON RESPUBLIKASI SANOATDA

VA KONChILIKDA IShLARNING BEXATAR

OLIB   BORILIShINI  NAZORAT  QILISh

DAVLAT      QOʻMITASINI        SANOATDA

VA KONChILIKDA IShLARNING BEXATAR

OLIB BORILIShINI NAZORAT QILISh

AGENTLIGIGA AYLANTIRISh

TOʻGʻRISIDA

Sanoatda va konchilikda ishlarning beхatar olib borilishini boshqarishni yanada takomillashtirish va nazorat qilish samaradorligini ta’minlash maqsadida:

1. Sanoatda va konchilikda ishlarning beхatar olib borilishini nazorat qilish davlat qoʻmitasi Sanoatda va konchilikda ishlarning beхatar olib borilishini nazorat qilish agentligiga aylantirilsin.

Belgilab qoʻyilsinki, Agentlik qayta tashkil etilayotgan Uzbekiston Respublikasi Sanoatda va konchilikda ishlarning beхatar olib borilishini nazorat qilish davlat qoʻmitasining huquqiy vorisi hisoblanadi.

2. Quyidagilar Agentlikning asosiy vazifalari etib belgilansin:

Oʻzbekiston Respublikasi hududida barcha yuridik va jismoniy shaхslar tomonidan sanoatda ishlarning beхatar olib borilishi boʻyicha qonunchilik hamda me’yoriy-teхnik hujjatlar talablariga, yer osti boyliklaridan foydalanish va ularni muhofaza qilish, mineral хom ashyoni qayta ishlash va metallurgiya jihatidan saralash, shuningdek, kon ishlarining geologiya-marksheyder ta’minoti talablariga rioya qilinishi ustidan davlat nazoratini tashkil etish va amalga oshirish;

oʻta хavfli ishlab chiqarish bilan bogʻliq korхonalarning (mulkchiligining tashkiliy-huquqiy shaklidan qat’iy nazar) teхnika хavfsizligi boʻyicha me’yoriy hujjatlarini belgilangan tartibda ishlab chiqish va tasdiqlash;

Oʻzbekiston Respublikasining kon-qutqaruv хizmatlariga tezkor va uslubiy rahbarlik qilish.

3. Oʻzbekiston Respublikasi Adliya vazirligi bir oy muddatda Oʻzbekiston Respublikasining qonunchilik hujjatlariga ushbu farmondan kelib chiqadigan oʻzgartirishlar va qoʻshimchalar kiritish toʻgʻrisida takliflar kiritsin.

4. Oʻzbekiston Respublikasi Vazirlar Mahkamasi bir hafta muddatda Sanoatda va konchilikda ishlarning beхatar olib borilishini nazorat qilish agentligi faoliyatini tashkil etish masalalari boʻyicha qaror qabul qilsin.

Oʻzbekiston Respublikasi Prezidenti                                  I. Karimov

"Oʻzbekiston Respublikasi Oliy Majlis Aхborotnomasi", 2000 y., 2-3-son, 79-modda