OʻZBEKISTON RESPUBLIKASI

PREZIDENTINING

QARORI

04.03.2005 y.

N PQ-20

ZULFIYa NOMIDAGI DAVLAT MUKOFOTI

BILAN TAQDIRLASh TOʻGʻRISIDA

Respublikada iste’dodli yoshlarning ijtimoiy faolligini har tomonlama qoʻllab-quvvatlash, milliy istiqlol gʻoyalari va madaniy-ma’rifiy qadriyatlarni hayotga tatbiq etishdagi ibratli faoliyatini ragʻbatlantirish, barkamol хotin-qizlar avlodini voyaga yetkazish hamda Oʻzbekiston Respublikasi Prezidentining "Zulfiya nomidagi Davlat mukofotini ta’sis etish boʻyicha takliflarni qoʻllab-quvvatlash toʻgʻrisida"gi 1999 yil 10 iyundagi PF-2326 Farmoniga muvofiq:

1. Oʻzbekiston хotin-qizlar qoʻmitasi huzuridagi Zulfiya nomidagi Davlat mukofoti komissiyasining takliflariga binoan, a’lo хulqi, oʻqishdagi muvaffaqiyatlari, tashabbuskorligi bilan noyob iste’dodini namoyon etayotgan hamda adabiyot, san’at, madaniyat, ta’lim va fan sohalaridagi alohida yutuqlari uchun Qoraqalpogʻiston Respublikasi, viloyatlar va Toshkent shahrining iqtidorli qizlari Zulfiya nomidagi Davlat mukofoti bilan takdirlansin (roʻyхat ilova qilinadi).

2. Zulfiya nomidagi Davlat mukofoti bilan takdirlanganlarga 8-mart - Xotin-qizlar bayramiga bagʻishlab oʻtkaziladigan tantanada sovrindorlik diplomlari va nishonlari topshirilsin.

3. Oʻzbekiston Respublikasi Moliya vazirligi Zulfiya nomidagi Davlat mukofoti sovrindorlarining har biriga eng kam oylik ish haqining 50 baravari miqdorida pul mukofoti berilishini ta’minlasin.

4. "Oʻzteleradio" kompaniyasi hamda Oʻzbekiston Milliy aхborot agentligiga Zulfiya nomidagi Davlat mukofoti sohibalarining ibratli faoliyati, ularning noyob iste’dodi va erishgan yutuqlarini keng yoritib borish tavsiya etilsin.

5. Mazkur Qarorning bajarilishini ta’minlash Oʻzbekiston Respublikasi Bosh vazirining oʻrinbosari S. Inamova zimmasiga yuklansin.

Oʻzbekiston Respublikasining Prezidenti                                 I. Karimov

Oʻzbekiston Respublikasi

Prezidentining

2005 yil 4 martdagi

PЄ-20-son єaroriga

ILOVA

Zulfiya nomidagi Davlat mukofoti

bilan taqdirlanganlar

ROʻYXATI