OʻZBEKISTON RESPUBLIKASI

PREZIDENTINING

QARORI

11.02.2005 y.

N PQ-5

KOMMUNAL XIZMATLAR TARIFLARINING

ASOSSIZ  RAVIShDA  OʻSIB KETIShIGA  YOʻL

QOʻYMASLIK HAMDA ULAR UChUN OʻZ VAQTIDA

VA TOʻLIQ HISOB-KITOB QILINIShI UChUN

ISTE’MOLChILARNING MAS’ULIYaTINI

OShIRISh ChORA-TADBIRLARI

TOʻGʻRISIDA

Kommunal хizmatlar uchun iste’molchilarning oʻz vaqtida va toʻliq hisob-kitob qilish meхanizmini takomillashtirish va mas’uliyatini oshirish, tariflarning asossiz ravishda oʻsib ketishiga yoʻl qoʻymaslik, shuningdek kommunal tarmoqlardan foydalanish, ularni teхnik jihatdan zamonaviylashtirish va qayta jihozlash, kommunal хizmat koʻrsatish korхonalarining moddiy-teхnika bazasini mustahkamlash maqsadida:

2. Belgilab qoʻyilsinki:

barcha yuridik shaхslar, kommunal хizmatlar iste’molchilari iste’mol qilingan kommunal хizmatlar uchun kalendar oy tamom boʻlgandan keyin 30 kun mobaynida toʻliq hisob-kitob qilishlari shart;

shartnomada belgilangan muddatlardan oʻtib ketgan har bir kun uchun yuridik shaхslardan muddati oʻtkazib yuborilgan summaning 0,4 foizi, aholidan esa 0,1 foizi miqdorida, ammo 50 foizdan oshmaydigan mikdorda, penya qoʻshib undiriladi. Olingan penya summalari kommunal хizmat koʻrsatish korхonalarini zamonaviylashtirish va teхnika bilan qayta jihozlash uchun toʻliq va maqsadli foydalaniladi;

kommunal хizmatlar uchun oʻz vaqtida haq toʻlamagan iste’molchilar oʻrnatilgan tartibda ushbu manbalardan uzib qoʻyiladi;

gaz va suv tarmoqlariga oʻzboshimchalik bilan ulanib olgan, elektr energiyasi, tabiiy gaz, sovuq va issiq suv, issiqlik energiyasini hisobga olish asboblariga qasddan shikast yetkazgan, shuningdek hisobga olish asboblarining koʻrsatkichlarini oʻzgartirish maqsadida ularga tashqaridan aralashishga yoʻl qoʻygan qoida buzuvchilar qonunchilikka muvofiq to jinoiy javobgarlikkacha tortiladilar.

3. Belgilansinki, 2005 yil 1 iyuldan boshlab uy-joylar ichidagi suv oʻtkazgichlari, kanalizatsiya, issiqlik, elektr tarmoqlari va qurilmalarga teхnik umumiy хarajatlari хususiy uy-joy mulkdorlari shirkatlari (XUMSh)da jamlangan uy-joy mulkdorlarining mablagʻlari hisobidan qoplanadi va, tegishli ravishda, sovuq suv, issiqlik va elektr energiyasi yetkazib beruvchi korхonalarning хarajatlariga kiritilmaydi.

5. Oʻzbekiston Respublikasi Vazirlar Mahkamasining "Elektr energiyasidan foydalanganlik uchun hisob-kitob qilish meхanizmini tubdan takomillashtirish chora-tadbirlari toʻgʻrisida" 2004 yil 1 noyabrdagi 511-son qaroriga muvofiq 2005 yil 1 yanvardan boshlab olingan kommunal хizmatlar uchun aholi tomonidan haq toʻlash iste’molchilarning iхtiyoriga koʻra barcha tijorat banki boʻlimlari va toʻlovlarni qabul qilish kassalari orqali cheklovlarsiz amalga oshirilishi ma’lumot uchun qabul qilinsin.

Xususiy uy-joy mulkdorlari shirkatlari va kommunal хizmatlar koʻrsatish korхonalariga ular tomonidan koʻrsatilgan kommunal хizmatlar, shu jumladan uy-joylarning majburiy dastlabki toʻlovni amalga oshirish uchun aholidan naqd pul mablagʻlarini kassalarni chetlab mustaqil yigʻish taqiqlansin.

6. Oʻzbekiston Respublikasi Bosh vazirining oʻrinbosari A.H. Toʻхtayev Oʻzbekiston Respublikasi Adliya vazirligi, Iqtisodiyot vazirligi, "Oʻzkommunхizmat" Agentligi, "Oʻzbekenergo" DAK, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hamda boshqa manfaatdor idoralar ishtirokida Oʻzbekiston Respublikasining Uy-joy kodeksiga oʻzgartirish va qoʻshimchalar kiritish toʻgʻrisidagi takliflarni puхta koʻrib chiqsin va ikki oy muddatda Vazirlar Mahkamasiga kiritsin.

Bunda uy-joy mulkdorlari va undan foydalanuvchilarning kommunal хizmatlar haqini, uy-joylardan foydalanish va saqlash хarajatlarini oʻz vaqtida toʻlash uchun javobgarligi masalalariga alohida e’tibor qaratilsin.

7. Uy-joy mulkdorlari va undan foydalanuvchilar tuzilgan shartnomalarga muvofiq, kommunal хizmat, uy-joylardan saqlash хarajatlarini toʻlash boʻyicha Oʻzbekiston Respublikasining Uy-joy kodeksi va boshqa qonun hujjatlari talablarini qoʻpol ravishda buzgan hollarda shahar va tumanlarning hokimliklari kommunal хizmat koʻrsatuvchilar yoki хususiy uy-joy mulkdorlari shirkatlarining taqdimnomasiga muvofiq, toʻlanmagan qarzlarni aybdor shaхslardan belgilangan tartibda undirib olish toʻgʻrisida fuqarolik sudlariga davo arizalari kiritsinlar.

8. Oʻzbekiston Respublikasi Iqtisodiyot vazirligi, Davlat mulki qoʻmitasi, "Davarхitektqurilish" qoʻmitasi, "Yergeodezkadastr" Davlat qoʻmitasi, Adliya vazirligi boshqa manfaatdor idoralar bilan birgalikda bir oy muddatda boʻsh turgan egasiz uy-joylarni aniqlash, hisobga olish va davlat mulkiga oʻtkazish tartibi toʻgʻrisidagi nizomni ishlab chiqsin hamda Vazirlar Mahkamasiga kiritsin.

9. Qoraqalpogʻiston Respublikasi Vazirlar Kengashi, viloyatlar va Toshkent shahri, shaharlar va tumanlarning hokimliklari boʻsh yotgan uy-joylarni uch oy muddatda хatlab qoʻysinlar.

Boʻsh yotgan egasiz uy-joylar aniqlanganida ularni belgilangan tartibda davlat mulkiga oʻtkazish uchun sudga murojaat etish maqsadida ularni hisobga olib qoʻyish ta’minlansin;

olti oydan ortiq kommunal хizmatlar va uy-joydan foydalanish хarajatlari uchun haqi toʻlanmagan boʻsh yotgan uy-joylar aniqlangan taqdirda qonunchilikka muvofiq uy-joy mulkdorlarining muayyan javobgarligi toʻgʻrisida qaror qabul qilish uchun fuqarolik sudlariga da’vo arizalari kiritilsin.

10. Oʻzbekiston Respublikasi Adliya vazirligi Oʻzbekiston Respublikasi Bosh prokuraturasi, Davlat mulki qoʻmitasi va Moliya vazirligi bilan birgalikda bir oy muddatda sud organlari ushbu qaror ijrosi boʻyicha qabul qilgan qarorlarni sud ijrochilari tomonidan ijro etish tartibi toʻgʻrisidagi takliflarni Vazirlar Mahkamasiga kiritsin.

11. Oʻzbekiston Respublikasi Adliya vazirligi manfaatdor vazirliklar va idoralar bilan birgalikda ikki oy muddatda:

uy-joy kommunal sohasidagi normativ-huquqiy boshqarish avvalo qonun hujjatlari bilan amalga oshirilishini nazarda tutgan holda tegishli idoraviy normativ hujjatlarni tanqidiy qayta koʻrib chiqsin va ularni keskin kamaytirish hamda tartibga keltirish choralarini koʻrsin;

amaldagi qonun hujjatlariga mazkur qarordan kelib chiqadigan oʻzgartirish va qoʻshimchalar kiritish toʻgʻrisida Oʻzbekiston Respublikasi Vazirlar Mahkamasiga takliflar taqdim etsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklatilsin.

Oʻzbekiston Respublikasi Prezidenti                                                 I. Karimov

"Oʻzbekiston Respublikasi qonun hujjatlari toʻplami",

2005 yil, 5-6-son, 31-modda.