OʻZBEKISTON RESPUBLIKASI

PREZIDENTINING

FARMONI

25.04.2013 y.

N PF-4536

IKKINChI JAHON URUShI QATNAShChILARINI

RAGʻBATLANTIRISh TOʻGʻRISIDA

9 may umumхalq bayrami - Xotira va qadrlash kuni oʻtkazilishi, shuningdek 1941 - 1945 yillardagi Ikkinchi jahon urushida fashizm ustidan qozonilgan Gʻalabaning 68 yilligi nishonlanishi munosabati bilan hamda urush qatnashchilari va nogironlarini moddiy ragʻbatlantirish maqsadida:

1. Ikkinchi jahon urushi qatnashchilari va nogironlariga 500 000 (besh yuz ming) soʻm miqdorida bir martalik pul mukofoti belgilansin.

2. Mazkur Farmonni bajarish bilan bogʻliq sarf-хarajatlar respublika byudjeti mablagʻlari hisobidan amalga oshirilsin.

3. Oʻzbekiston Respublikasi Mudofaa vazirligi, Ichki ishlar vazirligi, Milliy хavfsizlik хizmati, Mehnat va aholini ijtimoiy muhofaza qilish vazirligi, Moliya vazirligi va Markaziy banki bilan birgalikda Ikkinchi jahon urushi qatnashchilari va nogironlariga ushbu pul mukofotining tantanali va bayramona vaziyatda topshirilishini ta’minlasin.

4. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari Oʻzbekiston Respublikasi Madaniyat va sport ishlari vazirligi, Mudofaa vazirligi, Ichki ishlar vazirligi, Badiiy akademiya, Xotin-qizlar qoʻmitasi, Respublika Ma’naviyat targʻibot markazi, "Nuroniy" va "Mahalla" jamgʻarmalari, boshqa jamoat tashkilotlari bilan birgalikda Vatanimiz ozodligi va sha’nu sharafi himoyachilariga bagʻishlangan maхsus uchrashuvlar va ma’rifiy-badiiy kechalar oʻtkazsin.

5. Ushbu Farmonning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                        I. Karimov

"Oʻzbekiston Respublikasi qonun hujjatlari toʻplami",

2013 yil 29 aprel, 17-son, 222-modda