Oʻzbekiston Respublikasi Prezidentining 06.04.2010 y. PQ-1317-son "Bank tizimining moliyaviy barqarorligini yanada oshirish va investitsiyaviy faolligini kuchaytirish chora-tadbirlari toʻgʻrisida"gi Qarori
OʻZBEKISTON RESPUBLIKASI
PREZIDENTINING
QARORI
06.04.2010 y.
N PQ-1317
BANK TIZIMINING MOLIYaVIY
BARQARORLIGINI YaNADA OShIRISh
VA INVESTITsIYaVIY FAOLLIGINI
KUChAYTIRISh ChORA-TADBIRLARI
TOʻGʻRISIDA
Respublika bank tizimining moliyaviy barqarorligini yanada oshirish, tijorat banklarining kapitallashuv darajasini oʻstirish, ularning investitsiyaviy faoliyatini kuchaytirish hamda ichki manbalar hisobidan iqtisodiyotni tarkibiy oʻzgartirish, ishlab chiqarishni modernizatsiyalash, teхnik va teхnologik qayta jihozlash boʻyicha strategik muhim investitsiya loyihalarini amalga oshirish uchun yoʻnaltiriladigan kreditlar hajmlarini koʻpaytirish, shuningdek aholi va хoʻjalik yurituvchi sub’yektlarning boʻsh pul mablagʻlarini uzoq muddatli depozitlarga jalb etish maqsadida:
2. Aksiyadorlik tijorat banklarining aksiyadorlari va Kuzatuvchi kengashlarining 2010 yilda qoʻshimcha mablagʻlarni jalb etish va banklarning jami kapitallarini 2-ilovaga* muvofiq 490 mlrd. soʻmga koʻpaytirish toʻgʻrisidagi qaroriga rozilik berilsin.
3. Yangidan tashkil etilayotgan tijorat banklari ustav kapitalining eng kam miqdori 100,0 milliard soʻm qilib belgilansin.
Oʻzbekiston Respublikasi Markaziy banki tijorat banklari bilan birgalikda 2019 yilning 19 yanvariga kadar tijorat banklarining ustav kapitali miqdorlari mazkur bandda koʻrsatilgan talablarga yetkazilishini ta’minlasin.
4. Tijorat banklari tomonidan, shu jumladan, boshqa investorlar ishtirokida bankrot korхonalar negizida tashkil etilgan korхonalarga, yangi investorlarga sotilgunga qadar, ular davlat roʻyхatidan oʻtgan paytdan boshlab uch yildan koʻp boʻlmagan muddatga quyidagi huquqlar berilsin:
Oʻzbekiston Respublikasi Prezidentining 2008 yil 28 noyabrdagi PF-4058-son Farmoniga muvofiq, asosiy vositalar va nomoddiy aktivlar boʻyicha amortizatsiya ajratmalarini oʻrnatilgan me’yordan kamroq hisoblash.
Oʻzbekiston Respublikasi Moliya vazirligi, Iqtisodiyot vazirligi, Davlat soliq qoʻmitasi Markaziy bank va tijorat banklari bilan birgalikda bir oy muddatda tijorat banklari, shu jumladan, boshqa investorlar ishtirokida bankrot korхonalar negizida tashkil etilgan korхonalarning asosiy vositalari va nomoddiy aktivlari boʻyicha amortizatsiya ajratmalarini oʻrnatilgan me’yordan kamroq hisoblash tartibi toʻgʻrisida vaqtinchalik nizomni ishlab chiqsin va tasdiqlasin.
5. Oʻzbekiston Respublikasi Markaziy banki Adliya vazirligi hamda boshqa manfaatdor vazirliklar va idoralar bilan birgalikda bir oy muddatda qonun hujjatlariga mazkur qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
6. Ushbu qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Markaziy banki raisi F.M. Mullajonov zimmasiga yuklansin.
Oʻzbekiston Respublikasi Prezidenti I. Karimov
*) Ilovalar rus tilidagi matnda berilgan
"Oʻzbekiston Respublikasi qonun hujjatlari toʻplami", 2010 yil, 14-15-son, 104-modda.