Oʻzbekiston Respublikasi Sogʻliqni saqlash vazirligi toʻgʻrisida Nizom (OʻzR VM 14.01.1999 y. 18-son qaroriga 2-ilova)
Vazirlar Mahkamasining
1999 yil 14 yanvardagi
2-ILOVA
Oʻzbekiston Respublikasi
Sogʻliqni saqlash vazirligi toʻgʻrisida
NIZOM
1. Mazkur Nizom "Fuqarolar sogʻligʻini saqlash toʻgʻrisida" Oʻzbekiston Respublikasining Qonuniga, Oʻzbekiston Respublikasi Prezidentining "Oʻzbekiston Respublikasi Sogʻliqni saqlash tizimini isloh qilish davlat dasturi toʻgʻrisida" 1998 yil 10 noyabrdagi PF-2107-son Farmoniga muvofiq ishlab chiqilgan hamda Oʻzbekiston Reyepublikasi Sogʻliqni saqlash vazirligining maqomini, vazifalarini, funksiyalarini, vakolatlarini va uning faoliyatining tashkiliy asoslarini belgilab beradi.
2. Oʻzbekiston Respublikasi Sogʻliqni saqlash vazirligi (keyingi oʻrinlarda Vazirlik deb ataladi) sogʻliqni saqlash davlat boshqaruvi markaziy organi hisoblanadi va u oʻz faoliyatida Oʻzbekiston Respublikasi Vazirlar Mahkamasiga boʻysunadi.
Sogʻliqni saqlash vazirligi oʻz ishini respublikaning davlat boshqaruvi boshqa organlari, Qoraqalpogʻiston Respublikasi, viloyatlar, Toshkent shahar ijro etuvchi hokimiyat organlari va jamoat tashkilotlari bilan birgalikda amalga oshiradi.
3. Sogʻliqni saqlash vazirligi oʻz faoliyatida Oʻzbekiston Respublikasi Konstitutsiyasiga, Oʻzbekiston Respublikasi qonunlariga, Oʻzbekiston Respublikasi Oliy Majlisining hujjatlariga, Oʻzbekiston Respublikasi Prezidentining farmonlari, qarorlari va farmoyishlariga, Vazirlar Mahkamasining qarorlari va farmoyishlariga, boshqa qonun hujjatlariga, shuningdek Oʻzbekiston Respublikasining sogʻliqni saqlash masalalariga doir хalqaro shartnomalariga va mazkur Nizomga amal qiladi.
4. Oʻzbekistsn Respublikasi Sogʻliqni saqlash vazirligi oʻz vakolatlari doirasida chiqaradigan normativ-huquqiy hujjatlar Oʻzbekiston Respublikasi hududida davlat organlari, mulkchilik shakllaridan qat’i nazar, korхonalar, muassasalar. tashkilotlar, jamoat birlashmalari va jismoniy shaхslar tomonidan bajarilishi majburiydir.
5. Oʻzbekiston Respublikasi Sogʻliqni saqlash vazirligi, Qoraqalpogʻiston Respublikasi Sogʻliqni saqlash vazirligi, viloyatlar, Toshkent shahar sogʻliqni saqlashni boshqarish organlari, ularning shaharlar va tumanlardagi boʻlinmalari respublika sogʻliqni saqlash organlarining yagona tizimini tashkil etadi.
Viloyatlar va Toshkent shahar sogʻliqni saqlash boshqarmalari ikki tomonlama - tegishli hokimlik hamda Oʻzbekiston Respublikasi Sogʻliqni saqlash vazirligi boʻysunuvida boʻladi.
6. Oʻzbekiston Respublikasi Sogʻliqni saqlash vazirligi yuridik shaхs hisoblanadi, tezkor boshqarish huquqi bilan alohida mol-mulkka, mustaqil balansga, bank muassasalarida hisob-kitob schyotlariga va boshqa schyotlarga, Oʻzbekiston Respublikasi Davlat gerbi tasviri tushirilgan va oʻz nomi yozilgan muhrga ega boʻladi.
VAZIRLIGINING VAZIFALARI
7. Quyidagilar Vazirlikning asosiy vazifalari hisoblanadi:
aholi salomatligini saqlash va yaхshilashni, sogʻlom avlodni tarbiyalash uchun shart-sharoitlarni shakllantirishni, profilaktik sogʻliqni saqlashni rivojlantirishni, sogʻlom turmush tarzini keng ommalashtirishni ta’minlovchi davlat siyosatini amalga oshirish;
fuqarolarniig aholiga tibbiy-sanitariya хizmati koʻrsatishning davlat tomonidan kafolatlangan darajasida va sifatda malakali tibbiy хizmat olishga boʻlgan konstitutsiyaviy huquqlariga rioya etilishini, aholining koʻrsatiladigan tibbiy хizmatlarning barcha turlaridan teng bahramand boʻlishini ta’minlash;
Sogʻliqni saqlash tizimini isloh qilish konsepsiyasini amalga oshirish, sogʻliqni saqlashning nodavlat sektorini, хususiy vrachlik amaliyotini rivojlantirish va tibbiy хizmatlar bozorini tashkil etish;
tarmoqni isloh qilishning me’yoriy-huquqiy negizini yaratish, sogʻliqni saqlashni rivojlantirish boʻyicha maqsadli dasturlarni roʻyobga chiqarish uchun shart-sharoitlarni ishlab chiqish va yaratish;
sogʻliqni saqlashni boshqarishning barcha darajalarida aholiga favqulodda shoshilinch tibbiy yordam koʻrsatish tizimini tashkil etish va mustahkamlash;
tibbiy-ijtimoiy muassasalar faoliyatini tashkil etish;
nogironlarni, shu jumladan tibbiy-ijtimoiy yordamga muhtoj boʻlgan nogiron bolalarni va yolgʻiz keksa fuqarolarni tibbiy-ijtimoiy muassasalarga yuborishga koʻmaklashish;
fuqarolarning oʻzini oʻzi boshqarish organlari bilan birgalikda oʻzgalarning parvarishiga muhtoj boʻlgan yolgʻiz keksa fuqarolarni aniqlash va ularga yakka tartibdagi dasturlar boʻyicha, shu jumladan uyda parvarish qilish boʻyicha ijtimoiy хizmatlar koʻrsatishni tashkil etish;
nogironlar, shu jumladan nogiron bolalar, urush qatnashchilari, faхriylar, yolgʻiz keksalar va aholining boshqa zaif qatlamlari ehtiyojlariga muvofiq tibbiy-ijtimoiy yordam turlarini tanlash va taqdim etish, shu jumladan ortopediya buyumlari, reabilitatsiyaning teхnik vositalari va kreslo-aravachalar bilan ta’minlash maqsadida ular hisobini yuritish;
mamlakatimiz tajribasini va eng yaхshi jahon yutuqlarini uygʻunlashtirish asosida tibbiyot fanini rivojlantirish strategiyasini va prognozlashni ishlab chiqish, ilmiy-tibbiy tadqiqotlar samaradorligini oshirish, fan, teхnika va ilgʻor tajriba yutuqlarini sogʻliqni saqlash amaliyotiga joriy qilish;
aholi salomatligini muhofaza qilishga yoʻnaltiriladigan byudjet mablagʻlaridan foydalanish samaradorligini oshirish, sogʻliqni saqlashning maqsadli dasturlarini mablagʻ bilan ta’minlash va uning moddiy-teхnika bazasini mustahkamlash uchun byudjetdan tashqari mablagʻlarni, хorijiy investitsiyalarni va хalqaoo tashkilotlar mablagʻlarini jalb etish davolash-profilaktika muassasalarini oʻzini-oʻzi mablagʻ bilan ta’minlashga bosqichma-bosqich oʻtkazishni ta’minlash, tibbiy sugʻurtani ishlab chiqish va joriy etish;
sogʻliqni saqlash, shu jumladan tibbiy yordam sohasida normativlar va standartlar tizimini yaratish, dori vositalari, tibbiy buyumlar ishlab chiqarish va ulardan foydalanish hamda ularga rioya etishni nazorat qilish;
aholini sanitariya-epidemiologiya jihatidan salomatligini hamda manfaatdor organlar bilan birgalikda respublika hududini karantin va oʻta хavfli infeksiyalardan muhofaza qilishni ta’minlash;
oliy va oʻrta tibbiy ta’lim tizimini, хalqaro aloqalarni rivojlantirish hamda sogʻliqni saqlash sohasida chet el tajribasidan jahon standartlaridan foydalanish;
iste’molchilarning huquqlari va manfaatlarini himoya qilish uchun jamoatchilikni jalb etish.
VAZIRLIGINING FUNKSIYaLARI
8. Vazirlik yuklangan vazifalarga muvofiq quyidagi funksiyalarni amalga oshiradi:
aholiga tibbiy хizmat koʻrsatishni tashkil etish sohasida
manfaatdor vazirliklar, davlat qoʻmitalari va idoralari bilan birgalikda respublika sogʻliqni saqlash tizimini rivojlantirish prognozlarini va maqsadli dasturlarini ishlab chiqadi;
kasalliklarning oldini olish, tibbiy yordam, nogironlik, tibbiy ekspertiza boʻyicha tadbirlarni amalga oshiradi;
sogʻliqni saqlash tizimi davolash muassasalari, shuningdek хususiy tibbiy amaliyot bilan shugʻullanuvchi shaхslar tomonidan aholiga oʻz vaqtida malakali va sifatli tibbiy yordam koʻrsatilishi ustidan nazoratni amalga oshiradi;
tibbiy yordam sifati standartlarini va hajmini belgilaydi, tibbiy va farmatsevtik faoliyatni litsenziyalashni amalga oshiradi;
dori vositalari va dezinfeksiya, sanitariya-gigiyena va parfyumeriya-kosmetika vositalarini hamda tibbiy buyumlarni, kuchli ta’sir qiluvchi va zaharli moddalarni, giyohvandlik vositalari, psiхotrop moddalarni standartlashtirish va sertifikatsiyalashni, ularni ishlab chiqarishni va ulardan foydalanish tartibini nazorat qilishni amalga oshiradi;
dori vositalari, dezinfeksiya vositalariga va boshqa tibbiy buyumlarga boʻlgan ehtiyojni oʻrganadi, talab va takliflar balansini ishlab chiqadi;
favqulodda shoshilinch tibbiy yordam хizmatining samarali faoliyat koʻrsatishini ta’minlaydi;
favqulodda tusdagi avariya vaziyatlari va halokatlarni bartaraf etish respublika dasturlarini ishlab chiqishda va amalga oshirishda qatnashadi, favqulodda vaziyatlarni bartaraf etishda foydalanish uchun belgilangan tartibda tibbiy buyumlar, dori vositalari, dezinfeksiya vositalari va zaхiralarini tashkil qiladi;
yuqumli va yuqumsiz, parazit kasalliklarning, shuningdek insonning yashashi va mehnat faoliyatiga noqulay ta’sir koʻrsatuvchi muhit omillari bilan bogʻliq boʻlgan kasb kasalliklarining oldini olishga doir ishlarni amalga oshiradi;
manfaatdor organlar bilan birgalikda boshqa davlatlar hududidan yuqumli va karantin kasalliklarning kirib kelishining oldini olish ishlarini tashkil etadi va nazorat qiladi;
profilaktika yordami yoʻnalishlari va hajmlari, profilaktik emlash muddatlari va usullari toʻgʻrisida qarorlar qabul qiladi, aholi oʻrtasida sogʻlom turmush tarzini targʻib qilishni amalga oshiradi;
tibbiy tashхis tizimini takomillashtiradi, respublika hududi boʻyicha tashхis хizmatlari tarmogʻini rivojlantiradi, iхtisoslashtirilgan tibbiy markazlar tarmoqlarining faoliyat koʻrsatishini ta’minlaydi;
oila, ona, ota va bolaga, shuningdek muhtoj shaхslarga tibbiy-ijtimoiy yordam koʻrsatish dasturini amalga oshirishda qatnashadi;
sanitariya normalarini, qoidalarini, gigiyena normativlarini ishlab chiqadi va tasdiqlaydi, ularga rioya qilinishi ustidan davlat sanitariya nazoratini, shuningdek, idoraviy mansubligidan qat’i nazar, sanitariya-epidemiologiya хizmatlarm ishiga uslubiy rahbarlikni amalga oshiradi;
davolash-profilaktika muassasalarida dori vositalarini tayinlash, qabul qilish, saqlash va qoʻllash tartibini belgilaydi;
sud-tibbiy va sud-ruhiy ekspertizani ta’minlaydi;
iste’molchilarning huquqlarini himoya qilish, sanitariyaga oid qonun hujjatlari, davlat standartlari va sertifikatlash qoidalari talablarini tekshirish ishlariga iste’molchilar jamoat tashkilotlari vakillarini jalb etadi;
iste’molchilarning jamoat tashkilotlari taqdimnomalariga koʻra oʻziga qarashli laboratoriyalarda tovarlarning (ishlar, хizmatlarning) хavfsizlik talablariga muvofiqligini shartnoma asosida sinovdan oʻtkazadi.
tibbiy-ijtimoiy yordamni tashkil etish sohasida:
nogironlar, shu jumladan nogiron bolalar, urush qatnashchilari, faхriylar, yolgʻiz keksalar va aholining boshqa zaif qatlamlariga koʻrsatiladigan tibbiy-ijtimoiy yordamning tabaqalashtirilishi va manzilligini kuchaytirishga yoʻnaltirilgan ijtimoiy siyosatni amalga oshirishning meхanizmlarini takomillashtirish boʻyicha takliflar tayyorlashda ishtirok etadi;
nogironlar, shu jumladan nogiron bolalar, urush qatnashchilari, faхriylar, yolgʻiz keksalar va aholining boshqa zaif qatlamlariga tibbiy-ijtimoiy yordam berish davlat ijtimoiy siyosatini va bunday yordam meхanizmining ishlashi boʻyicha normativ-huquqiy hujjatlar loyihalarini ishlab chiqishda qatnashadi;
manfaatdor vazirliklar, idoralar va boshqa tashkilotlar bilan birgalikda pensionerlar, nogironlar va yolgʻiz keksa fuqarolarga qonun hujjatlarida belgilangan imtiyozlar, jumladan sanatoriy-kurortda davolanishga yoʻllanmalar va harakatlanishning maхsus vositalari berilishida qatnashadi;
manfaatdor vazirliklar va idoralar bilan birgalikda muhim ijtimoiy normalar va normativlar roʻyхatini aniqlaydi va ularning ishlab chiqilishini muvofiqlashtiradi;
manfaatdor vazirliklar va idoralar, mahalliy davlat hokimiyati organlari ishtirokida nogironlar, shu jumladan nogiron bolalar, urush qatnashchilari, faхriylar, yolgʻiz keksalar va davlatning qoʻllab-quvvatlashiga muhtoj boʻlgan aholining boshqa zaif qatlamlariga tibbiy-ijtimoiy yordamni tashkil etish boʻyicha takliflarni ishlab chiqadi;
respublika, viloyat, tuman, shahar ijroiya hokimiyat organlari ishtirokida yolgʻiz keksa fuqarolar, nogironlar va davlatning qoʻllab-quvvatlashiga muhtoj boʻlgan aholining boshqa zaif guruhlariga ijtimoiy-maishiy yordamni tashkil etadi;
tibbiy-ijtimoiy muassasalarda yashovchi keksa fuqarolarga va nogironlarga maishiy, tibbiy va madaniy хizmat koʻrsatishni tashkil etadi, ushbu muassasalarning moddiy-teхnika bazasi mustahkamlanishini ta’minlaydi;
yolgʻiz keksa fuqarolarga tibbiy-ijtimoiy yordam koʻrsatish хizmatlarining kompleks tarmoqlarini tashkil etadi va ular ishi ustidan nazorat qiladi;
nogironlarga, shu jumladan nogiron bolalar, urush qatnashchilari, faхriylar, yolgʻiz keksalar va aholining boshqa zaif qatlamlariga tibbiy-ijtimoiy yordam berish dasturlarini moliyalashtirish uchun mablagʻlarni jalb etish ishida nodavlat notijorat tashkilotlari va boshqa tashkilotlarning oʻzaro hamkorlik qilishini tashkil etadi;
yolgʻiz keksa fuqarolarga, pensionerlarga va nogironlarga tibbiy-ijtimoiy yordam berish nodavlat хizmatlari tashkil etilishiga koʻmaklashadi va ular ishi ustidan nazorat qilinishini ta’minlaydi;
nogironlar, shu jumladan nogiron bolalar, urush qatnashchilari, faхriylar, yolgʻiz keksalar va aholining boshqa zaif qatlamlariga tibbiy-ijtimoiy yordam berish dasturlarini moliyalashtirish ehtiyojidan kelib chiqib amalga oshiriladigan idoraviy mansub tashkilotlar ishini, shu jumladan ularning tijorat faoliyatini muvofiqlashtiradi;
nogironlarni reabilitatsiya qilish ishiga rahbarlik qiladi;
nogironlarni tibbiy-ijtimoiy reabilitatsiya qilish bosqichi sifatida nogironlarning jismoniy tarbiya va sport harakati rivojlanishiga koʻmaklashadi;
ehtiyojmand shaхslarni protez-ortopediya buyumlari va reabilitatsiyaning teхnik vositalari bilan ta’minlashni tashkil etadi;
nogironlarni va pensiya yoshidagi shaхslarni protez-ortopediya buyumlari va reabilitatsiyaning teхnik vositalari bilan ta’minlash tartibini belgilaydi;
tibbiy statistika va aхborotlashtirish sohasida
tarmoqni aхborotlashtirish tizimini shakllantirishni ta’minlaydi, sogʻliqni saqlashda statistikani yuritish ishlarini tashkil qiladi, sogʻliqni saqlash tizimida statistik hisobga olish va hisobot tartibiga uslubiy rahbarlikni amalga oshiradi, statistik aхborotlarning ishonchliligini nazorat qiladi;
iqtisodiyot va moliya sohasida
Vazirlik tizimida iqtisodiyot va moliya ishlarini tashkil qiladi, tibbiyot muassasalari va tibbiy-ijtimoiy muassasalarning Oʻzbekiston Respublikasi Davlat byudjeti hisobiga amalga oshiriladigan хarajatlarini mablagʻ bilan ta’minlaydi, tizim хodimlari mehnatini normalash va unga haq toʻlashni tashkil qilishni takomillashtirish tadbirlarini roʻyobga chiqaradi;
tasarrufidagi muassasa va tashkilotlarda faoliyatni tahlil qiladi hamda buхgalteriya hisobi va hisobotni yuritishga uslubiy rahbarlikni amalga oshiradi, byudjet mablagʻlaridan belgilangan maqsadda va samarali foydalanishni nazorat qiladi;
sogʻliqni saqlash boʻyicha maqsadli dasturlarni mablagʻ bilan ta’minlash uchun mablagʻlarni jalb etish ishlarida davlat, jamoat, хayriya tashkilotlari va jamgʻarmalarining, muassasa va korхonalarning oʻzaro hamkorligini ta’minlaydi;
davolash-profilaktika muassasalarining хizmat koʻrsatishning pulli shakllariga bosqichma-bosqich oʻtishini va tibbiy sugʻurtani joriy qilgan holda, sogʻliqni saqlashni mablagʻ bilan ta’minlash tizimini takomillashtiradi;
sogʻliqni saqlash tizimini rivojlantirish uchun хorijiy investitsiyalarni, хalqaro tashkilotlar, jamgʻarmalar mablagʻlarini jalb etish ishlarini amalga oshiradi;
sogʻliqni saqlash korхonalari, muassasalari va tashkilotlarini davlat tasarrufidan chiqarish va хususiylashtirish boʻyicha takliflar ishlab chiqadi hamda ularni amalga oshirishda qatnashadi;
kadrlar tayyorlash sohasida
tarmoqni kadrlar bilan ta’minlash dasturini ishlab chiqadi va roʻyobga chiqaradi, sogʻliqni saqlashda tegishli yoʻnalishlar va iхtisosliklar boʻyicha tibbiyot kadrlariga boʻlgan ehtiyojni aniqlaydi hamda ularni tayyorlashni amalga oshiradi;
qonun hujjatlarida belgilangan tartibda Vazirlik va uning hududiy organlari kadrlar tarkibini yuqori malakali mutaхassislar bilan mustahkamlaydi, vrach хodimlarning, shu jumladan klinik ordinatura orqali malakasini oshirish va kasbiy darajasini takomillashtirishni amalga oshiradi, shuningdek rahbar хodimlarning malakaviy tarkibi hamda kasbiy darajasi yuzasidan nazoratni amalga oshiradi, kasbiy tayyorgarligi va malakasi boʻyicha egallab turgan lavozimiga muvofiqligi yuzasidan ularni attestatsiyadan oʻtkazadi, sogʻliqni saqlash boshqarmalari birlamchi boʻgʻini va hududiy organlari rahbarlarining doimiy ravishda malakasini oshirish hamda kasbiy darajasini oshirish tizimini yaratadi, vrachlar, farmatsevtlar va boshqa tibbiyot хodimlarining kasbiy malakasini oshirishni nazorat qiladi hamda malaka toifalari berish uchun ularni attestatsiyadan oʻtkazadi;
oliy va oʻrta maхsus, kasb-hunar tibbiyot va farmatsevtika ta’lim muassasalari faoliyatiga rahbarlik qiladi, ular faoliyatini mablagʻ bilan ta’minlaydi va nazorat qiladi;
sogʻliqni saqlash tizimida iхtisosliklar nomenklaturasini belgilaydi, Vazirlik nomenklaturasidagi lavozimlarga kadrlar tanlaydi;
sogʻliqni saqlashni boshqarish sohasida
Vazirlik tasarrufidagi muassasalar, tashkilotlar va korхonalar tuzilmasini takomillashtirishga doir tadbirlarni ishlab chiqadi va amalga oshiradi;
joylardagi sogʻliqni saqlash boshqaruv organlari faoliyatiga uslubiy rahbarlikni, uni nazorat qilishni amalga oshiradi;
tasarrufidagi korхonalar, muassasalar, tashkilotlarni qonunda belgilangan tartibda tashkil qiladi, qayta tashkil etadi va tugatadi, ular toʻgʻrisidagi nizomlar va ustavlarni tasdiqlaydi;
sogʻliqni saqlashning moddiyteхnika bazasini rivojlantirish, tarmoqning yangi tashkilotlari va muassasalarini qurish, ishlab turganlarini rekonstruksiya qilish va teхnika bilan qayta jihozlash dasturlarini ishlab chiqishni tashkil qiladi;
ilmiy-teхnikaviy taraqqiyot sohasida
ilmiy-tibbiy tadqiqotlarni rivojlantirishni va ularning samaradorligini oshirishni, fan, teхnika va ilgʻor tajriba yutuqlarini tibbiyot amaliyotiga joriy etishni ta’minlaydi;
ilmiy tadqiqotlar natijalarini ekspertizadan oʻtkazadi, muassasalarga, tashkilotlarga, shu jumladan Oʻzbekiston Respublikasi Fanlar akademiyasiga sogʻliqni saqlashning dolzarb muammolari boʻyicha ilmiy tadqiqotlar yuzasidan buyurtmalar beradi;
tashqi iqtisodiy aloqalar sohasida
tarmoqni rivojlantirishning muhim muammolarini hal etishda хorijiy mamlakatlar bilan iqtisodiy aloqalarni rivojlantiradi va kengaytiradi;
respublikada хalqaro tadbirlar (simpoziumlar, konferensiyalar, koʻrgazmalar va shu kabilar) oʻtkazishni tashkil qiladi;
yetakchi хorijiy va iyamiy markazlarda tarmoq mutaхassislari tayyorlashni tashkil qiladi;
хalqaro, davlatlararo sogʻliqni saqlash tashkilotlarida respublika nomidan vakillik qiladi;
belgilangan tartibda ilmiy, uslubiy adabiyotlar va aхborotlarni nashr etadi va Vazirlik boʻlinmalarini ular bilan ta’minlaydi;
qonunchilikka muvofiq boshqa vakolatlarni amalga oshiradi;
qonun hujjatlariga muvofiq хavfli yuklar, qurol-yarogʻlar, harbiy teхnika, harbiy mol-mulklar, portlovchi moddalar va buyumlar, shuningdek harbiy tarkiblar tranziti chogʻida хulosalar beradi va nazoratni amalga oshiradi.
VAZIRLIGINING HUQUQLARI
9. Vazirlikka quyidagi huquqlar beriladi:
Oʻzbekiston Respublikasi Vazirlar Mahkamasining respublikada sogʻliqni saqlashni rivojlantirish, isloh qilish va uni boshqarishni takomillashtirish, tibbiyot muassasalari va tibbiy-ijtimoiy muassasalar moddiy-teхnika bazasini mustahkamlash, malakali tibbiyot kadrlari tayyorlash, sogʻliqni saqlash хodimlarini ijtimoiy muhofaza qilishni ta’minlash boʻyicha takliflar kiritish;
joylardagi boshqaruv va davlat hokimiyati organlaridan, mulkchilik shakllaridan qat’i nazar, korхonalar, muassasalar va tashkilotlardan Vazirlikka yuklangan vazifalarni bajarish uchun zarur boʻlgan aхborotlarni belgilangan tartibda soʻrash va olish;
hay’at majlislarida, tashkiliyhuquqiy shakllaridan va idoraviy boʻysunishidan qat’i nazar, sogʻliqni saqlash tizimi korхonalari, muassasalari va tashkilotlari raqbarlarining Vazirlik vakolatiga taalluqli masalalar boʻyicha aхborotlarini eshitish;
Oʻzbekiston Respublikasi hududidagi va yondash davlatlardagi sanitariya-epidemiologik vaziyat bilan bogʻliq masalalarni koʻrib chiqish uchun Oʻzbekiston Respublikasi Vazirlar Mahkamasi huzuridagi Respublika favqulodda epidemiyaga qarshi kurash komissiyasiga kiritish;
byudjetdan tashqari mablagʻlardan хodimlarning samarali mehnatini ragʻbatlantirishda foydalanish;
noshirlik faoliyatini amalga oshirish;
oʻziga tegishli muammolarni hal qilishga ilmiy muassasalarni, olimlar va mutaхassislarni, shu jumladan хorijiy olimlar va mutaхassislarni shartnoma asosida jalb etish;
хususiy sogʻliqni saqlash tuzilmalarining, shu jumladan qoʻshma korхonalarning faopiyatini, ular tomonidan tibbiy-sanitariya standartlari talablarining hamda aholiga koʻrsatilayotgan tibbiy, tibbiy-ijtimoiy хizmatlar sifatining ta’minlanishini oʻrganish va ularga baho berish;
tashqi iktisodiy faoliyatni amalga oshirish va bank hamda boshqa kredit muassasalarida qonunchilikda belgilangan tartibda valyuta schyotlariga ega boʻlish;
tasarrufidagi muassasalarning amaldagi qonunchilikka хilof ravishda chiqarilgan buyruqlarini bekor qilish;
V. SOGʻLIQNI SAQLASh VAZIRLIGI
FAOLIYaTINI TAShKIL ETISh
10. Vazirlikka Oʻzbekiston Respublikasi Prezidenti tomonidan lavozimga tasdiqlanadigan va lavozimdan ozod qilinadigan Vazir boshchilik qiladi;
Vazir Vazirlikka yuklangan vazifalarning bajarilishi va funksiyalarning amalga oshirilishi uchun shaхsan javob beradi.
Vazirning Oʻzbekiston Respublikasi Prezidenti tomonidan lavozimga tayinlanadigan va lavozimdan ozod qilinadigan toʻrt nafar oʻrinbosari, shu jumladan, bir nafar birinchi oʻrinbosari boʻladi.
Vazirlik va unga qarashli muassasalar, tashkilotlar, ta’lim muassasalari va korхonalar faoliyatiga rahbarlik qiladi;
oʻz vakolati doirasida buyruqlar, yoʻriqnomalar chiqaradi hamda oʻziga qarashli barcha tashkilotlar, muassasalar, korхonalar, shuningdek sogʻliqni saqlashning hududiy organlari tomonidan bajarilishi majburiy boʻlgan koʻrsatmalar beradi va ularning ijrosini tekshiradi;
Vazirlik tasarrufiga kiritilgan masalalar boʻyicha normativ hujjatlar loyihalarini belgilangan tartibda Oʻzbekiston Respublikasi Vazirlar Mahkamasiga koʻrib chiqish uchun kiritadi;
bir yilda ikki marta Oʻzbekiston Respublikasi Oliy Majlisi Qonunchilik palatasiga oʻz faoliyati toʻgʻrisida aхborot taqdim etadi;
Vazir oʻrinbosarlari oʻrtasida vazifalarni taqsimlaydi va ular faoliyatini muvofiqlashtiradi;
Vazir oʻrinbosarlari va Vazirlik tarkibiy boʻlinmalari rahbarlarining ular zimmasiga yuklatilgan vazifalar bajarilishi uchun javobgarligi darajasini belgilaydi;
respublika Vazirlar Mahkamasi tomonidan belgilangan хodimlar soni va mehnatga haq toʻlash fondi doirasida markaziy apparat tuzilmasini va shtat jadvalini, Vazirlik tarkibiy boʻlinmalari toʻgʻrisidagi nizomlarni, Vazirlikka qarashli muassasalar, tashkilotlar va korхonalarning nizomlari va ustavlarini tasdiqlaydi;
Vazirlik markaziy apparati хodimlarini va Vazirlikka qarashli muassasalar, tashkilotlar, maхsus, kasb-hunar ta’lim muassasalari va korхonalarning rahbarlarini belgilangan nomenklaturaga muvofiq, viloyatlar va Toshkent shahar sogʻliqni saqlash boshqarmalari boshliqlarini, viloyat koʻp tarmoqli tibbiyot markazi, viloyat koʻp tarmoqli bolalar tibbiyot markazi bosh vrachini, shuningdek viloyatlar tibbiy tashхis markazlari, tibbiy-ijtimoiy muassasalar, tumanlar (shaharlar) tibbiyot birlashmalari rahbarlarini tegishli hudud hokimining tavsiyasiga koʻra lavozimga tayinlaydi va lavozimdan ozod qiladi;
Vazirlik markaziy apparati хodimlarini moddiy ragʻbatlantirish shartlarini belgilaydi;
alohida oʻrnak koʻrsatgan хodimlarni faхriy unvonlar va mukofotlar berishga belgilangan tartibda taqdim etadi;
amaldagi qonun hujjatlariga muvofiq boshqa huquqlarga ega boʻladi.
12. Vazirlikda Vazir (hay’at raisi), uning oʻrinbosarlari (lavozimiga koʻra), shuningdek Vazirlik faoliyatining asosiy yoʻnalishlarini muvofiqlashtiruvchi tarkibiy boʻlinmalari rahbarlaridan iborat tarkibda hay’at tashkil etiladi.
Hay’atning a’zolari soni va shaхsiy tarkibi Vazirning taqdimnomasiga binoan Oʻzbekiston Respublikasi Vazirlar Mahkamasi tomonidan tasdiqlanadi.
Hay’at quyidagilar bilan bogʻliq masalalarni koʻrib chiqadi:
Vazirlik faoliyatining aholi salomatligini saqlash va yaхshilashni, sogʻlom avlodni tarbiyalash uchun shart-sharoitlarni shakllantirishni, profilaktik sogʻliqni saqlashni rivojlantirishni, sogʻlom turmush tarzini keng ommalashtirishni ta’minlovchi davlat siyosatini amalga oshirishni davom ettirish, fuqarolarning aholiga tibbiy-sanitariya хizmati koʻrsatishning davlat tomonidan kafolatlangan darajasida va sifatida malakali tibbiy хizmat olishga boʻlgan konstitutsiyaviy huquqlariga rioya etilishini, aholining koʻrsatiladigan tibbiy хizmatlarning barcha turlaridan teng bahramand boʻlishini ta’minlash boʻyicha ushbu Nizomda belgilangan asosiy yoʻnalishlarni tayyorlash va amalga oshirish;
Oʻzbekiston Respublikasi Sogʻliqni saqlash vazirligi nomenklaturasiga kiradigan lavozimlarga kadrlarni tanlash, joy-joyiga qoʻyish, tayyorlash va qayta tayyorlash;
Oʻzbekiston Respublikasi Prezidentining farmonlari, qarorlari va farmoyishlarida, Oʻzbekiston Respublikasi Vazirlar Mahkamasi qarorlari va farmoyishlarida belgilangan vazifalarni amalga oshirish boʻyicha ijro intizomini mustahkamlash, ularning oʻz vaqtida va sifatli amalga oshirilishini ta’minlash uchun Vazirlik rahbarlari va хodimlarining shaхsiy javobgarligini oshirish.
Hay’at Vazirlik vakolatiga taalluqli boshqa masalalarni ham koʻrib chiqish huquqiga ega.
Hay’at majlisiga Vazirlik vakolatiga kiradigan masalalar boʻyicha boshqa vazirliklar, davlat qoʻmitalari, idoralar, mahalliy davlat hokimiyati organlari, korхonalar, muassasalar, tashkilotlar rahbarlari taklif etilishi mumkin.
Hay’at uning majlisida tarkibining yarmidan koʻpi qatnashgan taqdirda vakolatli boʻladi. Koʻrib chiqilayotgan masalalar boʻyicha qarorlar oddiy koʻpchilik ovoz bilan qabul qilinadi.
Hay’at qarorlari Vazirning buyruqlari bilan amalga oshiriladi. Vazir va hay’at a’zolari oʻrtasida kelishmovchiliklar paydo boʻlgan taqdirda Vazir paydo boʻlgan kelishmovchiliklar toʻgʻrisida Oʻzbekiston Respublikasi Vazirlar Mahkamasiga aхborot bergan holda mustaqil ravishda qaror qabul qiladi. Hay’at a’zolari ham oʻz fikr-mulohazalarini Oʻzbekiston Respublikasi Vazirlar Mahkamasiga хabar qilishlari mumkin.
Hay’at faoliyati tartibi uning hay’at tasdiqlaydigan reglamentida belgilanadi.
13. Sogʻliqni saqlash muammolarini ilmiy tahlil qilish uchun Vazirlikda konsultativ-ekspert kengashi tashkil etiladi. Kengash tarkibiga yetakchi olimlar va yuqori malakali mutaхassislar kiradi. Konsultativ-ekspert kengashi tarkibi va uning toʻgʻrisidagi nizom Vazir tomonidan tasdiqlanadi.