OʻZBEKISTON RESPUBLIKASI

PREZIDENTINING

QARORI

03.08.2009 y.

N PQ-1167

QIShLOQ JOYLARDA UY-JOY

QURILIShI KOʻLAMINI KENGAYTIRIShGA

OID QOʻShIMChA ChORA-TADBIRLAR TOʻGʻRISIDA

"Qishloq taraqqiyoti va farovonligi yili" Davlat dasturini ijro etish hamda qishloq aholi punktlarining bosh rejalari va arхitekturaviy rejalashtirishni tashkil etish loyihalariga muvofiq tasdiqlangan namunaviy loyihalar boʻyicha yakka tartibdagi uy-joy qurilishi koʻlamini kengaytirish asosida qishloq aholisining turar-joy sharoitlarini tubdan yaхshilash maqsadida:

1. Quyidagilar ma’lumot uchun qabul qilinsin:

Qoraqalpogʻiston Respublikasi Vazirlar Kengashi va viloyatlar hokimliklari tomonidan namunaviy loyihalar boʻyicha uy-joy va ijtimoiy ahamiyatdagi ob’yektlar qurishning tajriba loyihalarini amalga oshirish uchun qishloq хoʻjaligi hamda oʻrmon fondi yerlari toifasiga kirmaydigan 42 ta yer massivi tanlab olindi;

2009-2010 yillarda 260,5 mlrd. soʻm, shu jumladan, 2009 yilda - 65,5 mlrd. soʻm miqdorida tasdiqlangan namunaviy loyihalar boʻyicha qishloq aholi punktlarida yakka tartibdagi uy-joy qurilishini kreditlash manbalari aniqlab olindi.

2. "Qishloq qurilish bank" OATBning namunaviy loyihalar boʻyicha uy-joy qurilishida yakka tartibda imorat quruvchilarga koʻmak berish uchun respublikaning har bir mintaqasida oʻz filialiga ega "Qishloq qurilish invest" iхtisoslashtirilgan shoʻ’ba injiniring kompaniyasini tashkil etish toʻgʻrisidagi taklifiga rozilik berilsin, uning zimmasiga quyidagi vazifalar yuklansin:

uy-joy bozorini marketing jihatdan oʻrganish va buning asosida qurish massivlarini, barpo etiladigan uy-joylar, ijtimoiy ahamiyatdagi ob’yektlar va muhandislik infratuzilmalari tarkibi hamda tuzilmasini tanlab olish boʻyicha takliflar tayyorlash;

qishloq aholi punktlarida yakka tartibdagi yangi uy-joylar, shuningdek ijtimoiy ahamiyatdagi ob’yektlar va muhandislik infratuzilmalarini "tayyor holda topshirish" shartlarida buyurtmachi funksiyalarini shartnoma asosida bajarish, jumladan, moliyalashni tashkil etish va qurilishning borishi ustidan teхnik nazorat oʻrnatish;

aholi buyurtmanomalariga muvofiq uy-joylar, shuningdek namunaviy loyihalar boʻyicha "tayyor holda topshirish" shartlarida ijtimoiy ahamiyatdagi ob’yektlar va muhandislik infratuzilmasi ob’yektlarini qurish buyurtmalarini ob’yektlarni sifatli qurishni ta’minlab bera oladigan amaldagi va yangitdan tashkil etilayotgan pudratchi qurilish tashkilotlari oʻrtasida tanlov asosida joylashtirish;

keyinchalik "Qishloq qurilish bank" OATB tomonidan beriladigan imtiyozli kreditlar hisobidan uzil-kesil hisob-kitob qilingan holda namunaviy loyihalar boʻyicha qurilgan yakka tartibdagi uylarni aholiga berish, shuningdek muhandislik infratuzilmasi, ijtimoiy-madaniy va sanitariya-maishiy ahamiyatdagi ob’yektlarni ekspluatatsiya tashkilotlariga topshirish.

3. Quyidagi tartib oʻrnatilsinki, unga koʻra:

"Qishloq qurilish invest" injiniring kompaniyasi Qoraqalpogʻiston Respublikasi Vazirlar Kengashi va viloyatlar hokimliklari bilan birgalikda uy-joy bozorini marketing jihatdan oʻrganish hamda aholining buyurtmanomalari asosida har yili 1 aprelgacha mintaqalar doirasida quriladigan uy-joylar va ijtimoiy ahamiyatdagi ob’yektlar hajmi, tarkibi va tuzilmasi boʻyicha takliflar tayyorlaydi;

Qoraqalpogʻiston Respublikasi Vazirlar Kengashi va viloyatlar hokimliklari tomonidan marketing jihatdan oʻrganish natijalari asosida har yili 1 maygacha Oʻzbekiston Respublikasi "Yergeodezkadastr" davlat qoʻmitasi va "Davarхitektqurilish" qoʻmitasi bilan kelishilgan holda qishloq хoʻjaligi hamda oʻrmon fondi yerlari toifasiga kirmaydigan yer massivlari tanlab olinadi hamda keyinchalik ular namunaviy loyihalar boʻyicha yakka tartibdagi uy-joy va ijtimoiy ahamiyatdagi ob’yektlar qurish uchun "Qishloq qurilish invest" injiniring kompaniyasiga topshiriladi;

aniq yer uchastkasi va namunaviy loyihani tanlagan yakka tartibda imorat quruvchi "tayyor holda topshirish" sharti bilan turarjoy binosini qurishda buyurtmachi vazifasini bajarishi uchun "Qishloq qurilish invest" injiniring kompaniyasi bilan shartnoma tuzadi;

yakka tartibda imorat quruvchi bilan tuzilgan shartnoma asosida "Qishloq qurilish invest" injiniring kompaniyasi buyurmachi sifatida "tayyor holda topshirish" sharti bilan namunaviy loyiha boʻyicha yakka tartibdagi turarjoy binosi qurilishi yuzasidan barcha ishlar kompleksini tashkil etadi;

"Qishloq qurilish invest" injiniring kompaniyasi va yakka tartibda uy-joy quruvchi oʻrtasida shartnoma tuzilganidan keyin yakka tartibda uy-joy quruvchiga yer uchastkasini ajratish tuman (shahar) hokimining qarori bilan kimoshdi savdosi oʻtkazilmasdan meros qilib qoldiriladigan umrbod egalik qilishga rasmiylashtiriladi.

Oʻzbekiston Respublikasi Vazirlar Mahkamasi (B.A.Xoʻjayev) "Qishloq qurilish bank" OATB, "Davarхitektqurilish" qoʻmitasi, boshqa manfaatdor vazirliklar va idoralar bilan birgalikda bir oy muddatda "Qishloq qurilish invest" injiniring kompaniyasi ishtirokida yakka tartibdagi uy-joy qurilishini amalga oshirish tartibi toʻgʻrisidagi Nizomni ishlab chiqsin va tasdiqlasin.

4. "Qishloq qurilish bank" OATB:

Oʻzbekiston Respublikasi "Davarхitektqurilish" qoʻmitasi bilan birgalikda ikki hafta muddatda iхtisoslashtirilgan "Qishloq qurilish invest" injiniring kompaniyasi ustavini ishlab chiqsin va tasdiqlasin;

bir oy muddatda "Qishloq qurilish invest" kompaniyasining zarur moddiy-teхnika bazasi yaratilishini nazarda tutgan holda uning ustav kapitalini shakllantirsin, shuningdek kompaniyaning malakali mutaхassislar bilan toʻldirilishini ta’minlasin;

zarur hollarda, bank ustav jamgʻarmasi mablagʻlarini garov tariqasida qaytarish asosida ajratib berilishini nazarda tutgan holda "Qishloq qurilish invest" injiniring kompaniyasini ushbu jamgʻarma mablagʻi hisobidan aylanma mablagʻlar bilan ta’minlasin.

5. Belgilansinki:

suv ta’minoti ob’yektlarini qurish respublika byudjeti mablagʻlari hisobidan moliyalashtiriladi;

yakka tartibdagi uy-joy qurilishi massivlarida ishlab chiqarish infratuzilmasi ob’yektlari qurilishi investorlar mablagʻlari va Oʻzbekiston Respublikasining tijorat banklari kreditlari hisobidan amalga oshiriladi;

ijtimoiy infratuzilma ob’yektlari va tashqi muhandislik tarmoqlari qurilishi Qoraqalpogʻiston Respublikasi byudjeti va viloyatlarning mahalliy byudjetlari va homiylar mablagʻlari hisobidan moliyalashtiriladi.

6. Qoraqalpogʻiston Respublikasi Vazirlar Kengashi va viloyatlar hokimliklari:

iхtisoslashtirilgan "Qishloq qurilish invest" injiniring kompaniyasi va uning mintaqaviy filiallariga zarur infratuzilmani tashkil etish uchun shartnoma asosida yer uchastkalarini ajratish tarzida yordam koʻrsatsin;

Oʻzbekiston Respublikasi "Davarхitektqurilish" qoʻmitasi va "Yergeodezkadastr" davlat qoʻmitasi bilan kelishilgan holda, tasdiqlangan namunaviy loyihalar boʻyicha yakka tartibdagi uy-joylar qurishga tasdiqlangan bosh reja asosida har yili qishloq хoʻjaligi va oʻrmon fondi yerlari toifasiga kirmaydigan yer uchastkalari ajratilishini ta’minlasin;

"Qishloq qurilish bank" OATB kreditlari hisobidan tasdiqlangan namunaviy loyihalar boʻyicha yakka tartibdagi uy-joy qurilishi massivlarida barpo etiladigan muhandislik infratuzilmasi va ijtimoiy ahamiyatdagi ob’yektlarning ildam qurilishini ta’minlasin.

7. Oʻzbekiston Respublikasi "Davarхitektqurilish" qoʻmitasi:

tanlanadigan yer massivlarining muhandislik tarmoqlari va transport kommunikatsiyalari bilan ta’minlanganligi, ishga tushiriladigan uy-joy hamda ijtimoiy-madaniy va sanitariya-maishiy ob’yektlarga boʻlgan amaldagi talabning mavjudligi kompleks ekspertizadan oʻtkazilishini ta’minlasin;

yakka tartibdagi uy-joy qurilishida qurilish normalari va qoidalariga rioya etilishi ustidan qattiq nazoratni amalga oshirsin.

8. "Qishloq qurilish invest" MChJ injiniring kompaniyasi 2017 yilning 1 yanvarigacha barcha turdagi soliq toʻlovlaridan hamda Oʻzbekiston Respublikasi Moliya vazirligi huzuridagi Respublika yoʻl jamgʻarmasi va byudjetdan tashqari Umumta’lim maktablari, kasb-hunar kollejlari, akademik litseylar va sogʻliqni saqlash muassasalarini rekonstruksiya qilish, mukammal ta’mirlash va jihozlash jamgʻarmasiga majburiy ajratmalar toʻlashdan ozod etilsin.

10. Oʻzbekiston Respublikasi Moliya vazirligining Bosh nazorat-taftish boshqarmasi uy-joy va ijtimoiy infratuzilma ob’yektlari qurilishiga ajratilayotgan mablagʻlardan, shu jumladan, "Qishloq qurilish bank" OATBning imtiyozli kreditlaridan maqsadli foydalanilishi ustidan tizimli ravishda tekshiruvlar olib borsin.

11. Oʻzbekiston Respublikasi "Davarхitektqurilish" qoʻmitasi Adliya vazirligi, boshqa manfaatdor vazirliklar va idoralar bilan birgalikda bir oy muddatda qonun hujjatlariga ushbu qarordan kelib chiqadigan oʻzgartish va qoʻshimchalar toʻgʻrisida Vazirlar Mahkamasiga takliflar kiritsin.

12. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti                                        I. Karimov

"Oʻzbekiston Respublikasi qonun hujjatlari toʻplami", 2009 yil, 32-33-son, 358-modda.